الرسائل

1

الهجرة و واللاجئين / رد: بشرى سارة لاعضاء ومتابعي قسم الهجرة واللاجئيــــــن

« في: 20:41 28/02/2015  »

خطوة في الاتجاه الصحيح تشكر الادارة عليها والى مزيد من المبادرات الحكيمة بارك الله بكم

2

مواضيع الحياة العامة في بلاد المهجر ( كندا) / رد: طريقة جديدة للهجرة لكندا

« في: 00:38 14/02/2015  »

سلمت الانامل على الموضوع تقبل مروري

3

الهجرة و واللاجئين / رد: قاموس عراقي- امريكي

« في: 22:43 11/02/2015  »

روعة سلمت الانامل ياوردة

4

مواضيع الحياة العامة في بلاد المهجر (امريكا) / رد: التاكس ريتيرن!! حسابات غريبه.

« في: 09:23 11/02/2015  »

مع تحياتي للاخ سمك بني موضوعك جميل وفعلا كما تفضلت هذا يحدث وتجد في موضوعي التالي بعض النقاشات المحدودة حول الضريبة والتاكس ريتيرن تحياتي الك وللاعضاء المشاركين
http://www.ankawa.com/forum/index.php?topic=771990.0

5

الهجرة و واللاجئين / رد: فلسفة الحياة الامريكية للاجيء الجديد ....وجهة نظر

« في: 23:31 08/02/2015  »

مشكوور اخي على الرد بس بصراحة مفتهمت شنو 2000$ بلنسبة ال 6 اشخاص

احنة بس اني وزوجي وبنتي صغيرة يعني اقصد 2000$ بس على 3 اشخاص

وبلنسبة للضريبة 3% هذه اسبوعياً تنقطع لو شهرياً
يعني تبقى نسبة الضريبة ثابتة لو تتغير ورة فترة ال 8 شهور الاولى
وتعبتك وياية اخي واشكرك من جديد على الرد
تحيااتي

اختي الكريمة ضياع ..بالعكس ماكو كل تعب  الضريبة حسب دخلكم واللي دتستلموه ..اي نعم ضريبة شهرية لليستلم شهريا او اسبوعية لليستلم اسبوعيا وتقل حسب نسبة الدخل وحسب عدد افراد العائلة كذلك يؤخذ بنظر الآعتبار سن الشخص وهل لديه أولاد يدرسون في الجامعه..هذه سبل تساهم بخفض النسبه وبالخدمة..اخوكم     ORACLE

6

الهجرة و واللاجئين / رد: فلسفة الحياة الامريكية للاجيء الجديد ....وجهة نظر

« في: 23:22 08/02/2015  »

الاخوة TOFEE.US ، ابو المصطفى ، ابو مؤمل ، ابو زمان ، تفرج انا سعيد بقراءة تعليقاتكم الجميلة واهلا بكم

7

الهجرة و واللاجئين / رد: جديد فيديوهات اهداء مني الى موقع واعضاء عنكاوا -- سلسلة المساعدات و العمل في امريكا

« في: 22:37 08/02/2015  »

فكرة جيدة احيييك عليها لمساعدة اخوتك والله لا يضيع اجر عامل تحياتي الك

8

الهجرة و واللاجئين / رد: الحمدلله ...بعد 14 يوم من وصولي لامريكا

« في: 15:52 07/02/2015  »

مبروك سلامة الوصول وبالموفقية والنجاح

9

الهجرة و واللاجئين / رد: فلسفة الحياة الامريكية للاجيء الجديد ....وجهة نظر

« في: 15:49 07/02/2015  »

عاشت ايدك اخي بس عندي سؤال بلنسبة للضرائب

يعني اذا مثلا دخل العائلة من عمل زوج وزوجتة كمعدل 2000 دولار بلشهر كم يستقطعون

من راتبة بلشهر صحيح بنسبة 30% يعني يقطعون بحدود ال 600$ ضرائب بلشهر لو ماكو هيج شي

