الرسائل

1

الهجرة و واللاجئين / رد: تفاصيل الملف من يوم التقديم لغاية الوصول الى بلاد العم سام

« في: 03:17 20/02/2015  »

،بس تره امريكا مو مثل ممتخيليها


احوية بلا زحمة اريدك اتوضحلي هاي العبارة الي لطالما اقرءتها من اخوة اخرين بالمنتدى... والحمد للله على سلامتك

الله يسلمك  اخويه ،اني ححجيلك المناطق مو امينه يعني اكو نسمع على حالات تسليب يعني انت وبالشارع احتمال واحد يجر عليك سجينه او مسدس ويسلبك اني مصارت بيه بس داسمع من الماس الهنا دومهم ينبهوني فلوس لتشيل وياك فهاي اول نقطه الهيه الامان .النقطه الثانيه الموسم بالشته  بارد فاذا ماعندك شغل فانت محصور بالبيت متكدر تطلع منا لهنا.الشغله الثالثه اذا هنا متشتري سياره هاي الله كتبها عليك ياما بالتكسيات والتكسيات نار او بالباصات وهي عباره عن اغلبية الناس محششه يعني مخدرات .الشغله الرابعه لحد يتوقع يجي يشتغل بشهاته او شغله محترمه اي واحد يجي يحلوله احتمال تشتغل منظف او تغسل سيارات  واذا مشتغلت يكطعون عليك المساعدات وانت تحير بنفسك .بس رغم هاي الامور هي حلووه للامانه واني مرتاح تقريبا بس يحتاجلي فتره اخذ على الامور الهنا لان مصارلي هوايه وان شاء انزللكم رقم تكدرون تخابروني ع الفايبر واجاوبكم بكل الاكدر عليه ويارب العراقين كلهم اشوفهم هنا

2

الهجرة و واللاجئين / رد: تفاصيل الملف من يوم التقديم لغاية الوصول الى بلاد العم سام

« في: 04:31 19/02/2015  »

الف الف الف الف الف مبروك والحمد لله على سلامة الوصول واتمنالكم
حياة سعيدة ومرزوقين ان شاء الله. ...
عادة كل المهاجرين والواصلين الى بلاد العم سام يحكمون على امريكا من خلال
مكان الاقامة الاول ..صحيح كلامك امريكا مو مثل ما مصوريها الكثيرين على انها
نعيم وأموال بلى حدود..ولكن بنفس الوقت هي طيبة من حيث النظام والقانون
اما من حيث المادة والربح فكلمن وقسمته ورزقه واكيد بالمقام الاول جده واجتهادة.
اذا ممكن اعطينا تفاصيل اكثر عن ولايتك والشغل بيها والمساعدات لان انب سامع
مساعداتها المالية زينة...وانت ممكن تعطينا ابلغ صورة ووصف لان انت ساكن بيها
واهل مكة ادرى بشعابها...
تحياتي

الله يبارك بيك حبي يوم الالك ان شاء الله  اني حاليا ساكن بديرهام طبعا اول موصلن المنظمه ماجرتلي شقه وايجاري بالشهر ٦٠٠ دولار هاي على حسابهم الى ان يلكولي شغل  اول موصلت انطوني ١٢٠ دولار وبطاقه اكل بيها ٧٠ دولار علما يطلع الفود ستامب  والضماان الصحي ثمان شهور يشمل حتى الاسنان  بس الناس البيها اغلبيتهم سود وبال ١١ تعزل المحلات وتقريبا توكف الحركه والجو حاليا دينزل ثلج بس مو كلش بارده مثل ما بنيو يورك لان. اني بقيت يوم بنيو يورك

3

الهجرة و واللاجئين / تفاصيل الملف من يوم التقديم لغاية الوصول الى بلاد العم سام

« في: 20:26 18/02/2015  »

