الرسائل

1

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 04:44 01/02/2015  »

وبالنسبة للموقع دخلت ومثل ما كتلي صارت جاهزة للمقابلة Redy  بس ما اعرف شنو الوارها انطيهم خبر لو همة يحددولي موعد المقابلة وهاي تعتبر قبل الخطوة الاخيرة لو شكد بالمية تقريبا ..  وممنون للاجابة اخي الكريم

السلام عليكم اخ محمد ..
ان شاء الله السفارة الامريكية يدزولك رسالة يكولولك بيهة شوكت موعد المقابلة ولازم تحضر الاوراق اللي يريدوها منك وافتح هذا الموقع مال السفارة الامريكية واللي بي شنو المطلوب منك قبل المقابلة والله يوفقك ان شاء الله انت والجميع يارب
http://iraq.usembassy.gov/prepare.html

2

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 12:26 31/01/2015  »

مرحبا اخواني اصحاب الكروب الرائع عندي فقط استفسار حول نص هذه الرسالة والعنوان هو  (FFP AGENT FOR NEOPOST DS-1200) ونص الرسالة يقول بانه قامة ال NVC بتحويل ملفي الى السفارة الامريكية لغرض اجراء المقابلة . وسؤالي متة بنضركم سوف يكون موعد المقابلة وماذا احتاج في المقابلة وشكرا لكم وانتضر ردكم الكريم

اخ محمد السلام عليكم ..
ان شاء الله بالزايد شغلة شهر ونص وتروح مقابلة اذا مو أقل وتكدر اتابع قضيتك هل وصلت للسفارة لو بعد عن طريق هذا الموقع اللي هو خاص بمعاملات الهجرة وهو موقع مال وزارة الخارجية الامريكية https://ceac.state.gov/ceac/ اكتب بي رقم القضية مالتك ورح تشوف مكتوب In Transit يعني بطريقهة للسفارة ومن توصل ان شاء الله رح يكتبولك Ready يعني جاهزة للمقابلة.
الله يوفقك ان شاء الله انت والكل يارب

3

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 00:37 06/11/2014  »

السلام عليكم جميعاً
وانا أطلع على (متطلبات المقابلة الشخصية للحصول على تأشيرة الهجرة ) والصادرة من سفارة الولايات المنحدة الامريكية في بغداد- العراق
لفت انتباهي شيئ محير اي والله وحير وسأنقله كما هو ثم اكتب ما حيرني .
(( يجب عليك أحضار هويتين تعريفيتين للدخول الى المنطقة الدولية (الخضراء) وسيطلب منك نرك واحدة من الهوينين عند البوابة الرئيسية (تذكر أنه يجب عليك أبراز هوية الاحوال المدنية "الجنسية" وشهادة الجنسية عند المقابلة في القنصلية , يرجى عدم ترك جواز السفر عند نقطة التفتيش ))السؤال اذا هم رايدين الجنسية والشهادة والجواز يعني شنو راح اخلي من اثبات في بداية الدخول بالبوابة الرئيسية ارجو من قابل اعطائنا فكرة عن هذا الموضوع وشكري لكم مسبقاً

السلام عليكم ابن البصرة ..
سؤالك منطقي بس ترة الشغلة مجرد حجي كاتبي اطمئن لان اني من رحت بوكتهة للسفارة كل شي مطلبو مني اتركه يمهم وكل اوراقي ظلت وياية ماكو احد اخذ مني اي شي

4

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 04:54 07/04/2014  »

شباب اذا الواحد عسكري وايداوم بالعراق لحد الان اكو بأثير على الملف .. مثلاً هسه عمي عسكري يداوم بالداخلية ومقدم معامله لم شملi 130 مرته مقدمتلة من امريكا ,,, هم يأثر على السفر والملف وهوه بعد شهرين عنده مقابلة بغداد بالسفارة الامريكية ,, واذا اكو تأثير شنو الاجراءات الي ايسويهه... اكون ممنون اذا احد يعرف ليقصر وجزاكم الله خير. تحياتي.. اصحاب الخبرة حبي مصطفى .

وعليكم السلام ورحمة الله وبركاته اخي ..
ماكو مشكلة حتى لو عسكري بس رح يطلبون من عنده دفتر الخدمة القديم ويترجمه او يطلبون من عنده شي يثبت انه هو عسكري حالياً وهم يكون مترجم

5

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 04:35 15/02/2014  »

وعليكم السلام ورحمة الله وبركاته اختي ام العسل ..

الله يبارك بيج يارب ويسلمج وان شاء الله ما انسى احد ابد واكون بخدمة اخواني وخواتي بالمنتدى والله يوفقنة جميعاً لفعل الخير يارب

6

الهجرة و واللاجئين / موضوع هام جداً للجميع الرجاء الاطلاع عليه و إبلاغ الجميع بي

« في: 23:27 03/02/2014  »

السلام عليكم ورحمة الله وبركاته اخواني وخواتي بالمنتدى ..

احب انبهكم لموضوع جداً مهم صار وياية من وصلت لامريكا بالطيارة ظل الطيار يروح بينة يمنة يسرة لمدة ربع ساعة علمود ديهبط فصار عندي اختلال بالضغط وايدي جمدت ما اكدر احركهة وصخنت وصار عندي لعبان نفس مو طبيعي والسبب هو شغلتين الاولى اكلت بالطيارة اللي جانت متجهة من قطر الى نيويورك لان اني مهاجر مو لاجئ يعني جاي على حسابي لم شمل ومدة الطيران جانت 13 ساعة والسبب الثاني هو مجنت اعرف انه لازم اخذ حباية مال مرض اسمه مرض التحرك Motion Sickness وهذا الدوة موجود بأي صيدلية تكدرون تاخذو بدون وصفة طبيب وهذا مهم كلش كلش كلش قبل السفر وبعد ما صار بية اللي صار وتخربطت صرت زين ورة نص ساعة تقريبا لان خلولي اوكسجين وهل سوالف بس وراها صابني هذا المرض اللي كلتلكم عليه مرض التحرك بحيث كمت من اطلع وية احد بسيارة لمدة 10 دقايق او اكثر يصيبني تقريبا نفس اللي صار بية بالطيارة ومرات بالبيت هم يصير بية دوخة مو طبيعية ولعبان نفس والدنية تفتر بية فأترجاكم اخذو هذه الحباية قبل متسافرون وبلغو اللي ميعرفون بهذا الشي حتى ليصيبهم هذا المرض والله يشفيني ويشفي الجميع من كل الامراض ويستر علينة جميعاً يارب.

اخوكم مصطفى
ولاية نيوجيرزي

7

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 18:03 01/01/2014  »

وعليكم السلام ورحمة الله وبركاته اخي ابن البصرة ..

اني جاوبت على اسئلة الاخ كلهن برسالة خاصة هو دازلياها

جزاك الله خيراً

8

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 18:26 22/12/2013  »

السلام عليكم
أخ مصطفى ممكن نعرف الفترات الي تبقى المعاملة في دائرة الهجرة والمواطنة وخاصة الي مقدمين على الاستمارة 130 ولو اقل فترة واطول فترة تقريبا والشي الثاني استلام المعاملة هم يطول يعني حتى ينطونا اشعار بالاستلام
وشكرا للجهود

وعليكم السلام ورحمة الله وبركاته اخي ابن البصرة ..

ماكو وقت محدد لهاي المعاملة يعني يجوز تاخذ اسبوع ويجوز تاخذ اشهر هاي المشكلة اللي كليتنة عانينة منهة بهاي المعاملات انه مينطون وقت محدد ابد بس المفروض هية متاخذ وقت طويل يعني شغلة اسابيع وينطون الموافقة بس شكد هاي الاسابيع بالضبط الله اعلم اما بالنسبة لاشعار استلام المعاملة فالمفروض خلال ايام يكولوكم انه همة استلمو المعاملة مالتكم

9

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 18:22 22/12/2013  »

السلام عليكم اخواني واخواتي ارجو المساعدة منكم بسرعه .. عندي استفسار جدا هام وصراحة مالي غيركم اسأله انا مقدم على معاملة لم الشمل وزوجتي في امريكا وحاليا وصلت لاخر مرحلة ما قبل اعطاء موعد مقابلة السفارة ... قبل فترة ملأت استمارة الفيزا ومثل ما تعرفون بيها فقرة عن الخدمة العسكرية وانا خادم عسكرية لحد ما قبل السقوط وصارت الحرب بس من رسلت الاوراق الثبوتية ما رسلت اي شي يخص العسكرية لان ماعندي وتعرفون هالشي مستحيل احصل عليه من اي جهه حكومية حاليا البارحة بعثوا لي ايميل انه معاملتي ناقصة ويردون اوراق بخصوص العسكرية زين اني بهالحالة شنو اسوي ؟؟ للعلم موقع السفارة الامريكية في بغداد كاتب انه في حال توفرهن لكن NVC يردوهم الان .. والسفارة كاتبين ايضا الذين عمرهم فوق 45 لا يطالبون بهذه الاوراق للعلم انا مواليد 1982 (يعني ما تنطبق علي) اخوان ياريت مساعدة منكم .. اي شخص مر بهذي المرحلة ؟ ارجوكم باسرع وقت

وعليكم السلام ورحمة الله وبركاته اخي ..

تكدر تكولون للان في سي انه ماعدنة دفتر الخدمة لانه الدوائر العسكرية انحلت ورة السقوط فماكو جهة تكدر تصدرلنة هيج مستمسك وهمة رح يقبلون هذا الشي ان شاء الله فلتخاف ابد عادي

10

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 16:55 21/12/2013  »

تسلم اخويه
اني جربت الموقع وطلعلي at nvc
فممكن تشرحلي شنو يعني؟
وشنو قصدك من كلتلي لازم يكونن تاريخ الاولوية مالتكم حاضر يعني Your priority date is current

At NVC معناها القضية بعدهة بالمركز القومي للفيزة ووراها تروح للسفارة وبالنسبة لهاي الجملة مال تاريخ الاولوية يكون حاضر فتكدر تقرة عن هذا الشي ببداية موضوعي هذا لان شرحت بي كل التفاصيل ومن ضمنهة هاي النقطة

11

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 07:00 21/12/2013  »

السلام عليكم
ارجو من اصحاب الخبره مساعدتي ومنكم جزيل الشكر
انا عايش بامريكا صارلي سنتين ونصف تقريبا طالع بفيزه siv قبل سنه مسكت عقد وقدمت معامله I_130 بتاريخ 28/5/2013
احنا وصلت معاملتنا اخذنا الموافقه وبعدين دزينا الصور ورجعوا ردوا علينا بطلب معلومات لزوجتي وسالونا اذا نريد نحول لل iom  فرفضنا وبقينا على الهجره هذا الحجي قبل شهر ونص تقريبا فرجعت اتصلت بال nvc كالولي باقيلك موعد مقابله ان شاء الله فالبارحه بتاريخ 18/12/2013  دزولنا ايميل انه جميع الاوراق كامله ووصلت وباقي عالمقابله ومكتوب بالايميل انه لاتبيعون ولاتتركون اي وظيفه لحد مانتصل او ندز ايميل بموعد المقابله اريد اسال بعد هالايميل شكد تقريبا يحددون موعد للمقابله لزوجتي

السلام عليكم اخي احمد ..

