الرسائل

1

الهجرة و واللاجئين / كل عام وانتو بالف خير جبتلكم رابط ان شاء الله يفيدكم

« في: 10:28 09/08/2013  »

السلام عليكم
كل عام وانتو بالف خير بمناسبة عيد الفطر المبارك وان شاء الله الي دينتظر السفر يسافر ويرتاح والمماخذ قرار ياحذ قرار ويتوفق والمسافر يحصل شغل ويستقر ويرتاح طبعا خل احجيلكم شوية على احوالي هسه صار 3 اشهر على وصولي للولايات المتحدة وبعدني دادور شغل واني الحمدلله غير محبطة ومضايجة لان عندي ايمان انو الرزق على رب العالمين والشي الثاني الي مصبرني انه من المنتدى عرفت انه بامريكا مو بيوم وليلة تلكه شغل فهاي وحدة من افضال المنتدى عليه ولازم اذكرهه واحاول ارد جزء منهه طبعا لكيت هذا الرابط بالفيس بوك الصراحة اني بعدني مقريته بس كلت خل انزله هنا بلكي البقية يستفادون منه ان شاء الله يفيدكم

دليل المهاجرين الجدد باللغة العربية نسخة منقحة
http://www.uscis.gov/files/nativedocuments/M-618_a.pdf

وكل عام وانتو بالف خير

Dreamy girl / ABQ

2

دردشة منتدى الهجرة واللاجئين / رد: بمناسبة شهر رمضان .....

« في: 00:53 09/07/2013  »

ممنون اخي وجزاك الله كل خير على هذه المبادرة الحلوة واكو طريقة ثانية واتصور الكل يعرفه خاصة الي عدهم الهواتف الذكية وهواتف الاندرويد هو برنامج المؤذن ايضا كلش سهل ومريح ووين ماجنت رح تعرف وقت الصلاة عن طريق موبايلك بس عندي استفسار رحمة لوالديكم شون نستدل على هلال شهر رمضان في امريكا وخاصة انو المسجد بعيد علينه فياريت لو تعرفون فد موقع على الانترنت وجزاكم الله الف خير .

3

الهجرة و واللاجئين / رد: تفاصيل الرحلة من بغداد الى نيو مكسيكو

« في: 07:02 08/06/2013  »

الله يسلمكم اجمعين ويوم سفركم

4

الهجرة و واللاجئين / رد: تفاصيل الرحلة من بغداد الى نيو مكسيكو

« في: 01:28 07/06/2013  »

شكراَ جزيلا للكل على دعواتكم وتهانيكم وردودكم الحلوة وان شاء الله الي ينتظر السفر يسافر بأسرع وقت والي مسافر يتوفق بحياته الجديدة يارب

اخ دبوسي الذهب كل الي سويته وتكلي ممسوي شي ؟؟؟ وحشاك من التقصير الله يخليك ويحفظك ويحفظلك اهلك وناسك وكل محبيك يارب

اخ المتوكل من بطن عيني هذا الدعاء وان شاء الله تستفادون منه :
روى الشيخ الكفعمي في كتاب البلد الامين دعاء عن الامام زين العابدين (عليه السلام)، وقال: روى عنه (عليه السلام) هذا الدّعاء مقاتل بن سليمان، وقال: مَنْ دعا به مائة مرّة فلم يجب له فليلعن مقاتلاً، والدّعاء هو :
اِلـهي كَيْفَ اَدْعُوكَ واَنَا اَنَا وَكَيْفَ اَقْطَعُ رَجائي مِنْكَ واَنْتَ اَنْتَ، اِلـهي اِذا لَمْ اَسْاَلْكَ فَتُعْطيني فَمَنْ ذَا الَّذي اَسْأَلُهُ فَيُعْطيني، اِلـهي اِذا لَمْ اَدْعُكَ فَتَسْتَجيبَ لي فَمَنْ ذَا الَّذي اَدْعُوهُ فَيَسْتَجيبَ لي، اِلـهي اِذا لَمْ اَتَضرَّعْ اِلَيْكَ فَتَرْحَمْني فَمَنْ ذَا الَّذي اَتَضرَّعُ اِلَيْهِ فَيَرْحَمُني، اِلـهي فَكَما فَلَقْتَ الْبَحْرَ لِمُوسى عَلَيْهِ السَّلامُ وَنَجَّيْتَهُ اَسْاَلُكَ اَنْ تُصَلِّيَ عَلى مُحَمَّد وَآلِهِ واَنْ تُنَجِّيَني مِمّا اَنَا فيهِ وَتُفَرِّجَ عَنّي فَرَجاً عاجِلاً غَيْرَ آجِل بِفَضْلِكَ وَرَحْمَتِكَ يا اَرْحَمَ الرّاحِمينَ .

