عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - abualahlam

صفحات: [1]
1
السلام عليكم 
تحيه الى كل الاعضاء العاملين في هذا المنتدى الرائع وشكر لكل من ساهم في عمل الخير وادعو من الله التسهيل للجميع 
اخواني خواتي الي ساكنين في محافظه بلكسير ممكن اعرف مكان مدرسه تعليم اللغه واذا كانت تنفع ام لا يعني تعلم لو كلاوات 
ف اذا امكن عنوان المدرسه واقرب نقطه داله  واذا ممكن رقم الباص الي يمر من يمها مع جزيل الشكر والموفقيه للجمع ان شاء الله 

2
السلام عليكم 
اخواني خواتي تحياتي للجميع  ....... اذا اكو واحد يكدر يقدم المساعدة اعتقد مراح يقصر الي يكدر يرتبلي شغل اكون ممنون اني حلاق وحلاق قديم خبره 18 سنه 
 :'( :'( :'( :'( :'( :'(

3
hggالله يبشرك ويرح كلبك حبيبي كوتي مثل ماريحت كلبي والله يسهل امرك  :) :) :)

4
السلام عليكم 
ادعو من الله عز وجل تسهيل امور الجميع بحق محمد واله محمد 
حبايب الله يمسي عليكم بالخير عندي سؤال بالتقديم سالوني عندك ملف بغير دوله طبعن جوابتهم نعم بس المشكله ملفي القديم الي بالاردن ما اذكر شحاجي بيه ما حاجي لان الملف 
بال2004 ومثل ما تدرون العراقيين كلش مرتاحين بحيث من كد مامرتاحين بعد العشه تساله شتعشيت يكلك ما ادري 
ف شلون اذا المعلومات تضاربت  طمنوني  واعتذر على غيابي تعرفون تحظيرات ماقبل وبعد السفر 

5
السلام عليكم ممكن من جماعه الخبر تساعدني حاب اعرف كل شي حول التقديم على اليو ان  بمصر الاليه مالتهم شلون السرعه بالمعاملات السكن المصاريف شكو  معلومات تكدرون تساعدونه بيها اكون ممنون منكم  وان شاء الله ربي يسهل امر الجميع 

6
السلام عليكم جماعه عمان تنصحوني اقدم على اليو ان بعمان ولو اني قدمت بال2005 ولل2008 كلشي ماحصلت المهم اني حاليا بالعراق بس ان شاء الله راح اجي للاردن هل اليومين وسمعت انو الوضع مو مثل قبل بالنسبه لل يو ان ف شتنصحوني اجيكم لو اطلع على تركيا وشنو الاوضاع يمكم بالنسبه للعراقيين

7
السلام عليكم ممكن اهل الخبره يساعدوني اي مكان تشوفوه مناسب لتقديم اللجوء تركيا او عمان واذا ممكن الايجابيات والسلبيات واني مشكور لمروركم الطيب

8
السلام عليكم
سمعت اخر ايام انو الاخت الي بامريكا الي حصلت على الكرين كارد ماتكدر تقدم او مانكدر نقدم على الكرين مالتها اله الوالدة فقط
يعني اني ما اكدر اقدم على لجوء او دعوة او اي طريقه اسافر بيها لامريكا واذا اكو طريقه معينه اكون ممنون للعلم اختي زوجها طلعو عن طريق ال اي او ام

9
مشكور مشكور منك ياورد وتسلم على المساعده والله يوفقك ويحفظك

10
سمارت ممكن تكمل جميلك وتعلمني طريقه التقديم للعلم زوج اختي الي يشتغل وياهم يعني الملف باسم زوج اختي وشعندك نصائح اني ممنون منك

11
الف رحمه على والديك سمارت على هاي الاجابه ممنون منك

12
السلام عليكم   اني اسف لان سؤالي ما جان واضح اني اريد اقدم هجره عن طريق الكرين كارت مال اختي وسمعت متوقف حالياً عندكم علم بهذا الشي للعلم زوج اختي على ال (اي او ام)  ومشكور منكم