ان شاء الله بالزايد 60 يوم ورة هذا التاريخ 18/12/2013 يكون موعد المقابلة واتصور ان شاء الله شغلة ايام ويكولولكم شوكت المقابلة بس لازم قبلهة يكون تاريخ الاولوية مالتكم حاضر يعني Your priority date is current وتكدر اتجيك وين القضية مالتك يعني دزوهة الاوراق للسفارة لو بعدهم من خلال هذا الموقع مال وزارة الخارجية الامريكية بس اكتب بي رقم القضية مالتكم وشوف شيطلعلك https://ceac.state.gov/CEACStatTracker/Status.aspx?eQs=o/iS8zDpeAKjMWCuebHqOw== والله يوفقكم ان شاء الله

12

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 15:41 17/11/2013  »

السلام عليكم اخي ..

يكدر يسوي وكالة لفد شخص ويدزلة صور بحجم صور جواز السفر ونسخة من الجواز ونسخة من هوية الاحوال المدنية ونسخة من شهادة الجنسية وهو يراجع بالنيابة عنه ويسويهة

13

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 09:55 17/11/2013  »

الاخوه الاعزاء استفسار اخت قدمت لاخوها لم شمل بعد 8شهور تكول رفضو لانه كايليله على اساس مدازه  الجواز مالته للانه هي امريكيه يعني مناطيه اثبات انه هي امريكيه ودتسحب اخوه عراقي وثاني شي  رايدين شهاده الميلاد هي مو نفسه  شهاده الجنسيه العراقيه هي تكول دازتلهمياه  زين شنو الي تسويه هسه حتة معامله لم الشمل تمشي رحمه لوالديكم الي عنده جواب مضبوط

السلام عليكم اخي ..

شهادة الميلاد او ما يسمى بيان الولادة يختلف عن شهادة الجنسية العراقية او هوية الاحوال المدنية اما شون تسوي بيان الولادة فتسأل اهلك بيا مستشفى انولدت او بيا مكان انولدت حتى تعرف من خلاله انت على يا مكتب ولادات ووفيات مسجليك وتروح لهذا المكتب وتكولهم اريد اسوي بيان ولادة رح ياخذون منك هوية الاحوال المدنية لمدة تقريبا عشر دقايق ويرجعولكياها ويكولولك روح استلم بيان الولادة من فلان مكان يعني يحولوك على مكان ثاني تستلم منه بيان الولادة مختوم بظهرة ختم وزارة الصحة ووراها تروح اترجمهة ترجمة قانونية بالمكتب الاستشاري مال كلية اللغات او جمعية المترجمين العراقيين بشارع فلسطين ووراها توديهة للخارجية اتصدقهة وتكون كاملة بهيج حالة وتدزهة لامريكا او اكو حل ثاني واللي هو اتطلع صورة قيد 57 من مديرية الجنسية العامة وتكون بديل لبيان الولادة والامريكان يعرفون هذا الشي انه بيان الولادة وصورة قيد 57 نفس الشي يعني لو هاي لو هاي بكيفك والاسهل هية صورة قيد 57 لان اصلا متحتاج اترجمهة لان هية اصلا الورقة تكون نص عربي ونص انكليزي فميحتاج تخسر فلوس ترجمة وروحة وجية.
واللي تسوي الاخت هنا هو انه تتصل على دائرة اسمهة USCIS واللي معناها بالعربي دائرة المواطنة والهجرة الامريكية وتسألهم شنو اللي تسوي علمود المعاملة مالتهة وشون تجيب اخوهة وهمة يفهموهة التفاصيل كاملة ويعلموهة وهذا رقمهم 0018003755283

14

مواضيع الحياة العامة في بلاد المهجر (امريكا) / رد: محتاجه معلومات على الترافل دوكمنت ...ضروري

« في: 11:17 15/11/2013  »

السلام عليكم

اني صارلي 6 اشهر باميركا وصارت عندي ضروف احتاجيت ارجع للعراق ...اذا ارجع عن طريق الترافل دوكمنت ...شنو الاجراءات الي لازم اسويها وشوكت اقدمله وشوكت استلمه وشكد مده بقاي بالعراق اقصى حد ..وشنو سلبياته ؟؟؟؟؟

شكرا

السلام عليكم اختي ..

شوفي هذا اللنك بي شرح وافي عن الترافل دوكيومنت مسوي احد الاخوة الاعضاء جزاه الله كل الخير http://www.ankawa.com/forum/index.php/topic,704848.msg6128111.html#msg6128111

15

الهجرة و واللاجئين / رد: سؤال عن لم شمل ياريت الكي جواب

« في: 16:19 09/11/2013  »

السﻻم عليكم .عندي سؤال عن لم شمل صديقتي طلعت ويه اهلهة  ل امريكا عن طريق اليوأن وتريد تسحب زوجهة يصير بدون كرين كارت ﻻن صارلهم شهر من وصلو ل دترويت

السلام عليكم ورحمة الله وبركاته اختي ام جنات ..

تكدر صديقتج تسال دائرة اسمهة USCIS وهذا رقمهم 0018003755283 واللي معناها بالعربي دائرة المواطنة والهجرة الامريكية وهمة يعلموهة شتسوي وتكدر تقدمله من هسة قبل متاخذ الكرين كارد اذا هية كايلة لليو ان انه هية متزوجة قبل متجي لامريكا وتقدم استمارة اسمهة I-730

بالتوفيق ان شاء الله

16

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 15:53 08/11/2013  »

أخوية مصطفى شنسوي بلياك هههه
هذا الايميل صارله اسبوعين من اجاني وانشلع كلبي مدنحصلNVC عالتلفون
اني اوراقي حاضرة وبس محتاره ندزهه لو الة ننتضر جوابهم شكد تقريبا ويجاوبون صدك 30 يوم؟  
يلة شعدنه غير الصبر
مشكور وردة
اني كتبت هنا حتة نفيد ونستفيد

اختي فيث ..

دزي الاوراق ولتنتظرين لان همة كايليلج اذا بعدج مدازة فدزيهن هسة واستعجلي الله يخليج وكتلج همة يكولون 30 يوم بس هية اقل وكل متخابرين عليهم تكون اقل وحاولو تخابروهم من ورة 9 بالليل بتوقيت امريكا لان الان في سي يظلون كاعدين لل12 بالليل ويتأخرون علما يجاوبون بس خابروهم بالليل يكون شوية ماكو زخم وربي يوفقكم ويوفق الجميع

17

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 11:59 08/11/2013  »

أريد اسأل شنو سويتو من اجاكم هذا الايميل ؟؟

Confirmation
Thank You
Your Immigrant Visa and Alien Registration Application (DS-260) was sent to the National Visa Center (NVC) for
review. Please allow up to 30 business days for the NVC to complete the review.
Next Steps
All applicants must:
1. Obtain and submit required supporting civil documents.
2. Obtain and submit photographs that meet the Department of State’s visa requirements.
3. Review the information specific to U.S. Embassy/Consulate General where your visa interview will occur.
If you have not already collected and submitted the required documents to the National Visa Center then you
should do so at this time. If the documentation you have submitted is either insufficient or incomplete you will be
notified by the NVC. Your visa interview cannot be scheduled until your supporting documentation is complete and
correct.

وشكراً

السلام عليكم اختي فيث ..

اول شي لازم تطبعين رسالة التأكيد مال DS-260 وعلى فكرة تكدرين تسرعين مراجعة هاي الاستمارة اللي همة حيسووهة من خلال الاتصال بيهم كل كم يوم بدال مكايليلج انتظري 30 يوم عمل وتفضيهة ب15 يوم عادية اذا مو اقل

ثاني شي تحضرين الوثائق الرسمية والصور اللي طالبيهة منج واتدزيلهميا اذا بعدج مدازتلهميا واذا دازتهة فتنتظرين موعد مقابلة بس

ثالث شي فتحي هذا الموقع اللي مأخوذ من السفارة الامريكية ابغداد واللي حتقابلين بيهة ان شاء الله اذا انتي مختارتهة اصلا وبي شرح عن التحضير للمقابلة وية السفارة وشنو اللي رايدي بالضبط بالمقابلة  http://iraq.usembassy.gov/prepare.html وهاي هية

18

الهجرة و واللاجئين / رد: نخوتكم يا طيبين حالة أنسانية في مشيكان

« في: 16:50 02/11/2013  »

السلام عليكم اخواني واخواتي اعضاء منتدى عينكاوا المحترمين
حالة أنسانية  طرحها علية  أحد أخوانه في مشيكان لانسنك وبصراحه ما أكدر أفتي بشي أني ما متأكد منه لذلك راح أطرح عليكم شغلته وعلى الله وثم عليكم
هو ساكن في لانسنك مشيكان أخته أرمله سوالها دعوة وأجته هسة هي يمه وراح تخلص مدة فيزتها  ومحتار شنو يسويلها حتى تبقى هو يريد يبقيها يمه لانه هي ما عدها أحد في بغداد وهي أرمله  رحمة على والديكم محتاج مساعدتكم  وانتم أهل نخوة وشيمه وبصراحه هو مو كلش يعرف بالحاسبة لذلك امانه شراح تساعدوه راح انقله بالضبط

وألف تحية ألكم يا طيبيبن
أخوكم ستار

السلام عليكم ورحمة الله وبركاته اخي ..
الحل كلش بسيط واللي هو تقدم لجوء هناك اما عن طريق محامي مختص بقضايا الهجرة ويكون افضل او هية تروح لدائرة الهجرة تقدم مباشرةً
وبإذن الله يقبلوهة بس ما اعرف شكد تاخذ وقت علما ينطوهة الموافقة مال لجوء وهاي هية

جزاك الله كل الخير لسعيك بهذا الموضوع وربي يجعله في ميزان حسناتك

19

الهجرة و واللاجئين / رد: سؤال

« في: 14:46 02/11/2013  »

