عرض المشاركات
1
الهجرة و واللاجئين / رد: الى الاخوه اللي عندهم وظيفه بل عراق ليتركوه
« في: 08:59 06/12/2013 »بالنسبه لبعض الردود اني ما اريد ارد عليهه وماكو داعي للتوتر وما اريد اسبب لاي واحداي نوع من الاحباط هي امريكامالت الخلفوني تعالوا وشوفوا بنفسكم الاحلام تتلاشى لان اني صبرت 3 سنوات على التقديم وحرك ااعصاب ويوم وباجر ومقبلات وما اعرف شنو وروح او تعال عليمن حتى اجي هنا او اعيش حياه حلوه لالالالالا اي عيشه حلوه ماكو ينطوك فود ستامب يطلعوهه من خشمك رود او تعال يوميه املي اوراق سوي كذا موعد اخر الشهاده خليهه على صفحه نكعهه وشرب ميهه بلاصح لو تشتغل بمول تنظف لو سكيورتي الليل كلهه كاعد والنهار نايم عبالك بومه لتشوف احدولا احديشوفك الناس هنا عبالك مو بشر انسان اللي تجيب راتب الشهر جيبك فارغ من البلات وكلهه تريد بالنسبه لاخ يوسف حسب علمي انت بعدك مسافر اتمنالك حظ اوفر بامريكا وانشاء الله تشوف الخيروالله كلامك صحيح وماعليه اي غبار
بس يا اخي تبقه تتمنى وضع بلدك يصير افضل حتى ترجع وهذه امنية اغلب العراقيين
ومع هذا احب اذكرك بالمثل اللي يگول ( اللي يشوف الموت يرضى بالصخونة )
الناس كلمن ووضعه وكلمن وطموحاته وما اعتقد انت اسئت لاي احد بالعكس صراحتك وصدقك تبين وتعكس الواقع في امريكا
مع هذا خلف الله على الامريكان سمحوا للعراقيين وعوائلهم بالهجرة او اللجوء وبدون تمييز
من راي واسمحلي انطيك راي اصبر بامريكا خمس سنوات وبعدها يحلها الف حلال
صحيح الشغل تعب وشغلات متناسب اكثر اللي عندهم شهادات مع هذا شلون ميكون افضل من القتل والذبح والسيطرات الوهمية وغيرها من الامور اللي اصبحت بلاء
وامريكا تحب الصبر ويوم بعد يوم تتعلم شغلة جديدة ممكن تستفاد منها كشهادة ومنها تطور عملك
اكثر العوائل العراقية مستفادة من الدعم الحكومي وباشكاله المتنوعة
وهذا حق كفله القانون الفدرالي وبدون اي منية من احد
ربنا يوفق الجميع ويعمل مابيه الخير
)