اخ صفاء الكرخي تسلم والله يخليك ويحفظ الاهل وان شاء الله نلتقي ونتعرف بعائلتك الكريمة اذا انت من اهل البوكركي لان بصراحة جنت دائما اقره مواضيعك وهواية استفاديت منهه

5

الهجرة و واللاجئين / رد: واخيررررررررررا السفر بالانتظار

« في: 07:22 06/06/2013  »

الف الف الف مبروك ولتشيل هم ان شاء الله اسبوعين ويتصلون بيك على خط الرحلة

6

الهجرة و واللاجئين / رد: تفاصيل الرحلة من بغداد الى نيو مكسيكو

« في: 04:47 06/06/2013  »

تسلمون على دعواتكم وتهانيكم الحلوة وربي يحفظكم ويسهل امر سفركم باسرع وكت وان شاء الله تجون وتشوفوهه احلى من ما وصفتهه واي استفسار اني بالخدمة

7

الهجرة و واللاجئين / تفاصيل الرحلة من بغداد الى نيو مكسيكو

« في: 02:57 06/06/2013  »

   السلام عليكم ورحمة الله وبركاته.......
بالبداية احب اعتذر عن التأخير بس هسه يله شديت انترنت بالبيت وكدرت انزل تفاصيل الرحلة
خل احجيليكم على تفاصيل ملفي
رقم الملف 116
تاريخ التقديم 2010
المقابلة الاولى 9/2010
الفحص الطبي 2011 / 1
المقابلة الثانية 3 / 2011
دورة تثقيفية 10 / 2011
طبعاَ احنه كيسين ربط قوي احد الكيسات اعاد الفحص الطبي 2012/5 والاخر 2012/7
اكتمل التجييك الامني لكلا الكيسات 17/3 واتصلو بينه يوم 1/4 واعطونه خط الرحلة والي كانت بتاريخ 29/4
طبعا مانسى فضل اخونه الغالي دبوسي والله هذا الانسان تاج عالراس ماحجيلكم على وكفته ويانه بالمطار لان صدك ماتنوصف وماكتفه بس بالمطار ووصه جماعة مسافرين علينه وهم هم ماقصروا الله يحفظه ويخلي ويسهل امره ويسافر باسرع وقت  ان شاء الله لان من وكفته ويانه عرفت انه اكو ناس بهلوكت تسوي خير لوجه الله مثل ما يكولون لو خليت قلبت
وصلنه للمطار ساعة ب 6 العصر لان الرحلة ساعة ب 10 ليلا وتعرفون الاجرائات يمكن 3 مرات تفتشنه  وطرنه ب 10 ليلا وجان ويانه تقريبا 8 عوائل وصلنه لمطار عمان ساعة تقريباً 30:11 ليلاً طبعا الواحد يحجيهه لله الاردنيين جان تعاماهم ويانه كلش  حلو من دخلنه لعمان لحد مطلعنه منهه
كملنه اجرائات المطار ساعة ب 1:00 ليلاً بتنه بالفندق وثاني يوم ساعة بــ 11 صباحاً  طيارتنه الى نيويورك والرحلة تقريبا طولت 11 ساعة ونص والخدمات جانت ممتازة بالطيارة  المهم وصلنه لنيويورك ساعة ب 3 الظهر بتوقيت نيويورك استقبلونه موظفي الاي او ام بالمطار ونطونه خطوط الرحلات بين الولايات و I-94 بعد ما كملنه الاجرائات توجهنه للفندق و ثاني يوم طرنه من نيويورك الى تكساس / مطار دالاس الدولي ثم من تكساس طرنه الى وجهتنه الاخيرة ولاية نيو مكسيكو (بالمطار استقبلنه كفيلنه وموظفين 2 من المنظمة )وتحديداَ منطقة البوكركي  طبعاً المنطقة كلش هادئة ونظيفة وغير مزدحمة وطبيعتهه حلوة وجوهه حلو بس الظهر تصير كلش حارة .
