 |
|
|
يود موقع "عنكاوا كوم" اعلام زواره الاعزاء بقيامه تحسين خدمة تحميل الملفات في الموقع، حيث يمكنكم الان تحميل الصور والملفات الاخرى بسرعة فائقة جدا. كما سيتمكن الزوار بعد رفع الصور نسخ رابط الصورة ووضعها في مساهمته في المنتديات مباشرة.
رابط الخدمة الجديدة ...
http://uploads.ankawa.com/
عرض المشاركات
هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .
أخوية ألعزيز راح أنطيك رأيي ألشخصيممنون منك حبيبي
خلي زوجتك تراجع دائرة الهجرة بالولاية وتطلب منهم تفاصيل عن لم شمل ونوع ألأستمارة ورقمها ألي لازم تقدم بيهة وبالمناسبة كل طلبات ألتأشيرات وألأستمارات موجودة على موقع السفارة الامريكية في بغداد
ألأفضل انه تراجع دائرة الهجرة بالولاية وتبلغهم بالزواج وتشرحلهم الوضع وتشوفهم عقد الزواج وهم راح يفهموها شتسوي
الشغلة الثانية اذا مشت الامور وقدمت استمارة خلي تطلب مقابلة حاكم الولاية الكونكرس مان وتشرحلة السالفة وتحاول تكون عصبية شوية وتلح علية وتفهمة انه متزوجة ولازم زوجهة ييجي يمها لأن هذا يكدر يساعدها مباشر ...
الشغلة الثالثة أذا زوجتك مسافرة عن طريق iom ببرنامج الهجرة الى الولايات المتحدة للعاملين مع القوات الامريكية او احدى الشركات المتعاقدة معاها فتكدر تدز ايميل لل iom وتكولهم اني اتزوجت واريد اضيف زوجي للملف
تقبل تحياتي واذا أخطأت أن شاء الله الاخوة الاعضاء يصححون معلوماتي
ممنون منك استاذي الغالي بس اريد اعرف شنو افضل شي؟سلام عليكم
اخواني الاعزاء
طبعا طلعت روحي بالقران
قصتي الف مرة حجيتها ومحد دينطي جواب
اني متزوج ومرتي حاليا بامريكا عدها كرين كارد وسوشال نمبر
اجتي للعراق بشهر 5 وعقدت وتزوجنة شهر 6 2013
رجعت لامريكا بشهر 11 سنة 2013
اريد تسويلي معاملة لم شمل
هي بولاية روشستر منيابلوس
شنو الاجراءات شو العالم دوختنة ومدنعرف شنسوي
ناس تكول حطو محامي
ناس تكول روحو للمنظمة وقدمو
ناس تكلك انتضر الى ان تاخذ الجنسية وهي بعد سنة ونص يالله تاخذها
ناس تكول راسل iom وكلهم قصتك ودزلهم الاوراق الثبوتية
زين هسه بيا حجي اخذ والله العضيم روحي طلعت
هي بمكان واني بمكان ونفسيتنه زفت صايرة
الرجاء الي عندة معلومات يساعدني
اسف يمكن كتبت الموضوع باسلوب ضايج
بس لان طلعت روحي
واشكركم جميعا
استادي العزيز اكو موضوع شفتة قديم بالمنتدى وجبتة الك وان شاء الله تستفاد منة ولا تحتار ولا تشيل هم بس خلي زوجتك اتعب نفسها اشوية ومن الله التوفيق بس اول شي والمهم تملي استمارة I-130
وهذا الرابط مال الاستمارة بس اضغط عليها وهي تطلعلك واسحبها ماشي
http://www.uscis.gov/sites/default/files/files/form/i-130.pdf
بالمناسبة الرابط اني جبتة الك والباقي نسختة الك وان شاء الله خير..
السلام عليكم اخواني وخواتي رح اشرحلكم مراحل لم الشمل عن طريق الاستمارة I-130 كاملة واللي صار وياية بالضبط ( لكن اكو تحديثات مهمة صارت من قبل دائرة الهجرة تفيد المقدمين حالياً رح اشرحهة الكم بالنهاية لكن خلي اكتبلكم المراحل مال فيزة F2A) :
1. ملء استمارة I-130 وارسالها بالبريد الى دائرة خدمات المواطنة والهجرة الامريكية ودفع مبلغ 420 دولار طبعا كمية الفلوس تتغير بين فترة وفترة .