السلام عليكم اخوتي:
راح انطيكم تفاصيل الملف مالتي اني قدمت على iom بتاريخ 25/12/2012 وموعد المقابله الاولى كان يوم 12/8/2013 والمقابله الثانية المحلفين يوم 12/6/2014 قبل متنغلق السفاره بغداد بايام وراها الفحص الطبي يوم ١٣/١١/٢٠١٤ هي بشهر ال ١١ بس مداذكر اليوم بالظبط وبتاريخ ٢ واحد لكيت التجيك الامني مكتمل وراها يوم ١٥ واحد حددولي موعد سفر يوم ١ ثنين ٢٠١٥ وطبعا جان جواز ابني بعده مطالع وجواز زوجتي باقيله شهرين ويخلص على العموم الجواز مال ابني طلعته ومدزيتلهميا لان طلعت الجوازات مالتنه بس مجرد نطلع بيها العمان ومناك تخلي بالجنطه وبعد متستعمله تستعمل اوراق ينطوكياها بالمطار تعتبر جواز،والاحلى من هذا الشي وين متصول يامطار تلكيهم كدامك يستقبلوك اني رحلتي جانت حيل متعبه وطويله لان بعمان ضلينه بالانتظار تقريبا ١٥ ساعه وراها بالمانيا ٨ ساعات وبتت بنيو يورك يوم وراها يلا وصلت الولاية كارولاينا الشماليه،ومن وصلت اجتي وحده استقبلتني ولكيتهم ماجريلي شقه وماثثيها وانطت كل واحد بينه ٦٠ دولار والثلاجه خالين بيها اكل وخالينه عشه مال نفرين ،وهسه راح احجيلكم على الولاية الاني بيها طبعا ولايه نسبة السود بيها ٩٠ بالميه بس الحلو بيها شغل هوايه وبال ١١ الناس تختفي من الشوارع واني مخلصها كاعد بالشقه وبس لان بارده ومابيها مكانات سياحيه بس الحمدلله وصلت وشتحتاجون من سؤال او استفسار اني موجود وان شاء الله سفر الجميع ،بس تره امريكا مو مثل ممتخيليها احنه بس هم الحمدلله

4

الهجرة و واللاجئين / رد: انلغت الرحلة مال اليوم

« في: 07:46 30/01/2015  »

الله يسهل عليك اكتبلنا شنو يصير وياك

ان شاء الله حبي بس اني خابروني وكالوا تجي الاحد ب 6 الصبح لمطار بغداد والله كريم

5

الهجرة و واللاجئين / رد: بعد وصولي الى امريكا بــ ٣ اشهر و نص

« في: 06:00 30/01/2015  »

حمدلله ع السلامة والله يسهل امورك

6

الهجرة و واللاجئين / رد: انلغت الرحلة مال اليوم

« في: 15:19 29/01/2015  »

اليوم خابروني وكالوا يوم الاحد تجي لمطار بغداد موعد سفر والله اعلم بعد

7

الهجرة و واللاجئين / رد: موعد الحباية

« في: 22:51 28/01/2015  »

كل أفراد الملف أخذهم ، وبالتوفيق ان شاء الله

اشكرك حبي بس هسه كل العدهم موعد سفر اجلوهم بسبب خطوط امملكة الاردنية

8

الهجرة و واللاجئين / موعد الحباية

« في: 22:35 28/01/2015  »

السلام عليكم
الباجر بحيل الله عندي موعد حباية بابن البيطار
سؤال ابني عمرة 11 شهر هم يحتاج اخذه وياية

9

الهجرة و واللاجئين / رد: انلغت الرحلة مال اليوم

« في: 19:07 28/01/2015  »

http://www.alarabiya.net/ar/arab-and-world/iraq/2015/01/27/%D8%A5%D8%BA%D9%84%D8%A7%D9%82-%D9%85%D8%B7%D8%A7%D8%B1-%D8%A8%D8%BA%D8%AF%D8%A7%D8%AF-%D8%A8%D8%B9%D8%AF-%D8%A5%D8%B5%D8%A7%D8%A8%D8%A9-%D8%B7%D8%A7%D8%A6%D8%B1%D8%A9-%D8%A5%D9%85%D8%A7%D8%B1%D8%A7%D8%AA%D9%8A%D8%A9.html

خبر الطائرة الاماراتية

10

الهجرة و واللاجئين / رد: انلغت الرحلة مال اليوم

« في: 19:06 28/01/2015  »

http://www.alarabiya.net/ar/arab-and-world/iraq/2015/01/27/%D8%A5%D8%BA%D9%84%D8%A7%D9%82-%D9%85%D8%B7%D8%A7%D8%B1-%D8%A8%D8%BA%D8%AF%D8%A7%D8%AF-%D8%A8%D8%B9%D8%AF-%D8%A5%D8%B5%D8%A7%D8%A8%D8%A9-%D8%B7%D8%A7%D8%A6%D8%B1%D8%A9-%D8%A5%D9%85%D8%A7%D8%B1%D8%A7%D8%AA%D9%8A%D8%A9.html

11

الهجرة و واللاجئين / رد: انلغت الرحلة مال اليوم

« في: 17:41 28/01/2015  »

نريد واحد من الرجعوهم يحجيلنه شصار وشكلولهم ترى كلوبنه صارت نار

12

الهجرة و واللاجئين / رد: انلغت الرحلة مال اليوم

« في: 15:31 28/01/2015  »

كان المفروض اكو سفر اليوم انلغت كل الناس ال موعدهم اليوم خطيه كلش صدمه عليهم يكولون بسبب اكو طياره اماراتية قبل كم يوم  صار عليها إطلاق نار واخترقت الرصاصة وقتلت طفله ما اعرف صدك جذب الله يرحم الجميع  والله يساعد الناس الي اتاجلت

