الرسائل

1

مواضيع الحياة العامة في بلاد المهجر (امريكا) / رد: سؤال بخصوص ولاية إلينوي - شيكاغو

« في: 06:06 21/09/2014  »

والله تكساس العمل بيهه متوفر والصرفيات هواية اقل, بالتوفيق

2

الهجرة و واللاجئين / رد: اود الاقامه في الجزائر انا من العراق

« في: 06:02 21/09/2014  »

والله ماأعرف تفاصيل اكثر

3

مواضيع الحياة العامة في بلاد المهجر (امريكا) / رد: انفصام الشخصية الامريكية .....الشيزوفرينية الامريكية

« في: 06:49 18/09/2014  »

أخي هيه هاي الطبيعة الإنسانية وخاصة العربية وبالخصوص العراقية
, آني عشت بأوربا فترة , الجنسية اهناك اصعب من امريكا, فتلكي اكو ناس صارلهم عشر سنين بله جنسية , فتلكي الي مكدر يحص الجنسية تسأله ليش ؟ يكلك : حرام ! , ولما يحصلهه ابنه ؟!!! حلال ههههههه اشبع شيزوفرينيا

4

مواضيع الحياة العامة في بلاد المهجر (امريكا) / رد: سؤال بخصوص ولاية إلينوي - شيكاغو

« في: 06:44 18/09/2014  »

شيكاغو احد المدن الكبيرة بأمريكا, آني معايش بشيكاغو , بس هيه حالهه حال المدن الكبيرة العيشة بيهه اغلة من الباقين , اما موضوع السيارة فأسعار السيارات تقريبا نفس الشي بكل الولايات , بالنسبة للمستعمل سعره نص سعر السيارة نفسهه بالعراق, اما الجديد الي مماشية فتقريبا نفس السعر او ارخص شويه

5

الهجرة و واللاجئين / رد: ساكنة في فرجينيا

« في: 05:54 18/09/2014  »

فيرفاكس بفرجينيا اعرفهه , شكد معدل الإيجار للغرفتين , اكو شقق قريبه من محطة الميترو بحيث الواحد يتمشه للمحطة ؟

6

مواضيع الحياة العامة في بلاد المهجر (اوروبا) / رد: ايطاليا مساعدة

« في: 20:47 17/09/2014  »

والله اخي اكيد اكو شنگن بتركيا، بس ياترى عندك واحد ثقة ؟!
فيزة الشنگن اذا تريد تحصلهه بطريقة رسمية فتحتلج تستوفي عدد من الشروط، اهمهه وجود رصيد بحسابك بالبنك بقيمة ٣٠ الف يورو، يعني تقريبا ٤٠ الف دولار، يعني ٤٠٠ ورقة، وتأمين صحي يغطي الاتحاد الاوربي، وحجز فندق وتذكرة طيارة وتقنع السفير او القنصل انك فعلا حترجع لأن عندك عمل او ملك او عائلة، تكلفة التقديم للفيزة ١٠٠ دولار فقط.
وأكو طرق ملتوية اخرى يسووهه اصحاب المكاتب، يزورولك كل المتطلبات ومن خلال علاقتهم داخل السفارة تمشي الاوراق بشكل طبيعي، بس هذي تگلف من ٣٠٠٠ الى ١٠٠٠٠ دولار، حسب الفيزة بياسفارة وبيهه بصمة لو لا، لأن الي بيهه بصمة متفيد للي يريد اللجوء، لأن الفيزة تضهر عدهم ويرجعوك مثل مصار بصديقي، لأن طالب اللجوء لازم ميكون داخل بفيزة بأوربا.

7

مواضيع الحياة العامة في بلاد المهجر (اوروبا) / رد: ايطاليا مساعدة

« في: 18:52 17/09/2014  »

والله ما انصحك بالتهريب، افضلك ترجع لكردستان وتحصلك فيزة شنگن، التهريب اغله ويطول وصعب جدا

8

الهجرة و واللاجئين / رد: اود الاقامه في الجزائر انا من العراق

« في: 18:42 17/09/2014  »

اخي العزيز، الجزائر حالهه حال اي دولة تحتاج الى سبب حته ينطوك الفيزة اولا، اما فيزة سياحية وهاي تحتاجلهه واحد جزائري يسويلك دعوة بوزارة الخاررجية. الجزائرية وتحصل على الموافقة، او لغرض لدراسة وهذي تحتاجهه من جامعة جزائرية.
اذا دخلت ممكن تقدم على الاقامة بشرط وجود سبب، اقامة عمل مثلا اذا تريد تفتح مشروع.
الجزائر حالهه حال اي دولة عربية تعاني من مشاكل البطالة، لكن هناك حالة، الجزائر من الدول العربية القليلة الي مازالت مصاريف العيشة بيهه رخيصة ومناسبة.

9

الهجرة و واللاجئين / رد: معلومات وحول اللجوء الى اليونان/للافادة

« في: 18:30 17/09/2014  »

هذه الموضوع شگد قديييييييييييييم
ذكرتونه بأيام زمان باليونان من اجمل البلدان بس متنطي إقامة ومابيهه ضمان

10

اجتماعيات (ترحيب، تهاني و تعازي منتدى الهجرة) / رد: اليوم ال10 في امريكا

« في: 20:20 27/05/2014  »

مبروك، البداية كلش صعبة، موفقين

11

الهجرة و واللاجئين / رد: كم سؤال للموجودين بأميركا وكاليفورنيا بلا زحمه ..

« في: 06:19 22/05/2014  »

جابة على السؤال الأول , الجواب حسب السيارة , إذا كانت السيارة حديثة فالأحسن اتخدام البنزين السوبر او البريميم, لأن يطيل عمر المحرك ويزيد من المسافة الي تقطعهه السيارة بالكالون الواحد, أما أذا كانت السيارة قديمه والمحرك محرك عادي , فمايحتاج إلى بنزين محسن, لأن حيكون مجرد مضيعة للفلوس , لأن المحرك القديم ماتفرق عنده , مثال , آني عندي سيارة موديل 95 مكتوب على مكان عدادات السرعة انو المحرك يستخدم البنزين الخالي من الرصاص , يعني ارخص واحد, ولهذا إذا استعمل بنزين محسن , ماحيفرق لا بأداء المحرك ولا بعمره , مجرد فلوس ضايعة
ولهذا الجواب الصحيح , حسب  السيارة

12

الهجرة و واللاجئين / رد: انترنت شبه مجاني للعوائل الي عدهة اطفال بالمدارس ودخله قليل

« في: 17:00 06/02/2014  »

والله اني سامع انو بطئ
ياريت لو واحد يذكرلنه سرعة الداون لود شكد هذه مال الطلاب

13

الهجرة و واللاجئين / رد: مساعده لشخص عاد من امريكا

« في: 00:22 06/02/2014  »

صاحبك سوه عين العقل ورجع للعراق , لايتخبل ويرجع

14

الهجرة و واللاجئين / رد: منو عندة معلومات عن تينيسى . ونوع المساعدات التى تقدم

« في: 17:56 22/11/2013  »

تسلم اخويه بس استفسار ثاني اذا امكن ولو طولته عليك بس واحد بدون كفيل مثل التايه
يعني احنه ان شاءالله من نوصل ماجريلنه بكل الفلوس الي المفروض مخصيصه النه مو شهر واحد والباقي بعدين ومن انحول على الولايه الثانيه يحولون باقي الفلوس المتبقيه لو ماكو هيج شي
لان اني دائما اسمع همه اياجرون من (6-8)اشهر يعني فرضا واحد راد ايغير سكنه شنو يجبرونه انضل بيه
وشكرا جزيلا مقدما

اخي تره الانتقال مو شي سهل بأمريكا، حته لو داخل الولاية، فكيف من ولاية لولاية، لذلك اني اعتبر اختيار الولاية شي مصيري.
فأنت احزم امرك على ولاية تبقه بيهه، هاي واحد، اثنين اذا تجي لتنسي المنظمة تدفعلك ايجار 6-8 اشهر، بس على شرط بتنسي بالمكان الي اجرولكياه، اذا ثاني يوم تريد تنتقل لأي مكان آخر، سواء الشقة المجاورة او ولاية ثانية، فهمه يگلولك الله وياك براحتك بس احنه بعد ماندفعلك ايجار، راحت عليك، باقي المساعدات ممكن تنتقل، بس الأيجار لا.

15

الهجرة و واللاجئين / رد: منو عندة معلومات عن تينيسى . ونوع المساعدات التى تقدم

« في: 17:09 29/10/2013  »

السلام عليكم
اذا امكن بس استفسار بالنسبه الي اني همين ولاية تنسي وماعندي كفيل وحسب مقريت انو همه مينطونه كاش زين اذا ردت اغير الولايه مباشرة بعد الوصول شلون اصرف حتى حقوقي مضيع عليه او يكونون همه صارفيه
ممكن اتكولولي شلون اصرف واكون جدا ممنونه للي يعرف رجاءا

اذا وصلت امريكا على تنسي حتلگيهم اجرولك الشقه ومحضريلكياهه، اذا تريد تبدل الولاية حيگلولك الله وياك بس سقطت كل حقوقك لأن احنا صرفنا فلوسك اهنا.

16

الهجرة و واللاجئين / رد: منو عندة معلومات عن تينيسى . ونوع المساعدات التى تقدم

« في: 17:39 17/10/2013  »

ولاية تنسي ولاية وسط من كل النواحي، ناسهه طيبين ، الشغل التعبان خير من الله ههههه
السكن الحكومي (لو انكم هاوسنك، وليس السكشن ايت) 6-12 شهر يتحصل (بالولابات الشمالية اقل شي 3 سنوات)
المساعدات 6 اشهر ايجار وكهرباء و 200 للفرد كل شهر، ماكو ولكم كاش بتنسي.
ولاية تنسي بيهه اكبر جالية كردية بالولايات المتحدة.
المطاعم والأسواق والجوامع متوفرة.

17

الهجرة و واللاجئين / رد: سؤال بخصوص تكاليف الولادة في اميركا

« في: 17:19 17/10/2013  »

السلام عليكم
ممكن سؤال ....
اني قدمت فيزا على اميركا... والفيزا طلعتلي.. وناويه من اروح هناك اقدم على لجوء طبعا اني وزوجي .. بس صادف اني حملت والان اني متردده من السفر لخوفي من تكاليف الولاده الباهضه واخاف منكدر عليها .. فسؤالي .. اكو احد يعرف شكد تكاليف الولادة بااميركا تحديدا كاليفورنيا
وتفاصيل هذا الموضوع اذا اي احد يعرف .. واكون شاكره وممتنه الكم

اذا تم تقديم طلب اللجوء فأما القبول او الرفض وهذي العملية حسب علمي تاخذ مدة سنة تقريبا قبل البت بالقرار.
على فرض انو القرار بالقبول اجه بسرعة وتمت الولادة بعد الموافقة فحتكون تكاليف الولادة مجانية، كونكم لاجئين جدد، وماعدكم دخل.
اما اذا تمت الولادة قبل الحصول على قراراللجوء ... وهذا هو المرجح، فذاك الوكت الله اعلم ! ماعندي معلومات كافية، لكن اعتقد انو تكاليف الولادة حتتسجل دين في رقبتكم.
الولادة الطبيعية تكاليفهه 7-15 الف دولار، والقيصرية 20-40 الف دولار.

18

الهجرة و واللاجئين / رد: siv والحبايه

« في: 20:37 11/09/2013  »

ياخذ حباية برستول هههههه والله اول مرة اسمع بموضوع الحباية

19

مواضيع الحياة العامة في بلاد المهجر (امريكا) / رد: استفسار بخصوص نوع السيارة

« في: 09:42 04/07/2013  »

الأمريكان البيض قافلين على الأمريكي , القليل منهم ياخذ غير الأمريكي, السود ياخذون امريكي وياباني وكوري

الأكراد قافلين على الألماني وبالتحديد BM

جماعتنه أكثر شي تيوتا كامري وكورولا, وفعلا هذي كلش تفيدنه , اقتصادية بالبنزين, غير استهلاكية, تصليحهه سهل.

20

مواضيع الحياة العامة في بلاد المهجر (امريكا) / للعوائل العراقية في الولايات المتحدة

« في: 03:21 20/06/2013  »

يرجى التواصل معنا في كروب العوائل العراقية على الفيسبوك

http://suniiraqiusa.fbfollow.me/

21

مواضيع الحياة العامة في بلاد المهجر (امريكا) / رد: اكدر سافر اوربا بالترافل دوكمنت او الكرين كارد

« في: 02:32 20/06/2013  »

تكدر تدخل المانيا بدون فيزة عن طريق الترفل دكيومنت , والأفضل التأكد بالإتصال بالسفارة الألمانية في امريكا, الفيزة زيارة فقط 3 اشهر, وليست إقامة, اما فيزة الدول الأوربية الأخرى فيتم التقديم عليها من السفارات الموجودة في امريكا, وتقديم المستمسكات المطلوبة, علما انها فيزة فقط, الإقامة تحاج لأسباب قوية , مثلا إقامة عمل يجب ان يكون هناك عقد عمل من شركة من داخل البلد.

22

الهجرة و واللاجئين / الوضع الإقتصادي في الولايات المتحدة بالفديو

« في: 23:52 08/06/2013  »

ملاحظة مهمة : هذا الفديو لفائدة الجميع ولايقصد بيه اي إساءة لأحد. فهو أولا يصب في صالح كل من هو مضطهد او مهدد ويحتاج للهجرة للولايات المتحدة , لكن مرت عليه السنين الطويلة بإنتظار دوره الذي زاحمه عليه اصحاب سياحة الأيس آي في و سياحة الآي او ام وكل من أراد السفر بناءا على احلام وردية عن امريكا أو بسبب غيره من اقرباءه لأنهم مهاجرين ويغردون في اذنه عن النعيم الذي هنا وأسباب أخرى لايسع المجال في هذا المنتدى ذكرها
وهو في النهاية في صالح اصحاب الأحلام الوردية , عسى ان يبحثوا اكثر في الموضوع ويوفروا على انفهم عناء الوصول هنا ثم العودة للعراق بعد الصدمة بالواقع.