ياريت توضيح

وبلنسبة اخي للحوالات اذا واحد تجي من بغداد حوالات كل شهر بحدود ال 1000$ هل هناك تأثير من كل النواحي لو مالهم دخل

اتمنى الاجابة من حضرتك

تحياتي الحضرتك اختك ضياع

اختي الكريمة 3% الضريبه هنا
وانت احسبي شكد رح يقطعون
دخل العائلة 2000$ وعددهم ٦ يعني انهم من ذوي الدخل المحدود  راح يقطعون منهم بين ٣% الى ٥% من الدخل وعند حساب التاكس في الاشهر الاولى من السنة  راح يرجعولهم اكثر من ٨٠٠٠$  يعني يعدلون احوالة المادية.
بالنسبه للحوالات فتأثر طبعا اذا تاخذون مساعدات مثل فود ستامب وتامين صحي
ورح يسألونج من اين لك هذا ؟
بس اكو هوايه مكاتب مال جماعتنا تكدرين من خلالها تحولون الفلوس ...
مع تحياتي

10

الهجرة و واللاجئين / رد: فلسفة الحياة الامريكية للاجيء الجديد ....وجهة نظر

« في: 20:24 05/02/2015  »

star_usa و حفيد الباشا تشرفت بمروركم

11

الهجرة و واللاجئين / فلسفة الحياة الامريكية للاجيء الجديد ....وجهة نظر

« في: 18:23 05/02/2015  »

أمريكا بيها فلسفه واضحه وهي تتعب تلعب، بلغه مبسطه، الاجئ الجديد من يجي لامريكا فعلا يساعدوه فيعطوه منحه وهي ٩٢٥ لكل نفر، يعني بحسبه صغيره كل ميزيد عدد افراد الاسره كل متزيد فلوسك وبالتالي دفعات ايجارك تزيد كمثال اسره مكونه من ١٠ انفار يصير عده ٩٢٥٠ وبالتالي بحسبه صغيره انه اذا ايجارهم ٩٠٠ فراح يكونون مدعومين ب مدة ايجار ٨ اشهر، واكو منح او برامج اخرى مثل ال RCA الي هو الكاش وايضا يعتمد على عدد الاسره مثلا العائله المكونه من ١٠ انفار يحصلون ٤٠٠ على دفعتين يعني ٨٠٠ بالشهر، ويتحصلون على قسيمة شراء الطعام ال فوود ستامب ١٠٠٠ دولار، هذا البرنامج لمدة ٨ اشهر، ويوجد برنامج اخر برنامج عمل الي هو match grant، هو برنامج للناس الي تكون جاهزه للعمل يعني عدهم لغه وخبره ومعدهم مشاكل صحيه وبالتالي يكونون مهيئين للعمل بسهوله ويعطون لكل نفر ٣ صكوط على ٣ اشهر وتعطى ال الصكوك ال ٣ بغض النظر عن اذا الشخص وجد عمل بالشهر الاول او الثاني
بعد انتهاء المساعدات
رب الاسره حيلكه شغل وعلى حسب المدخل يشوفون شكد يدخله وشكد يصرف ويساعدوه، نرجع لامريكا  يوجد نظام ضرائب مكون من ضريبه فدراليه و ضريبه ولايه وضريبه مدينه تسحب من كل شخص اسبوعيا مثلا شخص يسوي بالاسبوع كمثال ٦٠٠$ فيخصم منه ١٨٠$ اذا كان اعزب، وفي حالة كونه متزوج فيخصم منه حسب عدد الاسره يعني عنده ٣ اطفال فيخصم منه ١٠٠$، نهاية السنه تصفية ضرائب ياخذون من الي مسوي هواي فلوس بالسنه الماليه ويعطون للناس الي عدهم مدخل اقل، يعني الشخص ابو العائله ال ٣ انفار ويعمل بعني مسوي سنويا ١٨٠٠٠$ يرجعله ٨٠٠٠$ سنويا كمرجع وبالتالي حسب صرفيات العائله وحسب الميزانيه، بالاخير أمريكا هي تنطي للينطيها
يعني الشخص يدرس ويعمل ويحصل شهاده يعمل باجور ممتازه ويعيش بحاله جيده جدا وبالتالي امريكا ليست ككندا او استراليا امريكا هيه تحفز الاجيئ بان يكون انسان منتج وبالاحرى ناجح ويعتمد على نفسه ويشق طريقه بالعمل لا بالاعتماد على المساعدات وتقبلوا تحياتي

