 |
|
|
يود موقع "عنكاوا كوم" اعلام زواره الاعزاء بقيامه تحسين خدمة تحميل الملفات في الموقع، حيث يمكنكم الان تحميل الصور والملفات الاخرى بسرعة فائقة جدا. كما سيتمكن الزوار بعد رفع الصور نسخ رابط الصورة ووضعها في مساهمته في المنتديات مباشرة.
رابط الخدمة الجديدة ...
http://uploads.ankawa.com/
عرض المشاركات
هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .
السلام عليكم اخوان جمعة مباركة عليكم وان شاء الله الفرج العاجل على الجميع بجاه مولاتنا فاطمة الزهراء
اليوم جنت بلزيارة ودعيت للجميع وخصوصا احنة المستانفين ان شاء الله تفرج علينة
السلام عليكم اخوان
اخوية عراق فورم يمكن ملوا واعتقد يدخلون يشوفون شنو الجديد ويطلعون
اخوان اكتبوا ولو سلام عليكم خلي نتواصل والله كريم
السلام عليكم حبايبي الغالينحبيبي رعودي تسلم على المعلومه الحلوة . بس اني مع الاخ تفرج صديقك مرفوض على المربع السابع ؟ وصارلة شكد من مستئنف ؟ وحضرتك الرفض مالتك امني لو محلف بصراحه مفتهمت !! ياريت توضح المعلومة ونكون شاكرين الك
حبيت اخبركم ان اليوم صديق اليه نطوه موعد مقابله محلفين يوم 13/ 3 بهذا الشهر واني شفت الاميل بعيني
يعني يمكن هالمعلومه شويه ترفع المعنويات
نكول الله كريم وربي يسهل عليكم وعلينه
اخوكم بديت بالشهر العاشر من قضية استئنافي علما اني من جماعة حذف الحقول الي كما سبق وكلتلكم اني خابرت عالمنظمه وكالولي انها مجرد تحديثات عالموقع يعني اليتفلسف براسكم اتركو كلامه واليكلك رفض محلف او امني لاتسمعوله ايظا لان اني والعياذ بالله من كلمه اني مأشرين عالبند السابع وبداية الرفض كان عندي صديق قريب عليه دخل عالملف مالتي عن طريق صديق اله بالمنظمه وحجاله باان الرفض مالتي عادي رفض محلف بالدليل القاطع ان الولد صديق كنت قبل ايام متعرف عليه بالله الكريم ومايعرف عني اي معلومات غير انه بمنطقه قريبه عليه ! المهم .. خابرني كالي انته عندك اخ كذا اسمه الثلاثي طبعا مع المواليد كتله بلي عندي كال المنظمه رادو مستمسكات عائلتك منك وانته مادازهن لذلك همه جلبوها من وزاره الداخليه العراقيه الا هذ الذكرت اسمه مالكو هويته لان نقل نفوسه بعد الزواج
بيت القصيد .. لاتسمعوا لكل الكلام ولاتاخذو به احيانا كدليل قاطع فالله قادر على كل شي
.
مودتي للجميع
تحياتي للجميع ولو مدا اتواصل وياكم بس انشالله تسافررون وتصير سوالف ياربي
عبالي رح تحرك الدنيا بالاسئلة 
.. مساء الخير حبايبي عراق فورم تفرج رايان مشتاقلكم
الله يكون بعونك اخوي ويفتح عليك باب جديد ان شاء الله
وياريت الاخوة يشرحون شنو يعني المربع السادس
واكون ممنون لو يشرح كل المربعات جوزيتم خيرا
السلام عليكم اخواني واخواتي جميعا يارب تفرج علينا جميعا هاي الشدة عن قريب ونسمع اخبار حلوة امين يارب العالمين
اخواني منو من حضراتكم كمل سنة على تقديم الاستئناف مالته اني بالنسبة اللي بشهر السادس القادم اكمل سنة ..... طيب بعد افراغ الحقول في موقع عمان احد دز ايميل للنظمة للاسفسار عن الاستئناف وشنو كن الرد نفس الكليشة العادية لو اكو تغيير اني دزيت ايميل واجاني نفس الرد الروتيني انه الاستئناف تحت الدراسة بس همة يمكن استحو من عندي يكولون تحت الميز فكالولي تحت الدراسة شوية ارتب .... الله كريم تصير سوالف انشاء الله بس طمنونا شنو صار وياكم
اصدقائي واخوانياخي الكريم انت حاول اختصر هاذي الكليشة بنقاط محددة وغير مطولة ( يعني حاول تعمل الاستئناف لايتجاوز ال10 ورقات ) بس تكون بيهم الزبدة والخلاصه .
شكرا الكم وشكرا لكلمن رد رح ادخل لكروب المستأنفين وان شاء الله الكي فائدة اني بس حبيت اعرف اكو واحد رفض مربع سادس واستأنف وانقبل واريد فد صيغة استئناف زينة لأنه اللي دزوها الجماعة اليه كلش مطولة
أخوتي الأعزاءالله يسهل امرك اخي سمير وهيه المشكلة هسه بقبول الاستئناف مو مشكله الباقي يهون كله على الجميع .. بس ننتظر والانتضار قاااتل .
مساء الخير
أنا تقديم2009 شهر الثاني , وجاء الرفض شهر السابع 2014 وقدمت الأستئناف بنفس الشهر , ودا أنتظر والله كريم, المشكلة الأخرى أنو عندي أولاد أثنين فوق سن 18 وواحد زغيّر وأمهم , يعني حتى اللي بأميركا من ياخذ جنسية مراح نكدر نطلع سوة , هي هاي المشكلة
وخصوصاً اللي عدهم سفر هاذي الايام خطية اخاف يبطلون ميسافرون من ورة هالفديو 
الله يسهل يا ربي أغلبكم من شهر اربع يعني حيصير سنة يارب تسمعون اخبار حلوة عن قريب
مساء الخير اخواني شخباركم
ممكن سؤال اذاواحدنا حصل على تزكية جديدة هل من الممكن إضافتها للملف وتحريكه ؟
نريد نسمع اخبار حلوة منكم اللي عنده خبر حلو لايقصر
فدوة لعيونك يا غالي ربي يحقق حلمك ويريح بالك بجاه نبي الرحمة وال بيتة الطيبين الطاهرين
عاشت ايدك اخوية عراق فورم
السلام عليكم اخوانيشكرا عزيزي آبل على الدفعه المعنوية بس نسيت شي مهم وهو سبب رفض صديقك شنو سابع سادس نريد نعرف ؟
البارحة سولفت وية ولد صديق بامريكا فدنسولف على موضوع ال iom بس طبعا لا هو يعرف اللي صاير وياية ولا اني اعرف اللي صاير ويا فكتلة اني انرفضت ودا انتظر جواب الاستئناف وشبة مأيس من الموضوع فكلي لا ليش تأيس ترة اني هم جنت مرفوض وطلعت بعد الاستئناف وطبعا دزولة قرار الموافقة بعد تقديم الاستئناف بسنة ونص فأن شاء الله خير وتسمعون خبر يفرحكم باقرب وقت . تحياتي اخواني
ها شباب اشو صارت صنته من يوم 14-10-2014 محد كاتب ؟؟؟؟؟؟؟؟؟؟الي عنده خبر حلو يفرحنه
اخوان ملفي مازال مغلق صار 3 اشهر من دزيت الاستئئناف اكو احد اتغير عندة شيئالاخ العزيز هودو .. صدقني مالها علاقة موقع عمان بالاستئناف والدليل اني صارله سنتين الموقع انتظار النتيجة ولحد هسه مع العلم اني انرفضت بشهر السابع الفات .. فه لتعول على الموقع حبيبي .
السلام عليكم اخوتي اني ما اتفق مع اخي iraqiform انو ال iom مصر ابطئ من السلحفاة لأن اني كسبيل مثال اجيت لمصر بشهر الخامس 2014 وكنت مقابل بس مقابلة اولى سنة2013 بنهايتها مع انو اني مقدم من سنة 2011 علة iom بغداد وملفي لم يتحرك قيد شعرة الى ان جئت لمصر فاتصلت ب iom مصر واخبرتهم برغبتي بنقل ملفي اليهم من بغداد وهنا بدأ التحول بملفي حيث خلال ثلاث اشهر فقط اعيد لي المقابلة الاولى وقابلت المقابلة الثانية واكملت الفحص الطبي واستلمت بنهاية شهر 9 رسالة الموافقة من الخارجية الامريكية على طلب لجوئي وكذلك نزلت في ملفي حتى اسم المدينة والمطار غير انهو وبسبب كون زوجتي حامل فتأجل سفري وحسب القوانين كون الحامل لا يجوز لها السفر خصوصا بأشهرها الاخيرة ثم اكتملت امنيتي بالملف بعدها بشهر 10 وانا حاليا فقط في طور اضافة المولود الجديد للكيس مالتي وكالولي مراح اتطول اكثر من 3-4 اشهر وتحياتي والموفقية للجميع.
مساء الخير اخواني شلونكم ان شاء الله بألف خير مشتاقين جدا وياربي نسمع اخبار طيبة عنكم بأقرب وقت ويفرج عليكم وعلينة اني ان شاء الله باجر رايح للمنظمة بعمان (يوم الاستفسارات) اذا اكو احد ابالة اي سؤال اسألة للموظف اني حاضرتسلم ياورد هذا من اخلاقك العالية . بس ياريت تسألهم على الاستئناف شكد المتوقع يجي الرد واكو استئناف يطول اكثر من سنتين ؟ وعاشت ايدك مقدماً
تحياتي للجميع
مرحبا اخواني رجعت المقابلات و اول مقابلة واني شفتها بعيني هي يوم 16 /1 /2014عاشت ايدك اخ سلام على البشارة ولو اني مالي علاقة بس اعتبرها خبر ايجابي بالكروب ويارب نسمع خبر حلو بخصوص المستأنفين .