الفديو

http://www.youtube.com/watch?v=F_pATRdNNdk

23

الهجرة و واللاجئين / رد: معلومات حقيقه والله على مااقوله شهيد

« في: 04:38 03/06/2013  »

شكرا لكاتب الموضوع , وتحية لشجاعته في الكتابة
هذه الكلام آني قبل سنه حاجيه , بس طلعولي كم واحد لسانه هطولة ماريد اكول اكثر , كالو ماكو هيج حجي وأمريكا كمرة وربيع

الأنسان الي حياته في خطر , أهلا بيه في امريكا , هذه الموضوع مايشملهم

24

مواضيع الحياة العامة في بلاد المهجر (امريكا) / رد: استفسار حول افضل بنك في امريكا

« في: 08:26 15/05/2013  »

إذا كنت تعيش بالشرق او بالوسط استخدم بنك اوف امريكا , البنوك الباقية تاخذ منك عشرة دولارات بالشهر إذا ماعندك راتب شهري ينزل بالحساب.

25

الى من يهمه الامر / أخوان سرة يامعودين سرة

« في: 00:31 15/05/2013  »

سِرة، سِرة. كلمة نسمعها كل سبع ثوانٍ في الدوائر الرسمية العراقية امام شبابيك السلطة. تعويذة يرددها المواطن ليستعيد بها شيئا من كرامته المنزوعة، التي اركنها في كشوانية الموبيلات عند دخوله الى هذا المعبد. وهذا الشباك الفاصل بين المراجع والمسؤول، هو بمثابة مرآة سحرية، ينظر إليها المواطن ليرى انعكاسه في عين كهنة الدولة، ليجد نفسه ذليلا، صاغرا، منحنيا، مستسلما. ويرى المسؤول انعكاسه ايضا في عين المتعبّد: متربعاً، مهيباً، متجبراً. حتى لو كان الموظف ذو نزعة حليمة، فهو مجبر بأن يتقمص الدور الموكل إليه حسب موقعه من الشباك السحري، لأن فوضى الدوائر وسوء التدبير الاداري، والتعقيدات البيروقراطية الغير مبررة، تفرض عليه هالة التسلّط، يتسلح بها في سلّم البقاء للأقوى. يتدافع بعض الثوار، وهم قلّة، احدهم يدردم “معاملة تمليك شقة أتطول عشر دقائق ببيروت”، وآخر يصرخ “هذا العراق ما بي حظ من اول التاريخ”. دولة ترى شعبها من خلال هذا الشباك هي دولة لا تَحترم، ولا تُحترم. بس صلو على النبي اخوان، سِرة. يا معودين، سِرة.

تبابعوا هذا الموضوع ومواضيع اكثر من صفحة تجمع العوائل العراقية في الولايات المتحدة الأمريكية

الرابط:

http://suniiraqiusa.fbfollow.me/

26

الهجرة و واللاجئين / رد: لاجىء يعود للعراق هو وعائلته بعد 72 ساعة من وصوله الى امريكا

« في: 07:52 30/04/2013  »

السلام عليكم اخواني الاعزاء حدثت اليوم  شغلة اريد ابلاغكم فيها الا وهي اتت عائلة من اب وام  و ثلاث اطفال الى امريكا قبل يومين واسكنتهم المنظمة  في نفس الشارع الذي اسكن فيه واصبحنا ثلاث عوائل عراقية وصار عبالك شارع فلسطين    المهم الرجل المنظمة اجوه البارحةعلمود يودوه يقدم على السوشل والفود ستام واللقاحات يعني يفهموه شلون راح تصير الامور وياه ابو المنظمة خابرني من بيته وكال اذا تكدر تجي لبيت فلان اريدك تفهمني على شغله طارئة اني رحت ركض لانه خفت من كلمة طارئة وصلت لبيت الرجال ولكيته يبكي نعم يبكي و اني تخبلت عبالي هذا الفيتنامي ابو المنظمة حجه شي غير لائق او اساء التصرف بس طلع صاحبنة ضايج ويريد يرجع للعراق   مع العلم زوجته واطفاله يريدون البقاء بس هوه  طلع عنده هوم سك كتله اني عائلتي كلها رادت ترجع اول ايام وا ي رفضت  وهسه الحمد لله اتعودنا وتكيفنا نوعا ما بس اخونا بالله مصر يرجع كتله يابة انتضر على الاقل اسبوع علمود تاخذ مستحقاتك من المنظمة الويلكم على الاقل سوي الفحوصات الطبية بس بدون فايدة هاي القصة الطويلة تثبت نضريتي على اللاجئين اللي ما متهددين واللي وظعهم بالعراق مستقر  الرجال حجز باسعار عالية جدا 1800$ ( خطوط الاتحاد)

الف الف الف رحمة على والديك على نقل القصة وكتابة هذه الموضوع
لأن نصحنه وحجينة , وتلقينة هجمات من ناس تريد تجذب على العالم , يريدون يكولون للناس تعالو لأمريكا سياحة ... ونسة ... جرب حضك... تغيير جو ....
عمي هذه لجوء ... لجووووووووووووووء ... اللي مرتاح بالعراق لايجي ويزاحم الناس على الفيزة والتخصيصات وبعدين يرجع.

27

دردشة منتدى الهجرة واللاجئين / رد: سايكولوجية الإسم في منتدى الهجرة واللاجئين

« في: 07:45 30/04/2013  »

ماتكلي منين تجيب هلكد وكت !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
مواضيعك رائعة بس يعني دائما ادوخ بهذه السؤال.

28

مواضيع الحياة العامة في بلاد المهجر (امريكا) / رد: اذا واحد شاف المايل مال السيارة ملعوب بي شلون بهاي الحاله

« في: 20:12 29/04/2013  »

عزيزتي اول شي گليلنه ياموديل هيه السياة؟ ومدعومة لو لا، لأن تغيير المايلج ممنوع لكن إذا السيارة قديمه فالبائع يگدر يگول انو العداد جان عطلان لأن قديم او بسبب حادث ولهذا غيره وتغير المايلج.
الأمريكان مايغشون، اما عربي وأما مكسيكي اللي سواهه.

29

مواضيع الحياة العامة في بلاد المهجر (امريكا) / رد: من سلسلة اكاذيب مريحة ولاحقائق متعبة, بعنوان : النظام الصحي في الولايات المتحدة

« في: 01:21 29/04/2013  »

العفو , على الرحب والسعة وشكرا للمتابعة .

30

اخبار الهجرة و اللجوء / الشقراوات الروسيات يتفوقن على العرب بطرق الحصول على "الغرين كارد "

« في: 01:15 29/04/2013  »

فوجئت دائرة الهجرة بوقاحة احدى الصحف الناطقة باللغة الروسية الصادرة في مدينة نيويورك عندما اصدرت عددا خاصا يتألف من اعلانات مدفوعة الثمن لعشرات من الروسيات اللواتي يرغبن بالزواج من امريكيين من اجل الحصول على " الغرين كارد" والجنسية .

الاعلانات واضحة ولا تحايل في رسالتها " أنا شابة روسية 24 عاما جميلة الشكل ارغب في الدخول الى امريكا عبر الزواج من شخص يحمل الجنسية الامريكية .. للجادين فقط المراجعة .. ويقول إعلان آخر : أنا رشيقة للغاية 41 عاما عيون خضراء لدي اموال كافية لزوجي الامريكي القادم . !!.

الحصول على " الغرين كارد" معاناة يعلمها جيدا ابناء الجالية العربية ، والزواج احد عنوانيها ولكنها في المجتمع الروسي- الامريكي مهنة منظمة تديرها شركات تجني من ورائها ارباح طائلة .

يقول مهاجر اوكراني حصل على الجنسية الامريكية منذ عام 1975 انه يتلقى اسبوعيا عروضا بالزواج من حسناوات روسيات من قبل السماسرة وانه يتلقى مهاتفات ملحة تدعوه الى الزواج من احدى هؤلاء الفتيات بشكل متواصل مضيفا .. أنا افكر بالامر جديا الآن .. إنها اموال سهلة !!

وأكد صاحبنا الاوكراني الذي رفض الافصاح عن اسمه انه يعرف على الاقل 6 رجال تزوجوا من شابات روسيات وبولنديات مقابل المال قائلا بابتسامة عريضة : يا صديقي تلك الفتيات يتمتعن بإغراء شديد لا يقاوم .!!

احد السماسرة تجاوب معنا على الفور عندما سألناه عن تفاصيل صفقة الزواج وقال : السعر 32 الف دولار نقدا نصف المبلغ يذهب للخطيب السعيد والنصف الثاني الى شركة السمسرة وأتعاب المحامين .

وأضاف أن دائرة الهجرة لم تستطع اكتشاف الزواج المفبرك إلا في حالات قليلة . دائرة الهجرة لها رأي آخر في القضية حيث قال الناطق الرسمي لدائرة الهجرة السيد مايكل غلهوني ان رجال الهجرة يعلمون جيدا بمدى انتشار الظاهرة وهم حاليا يحاولون تحطيم الشركات التي تتولى عمليات السمسرة . وأضاف ان لدائرة الهجرة الآن قوة متخصصة فقط في كشف عمليات التزييف مؤكدا انه تم  القبض على 80 سمسارا في ولاية فلوريدا في شهر ايار الماضي .

المصدر : http://www.akherkhabar.net/content/view/9461/

31

الهجرة و واللاجئين / رد: الهجرة الى امريكا: إحتمالات الفشل والتجارب المؤلمة

« في: 00:47 29/04/2013  »

عزيزي نور الدين , ماتكلي منين تجيب كل هذه الوقت لكتاباتك الطويلة , أحييك على هذي القوة !

مختصر مفيد : اللي الأنسان الي حقيقة محتاج لوطن بديل عن العراق, مهدد, مضطهد , مضلوم .... أكيد أكيد حينجح في امريكا بأذن الله.
اما هذه الي جاي سياحة, او يجرب حضه !! ... إلى آخره ... اكيد مصيره الفشل والعودة حتى لو طااااااااااال الزمن.

32

الهجرة و واللاجئين / رد: {{مناشده جديده من 19 شخصية أعضاء كونجرس لاوباما بشان SIV في 5 شباط 2013 }}

« في: 00:41 29/04/2013  »

همه بس لو جماعة سياحة الأيس آي في يبطلون يزاحمون الناس الي حقيقة محتاجين للسفر , جان هواية سرعت المعاملات .

33

اخبار الهجرة و اللجوء / رد: أمريكا تقول انها ستزيد من استيعاب اللاجئين العراقيين فيها

« في: 21:39 27/04/2013  »

بالتوفيق

34

مواضيع الحياة العامة في بلاد المهجر (امريكا) / رد: طلب مساعدة : حول " لم الشمل في امريكا"

« في: 21:37 27/04/2013  »

طلب لم الشمل I-130 فقط في حالة ان الزواج وقع ((((((..... بعد ......))))) دخول احد الطرفين (الزوج او الزوجة) الأراضي الأمريكية بصفة لاجئ او مقيم...
وطلب الـ I-130 تره ياخذله من 3 إلى 5 سنوات.
لذلك يرجى من السائلة التحقق مرة ثانية من إذا كان الزواج قد وقع قبل او بعد دخول احد الطرفين الأراضي الأمريكية.

35

دردشة منتدى الهجرة واللاجئين / رد: رد: السفارة العراقية في واشنطن: يادولة قد ضح&

« في: 18:59 27/04/2013  »

العــراق بلد مـتــخلف وهــاي مفـــتــهمــيـهــا

بس دولة عظــمى مــثل أمريــكــا صــارله 5 ســـنين مــعاملة

ســفر هـــاي شـــسميــهـا بلي زحــمة....؟؟؟؟

والعـراقيين بســوريا صار الدك عليهم أكثر من سنتين ولحد الان ما مكملين فيزهم

هــاي شــــتــكــول عــليــها ولــه هي بس العــراق تحجــون عليــه وأمريـكا من

تــوصلولــهـا تخــافون تحجــــــــــون....

وهــو من وصــل العــراق لـهاي المـرحــلة المــتقدمـة

غير أمـــريــكــا.......


ابـو ســماني

والله احجيلك شغلة أخي آني عمري ما أتصلت على دائرة امريكية اثناء وقت دوامهه ولكيتهه مسدودة والمجيب الآلي يكلك اتصل بأوقات الدوام !

36

دردشة منتدى الهجرة واللاجئين / السفارة العراقية في واشنطن: يادولة قد ضحكت من جهلها الدول

« في: 20:40 26/04/2013  »

اليوم اتصلت على السفارة العراقية بواشنطن ساعة ثنتين وربع بتوقيت واشنطن اليوم الجمعة، طلعلي المجيب الآلي يكول السفارة انتهه دوامهه ! اتصل من العشرة للأربعة من يوم الأثنين للجمعة !!! فعلا يادولة قد ضحكت من جهلها الدول.

37

الهجرة و واللاجئين / رد: سؤال لاهل امريكا عاجل عاجل

« في: 15:55 25/04/2013  »

يكولون الأيجار رخيص بأريزونا

38

مواضيع الحياة العامة في بلاد المهجر (امريكا) / رد: عشرة اسباب تدفع اللاجيء في امريكا الى العودة

« في: 17:57 19/04/2013  »

موضوع مفيد شكرا لمجهودكم

39

الهجرة و واللاجئين / رد: إخوان في اي ولايه من امريكا توجد الجاليه العراقيه بكثره ؟

« في: 06:18 12/01/2013  »

العراقي يجي لأمريكا وشايل على ضهره كل السلبيات اللي يدعي انو هوه انهزم منهه بالعراق , وأول مايوصل يمارنس نفس السلبيات

والله , اول ماوصلت , جنت اخلي جنطة على ضهري وأروح للولمات مشي 45 دقيقة روحة و45 دقيقة رجعة , علمود الأكل , وماجنت اطلب شي من احد ليحد ما الله فرجهه.

40

الهجرة و واللاجئين / رد: الاعزب في امريكا .. تساؤولات ومخاوف ... ارجو الدخول من الكل وبالخصوص اهل امريكا

« في: 05:13 02/01/2013  »

1 - الويكلم موني :- حسب الولاية , بعض الولايات لاتعطي ولكم

2 - السكن : أنته وحضك , إذا كنت انت اول من يسكن بالشقة , فتأخذ الغرفة الجيدة , إذا جاء اثنان بعدك , يسكنان في غرفة واحدة وأنت وحدك , إذا انت من المتأخرين فستسكن في غرفة مع شخص.

3-  الايجار :- إذا كان الولكم عالي في البداية , فالأيجار سيكون لفترة محدودة , شهرين او ثلاثة , إذا كان الولكم قليل , فيمكن ان يستمر الإيجار 8 اشهر .
تغيير السكن شئ صعب .