12

الهجرة و واللاجئين / رد: الحمدالله ابو هفال وصل الى بلاد عم سام

« في: 08:31 02/02/2015  »

الحمد لله على سلامة الوصول بانتظار اخبارك لا تتاخر علينه

13

الهجرة و واللاجئين / رد: بعد وصولي الى امريكا بــ ٣ اشهر و نص

« في: 16:31 30/01/2015  »

حمدا لله عالسلامة وبالتوفيق

14

قسم الشكاوي والاقتراحات الخاص بمنتدى الهجرة / رد: تغيير اسم

« في: 10:29 28/01/2015  »

الاسم المطلوب محجوز لعضو اخر
يرجى اختيار اسم جديد
تحياتي .
Sound of Soul

ORACLE
شكرا لك اخت SOUND OF SOUL

15

الهجرة و واللاجئين / رد: **(((الاشهر الثلاثه الاولى في ولاية ميزوري مدينة سانت لويس ST LOUIS MO)))**(الحلقه الاولى)

« في: 13:51 27/01/2015  »

بالتوفيق

16

الهجرة و واللاجئين / رد: اراء الاخوان في تركيا

« في: 13:01 24/01/2015  »

صديقي اخذ شقة بيلوا ب ثلاث دفاتر واستلم سند تمليك  وحصل عليهه اقامة وسجل اخوه وياه بالسند علمود الاقامة

17

الهجرة و واللاجئين / رد: جماعة تركيا الميعرف اللغة التركية هذا الموظوع يفيدكم .

« في: 21:30 22/01/2015  »

موضوع جدا مفيد خاصة تركيا عداوتهم وية اللغة الانكليزية ذاك من ذاك اللي يحجيله كلمتين وكاضيهه وياهم اشارات ....دمتم اخي

18

قسم الشكاوي والاقتراحات الخاص بمنتدى الهجرة / تغيير اسم

« في: 20:40 22/01/2015  »

مرحبا ادارة عنكاوا ياريت تغيرون اسمي لهذه الاسم White Eagle
شكرا جزيلا

19

الهجرة و واللاجئين / رد: الحمد لله حاليا في امريكا

« في: 14:34 22/01/2015  »

مبرووووك سلامة الوصول ونتمنى لك النجاح والموفقية يارب فرحنا باخبارك اول باول

20

الهجرة و واللاجئين / رد: هل هناك قنصلية امريكية في البصرة اي معلومه زغيرة

« في: 00:26 01/01/2015  »

اخي ..تكدر تراسل عبر موقع السفارة الامريكية الرسمي ببغداد وهمه يسوون  forward للقنصلية وذلك حسب نوع قضيتك اللي هيه مااعرف شنو؟ وبعدين اذا طلبت القنصلية مقابلتك راح ترسلك القنصلية ايميل يحددون بيه موعد المقابلةويطلبون منك نسخ ضوئية من الجواز او الجنسية لغرض تنظيم دخولك عبر نقطة التفتيش مال القنصلية بالبصرة لكن مال تروح مباشرة للقنصلية بالبصرة ما اعتقد يقابلوك بدون موعد محدد مسبقا عالترتيب الي ذكرته الك علمود لاتتعب ...وتحياتي

21

الهجرة و واللاجئين / رد: هل هناك قنصلية امريكية في البصرة اي معلومه زغيرة

« في: 21:35 31/12/2014  »

اخي الكريم ...طبعا اكو قنصلية امريكية بالبصرة ومكانها في مطار البصرة اول ما توصل بوابة المطار تتجه يمينا وشوي مسافة بعدين تنزل وتتمشى لنقطة تفتيش عراقيين ولازم اتكون اسمك عندهم حته تدخل وتاخذ وياك اوراقك الثبوتية لمطابقة الاسم ...وبالخدمة