2. ملء استمارة G-325A واللي هية تابعة وية الاستمارة الاولى وهية عبارة عن معلومات عن الشخص يعني حياته دراسته هيج اشياء وطبعا تندز وية الاستمارة الاولى لنفس الدائرة.
3. الانتظار لحين صدور موافقة هذه الدائرة وتختلف فترة الموافقة بين قضية وقضية اخرى يعني محد يعرف شكد اتطول.
4. بعد الموافقة من هاي الدائرة يدزوهة همة لدائرة ثانية يسموهة N.V.C واللي هية المركز الوطني للفيزة وبدوره ينطي هذا المركز رقم لهذه القضية وتعتمد متابعة القضية على شي اسمه Visa Bulletin واللي معناها بالعربي نشرة الفيزة,هاي نشرة الفيزة تصدر كل شهر من وزارة الخارجية الامريكية تحدد بيهة تواريخ معينة وهاي التواريخ يسموهة cut off date معناه بالعربي التاريخ القطعي واللي عن طريقة يتحدد منو مستحق فيزة للشهر الجاي لانه هاي النشرة دائما تنطي مال شهر ليكدام وتصدر تقريبا كل عشرة بالشهر يعني مثلا شهر حزيران تنزل نشرة الفيزة مالتة بشهر ايار فالتاريخ القطعي اللي ينزلو لازم الشخص المتقدم للفيزة يكون مقدم ( قبل ) هذا التاريخ مو بعدة وتاريخ تقديم الشخص يسمو ( Priority Date ) يعني خلي اوضحلكم بمثال شخص قدم بتاريخ 1/3/2010 فحتى يكون مستحق للفيزة لازم يكون التاريخ القطعي لنشرة الفيزة قبل تاريخ التقديم مال هذا الشخص يعني قبل 1/3/2010 مو بعدة او بنفس اليوم فبهاي الحالة يكون مستحق للفيزة ويسموهة Current يعني حاضرة بالعربي او يرمزولهة مرات بحرف C يعني Current اختصار للكلمة فمن يكون حاضر تاريخ المتقدم للفيزة يحولون قضيتة الى السفارة اللي هو طالب يسوي مقابلة بيهة بس اكو شغلة اللي هية قبل اشهر من هذا الكلام يعني تقريبا 7 اشهر مثل مصار وياية يدز المركز الوطني للفيزة للمتقدم طلبات يكولولة وكل شخص ينوب عنك عن طريق النت والشخص هذا يكون عايش بامريكا طبعا التوكيل هو مجرد ذكر اسم شخص وعنوانه بامريكا يكون بمثابة وكيل عن المتقدم حتى يراسلوه المركز الوطني للفيزة ويسموه Choice of Agent اختيار وكيل وهذي تكون عن طريق استمارة اسمهة DS-261 وبعدين يدفع مبلغ 88 دولار مال استمارة الكفالة واللي اسمهة I-864 لان حيكون عنده كفيل بامريكا يتكفل بكل مصاريفه يعني ماكو اي مساعدات انسووووووو ههههههههه وراها يملي استمارة اسمهة DS-260 واللي بيهة معلومات كاملة عن الشخص والكفيل مالته وعلاقته وية زوجته ودراسته ومعلومات امنية عنه الخ .... بعدين يدفع مبلغ 230 دولار مال فيزة وطبعا كل اللي دا اكوللكميا هسة هو يجي بصورة تعليمات يرسلهة المركز الوطني للفيزة للمتقدم وللوكيل مالتة بس تحتاج لغة انكليزية حتى يكملهة لان كلش سهلات بس اذا ماكو لغة رح تشوفوهة كلش صعبة وراها يطلب المركز الوطني للفيزة من المتقدم عقد الزواج الاصلي مترجم للانكليزي ومصدق من سفارة العراق بذاك البلد او من الخارجية العراقية اذا داخل العراق ويريدون همينة بيان ولادة اصلي ومترجم وصورتين حجم 5x5 وعدم محكومية ونسخة من جواز السفر صالح لمدة لا تقل عن ستة اشهر ووراها مثل مكلتلكم من يكون تاريخ التقديم قبل التاريخ القطعي لنشرة الفيزة يكون المتقدم مستحق مقابلة وية السفارة واللي رح يحددهة المركز