السلام عليكم
لدي  كم سؤال للأخ مصطفى او أي عضو الاعضاء يستطيع الاجابة عليه
1- ماهي الاوراق الرسمية والمستمسكات الخاصة بالزوج (الاصلية )التي تأخذها الزوجة الامريكية معها لغرض عمل لم الشمل .
2- هل تترجم الهوية المدنية وشهادة الجنسية العراقية وهل تحتاج الى تصديق من الخارجية .
3- هل تذهب معاملة لم الشمل الى دائرة الهجرة لو فقط مركز الفيزا اذا كانت الزوجة تحمل الجنسية الامريكية .
4- هل مشمولين بأجرائات المعالجة الادارية
5- انا لم احصل على عدم ممانعة من السفارة الامريكية لانها جلبت معها عدم ممانعة من ولايتها هل يؤثر ذلك على الاجرائات
شكرا لسعة صدركم

السلام عليكم اخي ابن البصرة ..
رح اجاوبك على اسئلتك بتوفيق الله اولاً ثم بالتسلسل :
جواب السؤال الاول : عقد الزواج الاصلي مترجم للانكليزي ومصدق من الخارجية اذا كان صادر داخل العراق واذا كان خارج العراق مترجم للانكليزي ومصدق من قبل سفارة العراق في ذلك البلد وصورتين الك قياس 5x5 سم مأخوذة من مدة لا تزيد عن ستة اشهر
جواب السؤال الثاني : هوية الاحوال المدنية وشهادة الجنسية العراقية تترجم ولكن بعد تحديد موعد المقابلة مع السفارة الامريكية مو بالبداية ومتتصدق من الخارجية ميحتاج هذا الشي
جواب السؤال الثالث : معاملة لم الشمل تروح لدائرة الهجرة اولا USCIS ومن يوافقون عليهة تروح بعدين لمركز الفيزة NVC حتى لو كانت تحمل الجنسية الامريكية
جواب السؤال الرابع : حالياً اكثر المتقدمين مشمولين بالاجرائات الادارية ولكن يُقال بس ممتأكد انه لم الشمل عن طريق المجنس مبي اجرائات ادارية والله اعلم
جواب السؤال الخامس : ما اعرف شنو قصدت بعدم ممانعة الك والهة لان المسألة طبيعية اي واحد يريد يتزوج مباشرة يقدم الاوراق مبيهة اي عراقيل هاي الشغلة

20

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 16:16 01/11/2013  »

ياريت اكو احد يكدر يجاوبني ع استفساري بهذا اللنك الجوه.. تحياتي للك
http://www.ankawa.com/forum/index.php/topic,708063.0.html

السلام عليكم اخي ..

جاوبتك هناك بموضوعك مثل ما ردت

بالتوفيق ان شاء الله الك وللجميع يارب

21

الهجرة و واللاجئين / رد: الحمد لله تم اصدار فيزة زوجتي اليوم

« في: 16:02 01/11/2013  »

السلام عليكم ورحمة الله وبركاته اخي يوسف ..

عظم الله اجرك في موت امك والبقاء لله دائما وربي يجعل مثواها الفردوس الاعلى هية وكل آبائنا وامهاتنا وجزاك الله خير الجزاء على واجبك اللي سويتة وية امك وربي يرفعك بهذا العمل الى أعلى عليين يارب

الحمد لله والشكر على اصدار فيزة زوجتك ومبروك عليكم وشايفين ان شاء الله كل الخير وين متكونون والله يوفقكم ويرضى عليكم انتو والجميع يارب

اخوك بالله مصطفى

22

الهجرة و واللاجئين / رد: استفسار بخصوص سحب الخطيبة بعد الدخول الى امريكا

« في: 15:49 01/11/2013  »

السلام عليكم ورحمة الله ...
اريد الاستفسار من اصحاب الخبرة و المعرفة بخصوص سحب الخطيبة الى امريكا ..
اني وصلت الى امريكا العام الماضي بصفة لاجئ .. قبل شهرين سويت وكالة خاصة من السفارة العراقية بواشنطن الى والدي بغداد بخصوص مراجعة الجنسية ومحكمة الاحوال الشخصية وعن طريق هذه الوكالة تم اجراء عقد الزواج بيني وبين البنية ( اي بعد دخولي الى امريكا)  واكيد  طبعا الوكالة مصدقة من وزارة الخارجية وكاتب العدل وتم ترجمة العقد والتصديق من قبل كاتب العدل اضافة الى ذلك تم تثبيت فقرة بالعقد بانه تم العقد بالوكالة مع كافة المعلومات ومترجمة ايضا..
سؤالي ماهي الاجراءات اللازمة لسحب الخطيبة ؟ وعن طريق اي استمارة (i-730, i-130)؟
اتمنى من اهل الخبرة الايفادة ... تحياتي للجميع

وعليكم السلام ورحمة الله وبركاته اخي ..

تكدر تقدم لمرتك معاملة لم شمل I-130 بس لازم يكون عندك كرين كارد اصلاً وشغل وهذا اللنك اقرا بي التفاصيل الكاملة على هذا الموضوع من بداية التقديم الى النهاية http://www.ankawa.com/forum/index.php?topic=700259.0
واني انصحك انه تتصل بجهة اسمهة USCIS واللي هية دائرة المواطنة والهجرة الامريكية وتحجيلهم الموضوع وهمة رح يوجهوك شتسوي بالضبط وهذا رقمهم 0018003755283
بالتوفيق ان شاء الله الك وللجميع يارب

23

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 08:30 31/10/2013  »

خويه الله ييسر امرك وتسمع خبر يفرحك قريبا .. انا البارحة بحثت عن الاجرائات الادارية
برأيك ليش وضعوك ع الاجرائات ؟ يعني هسه الفيزا من بغداد بسهولة ؟؟ زين هسه الجميع يوضعوهم هيج لو قلة
انا صراحة خايفة لان هل من الممكن يجي رفض بعد هالاجرائات وشنو واحد يتصرف اذا اجاه رفض
اما بالنسبة لعدم محكومية .. لازم تتصدق من الخارجية هم يطلبون كلشي مصدق من الخارجية شلون ما صدقتها ؟؟
معقوول
وشكرا ع الروابط والرد
[/quote]

السلام عليكم اختي زينب ..
ما اعرف ليش خلوني على الاجرائات الادارية ومحد يعرف هل الفيزة سهلة من بغداد او لا واتصور الكل ديخلوهم على الاجرائات الادارية وتحديداً الولد ونادر جداً انه يرفضون شخص خلو على الاجرائات الادارية وهذا الكلام اللي دا اكولة موثق من قبل السفارة الامريكية ابغداد من خلال هذا اللنك اقري http://iraq.usembassy.gov/221g/what-does-a-221g-refusal-mean.html
بالنسبة لعدم المحكومية اني من سويتهة صدقتهة من الخارجية بس ورة فترة عرفت انه ميحتاج لانه هية حتستخدم داخل العراق من خلال السفارة الامريكية ابغداد فلذلك ميحتاج تصديق الخارجية ويمكن انتي حتكولين مو هية رح تندز للان في سي فتعتبر جهة خارجية فاني اكولج لا لان الان في سي رح يدزوهة للسفارة الامريكية وهية الجهة المختصة بمعالجة القضية

24

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 04:18 30/10/2013  »

خويه شكد صار لك ع الاجرائات هاي ؟؟ يعني تطول مو خوش سالفة والله لان ال PD ممكن تتغير بهالاثناء
الله يفرج عليك يارب
خويه عندي سؤال بلا زحمه
زوجي دا يسوي عدم محكومية هسه لازم يصدقها من الداخلية قبل الخارجية لو متحتاج ؟؟
وسؤال ثاني اكيد بعثت مستمسكاتك الاصلية لزوجتك .. منين بعثتها بلكي تساعدنا يعني مكتب DHL او فد عنوان
واكون ممنونه الك
[/quote]

السلام عليكم اختي زينب ..

صارلي شهرين و9 ايام على الاجرائات الادارية واللي هية تجييك امني بالدرجة الاولى. ومحد يعرف شكد اتطول هاي الاجرائات ولا احد يكدر يسرعهة,وبالنسبة الي مالي علاقة حتى اذا رجعت نشرة الفيزة بالنسبة لتاريخ الاولوية لان اني مكمل مقابلة وشوفي هذا الرابط المأخوذ من موقع السفارة الامريكية ابغداد يحجي على الاجرائات الادارية http://iraq.usembassy.gov/administrative-processing.html

بالنسبة لعدم المحكومية فمن يسويهة ان شاء الله بدائرة الادلة الجنائية همة رح ينطوهيا مصدقة من الداخلية وميحتاج يصدقهة بالخارجية

اما بالنسبة للدي اج الل فهذا رابط مأخوذ من موقع السفارة الامريكية ابغداد يوضحلج اماكن المكاتب وارقام تليفوناتهم http://arabic.iraq.usembassy.gov/dhl.html

25

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 21:25 29/10/2013  »

السلام عليكم اختي زينب ..

اني اي قابلت وكاتب هذا الشي بالموضوع مالتي هذا بس يمكن انتي مقريتي الموضوع كله ولا مأخذت الفيزة بعدني لان القنصل بوكتهة خلاني على شي اسمه الاجرائات الادارية Administrative Processing ولحد هسة مصادرة الفيزة رغم اكتمال كل اوراقي وما عندي اي نقص

26

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 09:39 28/10/2013  »

السلام عليكم جميعا
يا جماعه عندي سؤال وياريت متبخلون عليه .
الي توصل معاملته الى مرحلة الباكت الثالث يعني مرة الاخيرة تقريباImmigrant Visa Application and Document Processing ويطلبون منه اوراق مثل شهادة الميلاد وعقد الزواج وعدم محكومية وغيرها .. بالنسبة لدفتر الخدمة او السجل العسكري شلون الي خادم قبل 2003
همه يعرفون وكاتبين بعض الاوراق مفقودة واصلا ما متوفرة بالدولة يعني حاليا محد يقدر يطلع اوراق عن خدمته قبل السقوط بس ايضا كاتبين هالفقرة للي عمرهم تجاوز 45 وبالواقع حتى الي عمرهم ب 30 ايضا خادمين عسكرية
يعني واحد اذا خادم بس ماعنده اوراق شلون شيسوي وهمه كايلين اذا عمرك اصغر من 45 مفروض عندك
واصلا هسه الخدمة مو الزامية
اكو احد مر بالوضع
ممكن مساعدة ؟؟

السلام عليكم اختي زينب ..