اخواني اي واحد متردد لا يتردد وخل ياخذ قرار لان هنا تحس نفسك صدك عايش واكو احترام وتقدير الك كانسان وتعيش حياتك بصورة طبيعية لان مع الاسف الميخافون من الله خلوا بلدنه ساحة حرب وهاي فرصة جتك من رب العالمين لازم متضيعهه وصدك متتندمون اذا اجيتوا صح تعب وغربة بس كلشي ينرادله تضحية ونصيحة للمنتظرين السفر الاستغفار اكثر من 2000 مرة باليوم يفتح الابواب المغلقة واني جربته والحمدلله واكو دعاء يسمى دعاء مقاتل بن سليمان قرائته 100 مرة هم لقضاء الحوائج اني قريته جمعتين فقط ورب العالمين الحمدلله سهلهه بس المهم يكون ايمانك وثقتك برب العالمين انو حيستجيبلك وصدكني مايخذلك حشا لله .
واتمنى انو ما كون طولت عليكم ويارب يسهلهه عليكم باسرع وكت بجاه الحبيب محمد لان اعرف هاي ايام الانتظار شتسوي بالواحد الله يعينكم ويصبركم
واي استفسار اني بالخدمة

وتحياتي وتحيات الوالدة للاخ المحترم دبوسي

8

الهجرة و واللاجئين / رد: بشرى سارة لجماعة بغداد تحديدا

« في: 18:47 15/03/2013  »

اخوية ابو مريومة شنو انــــــــــــــــــــت فنــــــــــــــــان
وسنكل مان انـــــــــــــــــــت خرااااااااااااااااافي
تسلمون وان شاء الله انتو ودبوسي اول الناس

9

الهجرة و واللاجئين / رد: شهادة للاخ سنكل مان على دقة تحليلاته بعد مراجعة الهجرة اليوم

« في: 14:09 15/03/2013  »

اخوية single man ممكن تحلل ليش ملطوش لحد هسة بالاردن
استلام مغلف يوم 24\3\2012
فحص طبي ورة اسبوع يمكن المفروض اسافر بش رالعاشر وتحديدا يوم 17\10\2012 بس كالو تاجل من المنظمة الي بامريكا ماعرف السبب وفحص طبي ثاني يوم 2\10 \2012 وبداية الشهر الرابع الفحص الطبي الثالث  وشكرا الك

اهلا و سهلا بيك اخي العزيز
هو غالبا شغلة تاجيل السفر سببها تجييك امني بخصوص الاسماء يصير تشابه اسماء او تشابه بصمات و بسببها يتاجل السفر او مرات يصير التاجيل بسبب عدم اكتمال اجراءات معينة يعني هي الشغلة غامضة
يعني ما اتصور تصدف بيوم السفر و يصير اكسباير بالامنية بس هو على الاكثر سببه تشابه اسماء او بصمات اثناء اثناء التدقيق بالسفر
بس خلي ببالك حتى تعرف عندك اكسباير بالامنية الاولى اولا اذا عدت الفحص الطبي بشهر الرابع معناها الامنية الاولى عندك كاملة
لكن نتمنى انه يجيك موعد سفر ثاني بشهر الرابع قبل ما تعيد الفحص
تحياتي

