الرسائل

1

الهجرة و واللاجئين / رد: الى العراقيين الي بأمريكا واهل الخبرة ارجوا الاستفسار منكم ومساعدتكم

« في: 19:26 24/06/2013  »

شباب اني اشكركم على ردودكم ومساعدتكم اليه .حبي تكدر ترسلي ايميل مدير المنظمة واي ايميل مهم بالمنظمة لان والله تعبت وبعد ما اتحمل

2

الهجرة و واللاجئين / الى العراقيين الي بأمريكا واهل الخبرة ارجوا الاستفسار منكم ومساعدتكم

« في: 17:48 23/06/2013  »

السلام عليكم

اني احد المكروديين المقدمين على ال الاي او اوم مقدم الشهر 4 /2011 ولحد هذا اليوم ما مقابل مقابلة المحلف مع العلم انو كل الي اعرفهم الي قدموا وراية ياأما سافروا او دينتظرون السفر وبس اني دا انتظر هاي المنظمة  يلتفتون عليه ..اني عندي ابن خالتي صارلة تقريبا سنة وشوية بفلوريدا اتصل بية قبل كم يوم يستفسر على شغلتي كلتله نامت عليه طابوكة كالي ليش متقدم على فيزة دراسية   ومن تجي هنا تحول حالتك من طالب الى لاجئ وكالي هي تكلفك بس المدة الي راح تبقة بيه الى ان تحصل اللجوء....جماعة الخير حبيت اتاكد من هذا الموضوع وهل انو يصير هذا الحل لان ملت روحي من المنظمة وما اشوف وراهم امل.

3

الهجرة و واللاجئين / رد: ممكن استفسار شباب واني جدا جدا جدا ممنون

« في: 20:23 19/02/2013  »

اني كلش اشكركم شباب على ردودكم وتعبتكم ويايه ....بالنسبة لنص الرسالة فهو اجاني بالعربي ويكول

( تحية طيبة من مركز معلومات المنظمة الدولية للهجرة،

 

 نود ابلاغكم أنه قد تم تحديد موعد مع المحلفين لأخذ بصمات الايدي لاستكمال باقي اجراءات الملف الخاص بكم . أدناه, توجد المعلومات والتفاصيل الخاصة بهذة المقابلة:)

....وبالنسبة للاخ الي يسأل اني من وين اني من بغداد ....انشالله يارب تسهل الامور للجميع والكل تسافر ونخلص من مذلة المنظمة ومن بهدلتهه

4

الهجرة و واللاجئين / ممكن استفسار شباب واني جدا جدا جدا ممنون

« في: 12:51 18/02/2013  »

سلاااااااااااااااااااام حار لجميع اعضاء المنتدى الطيبييييييين

دزولي المنظمة رسالة تكول بنص العبارة تم تحديد موعد مع المحلفين لاخذ بصمات اليد لاكمال باقي اجرءات الملف ,قبل المقابلة بيوم دزولي رسالة كالو لازم تطبعها وتجيبها للمقابلة واركز على كلمة مقابلة لان اني من رحت كنت فاهم انو هاي مقابلة محلف من وصلت كالولي لا انت ماعندك مقابلة محلف انت عندك بس بصمات اصابع بس اريد استفسر من اهل الخبرة اني فاهم الرسالة غلط لو هاي خربطة من المنظمة ,وسؤال ثاني شوكت مقابلة المحلف ورة بصمات الاصابع ,,,,,,واني جدا ممنون منكم شباب

5

الهجرة و واللاجئين / رد: محتاج مساعدتكم يااهل الغيره

« في: 16:06 15/11/2012  »

تسلموووووووووووووووووون شباب ويارب يحفظكم وجدا ممنون اني

6

الهجرة و واللاجئين / محتاج مساعدتكم يااهل الغيره

« في: 10:32 14/11/2012  »

شباب يررررررررررررررررررررررررررحم والديكم الي عنده ايميل مدير المنظمة او اي شخصية مهمه بالمنظمة محتاجه ضروري اذا مابيه زحمة عليكم

واني كلش ممنون الكم

7

الهجرة و واللاجئين / رد: ارررررررررررررررررررررررجو المساعدة يرحم والديكم

« في: 17:51 13/11/2012  »

شباب اني كلش اشكركم على تعاونكم ويايه وعلى تعاطفكم بس محتاج ايميل مدير المنظمة لان جان عندي وملكيته او ايميل اي شخصية بالمنظمة اله تأثير لان شغلتي حيل حرجة شباب والوضع مالتي كلش موزين

8

الهجرة و واللاجئين / ارررررررررررررررررررررررجو المساعدة يرحم والديكم

« في: 11:18 13/11/2012  »

اشلونكم شباب انشالله الكل بخير


شباب عندي فد استفسار ارجو ان تساعدوني يرحم والديكم

شباب اني دتجيني رسائل تهديد بالقتل على موبايلي ودزيت للجماعة رسالة قبل يومين كلتلهم على هذا الموضوع وطبعا ماجاوبوني ولاحس ولا خبر شسوي بهاي الحلة لان اني وضعي كلش خطر وما ادري شسوي ,,,,شتكولون اراسل مديرة المنظمة اشرحلهه السالفة لو اشلون لان ذولة مو مال الواحد يعتمد عليهم