4 - الفود ستامب :- 200 , ينقطع حالما تجد عمل

5- الكاش :- في برنامج الماجكرانت , 200 دولار كل شهر, تنقطع حال حصولك على وضيفة

6 -  التأمين الصحي :- التأمين الصحي للاجئين يستمر 6 اشهر فقط , وهوه تأمين تعيس , لايلبي سوى الحالات الضرورية جدا, بعدها تبقى بدون تأمين حكومي , إذا ذهبت للمستشفى بدون تأمين لاسامح الله , فستترتب عليك ديون وفوائد كبيرة تبقى تدفع عنها طوال العمر ! , ممكن تشتري تأمين من الشركة التي انت تعمل بها , لكنه باهض الثمن , في حال تطبيق قانون الرعاية الطبية الجديد , يفترض ان الأمريكان جميعا سيكون عندهم تأمين صحي , والله اعلم

7 - العمل :- المنظمة ستبحث لك عن عمل , لكن الأفضل لك ان تسبق المنظمة وتجد عمل لنفسك , لأن المنظمة تجلب لك اتعس الأعمال , وإذا رفضتها ستفتح على نفسك باب المشاكل , اما إذا وجدت وضيفة لنفسك , فستكون يدك هيه الأعلى عند المنظمة.

41

مواضيع الحياة العامة في بلاد المهجر (امريكا) / من سلسلة اكاذيب مريحة ولاحقائق متعبة, بعنوان : النظام الصحي في الولايات المتحدة

« في: 22:39 31/12/2012  »

من اكثر الأشياء التي تؤرق الاجئي قبل السفر للولايات المتحدة هوه موضوع التأمين الصحي , فلا أمان بدون تأمين صحي , يحفض صحة بدنك انت وأهلك في بلاد الغربة.
قبل ان ادخل في الموضوع احببت ان اقول ان الخدمات الصحية في الولايات المتحدة تعتبر من الخدمات المتميزة والمتقدمة من ناحية الخدمات , لكن المشكلة في النظام من ناحية تغطيته لشرائح المجتمع.
انا عشت في دولة اوربية لا احب ذكر اسمها فتره طويلة , صحيح العلاج الصحي مجاني, لكن الحصول على الرعاية الطبية يمر بسلسلة من البيروقراطية الصعبة, تبدأ بزيارتك للعيادة, حيث لاوجود للطبيب, فقط ممرض يقوم بالإطلاع على حالتك, وحسب قناعته يقوم بتحويلك للمستشفى او يعطيك موعد آخر في العيادة حيث يكون هناك طبيب في ذاك اليوم المحدد. وصدقوني , فالممرض سيحاول بكل طاقته ان يبعدك عن العلاج, وقد أثيرت انتقادات كبيرة في وسائل الإعلام في احد الفترات أثر استهانة الممرضين بأعراض انفلاونزا الخنازير التي تشبه اعراض البرد, إعتقادا منهم انها اعراض برد لاتحتاج لرؤية طبيب , الأمر الذي ادى إلى وفات بعض المرضى. اما في حالة الطوارئ , فتخيل ان باب الطوارئ مقفل, ولايتم فتحه إلا بعد ان يقتنع الممرض بأن حالتك طارئة ! .
في الولايات المتحدة في حال امتلاكك للتأمين تقوم بالإتصال بالعيادة او المستسفى لحجز موعد , فترة حجز العيادة نفس اليوم إلى اسبوع واحد , اما المستشفى فد يطول الإنظار لشهر او شهر ونصف. ويتم رؤية الطبيب مباشرة, اما في حالة الطواري , فهي مفتوحة في كل الأوقات وبدون شرط.
أعود للنظام الصحي في امريكا
يتكون النظام الصحي الأمريكي من نظام تأمين صحي حكومي يتم تغطية تكاليفه بنسبة 46% من الحكومة عن طريق نظام الميديكير للمسنين و المديكيد للفقراء بالإظافة للتأمين الصحي الخاص مقابل إشتراكات تأمينية مختلفة يتقوم رب العمل بإستقطاعها من راتب العامل.
ماهي المشكلة التي تخصنا نحن اللاجئين ؟
أكيد فإن اللاجئي الجديد سيكون من ذوي الدخل المنخفض, ولن يستطيع دفع تكاليف التأمين الصحي الخاص الباهض الثمن, من دخل يكاد لايغطي المصاريف الأساسية (المأوى, الخدمات, المواد المنزلية والطعام), لذلك فأضل فرصة له ان يكون مشمول بـ المديكيد , لكن مشكلة المديكيد انه لايغطي جميع الشرائح الفقيرة , فهو يغطي فقط
1-    المرءة الحامل (سواء متزوجة او لا)
2-   الأسرة التي فيها طفل .
لذلك فالعائلة التي بدون اطفال , او الأعزب سيكونون غير مشمولين بالمديكيد , وسيجدون حالهم بدون تأمين حالما ينتهي تأمين اللاجئين المؤقت , الأمر المأساوي
حالات مأساوية مرت علي:
شاب اعزب , في احد التقاطعات ضغط على دواسة البنزين بدل الفرامل , فصدم سيارة كانت تمر في التقاطع , السيارتان بدون تأمين, الشاب تعرض لكسر مضاعف في الساعد , تم اخذه للطوارئ لتقديم الإسعافات الأولية فقط , وتم إخراجه من المستشفى كونه بدون تأمين صحي , أضطر للسفر إلى بلده الأم بالطائرة ويده مكسورة لغرض العلاج , وعاد ليجد فاتورة المستشفى 5000 دولار , مازال يقوم بتقسيطها + الفوائد .
لذلك نصيحتي يا أخوان عدم السرعة والإنتباه في السياقة عسى ان يجنبنا الله نحن وإياكم كل حادث مكروه.
حالات اخرى : هل تعلم هناك اناس في امريكا بدون تأمين أضطروا لشراء مضادات حيوية منتجة لعلاج الحيوانات مثل الأمبسلين و الـ ئموكسسلين , الـ كيفلكسين والـ تيرامايسين , لان المضادات الحيوية البشرية ممنوعة البيع بدون وصفة طبية ؟! , مجرد لعجلات إلتهاب الحلق ؟!
علما ان 15,4% من المواطنين في الولايات المتحدة بدون تأمين صحي , أي نحو 46,4 مليون نسمة !
ماهي الأخبار الجيدة ؟
ابتداءً من العام الماضي حاول كل من مجلس النواب ومجلس الشيوخ الأمريكي العمل على إصلاح نظام التأمين الصحي، وبناءً على هذا الجهد الذي استمر لمدة سنة، وضع الرئيس "أوباما " اقتراحه الذي يتضمن عمل كل من مجلس النواب ومجلس الشيوخ في خطة واحدة ، وفى مارس 2010 م خلال الجلسات التي عقدها مجلس النواب الأمريكي والتي اتسمت بالصعوبة واختلاف الرأي ما بين المعارض والمؤيد: أعلن الكونجرس موافقته على برنامج الإصلاح الشامل للرعاية الصحية مساهما في توسيع قاعدة تأمينة لتشمل الأمريكيين دون استثناء.
تأمين الصحة للجميع: وذلك من خلال محاولات لتوفير التأمين الصحي بأسعار معقولة لجميع الأميركيين غير المسنين من خلال الجمع بين برنامج جديد للرعاية الطبية مثل الذي تقدمه الحكومة والخطط الصحية القائمة بين أرباب العمل.
تغطية المقيمين: من خلال النظام الصحي الأمريكي سيكون جميع المقيمين بصورة قانونية في الولايات المتحدة والذين لم تتم تغطيتهم من قبل صحياً قادرين على شراء هذه التغطية الصحية ومنحهم حرية اختيار مقدمي الخدمات الطبية.
لم يعد بمقدور شركات التأمين رفض تغطية أي مواطن بسبب سجل مرضي سابق (مثل الإصابة بأمراض مزمنة) أو تخفيض مبلغ التأمين في حالة المرض، وهذه نقطة في غاية الأهمية، حيث كانت تشكل عقبة كبيرة لمثل هذه الحالات والتي هي بحاجة لرعاية صحية أكثر من غيرها.
الأشخاص الذين يبلغ دخلهم أكثر من 200 ألف دولار سيدفعون المزيد من الضرائب لتمويل النظام الصحي.
الأفراد الذين سيمتنعون عن الاشتراك في نظام تأمين صحي سيرغمون على دفع غرامة ويستثنى من ذلك الفقراء.
يتوقع أن جميع أرباب العمل الأمريكيين سيقومون بتوفير التغطية الصحية لموظفيهم على قدم المساواة أو دفع ضريبة المرتبات المتواضعة القائمة على دعم الرعاية الصحية بالنسبة للولايات المتحدة الأمريكية ومساعدة موظفيها لشراء الرعاية الصحية الخاصة بهم (بما يعادل 6 ٪ من كشوف المرتبات)..
وبالنظر إلى الاستفادة من التجربة الأمريكية، حيث أثبتت الأيام أن الولايات المتحدة الأمريكية وجدت نفسها في هذا المنزلق المدمر صحياً واقتصادياً وعلى مدى مائة عام عجزت عن الخروج منه والسياسيون والاقتصاديون والقادة الصحيون يعرفون مدى الضرر الذي لحق بمجتمعهم من جراء التأمين الصحي الخاص وتحكمه في إدارة النظام الصحي بالكامل .

عسى ان يبعد الله عنا وعنكم كل مرض , اخوكم فودستامب

42

الهجرة و واللاجئين / رد: وصلت امريكا ... بس دايخة

« في: 20:32 31/12/2012  »

حباية برستول وتروح الدوخة

43

الهجرة و واللاجئين / رد: استفسار حول العمل في امريكا

« في: 02:02 26/12/2012  »

السلام عليكم
نحن عاىله مكونه من 3 افراد اني وزوجي وابني اللي عمره 7 سنوات مقيمين في ولاية نيويورك
اريد ان اعمل في شركه براتب 1300 دولار بس عندي استفسار صغير
شنو راح يكصون عننا المنظمه بالتفصيل حتى اشوف اذا الموضوع يسوى انو اشتغل فول تايم كل يوم بهذا المبلغ
تحاتي وارجوا الاجابه من ذوي الخبره اللي مروا بنفس الموضوع
والسؤال الثاني اذا اشتغلنا اني وزوجي بنفس المبلغ شراح يصير
تحياتي وشكرا مقدما

إذا الشغل زين , فخسارة تتركه , الشغل احسن من تفاليس المنظمة , والمنظمة حتقطع المساعدات سارعا ام آجلا
بالنسبة للفودستامب فماحينقطع عليك , لأن انتو تلاثة و 1300 قليلة

الشق الثاني من السؤال ما أفتهمت , إذا تقصد انو دخلكم حيصير 2600 بالشهر , فبهذي الحالة حينقطع الفودستامب عنكم , لأن الدخل تجاوز الـ 2000 دولار وأنتو 3 نفرات , مو بس الفودستامب , اعتقد حته التأمين الصحي حينقطع
لكن اخي إذا انتو يدخللكم 2600 بالشهر , فالله الغني مثل مايكولون , حتكونون في حال احسن من الإعتماد على المساعدات .
تره المساعدات على الكد بالضبط.

44

مواضيع الحياة العامة في بلاد المهجر (امريكا) / رد: سوال عن الفود ستام

« في: 01:53 26/12/2012  »

ماكو مشكلة إذا بقة شويه من الفودستامب , مامشكلة

تذكرة الطائرة اعلى شي 2000 واقل شي 1200 , حسب الموسم , ووقت الحجز

45

الهجرة و واللاجئين / رد: طريقة تصديق الشهادات عن طريق السفارة العراقية أو عمل الوكالات بنوعيها وباقي المستندات

« في: 23:56 25/12/2012  »

الف شكر على هذا الموضوع المهم جدا

46

الهجرة و واللاجئين / رد: الى أهالي شيكاكو الكرام...

« في: 01:40 24/12/2012  »

بسيطة اخي العزيز , الله لو آني بشيكاغو جان اجيت وأخذتك للسوق
اسمعني اكو شارع اسمه N Kimball Ave هذه الشارع يتقاطع ويه شارعكم
اركب باصر رقم 82 وطلع بهذه الشارع , حيجيك Frederick Von Steuben Metropolitan Scinces Center
تكمل بالباص , تعبر تقاطع جبير , بيه ركن محل اسمه Famous Footwear
خلي الباص يكمل مشي والشارع ياخذ عليمين شويه , وبعدين ياخذك عليسار , بعدين يسار ليحد ماتوصل Lincolnwood Town Center
تنزل اهناك , وتركب باص رقم 209
يمشيلك الباص بشارع اسمه W Touhy Ave , الباص يعبر تقاطع جبير, وبعدين جسر جواه تقاطعات
يجيك تقاطع بيه ركن صيدلية Walgreens
تنزل بيه وتتمشه على اليمين 5 دقائق توصل للـ Walmart
هذه تلكي بيه كل اللي تريده , واسعاره رخيصة
وهذه عنوانه بالكامل , تكدر تكتبه بورقة وتشوفه لسائق الباص
Walmart
5630 West Touhy Avenue
Niles, IL 60714

47

الهجرة و واللاجئين / رد: كيف تتصل مجانا بأي مكان في العالم مجانا من هاتفك الذكي

« في: 03:32 23/12/2012  »

اخى فود  مواضيعك كلش شيقه وبرنامج الفايبر صار قديم اقدم من اسماعيل ياسين


وهذا رابط انه البرنامج صاحبه اسرائيلى يتجسس على مشتركيه


http://www.alarabiya.net/articles/2012/11/19/250517.html




تحياتى ورد

والله اخي فعلا دخلت على الويكيبيديا , ولكيت انو الشركة اصلهه اسرائيلي امريكي , مقر الشركة بقبرص
ديسمبر 2012 تم منعه في لبنان بسبب اصله الإسرائيلي

اعتقد انو البرنامج كونة مجاني , فأكيد من حقه الإطلاع على جميع الرسائل والصور الي جايه تنتقل بيه , اما انو البرنامج يقوم بالتجسس على محتويات التلفون فأشك بهذه الشي.

اكو برنامج آخر اسمه ooVoo  هم اسرائيلي, هذه يصير بالكومبيوتر والموبايل

48

الهجرة و واللاجئين / كيف تتصل مجانا بأي مكان في العالم مجانا من هاتفك الذكي

« في: 22:44 22/12/2012  »

نعم اخوان مجانا , بدون لف ودوران , مجااااااااااانااااااااااا
اول شي , اكو اعظاء حيطبون ويكولون : يمعود قديمة السالفة وندري بيهه ......... اخوان الموضوع مو الكم , الموضوع للي مايعرف.