تحية للاخ سنكل مان ولكل الاخوة بعينكاوا اخوية سنكل مان حالة ملفي فعال والتجييك الامني بالانتظار من 1-2-2013 وبشهر الخامس الفحص يصير اكسباير اذا صار اكسباير يعني يأثر عالتجييك علماً انه الربط قوي مع ملف الوالدة وهم حالة ملفهه مثل ملفي فعال منذ اكثر من 6 أشهر والتجييك بالانتظار

مع الشكر الجزيل

اهلا و سهلا بيج اختي العزيزة
يعني راح اجاوبج بقدر معلوماتج الي كاتبتها لذلك مراح اكون دقيق وياج
اختي الكريمة اذا الولاية و المطار موجودات و ملفكم فعال فانا ارجح اكتمال التجييك الامني عندكم الان و فعال معناها هناك اجراء غير مكتمل لحد الان من قبل iom فبعد ما يكمل هذا الاجراء راح تتحول ملفاتكم الى جدولة السفر و يكتمل عندكم التجييك الامني بالموقع
تحياتي
[/qu

تسلم اخوية العزيز اي موجودات المدينة والمطار واشكرك اخوية مرة ثانية والله هاي اجراءاتهم دمرتنه لو بس اعرف شدينتظرون

10

الهجرة و واللاجئين / رد: شهادة للاخ سنكل مان على دقة تحليلاته بعد مراجعة الهجرة اليوم

« في: 21:28 14/03/2013  »

اخوية single man ممكن تحلل ليش ملطوش لحد هسة بالاردن
استلام مغلف يوم 24\3\2012
فحص طبي ورة اسبوع يمكن المفروض اسافر بش رالعاشر وتحديدا يوم 17\10\2012 بس كالو تاجل من المنظمة الي بامريكا ماعرف السبب وفحص طبي ثاني يوم 2\10 \2012 وبداية الشهر الرابع الفحص الطبي الثالث  وشكرا الك

اهلا و سهلا بيك اخي العزيز
هو غالبا شغلة تاجيل السفر سببها تجييك امني بخصوص الاسماء يصير تشابه اسماء او تشابه بصمات و بسببها يتاجل السفر او مرات يصير التاجيل بسبب عدم اكتمال اجراءات معينة يعني هي الشغلة غامضة
يعني ما اتصور تصدف بيوم السفر و يصير اكسباير بالامنية بس هو على الاكثر سببه تشابه اسماء او بصمات اثناء اثناء التدقيق بالسفر
بس خلي ببالك حتى تعرف عندك اكسباير بالامنية الاولى اولا اذا عدت الفحص الطبي بشهر الرابع معناها الامنية الاولى عندك كاملة
لكن نتمنى انه يجيك موعد سفر ثاني بشهر الرابع قبل ما تعيد الفحص
تحياتي

تحية للاخ سنكل مان ولكل الاخوة بعينكاوا اخوية سنكل مان حالة ملفي فعال والتجييك الامني بالانتظار من 1-2-2013 وبشهر الخامس الفحص يصير اكسباير اذا صار اكسباير يعني يأثر عالتجييك علماً انه الربط قوي مع ملف الوالدة وهم حالة ملفهه مثل ملفي فعال منذ اكثر من 6 أشهر والتجييك بالانتظار

مع الشكر الجزيل

11

الهجرة و واللاجئين / رد: احصائيات السفر للكيسات من سنة 2008 ولغاية 2013 والمتبقي منها من خلال مشاركاتكم

« في: 20:46 14/03/2013  »