بالنسبة لسؤالج علمود دفتر الخدمة العسكرية فالحل كلش بسيط وبدون كذب واللي هو : يكول صعب اجيب هيجي مستمسك او هيجي اثبات بعد السقوط لان ماكو دوائر تجنيد فهمة رح يكولولة اوكي وبالمقابلة احتمال يسألو وين خدمت من جنت بالجيش ( اذا هو خادم عسكرية ) ويحجيلهم وين خدم بوكتهة وهاي هية

بالنسبة الي جنت بالكلية من صار السقوط فمن مليت الاستمارة DS-260 وبيهة سؤال انه خدمت عسكرية لو لا,جاوبتهم لا,كاتبين وراها شون كدرت تتجنب الخدمة العسكرية الالزامية بوكتهة فكتلهم انه اني جنت طالب بوكتهة بعدني ممتخرج والخدمة العسكرية جانت بعد التخرج بالنسبة للطلاب فاقتنعو ومسألوني بالمقابلة ولا سؤال عن الخدمة العسكرية

27

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 23:32 24/10/2013  »

اخوان اذا نطلب تغير موقع المقابلة من بغداد الى تركيا (بخصوص لم الشمل لوالدي ووالدتي) شكد تتأخر المقابلة؟ ونقل الملف مالتهم؟ علما اني ال NVC لم تتصل لحد الان وتعطي موعد مقابله؟ واذا جا اخوية لتركيا وطلب انه اهلي ياخذون فيزا للسفر معه الى امريكا من تركيا هل يعطهوهم فيزا وهو مقدملهم معاملة لم الشمل؟ علما ان والدي ووالدتي كبار ف العمر عن فوق ال 65

السلام عليكم اخي topra ..

بالنسبة لسؤالك الاول على تغيير موقع المقابلة من بغداد الى تركيا فأتصور لكن ممتأكد تكدر تغير المكان بكل سهولة لانه اوراقهم بعدهة مرايحة للسفارة الامريكية ابغداد بس ( اكو حل بسيط ) لهاي المسألة اللي هو تتصلون بالان في سي وتطلبون منهم تغيير المكان من هسة واتصور رح يغيرولكميا رأساً بدون اي عرقلة او تأخير

بالنسبة لسؤالك الثاني اذا اجة اخوك لتركيا وطلب انه اهلك ياخذون فيزة ويروحون ويا فالجواب ( لا ) مرح يقبلون هيج اجراء لان اكو معاملة لم شمل اصلاً هو مسويلهميا وبعدهة مخلصانة بغض النظر عن عمرهم

28

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 09:55 23/10/2013  »

السلم عليكم جميعا
اخواني اني اختي عدهه جنسية الامريكية  واحنا مقدمين ع اي او ام يصير تقدمنا ع لم شمل او اي شي من هذا القبيل
واحنا اخواني  واحد 22 واحد 23 سنة وامي
فيدوني الله لا يحير عبده

السلام عليكم اخي مصطفى ..
اي تكدر تقدملكم اختك معاملة لم شمل لكن تاخذ وقت بالنسبة الك ولاخوتك بس بالنسبة لامك متاخذ وقت طويل

29

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 09:48 23/10/2013  »

السلام عليكم جميعا
طبعا انا مقدمة معاملة لم شمل لزوجي ونفس الخطوات وهسه ب NVC و عندي ايضا اسئلة واريد افيدكم بخبرتي و للاسف هسه مستعجلة بس حبيت اعلق على شي مهم للاخ الي شرح الخطوات وشرحة صحيح ولكـــــــــــــــــــــــــــن
بخصوص التغيير بخصوص تواريخ الي سماها التاريخ القطعي او الكت ديت
بشهر سبعه فتحوا الفيز مال لم الهجرة الي تحت F2ِA  لعدة اسباب ومنها انه سنويا تضيع اعداد هائلة من الفيز بدون فائدة لان السنة تنتهي والبعض ينرفضون او ميلحكون فتهدر هذه الفيز فهالسنة ولاول مرة بعد ثلاث سنوات من السير البطئ بالمعاملات قرروا يفتحوها ويسوها C حتى يستفادون لان بداية السنة الجديدة بالنسبة لدائرة الهجرة هو شهر عشرة من كل سنة
يعني رادوا يستفادون من الفيز قبل نهاية السنة ويمشون اعداد
حاليا التاريخ صار 9/8/13 يعني كل الاشخاص الي مقدمين قبل هالتاريخ ومعامله i-130 مالتهم مقبولة همه مؤهلين لاخذ فيزا بس طبعا لازم تخلص معاملتهم من الفيزا سنتر وهذا الخطأ بشرح الاخ لان انا معاملتي هيج
ياريت لو على قولتك معاملاتنا تنرسل مباشرة للسفارة وما تروح للفيزا سنتر لكن للاسف معلومتك غلط لازم تروح للفيزا سنتر بكل الاحوال بس تمشي بصورة اسرع مدام التواريخ تشملنا
وان شاء الله ارجع مرة ثانية اشرح معاملتي وخطواتها
دعواتكم

السلام عليكم اختي زينب ..
اول شي احب اشكرج على تصحيح المعلومة الي لكن اني استندت بكلامي انه المعاملة من تكون C تروح للسفارة او المتابعة القنصلية عن طريق هذا الموقع http://www.immihelp.com/visa-bulletin/ اقري ورح تشوفين جوة تقريباً مكتوب هذا الكلام والمتابعة القنصلية جواها خط بالازرك بس اللي كلتي هو الصح انه تمر على الان في سي وتخلص بسرعة متطول مثل قبل
ممنون الج على التصحيح وياربي يسهل امرج ويجيبلج رجلج بسرعة انتي وكل المنتظرين ويجعلنة كليتنة واحد بفائدة الثاني
اخوج مصطفى

30

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 20:12 22/10/2013  »

وعليكم السلام ورحمة الله وبركاته اختي ام العسل ..

الله يبارك بيج يارب واشكرج على كلماتج وربي يقدرني ويقدر الكل على خدمة بعضنة البعض يارب

ربي يلم شملنة كليتنة وية اهلنة جميعاً يارب

31

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 18:20 22/10/2013  »

السلام عليكم اختي نور ..

ان شاء الله رح يجيج موعد مقابلة هل ايام يعني مسألة كم يوم ويكولولج عندج مقابلة طبعاً لازم يكون تاريخ التقديم مالتج حاضر أصلاً
 ( Your Priority Date is Current ) وموعد المقابلة يكون بعد تقريباً خمسين يوم من تاريخ تحديد المقابلة يعني مثلاً يوم 1\11\2013 يدزولج رسالة يكولولج رح يكون عندج مقابلة يوم 20\12\2013 يعني ورة خمسين يوم من تاريخ إخبارج بموعد المقابلة

الله يوفقج ان شاء الله ويوفق الجميع يارب

32

الهجرة و واللاجئين / رد: شنو الفرق بين IV ووووووووو SIV

« في: 14:47 21/10/2013  »

السلام عليكم ..

ال IV معناها Immigrant Visa فيزة مهاجر واللي تكون عن طريق لم الشمل , وال SIV هي Special Immigrant Visa واللي تكون مخصصة للناس اللي اشتغلت وية الامريكان وتكدر تتأكد من كلامي هذا من خلال موقع السفارة الامريكية ابغداد هذا ورح تشوف كاتبين النوعين IV و SIV

http://iraq.usembassy.gov/status.html

33

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 12:37 21/10/2013  »

السلام عليكم اخي topra ..

الاجرائات اللي تسرع الفيزة ان شاء الله هي إرسال تقرير طبي ل NVC عن حالة أبوك الصحية يبين مدى خطورة وضعه الصحي هاي اولاً

أما بالنسبة للتأمين الصحي هناك فالمفروض من يفعلون هذا البرنامج الجديد المقترح من قبل اوباما اللي اسمه ( اوباما كير ) رح يستفيد الوالد واي انسان مقيم بامريكا ماعنده عمل او الدخل مالتة قليل من هذا البرنامج

اتمنة الصحة والعافية ان شاء الله لابوك وامك وجميع آباء وامهات الناس وياربي يديمهم خيمة علينة

اخوك مصطفى

34

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 11:41 07/10/2013  »

وعليكم السلام ورحمة الله وبركاته اخي SOC

هذا اللي طلعلك بالصورة معناه القضية مالتك دتمر بمرحلة اسمهة مراجعة اولية ( Initial Review ) وطبعا محد يعرف شكد اتطول بالنسبة الك والمرحلة اللي وراها هي مرحلة القرار ( Decision ) يعني من تخلص المراجعة الاولية رح يحولوك على مرحلة القرار ويكولولك هل قبلو قضيتك او لا

بالتوفيق ان شاء الله الك وربي يلم شملك وية اهلك قريبا انت وكل المنتظرين يارب

35

الهجرة و واللاجئين / رد: اتمنى احد يجاوبني على استفساري

« في: 02:14 06/10/2013  »

السلام عليكم ورحمة الله وبركاته اخي العزيز ..

هذا اللنك رح يوضحلك معاملة لم الشمل بالتفصيل مع الصور مسوي احد الاخوة ويانة بالمنتدى جزاه الله كل الخير اقرا وشوف التفاصيل كاملة

http://www.ankawa.com/forum/index.php?topic=700259.0

36

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 22:04 05/10/2013  »

السلام عليكم اخي Hussalaa ..

من بعد اذن اخوية hkr_7878 رح اجاوبك على سؤالك

اللي لازم تسوي هسة انه تدفع المبلغ المتبقي 230 دولار و ورة 3 ايام يبين عندك بالصفحة انه انت دفعت الاجور و وراها تتصل على الان في سي تكولهم شنو المطلوب مني هسة حتى يتراسلون وياك لان لازم تنطيهم ايميلك حتى يدزولك عليه المتطلبات مالتهم واللي هية استمارة الكفالة I-864 ورح يطلبون منك بيان ولادة لزوجتك وصورتين حجم 5x5 سم وعقد الزواج وعدم محكومية ونسخة من جواز سفرهة صالح لمدة لا تقل عن 6 اشهر وتكولهم انت بيا سفارة تريد مرتك تقابل وتحدد مثلا السفارة الامريكية ابغداد وهم رح يدزولك ورة كم يوم موعد المقابلة اللي عادةً يكون بعد خمسين يوم من اخبارك بالموعد مال مقابلة وهاي هية

آني آسف الك وللاخوة اذا مجاوبت مرات بسرعة خصوصاً بالليل لان مموجود معناتهة بالبيت حتى اجاوب مباشرةً

37

الهجرة و واللاجئين / رد: كــــــــروب(SIV) المقابلين للسنه (2012) من شهر الواحد فما فوق

« في: 23:53 04/10/2013  »

السلام عليكم ورحمة الله وبركاته اخوتي وخواتي جماعة SIV

احب اولاً وآخراً أن اشكر الله سبحانه وتعالى اللي خلة البرنامج مالتكم يتمدد لسنة اخرى لانه مالك الملك وبيده مقاليد السماوات والارض والامر كله بين يديه .. اللهم لك الحمد والشكر حتى ترضى ولك الحمد والشكر اذا رضيت ولك الحمد والشكر بعد الرضا .. اللهم لك الحمد والشكر حمداً كثيراً لا يُعد ولا يُحصى .. اللهم لك الحمد والشكر كما ينبغي لجلال وجهك ولعظيم سُلطانك ..