المواد المطلوبة عند المتصل والمستقبل
1- هاتف ذكي : نظام أندرويد او أبل او نوكيا حديث جدا
2- توفر شبكة WIFI عند الطرفين حال الإتصال ( للي مايعرف شنو الوايفاي : اقصد انترنت وايرليس ... مثلا عندك خط انترنت + رواتر , او شبكة انترنت لاسلكية متوفرة في بعد الأماكن العامة)
3- رقم تلفون حقيقي , سواء كان هذه التلفون في نفس الجهاز او جهاز آخر او ارضي.

طريقة العمل :
1- يقوم الطرفان بالدخول لشبكة الأنترنت من خلال الـ WIFI في الهاتلف , إذا كان احد الطرفين يمتلك الأنترنت من خلال مزود الخدمة فلا بأس
2- يقوم  الطرفان بتنزيل برنامج اسمه Viber وتنصيبه على الجهاز الذكي , أحيانا تكون نسخة النظام التشغيلي للهاتف الذكي قديمة وسيتعذر تنصيب البرنامج , لذلك يجب ربط الجهاز بالكمبيوتر + الأنترنت لتحديث النظام التشغيلي , إذا كان عندك جهاز Apple راسلني وسأعطيك الطريقة.

3- يتم تنصيب البرنامج (الفايبر) في الهاتف الذكي , والتسجيل , يتم التسجيل بإدخال رقم هاتف شغال, وستستلم رسالة (مسج او صوتية بحسب الطلب) فيها اربعة ارقام مطلوب ادخالها في برنامج الـ فايبر ليتم تفعيله .

4- بعد التفعيل , في حال تواجد الطرفان في مجال شبكة الـ Wifi سواء كانا في اي مكان في العالم , يتم الإتصال والمسج ونقل الصور مجانا بالإتصال على رقم الهاتف المسجل في برنامج الفايبر

ملاحظة : عندما اتصل بالعراق أضع المفتاح التالي  011964 قبل رقم الموبايل العراقي

في حال وجود اي استفسار يرجى الإتصال بالرسائل

ملاحظة مهمة جدا , اعرف بيكم تحبون الأكاذيب المريحة ولا الحقائق المتعبة بس هذي المرة جايبلكم حقيقة مريحة
اخوكم فودستامب

49

الهجرة و واللاجئين / رد: للاخوة اللي في امريكا فقط - عاجل جدا

« في: 22:26 22/12/2012  »

اتصل على السفارة العراقية بواشنطن وشرحلهم الوضع.

50

الهجرة و واللاجئين / رد: اخوان منين اكدر احصل فيزا شنغن الى السويد مكتب مضمون

« في: 15:46 18/12/2012  »

اخوي سعد صديقي ساكن بفلندا وكال سوي فيزا شنغن الى السويد واني التلكاك هناك اشتنصحني

أخي هذه صديقك غشيم شويه , مع احترامي , لأن اولا السويد من الدول الي تلتزم بالقانون , يعني فيزة شنكن للسويد انسى , لاتعب نفسك, فيزة شنكن ممكن تصير من السفارة الفرنسية والأيطالية والأسبانية , هذني بالرشوة ابو المكتب يسويلكياهه
ثاني شي : السويد وفلندا أثنيناتهم من الدول الأسكندنافية , يعني قاعدة المعلومات وحدة , يعني إذا لأي سبب من الأسباب اتسجل اسمك انو انته جاي شنكن , او ابمطار السويد سجلوك انو داخل شنكن , ثاني يوم تلكي المعلومة عد فلندة , وذاك الوكت احلم بالإقامة

وأخيرا وليس آخرا , آني جاي اقره انو فلندة جايه تنطي إقامة للعراقيين, لكن كل الإحتمالات مفتوحة , يعني مثلا انته وبالطيارة وتغير القانون وسدو الإقامة , ذاك الوكت تروح عليك , يعني بالمختصر , تلعب قمار, طبعا المضطر , كلشي يسوي , يلعب قمار يلعب بالنار ! المهم يخلص
وبقت انته براحتك.

51

الهجرة و واللاجئين / رد: ******اخبااار تلش حلوة وان شاء الله سنة 2013 خاتمة الامنية *******

« في: 17:12 17/12/2012  »

تلش حلوة ؟؟؟؟؟؟ لو كلش حلوة ؟ ههههه

52

الهجرة و واللاجئين / رد: بعد مرور 3 شهور و نصف في أمريكا الجزء الثاني

« في: 02:26 17/12/2012  »

اخي بالموفقية والنجاح إن شاء الله , بس حبيت اسألك عن اسم الولاية الي انته بيهه

53

الهجرة و واللاجئين / رد: من سلسلة أكاذيب مريحة ولا حقائق متعبة بعنوان : اللاجئين مؤامرة !!!

« في: 13:16 16/12/2012  »

حسبنا الله ونعم الوكيل ..
قبل كان المقبور يسمي اللاجئين ( اجل قدركم الله ) الكلاب
و هسه في زمن اللصوص .. صار يسميهم مؤامرة
و يصرف من فلوس الشعب لارجاعهم ويفرح بحزنهم
شوكت العراقي رح يشوف حاكم شريف ؟؟؟

أخي العزيز , شكرا على مشاركتك هاي وحدة , ثانيا , المقبور جان يكول اللي مايريدني ما أريده , ماجان يلحك اللاجئين برة
ابو فلان ورانة ورانة هوه وهوشيار زيباري .... يفترون من دولة لدولة ... رجعولنياهم ... الله اكبر على هذي الحقارة.

54

الهجرة و واللاجئين / من سلسلة أكاذيب مريحة ولا حقائق متعبة بعنوان : اللاجئين مؤامرة !!!

« في: 16:58 15/12/2012  »

تبذل حكومة ابو فلان قصارى جهودها لملاحقة اللاجئين العراقيين الفارين من التمييز الديني والتجاوز على حرية الاعتقاد والتحجيب القسري وسطوة ميليشيات الارهاب والعنف الدائر ,لإعادتهم إلى العراق بشتى الطرق والوسائل ليس حباُ بهم ولكن ليكونوا تحت سيطرتها وللتخلص من ضغوط المنظمات الإنسانية والمجتمع الدولي عليها بسبب تقصيرها في التعامل مع هذا الملف الإنساني .
 
وبدلاُ من الاهتمام بإيجاد الحلول الصحيحة لمعالجة المشكلة, يصر ابو فلان ومسؤولو حكومته في جولاتهم الأخيرة إلى أوروبا (المانيا, هولندا, السويد, النروج , بلجيكا) وباقي دول اللجوء على حكومات تلك البلدان لعدم منح اللاجئين العراقيين المتواجدين على أراضيها وإعادتهم إلى العراق بحجة تحسن الأوضاع فيه , لا بل ان الحكومة العراقية ابدت استعدادها بتقديم عروض مغرية مقابل موافقة تلك الدول على الإرجاع الإجباري للاجئين العراقيين , مثال ذلك ابرام العراق عقود تجارية مع السويد (1) في مجال الإتصالات والكهباء وغيرها وقد تم تتويج هذا الإتفاق بفتح السفارة السويدية في المنطقة الخضراء مقابل إعادة اكثر من عشرة آلاف عراقي من المرفوضة طلباتهم  ودون تقديم أية ضمانات على قدرة أو رغبة الحكومة في حماية هؤلاء اللاجئين عند عودتهم

اليوم يطل علينا ابو فلان بحملة جديدة في اوربا , هذه المرة لتستهدف العراقيين المسيحيين بالخصوص , اترك لكم قراءة الخبر من موقع السومية مباشرة

*ابو فلان* : طلبت من الاتحاد الأوروبي ألا يشجع على هجرة المسيحيين من العراق

http://www.alsumarianews.com/ar/iraq-politics-news/-1-52988.html

اقول : هيهات ان تلد الأفعى حمامة !  اما كان الأجدر البدأ بالمهجرين من المسيحيين الموجودين حاليا في اقليم كردستان قبل ان تلاحقوهم في اوربا ؟! عشرات الآلاف منهم تركو الوسط والجنوب إلى الأقليم , ولم يسأل عنهم احد , اما الأجدر البدأ برعاية القريب قبل البعيد في اوربا ؟!!!

اختم الموقوع بكلمة سمعتها بأذني من فم ابو فلان القاها علانية اما حشد من انصاره , تعبر عن طريقة تفكيره تجاه معاناة اللاجئين

ابو فلان  : "موضوع اللاجئين مؤامرة .... وحيرجعون" .


المصادر
(1) http://www.akhbar.dk/ar/2012-03-12-20-59-38/422-2008-11-21-02-31-09.html

55

مواضيع الحياة العامة في بلاد المهجر (امريكا) / رد: من أمريكا أحييكم ج8..العلاقات الاجتماعيه واهميتها للاجيء

« في: 21:51 12/12/2012  »

عجبني تقسيمك للمجتمع على اساس اللاجئين الجدد على جهة والقدماء او الأمريكان من جهة ثانية , ماجان جاي على بالي هذه النوع من التقسيم.
والجالية العراقية .......... إذا تريد تعيش بالأفراح ......... ابتعد عنهه وأنته ترتاح هههههه

56

اخبار الهجرة و اللجوء / رد: بلجيكا: نصف المهاجرين من غير الأوروبيين عاطلون عن العمل

« في: 21:34 12/12/2012  »

هذه الموضوع لو مكتوب على أمريكا جان اتوجهت جميع النيران الصديقة والعدوة ... القريبة والبعيدة ... على الموضوع وكاتب الموضوع

57

الهجرة و واللاجئين / رد: من سلسلة اكاذيب مريحة ولا حقائق متعبة , بعنوان , سياحة الـ SIV و الـ IOM

« في: 15:42 11/12/2012  »

بالنسبة لجماعة SIV واللي اني واحد منهم احب اكول انه هذا البرنامج هو بمثابة رد الجميل للناس اللي اشتغلوا وياهم واصلا برنامج SIV منفصل عن برنامج IOM فاتصور انه ابو SIV عنده حق اذا يروح بيها سياحة لانه هيه اصلا الفيزا مالته باعتبار هدية.
تحياتي

أخي احنه نعرف الـ SIV , واحد المتطلبات المهمة بالمعاملة هيه رسالة التهديد , الي تشرح بيهه التهديد والإضطهاد الي متعرضله وأسباب خوفك من البقاء في العراق

وعلى كلامك , اقترح تغيير اسم الفيزة من SIV = Special Immigrant Visa  فيزة الهجرة الخاصة
إلى SGV = Special Grateful Visa فيزة رد الجميل الخاصة

!!!!!!!!!!!!!!!!!!!!!!!!!!!!!!!!!!!!!!!!!!!!

58

الهجرة و واللاجئين / رد: من سلسلة اكاذيب مريحة ولا حقائق متعبة , بعنوان , سياحة الـ SIV و الـ IOM

« في: 15:23 11/12/2012  »

اخواتي واخوتي الأعزاء في عينكاوة ..

استغرب صراحة من طرح بعض الأخوة فيما يخص الحالة المادية لطالب اللجوء ..
لماذا الغني يجب ان لا يقدم على برنامج اللجوء ؟؟
ولماذا اللجوء يجب ان يكون فقط لمن حالته الأقتصادية تعبانة والذي لا يملك لا عمل و لا سكن ولا سيارة في العراق .. بالعكس هذا يسئ الى موضوع اللجوء لأن اسبابه اقتصادية بحتة وليس له اي علاقة بتهديد امني .. في حساباته يذهب الى احد البلدان الغربية وسيبدأون بنثر الدولارات عليه !! وبدليل اعرف الكثير هنا اصيب بالجنون بعد ان علم ان توطينه لأمريكا فهم يريدون دولا مثل كندا او استراليا او فنلندا لتمنحهم مساعدات مدى الحياة .. هل المهددة حياته فعلا يهتم لبلد التوطين اذا كان سيوفر له الأمان ؟؟


من هو المهدد والمعرض للخطر والخطف في العراق اكثر برأيكم الشخص الغني ام الشخص الفقير ؟؟؟؟
ومن اعطى الحق لأحد ليقول بان فلان يستحق ان يتقدم بطلب اللجوء والأخر لا ؟؟؟

أخي آني موضوعي شامل للجميع , اي واحد جاي لأمريكا وهوه مامهدد ولا مضطهد , فهذه جاي سياحة , سواء غني او فقير.

59

الهجرة و واللاجئين / رد: من سلسلة اكاذيب مريحة ولا حقائق متعبة , بعنوان , سياحة الـ SIV و الـ IOM

« في: 15:19 11/12/2012  »

والله اخي كلامكم كله صحيح ..
قبلاسبوع اتصل بيه صديق الي من بغداد ..
خبرني انه زوج اخته يريد يحكي معي .. كتله يتفضل اتصوروا شنو سالني ؟؟؟
بعد السلام سألني اصعب سؤال .. كال بالله شلونه (( امريكا )) اتخيلو
اني بلا فخر مواطن عراقي بسيط عايش في عمان بشقة مفروشة وحتى مساعدات يو ان ما مقدم عليه 
يريدني احكم على اكبر دولة بالعالم ..
وان عرف السبب بطل العجب .. الاستاذ تعرفون شوكت موعد سفره .. هو وعائلته عدهم موعد سفر هذا الاسبوع
اعتقد يوم غد يوم 12 \12 .. و الرجال ما مقرر بعده .. سالته لعد ليش تعبت نفسك وقدمت
كال لا يابه مابيه تعب شو هي كله كم مره راجعنه .. وهو جان مقاول اشتغل بمقاولات المنح الامريكية بوقته
وبعدين خحيت ويه صديقي البارحة كال .ز لالا يمعود شيوديهم يريد يسجل بنته بالصيدلة بكليه خاصة
طبعا بس اريد اعرف شكد المبالغ اللي انصرفت على اجراءاته وهو اصلا ما بلغ انه مرح يجي ..
يعني رح يتاجرله بيت وتذاكر و كل هاي التفاصيل ..
العراقيين .. فايخين 

استفاد , هذي احد النماذج , الي اكو اعله منه سووهه وأكو اقل منه ديسووهه كل يوم.