22

الهجرة و واللاجئين / رد: (((برنامج تركيا الشامل اسئله واجوبه وكل ما يخطر ببالك)))

« في: 15:32 11/02/2014  »

مشكورين اخوان

23

مواضيع الحياة العامة في بلاد المهجر ( كندا) / رد: الكفالة الخماسية وأهم _شروطها واوراقها وعناوين جهات استقبالها _

« في: 21:01 09/02/2014  »

الاخت لولو... الكنيسة تكفل الشخص سواء كان مسلم او مسيحي همه ماعندهم تمييز بهذا الموضوع ولازم عندك شخص كفيل بكندا هوه يروح يقدملك للكنيسة باحدى المدن الكندية .....

24

الهجرة و واللاجئين / رد: تكاليف السفر الى امريكا

« في: 20:42 09/02/2014  »

السلام عليكم
هاي شروط السفاره الامريكيه حاليا لفيز الزياره او السياحه او الدراسه للعراقيين وغير العراقيين من سفارات الولايات المتحده بكل الدول ومن ضمنها ببغداد


من اجل تحديد موعد للسفاره الامريكيه
- جواز سفر صالح على الاقل لمده 6 اشهر
- عنوان الشخص المراد زيارته في امريكا بالتفصيل مع ارقام الهواتف
- احضار جوازات سفر قديمه الموجود عليها فيز قديمه لامريكا مع تفاصيل الرحلات السابقه
- للطلاب احضار نسخه من I-20  + ايصال دفع (civis)  مبلغ 200$ دولار من امريكا
- صور حديثه بمواصفات الجواز الامريكي


يوم المقابله

-131$ رسم المقابله للسفاره غير قابله للترجيع
- صورة عن جواز السفر الامريكي او الكرين كارد للشخص المراد زيارته في امريكا
- ورقه الموعد
- احضار المتوفر من المستندات التاليه لدعم مقدم الطلب ماليا واجتماعيا (تقدم فقط حين السؤال عنها)
1 حساب بنكي
2 دفتر عائله او اثبات زواج للمتزوجين
3 بطاقه نقابه
4 اثبات ملكيه او ملكيات معينه
5 سجل تجاري او صناعي
6 وثيقه دوام بالنسبه للطلاب
7 دعوه زياره ان وجدت
8 تأييد استمرار بالخدمه بالنسبه للموظف
بالاضافه الى ان السفاره في بغداد تنجز حاليا فيز العمل والعلاج
منقول من  الاخ heart_0f_baghdad له كل الشكر و التقدير ....

25

الهجرة و واللاجئين / رد: سياحة الى امريكا

« في: 12:32 09/02/2014  »

اخي قدم طلب للسفارة الامريكية على موقعهم عالويب واملا المعلومات وحدد موعد مقابلة وسوي صك يم مصرف بغداد ب 160 دولار ودز كافة  المستمسكات بالدي اج ال وهسة يخابروك للمقابلة وتكون قبل السبعة الصبح بالسفارة تلكه اسمك بالاستعلامات وتطب وتقابل ولازم عندك احد هنك رايح تزوره وسند بيت مصورة وحساب يعني اثباتات انك ترجع للعراق واذا تفكر باللجوء فمن توصل قدم وتطول الشغلة بالسنة على ما يصدر قرارك بس ميرجعوك وبالنسبة لشهادتك انساهه ما تمشي هناك  عدهم تاخذ وقت طويل وجرجرة يلله لان يريدون شادات من عدهم  بس نسبة الرفض هالايام للفيزا سياحة 75% وانته وحظك بالتوفيق

26

مواضيع الحياة العامة في بلاد المهجر (امريكا) / رد: امريكا حلم وردي كما يقول البعض

« في: 23:02 05/02/2014  »