مع جزيل الشكر والتقدير

9

الهجرة و واللاجئين / رد: بشرررررررررفكم اهل الخبرة عندي موضوع حيل موترني بس اريد جواب

« في: 22:25 28/08/2012  »

اني حيل اشكركم شباب تعبتكم ويايه بس تدرون التوتر شيسوي بالشخص وردت شوية استفاد من معلوماتكم  لان هاي المنظمة حيل تعبانه ولو يصفطون ويكعدون ببيوتهم حييييييييييييل احسن....وعلى قول الشاعر ياشماتت أبلله طازه فيه

10

الهجرة و واللاجئين / رد: سلام حااااااااار حيل للجميع وانشالله السفر عن قريب

« في: 20:07 27/08/2012  »

اجمل مافي الحياة ان تتقاسمها مع اصدقاء ....يعرفون معنا وجودك ...ويعرفون صدق شعورك ....ويشفون لك جروحك ...ويخلصون لك في غيابك ...ويبحثون عنك حتى في وجودك ........... يارب يحفظكم جميعا ويوفقكم ويسر اموركم والفرح دوم يارب ...يارب يارب تسهللنه جميعا ونسافر لارض الوطن ونخلص والله ملينه

11

الهجرة و واللاجئين / بشرررررررررفكم اهل الخبرة عندي موضوع حيل موترني بس اريد جواب

« في: 19:43 27/08/2012  »

شباب مساء الخير

اني قابلت المقابلة الاولى يوم 6/ 7 ويوم 1/ 8 اجاني ايميل من السفارة يكول انو انت عندك موعد مقابلة يوم 14/ 8 وبعد يوم خابروني علمود الفحص الطبي يوم 15/ 8  يوم 13/ 8 اتصلو بيه المنظمة وكالو انت باجر ماعندك مقابلة لان انت مكمل المقابلة الاولى وباجر لتجي بس روح كمل الفحص الطبي مالتك واجاني ايميل يكول احنه غلطانيين وراح نحطك بالجدول.....هنا  معناها انهم راح يعتبروني مقابل المقابلة الاولى يوم 14/ 8 لو من يوم مقابلتي الاولى الي هي يوم 6/ 7  وللعلم اني فتحت موقع تشييك الحالة يوم 17/ 8 ولكيت مقابلتي الاولى مكتوب كدامهه مكتمل ...سؤال ثاني شنو معناة الحالة الامنية انتظار 

12

الهجرة و واللاجئين / رد: اخوان اريد معلومات عن ماليزيا لاصحاب الخبرة

« في: 21:04 25/08/2012  »

مساء الخير

1-الفيزه ينطوكياها بالمطار من تدخل يسئلك الموظف قبل ميختملك انت شنو هدف زيارتك كله سياحه راح ينطيك شهر وره متستقر تكدر تدبر اقامة 3 اشهر قابلة للتجديد وهذا يفهموك عليه العراقيين هناك
2- اسعار الطعام جيده يعني تلكه مطاعم غالية وتلكه مطاعم رخيصه بس هي على العموم ارخص من العراق بس تره المطاعم العربية قليلة هناك وارقه مطعم بماليزيا مطعم عراقي اسمه القلعة موقعه بنص العاصمة كوالالمبور جوه البرجين مال بتروناس والكعدة بي تخبببببببببببل..بس انت اذا مقيم هناك تكدر تتسوك وتطبخ ارخص الك
4-جوها دائما صيف تتراوح درجة الحرارة بين ال22الى ال 30 ورطب والمطر بطول السنة بس عندك من الشهر ال11 الى 1 المطر دائمي ويخوف تكول راح تقوم القيامة

13

الهجرة و واللاجئين / رد: سلام حااااااااار حيل للجميع وانشالله السفر عن قريب

« في: 17:33 25/08/2012  »

اني كلش ممنون واشكركم على مشاعركم الحلوة الي هي من طيب اخلاقكم وانشااااااااااااااااااالله ياربي الله يسهل للجميع والكل تسافر ونخلص يارب

14

الهجرة و واللاجئين / سلام حااااااااار حيل للجميع وانشالله السفر عن قريب

« في: 23:24 24/08/2012  »

اولا : السلام عليكم شباب

ثانيا : اني عضو جديد وياكم واتنمى ترحبون بيه واتمنى نصير اصدقاء هنا ومن نطلع انشاااااااااااااااااااااااااااااااااااالله

ثالثا : اني حبيت اشارك وياكم بالمنتدى هذا حتى استفاد من معلوماتكم وخبرتكم وطبعا اني قاري كل مواضيعكم لان يوميه ادخل بلكي نسمع خبر يفرحنه لان الكيج مال التوتر يقره عندي 1000 وبعد ما اكدر انتظر

اني رقم الكيس مالتي 128xxxxx

مقدم 20/04/2011
مقابلة اولى 08/07/2012
فحص طبي 15/08/2012
ودا انتظر ظرتي المحلف

وطبعا اني جنت اشتغل وياهم بالخطوط الاماميه وجنه محسوبين بالخسائر بس الله نجانه

سلاااااااااااااااااااااامي