حلو موضوعك حبيت اشارك
2010  IZ-116  تقديم من بغداد الحالة انتظار الامنية

حالة الكيسات مالتنه بالضبط تشبه ملفك وهم بانتظار الامنية

12

الهجرة و واللاجئين / رد: المترددين وكل شخص اعرف بحالته

« في: 16:13 12/03/2013  »

الفين رحمة على والديكم وكانه انتو تعرفون الحجي الي اريد احجي وكل كلامكم مضبوط 100% واني عن نفسي للحظة ما اتردد لو شمتكون الحياة هناك احسن من هنا بمليون مرة

13

الهجرة و واللاجئين / رد: الحمدلله والشكر دااشوف انفراج بالسفر لاعظاء عينكاوا واتوقع بقو قليلين وخلي نسوي تعداد

« في: 14:52 12/03/2013  »

احب ابارك لكل من سافر من اعظاء منتدانا والظيوف الكرام حبيت اسوي تعداد لمن بقى من المنتدى وان شاء الله كلنة نسافر ودااشوف اكو جدية بالموضوع بسفر العراقيين وباقي الجنسيات
بالنسبة الية  اول واحد ومن جماعة عمان يلة مشاركاتكم ويانة خلي نسوي احصائية
بسم الله الرحمن الرحيم نبدأ الجدول
ا.الشبح 12 الاردن وحخلي اسماء الي يشتركون والي يسافر خلي يبلغني انزل موعد سفرة بيوم سفرة واني حاظر للطيبين   ;1.الشبح12 رقم الملف 124 الاردن انتظار الامنية
2.ام اديان رقم الملف 123 بغداد انتظار الامنية
3.محمد نور انتظار الامنية
4.انتظار الامنية ابو اديان رقم الملف114 بغداد
5.ام راما رقم الملف 105 سوريا انتظار الامنية
6.النعيمي رقم الملف 116 بغداد انتظار الامنية
شبوح ضيفني وياك تقديم 2010 (116) انتظار الامنية
7.عبدالله رقم الملف 128 بغداد انتظار الامنية
8.glory girl رقم الملف 109 بغداد بانتظار الامنية
9.حنكو فيس رقم الملف 116 بغداد انتظار الامنية
10. snsoon572 رقم الملف 110 بغداد انتظار الامنية
11.قسوة الحياة رقم الملف 123 بغداد انتظار الامنية
12.سرب الطيور بغداد رقم الملف 121 بغداد انتظار الامنية
13.Emerald رقم الملف 114 سوريا انتظار الامنية
14.ankawa_2010 رقم الملف 113 سوريا انتظار الامنية
15.صبرا جميلا رقم الملف 112 بغداد انتظار الامنية
16. just call رقم الملف 111 بغداد انتظار الامنية
17.sara amman  رقم الملف 121 الاردن انتظار الامنية يلة واخيرا احد اشترك من الاردن
18.اسراء الوردة سوريا نقل ملف لعمان رقم الملف 108 امنية ماقبل السفر
19.maximose رقم الملف 125 الادرن انتظار الامنية jack black
20.jack black رقم الملف 121 الاردن انتظار الامنية
21.beame رقم الملف 117 بغداد انتظار الامنية
22.Wingo رقم الملف 107 الاردن انتظار الامنية وهو من القدماء جدا وان شاء الله تفرحنة بسفرك واني والله العظيم حاس بمشاعرك وان شاء الله تفرحنة بسفرك عن قريب يا الله ولكل المنظرين
ملاحظة: 13 من بغداد  و3 من سوريا و6الاردن


22 كيس يلة نريد انقبط الطيارة  

والله ثم والله اتمنة ولاواحد يبقة بهاي الجمعية واتمنة كلكم تسافرون ومحد يبقة وان شاء الله خير للكل وان شاء الله الفر ج جاي

14

اجتماعيات (ترحيب، تهاني و تعازي منتدى الهجرة) / رد: واخيرا وصلت الى امريكا يوم الجمعة 8/3/2013

« في: 19:40 10/03/2013  »