شلونكم ياورد وصبحكم الله بالخير ، اخونة ريان شوماكو ورد ان شاءالله تفرحنة بخبر حلو عنك وعن المرفوضين
تحياتي لكم ويارب تفرجها علينا وتنزاح هاذي الغمه من على قلوبنا.السلام عليكماخت وبشر الصابرين اولاً ليش هاذي النظرة التشاؤمية كولي يالله هو مغير الاحوال من حال الى حال بلكت الله يتم قبولنه جماعي لان احنه كانت قرارات رفضنه مجحفه وغير منطقية.
اني اسفه تاخرت بالرد بس مثل مكال الاخ عراق فورم انه تقديم الاستئناف قبل 90 يوم وبعد اني وحظي لان دزيته ب dhl يوم 30/12 وان شاء الله يوصل قبل 8/1/2015لان راح تصادف عطل اعياد الميلاد والمولد النبوي الشريف
ولو هيه الشغله بكل الاحوال نتيجتها مبينه بس حتى لنلوم نفسنه والله الموفق
بشر الصابرين تقديم الاستئناف قبل التسعين يوم لو بعده
السلام عليكم
كل عام والجميع بالف خير اهنأكم بمناسبه حلول العام الجديد وان شاء الله يكون عام خير على كل العالم وبالاخص العراقيين واهنئكم بمناسبه مولد سيد الكائنات محمد صلى الله عليه وعلى آل بيته وسلم
اني يوم 28/12/2014 قدمت الاستئناف دزيته بالايميل على شكل pdf ورحت للبريد السريع dhl هم دزيته يوم 30/12/2014 علما بانه الرفض كان يوم 8/10/2014 يعني دزيتهم بالوقت الضايع لان بالبدايه كنت ممقتنعه ابد ولكن بعد اخذ المشوره من أصحاب هذا المنتدى الرائع وتحت شعار (حجاره بالظلمه) وقبل كل شي توكلت على الله سبحانه وتعالى وان شاء الله الي بي صالح اللنه يتحقق بعونه تعالى
مع تحياتي للجميع
السلام عليكم وسنة سعيدة على كل العالم.... قدمت الاستئناف قبل اسبوعين والحمد لله نتامل خير ان شاء الله تعالىعلى الخير اله القمر انشاءالله نسمع عنك اخبار طيبة ونرجوا منك التواصل في الكروب وعدم الانقطاع
تحياتي لكم جميعا اني متابع الكروب من 4 سنوات بس مشفت احد انرفض لاكن سنة 2014 اعداد تقدر ب 500 حالة رفض ظلما وبهتانا بحق طالبين اللجوء ونحن نودع هذه السنة الكئيبة ندعوا من الله عز وجل ان تكون السنة القادمة سنة خير وبركة على كل العراقيين وان تتحقق احلامنا
الاخوة في هذا المكان
تحية عطرة
اثناء متابعتي لحالة الملف ، تحول قبل ايام من "فعال" الى " بأنتظار النتيجة " ومن ثم وصلتني رسالها مفادها يقول "تم اغلاق ملفك لأسباب امنية" مع العلم اني قابلت المقابلة الاولى في بغداد وكنت بأنتظار مقابلة المحلفين ..
حاجتي منكم تكمن في طلبي طريقة الاستئناف والاستمارة الخاصة لهذا الاجراء..
ارجو مساعدتي ولكم جزيل الشكر والتقدر
السلام عليكماخت علوششششة تابعي الكروب واخباره وانشاءالله ستجدين مايفرح قلبك وخصوصا اخبار الاخ ريان . والله يفرج عن الجميع ساعه عن ساعه فرج.
شخباركم شباب .. طمنونه ماكو اخبار امور علوم
محد خابرو سافر رفضو اي شي يمعودين
زين ماكو اخبار تبشر بخير على السنه الجديده
عراق العبره اذا سواها بيده او محامي المهم انهم تم تحديد السفر غدا" انشاء الله .. ويوم النه ونوصللا حبي العبرة انو اذا الرفض اذا كان على السابع وسوا بيده فه هذا انجاز كبير وأمل كبير النه لأنو احنه اكثرنه سوينه استئنافنه بأيدينه. والله من وراء القصد
لكل من سأل .. المرفوضين شهر 12\2013 والثاني بداية 2014 .. الاول كان رفض على السابع والثاني على 6 و7 وكلشي جايهم رساله وشلون تستانف ..وكلشي وكلاشي .. وسسوه بيديهم الرفض بس واحد محامي .. ومن عادوهم اله عباره عن اساله سخيفه .. شكد انطيت .. وليش بعدك عايش ومن هاي الخرابيط .. والحمد لله
السلام عليكم جميعآ
احنه جماعه المرفوضين شهر10 2014 وعالمربع7
واكيد حالنا من حالكم منعرف السبب وعايشين بصدمه بعد انتظار 5 سنوات ومن انتظار موعد سفر باعتبار مكملين كلشي الى رفض بدون سبب.. كانت عدنا اظافه
اخوان الاعزاء ولكل من سال على الي قابلواباربيل .. سفرهم يوم 28\12 من اربيل .. يعني عيدهم بامريكا انشاء الله وسنة خير على الكل ..
ودمتم للنظال مع المنظمة
.ويصير تقدمون استئناف وبنفس الوقت ترجعون الملف لليوان تشوفلكم بلد اخر غير امريكا ؟ هنا بمصر يكولون ميصير لو تسوي استئناف وتنتظر النتيجة لو متسوي استئناف وترجع الرفض لليوان يشوفولك بلد اخر !!احنه الاردن .. تقديم 2010[/size]
ورفض امنيه المربع ال7
تحياتي لك اخت علوشة بس احلامك صعب تتحقق لان وبصراحا ماعدنه حظ احنه . يابه رضينه بأمريكا منريد استراليا وكندا بس وينها !! اشو حتى امريكا سدت الباب بوجوهنا (عجيب امور غريب قضية) الله يسهلها على الجميع . بس حضرتك في اي بلد ؟السلام عليكم ..[/b][/color][/size][/size][/font]
طبعا صار فتره مفايته للمنتدى احباط
المهم شفت هذا الكروب وزاد احباطي احباط
يعني كلت افوت الكي ناس طالعه ناس موافقين عليهم طلعو كلشي ماكو منتضرين الاستئناف
اني هم من المرفوضين شهر ال3 بس ماعرف بالضبط شوكت سوينه الاستئناف اصور بشهر ال6
واكيد هم ماكو لا حس ولا خبر
الله ياخذهم شلع اهل اليؤن والله ينتقم من امريكا والله يدولبهم
دعوه ناس مضلومه
وبالاخير اتمنه الخير للجميع واتمنه كلنا رفض الاستئناف حتى يحولونه على غير دوله
اشرف من امريكاااااااااااا يارب كندا استراليا
صبحكم الله بالخير اخواني الطيبين تفائلوا خير ونحن بعين اللهصباح ملي بالتفاؤل والخير والمحبة علىيك اخ تفرج وانشاءالله تفرج علينه كلنه.
مساء الخير احبابي اسعد الله مساؤكممساء النور عزيزي عليك وعلى جميع المستئنفين يارب ريح كلمن في قلبه وجع والم وحسره
الله يصبركم ويسهل ألكم ويقدم الي بي خير للجميع
صباح الخير اخواني واسعد الله ايامكم واسمعنا كل خير عنكم امين يارب العالمين
من رخصة اخويه المستعين بالله يسمحلي اجاوب عنه صحيح التاريخ الي ذكره مقدم استئناف من 2013 لانو اني تصلت بالاخ المستعين بالله من رفضنه ردت افتهم طريقة الاستئنافشكرا اخت ام زوزو بس هذا شئ محبط بصراحه يعني صارله اكثر من سنة ونص على الاستئناف !! زين هو مو التعليمات تكول انو مدة الرد من 3 اشهر الى سنة اقصى حد ؟ الله على كل ظالم شنو ذنب الناس اللي قدمت استئناف تنتظر كل هذي المدة من عمرها.
الاخ ريان تحية طيبة بالنسبة للعنوان الذي كتبته ماذا نكتب لهم يعني اني مقدم استئناف من شهر 6/2013 ولحد الان ماكو شي وما بقيت باب ما طرقته اما iom عمان فتعبت شكد ما راسلتهم وكل مره يكولون نفس الكليشه قيد الدراسه ودائرة المظالم يقولون راسلوا rcs واني تعبان وحاير ما اعرف شسوي علما اني تقديم 2009 والكيس مالتنه مكون من سبع نفرات واحنه كلشي مخلصين حتى دورة تثقيفية ماخذين والمدينه والمطار نازلةاخي المستعين بالله حضرتك مقدم استئناف من سنة 2013 !!!! ياريت تأكد التاريخ, ولو كان هذا التاريخ صحيح ولم يأتيك رد الى الان اذا نحن ننسى الموضوع لانو انا قدمت استئناف من حوالي 3 اشهر وانا الان مترقب !! الله يرحمنة برحمته
اتمنى الموفقيه والسفر للجميع اخوكم المستعين بالله
السلام عليكم ورحمةالله وبركاته لقيت نفسي فارغا وتذكرت اخوتي في هذا الكروب المحزن المفرح ﻷعرف حالكم بعد انقطاع بسبب عدم وجود ذاك الواهس . انشاء الله عام2015 لا يبقى معترض اي الكل مسافرووووووووون وأقرأ المعترض يسلم عليكم من بلاد العم سام.حبيبي ابو روان الورد قد وعدتك سابقا بالمشاركه ووفيت.حبيبي ابو رهف وين هل غيبه عبالي طفرت من تركيا شو انكطعت رسائلك على الخاص .وفي الختام قبلاتي الحاره ﻵخوتي في هذا المنتدى العريق.ابو عبدالله العزيز لا اسكت الله لك حس. مشتاقون اخوية العزيز والله يسمع منك وكل اعضاء الكروب السنة القادمة في بلاد العم سام. قوي معنوياتك حبيبي وزورنه كل يوم تجد عندنا ماهو جديد
. وابو الرون هم ميقصر ويانه بأخباره الحلوة للكروب.عراق فورم .. هذه مو دائرة المظالم هاي الدائرة المعنيه بينه ..تتذكر بالرفض اكو رقم ويا الي زي اني راسلتهم عليه وكالولي انتوا جماعة الهجره الخاصة بالعراقيين .. المهم همه يتابعون ويردولك الجواب احسن يفهمون من المنظمة ....