يارب أسألك ان تُسهل امر اخوتي وخواتي المحتاجين للسفر في هذا الكروب وخارجه وان ترزقهم الفيزة قريباً غير بعيد عاجلاً غير آجل يالله وان تلم شملهم وية اهلهم وتوفقهم لما تحبه وترضاه وترضى عليهم وعلى اهلهم والجميع يارب انك انت ارحم الراحمين واكرم الاكرمين واجود الاجودين

مبروك عليكم التمديد والله يسهل اموركم بالخير والموفقية انه وليُّ ذلك والقادر عليه

أخوكم بالله مصطفى

38

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 23:40 27/09/2013  »

السلام عليكم اخي SOC ..

اول شي احب اكولك واكول لاي شخص يشترك ويانة بالكروب هذا انه حاليا مو بس اني اللي عنده خبرة بهذا الموضوع لان اكو اخونة hkr_7878 هم عنده خبرة كلش قوية بهذا الموضوع واحنة ان شاء الله كليتنة عون لبعضنة ..

ثاني شي جوابي على سؤالك يجوز رح يضوجك شوية واللي هو انه معاملتك مال لم الشمل عن طريق امك وابوك حاملين الكرين كارد مو متجنسين اسمهة F2B وهاي المعاملة اتطول سنين ولذلك محد يكدر يعرف شكد تاخذ وقت بالضبط لانه مرات يصير تسريع بالمعاملات مثل مصار ويانة جماعة F2A قبل فترة فموافقة ال USCIS محد يكدر يعرف شكد تاخذ وقت بس مثل مكلك اخونة hkr_7878 شوف النتيجة شتطلعلك بالموقع اللي كتبلكيا واللي هو تجيك القضية مالتك عن طريقه

والشغلة الثالثة تكدر اتابع الجدول مال نوع الفيزة مالتك عن طريق هذا الموقع واللي هو عبارة عن نشرة الفيزة الشهرية وتصدر تقريبا كل عشرة بالشهر وشوف نوع الفيزة مالتك وين وصل F2B من تفتح هذا الموقع وراها تختار الشهر الجديد اللي يكون ببداية الصفحة مثلا شهر 10 وتشوف ليوين واصلة هاي الفيزة ليا سنة يعني
http://travel.state.gov/visa/bulletin/bulletin_1360.html

39

الهجرة و واللاجئين / رد: بخصوص البيان الولادة او شهادة الولادة!!!

« في: 03:25 27/09/2013  »

السلام عليكم اخي ..

1.تسأل أهلك وين انولدت بيا مستشفى وعلى يا مكتب ولادات ووفيات سجلوك لا مثلا اذا مولود بمدينة الطب فمكتب الولادات والوفيات مالتك يكون بالشيخ عمر يم بانزين خانة المستنصرية يم مقام السيد ابراهيم عليه السلام فلازم اول شي تشوف وين انولدت حتى تعرف انت تابع ليا مكتب ولادات ووفيات
2.من تروح لمكتب الولادات تكولهم اريد اسوي بيان ولادة رح يكولولك المن تريده ووين الكتاب الرسمي مال الجهة اللي تريده منك فانت مباشرة تكولهم اريدة للخارجية لان السفارة الامريكية او غيرهة من السفارات تعتبر شؤون خارجية فهنا بهل حالة مرح يطلبون منك كتاب رسمي رح ياخذون هويتك مال احوال المدنية وينطوكياها ورة عشر دقايق تقريباً حسب السرة ويكولولك روح استلمهة ورة 3 ايام من مكتب ولادات ووفيات بفلان مكان همة يحددولكيا
3.تروح للمكتب مال ولادات ووفيات اللي حددولكيا طبعا اكيد مرح يكون نفسه اول واحد لان هو اول مكتب تروحله رح يدزلك لمكتب ثاني ورة 3 ايام فتكولهم اريد بيان الولادة مالتي باسمي وتنطي اسمك رح يدورولكيا وينطوكيا مختوم من وزارة الصحة وتأكد من الختم قبل متعوفهم
4.تروح اترجمة لبيان الولادة بالمكتب الاستشاري مال كلية اللغات او جمعية المترجمين العراقية ووراها تروح تصدقه بالخارجية

وبهيجي تكون كملت بيان الولادة

40

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 13:25 25/09/2013  »

اختي العزيزة ستيلا ..

حضرتج فهمتيني انه انتو اخذتو الموافقة بشهر الثامن مكلتيلي بشهر الثالث ماخذين الموافقة لانه اني متعجب شون معاملتج رايحة للان في سي مو للسفارة رأساً واذا انتو من شهر الثالث ماخذين موافقة معناتهة بشهر الثامن استحقيتو فيزة لانه بشهر الثامن مثل مكتلج صار تحديث اللي هو كل المقدمين قبل شهر الثامن 2013 اياً كان التاريخ واللي مقدمين خلال شهر الثامن وماخذين موافقة ال USCIS يكونون مستحقين فيزة فهسة انتو كل اللي مطلوب منكم انه تتصلون بالان في سي حتى تشوفون شوكت رح تخلص الاجرائات مالتكم ويدزون اوراقكم للسفارة علمود تروحين مقابلة

41

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 12:04 25/09/2013  »

السلام عليكم اختي ستيلا

اذا تتذكرين ذكرت بالموضوع بوكتهة انه اكو استثنائات رح تصير بشهر الثامن والتاسع و ( احتمال ) بالعاشر واللي جان معناها اي شخص مقدم بأي تاريخ خلال شهر الثامن او قبله وخلال شهر التاسع او قبله رح يكون مستحق للفيزة لانه صارت ( C ) حاضرة بهذني الشهرين وهذا الشي نادر ميصير بتاريخ نشرة الفيزة
من اجة شهر العاشر رجعو يحددون تواريخ قطعية مثل قبل مو مثل شهر الثامن والتاسع

على فكرة اختي العزيزة .. نشرة الفيزة لشهر العاشر معبرت تاريخ ولا شي بس معناها انه اذا احد مقدم ( قبل ) 8/9/2013 رح يستحق فيزة مو مثل شهر الثامن والتاسع بدون تحديد تاريخ قطعي الكل مشمولة بالفيزة
بالنسبة الج انتي تكولين اخذتي موافقة بشهر الثامن يعني انتي اصلا مستحقة فيزة من شهر الثامن يعني قبل شهر وشوية انتي مستحقة فيزة ولازم اتابعين والمفروض هسة معاملتج بطريقهة للسفارة بس لازم تتصلين بالان في سي وتشوفين شديصير
تاريخ الاولولية هو تاريخ قبول المعاملة من USCIS مو تاريخ استلام المعاملة من الان في سي

42

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 23:45 20/09/2013  »

السلام عليكم اخي hkr_7878

اني اشكرك لتصحيح المعلومة اللي اني جنت كاتبهة وجزاك الله خيراً وربي يخلينة كليتنة عون لبعضنة بالخير يارب

تعليقك وتصحيحك الي على عيني وعلى راسي واتقبلة منك ومن اي انسان اذا أخطأت بشي آني

اخوك مصطفى

43

مواضيع الحياة العامة في بلاد المهجر (امريكا) / رد: موعد التقديم على الجنسيه الأمريكية

« في: 21:09 20/09/2013  »

السلام عليكم ورحمة الله وبركاته اخي العزيز ..

بالنسبة للتقديم على الجنسية الامريكية لازم تقدم قبل ال 5 سنين ب 3 اشهر يعني من يصيرلك بامريكا 4 سنين و 9 اشهر تقدم واتطول المعاملة 3 اشهر تقريبا يعني تكمل 5 سنين انت ماخذ الجنسية ومتحتاج الى محامي بس تحتاج الى لغة انكليزية زينة

44

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 15:13 20/09/2013  »

وعليكم السلام ورحمة الله وبركاته اخي ابن البصرة ..

الجواب لاسئلتك كالتالي :
1.ماكو شي اسمه السفارة العراقية ببغداد وانما السفارة الامريكية ببغداد ويتم تسجيل الزواج عن طريق ترويج معاملة لم الشمل من خلال السفارة الامريكية ببغداد
2.نعم يحق للزوجة الامريكية المتزوجة من عراقي ان تحصل على الجنسية وشهادة الجنسية والجواز العراقي اذا كانت متزوجة من عراقي بشرط ان يكون قد مرت مدة 3 سنوات على زواجهما ومستمر الزواج عند التقديم للحصول على الجنسية العراقية
3.بعد الحصول على الكرين كارد عن طريق الزواج من امريكية ( اي فترة السنة وتسعة اشهر ) يبقى سنة و3 اشهر علما تاخذ الجنسية لان اللي يتزوج من امريكي او امريكية ياخذ الجنسية ورة 3 سنين

45

الهجرة و واللاجئين / رد: خلصت المقابلة على خير وضفنة الطفل بس

« في: 14:19 19/09/2013  »

وعليكم السلام اخي .. اني جاوبتك على هذا موضوعك بالكروب مال اخونة ابن الحلة ورح اجاوبك هنا همينة

هذا الاجراء اللي صار وياك شي طبيعي وروتيني لانه بيوم المقابلة لازم ينطوك لو قبول لو رفض بالقانون الامريكي فماطول منطوك فيزة اذا لازم ينطيك رفض مؤقت معتمد على انتهاء الاجرائات الادارية والدليل على كلامي هذا الموقع المأخوذ من السفارة الامريكية ابغداد

http://iraq.usembassy.gov/221g/what-does-a-221g-refusal-mean.html

46

الهجرة و واللاجئين / رد: كــــــــروب(SIV) المقابلين للسنه (2012) من شهر الواحد فما فوق

« في: 11:57 19/09/2013  »

السلام عليكم ورحمة الله وبركاته اخي brayanzix ..