طبعا الجماعة منورين بشدة والموضوع جدا راقي ومفيد والماقشة مثمرة وتجيب نتيجة حلوة لمن يغفو على وسادته وبراسه كومة احلام وردية على ما سوف يصبح عليه لو وصل لامريكا وينسى  او لا يريد التفكير ببعض الصعوبات خوفا ان يضيع سدى كل ما تحمله  من انتظار بغية السفر القريب لكن لاني اكول  انو هناك بعض الاشخاص نكدر نخليهم بين المجموعات اللي ذكرتوهم  وهمه اللي يجي لامريكا وهوة بايع بيته بالعراق لان راح يشتري بيت بدون ما يوخ نفسه وية البنك ويخلص من الايجار  وحجز البنوك فيما لو انقطع العمل بالاضافة لو كان اله مورد يجيه من العراق بمعدل 700 دولار او الف ممكن يمشي نفسه شهريا لمن يلكه شغل حتى لو بارت تايم واذا كان عنده راسمال بسيط ممكن يفتح مشروع صغير ويكون مدير نفسه وشكرا لطرح هكذا مواضيع ذات فائدة جمة

27

الهجرة و واللاجئين / رد: (((برنامج تركيا الشامل اسئله واجوبه وكل ما يخطر ببالك)))

« في: 19:25 04/02/2014  »

صار واضح عزيزي اني ممنون منك هواية .....

28

دردشة منتدى الهجرة واللاجئين / تعلم اللغة الانكليزية

« في: 09:40 01/02/2014  »

اليوم اختاريتكلكم رابط لصفحة تعلم اللغة الانكليزية للمبتدئين بطريقة كلش حلوة وبسيطة وسهلة وتفيد اللي مقبلين على سفر لان راح يحتاجون بعض المفردات تساعدهم بالسكن والعمل والتسوق اتمنى راح تفيدكم والرابط هاذه http://www.languageguide.org

29

الهجرة و واللاجئين / موضوع يستحق الاهتمام لاخوانكم العراقيين

« في: 23:44 30/01/2014  »

الاخوان الاعضاء الاعزاء وبالاخص المسجلين في تركيا وفي قائمة الانتظار في المحافظات التركية بانتظار الفرج القريب انشاء الله لغرض التوطين والسفر السريع نتمناه لكم جميعا ...دائما ما تواجه اخوانكم واخواتكم العراقيين عند مجيئهم لتركيا لاول مرة والتسجيل لدى منظمة الهجرة مشكلة مررتم بها جميعكم سابقا الا وهي صوبة الاستقرار للاجيء الجديد في بداية ايامه على الاراضي التركية فتجده يحمل ورقة اليو ان التي ارسلوه بها لللامنيات بالمحافظة المعينة التي اختاروه لها حسب قائمة المحافظات والتي تعلمون بانها تتغير من فترة واخرى مما يجعل القادم الجديد في حيرة من امرة وصعوبة الاختيار العشوائي لانه غريب ولايعرف عن هذا البلد شيئا وعن احوال محافظاته الشاسعة المترامية الاطراف فتجده يكافح من اجل تثبيت اقدامه ويقضي اول ايامه بالفندق لغرض ايجاد السكن والاثاث ويبدا بالتخبط ويصرف اموالا بغير محلها وهو بامس الحاجة لكل ليرة في الغربة لانه لا يعلم كم سيطول به الوقت هناك وقد يقع تحت رحمة بعض المتصيدين بالماء العكر الذي يرفعون من قيمة الاسعار لمجرد كون الشخص ليس من ابن البلد فيكون لقمة سائغة لبعض النفوس الضعيفة ...فالرجاء اتخاذ المبادرة وانتخي اصحاب الغيرة والشهامة منكم ان يبادر كل شخص كل من المحافظة التي يسكنها بذكر اسمه او قنوات تعريفية للاتصال به لكل لاجيء جديد يكون في طريقه لتلك المحافظة الفلانية ويكون  بامس الحاجة لمن يضعه في الطريق ويساعده في ايجاد مسكن و يدليه على الاماكن التي سيتسوق منها وبعض الدوائر للمراجعة في تلك الولاية وهاي الدنيا اخذ وعطاء ومن يفعل الخير  ويقف مع اخوته واللي يسهل امر الناس الله ايضا يسهل امرة ويفرجهه عليه و كما دائما نقول ونكرر عند الله ما يضيع وبارك الله بيكم اخوتي والشهم يبقى شهم وعند الشدائد يظهر المعدن الاصيل والعراقيين اصلاء واهل الوكفات الحلوة المشهودة اينما حلوّ واشكركم للقراءة.

