الرسائل

1

الهجرة و واللاجئين / رد: جاوبوني ألله يخليكم شنو هاي الرساله وليش ما دزولي عالكيس نمبر مالتي مثلها

« في: 13:37 24/10/2012  »

اخي العزيز ما اولا الف مبروك لاهلك و انشا الله يوم الالك ثانيا اني ما اريد اهبط معنوياتك و انما هاي نفس حالتي اني مقدمه من ال 2008 بعدين بال 2011 ضفت اهلي و الحمد لله بال 8 اهلي سافروا و اني لحد هسسسسسسسسسسسسسسسسسه موجوده و اراسلكم من قلب الحدث في العراق الله يسهلهه يارب و ما ادري شاكول هذا موديل جديد شكلهم اتعودوا عليه

2

الهجرة و واللاجئين / رد: من الصبح لحد هسه 5:50 مساءاً والموقع ميفتح عندي

« في: 10:44 21/10/2012  »

11:41 AM ولحد هسه ماكو اي شي

3

الهجرة و واللاجئين / رد: منو بعده مـمتخبل؟؟؟؟؟؟ لعيونك ابو كرم ههههه

« في: 14:04 16/10/2012  »

المفروض اول منوصل يستلمونه و يكولون " نماذج تجارب ال IOM "

4

الهجرة و واللاجئين / رد: اريد تحليل لهاي الرسالة هسة استلمتها .....بدون امر عليكم

« في: 13:13 16/10/2012  »

اخويه النعيمي بما انه اني مخضرمه فحبيت انه امتبلك شويه تفاصيل عن هاي الرساله :
انت اذا رحت مقابله ثانيه يكولوكم انه وره 60 يوم راح نردلكم خبر
و بعدين وراها يدزون ديفرال لتر اللي هو ايميل المغذي مابعد موافقة المحلف
وراها راح يغلسون عليك الى ان انت ادزلهم ايميل و تسالهم عن حالتك فراح يجاوبوك بهذا اليميل اللي اجاك و اللي ترجمته الحرفيه :

بعد الاستعراض الدقيق لسجلاتك توضح لنا أن قضيتك حاليا في الانتظار بمراحل التدقيق الامنيفي  الولايات المتحدة الحكومة والمطلوبه لجميع اللاجئين قبل المغادرة إلى الولايات المتحدة. نحن غير قادرين على التنبؤ لفتره انتهاء التدقيق الامني ,وهذه العملية تكون تحت سلطة وكالات مختلفة في الولايات المتحدة وخارجة عن سيطرة المنظمة الدولية للهجرة. حال حصول المنظمه على اي معلومه تخص ملفك سنحرص على الاتصال بك مع التحديث



اتمنى ان تكون استفاديت من الشرح و اي سؤال اني بالخدمه

5

الهجرة و واللاجئين / رد: اريد تحليل لهاي الرسالة هسة استلمتها .....بدون امر عليكم

« في: 12:58 16/10/2012  »

اني مكاتلني غير الكوبي بيست مالتهم يعني الردود كلهه نفس الشي كل مرحله الهه كليشه ثابته راسا يسوون كوبي بيست و الدليل انه كله Dear Sir / Ma'am حتى لا يفشلون روحهم لانه اني احس هم اصلا ميباوعون عالملف بس يجيكون الويب سايت نفس اللي احنه نشوفه و بدل كيس المغذي لان خلص ......

6

الهجرة و واللاجئين / رد: استفتاءلجماعة بغداد من المنتظرين للسفر إدخل وصوت لرقم الكيس مالتك بالقائمة (خلنشوف وين وصلت)

« في: 12:10 16/10/2012  »

2008 و عايده فحص طبي 3 مرات .....
106 يا محلاها ههههه
 

7

الهجرة و واللاجئين / رد: منو حيتخبل مثلي ؟؟؟؟؟ ??? ??? ???

« في: 11:12 16/10/2012  »

اويلي الله شوكت تفرج و نخلص هسه لو يكولولنه اي لو يكولولنه لا اني صارلي 4 سنين دا انتظر حياتي كله مخربطه اني هم اشك بنفسي واكول اني عاقله لو لا ههههههههه

8

الهجرة و واللاجئين / منو بعده مـمتخبل؟؟؟؟؟؟ لعيونك ابو كرم ههههه

« في: 10:38 16/10/2012  »

منو بيكم راح يتخبل مثلي ؟؟؟؟؟ يعني صار بيه سوله كل ساعه اسوي ريفرش للايميل مالتي و اسوي سان اوت ساين ان و كل شويه اجيك الموقع مال IOM و مبقى رقم مال المنظمه من اللي هم مخابرين منه و مسيفته و من اللي طلعته من المنتدي الله يسلمكم و يسهل اموركم بس ولا واحد يجاوبني كل ما اخابر تطلع هاي تكلي ماكو احد فارغ يجاوب هسه اشو كلنه دننتظر هذوله المن ديخابرون لعد؟؟؟؟؟؟
حسبي الله و نعم الوكيل و الله تعبت و مدا اندل دربي لا مني طايره بالسما و مني طايله الكاع حسبي الله و نعم الوكيل

9

الهجرة و واللاجئين / رد: منو يعرف عنوان مستشفى بغداد و لا تكولولي كولي لابو التكسي لانه حروح بالسياره هههه

« في: 08:23 14/10/2012  »

اخويه عراقي هواي المنظمه مدز اي ايميل عن الفحص تحديد الموعد يكون بس عن طريق الاتصال بيك من الجهه المختصه الله يسهللكم و يسهل عالجميع يارب