13
السلام عليكم.  نسيبي طلع الى امريكا عن طريق ال (اي او ام) واختي راح تاخذ الكرين هل اليومين المهم اني سمعت انو التقديم عن طريق الكرين كارت متوقف اكو هيج شي واذا متوقف شنو الحل سمعت على اساس متوقف للعراقيين لانهم ملتهين بالسوريين والي عنده معلومات جديده رجاءاً لايبخل عليه واني مشكور مقدماً على اجاباتكم ومروركم الكريم وتحياتي للكل

14
السلام عليكم .... اصدقائي عندي سؤال حول الفيزا شنكل تقريبا شكد سعرها هنا بالعراق او بامريكا شكد واني ممنون منكم

15
السلام عليكم
بالبدايه اني مشكور من الكل على المساعدة والمعلومات القيمه
زين اني عندي ملف بالاردن وسافرت وتركته والملف  شنو رأيكم  اجيبله طاري لو اغلس يفيدني لو لا
وبالنسبه لسرعه الهجره عندي اختي بأمريكا وعدها الكرين كارت هذا ميساعدني بسرعت الهجرة

16
السلام عليكم
طبعن اني اشكر العضو ياسر الي دلاني بهذا المكان
واتشرف بيكم جميعا
اني حاليا بالعراق بس ماصل صبر ولا تحمل للوضعيه ف ققرت اصفي اموري واسافر على تركيا واقدم على اليو ان ف ياريت الي مر بهاي المراحل
مايقصر وياي علما انا وزوجتي وطفل
رايد شرح مفصل اذا مو زحمه عليكم كل شي من اقدم شكد واقابل وشراح يصير بعدها والفتره تقريا كل شي من ناحيه المنظمه
وشي ثاني من ناحيه المصاريف يعني شكد يرادلي تقريبا شهري اقل شي اني وعائلتي من ايجار الى اكل شرب
كل شخص عنده معلومه لايقصر ويانه واني مشكور منكم وتمنياتي للجميع بالموفقيه وان شاء الله الكل تتلقى اخبار عن قريب وان شاء الله
الكل تسافر وترتاح للعلم اني عندي ملف بالاردن بال2005 واني تركته وسافرت يعني مانرفضت وللعلم اني من 2005 الى 2007/12/5 ماطلعلي شي ورجعت للعراق ومن قدمت بالاردن جنت سنكل
ومشكوووووووووووووووووووووووووووووووووووووور من الطيبين  ;D ;D ;D

17
السلام عليكم
احبتي 
اريد اقدم على اليو ان اني وعائلتي (3نفرات) شنو وضع تركيا التقديم على اليو ان سهل صعب واكو ناس طلعت وشكد الفتره تقريبا ادناها واقساها
مصاريف شكد يرادلي يعني كعائله 3 نفرات شكد يكفيهم مصرف شهري من ايجار الى اكل شرب يعني بالمختصر كل واحد عندة نصيحه لايقصر ويانه واني ممنون منكم

18
السلام عليكم
والله ياحبايب ماعندي سفر بس الاردن المشكله جانت مقابلتهم من وره خشمهم لان هواي ناس انرفضت وعندهم اعذار قويه
اني الي قابلتني بنيه العربي ماله 40% ولافتهمت عليه ولافتهمت عليها بالكوه السؤال 3 مرات يتكرر ومقابله تعبانه مو مثل ماجنت اتوقع
وسألتني 5/4 اساله واني جانت حجتي عائلتي راح تبقه بالعراق وكلتلها عندي محل وسيارة بسمي
شو ما احس اله انطتني ورقه بعد ماكعدت قريتها عرفت رفض بالمناسبه المقابله وكافي على الشباك وبيني وبينها جام ضد الرصاص وكلام عن طريق السماعه والحاكيه