60

الهجرة و واللاجئين / رد: من سلسلة اكاذيب مريحة ولا حقائق متعبة , بعنوان , سياحة الـ SIV و الـ IOM

« في: 15:14 11/12/2012  »

اما الجزء الثاني بالنسبة للكرين كارد رجاء صير دقيق مو بس كندا تكدر تدخل بيها تكدر تدخل بيها هاي الدول


Canada: http://www.cic.gc.ca/english/visit/visas.asp

Mexico: http://www.consulmexny.org/eng/visas_fmt_inm-pr.htm

Switzerland: http://www.eda.admin.ch/eda/en/home/...nf/visusa.html

Bahamas: http://www.bahamas.com/bahamas/about...irements.aspx?

Bermuda: http://www.bermuda.com/travelcenter/...egulations.php

Cayman Islands: http://www.caymanislands.ky/getting_...uirements.aspx

Jamaica: http://www.jamaicaembassy.org/visitors.htm

Aruba: http://www.netherlands-embassy.org/a...f=AR00000398EN

The Netherland Antilles: http://www.netherlands-embassy.org/a...f=AR00000397EN

Antigua & Barbuda

Dominica

عزيزي الف شكر على كلامك الطيب , بالنسبة للمكسيك فكلامك صحيح , بس آني ماحسبتهه هيه وكل الدول الي عددتهن , لأن ماحاسبهن دول محترمة , هذني حته بالجواز العراق بدون كرين كارد تكدر تقدم عليهن فيزة

اما سويسرة فمعلومتك صحيحة بس قديمة اتغيرت , من يوم ما دخلت سويسرى بالإتحاد الأوربي , صارو اصحاب الكرين كارد حالهم حال اي واحد أجنبي يريد يدخل اوربا , لازم فيزة شنكن , وأنته تعرف الشنكن شكد صعبة.

هذه النص من موقع السفارة السويسرية بواشنطن
Switzerland has joined the Schengen visa scheme on December 12, 2008. Therefore all foreign nationals residing in the USA who require a Schengen visa will from that date onwards also require a Schengen visa to enter Switzerland. The Swiss visa desks can only accept applications from persons whose main destination is Switzerland.

رابط السفارة
http://www.eda.admin.ch/eda/en/home/reps/nameri/vusa/ref_visinf/visusa.html.html

61

الهجرة و واللاجئين / من سلسلة اكاذيب مريحة ولا حقائق متعبة , بعنوان , سياحة الـ SIV و الـ IOM

« في: 00:33 11/12/2012  »

ازدهرت بالآونة الأخيرة سياحة الـ SIV والـ IOM  ...... اي حقيقة هاي مو فد نكتة , علما انو آني على إطلاع على الكثير من هذي النماذج , منهم اجوي لأمريكا ومنهم بعده بالطريق
ناس عمرهه مامتهددة ولا مضطهدة , لا بالعكس بيهم من يشغلون وضائف حكومية حزبية وبرواتب عالية ,في احسن الأحوال كل ما هناك انو يوم من الأيام جان يشتغل ويه الأمريكان , والغالبية ناس عمرهم مامشتغلين ويه الأمريكان ولا داخلين بأي شغلة خطرة , مجرد احد اقربائه كان مشتغل ويه الأمريكان.
يمارسون حياته الطبيعية ومن الجماعة المتونسة بالوضح الحالي بالعراق , وماشي هوه بمعاملة اللجوء, ولمن تطلع , ياخذ إجازة ويجي لأمريكا , على ابو آخذ الكرين كارد وأرجع ! علساس ماخذ الجواز الأمريكي وراجع ههههه
تسألهم يابه شعدكم جايين , مو كاعدين ومشتغلين ومتونسين ..... الجواب : والله جاي آخذ الكرين كارد وأرجع !
يابه شعندك بالكرين كارد ؟ صارف طيارات ورايح وراجع , وهوه تره الكرينكارد يسقط إذا سنة انته خارج امريكا ؟
الجواب , يفيد ! على الأقل اسافر بيه !
يابه وين تسافر بيه ؟! تره بس كندا يدخلوهه بالكرين كارد , تره باقي الدول يمشون على جواز العراقي مالهم علاقة بالكرين كارد.
الجواب : لايمعود وين اكو هيجي شي !!!
خلص يابه براحتك وهلا بيك , امريكا محضرة مفاجئات حلوة لأمثالكم

العتب على الحكومة الأمريكية الي تحسب الأخضر بسعر اليابس , وياما ياما ناس في احوج ما يكون لبلد يعيشون بيه بكرامة وحرية بعد ان فقدوهه ابلدهم العراق.

62

مواضيع الحياة العامة في بلاد المهجر (امريكا) / رد: هل بالامكان العمل كسائق تكسي

« في: 06:42 03/12/2012  »

اخي اهنا ماتكدر تستخدم سيارتك الخاصة بشغل التكسي , بس تكدر تشتغل سائق تكسي بشركة , همه يوفرون السيارة

الأخ Buzz كلامه صحيح , بس هوه ماشرحلكم, إجازة السوق عادي , إذا تعرف انكليزي وسياقة خلال شهر ونص , لكن سائق التكسي يحتاج إجازة سوق نوع D يعني وهذي بيهه اختبار طويل , ولهذا الأخ كال 6 اشهر , إظافة إلى انو إذا هيج توك مطلع الإجازة شركة التكسي ما من السهولة تأمن بيك وتنطيك سيارة , لأن ماعندك خبرة و إجازتك بعدهه تورهه حارة طالعة من الفرن هههههه

اكو عضو اسمه الذكي ضحك على BUZZ .... يا ذكي , عرفنة انك "ذكي" بس لاتستغبي الناس المرة الجاية

63

مواضيع الحياة العامة في بلاد المهجر (امريكا) / رد: الجحيم فى امريكا

« في: 06:32 03/12/2012  »

جرب نورث ديكوتا , مافيها عرب والسود قليلين والعمل فيها متوفر

64

الهجرة و واللاجئين / رد: فيزا سياحة الى امريكا.. ضروووووووري

« في: 20:20 02/12/2012  »

إذا تقصدون فيزة سياحية على جواز السفر العراقي ..... فاللي اعرفه انو المتقدمين الي عمرهم اقل من 48 سنة , نسبة حصولهم على الفيزة السياحية لأمريكا ضعيفة جدا ....

65

الهجرة و واللاجئين / رد: الاناء ينضح مافيه!!!!! لكل الاخوه الرجاء الدخول

« في: 20:17 02/12/2012  »

جنيفر باجونيس، المفوض الأعلى لوكالة اللاجئين التابعة للأمم المتحدة : أن عدد اللاجئين العراقيين تجاوز الأربعة ملايين مواطن، سواء داخل أو خارج العراق ....
مدري هلملايين كلهم طالعين فسحة ؟؟!!!

66

الهجرة و واللاجئين / رد: انطباعات ايامي الاولى في كنتاكي

« في: 20:12 02/12/2012  »

علخير عليك وبالموفقية
كنتاكي من الولايات الفقيرة , مدن صغيرة , هدوء ممل , الريف الأمريكي .... بس لاتفهمني غلط ... كنتاكي احد احسن الولايات الي يكدر اللاجئ الجديد يدبر حاله بيهه بسبب الرخص الي بيهه.

67

الهجرة و واللاجئين / رد: اكاذيب مريحة ولا حقائق متعبة - الحلقة الأولى

« في: 05:09 02/12/2012  »

اغلب العراقيين ظلموا وحوصروا وقتلوا وعانوا ما عانوا دعوهم يحلموا بوطن يمنحهم ما عجزت الارض التي ولدوا عليها ان تمنحهم اياه ...
حلم لا اكاذيب ....لان الواقع يولد من الحلم

أخي اي عراقي مظلوم بالعراق فآني اول واحد اكله اهلا بيك بأمريكا , وأمريكا شكد ماهيه صعبة على البطرانين , فهيه مثل العسل على المظلوم , لأن شكد ماتكون هناك صعوبات بأمريكا .... فهيه اسهل من الظلم

ولو سنوبي وريسكار يكولون ماكو تهديد ولا ظلم بالعراق !

68

الهجرة و واللاجئين / رد: اكاذيب مريحة ولا حقائق متعبة - الحلقة الأولى

« في: 01:13 02/12/2012  »

ما اعرف الموضوع غير واضح الهدف و من لحن الكلام احسه مخلوط بالغل على طائفة معينه يعني مثلا (من البصرة و لابسه عباية و ناس ملتهية بشعائر دينية و غيبيات ) و غيرهه من الكلام الموجه لأغلبية الشعب العراقي !!
 بصراحة الحياة حلوة حاليا لأغلب الشعب العراقي سواء بامريكا او بالعراق بس الصراع جاي يصير بسبب طموح الانسان الزايد حتى يحصل رفاهية اكثر ..و الدليل على كلامي انه معظم الي يفكرون بالهجرة لامريكا هم من المتيسرين ماديا(مترجمين و مهندسين و اطباء و غيرهم)
و هاي الشريحة الكبيرة من العراقيين حتى اذا ما توفق بامريكا لأي سبب من الاسباب راح يرجع للعراق و يعيش حياة مرفهة نسبيا(راتب جاري بدون تعب اذا موظف او عمل مع شركات النفط المنتشرة بشكل رهيب بالعراق او اي سبوبة اخرى)

اما شغلة مهدد فهاي صارت قديمة و حتى الي يتكلمون بيهه ما مصدكين نفسهم بقت اذا البعض مسوي جرائم قتل بالعراق سواء مع النظام السابق او بموجة الارهاب بعد 2003 فهيج نماذج قصدهم بانهم مهددين (مطلوبين دم او مطلوبين للقانون) و ذولة ما يرضون عالحياة لا بالعراق و لا بامريكا لأن زمانهم ولى و راح

وينه كوندا , خلي يقرة هذه الكلام , الشعب العراقي حياته حلوة .... واللي يرجع للعراق يعيش حياة مرفهة نسبيا ..... وأكيد مايوافقك انو امريكا احسن من العراق , فضلا ان تكون احسن من العراق بألف مرة !
الأخ احد المرتاحين بالعراق , والمرتاح يشوف كل الناس مرتاحة وياه , حته الي مامرتاح مايدري بيه.

وأخي سنوبي , هدفي انو اكتبلي كم سطر بمنتدى بدون ماحشيهن اكاذيب مريحة

بالنسبة لشغلة مهدد ومامهدد .... آني كتلك المهدد والمضطهد
600 الف عراقي ماتو بالأحداث من 2003 , بس سؤال , إذا المقتولين 600 الف .... شعجب ماكو مهددين ؟؟!!!!!!!!
ثاني شي , الحكم بالعراق هوه حكم مصمم على مزاج وإرضاء الأغلبية... وباقي المواطنين درجة ثانية , والأقليات مضطهدة .

69

الهجرة و واللاجئين / رد: اكاذيب مريحة ولا حقائق متعبة - الحلقة الأولى

« في: 15:46 01/12/2012  »

باعتقادي القضية ليست قضية اكاذيب بقدر ماهي قناعات واجتهادات .
الحياة في امريكا ليست كاملة وليست الجنة بالتأكيد (((لكن))) تبقى افضل بملايين المرات من الحياة في العراق او اي دولة عربية او شرق اوسطية او اسيوية او افريقية (وبرائي البعض ) وانا منهم حتى افضل من اوربا واستراليا .

أخي كوندا , انته كلتهه بعضمة لسانك انو"القضية قناعات وإجتهادات" لذلك تصريحك انو امريكا "افضل بملايين المرات من الحياة في العراق ..." مبني على قناعتك وإجتهادك الشخصي , وحنطيك الدليل الك وللقاري .....

الكثيرين من العراقيين متونسين ومستفادين فائدة مايحلمون يشوفوهه بأي مكان بالعام , ولهذا تلكيهم مايشترون اوربا ولا امريكا ولا أي دولة بالعالم بفلس .......... وهذولة انواع
الطبقة المستفيدة وهذي تبدي من بداية الهرم ... على مستوى السياسيين اصحاب الجناسي الأوربية والأمريكية + مدراء عامين + عوائلهم وأقربائهم مايشترون امريكا ولا اوربا بعد بفلس , لأن وين لاكيهه ؟ يحكمون ويخمطون والشعب يهتفلهم ويركصلهم !
بعدين تجي طبقة اقل , امثال ضباط المليشيات (الدمج) همه وأقربائهم , وهوه خيرهم مامخلص إعدادية , وين لاكيهه بغير العراق ؟
بعدين تلحكك طبقة المتمكنين , اصحاب العلاقات ويه السياسيين والمليشيات , تجار , مقاولين .... إلى آخره , ويشتغلون على اعلى مستوى من السرقة بالمال العام والفساد والمحسوبية , ماموجودة بأي دولة بالعالم .

! الآخرة بنعيم حتتعوضله بالدنيا عايشييهه الى  والتعاسة, بجيبه خلاهه الجنة لأن ... مامشكلة (تخلف, امراض, وصخ مي, ماكو كهرباء) بالدنية بيه شيصير بعد فخلص .. الجنة حيدخل وبالآخرة يسويهه يومية الى الذنوب كل وتنمسح حيشفعله فلان .. ! ماشي والراتب عطلة ويومية , بالغيبيات والهوس الدينية بالشعائر وملتهية متونسة طبقة : المتونسة الطبقة بعدين.

وأكو طبقة لا مستفادة ولامتونسة بس خلص اتعودت , مطلعين عيشتهم وماشين جنب الحائط وساترين على نفسهم ومامضطرين يتركون كلشي ويهاجرون بالغربة. وهواية اكو من المهاجرين يكدرون يجيبون اهلهم على الـ IOM بس اهلهم مايجون .

أما الأنسان المهدد والمضطهد بالعراق فأكيد امريكا احسنله من العراق ماينرادلهه جدال ولا كلام , ومهما حيشوف من مصاعب بأمريكا (والحياة حقيقة صعبة بأمريكا) فحيكدر يكون اقوة منهه ويتجاوزهه , لأن عنده اسباب قوية
اما هذه الي من الجماعة المتونسة , يجي لأمريكا حلمان بالعمارات والأمريكيات وعلى عناد فلان وعلان , فهذه امريكا خوش محضرتله صدمة هههه من هاي الي تعجبه , وتاليتهه لو يعاند نفسه ويعيش على ابواب الكنائس لو يرجع للعراق.