10

الهجرة و واللاجئين / منو يعرف عنوان مستشفى بغداد و لا تكولولي كولي لابو التكسي لانه حروح بالسياره هههه

« في: 10:38 03/10/2012  »

تسلمون عالمساعده مقدما بس الله يخليكم اشو اني صاير بيه زهايمر و مدا اندل المستشفى و اخيرا عندي الفحص الثالث و نشوف الاخير لو لا بعد اسبوعين بس بمستشفى بغداد دخيلكم كولولي وين مكانه بالضبط و اكو احد سوه الفحص هناك و هل هو مثل قبل مرتين يعني الفحص يوم و النتيجه يوم ثاني ؟؟؟ظ

11

الهجرة و واللاجئين / رد: اكو احد باقي من 2008 لو الكل انقرظت.... بس تعالوا سمعوا قصتي قصه حزينه اسمعوها للنهايه ...... هه

« في: 10:34 03/10/2012  »

تسلمون يارب عالدعوات و التمنيا الحلوه انشا الله الله يسهل للكل و ييسر امرنا اجمعين و يكلك كل تاخيره بيهه خيره و منعرف رب العالمين اكيد اله بيهه حكمه الحمد لله بس صدك دعواتكم تريح الواحد تسلمون يا رب

12

الهجرة و واللاجئين / رد: اكو احد باقي من 2008 لو الكل انقرظت.... بس تعالوا سمعوا قصتي قصه حزينه اسمعوها للنهايه ...... هه

« في: 08:35 01/10/2012  »

هسه شويه ارتاحيت الله يريح قلبكم اني عبالي بس اني باقيه هههههه بس سؤال اني مدا افتهم اخ شنايزر شنو يعني مقدم من 2000 وين جان اكو الاي او ام للعراق بال 2000؟

13

الهجرة و واللاجئين / اكو احد باقي من 2008 لو الكل انقرظت.... بس تعالوا سمعوا قصتي قصه حزينه اسمعوها للنهايه ...... هههههه

« في: 12:28 30/09/2012  »

السلام عليكم ... بالبدايه احب ان اوجه تحياتي و شكري لكل العاملين على هذا المنتدى الرائع و كل الاعضاء مشكورين على المساهمات والاراء الحلوه و المساعدات اللي تنفه عنا و تخفف وتجاوب على جزء كبير من اسئلتنه.... اخواني اخواني اخواني اريد اخص التحيه لكل اللي يكولون نايمه علينه طابوكه و اهل المغذيات و المخضرمين و اكللهم يمعودين انتوا من ال 2010 – 2011 لعد اني شاكول اللي مقدمه من 2008 يعني مشفت احد باقي من هذا الزمن الجميل الكل انقرضت هههههههه
المهم خلوني اشجيكم بسالوفتي اللي ما منهه مثل:
طبعا احنه كنا من سكنة بغداد و بعد التهديد و الوعيد و تسليب بيتنه تركنا بغداد قسرا و اجينه استقرينه باربيل و هنا بدت فكرة الهجره و قدمنه عالاي او ام بال 2008 المهم بعد كتابنا و كتابكم حددولنه موعد مقابله اولى  وره طلعان الروح و قابلنه و جانت مقابله سلسه و سريعه بحيث كلت الله هيج السالفه سهله مجنت اعرف و من دون كل الناس حددولنه فحص طبي قبل المحلف بحيث من رحنه لابن البيطار الكل تسالنه شون جانت مقابلة المحلف انكول ممقابلين يصفنون المهم جانت بوكتنه الفحص بيوم و الطبيب المختص بيوم فحصنه الخميس ولازم ننتظر لحد يوم الاحد و انتظرنه ..... وراها ب 4 شهور حددولنه محلف و ما ادراك مالمحلف من 7:30 الصبح الى 8:30 بالليل تكولون نشتغل بتنظيم القاعده و احنه منعرف ؟؟؟؟؟ و اجانه المغذي ابو ال 60 يوم و انتظروا.... بهالاثناء ردت اضيف والدي ووالدتي و دزيت ايميل و ضفتهم خابرتني وحده من المنظمه و كالت احنه حنضيفهم بس للمعلومات لا تحطين ابالج انه يسافرون وياج لازم تحسبين انه هم راح يلحكوج بفتره كلنه ميخالف مقبوله.... بس وما خفي كان اعظم.... قابلوا اهلي اولى و ثانيه و فحص و اني بعدني عالشحن... و صار الفحص مالتنه اكسباير و عدنه الفحص لثاني مره.... وراها دك عليه رقم الاي او ام.... و جان يكولولي والدج ووالدتج راح يسافرون بالثامن تراااااااااااااااااااااااااااااا كتله و اني ؟ كلي انتي شنو؟ كتله يابه اني اللي مقدمه الرئيسيه ,,, كلي لحظه.... انتي بعدكم بالامنيه طلعت اسامه بن لادن اربع سنين يجيكون ورانه..... المهم ما اطولها عليكم اهلي سافروا ووصلوا و اني بعدني مكانك راوح هااااااااا.... و الاحلى انه هسه الامنيه خلصت النوبه الفحص الطبي صار اكسباير و هلمه جره ...... منو بيكم يا حبابين صار بيه مثل اللي صار بيه؟ و يا جماعة ال 2010 و 2011 كولوا الحمد لله و توكلوا على الله ....
و للحديث بقية.......