الرسائل

1

الهجرة و واللاجئين / رد: ممكن استفسار

« في: 00:55 05/07/2011  »

اشكرك استاذي على النصيحه
اني الحمدلله ماكو اي تهديد او شي
القصه و ما بيها اني مليت من انتظار اللا شيء
اني و زوجتي من ال2005 تخرجنا
و صار ميت معامله نقدم و ماكو نتيجه
و الى متي محد يعرف
و الاسعار تجيب و تصعد من كل النواحي
و سيوله ماكو
لذلك فكرت بالهجرة او اللجوء
مع العلم اني ابد مو مقتنع بيها
بس من اللا جاره

2

الهجرة و واللاجئين / رد: ممكن استفسار

« في: 22:13 04/07/2011  »

اخي هاي سالفة تشك الجواز شيلها من بالك,,لان مال تطلع قجغ و تورط روحك و تورط عائلتك هاي مجازفة و هدر لفلوسك...الاخوان قصدو انه تطلع لاحدى دول الجوار مثل الاردن,سوريا,مصر,لبنان,تركيا و تقدم على لجوء عن طريق الامم المتحدة ال UN

شكرا على الرد اختي العزيزة
و الله يقدم الي بيه الخير
بس هي ينرادلها مصاريف و مو شغله لا شهر و لا شهرين
لان ولد صديقي بقه من ال2006 و الى ال2009 يله حصل لجوء
يعني بالعاميه اكوم اشحذ بعمان او سوريا الى ان احصل اللجوء
الله ارحم الراحمين
و اشكرك مجددا

3

الهجرة و واللاجئين / رد: ممكن استفسار

« في: 12:30 04/07/2011  »

شو سكته؟؟
ماكو اي رد؟

4

الهجرة و واللاجئين / رد: ممكن استفسار

« في: 20:53 02/07/2011  »

السلام عليكم
اشكركم الف الف شكر على الرد
اني ابالي شغله اللجوء
و بصراحه اكثر من شخص كلولي انه اسافر لاي دوله اوربيه و امزق الجواز و ما اعرف ايش
و اني هاي الشغله متخوف منها و خاصه العراقي غير مرحب بيه كما هو معروف و اخاف يسلموني للسفارة و تعال يا عمي خلصني و يطلعوني ارهابي
ارجو بيان الطريقه الصحيحه و الامنه و لكم جزيل الشكر

5

الهجرة و واللاجئين / ممكن استفسار

« في: 13:21 02/07/2011  »

مساء الخير
و شكرا على قبولي بمنتداكم
و اتمنى الموفقيه للجميع
بس العفو عندي استفسار  اتمنى من الي عندهم خبره و تجارب يساعدوني بيها
حالي حال الالاف العراقيين اريد اطلع و ارتاح من وضعك العراق الي يوم عن يوم يصير اسوء
سؤالي
ايها افضل اللجوء ام الهجرة؟
وهل الحصول على اي منها مستحيل ام
اتمنى احد يكون عنده جواب شافي لان اني مزوج و عندي اطفال 2
و اخاف اطلع مثل ما يكون من حفرة و اوكع بحفرة اغمق
و شكرا مجددا