IZ-113XXX +IZ-130XXX

اول مقابلة وثانيةمقابلة شهر 8/2010
فحص اول شهر 12/2010
اول سفر تاجل شهر 2/2011 من قبل المنظمة
اعادة المحلفين شهر 2/2012
اعادة فحص ثاني 4/2012
الملف بقى معلق اكثر من سنة
الامنية تغيرت نهاية شهر 1/2013 مكتمل
تم تحديد السفر قبل 5 ايام من شهر 3/2013

اخوية او اختي اولاً الف مبروك وحمدلله عالسلامة بس اريد اعرف رحمة لوالديك حسب من الي فهمته من حالة الملف انه انتو كيسين بينكم ربط قوي وسافرتو سوه كلي هذا الربط هم اثر واخر السفر لان احنه نفس الحالة وملف الوالدة صارله اكثر من 6 اشهر فعال وملفي تقريبا صارله شهر ونص واكون ممنونة منك وتسلم

Dreamy girl / Baghdad

15

اجتماعيات (ترحيب، تهاني و تعازي منتدى الهجرة) / رد: تيولب في بلد الاحلام

« في: 15:38 10/03/2013  »

والله والله اختي العزيزة فرحتلج من كل قلبي لان  من صدك تستاهلين كل خير وافضالج هواية على كل واحد بالمنتدى الـــــــــــــــــــــف مبروك

16

الهجرة و واللاجئين / رد: لكل المتعبين و الخايفين السنه الماليه 2013 فرحوا+اعداد المسافرين من بغداد يوميا من خلال الاخ دبس

« في: 11:24 10/03/2013  »

الله يبشرك بالخير يادبوسي يابو الدبابيس بالدنيا والاخرة على هاي الاخبار والاعداد المتزايدة رحمة على الاهل الطيبين

17

الهجرة و واللاجئين / رد: لكل المتعبين و الخايفين السنه الماليه 2013 فرحوا+اعداد المسافرين من بغداد يوميا من خلال الاخ دبس

« في: 18:49 09/03/2013  »

الله يبشرك بالخير اخوية دبوسي ابو الدبابيس

18

الهجرة و واللاجئين / رد: الامنيه .....والربط القوي

« في: 20:02 28/01/2013  »

اخوان هاي شنو صدك تحجون ؟؟ معناها ننسى السفر احسنلنه احنه 3 نفرات وكيسين وقبل 6 أشهر سوينه الربط قوي معناها على هالحالة  نأيس شتنصحونه نفك الربط لو ميصر يوميه نحول الربط؟؟؟

19

الهجرة و واللاجئين / رد: جماعة 116 رحمة لوالديكم ماكو شي جديد

« في: 19:07 28/01/2013  »

اخوية احنه هم من جماعة 116 وبعدنه نفس الطاسة ونفس الحمام مكملين كلشي ودننتظر اكتمال التجييك الامني



تحياتي

20

الهجرة و واللاجئين / علاقة تغيير الولاية وجعل الربط قوي بتأخير السفر

« في: 21:40 19/10/2012  »

مرحباَ اخوان
بس احب اسأل اذا تغيير الولاية وجعل الربط قوي يأدي الى تأخر السفر حته اذا مكملين كلشي ماعدا الامنية طبعا وحته فحص عايدين وتثقيفية هم مكمليهه

شكراَ الكم

21

الهجرة و واللاجئين / رد: مكاتب ترجمة

« في: 14:21 19/10/2012  »

تسلمون كلكم على ردودكم بس المشكلة اختي بعدهه طالبة كلية والتربية ميقبلون يسوونياها مترجمة يكولون اله مرقن قيدهه او متخرجة يله نطيكم مترجمة فسويناها بالعربي وكلنه نترجمهه من اي مكتب خارجي ومشكورين مرة ثانية

22

الهجرة و واللاجئين / مكاتب ترجمة

« في: 11:55 19/10/2012  »