احب اطمنك واكولك لتخاف من هاي الورقة اللي اخذتهة هية مجرد اجراء روتيني لحد ما تصدرلك الفيزة ان شاء الله والدليل على كلامي هذا الموقع المأخوذ من السفارة الامريكية ابغداد اقرا حتى ترتاح وربي يفرج علينة وعليك وعلى الجميع يارب

http://iraq.usembassy.gov/221g/what-does-a-221g-refusal-mean.html

47

الهجرة و واللاجئين / رد: بقت 10 ايام وتموت احﻻمي

« في: 00:09 19/09/2013  »

السلام عليكم اخ hmhmtf ..

ربي يهون عليك اللي انت بي هسة ويصبرك وان شاء الله يرزقك الفيزة هل ايام قبل نهاية الشهر يارب يارب يارب
 
ولتنسة رب العالمين اسمه الرحمن الرحيم فلتتصور يعوفك او يعوف اي عبد من عباده مستحيل واذكر نفسي واذكرك بالاية اللي تكول بسم الله الرحمن الرحيم ( وعسى ان تكرهو شيئاً وهو خيرٌ لكم وعسى ان تحبو شيئا وهو شرٌ لكم والله يعلم وانتم لا تعلمون ) صدق الله العظيم

48

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 11:38 18/09/2013  »

وعليكم السلام اختي ام العسل .. وكل الهلة بيج ويانة

ممكن تشرحيلنة شنو نوع الفيزة اللي جيتي عن طريقهة انتي واطفالج؟ وتفاصيل اللجوء مالتج هسة؟ وكيفية قبول طلب اللجوء مالتج بامريكا؟
اما بالنسبة لرجلج فاتصور تكدرين تقدميلة لم شمل ورة ميطلعلج لجوء ان شاء الله بس ما اعرف تفاصيل الموضوع عن طريق اللجوء شكد يطول لان احنة هنا بالكروب فيزة لم شمل عن طريق الكفالة يعني لازم شخص يكفلنة ماديا حتى يقبلون ولازم يكون قريب من الدرجة الاولى ويشتغل فبما انه حضرتج مدتشتغلين فمتكدرين تقدمين لهذا النوع من الفيزة وان شاء الله ينقبل طلب لجوئج قريبا ويجي يمج رجلج ويلم شملكم انتي وكل المتفرقين يارب

ملاحظة: مفتهمت شنو تقصدين ب ( اخوية جنسيته علج امريكي )

49

الهجرة و واللاجئين / رد: استفسار ع الطاير لاهل الخبرة والمعرفة افيدونا

« في: 02:46 18/09/2013  »

السلام عليكم اخي العزيز ..

اذا ترجع هسة للعراق او لغير دولة وتتزوج وتقدم معاملة لم شمل تكون سريعة يعني شغلة اشهر لان هسة اكو تسريع بهاي المعاملة واللي اسمهة I-130 فيزة كفالة بس لازم يكون عندك شغل ويفوتلك من هذا الشغل تقريبا 20 الف دولار بالسنة يلله تكدر تكفل زوجتك والشغلة متحتاج محامي نهائيا بس تحتاج لغة انكليزية قوية لمتابعة الموضوع واذا يعجبك ادخل على هذا الكروب مال لم الشمل مال هاي الفيزة واقرة التفاصيل واي سؤال اني حاضر

http://www.ankawa.com/forum/index.php?topic=689695.0

50

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 02:33 18/09/2013  »

لا بالعكس ماكو اي اطالة واني اشكرج على ذكرج قصتج بالتفاصيل الدقيقة وادعو من الله سبحانه وتعالى ان يلم شملج وية رجلج قريبا ويسهل اموركم وامور الجميع يارب ولا يحرم زوج عن زوجته او زوجة عن زوجهة انه سميع قريب مجيب الدعاء.

على فكرة انتي ان شاء الله ورة ميدفع رجلج هاي الاجور مال كفالة اللي هية 88 دولار ويدفع 230 دولار مال فيزا وراها رح يحولوج مقابلة ان شاء الله لان تاريخ التقديم مالتج حاضر Priority Date is Current وان شاء الله تطلعلج الفيزة رأساً او يخلوج على الاجرائات الادارية اللي ديخلون الناس عليهة واتصور رجلج هم قبل مياخذ الفيزة جان همينة اجرائات ادارية يلله اخذهة.
على العموم بالتوفيق ان شاء الله اختي العزيزة والله يسهل امرنة وامرج وامر الجميع ويلم شملنة كليتنة وية اهلنة يارب وشكرا الج مرة ثانية

51

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 01:49 18/09/2013  »

وعليكم السلام اخت فيث وكل الهلة بيج بين اخوتج وخواتج بهذا الكروب طبعا الفكرة من انشاء هذا الكروب هية التواصل بيناتنة اهل لم الشمل عن طريق الكفالة ومعرفة الاجرائات شون تصير وشكد اتطول فمن تحبين حضرتج اكتبيلنة تفاصيل التقديم مالتج ومنو الكفيل مالتج وهل جماعة SIV لازم ينتظرون سرة علما تجيهم الفيزة؟

اخوج مصطفى

52

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 22:50 15/09/2013  »

السلام عليكم اختي ستيلا ..

بالنسبة للان في سي ماعدهم شي اسمه تسوين اكاونت , اكو عدهم رقم تليفون الي هو 0016033340700 وقبل ميجاوبون يخلوج عل شحن اكثر الاحيان لمدة لا تقل عن 20 دقيقة انتظار وطبعا اول متخابرين يكولج السكرتير الالي دوسي 1 للغة الانكليزية و2 للغة الاسبانية

اما بالنسة للايميل مالتهم فهو nvcinquiry@state.gov

 اما بالنسبة الي فاني جنت اخابرهم والح عليهم هواية لان من يجاوبون على الايميل ورة اسبوع يلله يجاوبون مو رأسا بس يدزون رسالة تاكيد انه وصلهم الاستفسار مالتج رأسا بس الجواب مالهم يكون ورة اسبوع

نسيت اكول شي اللي هو وقت الاتصال بيهم يكون من يوم الاثنين الى الجمعة من ساعة 7 ونص الصبح بتوقيت امريكا لحد ساعة 12 بالليل  

53

الهجرة و واللاجئين / رد: فيزت الزيارة

« في: 22:45 08/09/2013  »

السلام عليكم اختي العزيزة ..

من تفتحين الموقع اللي دزتلجيا الاخت كنداوية رح تلكين هاي العبارة Select a location where you will be applying for this visa واللي معناها اختار المكان اللي رح تقدم بي للفيزا فانتي اختاري العراق بغداد او بكيفج اي مكان رح تنفتح نفس الصفحة بس هل مرة يكون بيهة هاي العبارة مفعلة Start an application يعني ابدي بالاستمارة وراها تنفتح الصفحة مال تعبئة الاستمارة وانتي تخلين بيهة كل المعلومات الى النهاية وهاي هية

54

الهجرة و واللاجئين / رد: فيزت الزيارة

« في: 23:22 07/09/2013  »

السلام عليكم اختي هذا الموقع مال فيزة الزيارة لامريكا ماخوذ من موقع السفارة الامريكية ابغداد

http://arabic.iraq.usembassy.gov/b_visas2.html

55

مواضيع الحياة العامة في بلاد المهجر (امريكا) / رد: التقديم للكرين الكارد Green Card

« في: 11:48 04/09/2013  »

السلام عليكم ورحمة الله وبركاته اخي ..

هذه لنكات ثنين لنكات لشرح التقديم على الكرين كارد اول لنك ماخوذ من عين كاوة يعني بالعربي اللي هو هذا http://www.ankawa.com/forum/index.php?topic=455849.0

ثاني لنك مأخوذ من موقع بالانكليزي ومن تفتحة رح تلكة مكتوب بالانكليزي Sample I-485 هو عبارة عن عينة متروسة للتوضيح يعني مو تنقله مثل ما هو بس ديوضحلك شون تملي الاستمارة http://www.immihelp.com/forms/i-485-adjustment-of-status.html

56

مواضيع الحياة العامة في بلاد المهجر (امريكا) / رد: بليييييييييييييز ساعدوني

« في: 02:10 31/08/2013  »

السلام عليكم Sunshine82

اي صحيح هذا الكلام ال WES ميقبلون اذا هيجي بمغلف من الكلية وتكدر تخلي احد يطلعلكياها من بغداد بس لازم يكون اكو صفة قرابة بيناتكم بس يقال اتطول شهرين بجامعة بغداد هذا اللي اني اعرفه

57

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 00:36 29/08/2013  »

إيهاب حبي اول شي رح اكتبلك المتطلبات علمود الناس تستفاد من تشوفهة واريدك تكتبلي رسالة على الخاص وتدزلياها هسة بيهة ايميلك حتى اوضحلك كلشي مباشر طبعا اذا يعجبك ..

المتطلبات هية تملي الفورم I-130 وتدزهة لل USCIS وتدزلهم نسخة من عقد الزواج مترجم للانكليزي ومصدق وصورتين ونسخة من جواز السفر مال مرتك واكو فورم همينة اسمه G-325A اللي هو يمكن معلومات عنك يعني شدارس ابوك وامك عايشين لو لا من هل حجي يعني سيرة ذاتية تقريبا عنك وهاي هية

58

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 00:29 29/08/2013  »

اي حبي إيهاب هية I-130 اللي تقدمهة علمود لم الشمل من تتزوج والله ليحير عبده يارب

59

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 14:26 28/08/2013  »

حبي إيهاب ..

المعاملة تصير من داخل امريكا يعني زوجتك او خطيبتك تقدملك من امريكا على دائرة الهجرة والمواطنة الامريكية اللي اسمهة USCIS وبعدين ورة متوافق هاي الجهة يدزوهة لمركز الفيزة القومي اللي بدوره يدز المعاملة مباشرة للسفارة اللي مرتك او خطيبتك تختارهة مثلا تكون باربيل عادي وتروح انت تقابل هناك

60

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 14:06 28/08/2013  »

حبيبي إيهاب اول شي مضوجتني لان ان شاء الله احنة كليتنة بخدمة بعضنة مو بس آني ..

ثاني شي الفيزة مال خطوبة لابو الجنسية اسمهة K1 فاذا تريد اقرا عليهة وشوف الاثبات والسفارة تقتنع بالامور اللي كتلكياها من صور اذا متقابلين او رسائل الخ ..

61

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 13:56 28/08/2013  »

حبي ايهاب ..