تفرج .. المحامي امريكي وجان قاضي وجان يشتغل بمكتب العقود كمحامي .. ولايته بكالفورنيا .. وياخذ من 4000$ الى 8000$ حسب كل قضيه بس الرسمي للكل هوه 5000$ وانته بعد عامله ..واكو محامي ثاني اسمه عزيز اسمر همين يكولون زين وهمين بحدود $5000 ياخذ .. وخلي بالك من خلينه محامي هوه الغايه انه الكلام مالتنه ننقلمه من لغتنه الشرقيه الى لغة الامريكان الي همه يفتهموهه .. واني بالمناسبه اضفت وعدلت على المحامي بكثير فقرات بس الي ردته منه انه يصيغه باللغه الامريكيه والقانون الامريكي .. يعني من الاخير أهل امريكا ادرى بشعابها ولغتها .. انشاء الله وصلتلك المعلومه
اصبحنا واصبح الملك لله والحمدلله ولا اله الا الله وحده لا شريك لا مثيل له ونحن له ساجدون عابدون .تسلم اخ سلام وبارك الله فيك على الادعيه التفائليه هذه.
اللهم اني اسألك من خير ما سألك بيه نبيك وصفيك محمد صلى الله عليه وسلم واعوذ بك من شر ما أستعاذة به نبيك وصفيك محمد صلى الله عليه وسلم ان تجنبني الفتن من قول وعملك وان تجنبني رفاق السوء و مجادلة الاخرين على شيء يعصيك ويغضبك .... اللهم ادخل السرور الى قلبي وقلب والدي فأنك تعلم مافي الصدور يا عالم الغيب .... اللهم حقق لي ما اطلبه فانت رجائي و بك تكون سعادتي ونجاحي وتوفيقي بك مؤمنا مخلصا يا سيدي وملك الملوك يا معبود يا الله ... رحمت بعبادك لانك الرحمن الرحيم ... وعفوت لان العفو ... و غفرت لانك الغفور ... و وهبت لانك الوهاب ... ورزقت لانك الرزاق ... و اكرمت لانك الكريم ولا كريم اكرم منك يا الله ... بعد كل هذا ورثت لانك انت الوارث الرشيد
السلام عليكم اخوية ريانعزيزي تفرج اجاوبك نيابة عن الاخ ريان ..
منتظر جوابك ورد
تسلم ياطيب على الرد بلازحمة شكد اخذ المحامي ؟ ووين هو بيادولة ولو دا ازعجك اخوية بس محتاج مساعدة ونصيحة ؟
ورد منتظرك حبي صار 3مرات اكتبلك
اخوية العزيز ابو مريم الورد . بالنسبة لليش لان كلش ضجت من اجاني رفض وقررت ما استمر بهالمعاناةحبي اخ آبل .. بالنسبة للمنظمة مالها علاقة ابداً اذا تأخرت واذا رفضت تستئنف لان اني من رحت وديت الاستئناف اصلا ولا دارو بال مجرد اخذو الاستئناف تصور حتى مسألوني عن الاسم حته اخذو الظرف وخلص .. اللي رح يسألك عن التأخير همه محكمة الاستئناف هناااك بأمريكا وبقت يمهم رح يقتنعون بحجتك بخصوص التأخير أم لا وانشاءالله يقتنعون لان اذا مقتنعو تصير الكارثة.
وبالنسبة الي من رحت وديت الاستئناف بأيدي الموضفة كلشي مكلتلي ولا سألتني على سبب التأخير بس طبعا اني كيس بديت بي وخلصت مقابلات من بغداد وطبعا كتبتلهم حجة قوية بالاضافة الى السفر للاردن ومشت الحمدلله ومسألوني اي شي لا قبلهه ولا بعدهه على سبب التأخير الحمدلله . طبعا الرفض اجاني بداية شهر السادس 2013 والاستأناف قدمتة نهاية شهر الثاني 2014 . تحياتي اخوية العزيز
الله يسهل عالجميع ان شاء الله ونسمع اخبار مفرحة قريبا .. اختي العزيزة وبشر الصابرين الله يساعدكم بس قدمي الاستئناف مرح تخسرين شي وبلكي الله هالمرة الله يسهلها وتجيكم موافقة سريعة . واني طبعا مريت بنفس حالتكم من اجاني الرفض مجان الي واهس اقدم استئناف نهائيا وبعد الرفض ب ٨ اشهر يلة قدمتة لان بالاول والاخير مخسران شي .. تحياتي الج وللجميع
اخواني وخواتي .. صح كلمن ملتهي بهمه ..بس الي يعيش ويشوف غير الي كاعد .. ولو تجون يم عباس ابن فرناس يشوف الي ديسافرون يكول همين اكو بعد ينتظرون .. المهم عراق فورم وكل المستانفين جبتلكم ايميل من المستانفين الي كانوا يراسلون عليه الي همه دائرة الهجره والمواطنه الامريكيه .. بس كل واحد يكتبه بصيغه شكل حتى لايكولون هذوله كلهم واحد ..هذا الايميل انطانياه واحد همين من المستأنفين الي انشاء الله يسافرون سنه الجاية وكلي جانوا يراسلوهم وانطوهم جواب بالقضية مال الاستئناف ..بلكي الله يسهل عليكم وعلينه ..refugeeaffairsinquiries@uscis.dhs.gov
السلام عليكماخي وبشر الصابرين كلامك مضبوط والله بس ما باليد حيله لازم نقدم استئناف حقنه ومانريده يضيع ولو طال الزمن. بس مافتهمنه هسه انت مقدم استئناف ام لا ؟
اني انرفضت من 8/10/2014 ولحد هسه مقدمت عل الاستئناف وكلما ادخل عل الكروب اشوف الي صارله اكثر من سنه واكثر من 6 اشهر من مقدم وماكو نتيجه فميصير عندي واهس ان اقدم
دعائي للجميع بالموفقيه
والله اخويه من حركة كلبنه كلشي مدی نكول احنه لاجديد والمحامي قدم الاستئناف شهر 6وحتی المحامي بعد مشفنا ولاتصل بينه ولاتصلنه بي من شهر 7 مااعرف انقهر علی رفض انقهر علی العمر الديضيع لو علی افلوس المحامي لو علی شنواختي العزيزة الله يساعدكم وانشاءالله يعوض صبركم خيراً وبلكت ابو الرون اخباره مضبوطه ضبط العكال وقبل السنه يتصلون بيكم بما انو انتو قبلي مستأنفين كولي آمين.
السلام عليكم....لاجديد على استئنافي حتى لايزعلون الاخوان لان العتاب بس للاحبابتسلم اخي مارك وصدقني احنه نريد نحرك الكروب لان صارت عدنه حاله من الملل القاتل.
صباح الحب والورد والشوكولاتة على من يودهم قلبي وينبض سريعا متلهفا شوقا لرؤيتهم .... اصبحنا واصبح الملك لله والحمدلله ولا اله الا الله وحده لا شريك له ونحن له عابدون ......
.
والله يا اخوان اني شبة ايست من موضوع الاستئناف لان صار تسع اشهر وماكو شي غير قيد الدراسة وبديت من افتح الموقع اكول ياربي بي تغيير حتى لو تغيير سلبي ويصير مغلق وارتاح لكن للاسف ماكو اي تغيير فحاليا ما اخفيكم املي وجهتة بعد التوكل على الله الى ال un بلكي عسى ولعل يطلعنة توطين والله كريم . تحياتي لكم جميعا اخوانيالاخ آبل العزيز..
صباح الخير اخواني اخواتي اسال الله العزيز الحكيم بأن يحل السلام والامان عليكم ويسكن قلوبكم الطمأنينة والسكينة ويفرحكم و يدخل البهجة الى ارواحكمآمين اخ سلام وشكرا لهذا الدعاء وصبحك الله بالخير عزيزي
) عسى ولعلى النحس يفك من عدنه ياخه ... اخ آبل طالما حظرتك بعمان ياريت تستفسرلنه اكثر على موضوع توطين العراقيين ابتداء من شهر حزيران القادم الى دول كندا ودول الاتحاد الاوربي عن طريق اليوان. ونكون ممنونين منك.