70

الهجرة و واللاجئين / رد: مطلوب عنوان فندق اسطنبول

« في: 03:59 01/12/2012  »

فندق بيوك حميد بلتركي يعني فندق حميد الكبير جيد للعوائل فطار وعشاء وهوه يقع في شارع الشيخ زاده بلقرب من بلديه اسطنبول

بالضبط, بيوك حميد راقي .... إفطار وعشاء مجاني كانتل الليلة بـ 20 دولار في 2007
اكو فندق حميد , اللي يكون مقابيله بنفس الشارع (شارع لاللي) اعتقد تابع لبيوك حميد , بس درجة الخدمة بيه اقل , اسمه بس (حميد) جان اليوم بيه بـ 12 دولار يطلع تقريبا , هذه الحجي جان 2007 .... بعد الله اعلم

71

الهجرة و واللاجئين / اكاذيب مريحة ولا حقائق متعبة - الحلقة الأولى

« في: 02:44 01/12/2012  »

المكان : مطار عمان في طريقنا للأمريكا
الزمان : الرابعة ظهرا تقريبا بتوقيت عمان
عراقي طاكلك الفانيلة ابو التعلاكة وشورت وزناجيل , الزوجة لابسة عباية سودة ووردة حمرة براسهه تنشاف من بعد 100 متر
الزوجة وبدون ما أحد يسألهه : احنه من البصرة , وزوجي اشتغل ويه الأمريكان وهسه انطونة فيزة لأمريكا
-- يابه علخير عليكم , إن شاء الله تكون حياتكم احسن بأمريكا
الزوجة : طبعا احسن .... اول مانوصل لأمريكا محضريلنه بيت ملك , وهدية فلوس وراتب شهري
-- يابه مو هيج ...منو كلج هلحجي ؟
الزوجة : كلهم يكولون !
-- اختي هيه شقة 3-6 اشهر يدفعولكم ايجارهه وبعدين لازم تعتمدون على نفسكم, والهدية انتو اثنين , يعني بالزايد 300-500 دولار , وماكو شي اسمه راتب شهري , هيه 3-6 اشهر إذا ماعدكم شغل ينطوكم 200 دولار للواحد, وبعدين تدبرون نفسكم.
الزوجة : هاي شنو !
-- لعد شعبالج ؟ تره حته فلوس التذاكر ... دين ... لازم يندفع بعدين .
الزوجة : وين اكو هيجي شي ؟ , ضاجت وكامت لغير مكان ... مكان تلكي بيه اكاذيب مريحة , لأن الحقائق متعبة

عزيزي القارئ ,  نأسف لعدم وجود اكاذيب مريحة في هذا الموضوع.

72

الهجرة و واللاجئين / رد: رجاءا اتركوهم يتكلمو معاناتهم الي بامريكا

« في: 00:34 27/11/2012  »

أخي مهجر وأفتخر وباقي الأخوان الي كتبو الردود , اهنيكم على شجاعتكم بكتابة هذه الموضوع , وعن تجربة حقيقة اكو ناس بالمنتدى يحبون الأكاذيب المريحة ومايريدون يسمعون الحقائق المتعبة
آني كتبت موضوع قبل فتر كتبت بيه انو الي يجي لأمريكا بدون لغة انكليزية حيكون حاله حال البنكلاديشي بالعراق بسوق العمل
وطلعولي هذولة الجماعة وأتسخدمو اسلوب السخرية , وبعدين السب وبعدين التهديد
والإدارة مع الأسف لمن تجي الموجة قوية , توطي للموجة , وتم حذف الموضوع .... بسبب كثرة الجدال ! بدل مايعلقون عضوية المتطاولين.

73

الهجرة و واللاجئين / رد: جماعة الاس اي في اكدر اغير العنوان اللي يدزون علي الكرين كارد لمن اوصل امريكا؟

« في: 23:41 26/11/2012  »

إذا ماضروري , لاتغير , اول مايوصل الكرين كارد للعنوان , خلي صاحب العنوان يدزلكياه بالبريد على عنوان المنظمة, هواية صارت.

74

مواضيع الحياة العامة في بلاد المهجر (امريكا) / رد: سؤالي عن الدبت كارت والكردد

« في: 07:16 25/11/2012  »

اخي روح لأي بنك مشهور بمنطقتك , وأطلب منهم فتح حساب, وكل ماكان مبكر ... يكون احسن, فتح الحساب مجاني , بس تحتاج تخلي فلوس بالحساب , بنك او اميريكا يطلب ان تخلي اقل شي 100 دولار
لمن تفتح حساب , حيكون عندك حساب توفير وحساب جاري , اختار اونلاين اكاونت , يعني تعاملاتك البنكية كلهه بالأنترنت , علمود ماتصير عليك رسوم شهرية او سنوية.
بعد ماتفتح الحساب, ينطوك دبت كارد, تستخدمه بالمحلات وبالأنترنت , قيمة الفلوس الي بالدبت هيه نفسهه الفلوس الموجودة في الحساب الجاري.

الكردت كارد ايظا تطلبه من البنك, قيمة الكردت كارد يحددة البنك , مثلا 500 دولار , مامعناه , الك الحق بإستخدامه ليحد 500 دولار, وفي نهاية الشهر لازم تدفع الي اخذته , او نسبه منه مثلا 75% , لكن إذا اجه الموعد وماسددت الي عليك ذاك الوقت البنك يحسب عليك فائدة 20% زيادة + تتسجل نقطة عليك انك غير ثقة عند دائرة الإتمان
إذا طلبت الكردت كارد من البنك وأنته جديد, ماحيأمنون بيك, ولهذا حيطلبون منك (ديبوست كارد) يعني مثلا يكلولك خلي عدنه 300$ وأحنه ننطيك كارد بقيمة 500$
إذا كان استخدامك للكردت كاردت صحيح ,وسددت الأقساط بالوقت الصحيح ولفترة , ذاك الوقت البنك حيد تقارير جيدة لدائرة الإتمان , والنتيجة البنك ورة فتره حينطيك كارت بقيمة اعلى , وإذا ردت تشتري سيارة بالتقسيط او بيت بالتقسيط , دائرة الإتمان حتزكيك لمن يتصلون بيهه .

إظافة إلى هذا , كل شهر البنك حيرجعلك 3% من قيمة البانزين اللي اشتريته ذاك الشهر + 2% من الخضار +1% من كل شي اشتريته بالبطاقة

75

الهجرة و واللاجئين / رد: اخوان ممكن مواقع شراء الملابس واسعارها في امريكا

« في: 00:48 23/10/2012  »

الـ walmart  تكدر تدخل على الموقع وتطلع على الملابس والأسعار , بس مايدز خارج امريكا .

76

الهجرة و واللاجئين / رد: عندي اقامه سويديه وكرين كارت سؤال الى كل من له خبره

« في: 00:34 23/10/2012  »

والله أخي , اعتقد والله اعلم , انو اقامة السويد إذا كانت عن طريق لجوء , فتسقط حال مايثبت انو انته مقيم بدولة أخرى.
والله اعلم , الأفضل ان تتأكد.

77

الهجرة و واللاجئين / رد: سؤال يخص اسعار الابتوب في اميركا

« في: 00:26 23/10/2012  »

أخي , آني ويه العضو مغترب بلا وطن , برأيي الحاسبات اهنا بأمريكا سعرهه نفس سعر العراق , بس اكو فرقين , اهنا اكو هواااااااااااااية انواع , المستعمل والجديد , يعني إذا اكو حاسبة ابالك مهما كانت نادرة , جديدة او مستعملة , تجي اهنا خلال دقائق بالأنترنت تلكيهه وتوصلك ليحد باب البيت.
الشغلة الثانية اهنا الكيبورد مابيه عربي, هوه اللابتوب يكتب عربي , بس الكيبورد مابيه احرف عربية , بس الحل بسيط , تشتري لزكات احرف عربية خاصة بالكيبورد , بدولارين او 3 دولارات وابوك الله يرحمه

78

الهجرة و واللاجئين / رد: اجور الطيارة

« في: 09:00 22/10/2012  »

عزيزتي , تغيير العنوان بدون إبلاغ مكتب الهجرة والجنسية يعتبر مخالف للقانون

هذه الرابط من خلاله يتم التبيلغ عن تغيير العنوان إلكترونيا لمكتب الهجرة والجنسية

https://egov.uscis.gov/crisgwi/go?action=coa.Terms

وهذه الرابط لتغيير الرابط بالبريد , تقومين بطبعاة الفورم وملئ المعلومات وإرساله بالبريد حسب العنوان المكتوب

http://www.uscis.gov/portal/site/uscis/menuitem.5af9bb95919f35e66f614176543f6d1a/?vgnextoid=c1a94154d7b3d010VgnVCM10000048f3d6a1RCRD&vgnextchannel=db029c7755cb9010VgnVCM10000045f3d6a1RCRD

الرابط الرأيسي للدائرة للمزيد من العلومات
http://www.usa.gov/Citizen/Services/Change-Of-Address.shtml

وبالنسبة لأقساط التذكرة فمامشكلة , تتصلين على الرقم مالتهم المكتوب بالوصل , او الأيميل الموجود بالوصل وتبلغيهم بالعنوان الجديد.

79

الهجرة و واللاجئين / رد: اليوم جنت بدورة تثقيفيه شو الحجي جان مزعج

« في: 08:45 22/10/2012  »

شكد اضوج لمن واحد يكتب موضوع ويختفي , زين إذا ماتريد الجواب , ليش تكتب مووع اصلا ؟!

80

الهجرة و واللاجئين / رد: رفض فيزة عودة بعد مرور عام ونصف على الكرين كارت خارج امريكا

« في: 08:32 22/10/2012  »

يا أخي وأنته شعندك راجع لأمريكا , مادام صارلك بمكان عايش سنه ونص , يعني مامحتاج امريكا.

81

الهجرة و واللاجئين / رد: موضوع يخص شراء سيارة بامريكا اتمنى يسستفاد منة الاخوة الجدد

« في: 10:33 21/10/2012  »

سؤالي الى الاخوان ستيفن والذكي واصحاب الخبره يعني من خلال كلامكم انو الواحد يشتري من المعارض اكثر امان من صاحب السياره شخصيا ؟؟؟ يعني الشراء من المعارض هم بيهه سلبيات لو يعني ما بيهه وخصوصا بموضوع النصب والاحتيال

تقديري واحترامي الكم اخوان

الأيجابيات:
الشراء من المعرض مضمون مية بالمية , والسيارة مفحوصة وتكدر تطلع على سجل تاريخهه (الكارفاكس) ولمن تشتريهه , المعرض هوه الي يمشيلك بشغلة الرقم

السلبيات :
ابور المعرض لازم يخلي في جيبه بالقليل الفين إلى ثلاثة آلاف زيادة بجيبه , وتدفع الضريبة كاملة 6% + فلوس الرقم

82

مواضيع الحياة العامة في بلاد المهجر (امريكا) / رد: هسه شغل اکو لاااااااااااااااااا؟؟؟

« في: 03:32 21/10/2012  »

السلام عليكم
انشاء الله كل العراقيين بخير
حبي بلنسبه للشغل متكدر تسئل هيج شي كل ولايه والها قوانينها مثلا اني بولايه اريغون مدينه بورتلاند الي اقل الشهر من وصلت وطبعا حقوقك هنا 8 اشهر بلنسبه للكاش بس باقي الامور مستمره لحين متلكي شغل اني اقل الشهر والحمد لله قابلت مقابلة شغل وانقبلت وطبعا ماكو هيج حجي مال ماكو ضرائب مثل مسمعت من باقي الاخوه اكو بس شي قليل الولايه كلش حلوه وكلشي متوفر بيها ورخيص واذا تشتغل تكدر تسكن وحدك بقسم وتمشي كل امورك والحمد لله واي سؤال اني حاضر اني قليل ادخل هنا الي يحب يسئل على الياهو angle239h

بس حبيت اضيف انو ولاية ألاسكا مابيهه ضريبه

83

مواضيع بعد السفر / رد: الفرق بين حسابي الـ Debit Account , Credit Account وبشكل مبسط

« في: 03:57 18/10/2012  »

بارك الله اخي , فعلا موضوع مفيد للأعضاء , بس حبيت ازيد شغلة
قبل سنه ونص فتحت حساب بريدي أبـ بنك او اميريكا , وبعدهه بفترة قصيرة ردت كردت كارد منهم , كلولي لازم تخلي 300 دولار سكيور دبوست + 39 رسم سنوي  , وننطيك كردت كارد ريوورد بسعة 500 دولار, الي إذا الواحد احسن التصرف بيه , يكدر يحصل الكردت كاردت النظامي للبنك بعد سنة
آني بوكتهه رفضت
ورجعتلهم بعد سنه ونص تقريبا وطلبت نفس الطلب, وكانت نفس الشروط لكن السكيور دبوست كلولي 100 دولار بدل 300 سابقا, وآني وافقت.

ما أدري ليش ماحد شجعني على الكرد كاردت من العراقيين, بالعكس اكو حذروني , لكن الحقيقة الكردت كارد جدا مفيد , سهل الإستخدام , ويجمعلك نقاط كلما تشتري بيه والنقاط تتحول لفلوس كل 25 نقطة إلى 25 دولار
3% من البنزين
2% من الكروسري
1% من اي شي
آني كل شهرين تقريبا ترجعلي فد 25 دولار من النقاط

84

مواضيع الحياة العامة في بلاد المهجر (امريكا) / رد: نادي معجبي ابو قمر الشخص المثالي العراقي ومجهوده للفائدة العامة و المدن الامثل

« في: 23:26 17/10/2012  »

ابو قمر , قمر المنتدى , والنعم منه

85

مواضيع الحياة العامة في بلاد المهجر (امريكا) / رد: ...........’’’’’فيزا شنكل ’’’’’’’’’,,,,,,,,,,,,,

« في: 23:25 17/10/2012  »

اولا أخي الفيزة اسمها شنكن , وليس شنكل !
ثانيا , فيزا الشنكن تخولك الدخول لأي بلد اوربي والتنقل داخل الإتحاد الأوربي بحرية حسب مدة الفيزة.
فإذا كان عندك فيزة شنكن صادرة من اليونان , تستطيع ان تنزل في اليونان ثم تركب سفينة إلى ايطاليا أو تطير من اي مطار في اليونان إلى اي دولة اوربية
اما إذا كانت الفيزة خاصة باليونان (ليست شنكن) انصحك بعدم المغامرة , اليونان عبارة عن حفرة , الخروج منها شئ صعب جدا جدا.