الوطني للفيزة واللي عادة تكون ورة 6 اسابيع من تاريخ اشعارهم يعني مثلا كملتو الاوراق مالتكم ودزيتوهن واستحقيتو الفيزة,ينطيكم المركز الوطني للفيزة مقابلة وية السفارة اللي انتو مختاريهة ورة شهر ونص حتى تستعدون للمقابلة خلال هذا الوقت لان بالسفارة يريدون منكم رسالة المقابلة مال شخص حتى يكدر يدخل للسفارة وترجمة هوية الاحوال المدنية وترجمة شهادة الجنسية وصورة قيد 57 ووصل مال دي أج ألل مدفوع تنطو للسفارة بيوم المقابلة وصورتين مرة لخ نفس الحجم القديم ورسالة التأكيد مال ملىء استمارة DS-260 واثبات علاقة بين الزوج والزوجة من خلال صور للعرس او الحلفة تودوهة كصور مو بفلاش تودولهميا ومراسلات بيناتكم مثلا على الايميل او المسنجر او ايصلات مال حوالات مالية دازيهة واحد للثاني او رسائل يعني المهم اي شي يثبت حقيقة واستمرار العلاقة الزوجية وهاي هية ويبقى اصدار الفيزة ما اعرف شوكت لان المفروض ينطو بنفس اليوم اذا الشخص مكمل كل اوراقة وماعنده اي شي نقص بس اللي داشوفه هسة وصار وياية انه ديخلون ( الولد تحديداً مو البنات ) على الاجرائات الادارية ( Administrative processing ) اللي تكون بعد المقابلة واللي محد يعرف شكد اتطول يجوز اسبوع ويجوز اشهر مثل مكلي القنصل وهاي هية كل تفاصيل المعاملة.
احب اشرحلكم شي مهم هسة ديصير ( التحديثات اللي كلتلكم عليهة ) واللي هو جانت قبل نشرة الفيزة تمشي ببطء مو طبيعي يعني اني سنتين الا شهر يلله صار تاريخ التقديم مالتي حاضر بس هسة من بدة شهر الثامن والتاسع وعلساس العاشر همينة اي شخص يقدم على فيزة لم شمل عن طريق الكفالة يستحق مقابلة سفارة ورة متوافق دائرة الهجرة والمواطنة الامريكية وهذا التسهيل صار على غفلة ومحد يعرف السبب فاذا مقدم احد بيكم قبل شهر الثامن 2013 او شهر التاسع او العاشر رح يكون مستحق مقابلة بدون متروح اوراقه للمركز الوطني للفيزة على شرط تكون دائرة الهجرة والمواطنة موافقة على المعاملة فتتحول رأساً على السفارة مو على المركز الوطني للفيزة وهاي شي يعتقد انه حيكون مؤقت لغاية شهر العاشر يعني من جنت اطب على نشرة الفيزة جنت اشوف تواريخ مال التاريخ القطعي اللي كلتكلم تحدده وزارة الخارجية الامريكية كل شهر والناس اللي قبل هذا التاريخ مثل مكلتلكم يكونون مستحقين مقابلة سفارة وفيزة بس هسة خلال شهر الثامن والتاسع ويعتقد العاشر همينة من تدخل على نشرة الفيزة تلكاها مكتوبة ( C ) يعني Current حاضرة يعني اي متقدم حتى لو مقدم باي يوم من شهر الثامن 2013 او التاسع او يعتقد العاشر همينة رح يكون مستحق للفيزة طبعا بعد موافقة دائرة الهجرة والمواطنة.
السلام عليكم اخ ناصر البغداديياريت توضحنة عمي للفائدة الي وللاخت
الظاهر عندك معلومات حول تقديم طلب لم الشمل ياريت تفيدنا بمعلوماتك لان اني اريد اقدم طلب لزوجي بالعراق لم شمل
حظرتك جاي بنفس الطريقه وشنو الخطوات الي سوتها من وثائق ومقابلان والفتره الي اجيت بيها ابتدا من التقديم ال وصولك امريكاااااا
واتمنى ما اكون اثقل عليك باسئلتي بس تعرف الغركان يجلب بكشايه
والله يوفقك ويجعلها في ميزان حسناتك وشكرا اختك ام العسل