اخوان .. خواتي .. والله مو ذبيته ورحت بس العصفوره من كاعده تسولفلي على شله قليله من العراقيين والي ديسوون بيه والطائفيه الي دينقلوهه ..والمشاكل الي بيهم والناس الي ورى شهر ورجعت والي سافروا ومن خلصت المساعدات ورجعوا كله دتنجمع ويسولفون بيه .. وحتى المحلفين ضايجين من العراقيين .. والله ضايجين من عدنه لانه يكول فقط الناس الي بالبدايه كانوا محتاجين السفر والخلاص .. واعتذر واكول همه ديحجون على ناس قليليين بس الزين ماينذكر فقط الموزين الي يبين ويصير واضح .. وازيدكم من الشعر بيت أم صديقي لا مهجره ولا كلشي .. راح واخذت المساعدات ورى شهر رجعت وكالتهلم اريد اشوف ابني مسوي عمليه وهو كلشي ماكو وانطوه وايت كارد وراح ترجع ورى سنه ..ومن هاي وقيس .. والله كريمابو الرون كلامك وكلام العصفورة عين الصواب ..
السلام عليكم اخوتي وتحياتي بالخصوص أللك اخوية الغالي (IRAQFORME)وان شاء الله تفرج عليك اخي الغالي واحب أأكد كل اللي كلته بخصوص المنظمة أهنانة بمصر فهاي السنة قابلو عوائل عراقية كثيرة واني المتكلم منهم واغلبهم كملو ملفاتهم والله اعلم هسة يمكن سافرو بس اني متأخر لان عندي اضافة طفل وحتة الامنية كملت والمطار والمدينة نازلين والرسالة مال القبول بجيبي وملفي كان فعال وتحول للمعلق واستفسرت منهم وجها لوجه بألاستعلامات مالتهم كالولي علمود نضيف الطفل مالك الجديد وانت مخلص كلشي وبس تكمل مستمسكاته راح نسفركم لأن امنيتك كاملةوكلشي بملفك كامل والله كريم لان اني أضطريت اسفر زوجتي للعراق حتى تجيب اهناكة وتكمل اجراءات البيان والجنسية والجواز اللي ميطلعو اهنانة السباع اللي عندنة بالسفارة لانك يمكن مو عراقي ؟؟ والله هم يضحك وهم يبجي بس الله كريم وان شاء الله الموفقية لاخوتي جميعا وربنا يسهللكم.الله يسهلك عزيزي Air force وبالنسبة للتأخير مال اضافة طفل صحيح تتأخر بس يسفروك اول وتالي وصدكني صديقي نفس حالتك هنا اقسملك جان يومية يشكي ويبجي بوجهي ومن عرفت تفاصيلة خمنت الشهر اللي يسافر بي وكتله على الواتسب وكلي يمعود اذا صدك بشهر الثامن اسافر اله اجيبلك خروف !! وفعلاً صدقني نطو موعد بنهاية الثامن وبالجذب حته مكلي وسافر سنطاوي واني اعرف بموعد سفرة (( وقيس من هيج ناس )) .
.كل الاخوه والاخوات ... مانتعتب على المنظمة بس من الخيرين الي طلعوا والاقليه الفاسده الي طلعوا ورجعوا وسووا المشاكل اولا" ..وخربوا سمعتنه احنه الي بقينه .. والناس اله بالظاهر ... والخير يخص والشر يعم ..والله لو تجون وتسمعون على قله من الناس والي ديداولون ويحجون بيهم رغم انه همه قله هذه الملفات .. وقليله جدا" بس الشر من يحجي يحجي على الكل ومع احترامي للكل والاقل .. بس شنسوي ويا حظنه المصخم الي خلاهم ينظرون النه من ورى شله قليله جابت السمعه السيئه للعراقيين وصايرين علوج بحلكهمخير ابو الرون وضُح تره كلشي مفهمت من كلامك يعني تقصد العراقيين اللي سافرو لو اللي يأجلون سفرهم بمزاجهم ؟ وضحلنه حبيبي حته نفتهم .
الله كريم والرب رحيم
صباح الخير والحبة صباح الانوار اسعدكم الله بنور شمس الكون الساطع و ايمانكم بهاحسنت اخ سلام فعلا هو نعم المولى ونعم النصير ويارب يسهلها عليك وعلينه .
فهو الحي الذي لا يموت فوضنا امرنا اليك يا الله فانت حسبنا فنعم المولى ونعم النصير
ارجع واقول اليكم جميعا بدون استثناء ( مشتاقون) كأشتياق الانسان في غربته لأهله وناسه ووطنه. اليكم مني اجمل تحيه وأجمل سلامابوعبدالله الغالي اتمنى من الله ان القاك وننجمع في بلد واحد لانك اخ واعز من الاخ . وسوف اعمل بلمثل المصري اللي يقول (( مسير الحي يتلاقه))
. تسلم حبيبي على الاخبار الزينه.. ضحكتني سالفة المخربطه مو منظمة .. اخي العزيز اللي اعرفه التحديثات من المنظمة الرئيسيه لان معظم التحديثات تصير فجراً بس مرة وحده صارت ويه صديقي ساعه 8 بليل . اما تحديثات الظهر فه تفاجأت بيها بصراحه .السلام عليكم ولو انضميت الكم متاخرة بس مشاغل الحياة كثيرة سجلوني وياكم انرفضنه بشهر السادس وجان الرفض الخانة السابعة واستئنفنه قبل شهرين تقريبا ودننتضر الرد والله كريموعليكم السلام ورحمة الله .. الله ايسر عليكم وعلينه ورجاءا اي تطور بملفكم تبلغونه وبالمقابل الاخوان جميعا حتى تعم الفائدة للجميع.
وشكرا لكم
حلوة ... بس الله يعين اهل الموصل على الظروف الراهنه . الله يزيح هاي الغمه عليهم .. كولو آمين
اذا صدك هذا الحجي روحوا المفوضية وطلبوا مقابلة المدير وقدموا شكوى بلكت ينزاحون أهل الرشاوي وتتقدم كل المواعيداخي الوليد بهيج مواضيع ميصير تقدم شكوى اذا ماعندك دليل ملموس ودامغ لان اذا ماعندك دليل الموضوع كله ينكلب ضدك . هي هاي قوانينهم .
أشكرك اخي العزيز iraqforme ويارب تفاؤل خير ونخلص من هاي الطركاعه الأسمها أي أو أم ونرتاح . تحياتيالله يسمع منك ونخلص من هيجي منظمة مبهذله ومخربطه ..
السلام عليكم شباب ,, اليوم كلت خلي افتح موقع عمان واشوف المف مالتي طبعا نفسه بعده مغلق بس بحالة الفحص الطبي قبل جان مكتوب بروسس يعني فعال وهسة مكتوب Pending Result وبالعربي فعال في حين ترجمة الكلمتين تعني بأنتظار النتيجه .. علما ان الملف مغلق بكلاتا الحالتين .. منو بيكم ملفه هيج خل يدخل ويشوف .. تحياتيعزيزي العراقي 72 اغلبنه صارت عدنه هاذي السالفه . اعتقد هاي تغييرات بمفردات الجٌمل عدهم . بس هذا ميمنع ان نتبع مبدأ تفائلو بالخير تجدوه .
اخويا IRAQ FORME الموبايل ميدخل للممرات شلون انصورة بالموبايل بعدين اخاف لجوء البرازيل يطلع مثل لجوء جورجيااخي هودو .. تره مااعرف شغلة المنع هاي لان هنا بمصر هربجي أدخل موبايل ادخل كاميرا ادخل جمل ماكو فرق
. بس هم لازم تنال شرف المحاولة .
الف الف مبروووووك ريان على قبول الاسئناف يارب لجميع المرفوضين القبول والسفر فرحتني ريان يوم الي واذبح طلي هههههههههه تستاهل كل خيريابه على كيفكم ويه ابو الرون تره ماكو تغيير جذري عندة بس كان حالة الملف مغلق صار انتظار النتيجه ..
تحياتي
صبيه
أخي العزيز iraqformeاخوية Baguncero متفضلاً علينه بلكت اذا رحت تصور الاعلان بموبايلك وتنزل الصورة بالكروب واكون ممنون الك .
والله ما فرغت ... بس تق رح أروح وأسأل وأجيب الخبر
بالله مشغول هليومين
لا تدوخ أخوية ... الله موجود
أعذرني علتأخير
تحياتي للجميع
اخ IRAQFORME بصراحة اني شفت ورقة قياسها 30X30 وبيها اعلام 6 دول الي ذكرتهم حظرتك والاعلان يذكر انه راح يبدون ايساعدون الاجئين من 2015 بس مبيه اي طاري للمرفوضينشكر للاخ العزيز هودو .. وعتبي على جماعة الاردن صار كم يوم اني سألت واليوم سألت ومحد جاوب عبالك خايفين من الحسد لو رح ناخذ التوطين من ايديهم . اخوان هدفنه بالمنتدى هو تبادل المعلومه المفيدة لتعم الفائدة على الجميع فياريت اللي يعرف معلومه مهما كانت بساطتها يذكرها يجوز احنه نستفاد منها وننمي عدنه حب الخير للجميع .. عموما شكر لجماعة عمان اللي يعرف ومجاوب واللي ميعرف وعرف .. بس اخ هودو نريد تفاصيل اكثر ممكن؟
دخلت يمكم بس ماعندي شي اكوله غير انه ادعي الكمتسلم اخ لايون ويسلم اصلك الطيب اخوية والله يفرجها على الجميع ونخلص من هاذي المعاناة الطويله ..