19
السلام عليكم
اليوم قابلت وتم رفض الفيزا لكن بعد ماقريت الرفض لنسيبي وهو حاليا بامريكا كلي
اني اجاني نفس الرفض وبعد فتره خابروني كالولي الفيزا مالتك اجت ويكول هاي مو رفض قطعي ف ياريت بعد قراءت الرفض اجاباتكم
((عزيزي النتقدم لطلب الفيزا
نود اعلامك بانه بعد اجراء المقابله تبين انك غير مؤهل للحصول على التاشيره المخصصه لاغراض غير الهجرة (الزياره المؤقته)
وهذه بموجب المادة 214/ب من قانون الهجره والجنسيه الامريكيه
رفض طلب الفيزا بموجب هذا القانون يعني انك لم تستطيع ان توضح غرضك من السفر متوافق مع المتطلبات الخاصه لهذ النوع من الفيزا
على الرغم من ان كل نوع من انواع التاشيرات المخصصه لغير الهجرة لها متطلبات خاصه بها. واحده من هذه المتطلبات والتي تكون مشتركه بين جميع الانواع وهي انه يجب ان يكون للشخص المتقدم لديه روابط قويه روابط اجتماعيه واسريه ......الخ وبيت ورصيد بالبنك وبطيخ
المهم اني روابطي اجتماعيه يعني كلتلهم اني مسافر سنكل وعائلتي موجوده وعندي محل واكدر اتكفل المصاريف كلها
فياريت تكلولي هذا رفض قطعي لو بيها مجال لان نسيبي كال هذا الرفض مو قطعي احتمال يخابروك وكلولك طلعت الفيزا
وان اسف لان طولت عليكم وممنون منكم تسلمون :'( :'( :'( :'( :'(

20
تحياتي للجميع
حبيبي س4 ممكن سؤال
شنو كان موضوع الاميل الي اجاك يعني شنو عنوانه لان اني هم منتظر اميل التأكيد بس حته ما ادوخ بين الاميلات الي تجيني ف ياريت تكتب عنوان الاميل حته تسهلها عليه لان اخوك 0000بالنكليزي

21
السلام عليكم
مشكورين كل من الاعضاء ابو ميس الورده وجنيفر و  سي4 والاخت سحر
انشاء الله اتبع كل نصائحكم وتعليماتكم وان شاء الله الله  ايديم هاي الخوه ويخلينا هذا المنتدى الرائع

22
السلام عليكم
اول شي اني مشكور من الجميع وتسلمون على هذا التعب الي دنتعبلكمياه
اني موعدي يوم 18 ان شاء الله يعني اروح بدون اميل تأكيد اتوكل على الله
واذا تعرفون عنوان مصرف بغداد وعنوان اي شركه DHL  ياريت للعلم اني من سكنت البياع حته تنطوني مكان قريب علية
مشكور منكم

23
مبرووووووك  ان شاء الله توصلون بسلامه ويوم الألي

24
السلام رعليكم
شباب وبنات شلونكم بالنسبه الى رد تأكيد طلب المقابله ف اني كذلك معلوس لحد هسه ما ودولي شي هم كاتبين من 3/2 يوم  يوصلك رد تأكيد المقابله   :'( :'( :'( :'( :'(وصارل اليوم الخامس

25
السلام عليكم
اني مشكور مشكور جدا من الاخت سحر القيسي والاخوان هذا عراقي / ابو ميس / سلام
على مساعدتي ومشكورين مرة ثانيه على كل شي وان شاء الله شيصير وياي اني ابلغكم

26
السلام عليكم
اخواني وخواتي احبتي مثل ماتعرفون من قبل موضوعي السابق اني قدمت على فيزا سياحه لامريكا عن طريق موقع السفار ه الي اعطانياه احد الاخوه الموجودين في هذا الكروب العزيز
سؤالي كملت كل فقرات الفيزا بالمضبوط فقره فقره بس شلون اعرف انو هم استلمو طلبي لو لا وشلون راح يجابوني عن طريق الاميل لو اكو مكان بموقع السفاره للأستفار يعني مثال (اريد اسألهم يابه شصار ويه الفيزا مالتي شو سنطه ) ??? ??? ??? ???