آني ممتأكد من انه الخطيبين لازم يلتقون وجه لوجه بالحقيقة لكن اللي اعرفه انه لازم يكونون على تواصل ولازم اكو إثبات لهذا التواصل مثلاً رسائل إيميلات محادثات مال مسنجر او حوالات مالية او طرود بريدية هيج شغلات المهم إثبات العلاقة واستمرارهة وما عندي معلومة انه يُستثنى اللقاء وجه لوجه او لا

62

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 13:38 28/08/2013  »

السلام عليكم اخوية ايهاب ..

بالنسبة ل لم الشمل لصاحب الجنسية يكون كلش كلش سهل لانه اول ميقدم ابو الجنسية لشخص حتى يسويلة لم شمل مباشرة مركز الفيزة القومي يدزهة للسفارة ويحددلة مقابلة والفيزة تكون مضمونة بإذن الله وماكو شي اسمه اجراءات ادارية مثل اللي هسة دنمر بي احنة ورة المقابلة وابو الجنسية يكدر يسوي لم شمل لخطيب او خطيبة مو إلّة زوج او زوجة يعني كلش تسهيلات عنده ابو الجنسية عكس المقيم ابو الكرين كارد والمدة يجوز تاخذ اقل حتى من 6 اشهر وعلى فكرة مين مجان يكدر ابو الجنسية يسحب شخص يعني مو إلّة يكون بالعراق

63

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 11:51 28/08/2013  »

السلام عليكم اخ مصطفى

اكو لم شمل للاولاد فوق سن ال21 لو لم الشمل فقط للزوج والزوجة

وشكد يطول لم الشمل من داخل امريكا

وبعد شكد من الوصول الواحد يكدر يقدم  عليه

السلام عليكم اختي ام محمد ..

اي اختي اكو لم شمل للاولاد الممتزوجين فوك عمر 21 بس اسم الفيزة F2B وتاخذ وقت هواية عكس مالتنة الفيزة F2A اللي تشمل فقط الزوج او الزوجة والاطفال تحت عمر 21 سنة

( ملاحظة بسيطة اخواني وخواتي الاعزاء )

احب اعتذر لكل شخص يسأل سؤال ( خارج إطار لم الشمل I-130 ) لانه مدا اكدر اجاوب بسبب انه ماعندي خبرة بغير مواضيع ( واتمنى ) من كل اللي يدخلون ويانة تكون قضاياهم ( فقط ) مثلنة مو غير شي حتى ليتشعب الموضوع وتكون الفائدة أعم على الجميع لانه مثل متعرفون هاي المواضيع رح تبقى دائماً ان شاء الله بالمنتدى فالناس بهيج حالة حتستفاد حالياً وبعدين همينة لكن اذا تشعبت المواضيع داخل موضوع واحد رح تتشتت افكار الجميع واتمنى محد يزعل من كلامي هذا لان صدكوني قصدي الفائدة مو التكبر على احد واعتذر منكم مرة ثانية اذا اي شخص ضاج من كلامي.

أخوكم مصطفى

64

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 21:37 27/08/2013  »

السلام عليكم اخ حمادة واهلاً وسهلاً بيك ويانة ..

حسب اللي سامعة آني انه لم الشمل عن طريق الاستمارة I-730 أسرع بس ممتأكد من هذا الحجي فلذلك أنصحك ان شاء الله اذا رحت لامريكا بالسلامة انه تكتب على العام مال منتدى حتى الاخوان اللي عدهم خبرة بهاي الاستمارة يفيدوك لان احنة جماعة لم الشمل عن طريق الكفالة باستخدام استمارة I-130 بس على فكرة حاليا مثلا مكاتب آني بالموضوع انه لم الشمل عن طريق هاي الاستمارة I-130 اسرع بهواية بس محد يعرف لشكد رح تظل هاي السرعة وربي يوفقنة ويوفقك لكل خير ويلم شملنة وية اهلنة جميعاً يارب

ها نسيت أكلك شنو الفرق بين الاستمارتين,النوع الاول I-130 هية لم شمل عن طريق الكفالة يعني زوج يكفل زوجته او بالعكس بس يتحمل التكاليف مال هاي المعاملة كاملة ومن يجي الشخص الثاني لامريكا لازم الكفيل يقوم بي بكل المصاريف يعني مياخذ من الحكومة الامريكية ولا دولار اما الاستمارة الثانية I-730 فهي فيزة لم شمل كلاجئ عن طريق الآي او ام وهمة يتكفلون بكل المصاريف مال شخص ومن يوصل لامريكا يساعدو لمدة معينة هذا هو الفرق بيناتهم

65

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 23:52 25/08/2013  »

وعليكم السلام ورحمة الله وبركاته وكل الهلة بيك علاوي وان شاء الله انت بين اخوتك وخواتك وربي يسهل علينة وعليك ويلم شملنة وية اهلنة جميعاً وقريباً يارب

66

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 12:54 24/08/2013  »

السلام عليكم اخي KKI ..

اخي العزيز طبعا شغلتك كلش غامضة لان دتكول اول شي جنت آي او ام بعدين صارت لم شمل يعني المفروض مثل حالتنة فيزة كفالة I-130 بعدين تكول صارت SIV فمدا افتهم الشغلة حتى اكدر اجاوب عليهة بلكي واحد من الاخوة اللي ويانة يكدر يجاوبك لان مدا اعرف شكولك.

أما بالنسبة لسؤالك على الجواز فالسفارة من تريد اتدكلك الفيزة رح يدزولك ايميل يكولولك بي دزلنة جوازك حتى نطبعلك عليه الفيزة هذا اللي اني اعرفه وربي يسهل امرك وامر الجميع ويلم شملك وية زوجتك يارب

67

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 11:41 24/08/2013  »

السلام عليكم اختي ستيلا ..

الدي أج ألل اللي تروحين تدفعي رح تستخدمه السفارة لارجاع جوازج من يدكولج فيزة ( مو ) حتى اتدزين بي الجواز مالتج الهم لان جوازج يكون بايدج من تروحين مقابلة وتنطي للسفارة بايدج ( لكن ) من يرجعولجيا يرجعو بالدي أج ألل فيستخدمون الظرف والوصل المدفوع مقدما لارجاع جوازج يعني مثل مكتلج بدل مينطوج جوازج بايدج ينطوج الجواز عن طريق الدي أج ألل لان انتي من تروحين لمكتب الدي أج ألل رح ينطوج ظرف مالتهم ووصل مدفوع لان رح اتدفعين مبلغ 12 دولار او 20 الف بالعراقي فالسفارة تاخذ منج الظرف والوصل حتى تستخدمه لارجاع جوازج.

النقطة الثانية ورة متكملين ملء استمارة DS-260 واللي تنملي عن طريق النت اون لاين رح ينطيج الموقع رسالة تأكيد انه انتي كملتي ملء هاي الاستمارة فهاي رسالة التأكيد تنزليهة على الكومبيوتر من الموقع وتخليهة بفلاش وتستنسخيهة وتوديهة للسفارة ( كورقة ) لان ممسموح تودين اي شي بفلاش او سي دي.

68

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 22:13 23/08/2013  »

وعليكم السلام اختي ستيلا ..

تروحين لمكتب دي أج ألل اللي بالمنصور يم مصور مجدي قرب جامع الرحمن وتكوليلهم عندي مقابلة وتاخذين جوازج وياج وتدفعين مبلغ 12 دولار او 20 الف بالعراقي وينطوج وصل تودي للسفارة الامريكية لانه السفارة من توافق تنطيج فيزة متنطيجياها باليد تنطيجياها عن طريق ال دي أج ألل.

أما بالنسبة للاسئلة فهي شي متنوع مثلا وين عايشة مرتك شوكت تزوجتو شتشتغل مرتك منو الكفيل مالتك شكد صارلكم على علافة شنو لبست بيوم العرس او اذا وديتي صور يكولج هذا منو اللي بالصورة يأشرلج على فد شخص ويكولج شنو علاقتج بي هيج اشياء بسيطة

69

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 19:00 23/08/2013  »

مرحبا اختي .. آني آسف ماعندي معلومات عن الأس آي في واذا شفتي حضرتج الموضوع اللي نزلتة خاص بمعاملة لم الشمل I-130 ولو عندي معلومات ما ابخل عليج بس حاولي تكتبين على العام حتى الاخوة والخوات اصحاب الخبرة بموضوعج يجاوبوج الجواب الصحيح واعتذاري الج مرة لخ.

أخوج مصطفى

70

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 18:34 23/08/2013  »

السلام عليكم اخواني وخواتي .. حبيت اكلكم فد شي اللي يريد ارقام الاتصال بالجهات الرسمية المسؤولة عن هاي المعاملة خلي يكلي واكتبلهيا لان كتلكم الموضوع ميحتاج محامي وماكو داعي لصرف فلوس زايدة واللي يكول ما اعرف شأكلهم اني اترجملة اللي يريده وهو يكوللهميا يعني يكلي شيريد يكلهم بالعربي واني اترجملهيا بالانكليزي واذا احد يريد يكتب ايميلات الهم ف نفس الشي يكلي اللي يريد يسألهميا بالعربي حتى اترجملهيا وحاولو اي شخص تعرفو مثل قضيتنة خلي ينضملنة حتى يصير الكروب اوسع وتبدي الامور تتضح اكثر واكثر.

ربي يوفقنة لكل خير ويلم شملنة وية اهلنة قريبا يارب

71

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 10:22 23/08/2013  »

السلام عليكم اختي ستيلا ان شاء الله بس توصل المعاملة للمركز الوطني للفيزا رح يحددولكم موعد مباشرة وية السفارة مثل ما ذكرت قبل بفترة لا تتجاوز 50 يوم يعني مثلا وصلت للمركز الوطني يوم 10/9 تحسبين ورة 50 يوم بالزايد تروحين تقابلين بس طبعا همة رح يحددولج الموعد بس توصلهم فاطمئني ان شاء الله اكيد خير وهمزين انتو مقدمين بهاي الفترة.

طبعا الاشعار يوصلج الج ولرجلج وللمحامي عن طريق الايميلات اللي انتو تنطوهميا يعني تابعي الايميل مالتج وخلي رجلج يتابع ايميله والمحامي همينة فميدزوهة بالبريد يدزوهة ايميل.

على فكرة اختي حاولو اتدزوهة باسرع وقت لان كتلج هاي التحديثات مؤقتة احتمال مو دائمية فبسرعة دزوهة يمعوديييييييييييين هههههههههه

72

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 23:57 22/08/2013  »

اخوية علي بالنسبة ل لم الشمل اللي حجيت عنه F2A فهذا يخص ( فقط ) الزوج والزوجة والاطفال الممتزوجين تحت سن 21 لحامل الكرين كارد ميشمل اي شخص ثاني اطلاقاً.