الله يفرجها عليكم وتفرحون وتخلصون من هل عذاب
لان الواحد هم ديحس بمعاناتكم
ان شاء الله قريبا نسمع اخباركم الحلوة
تحياتي لكم جميعا
السلام عليكم ايها المرفوضين الذين سوف تقبل اعتراضاتهم انشاء الله ويسافرون ونقرأ ( فلان الفلاني الذي كان مرفوض سابقا يحيكم من امريكا) هههههههههههههههههههه مشتاقيييييييييينهلا بالطيب ابو عبودي وانشاءالله كول امين .. زين بشرني ملفك متغير بي شي بالموقع ؟؟
أخي الفاضل Iraqformeاخي العزيز Baguncero
أشكر جهودك وجوابك وتواصلك وية الجميع
أني مسوي مقابلتين وقال لي الموظف قبل سنة من قابلني الثانية رح نحول ملفك للتوطين
يعني هسة ورة ما وديتلهم كتاب الرفض للصندوك رح يعيدون المقابلات بليو أن؟؟
وما كتلي شنو توقعك أذا قدمت الأستئناف بل أي أو أم .... هل رح يعرفون اليو أن؟؟؟
طبعآ آني مرح أكول لأي أحد أنه قدمت أستئناف
أشكر جوابكم مقدمآ
أخوكم
أخوية Iraqiformeحبيبي Baguncero والله مااعرف وين بالضبط بس اللي اعرفة يوان عمان .
يا أعلان؟؟ و شيكول؟؟ وبيا يو أن ؟؟ خلدا ؟؟ لو دير غبار؟؟
كلي خلي باجر اروح أشوفة بعيني وأردلكم خبر
أخوك
لان متكول سمسم اذا متلهم . أخوية الكريم طالما هدفك الأساسي هو التقديم على اليو ان فأنصحك أن تختار البلد الأفضل من هذه الناحية ولو كانت الأسعار غالية بعض الشيءكلام الاخ الوليد مضبوط 100% واني من المؤيدين لكلامه . اذا هدفك اليوان فه اختار بلد غير مصر لان اليوان بمصر ((( هربجي ))) .
أنا أنصحك بالأردن، وضع اليو ان بالأردن أفضل منها في مصر، والأسعار في الأردن مقبولة نوعاً ما، أما تركيا غالية
مع الأسف اليو ان بمصر (هيصة وزمبليطة) على كولة المصريين
يعني من الآخر تروح لبلد بيه اليو ان محترمة ومرتبة أحسن ما تروح لبلد بيه نسبة الهمج 100%
حتى نتونس والجماعة يستفادون من خبرات اخوانهم . أشكركم أخوتي على الجواب السريع ... بالنسبة ألي آني ما متحول من اليو أن الأردن... بل تقديم مباشر للأي أو أم تكرموناخي Baguncero اللي رح يصير كالاتي بأذن الله :
و ورة سنة من الأي أو أم تكرمون ...... رحت سجلت بليو أن كانت بسنة 2010
ولكن بمقابلة التوطين ذكرت أنه عندي ملف بالأي أو أم (( تكرمون )) وسجل موظف اليو أن كل التفاصيل
هسة آني كل أسبوع أدز مناشدة لليو أن بالأيميل ومرفق كتاب الرفض وأيضآ اذب بالصندوق مالتهم نسخة من كتاب الرفض ورسالة مناشدة
ورح أقدم الأستئناف هذا الأسبوع أن شاء الله لل آي أو أم لعنة الله عليهم
يعني شتتصورون؟؟ من أقدم أستئناف معقولة الأي أم أم رح تخاطب اليو أن؟؟
لأن آني من أنطتني الموظفة كتاب الرفض كالتلي انتة روح وديه لليو أن وكللهم بلكي يوطنوك لغير دولة .... ما كالت شي على أنه أكو مخاطبات بيناتهم
علمآ أنه بمقابلة توطيني بليو أن كالي الموظف أحنة مالنة علاقة بل آي أو أم بالنسة ل ملفك ... هذاك ياخذ مجراه وهنا ملفك ياخذ مجراه يعني كل واحد يمشي وحد
ولا حظت برجيلة ولا خذت سيــــــــــــــد علي
وحســـــــــــــــــــــبنا الله ونعم الوكيل
أخوكم
أخوان أريد أعرف شيحبي Baguncero اذا كنت محول من اليوان للIOM واجاك رفض ملفك مينغلق يم IOM اذا قدمت استئناف يبقه مفتوح لحين صدور النتيجه اما اذا مقدمت استئناف فه تخلص 90 يوم وراها ينغلق ملفك ويروح لليوان حته يشوفولك بلد اخر .. ( وهذا كلام الIOM مصر ) مدري يصدكون ام يكذبون ..
هوة أذا أحنة سوينة أستئناف شمدريهم اليو أن ؟؟؟؟
أشكر جوابكم
أخوكم
السلام عليكم شباب شلونكم .. ماكو شي جديد أخباركم أموركم آني نفس الطاس ونفس الحمام ,, بس قبل اسبوع دزيت رسالة واليوم اجاني الرد شي غريب بالموضوع مال رسالة كل مره يكتبون كيس ابديت وبعدين الرمز . بس هاي المرة كاتبين هيج Pending RFR/NMT/IZ شنو الفلم ؟؟ طبعا محتوى الرسالة نفسها مال أنته قيد الدراسة ومنعرف شكد تاخذ وكت يعني نفس الكليشة . بس حبيت أكللكم أخباري وبنفس الوقت اشاركم المتغيرات حتى لو كانت بسيطة , وأريد أعرف شنو هاي معناها وأكو أحد أجاه هيج شي ؟؟ وتحياتي للجميع .اخوية العزيز العراقي 72
تفرج .. صديقي مرفوض سنه 2013 شهر 12 وقدم استئناف ونسيبي انرفض بشهر الثاني وقدم استئناف وراح يقابل اسبوع الجاي يمكن كالي البارحةابو الرون قلبي نسيت اسألك .. صديقك ونسيبك شنو سبب رفضهم ؟؟
وتدلل
اخي العزيزحبي ابو سيوفي احنه اول شي قررنه منستأنف وفعلاً رجعنه ملفاتنه لليوان وكلنالهم منريد استئناف كالو حاولو تقدمون استئناف لكننا رفضنه الاستئناف وبالتالي تم الارجاع ..
هل اليوان على علم بتقديم الاستئناف؟
كيف يتم ارجاع الملف وتقديم اسئناف بنفس الوقت؟
من قام بأعادة الملفات لليوان؟
انتم حاليا في اي بلد؟
السلام عليكم اخوية Bagunceroحبيبي سيد الوفاء اجاوبك نيابةً عن الاخ العزيز Baguncero . وادلل مقدماً
شكرا الك يا غالي اني ممنون الك ولكل طيب
حاولت ان اوجد سبب للتاخير لكن ما حصلت
اخوية الورد اريد اعرف انه الكليشة الخاصة بالاسم ورقم الملف وهاي السوالف
راح اكررها بكل صفحة علما انه راح ادز الملف بالاميل
جاوبني يا طيب
تحياتي
هذا رد ينطبق عليه المثل القائل (( وفسر الماء بعد الجهد بالماء )) . حضراتهم يقولون لك إن ملفك هو الآن (قيد الدراسة) على يد ( المحلل المختص ) . الله المعين .ياخوية يامحلل مدكلي !! لعد صارلهم 3 اشهر شديسوون شديحلل قابل (....) والله طلعونة من طورنا الله وكيلك .
اني وياكم بعد الرفض بشهر من مكتمل الى انتظار الي هوه pendingابو الرون قلبي تره كلنه واكفين على لسانك يمعود بشر ماكو جديد ؟ اخبار العصفورة بس لخاف طارت من القفص وبعد متجيبلنه اخبار حلوة
حبيبي ابو راوان الورد لي اخوه بعيدين عني ولكنك من الاخوه القريبين لي. شكراالله يقربك على اخوتك ويفرجها عليك وعلينه . مودتي للجميع
مبروك للاخ عراق فورم وانشالله السفر القريبتسلم اخ هودو بس تره ماكو جديد كلنه في الهوا سوا
الملف معلقاخوية العزيز امريكا مدز فحص اذا ممتأكدة من دخول هذا الشخص اللي رح يفحص الى بلدها بنسبة اكثر من 90 بالميه هذا الكلام من رئيسة قسم في المنظمة IOM في مصر.. وتأخر الفحص كل هاذي المدة شي سلبي بس نكول الله كريم ساعه عن ساعه فرج كبير بأذن الله .
المقابلات مكتملة
الفحص الطبي صار اكسباير من 5 شهور ولحد الان مكو خبر
الامنية انتظار
شنو تفسيركم
السلام عليكم اخواني الاعزاء...اخي iraqforme اني نفس حالة ملفك مقدم استئناف من الشهر الثاني بهاي السنة ولحد الان حالة الملف انتظارالنتيجة وحالة السفرهم انتظارالنتيجة والفحص الطبي فعال انبروسس وكلشي اخرمكتمل ولحد هسة واتصور اكواهمال كبير بتحديث المواقع وبعد منعرف شراح يصير تحياتي..والله يااخي مارك حيره وتعب وقلق .. هسه لو مقبولين على وجه لو مرفوضين على وجه . باقين بأمل ومنعرف شنو تاليها ويه سياسات محد واكع بيها غيرنه ..