27
مشكورين يا احلى ناس ويا احلى عالم  ;D ;D ;D ;D ;D

28
ممنون ابو علاوي الورده  :-*

29
السلام  عليكم احبتي
والله رسائل الفيس بوك موتني الي جاي يجن على الياهو اجي الكه كله 1000 - 1200 رساله وارده من الفيس للياهو
ف اذا اكو طريقه الغي بيها ارسال الرسائل الوارده للياهو من الفيس بوك واني ممنون  :-* :-*

30
السلام عليكم
اني مشكور من الجهود المبذوله من اعضاء المنتدى وشكري الخاص الى الاخ (( جينفر )) على مساعدتي   :-* :-* :-*

31
الهجرة و واللاجئين / استفسار
« في: 23:41 01/02/2014  »
السلام عليكم احبتي
حبايب اليوم قدمت على فيزا سياحي لامريكا عن طريف ملأ الاستمارة الالكترونيه والحمد لله بعد عناء دام 3 ساعات تمت العمليه وبنجاح
سؤال كم الفتره على موعد المقابله  ادناها واعلاها ومشكوووووووووووور منكم

32
السلام عليكم يا احلى كروب اخوكم محتار ومحتاج مساعدت الناس الطيبين
مثل ماطرحت الموضوع السابق على جنابكم الكريم حول الهجرة الى امريكا احب اوضحلكم نقطه ابن خالي الي هو زوج اختي كان يشتغل مع القوات الامريكيه وهاجر عن طريق (iom) من بغداد وصارله سنه واختي اخذت الكرين كارت واريد اقدم على الهجرة ف شتنصحوني من الطرق التاليه
1. اقدم اني وعائلتي من بغداد على الهجرة
2. اخذ فيزا سياحي وهناك اخلي محامي (وماهي نسبه النجاح شكد تقريباً)( وتقريبا الفتره ادنى حد واقصى حد حته احسب حساب الفلوس)
3. اسافر سنكل لو اني وعائلتي ياهو الافضل (للعلم سنكل او عائلتي فقط لحساب الماديات لان الماديات تعبانه
واذا اكو طريقه افضل اني ما اعرفها لاتبخلون علينا بيها
واني ممنون من اجاباتكم الكريم ونصائحكم

33
تسلم حبي على المعلومات واني اتشكر منك بس عندي سؤالين الاول اذا اطلع مثل ماتفضلت فيزا سياحيه واشوف محامي شنو نسبه نجاح القضيه برأيك يعني اكو امل والثاني اختي تكدر تسويلي شي .....؟ واني ممنون منكم

34
مشكووووووووووووور على كل كلمة كتبتها
بس تدري يرادلي دراسه سنتين ياله احفظ الي كاتبه ..  ;D ;Dتحياتي

35
حبايبي اني اسف اذا ما جاي اوضح الموضوع بس هذا قله خبره من عندي
المهم (زوج اختي الي هو ابن خالي كان يعمل مع الامريكان وطلع لامريكا عن طريقهم وصارلهم سنه واختي اخذت الكرين اكدر عن طريقهم اقدم على لجوء .......؟ وشكرا الكم تحياتي :-* :-* :-*

36
ممنون ممنون من ردودكم
زين زوجها الي يكون ابن خالي يكدر سوي شي ؟

37
مشكور اخويه على الاجابه بس اني اريد لجوء اني وزوجتي وابني  :-*

38
مشكور اخويه من جهودك الطيبه على هذه المعلومات القيمه :-* :-*

39
السلام عليكم شلونكم انشالله بخير اني عضو جديد بالمنتدى
عندي استفسار اذا تكدرون واني مشكور منكم 
عندي اختي بامريكا وعندها الكرين كارت واريد اسافرلها شنو الاجراءات الي اسويها واني الممنون ;D ;D ;D

40
الهجرة و واللاجئين / شكر وتقدير
« في: 21:26 23/01/2014  »
السلام عليكم جميعا اول شي اريد اشكر كل من عمل في هذا المنتدى على قبولي معكم وياريت تقبلوني صديق
حبايب ممكن تساعدوني اني اختي بامريكا واريد اسافرله ياريت تشرحولي الخطوات الي اتبعها للعلم اختي عندة الكرين كارت واني مشكور منكم

صفحات: [1]