اخي الكريم لا تشيل هم ونسئل الله لكم الصبر الجميل والسهل ويسر عليكم الانتظار وبالنسبة لخمس سنوات اني كدامك تقريبا ثمان سنوات مرمرة وجرجرة وصدكني اهم شي الدعاء من الله لان بيده الامر من قبل ومن بعد فان قسم الك تطلع فوالله راح تطلع لو تنسد كل الاسباب والحدود وعليك فقط الاخذ بالاسباب مال الخروج من عدم التفريط بمواعيد الي ينطوها الك المننظمة وسياتي اليوم الي تشوف نفسك انه موعد سفر وان تكدر ان تاخذ نصيحتي مدام انت هناك ان ما كنت تعرف تسوق علم نفسك السياقة وان كدرت بل الافضل ادخل دورات انكليزي تفيد نفسك من تجي هنا تشوف نفسك تتقدم على الكثير من اللاجئين يعني راح تتفاجى انه تشوف وياك انواع واشكال من المهاجرين وليش فقط العراقيين الصيني والهندي والكيني والايراني وو وو فشلون راح تتميز من بين هولاء وخلي ببالك هذولة كلهم ينتظرون السرى وياك على الوظيفة وراح يزاحموك فانت علمود تسبقهم وتتميز وتعجل الامور الك وتختصرها علم نفسك هم ارخص يمكم وهم اسرع وما بيها اي عيب تثقف نفسك بكل الاحوال ان صارت وان ما صارت ونسئل الله لك ان يسهل عليك وتصير السفرة مالتك وتكعد تسولف النه هنا بالموقع ما صار وياك اثناء السفر وان شاء الله خير
تحياتي
أخي العزيز أونزووو
شكرا لتواصلكم وتفاعلكم مع الموضوع
نعم صحيح يجب ان نشغل انفسنا في أمور قد تفيدنا في المستقبل
ومع ذلك فانني حائز على الماجستير في الترجمة ولغتي الإنكليزية طليقة
وقد عملت في السابق رئيس لبعثات منظمات دولية أو نائبا لرئيس منظمة
وان جوازي مليء بفيز شنغن...
عملت في العراق و في نيجيريا وفي سوريا وفي الاردن وأخيرا في تركيا
كانت بعثتي مؤخرا وبصفة رئيس بعثة في تركيا وقد بدأت من 10 تموز 2013 و لغاية 10 تموز 2014... وقد تركت العمل حيث ان المنظمة اخبروني بان ملفي سوف يغلق ما لم ارجع الى الاردن لعمل الفحص الطبي.. ورجعت للاردن و عملت الفحص الطبي و طلعولي التشييك الامني والذي لا يمكن ان يتوقع مدته اي شخص... فهل هذا الامر صحيح؟ حيث ييأس الانسان و لا يصبح له اي هدف و تتبعثر حياته!!
أن المشكلة تكمن في الأنتظار غير المنظم حيث لا هدف للأنسان ألا أني يننتظر...
ولكن ألى متى؟ لا أحد يمكن حتى أن يطمأن المرء!
يعني هل نعمل الدكتوراه في الأردن!!!؟؟ حتى تكتمل الأمنية؟ يعني من 2010 لحد الآن لم تتكتمل هذه الأمنية!؟ وهل صحيح انه هناك أمنية و أمنية أخرى ما قبل السفر؟
أشكركم على تواصلكم و أسأل الله لك التوفيق في حياتك أخي أونزووو
مع أطيب التحيات
عرض المشاركات