السلام عليكم اخواني الاعزاء بس احب استفسر منو يعرف مكاتب ترجمة زينة بالمنصور او الحارثية او المناطق القريبة عليهه لان نريد نترجم وثيقة مدرسية ومنعرف مكاتب الي يعرف ينطيني معلومات حته لو بس رقم هاتف او اسم او عنوان المكتب اذا ماكو زحمة عليكم وممنونة منكم مقدماَ


تحياتي

23

الهجرة و واللاجئين / رد: أحد كمل تثقيفية واعادة فحص وليهسا باقي عالامنية مثل حالتي

« في: 19:26 07/10/2012  »

اخواني ان هم من جماعة 2010 مكملة كلشي وعايدة فحص وكلما اراسلهم يكلولي الملف بانتظار التجييك الامني

24

الهجرة و واللاجئين / رد: جماعة ملف رقم 116 الي مكتملة ملفاتهم خلي نتواصل

« في: 21:00 04/10/2012  »

شباب اني هم من جماعة 116 بغداد ودانتظر رحمة رب العالمين

25

الهجرة و واللاجئين / رد: [جمعية الي مكتملة الامنية خلي نتواصل وباقي على السفر فقط

« في: 21:10 02/10/2012  »

اخوان ملفي بعده كما هو لاجديد ودانتظر رحمة رب العالمين

26

اجتماعيات (ترحيب، تهاني و تعازي منتدى الهجرة) / رد: رحلتي من بغداد الى امريكا بالفــــديــو

« في: 20:15 30/09/2012  »

تسلم ....تسلم....تسلم ورحمة الله والديك وموفق ان شاء الله

27

الهجرة و واللاجئين / رد: جمعيه انتظار الامنيه

« في: 19:18 30/09/2012  »

السلام عليكم
حبيت اشارك وياكم وانشاءالله تكون فاتحة خير علينه كلنه
التقديم 2010 كلشي مكتمل وعايدة الفحص الطبي والملف بانتظار النتيجة والامنية (pending)


تحياتي

28

الهجرة و واللاجئين / رد: صـــــــــــــدق او لاتــــــــصـــــــــــدق

« في: 20:45 29/09/2012  »

بشرنه اخ صفاء شخبار عوائلنه العراقية وصلت بسلامة ؟؟؟ و شنو الاخبار اكو عوائل حتجي بشهر العاشر؟؟

29

سجل الزوار و باب الاقتراحات / رد: تغيير اسمي

« في: 21:01 24/09/2012  »

بانتظار تعديل الاسم من حضرتكم

30

الهجرة و واللاجئين / رد: التسجيل في موقع iom

« في: 19:18 24/09/2012  »

لا اخوية هي اصلا ممسجلة بالموقع بس دتريد تسجل ودتصير هاي الحالة ومدتعرف وين الخلل

31

الهجرة و واللاجئين / التسجيل في موقع iom

« في: 20:36 23/09/2012  »

اخوتي الافاضل
مساء الخير
اختي كلما تسجل بموقع IOM  يظهر الرد ادناه باللون الاحمر معناها الاسم مستخدم مع العلم انه غيرت الاسم والباسوورد اكثر من مرة بس بدون جدوى الرد نفسه ديظهر زين وين الخلل ؟؟؟ ارجو المساعدة وتوضيح مالعمل حته تكدر تسجل بالموقع

Register Failure: The username is already in use.