بالنسبة ل لم الشمل مال اخوة وخوات وهيج شي فهذا لازم يكون الشخص عنده جنسية امريكية يلله يكدر يسوي هذا الشي ويطول كلش يعني اقل شي يقال 3 سنين فما فوق.

اخوك مصطفى

73

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 23:28 22/08/2013  »

السلام عليكم اخواني وخواتي رح اشرحلكم مراحل لم الشمل عن طريق الاستمارة I-130 كاملة واللي صار وياية بالضبط ( لكن اكو تحديثات مهمة صارت من قبل دائرة الهجرة تفيد المقدمين حالياً رح اشرحهة الكم بالنهاية لكن خلي اكتبلكم المراحل مال فيزة F2A) :

1. ملء استمارة I-130 وارسالها بالبريد الى دائرة خدمات المواطنة والهجرة الامريكية ودفع مبلغ 420 دولار طبعا كمية الفلوس تتغير بين فترة وفترة .
2. ملء استمارة G-325A واللي هية تابعة وية الاستمارة الاولى وهية عبارة عن معلومات عن الشخص يعني حياته دراسته هيج اشياء وطبعا تندز وية الاستمارة الاولى لنفس الدائرة.
3. الانتظار لحين صدور موافقة هذه الدائرة وتختلف فترة الموافقة بين قضية وقضية اخرى يعني محد يعرف شكد اتطول.
4. بعد الموافقة من هاي الدائرة يدزوهة همة لدائرة ثانية يسموهة N.V.C واللي هية المركز الوطني للفيزة وبدوره ينطي هذا المركز رقم لهذه القضية وتعتمد متابعة القضية على شي اسمه Visa Bulletin واللي معناها بالعربي نشرة الفيزة,هاي نشرة الفيزة تصدر كل شهر من وزارة الخارجية الامريكية تحدد بيهة تواريخ معينة وهاي التواريخ يسموهة cut off date معناه بالعربي التاريخ القطعي واللي عن طريقة يتحدد منو مستحق فيزة للشهر الجاي لانه هاي النشرة دائما تنطي مال شهر ليكدام وتصدر تقريبا كل عشرة بالشهر يعني مثلا شهر حزيران تنزل نشرة الفيزة مالتة بشهر ايار فالتاريخ القطعي اللي ينزلو لازم الشخص المتقدم للفيزة يكون مقدم ( قبل ) هذا التاريخ مو بعدة وتاريخ تقديم الشخص يسمو ( Priority Date ) يعني خلي اوضحلكم بمثال شخص قدم بتاريخ 1/3/2010 فحتى يكون مستحق للفيزة لازم يكون التاريخ القطعي لنشرة الفيزة قبل تاريخ التقديم مال هذا الشخص يعني قبل 1/3/2010 مو بعدة او بنفس اليوم فبهاي الحالة يكون مستحق للفيزة ويسموهة Current يعني حاضرة بالعربي او يرمزولهة مرات بحرف C يعني Current اختصار للكلمة فمن يكون حاضر تاريخ المتقدم للفيزة يحولون قضيتة الى السفارة اللي هو طالب يسوي مقابلة بيهة بس اكو شغلة اللي هية قبل اشهر من هذا الكلام يعني تقريبا 7 اشهر مثل مصار وياية يدز المركز الوطني للفيزة للمتقدم طلبات يكولولة وكل شخص ينوب عنك عن طريق النت والشخص هذا يكون عايش بامريكا طبعا التوكيل هو مجرد ذكر اسم شخص وعنوانه بامريكا يكون بمثابة وكيل عن المتقدم حتى يراسلوه المركز الوطني للفيزة ويسموه Choice of Agent اختيار وكيل وهذي تكون عن طريق استمارة اسمهة DS-261 وبعدين يدفع مبلغ 88 دولار مال استمارة الكفالة واللي اسمهة I-864 لان حيكون عنده كفيل بامريكا يتكفل بكل مصاريفه يعني ماكو اي مساعدات انسووووووو ههههههههه وراها يملي استمارة اسمهة DS-260 واللي بيهة معلومات كاملة عن الشخص والكفيل مالته وعلاقته وية زوجته ودراسته ومعلومات امنية عنه الخ .... بعدين يدفع مبلغ 230 دولار مال فيزة وطبعا كل اللي دا اكوللكميا هسة هو يجي بصورة تعليمات يرسلهة المركز الوطني للفيزة للمتقدم وللوكيل مالتة بس تحتاج لغة انكليزية حتى يكملهة لان كلش سهلات بس اذا ماكو لغة رح تشوفوهة كلش صعبة وراها يطلب المركز الوطني للفيزة من المتقدم عقد الزواج الاصلي مترجم للانكليزي ومصدق من سفارة العراق بذاك البلد او من الخارجية العراقية اذا داخل العراق ويريدون همينة بيان ولادة اصلي ومترجم وصورتين حجم 5x5 وعدم محكومية ونسخة من جواز السفر صالح لمدة لا تقل عن ستة اشهر ووراها مثل مكلتلكم من يكون تاريخ التقديم قبل التاريخ القطعي لنشرة الفيزة يكون المتقدم مستحق مقابلة وية السفارة واللي رح يحددهة المركز الوطني للفيزة واللي عادة تكون ورة 6 اسابيع من تاريخ اشعارهم يعني مثلا كملتو الاوراق مالتكم ودزيتوهن واستحقيتو الفيزة,ينطيكم المركز الوطني للفيزة مقابلة وية السفارة اللي انتو مختاريهة ورة شهر ونص حتى تستعدون للمقابلة خلال هذا الوقت لان بالسفارة يريدون منكم رسالة المقابلة مال شخص حتى يكدر يدخل للسفارة وترجمة هوية الاحوال المدنية وترجمة شهادة الجنسية وصورة قيد 57 ووصل مال دي أج ألل مدفوع تنطو للسفارة بيوم المقابلة وصورتين مرة لخ نفس الحجم القديم ورسالة التأكيد مال ملىء استمارة DS-260 واثبات علاقة بين الزوج والزوجة من خلال صور للعرس او الحلفة تودوهة كصور مو بفلاش تودولهميا ومراسلات بيناتكم مثلا على الايميل او المسنجر او ايصلات مال حوالات مالية دازيهة واحد للثاني او رسائل يعني المهم اي شي يثبت حقيقة واستمرار العلاقة الزوجية وهاي هية ويبقى اصدار الفيزة ما اعرف شوكت لان المفروض ينطو بنفس اليوم اذا الشخص مكمل كل اوراقة وماعنده اي شي نقص بس اللي داشوفه هسة وصار وياية انه ديخلون ( الولد تحديداً مو البنات ) على الاجرائات الادارية ( Administrative processing ) اللي تكون بعد المقابلة واللي محد يعرف شكد اتطول يجوز اسبوع ويجوز اشهر مثل مكلي القنصل وهاي هية كل تفاصيل المعاملة.

احب اشرحلكم شي مهم هسة ديصير ( التحديثات اللي كلتلكم عليهة ) واللي هو جانت قبل نشرة الفيزة تمشي ببطء مو طبيعي يعني اني سنتين الا شهر يلله صار تاريخ التقديم مالتي حاضر بس هسة من بدة شهر الثامن والتاسع وعلساس العاشر همينة اي شخص يقدم على فيزة لم شمل عن طريق الكفالة يستحق مقابلة سفارة ورة متوافق دائرة الهجرة والمواطنة الامريكية وهذا التسهيل صار على غفلة ومحد يعرف السبب فاذا مقدم احد بيكم قبل شهر الثامن 2013 او شهر التاسع او العاشر رح يكون مستحق مقابلة بدون متروح اوراقه للمركز الوطني للفيزة على شرط تكون دائرة الهجرة والمواطنة موافقة على المعاملة فتتحول رأساً على السفارة مو على المركز الوطني للفيزة وهاي شي يعتقد انه حيكون مؤقت لغاية شهر العاشر يعني من جنت اطب على نشرة الفيزة جنت اشوف تواريخ مال التاريخ القطعي اللي كلتكلم تحدده وزارة الخارجية الامريكية كل شهر والناس اللي قبل هذا التاريخ مثل مكلتلكم يكونون مستحقين مقابلة سفارة وفيزة بس هسة خلال شهر الثامن والتاسع ويعتقد العاشر همينة من تدخل على نشرة الفيزة تلكاها مكتوبة ( C ) يعني Current حاضرة يعني اي متقدم حتى لو مقدم باي يوم من شهر الثامن 2013 او التاسع او يعتقد العاشر همينة رح يكون مستحق للفيزة طبعا بعد موافقة دائرة الهجرة والمواطنة.

واي سؤال عدكم ان شاء الله اكدر اجاوبكم عليه

74

الهجرة و واللاجئين / رد: كروب لم الشمل لامريكا الاستمارة I-130 حصراً

« في: 14:28 22/08/2013  »

ان شاء الله هذا الكروب يكون فاتحة خير علينة كليتنة يارب

مقابلتي وية السفارة جانت 21/8/2013 وخلوني على الاجراءات الادارية رغم اكتمال اوراقي كلهة والله كريم

75

الهجرة و واللاجئين / كروب لم الشمل لامريكا الاستمارة I-130 حصراً

« في: 13:40 22/08/2013  »

السلام عليكم اخواني وخواتي حبيت أسوي هذا الكروب علمود نتبادل الخبرات بيناتنة ونشوف سير القضايا ويانة شون ديصير فاللي عنده قضية لم شمل لامريكا وتحديداً من نوع هاي الاستمارة I-130 خلي يدخل ويانة حتى نساعد بعضنا وتعم الفائدة على الجميع وجزاكم الله خير الجزاء ورزقني وإياكم لم الشمل مع الاهل.

أخوكم مصطفى

76

اجتماعيات (ترحيب، تهاني و تعازي منتدى الهجرة) / رد: السلام عليكم

« في: 15:03 01/08/2013  »

السلام عليكم اختي ام اديان الحمد لله والشكر على وصولكم بالسلامة والف مبروك عليكم وربي يسهل كل اموركم ويوفقكم لكل خير ويستر عليكم ويرزقكم الرزق الوفير الحلال ويمنع عنكم اي أذى من اي انسان ويرضى عليكم دنيا واخرة يارب انتو والجميع.

امنياتي لجميع الاخوة والخوات بالسفر القريب والتوفيق بإذن الله

77

الهجرة و واللاجئين / رد: زواج لم شمل

« في: 14:33 01/08/2013  »

اخوية زيد دزيتلك رسالة عل خاص حتى تضيفني وياك واني اشرحلك التفاصيل كاملة ان شاء الله