30

الهجرة و واللاجئين / رد: استفسار مهم

« في: 12:17 29/01/2014  »

عندي سؤال للاخوة اللي مقدمين سابقا ...الي مقدم ومنطيه موعد مقابلة اولى بس محضرهه ورجع للعراق يصير يرجع بعد سنة ويقدم من جديد ..يعني ينطوه موعد مقابلة من جديد لو راح بيهة سؤال وجواب يعني مينطوه ..مع الشكر مقدما

31

مواضيع الحياة العامة في بلاد المهجر (امريكا) / رد: مالذي تستطيع ان تفعله في امريكا .... للي يفكر بالمشاريع البسيطة ولم تتح له فرصة عمل

« في: 18:20 27/01/2014  »

شكرا استاذ ابو قمر على هذه المعلومات القيمة والمفيدة جدا والتي تعتبر مرجع لمن يريد ان ياخذ فمرة اولية عن طبيعة السوق والمشاريع البسيطة التي بامكان اللاجيء التفكير والبدء بها  وبالنسبة لشراء البيت اني قريت انو عندما تشتري اول بين واكرر (اول) بيت في امريكا  وطبعا يكون عن طريق شركة real estate معتد ومسجل لدى الحكومة فانك لا تدفع دلالية للمكتب بل ان المكتب يستلم عمولته من الحكومة وايضا بامكان اي شخص اجنبي اي من خارج امريكا ان يشتري عقار ويسجل باسمه رسميا ويشمل ذلك العراقيين طبعا ، نرجوا من ابو قمر تاكيد ذلك او تصحيح معلوماتي من اجل ان تعم الفائدة وشكرا مرة ثانية

32

الهجرة و واللاجئين / رد: ايهما افضل واسرع لطلب اللجوء تركيا او جورجيا

« في: 17:30 26/01/2014  »

لا طبعا قبل لا اروح اقدم من جديد  لان يعرفون بيه اسمي موجود يمهم ...هنا بدارة الجوازات بس يرادلي معاملة وصل بخمسين الف

33

السياحة والسفر / رد: تتوفر دعوة عمل لغرض الأقامة في المملكة البريطانية المتحدة

« في: 08:40 26/01/2014  »

زين الدفع مقدما لو بعد الوصول ؟

34

السياحة والسفر / رد: ارجو مساعدتي.. بخصوص فيزه الى امريكا

« في: 08:37 26/01/2014  »

اخوية الشغلة مالة الفيزا ما بيهه كل صعوبة وليش يدزوهه الك مناك ادخل على موقع السفارة -الفيزا-السياحية  ونزل الاستمارة وعبيهه الكترونيا  ولمعلومات اكثر ادخل على هذا الرابط لكي تكون اجراءاتك كاملة وبالتوفيق http://www.ankawa.com/forum/index.php/topic,602531.0.html

35

الاخبار العالمية / رد: فضيحة اردوغان تسارع بقيمة الليرة إلى الهاوية

« في: 00:12 24/01/2014  »

بس من يجي الصيف والسياحة تتحرك بفعل السواح والطلب على الليرة راج تصعد اقل شي  200 ليرة مقابل 100 دولار  بس سؤال للمتتبعين هسة الواحد اذا يشتري ب30.000$ ويبيعهم ورا ما تصعد   هم خوش تجارة شتكولون وتحية لكاتب المشاركة ومشكورة جهودك

36

الهجرة و واللاجئين / رد: الجرين كارد

« في: 21:19 23/01/2014  »