شكرا لتعاونكم مسبقاَ

32

الهجرة و واللاجئين / رد: لكل الخايفين و المتعبين السنه الماليه 2013 فرحواااااااااااااااااااااا

« في: 19:57 23/09/2012  »

يابه الف رحمة على والديج الطيبين وماعرف شون اجازيج على هاي الاخبار لاحلوة ومن صدك رفعتي معنوياتنه وانتي دائما اخبارج حلوة ومواضيعج تطمنه الله يسهلهه عليج وان شاء الله تسافرين قبلنه كلنه على طيبة قلبج وحبج للغير

33

الهجرة و واللاجئين / رد: [جمعية الي مكتملة الامنية خلي نتواصل وباقي على السفر فقط

« في: 19:49 23/09/2012  »

هههههه العفو بس اني حرت لان اسم روان للبنية والولد عموماَ اتشرفت بمعرفتك واني اختك مو اخوك والله قبل مجنت مسجلة بالموقع مال اي او ام بس هسه سجلت وكلما ادخل علي اشوفه هيج واني مقدمة من 2010 ومكملة كلشي حته الدورة التثقيفية قبل سنة كملناها وعدت فحص بالخامس وكلش ماكو

عادي أختي مصار شي وإلي الشرف بمعرفتج ...

لعد ما طول مكمله كلشي وإنتي من جماعة 2010 إن شاء الله عن قريب تسمعينه أخبار حلوه عن سفرج يا رب ...

الله يخليك وتسلم وان شاء الله نسمع من الكل اخبار حلوة واولهم انت

34

الهجرة و واللاجئين / اكو علاقة؟؟؟؟؟؟؟؟؟

« في: 20:24 18/09/2012  »

اخواني واخواتي الاعزاء
قبل كم يوم احد الاخوان ومشكور جداَ نزل موضوع بخصوص مطلوب موظفين لل iom
وقبل فترة هم سمعنه انه ال iom هم محتاجين موظفين
المهم هل معناها انه هذا الموضوع اله علاقة بالتسريع؟؟؟؟ لو احنه بس نريد نفرح روحنه بأي شي

بلكي نشوف ارائكم لان اني اتوقع اكو علاقة بين الموضوعين

تحياتي

35

الهجرة و واللاجئين / رد: [جمعية الي مكتملة الامنية خلي نتواصل وباقي على السفر فقط

« في: 18:14 18/09/2012  »

هههههه العفو بس اني حرت لان اسم روان للبنية والولد عموماَ اتشرفت بمعرفتك واني اختك مو اخوك والله قبل مجنت مسجلة بالموقع مال اي او ام بس هسه سجلت وكلما ادخل علي اشوفه هيج واني مقدمة من 2010 ومكملة كلشي حته الدورة التثقيفية قبل سنة كملناها وعدت فحص بالخامس وكلش ماكو

36

الهجرة و واللاجئين / رد: [جمعية الي مكتملة الامنية خلي نتواصل وباقي على السفر فقط

« في: 19:47 17/09/2012  »

مرحباَ اخوتي واخواتي الاعزاء اني ملفي مثل حالة ملف الاخ او الاخت Rawan واحب انضم الكم

37

الهجرة و واللاجئين / رد: صـــــــــــــدق او لاتــــــــصـــــــــــدق

« في: 19:35 16/09/2012  »

الف رحمة على والديك اخ صفاء على نقل هذا الخبر الحلو احنه هم مقدمين على نيو مكسيكو وكفيلنه بالبوكركي

38

سجل الزوار و باب الاقتراحات / رد: تغيير اسمي

« في: 16:30 14/09/2012  »

شكراَ جزيلاَ لكم لكن ديظهر الرمز * قبل الاسم

39

سجل الزوار و باب الاقتراحات / رد: تغيير اسمي

« في: 21:03 11/09/2012  »

سادتي المحترمين
انا بانتظار تغيير الاسم من قبل حضرتكم

40

سجل الزوار و باب الاقتراحات / تغيير اسمي

« في: 21:28 10/09/2012  »

ارجو من الادارة الكريمة بالتفضل بتغيير اسمي من Aya Dhia الى Dreamy Girl
مع جزيل الشكر والتقدير

41

سجل الزوار و باب الاقتراحات / استفسار عن تغيير الاسم

« في: 19:03 10/09/2012  »

السلام عليكم اود الاستفسار عن كيفية تغيير الاسم في المنتدى
مع جزيل الشكر