تفاصيل ملفيعاشت ايدك اخ سلام .. المشكلة اغلبنه نازل عدهم مدينة ومطار معناها موافقة الولاية موجودة !! شي عجيب فعلاً والله .. اتمنالك وللجميع السفــــــــــــــــــــر القريب انشاء الله
Case Status (حالة الملف) Closed (مغلق)
Case Size (عدد الأفراد) 1
Prescreen Interview Status (المقابلة الاولية) COMPLETED (مكتمل)
USCIS Interview Status (مقابلة المحلفين) COMPLETED (مكتمل)
Medical Screening (الفحص الطبي) Pending Result (فعال)
Security Review (التشييك الامني) Pending (بالانتظار)
Travel Status (حالة السفر) NO ACTIVITY (غير فعال)
Destination City(المدينة) BOISE,ID
Airport Code(المطار) BOI
.. هم صار بأنتظار النتيجه .. هذوله شنو فلمهم ؟ مخابيل ؟ بلكت احد يفهمنه
اتوقع متغير عندك شي لان استئنافك جديد . واايد ما كالة الاخ العزيز DR.ZOMBAS بخصوص انتظار نتيجة الفحص لان انتظار النتيجة ما الها غير معنى انو تنتضر نتيجة المحلف .. تحياتي للجميعحبيبي آبل اني اقصد انو المفروض من يجي الرفض على الاقل يكتبون نتيجة الملف ( مغلق او معلق ) مثلاً .. او من خلص الفحص الطبي صارلة اكثر من سنة ونص ! المفروض يكتبون اكسباير مو فعال صارلة كل هالمده .. ممعقولة محد حدث الملف صار اكثر من سنة ونص .
السلام عليكم شباب مشتاقلكم جدا جدا جدا . بشروني اكو اخبار حلوه تستاهل الواحد يفتح نت على مودها.ابو عبدالله تشتاقلك الجنه حبيبي . شخبارك امورك انشاءالله تكون بأحسن حال . والله ماكو جديد الجماعه ديحجون عن تغير بحالة الفحص الطبي . بس اخوك صارلي سنة و7 اشهر تقريباً ماكو اي تغير بالموقع مالتي عبالك ماخذيله صورة وكل ماافتح تطلعلي
السلام عليكم اخواني واخواتي المستأنفينشلونك دكتور .. وداعتك العالم كله تتغير واني مااتغير يمكن اكو مشكلة بموقعي لان ممعقولة كلشي متغير صار اكثر من سنة ونص ( يعني مثلاً الفحص خلص عندي من شهر الثالث 2013 ولحد هسه بالموقع يقره فعال \ اجاني الرفض وكل جماعتي حالة الملف مالتهم بالموقع مغلق ماعدا اني بأنتظار النتيجه ) فه شنو تفسير هذا مدااعرف !!!!!
اليوم صار عندي تغيير بخصوص الفحص الطبي من فعال الى فعال(pending result) علما اني قبل ماانرفض جان الفحص الطبي فعال اي من قبل سنة ونص..اعتقد برأي الشخصي تغيير غير مؤثر والتفسير لهذه الحالة هو انتظار نتيجة الإستئناف اذا قبول انشاءالله راح يرجع فعال واذا رفضوا الإستئناف يتغير الى غير فعال ويغلق الملف نهائيا....تحياتي للجميع
David Froman, Esq., LL.M.عاشت ايدك ابو الرون الورد . ماكو شي جديد من عصفورتك ؟ اليوم نهاية اسبوع بلكت اكو اخبار ساره تفرحنه بيها .
Certified Specialist in Immigration and Nationality Law
California State Bar Board of Legal Specialization
FROMAN LAW FIRM
Business and Immigration Attorneys
9820 WILLOW CREEK ROAD, SUITE 275
SAN DIEGO, CALIFORNIA 92131
PHONE: (858) 547-1200
FAX: (858) 547-1231
WEBSITE: http://www.getvisas.com
EMAIL: dfroman@getvisas.com
SKYPE: getvisas1
خلية يتصلى على هذا المحامي وهو يفهمه
شنو هاذا المربع السابع اذا سمحتاختي المربع السابع بي عدة اسباب من ضمنها الامني .. كدامج حلين لاثالث لهما . يأما تقدمين طلب اعادة نظر ( استئناف ) او تاخذين نسخه من كتاب الرفض وتنطي لليوان والباقي عليهم .
تسلم ياورده ,, ربي يسهل امرك ياطيبادلل واي شي اكدرله اني بخدمتكم .
هاي الورقه الاخيره نزلتها مره ثانيه لانه مكانت واضحه اول مره وان شاء الله تكون عدكم فكره عل الاسعار والآليه حول الاستئناف عن طريق المحاميعاشت ايدك اخي وبشر الصابرين الله يسهل امرك وامر الجميع .. يارب
الســـــــــــــلام عليكم جميعآشباب احد يساعد اخونه Baguncero من اللي وكلو محامي من داخل امريكا واظن انو همه اكثر من واحد في هذا الكروب .. لتبخلون بالمساعدة حتى الله يسهلها علينه .
أخوان سؤال مهم جدآ
شنو معلوماتكم عن المحامي من داخل أمريكا الي ممكن نوكلة بعملية الأستئناف؟؟
شنو مدى نجاح الأستئناف؟؟
شكد ياخذ؟؟
شكد يطوول؟؟
أي تفاصيل تملكوهة أرجوكم أفيدونا بيهم ولكم جزيل الشكر وألأحترام
أخوكم
حبيبي عراق فورمعزيزي سيد الوفاء هسه دزيتلك وللمره الثالثة والاخيرة نموذج استئناف مع نموذج شرح طريقة عمل الاستئناف وشرحتلك شوية تفاصيل تخص موضوعك على ايميلك اللي انت دزيتليا على الخاص . واعتقد على كولة المصريين ((( عداني العيب دلوقتي ))) يعني بالعراقي سويت العليا . دزيتلك رقم المنظمة حسب طلبك
ماكو شي وصلني منك لسه لا الفورم ولا نماذج رسائل
اخي الرسالة الي اكتب فيها الرفض لازم تكون عربي وانكليزي لو اشلون ؟؟
فهوني ارجوكم
ممنون
اخي العزيز زياد تسلم على تنزيل رابط أستمارة المظالم بس بدون زحمة عليك ممكن الأيميل مال دائرة المظالم مع تحياتي وشكري مقدمااخي السفير اجاوبك بمكان الاخ زياد . وهذا ايميلهم وتدلل
عراق فورم .. والعراقي .. اليوم بالصدفه اكو عائلتين عراقين حالتهم انسانية مرفوضين من المحلف شهر السابع اليوم رجعوا قابلوهم بالسفاره بغداد .. ف الفضول ماخلاني اكعد اله اروح استفسر .. كالولي هذوله انرفضوا وعدهم ابنية صار بيه سرطان .. ومقدمين التقارير مالته وكالوا راح يسووله فحص واذا اتاكدوا منه راح يسفروهم باسرع وقت .. الله يعينهم على مصيبتهم ... هاي اخر اخباريالله يرحم بحالهم ميستاهلون .. انشاءالله سفرهم يصير قريب وتفرج علينه وعليهم .
الله يساعدهم شباب آسف على الأنقطاع الطويل ولكن والله متابع المواضيع كلها ,, شلونك أخوية القائد المؤسس لجمعيتنا iraqforme مشتاقين أخوية ,, والله أني لحد الآن كلشي ماكو بس حبيت أشارككم أخباري لأن ماكو شي جديد ويارب بجاه محمد وأل محمد تفرج علينا وآني عندي أحساس هاي الشهرين الجاية أخبار حلو وخير للعراقيين . تره أظل متابعكم بس والله ماأكدر أشارك أحيانا سامحوني . تحياتي ويارب السفر للجميعحبيبي العراقي 72 مشتاقيلك عمي عبالنه طفرت
. الله يسمع منك اذا صدك منا لشهر 12 اكو اخبار مفرحه اطش جيس جكليت بالكروب .. والاخ ريان هم سمعنا اخبار مفرحه من العصفورة مالته بلكت اخبارها صحيحه وتفرج علينه ونخلص من الانتظار القاتل ..السلام عليكم
حبيبي الغالي Iraq Former
اتمنى ان ادزلي نموذج ثاني
وايظا اذا ممكن الطريقة الصحية لاضافة الزوجة وقصتها عن طريق الاسئناف
لان هيه مجانت قبل بالملف
تحياتي
السلام عليكماخ سيد الوفاء دزيتلك نموذج استئناف تكدر تتطلع عليه وتستفاد منه بالكتابة والترتيب واذا تريد ادزلك نموذج اخر حتى ليضيع عليك الوقت .
اخواني اريد اقدم استئناف وما اعرف اشلون ابدي
جزاكم الله خير ساعدوني
اخويه العزيزتسلمين اخت ام شاهين على الاجابة بس هسه الوالد صارله سنتين الا شهر من قدم الاستئناف ودزلهم الاستمارة يوم 1 آب وردو وراها بأسبوع كالو انتظر الرد خلال 45 يوم عمل ولحد هسه مجا اي رد منهم !! شنو الموضوع اخاف نسو او اهملو الرد لو شنو مدنفتهم .