زالاخوة في المنتدي المحترمون : يكدر شخص عندع الكرين كارد وليس جنسية يسحب ابنه من العراق لم شمل ؟ وشكد تطول حتى يصل لامريكا

37

الهجرة و واللاجئين / رد: ايهما افضل واسرع لطلب اللجوء تركيا او جورجيا

« في: 20:47 23/01/2014  »

شكرا اخ ألن ولبقية الاخوان اللي شاركو ...بس المشكلة اني اسمي بالحاسبة مال اليو ان مال انقرة وضارب المقابلة الاولى وراجع قبل سنة ويكلولي بس تقدم من جديد راح يعرفون ..اسمك يطلع عدهم  ويصير سوال وجواب ليش رجعت ووين جنت هالمدة ..بس لكيت حل خرافي راح اسويه وارجع اقدم مرة ثانية ومراح يعرفوني مقدم سابقا بس عبالي جورجيا بيهه توطين لان كالو مو ازدحام مثل تركيا.... اكيد تريدون اتعرفون شراح اسوي  ماراح اروح كبل ما اكللكم  الحل هوه تبديل الاسم الاول واستخراج جواز جديد طبعا بالقانون ورسمي وراح تمشي انشالله واللي يريد يعرف شلون عادي اشرحله وشكرا للاخوة المحترمين

38

الهجرة و واللاجئين / رد: الزواج التجاري

« في: 17:55 23/01/2014  »

لازم البنية تجيك للعراق وتكلفك وتركض وياهه للسفارة وللمحكمة حتى تتزوج وبعدين تروح ولازم تدزلهه حوالات كل فترة  وتحتفظ بالوصولات حتى تثبت انه اكو تواصل بيناتكم وتاخذون صور مختلفة سوية للتاكيد امام السفير بالعراق انو انتو جادين واكو لقاءات بيناتكم ومن ثم البنية تمشيلك بالمعاملة من امريكا (لو كانت امريكية مثلا) وتدفعلهه مصاريف المعاملة واذا بالمقابلة وفق السفير ينطيك فيزا لازم اتروح وتتزوج خلال 90 يوم بامريكا وتسكنون سوية ويظلون ايراقبونكم مدة سنتين ويسئلونكم بزيارات فجائية بالبيت عن نوع علاقتكم وشتاكلون واسئلة مختلفة ليتاكدوا لان هاي الشغلة ما تعبر عليهم ويدرون بيهه ولازم البتنية خلال سنتين ما تشتكي عليك لان راسا ينطوك ترحيل للعراق وتروح فلوسك ياصابر و انتبه اذا اشتريت عقارات خلال هاي الفترة وطلبت  البنية الطلاق بدافع الطمع والابتزاز  فحسب القانون الامريكي يحقلهه تاخذ نصف من كل  املاكك فدير بالك ولا تتورط وية ناس ماتعرف اصلهم من فصلهم

39

الهجرة و واللاجئين / رد: ايهما افضل واسرع لطلب اللجوء تركيا او جورجيا

« في: 16:38 23/01/2014  »

عيني اخ ألن ......يعني نكدر انكول انو اذا وافقت جورجيا تنطيني صفة لاجيء على اراضيهه فقط  اكدر اباشر  بمعاملة الكفالة الخماسية  حتى بدون ما اروح لليو ان  لان من شروط الكفالة الخماسية ان انته لازم تكون لاجيء باحد ومراجعتك تكون وية سفارة كندا فقط بتلك الدولة شرط حصولك على ورقة لاجيء   وشكرا للرد السريع

40

الهجرة و واللاجئين / رد: ايهما افضل واسرع لطلب اللجوء تركيا او جورجيا

« في: 13:16 23/01/2014  »

بس ممكن سؤال يعني اذا احصل لجوء بجورجيا راح حكومتهم تنطيني ورقة لجوء ام الفسفورة  واكدر امشي بمعاملة الكفالة الخماسية  لان من شرط الكفالة لازم تكون مسجل لاجي مو صحيح ارجو  تصحيح معلوماتي وشكرا