86

مواضيع الحياة العامة في بلاد المهجر (امريكا) / رد: سياره

« في: 20:05 14/10/2012  »

علخير عليج
ياموديل وشكد ماشية وبيش ؟

87

مواضيع الحياة العامة في بلاد المهجر (امريكا) / رد: حلمي السفر والاستقرار في اوربا ,,, نصيحة منكم تفيدني قبل ما اتخذ القرار

« في: 21:57 09/10/2012  »

السلام عليكم اخي العزيز ,
فقط للفائدة والعلم (نصيحة فقط)
انا من المرفوضين في السويد وكانت قصتي مدعومة بالمستمسكات التعريفية والصور والسي دي وغيرها من الوثائق ولكن للاسف كان جواب دائرة الهجرة سلبي وبجدارة فائقة ,
اللجوء في اوربا شبه متوقف (وما اريد اضلمهة كلش) ولكن في البداية كتبت نصيحة فقط من شخص داخل الموضوع ,
في السابق (قبل السقوط)كانت مشكلة العراقيين هي الوصول فقط وكان جميع الواصلين الى اوربا يحصلون على اللجوء وكانت النسبة 99.99% ,
اما اليوم المشكلة في الاتفاقيات المبرمة مع الحكومة العراقية بخصوص اعادة اللاجئين (وانا احد الذين شملهم ظلم هذه الاتفاقيات) ,
النرويج والسويد والدنمارك وهولندا نسبة اللجوء 0.001% (قد يتبادر باذهان البعض ويقول اني مو مثل غيري وهذا اكبر خطأ) ,
افضل طريقة وهي مكلفة جدا الحصول على عقد عمل ومن خلاله الحصول على اقامة عمل اما غير ذلك فلا ,
عذراً على الاطالة والله ايسر امرك وتنال مرادك
تحياتي

كلام الأخ صحيح 100%

88

مواضيع الحياة العامة في بلاد المهجر (امريكا) / رد: هسه شغل اکو لاااااااااااااااااا؟؟؟

« في: 16:32 09/10/2012  »

اخي الشغل بأمريكا أكثر من اللي بالعراق .......... نقطة راس سطر
هسه خلي نجي على التفاصيل
بوكت الخير لمن جانت امريكا امريكا جان اللي ماعنده شهادة دخله 20 الف بالسنة , الي عنده اعدادية 26 الف , الي داخل معهد بس مامتخرج بشهادة 31 الف , الي مخلص معهد 35 الف بالسنة , اللي متخرج من كلية 43 الف بالسنة , الماستر 52 , والبروفشنل 82 , دكتوراه 70 الف .

هذي الأرقام من الوكيبيديا , مو من جيبي http://en.wikipedia.org/wiki/Income_in_the_United_States

وهسه بسبب الأزمة الإقتصادية , خطية برقبتي هذي الأرقام كلهه قسمهه على أثنين يطلعلك الرقم الحقيقي.
العطالة بأمريكا من 7 بالمية للـ 12 حسب الولاية

اليوم ساعة سبعة الصبح طالع بالسيارة , الدنية صايره صقيع , ساد الجامات ومشغل تدفئة وبردان , أوكفلك بالترفك , وأشوفلك موضفة  واكفه بالترفك وبيدهه قطعة بأسم المحل , تسويلك بيهه حركات بهلوانية علمود تجذب الزبون للمحل الي بنهاية الشهارع. تخيل شغلة مثل هذي راتبهه 8 دولارات بالساعة ههههه والله لوينطوني 20 ما أكدر اوكف ربع ساعة بره بهلبرد .  ابصراحة العراقية مايكدر ينافس بالعمل, العمل صعب اهنا.

89

مواضيع الحياة العامة في بلاد المهجر (امريكا) / رد: اخواني...اني صيدلاني اخاطر بكلشي واروح لامريكا ساعدوني!؟

« في: 20:02 08/10/2012  »

اخي العزيز , دزيتلك رسالة , الأيميل مال الطبيب , ياريت لو اصدقائك الأطباء اللي مشتغلين يتواصلون وياه.

90

مواضيع الحياة العامة في بلاد المهجر (امريكا) / رد: اخواني...اني صيدلاني اخاطر بكلشي واروح لامريكا ساعدوني!؟

« في: 03:06 08/10/2012  »

والله هسه دزيتله رسالة على الفيسبوك , حته إذا قبل , انطيك ايميله بلكي تخليه يتواصل ويه اصدقائك الي كدرو يشتغلون اطباء بأمريكا , هوه كردي , وأضطر ان يرجع للعراق , لأن مثل ماكتلك , عادل الشهادة مالته , وأشتغل متطوع وماكدر يتعين , فرجع.

91

مواضيع الحياة العامة في بلاد المهجر (امريكا) / رد: تامين السيارات ؟ اصحاب تجارب ارجوا نصيحه

« في: 00:47 08/10/2012  »

آني ماسامع انو اكو تأمين سيارات يكون سعرهه مناسب للفور ويل درايف , او تأمين سعره مناسب لكذا سيارة
بالنسبة للعراقيين , عادتا يستخدمون كايكو , وسافكو وأنفنتي اوتو

92

مواضيع الحياة العامة في بلاد المهجر (امريكا) / رد: اخواني...اني صيدلاني اخاطر بكلشي واروح لامريكا ساعدوني!؟

« في: 22:54 07/10/2012  »

إذا تجي لأمريكا حتدمر نفسك ومستقبلك
بس إذا جنت مضطهد , فأكيد انته مستعد ان تتخلى عن كلشي في سبيل حريتك

ليش يدمر مستقبله .. ترة الأطباء والصيادلة ما يطولون ويشتغلون .. ودا اتكلم عن زملاء اطباء حاليا همة بامريكا بمختلف الولايات ما اعرف ولا واحد بيهم ما مشتغل لهسة كطبيب .. ويتكلمون عن الأحترام والحياة المريحة اليتمتعون بيها .. مو يكولون لكل قاعدة شواذ اشو حتى هاي ماشفتهة وية اصدقائي او فد واحد خذلة الحظ وما اشتغل بامريكا كطبيب .. واتفق مع رأي الطبيب قبلي .. الما يعرف شئ لا يتكلم بالله ..

اخوية سنايبر , ماتكلي انته وين عايش ؟ إذا بأمريكا بيا ولاية , ياريت لو تنطيني تلفون اي دكتور عراقي كدر يشتغل بشهادته بأمريكا , رحمة لوالديك , على الأقل يعلم صديقي , الي هوه دكتور جراح, وأجه لأمريكا ودرس ليحد ماعادل الشهادة, وكل هذه رجع للعراق لأن ماحد يشغله , اولا لأن الشهادة اصلهه عراقي ! , وثانيا ماعنده خبرة بالعمل داخل امريكا ..... بقه يشتغل تطوع ليحد مامل ورجع.
لاتورطون الناس.

93

مواضيع الحياة العامة في بلاد المهجر (امريكا) / رد: اخواني...اني صيدلاني اخاطر بكلشي واروح لامريكا ساعدوني!؟

« في: 21:15 07/10/2012  »

إذا تجي لأمريكا حتدمر نفسك ومستقبلك
بس إذا جنت مضطهد , فأكيد انته مستعد ان تتخلى عن كلشي في سبيل حريتك

94

مواضيع الحياة العامة في بلاد المهجر (امريكا) / رد: سياره

« في: 04:16 07/10/2012  »

ماشتريتي سيارة ؟ مو صارت طيارة !

95

مواضيع الحياة العامة في بلاد المهجر (امريكا) / رد: حلمي السفر والاستقرار في اوربا ,,, نصيحة منكم تفيدني قبل ما اتخذ القرار

« في: 23:49 05/10/2012  »

اشكرك اخي عل الرد ومقصرت وبارك الله فيك

بالنسبة لامور السفر والشنكن بسيطة عندي جماعة تيسافرون قبلي ووصلو للنرويج ولكو شغل واقامة ومرتاحين وهم اصدقائي يكدرون يسوولي دعوة لو اكدر اطلع ويا وفد لو سفرة ,, امور السفر والوصول عندي سهلة ,,,

بس مال امريكا صراحة ممقدم قبل واكثر المواضيع الي قريتها انه الاكثرية مقدمة طلب قبل سنين وهسة يطلع ,,, هسة حتى لو اقدم متفيد

بلكت انتظر البقية واشوف شيكولون

اشكرك مرة ثانية

لاتورط نفسك بالنروج , تره مسدودة , النروج صح بيهه شغل وقتصادهه قوي , بس رب الكئابة .
من ناحية الدعوة, حقيقة اللي اعرفه انو مال واحد يحصل فيزة اصولية لشاب للنروج يعتبر شي شبه مستحيل , بس إذا جنت تكدر تسويهه فحضك من السمة.

96

مواضيع الحياة العامة في بلاد المهجر (امريكا) / رد: سياره

« في: 17:03 05/10/2012  »

قررت اخذ dodge caliber  من اونر
واذا طلع شي بالسياره  ابطل من الشغل ومادور بعد سياره 

كل العراقيين كالولي  دير باللج لتاخذييين امريكي من اكلهم ليش يكلولي الياباني احسن
هسه اني شعليه اريد اعرف شبي الامريكي محد يجاوب
 شكد جربت سيارات ماكو احسن من السيارات الامريكيه بالسياقه

فعلا ماكو احله من سياقة الأمريكي , بس الأمريكي عطلاته هواية , وغراضة ماترهم بس الأصلية , الياباني العراقيين يحبوه لأن عمرة طويل , قطع الغيار ممكن ترهم مال غير موديل عليه  وأحيانا حته من غير سيارة هم يرهم للياباني

97

مواضيع الحياة العامة في بلاد المهجر (امريكا) / رد: سياره

« في: 16:58 05/10/2012  »

زين لكيت

2005 volkswagen Jetta
ب 7250 كليين تاتيل وماشيه الف

زينه ؟؟؟

وديكولولي غراضه غاليه يعني شلون بشكد مثلا ؟؟؟؟

ههههههه ماتكليلي شون 2005 وماشية بس الف ؟ شنو جانت ضايعة ولكوهه ؟!!!!!!!!!
احتمال ميت الف
الجيتا بيهه انواع GL , GLS, GLS TDI
واكو سيدان وأكو واكن
ارخص وحدة إذا نضيفة وماشية مو اكثر من 100000 سعرهه بالخمسة آلاف دولار

98

مواضيع الحياة العامة في بلاد المهجر (امريكا) / رد: حلمي السفر والاستقرار في اوربا ,,, نصيحة منكم تفيدني قبل ما اتخذ القرار

« في: 16:50 05/10/2012  »

أخي اهنا الجماعة اكثرهم خبرة بموضوع امريكا , بس آني عشت بأوربا 3 سنين , وصارت عندي خبرة
اخي هسه كل الدول الأوربية ضد العراقي , والحكومة العراقية يوميه تتفق ويه الدول علمود يرجعون العراقيين مقابل عقود عمل ومثل ماشفت الدنمارك والسويد والنروج وبلجيكا وهولندا , كلهه انسدت على ايد وزير الخاريجة هوشيار زيباري , والأوربيين همه اصلا زهكو من العراقيين وعطلاتهم , حسب علمي انو الدولة الوحيدة الي هسه جاية تنطي لجوء هيه فلندا , بلد كئيب جدا حته الدب القطبي زهكان بيهه , واللغة صعبة وبتلفات الدنية وشغل ماكو والمساعدات على كد السكن البسيط والأكل والشرب.
حاليا يكولون مفتوحة , بس ليحد ماتوصل وليحد ماينعرض طلب لجوئك على محكمة مكتب الهجرة , ينرادلهه أشهر , وبأوربا خلاث ايام القوانين تتغير , يعني تكدر تكول جاي تعلب قمار , انته وحضك , إذا حضك زين ماتتغير القوانين لحد ماتحصل على الإقامة.
عندك هسه الشغلة الثانية , شون توصل لفلندا ؟ , مال تروح تهريب , خلي تولي هاي السالفة , يبصموك بدولة عطلانة وبعد ماتكدر تقدم بفلندة , وإذا جنت محضوض ومابصموك فالتهريب خطر , وتكاليفة اكثر ويطول اكثر !
ماكو غير تلكي فيزة شنكن من مكاتب السفر وهاي تكلفتهه لاتقل عن 10000 دولار , يعني دفتر , وأنته وحضك + فلوس الطيارة

وللمزيد من المعلومات راجع هذه الموقع  www.iraqi-refugees.org

99

مواضيع الحياة العامة في بلاد المهجر (امريكا) / رد: سياره

« في: 15:38 28/09/2012  »

تكدرين تاخذيلج كورلا 2007 او اقل شويه ,ماماشية اكثر من 100000 مايل , وتكون كلير تايتل , اقتصادية بالبانزين والتصليح , العراقيين يعرفولهه ويعرفون تصليحهه.

نصيحة للجميع : أياكم ثم اياكم تشترون ريبلد (يعني مدعومة ومسقطيهه وبعدين مصلحيهه ومسويلهه اوراق) لأن هذي سعرهه 40%-70% من سعر السيارة الكلير تايتل , وبعدين ماحد يشتريهه منكم بالمستقبل.

100

مواضيع الحياة العامة في بلاد المهجر (امريكا) / رد: سياره

« في: 15:25 26/09/2012  »

اخي/اختي الأعزاء , آني صارلي سنتين بأمريكا وصارت عندي شويه خبرة بالسيارة
اول شي اريد اعرف شكد الميزانية الخصصة ؟
علما انو امريكا ما مثل العراق , مايقيمون الإنسان من سيارته , آني شايف مدير الولمارت , الي فد 50 عامل جوه ايده , راكب سيارة بسيطة.