انا من الاوائل الي كتبت على استماره دائره المظالم وصارت لغوه وحذفت الموضوع بس راسلتهم
بعدها بفتره نزل الاخ ابو اياد ( زيطه ) موضوع شامل على الاستماره وهو من الاشخاص الي سووها ايضا
بقي اقول لك انني لست من المرفوضين وانما كنت من المتاخرين
اما عن قضيه الخ ابو اياد صراحه ممتاكده من المعلومه لان صار فتره طويله اتوقع والله اعلم انه كان من المرفوضين
وللعلم عائلتي وكذلك الاخ ابو اياد وصلنه بخير وسلامه لامريكا ويارب يكتبها لكل المنتظرين
وللعلم ايضا من سافرت وكتبت بموضوع سفري على الاستماره اكثر الاعضاء طلبوها بس الاغلبيه يقولون انهم لم يملوءها والعلم عند الله
رأي الشخصي انت اكتبلهم ومرح تخسر شي
واكتب استئناف وحاول ان تعمل استئناف قوي وخالي من الثغرات ويارب يسهلها بوجهك ويفرجها ان شاء الله
تحياتي
اختك ام شاهين
اخوية يردون ان شاء الله بس هو خلي ياكد عليهم ويدز ضمن الرسالة بالسبجكت الكيس نمبر الي انطوا اله وبلتوفيق ان شاء اللهتسلم حبي تفرج على الرد . بلكت باجر يدزلهم رسالة يذكرهم بنهاية الموعد وعدم الرد وانشاءالله اي شي جديد اكتبه اول بأول
وياريت اخوية تنزل الاخبار اول باول ومشكور حبي
اخ iraqformeحبي عراقي تبقه انت وشطارتك .. صديقي اجه قبل اسبوع فيزا 950$ والمفروض يجي بكروب سياحي بس لانو المتعهد صديق صديقه كله خلي يجي براحته مو شرط ويه الكروب .. فه تبقى انت واللي رح تدفعه او علاقاتك
انت هيج اشوف ترهم والشركة يخليني اروح براحتي لو يشرط علية لازم اتقيد بالرحلة وياهم
مصر احسن من الاردن من ناحية العيشةاخ لايون كلامك دقيق جداً بخصوص مصر وبخصوص المحلفين كأنو انت موظف بالمنظمة
وبالنسبة للاي او ام فانت راح تنقل ملفك عادي وتنتظر الى ان يجي دورك لمقابلة المحلفين وحاليا المحلفين راح يجون بداية شهر 11 لمصر الله اعلم شوكت يجون مرة ثانية
لان هم بشهر 8 هم كانو متواجدين بمصر
واكو ناس قابلو من الي حولو ملفاتهم من العراق ومشت امورهم
بس السؤال الاهم انت تعرف حاليا فيزا مصر صعبة تحصل عليها ؟
يمعود اذا موظف سهل امري يمعود .. اثلج صدوركم .. اليوم .. عشرة من المستانفين الي قدموا وياي اليوم اتحول الملف الى انتظار النتيجه وجانت مثلي ومثلكم الملف مغلق ... وانشاء الله انتوا همين تتحول وضعية الملف بالموقع مثل الباقين واني وياكمابو الرون وينك وين اخبارك الحلوة والعصفورة لتبخل علينه .. زين هذوله اللي ملفاتهم رجعت انتظار النتيجه رفضهم كان المربع السابع ؟
معقولة لهالدرجة فوضى باليو ان بمصر؟ أفارقة نايمين بالشارع؟حبي الوليد احنه قصدنه الافارقة اللي همه جايين من السودان والصومال واثيوبيا وارتيريا . صدقني اذا تفوت من يم اليوان الساعه 8 صباحاً ( يعني قبل بدء الدوام بساعه ) تشوف نمل اسود اباب اليوان منظر كلش مخزي وحته ميصيرلك واهسه توكف وتدافع وياهم لان بكل بساطه (( همج )) مع احترامنه للزينين اللي بيهم واللي همه قله قليله .
لعد ستر الله على العراق رغم تردي الأمن والفقر وعدم التنظيم إلا أن نادرا ما نشوف هيج مناظر أمام المؤسسات
كلام الاخ صحيحبالضبط اخ لايون . الافارقة تارسين المكان ونايمين همه ودواشكهم وزعطهم وجيفتهم وهوستهم وكللللللللشي وقافلين كل الدنيا
وثاني شي هو منو الي يكدر يوصل UN اصلا من ورا الافارقة همه ودواشكهم نايمين كدام الباب
حبيبي ابو روان الورد قدمت اعتراض والله كريم وامكتوب على الجبين تشوفه العينابو عبدالله الغالي انشاء الله متضيق الا تفرج . اتمنى عودتك السريعة الى المنتدى ياطيب
السلام عليكمحبيبي سيد الوفاء دزيتلك الملف بس اكو ملاحظه مهمه وهي لازم يكون عندك اخر تحديث لبرنامج Adobe acrobat reader حتى تتمكن من قرائة الملف بالكامل
اود ان اطلب منكم مساعدة واللتماس حول موضوع الاستئناف لانه ما بقى عندي وقت بس اسبوع واحد
كيف اقدم استئناف للمنظمة وماهي المحتويات المفروض موجود في هذا الاسئناف
وما هي افضل الطرق لاقناعهم في القضية,
اذا كنت قد تزوج بعد الرفض واريد ان ارفق زوجتي في الملف علما ان الزوجة قد حدثت لعائلتها ولها قضية تهديد كيف يمكنني ان اضيف وارفق قضية زودتي مع الملف
اتمنى ان احصل على نصيحتكم وردوكم باقرب وقت ممكن
تحياتي
اخوان ان شاء الله خير راح يبدون يقابلون المرفوضين والله مينسى احد ابدحبيبي تفرج دزيتلك طلبك على البريد . وتأمرني امر
اخوية iraqforme بدون زحمة ممكن نموذج الاستئناف الي كلت منظمة مسويتة برسالة هنا على الموقع او على هذا الايميل ramnmoon12@yahoo.com واكون ممنون منك ياطيب
السلام عليكم اخواني اخواتي هذه تجربه شخصيه مريت بها ولا اتمنى ان تقعو بنفس خطئ سافرت الى امريكا في شهر فبراير وبقيت ثلاث اشهر ولظروف قاسيه علي رجعت الى العراق انا وزوجتي بدون ان احصل على ترفل دكومنت او كرين كارد وعند وصولي الى العراق وانهاء المشاكل الخاصه بيه ندمنت واردت العوده الى امريكا وكانت جميع الطرق مغلقه وتواصلت مع بعض الاخوه في المنتدى وتبادلنا المعلومات الاخوان مشكورين وتوكلت على الله وحجزت تذاكر سفر وانطلقت مع ززوجتي الى المطار ونحن لا نملك غير i_94 والدعاء الى الله وقراءه الفاتحه ففتحها الله في وجهي الحمدلله ووصلت الى بلاد العم سام منذ يومين الحمدلله الذي سهل امري طبعا ساعدني الايدي مثل جوب ايدي وسيتي ايدي ووثيقه فيها صوره استلمتها من المنظمه في عمان في سفرتي الاولى كان هناك تشدد امني كبير في رحلتي هذه واحب ان اشكر الاخ عمر وهو مترجم في مطار شيكاكو وساعدني كثيرا واشكر جميع الاخوان في عين كاوا الذين ساعدوني بوسيله او باخرى حبيت من هذا الموضوع اوصل فكره للاخوان ان لا يتسرعو بالعوده عليهم استخراج ترفل دكومنت او كرين كاردعاشت الايادي اخي على النصيحه ماقصرت والله . تمنياتنا لحضرتك بالحياة السعيدة في بلاد العم سام . ودعواتك لنا بالفرج لان تعبـــــنه
مرحبا اخوان بس عندي استفسار اني نرفضت من الIOMب 2011 والسبب المربع ال6 وقدمت استئناف ب2014 ودزلولي طلبك قيد الدراسه , فبيه أمل ان شاءالله ؟حبيبي مروان المربع السادس اهون بهوايه من السابع وانشاءالله املك بالله بلكت تنقبل . اما بالنسبة لكلمة قيد الدراسة فهذي كليشة تجي لأي واحد يقدم استئناف بمعنى انو استئنافك قيد الدراسة ومن يصدر قرار نهائي رح يبلغوك
السلام عليكم اخويةحبيبي اوس اني ممقارن لانو كلت هنا امان اما بالعراق فلا يوجد امان بس بالنسبة للمصرف تقريباً نفس الصرف . تريد نحسبها حساب عرب ماعندي مانع ايجار ومي وكهرباء وغاز 400$ والعيشه بالشهر اذا عائلة مكونه من اربع انفار مواقل من 500$ شهرياً لان العيشه غلت بالاشهر الاخيرة بعد غلاء اسعار الوقود فه بقية الاسعار ارتفعت اوتماتيكي .
مسألة حظ اني جنت اعرف عوائل والله سنتين مطولو وسافرو واكو ناس بالعكس يعني هية شغلة حظ اما
بالنسبة للعيشة فجريمة انو اتقارن بين العراق ومصر يا اخي
اللي عندة ملك بالعراق مستحيل يصرف جوة المليون دينار عراقي ناهيك عن خط المولد والاوضاع الامنية
اما في مصر والله والله بست او سبع اوراق اتعيش حياة احلى من العراق وللمعلومة هاي وياهة الاجار
فكيف تقارن معيشة مصر بالعراق
للعلم اني جنت سنتين بمصر
تقبلو مروري
اوس العاني
مرحبا اصدقائي بس اريد اعرف شنو تعني حالة الملف هولد شنو معناها وشنو الاجراءات التي علئ الملف اني عايد فحص طبي وصار مكتمل بالموقع وعدت محلفين واستلمت موافقه والحمد لله بس حالة الملف هولد اذا احد يعرف ينورنه والله يبارك بيكمابو هناوي حبيبي الهولد يعني ملفك ديشتغلون بي ومن يكلب الى فعال يعني الملف في طور الانجاز (( يعني ورا الفعال رح يصير تطور بملفك بغض النظر عن ان التطور ايجابي او لاسامح الله سلبي )) . لاتقلق فهذه اجرائات كل الملفات تمر بيها وطبيعيه
السلام عليكم واخيرا والحمد لله والشكر ورة التعب الطووووييييل حددولي موعد سفر والله لو تدرون شكد فرحت حتى ردت اخابر على اخوية ابشرة خابرت على المدير مال شغلي من الخبصة يارب يوم الي اتعيشون هاي الفرحة لان الهه طعم خاااص والله بس عندي سؤال اني اليوم نزل الموعد يوم ٢٧ \ ١٠ \ ٢٠١٤ بس لخد هسه متصلو بيه شتتوقعون شوكت يتصلون تحياتي الكم ويارب السفر للكل ياااااااااااااااااربالف مليون مبروك اخي وانشاءالله يكتبلك الحياة السعيدة الك وللعائلة . وانشاءالله يتصلون بالكفيل هاليومين او الثلاثه الجايين . سفرة سعيده
وعليكم السلام اخوية العزيز .اخوية العزيز ابل .. سبق وان تكلمنه بهذا الموضوع . جماعتنه هنا بمصر يكولون بالنسبة اللي متحول من اليوان على الاي او ام ورفضته امريكا من يقدم استئناف ملفه يرجع ينفتح (( يعني في حالة اذا ميقدم استئناف فه ينغلق ملفه من اي او ام ويرجع لليوان للتوطين في بلد اخر )) هاذي بالنسبة للملفات المحاله من اليوان .