101

دردشة منتدى الهجرة واللاجئين / رد: قصة عائلة عراقية خبلت مديرة السكن

« في: 22:28 10/09/2012  »

100 مشاهدة وبس 7 مشاركات !!!!!!! شنو خايفين على الحبر لايخلص ؟
يعني 7% بس يشاركون

102

دردشة منتدى الهجرة واللاجئين / قصة عائلة عراقية خبلت مديرة السكن

« في: 21:45 10/09/2012  »

عائلة عراقية عايشة بسكن حكومي منخفض الدخل , ولأن العائلة ماتشتغل , فالحكومة تدفع الأيجار كااااااملا + 100 دولار صك كل شهر لدفع تكاليف الكهرباء, إظافة إلى انو الفودستامب (مخصصات الغذاء) حتصعد لأقصى حد كون العائلة بدون عمل.
العائلة الكريمة اشسوت اخذت الصك ومادفعت بيه الكهرباء !
النتيجة
.
.
.
.
شركة الكهرباء كطعت الكهرباء عليهم !! وبعز الشتة !!
العائلة الكريمه اشسوت ؟
اشسوت ؟
.
.
.
.
جابت حطب من بره وشعلته داخل الشقة !!!
شصار ؟
.
.
.
.
اشتغلت صفارات الحريق بسبب دخان الحطب داخل الشقة !!!!
شصار ؟
.
.
.
.
اجوي الشرطة الحريق وكتبو تقرير بالشغلة ومديرة السكن عرفت بالموضوع وشعر راسه وكف , كالت همزين ماحركتو العمارة
والنتيجة ؟
.
.
.
.
طلعتهم من السكن
.
.
.
.
النهاية

ملاحظة : القصة حقيقية 100%

103

مواضيع الحياة العامة في بلاد المهجر (امريكا) / قصة عائلة عراقية خبلت مديرة السكن

« في: 06:05 10/09/2012  »

عائلة عراقية عايشة بسكن حكومي منخفض الدخل , ولأن العائلة ماتشتغل , فالحكومة تدفع الأيجار كااااااملا + 100 دولار صك كل شهر لدفع تكاليف الكهرباء
العائلة الكريمة اشسوت اخذت الصك ومادفعت بيه الكهرباء !
النتيجة
.
.
.
.
شركة الكهرباء كطعت الكهرباء عليهم !! وبعز الشتة !!
العائلة الكريمه اشسوت ؟
اشسوت ؟
.
.
.
.
جابت حطب من بره وشعلته داخل الشقة !!!
شصار ؟
.
.
.
.
اشتغلت صفارات الحريق بسبب دخان الحطب داخل الشقة !!!!
شصار ؟
.
.
.
.
اجوي الشرطة الحريق وكتبو تقرير بالشغلة ومديرة السكن عرفت بالموضوع وشعر راسه وكف , كالت هزين ماحركتو العمارة
والنتيجة ؟
.
.
.
.
طلعتهم من السكن
.
.
.
.
النهاية

104

دردشة منتدى الهجرة واللاجئين / رد: إلى كل من يسأل نفسه : هل اسافر إلى امريكا ام لا ؟

« في: 05:00 30/06/2012  »

أخي سنوبي , آني انطيتك 5 نقاط لحاجات ودوافع الأنسان, وأنت وقفت بالنقطة الأولى !
بعدين انته شايف اللاجئين العراقيين بسوريا ولبنان ومصر وتركيا , حقيقة بيهم ناس مالاكين ياكلون,  وأحنه سنة 2012

وأي شخص سواء حملة شهادات او متمكنين .... إذا ماكو اسباب قاهرة خلتهم يغادرون العراق ... فحيرجعون.
ولهذا تلكي ابو الوضيفة مايترك وضيفته , ياخذ إجازة , وأبو الشغل مايعزل شغله, يخلي واحد بداله, واللي عنده بيت ماباعه , اجره .... هذولة مو لاجئين , هذولة ناس جايه تجرب حضهه , وعلى الأغلب حيرجعون ... لأسباب كثيرة.

الأخ اللي حجالنه على ابنه , مافهمنه , هوه اللي جاب ابنه لأمريكا , لو ابنه جابه , لو ابنه وحده بأمريكا ..... ولو هوه كال مثال بسيط جدا عن عائلتي مثلا .... يعني ممكن الواحد يفهم انو العائلة كلهه اهنا
فإذا الأب هوه اللي جاب الأبن , اكيد اكو اسباب قاهرة خلته ينتقل من العراق لأمريكا.

أعيد وأكول للجميع : اللي جان مرتاح بالعراق ماحيرتاح بامريكا , اخذوهه مني
آني عايش بأمريكا صارلي سنتين ونص , وداشوف بعينين , ماحد كلي... 

105

الهجرة و واللاجئين / رد: اللجؤء الى اوربا

« في: 04:43 30/06/2012  »

بلجيكا انسدت , أسألو زين قبل ماتتورطون.

بالحقيقة هيه اوربا كلهه انسدت, يكولون فلندة التعبانه بعدهه مفتوحة.

ههههههههههههههههه اذا فنلندا تعبانة لعد امريكا شينكال عليها هههههههههههههههههههههه والله يالله

اخي امريكا احسن بلد للاجئين.

106

دردشة منتدى الهجرة واللاجئين / رد: إلى كل من يسأل نفسه : هل اسافر إلى امريكا ام لا ؟

« في: 16:03 28/06/2012  »

أخي العزيز snoopy , بحسب كلامك , فأنته تصرفك مبنى على عكس الطبيعة البشرية اللي عليهه عامة الناس وهسه اشرحلك ليش وبساطة

الدوافع والحاجات هي اللي تحدد السلوك الإنساني الطبيعي
وهاي الحاجات بيهه اولويات
1- حاجات فسيولوجية : مثل طعام وشراب ولبس وراحة
2- الأمان
3- حاجات إجتماعية : الحب والتفاعل مع الآخرين (الأهل والأصدقاء والمجتمع)
4- الحاجة للشعور بالتقدير من قبل الآخرين
5- الحاجة لشعورك لتقديرك لذاتك

بحسب كلامك فهذي الأمور كلهه جنت محصلهه وموجودة عندك بالعراق ...

ليش تترك الأكل العراقي علمود تاكل همبركر وهوت دوك ولزانيا ؟
ليش تترك الأمان الي تشعر بيه داخل بلدك وتروح تبحث عن الأمان في بلد آخر ؟
ليش تترك محبة أهلك وأصدقائك ومجتمعهك اللي انته جزء منه ؟ وتعيش بمجتمع مابيه احد يعرفك ولايعرف عاداتك وتقاليدك.
ليش تترك التقدير اللي جان عندك كونك تشتغل في وضيفة مرموقة ؟ حته تشتغل حمال وغسال حتى ولو ليوم واحد.
حته اعضاء البرلمان اللي عايشين بره طول عمرهم رجعو للعراق علمود الوضيفة المرموقة اللي عمرهم ماحيحصلوهه بره.

في الحالة الطبيعية ... الأنسان مايترك هذي الحاجات من اجل اسباب غير قاهرة مثل (حلم او لايف ستايل) مثل ماتفضلت حضرتك.

إذا ماكو اسباب قاهرة خلتك تتحمل القهر اللي انته مريت بيه بأمريكا؟ شون تحملت ؟

المثل يكول شجابرك على المر ؟, غير الأمر منه
مايرهم تكول : شجابرك على المر ؟ , غير العسل الي قبله !!!!!!!    ........ العبارة غير صحيحة

107

دردشة منتدى الهجرة واللاجئين / رد: إلى كل من يسأل نفسه : هل اسافر إلى امريكا ام لا ؟

« في: 05:20 28/06/2012  »

حبي سنوبي , آني اتمنه انو الواحد يخالفني , لأن إذا كل الناس توافقني , فشون حوصل للحقيقة , وأسمحلي اوضحلك بعض الأمور اللي ذكرتهه
انته ذكرت انو الأوربيين يتمنون الهجرة للولايات المتحدة , اخي صح , بس احنه مو أوربيين , احنه عرب ومسلمين  , مانشاركهم لا بالدين ولا بالثافة ولابالعدادات ولا التقاليد ولا نكدر نكون مثلهم ,والاحنه شهادتنه مو معترف بيهه مثل الشهادة الأوربية, صاحب الشهادة الأوربية يدخل امريكا يشتغل مباشرة بشهادة إذا كان زين بالأنكليزي , الشهادة العراقية هههه ماكو داعي احجي , والفيترجي بأمريكا مو فد طموح ههههه يعني تترك عليه بلدك وأهلك وناسك ... فرحان والله حصير فيترجي بأمريكا .
اللبنانيين اخي العزيز تره طلعو بالثمانينات , لأن لبنان صارت نار وحديد ذاك الوكت ولهذا طلعو , مو والله خلي نروح نجرب.  وكثير منهم تأقلمو بره , لأن بيهم هوايه من الأخوة المسيحيين عدهم اقرباء بره. ولحد الآن الوضع الإقتصادي عدهم صعب جدا جدا فوك ماتتخيل, يعني ناس يجون من لبنان يكولون الرجل والمرة يشتغلون شغلتين علمود يغطون المصاريف بسبب غلاء المعيشه , يعني لاتقارنه بالعراق.
المصريين كذلك , 95% منهم بأمريكا من الأخوة المسيحيين,  والفقر بمصر شديد جدا, اخي بمصر الناس مالاكيه تاكل,  مثل المكسيكان , عايشين ابيوت الصفيح  والطين, يعني لمن يجي لأمريكا يتحمل , مو مثل العراقي , جودر سيارته , وأخذ إجازة من الوضيفة مالته , وأخذ الفيزة وشلع لأمريكا والله خلي اجرب.

108

دردشة منتدى الهجرة واللاجئين / رد: إلى كل من يسأل نفسه : هل اسافر إلى امريكا ام لا ؟

« في: 04:57 28/06/2012  »

اخي ابو سارة , يعني إذا واحد مرتاح ابلده ... لأن ديشتغل وياكل ويشرب وماحد يكدر يضايقه ....... بعد شنو طموحه اكثر يعني ؟!!!!

يعني مثلا فد واحد مرتاح بس طموحه من الناحية المادية مثلا ؟ إذا قصدك من الناحية المادية فإذا الواحد الحالة مالدية مالته زينة فـ الله وكيلك مايحتاج يجي لأمريكا , وأما إذا الواحد فاشل إقتصاديا بالعراق, برأيك حيجي لأمريكا وينجح ؟!! هوه بلغته وبشهادة بلده وبين اهله وماكدر , هنوب يجي اهنا ؟!!! يجي فلس ماعنده وشهادته مامعترفه وبدون لغة ومايعرف احد !!!!!!! اكيد مايتحمل ويرجع لأن الطينة تصير طينتين ههههه
او كتلك , يبقه يعاند نفسه وأهله وأصدقائه ويعيش اكل ونوم علمساعدات , لأن لاعنده ذاك الدافع الي يخليه يتحمل صعوبة الدخول بمجال العمل اهنا , ولا بيه يرجع.

نصيحة لوجه الله ... اللي مرتاح بالعراق وماعنده اسباب اللجوء, عمره ماحيرتاح بأمريكا. بس مضيعة فلوس ووقت.

طبعا احنه فد مجتمع ... واحد كرايبه سافر, رأسا يكول آني هم اسافر , قابل هوه احسن مني ؟!!!! وإذا تنصحه من اصل عشره بس واحد ياخذ بالحجي , فبلكي هذه الواحد يقره هذه الموضوع ويوفر على نفسه التعب.

109

دردشة منتدى الهجرة واللاجئين / رد: إلى كل من يسأل نفسه : هل اسافر إلى امريكا ام لا ؟

« في: 02:27 28/06/2012  »

كلامك صحيح اخي اللي يتعذب ويتعب لأن مهدد من يوصل اكيد يتحمل لكن اللي تجيه سهلة وماعنده شي يهدده يفكر بالرجوع والله يحفظ الجميع

 والمثل يكول (شجابرك على المر غير الامر منه )


            اختك ام حنين

بالضبط اختي ام حنين , انتي اختصرتي كل الموضع بسطرين, شكرا لمرورك الكريم.

110

دردشة منتدى الهجرة واللاجئين / إلى كل من يسأل نفسه : هل اسافر إلى امريكا ام لا ؟

« في: 00:54 28/06/2012  »

أخوان , احنه كلنه جنه نتمنه ندخل كلية الطب والهندسه والصيدلة , بس الشغلة مو بالتمني ؟ لازم يكون عندك معدل عالي قبل دخول الكلية.
ياترى نظام المعدلات هذه لصالحنه لو لا ؟ جنت دائما اكول منين جابولنه شغلة المعدل هاي ؟ خلو الناس تدخل الكلية الي تحبهه.
مثال : جان عندي صديق جانت درجاته كلهه ستينات وسبعينات , احد اقاربه جان مدير مركز امتحاني , وكل يوم صديقي جانت تجيه الأسئلة الصبح محلولة , والنتيجة الولد جاب معدل عالي جدا, دخل بيه كلية الهندسة معامري !!!
النتيجة : انو الولد رسب اول سنه , بسبب صعوبة الدراسة , وحاول انو ينتقل لكلية أدنى , وماصارت ورسب السنة الثانية وترقن قيده !!!

هسه خلي نرجع على موضوع اللجوء لأمريكا سواء SIV or IOM or UN
هل حقيقة انك تريد ان تكون لاجئ ؟ وماهو تعريف اللاجئ ؟

اللاجئ: هوه شخص خارج بلده الأصلي او مكان إقامته المعتادة بسبب تعرضه للإضطهاد بسبب العرق او الدين او الجنس او الرأي السياسي او لأنه عضو في مجموعة إجتماعية مضطهدة. ويمكن إحالة هذا الشخص بوصفه "طالب لجوء" حتى يتم قبوله كلاجئ في الدولة التي قدم فيها طلبه.

أخي العزيز , إذا كان هذه التعريف ماينطبق عليك , صدقني صدقني , وأقولها بثقة وبأمانة , انو انته لن ترتاح ابدا في امريكا نهائيها , كون دواعي وجودك بأمريكا غير حقيقة , هذي الدول ماجايه تلعب , وخالة هذي القوانين لمصلتنه أحنه.

خلاصة الكلام : إذا انته ماعندك اسباب قوية جدا, مثل اللي مذكورة بتعريف اللاجئ, تمنعك من استمرارك بالحياة في العراق , فصدقني مستحيل مستحيل ومن سابع المستحيلات انك تجد الراحة في امريكا, ولهذا الكثير رجع من امريكا, لأن ماعنده الأسباب والدوافع الكافية اللي تخليه يتحمل شتى انواع المصاعب والتحديات والنتيجة خسارة المال والوقت وربما الوضيفة العمل .... او ربما حتقرر انك تبقه تسبح ضد التيار , وتبقه تعاند في ان تكون في غير مكانك الحقيقي فتكون النتيجة انو الشخص ينكمش على نفسه وعن المجتمع الأمريكي ويبقه عايش على السكن المجاني والفودستامب والنتيجة ضياع العمر كله.

وهسه ارجع اسألكم , بعدكم متندمين مادخلتو الطب والهندسه والصيدله ؟ لو الحمد لله دختلو الكلية الي أهلكم معدلكم الهه ؟ وتخرجتو ونجحتو ؟

اترك لكم الجواب.
 

111

الهجرة و واللاجئين / رد: اللجؤء الى اوربا

« في: 00:06 28/06/2012  »

بلجيكا انسدت , أسألو زين قبل ماتتورطون.

بالحقيقة هيه اوربا كلهه انسدت, يكولون فلندة التعبانه بعدهه مفتوحة.