تقدم استئناف وتقدم un طبيعي اني بالنسبة الي هيج مسوي الموظفة سالتني مقدم un من غير دولة كتلهه لا وبالفعل اني ممقدم من غير دولة بس كلت اذا التوطين بعمان طلعلي امريكا ارفضة حتى ميتعارض وية الكيس اللي عندي بال iom .. تحياتي
السلام على المرفوضين ورحمة الله وبركاتةحيدوري الله وكيلك ماكو شي غير الرسايل مال البنج مالتهم
اما بعد .... اخوان شكو ماكو عن اخبار الاستئناف معقولة ولا واحد بينت عندة النتيجة
حبيبي ابو روان الورد الف مبروك على انشائكم هذه الصفحة المتفائله وارجوا ان تقبلوني صديق خفيف الضل في هذه الصفحة التي وإن دلت فأنها تدل على تفاؤل اعضائها وأتمنى ان تقبل جميع اعتراضات الاعضاء انه سميع مجيب. تقبلوا مروريابو عبدالله العزيز وين هالغيبة يمعود مو اخاف نسافر ونعوفك
اذا ممكن سؤال اخ عراق فورم يعني شنو رسائل دعم?اخت ام محمد اسف على تأخري بالرد لظروف عملي . وبشر الصابرين مشكوراً رفع التفاصيل بالكامل تكدرين تحملين الصور وتقريها بس للأضافة انو رسائل الدعم اذا متفيدج متضرج
السلام عليكمحبيبي وبشر الصابرين . صحيح سألت عليها واستفسرت من محامي وهي شغلة (( رسائل الدعم )) كلي هذي اكثر شي تفيد اللي ماعنده كفيل ومرفوض تدعم موقفه اكثر اما اللي عنده كفيل ممكن ياخذوها بنظر الاعتبار او لا يعني مو اكيد حسب رؤية اللجنه . بس عموماً اذا متفيدك مرح تضرك .
الاخ عراق فورم شنو الشي الي واعدتنه بي والي سويته
قبل الاستئناف وكلت من تتاكد منه تكلوله حتى يستفاد منه الي بعدهم ممستئنفين
تحياتي لحضرتك
حسب الي نسمعه والي قاري من متابعاتنا لذوي الخبرة بالهجرة انو الرفض ميجي بسهوله الا اذا كان الشخص حزبي سابق واله دور بارز بالنظام السابق او اكو نقاط سوداء في عسكريته كان يكون من فدائيي صدام او من شارك بعمليات الابادة الجماعيه او من كان في الحرس الجمهوري فاذا انت انشاءلله ماعدك اي وحده من النقاط اعلاه ما اعتقد يجيك رفض فاتفائل خير والله كريم ماعدك غير الصبرحبي الرفض ثبت انو ماله علاقة لا حزبي ولا امن ولا مخابرات ولا قائد قوات ذيج الصفحه .. الرفض هو للتخلص من كم الملفات الضخمه اللي تكدست على راسهم ومديعرفون شنو السالفه والدليل اعرف عائلة بس همه كل واحد ملف مستقل ابنهم اجا رفض وهو هسه عمره 24 سنه وطالع من العراق قبل عشر سنين يعني جان عمره 14 سنه واجا رفض امني !!!! شنو رأيك وعجايز وشياب هم اجاهم رفض امني !!
يارب تفرج عليك وعلينه وعلى كل ابناء بلدنا
تحياتي
احنه هم 3 كيسات واحد من الكيسات اجالة رفض الخميس الماضي عالمربع السادس وهو تقديم 2011 وان شاء الله ناوين نقدملهم على استئناف بس كولولي بي أمل لو لا ومنو هم انرفض عالمربع السادس؟ وشنو أخبار استئنافاتكم صار بيهه تحديث لو بعد؟ ضيفونه عالكروب وان شاء الله الموفقية للجميع يا رباختي ام جنه المربع السادس امله كلش قوي بالقبول وخصوصاً اذا انتو خارج العراق اكو منظمات متبرعه هيه تسوي الاستئناف كما الحال في مصر
اختكم أم جنة
السلام عليكماخ هوك اني تحويل سنة 2012 وقابلت اولى في ابريل 2012 ومحلفين اغسطس 2012 وموافقة وراها بشهر ونص ورفض يوليو 2014 .
اني هم وياكم على الواهس
ومعلوماتي كالتالي وياريت كل شخص يكتب المعلومات واعتقد اغلب اللي مقزمين من 2009 دينرفظون وما اعرف السبب شنو
وللعلم اصدقائي ثنين قدمو وراية وطلعو صارلهم سنة واني بعدني
26/10/2009 تقديم الى المنظمة
2/8/2011 مقابلة اولى
19/4/2012 مقابلة ثانية
10/6/2012 راسلة التاجيل deferal letter
2/12/2013 الفحص الطبي الثالث
19/8/2014 الرفض
وطلعت الى تركيا في 1/7/2014 وراسلتهم انو انقل ملفي وماكو نقل بتركيا
وقدمت un
وغلقتة
وباجر اكتب رسالة طلب الاستئنافوف شيصير
اني شخص واحد
ومواليد 85
وهية حظوظ
ارجو التواصل مع بعض والله يسهلهة علينة
زين اني قبل شهر اجتني رسالة كلولي عليهة انو راح نتصل بيك لمرة واحدة لاجل الفحص الطبي وبعد لحد الان مخابروني يعني ايجوز الاصت علينااخوية اوس ماكو غير تنتظر رحمة الله لان اللي دتحجي كله صار ويايه . وبعد ماريد ازيد همك
اشكركم حبايبي بس اني لمن خلصت سنة الفحص يعني تعرفون لمن ايمر سنة على الفحص يتحول اكسباير بس اني اصلا متحول اكسباير اتحول من مكتمل الى فعال وحالة الملف فعال وللعلم اخوية سافر قبلنة وصارلة عشر اشهر بس لا الاصت علينا وللمعلومة احنة عائلة يعني كولولي الاصترح احجيلك اللي صار ويايه وانت احكم ..
هذا هو نص الرسالة وكانت تحمل الرمز كيس نمبر ابديت Mssابو كارتونه ملفك صار قيد الدراسة . ولتخاف اكو هواية قيد الدراسة وسافرو . بس رح تتأخر شوية اكثر من اللي عنده موافقة مباشرة وفحص طبي ..
شلونك اخوية العزيز iraqforme ان شاء الله بخير .. بشرنة مصار شي جديد على استئناف الوالد ؟حبيبي آبل . بالنسبة للوالد لحد هسه مجايه شي على الاستئناف ورح يقبط سنة وعشرة اشهر وكل ميدزلهم رسالة تجي الكليشة المعتادة . اما بخصوصي فه انت تعرف دزيت الاستئناف يوم 21 سبتمبر وداانتظر رحمة الله ..
واذا امكن شنو حالة الفحص عدكم بالموقع حضرتك والوالد ؟
اني ملفي حاليا انتظار النتيجة والفحص الطبي فعال بلكي ياربي خير
تحياتي
اعزائي عندي سؤال مهم فلنفرض ان شاءاللة انقبل استئنافنة شنو الخطوة الي وراها راح يعيدون مقابلة المحلفين لو لا خاصة جماعة بغداداختي ام محمد في حالة قبول الاستئناف مباشرةً . يخبروج بموعد فحص طبي وهذا دليل على الموافقة المباشرة انشاااااااااااء الله . اما اذا عدهم شئ مبهم ويريدون من صاحب الملف جواب قطعي رح يسوون اعادة محلف . اما الخيار الثالث فهو معروف??
السلام عليكمالاخت العزيزة .. بعد ماتصحين من الصدمة اللي كلنة مرينه بيها اتبعي الطرق اللي كلنه اتبعناها بكتابة الاستئناف والله يسهل الامور ونصيحة ولو الامل ضعيف بس رحمة الله واسعه بلكت ينقبل الاستئناف او يسوولكم اعادة محلف واعادة المحلف تعتبر خطوة ايجابية بسير الملف
اني الرفض الي اجاني اليوم يعني بعده تازه علما اني كنت مقابله محلفين 6/2012 وبقيت قيد الدراسه لغايه شهر 4/2014 تم الاتصال بي بموافقه المحلف واكتمال خانه المحلف بالموقع ولم يتم اعاده الفحص بعد خروجي من التعليق واليوم الظهر استلمت رساله من المنظمه بالرفض ومؤشر عل المربع 7 والحمد لله على كل حالوبعدني ممفكره اقدم استاناف لو لا
ارجو منكم النصيحه ولو النتيجه مبينه حتى لو قدمنه استئنافلان الرفض امني