الخبر صحيح واني المفروض السفر مالتي يوم 1-2 الاحد واعتقد راح يتاجل الموعد موخوش سالفة

13

الهجرة و واللاجئين / رد: حددولي موعد سفر

« في: 19:28 20/01/2015  »

تدلل حبيب قلبي
انا اقصد المدة الزمنية بين تحول التجييك الامني من فعال الى مكتمل
يعني شكد ظليت بلانتظار هذا اللي اقصده بدون زحمه عزيزي..
 يعني باختصار اشكد طول عندك (التجييك الامني) في حالة (الإنتظار) ثم اكتمل؟؟

حبي تدلل بس اوصل لاقرب لابتوب افتح لايميل وانطيكم كل التفاصيل

14

الهجرة و واللاجئين / رد: حددولي موعد سفر

« في: 19:14 20/01/2015  »

السلام عليكم..اخواني اني هسة فتحت الموقع ولكيت نزل عندي موعد سفر بنفس يوم سفر اخونا (مستر اكس) اللي هوة 1/feb لكن محد اتصل بية من المنظمة لحد الان على موعد السفر او موعد اخذ الحباية ولا اي تفاصيل..

حبي الف مبروووك وراح ادزلك رقمي علمود نتواصل لان اخذت الارقام الويايه

15

الهجرة و واللاجئين / رد: حددولي موعد سفر

« في: 20:48 18/01/2015  »

الف الف مبروك السفر وان شاء الله توصل بالسلامه

الله يبارك بيك ان شاء الله سفر الجميع

16

الهجرة و واللاجئين / رد: حددولي موعد سفر

« في: 17:42 18/01/2015  »

وبالنسبه الاخوتي البقيه الله يبارك بيكم

17

الهجرة و واللاجئين / رد: حددولي موعد سفر

« في: 17:41 18/01/2015  »

يعني يوم 15 واحد

18

الهجرة و واللاجئين / رد: حددولي موعد سفر

« في: 17:39 18/01/2015  »

السلام عليكم
الف مبروك اخي العزيز موعد سفرك
مستشفى بغداد الاهلي تقع في (شارع https://www.google.com/maps/place/%D9%85%D8%B3%D8%AA%D8%B4%D9%81%D9%89+%D8%A8%D8%BA%D8%AF%D8%A7%D8%AF+%D8%A7%D9%84%D8%A7%D9%87%D9%84%D9%8A%D8%8C+Nidhal+Street,+%D8%A8%D8%BA%D8%AF%D8%A7%D8%AF%D8%8C+%D8%A7%D9%84%D8%B9%D8%B1%D8%A7%D9%82%E2%80%AD/@33.3159478,44.426594,17.93z/data=!4m2!3m1!1s0x1557818f6ea13a7d:0x1f17277d4fab22c7?hl=ar-TRالنضال) بالقرب من ساحة الاندلس
وتتكون من بناء واحد عمودي..مستشفى ممتازة وتعاملهم حلو..من تفوت كدامك
الاستعلامات تكللهم انا جاي علفحص الطبي يم منظمة ال iom
وهي مركز معتمد ثاني للفحص الطبي...وانا سويت بيها عدة فحوص طبية.
وهذا رابط الموقع بالضبط دورتلك عليه بالنت حتى لا ادوخ بيه....
الرجاء عندي سؤال..كم استغرقت المدة من تحول السفر من الانتظار الى مكتمل عندك؟؟

الله يبارك بيك اخويه جواب يشفي الكلب
حبي السفر صار انتظار وره راس السنه ويوم الخميس الراح حددولي موعد يوم 15

19

الهجرة و واللاجئين / حددولي موعد سفر

« في: 15:36 18/01/2015  »

السلام عليكم اخوان.
طبعا اني اسف على الانقطاع طبعا حددولي موعد سفر يوم 1 feb واليوم اتصلوا بيه وكالوا الباجر لازم زوجتك تفحص بمستشفى بغداد والحباية يوم 29/1
سؤال يرحم اهلكم مستشفى بغداد وين؟
ويارب الكل تسافر

20

الهجرة و واللاجئين / رد: الى خبراء IOM العراق-رجاءا ان لاتبخلوا بالمساعدة-ارجوكم

« في: 19:40 15/01/2015  »

مثل ماكلك اخونه تفرج وان شاء الله تفرج

21

الهجرة و واللاجئين / رد: موقع عمان اشتغل قبل قليل

« في: 22:01 13/01/2015  »

نفس الشي ماكو تغير

22

الهجرة و واللاجئين / رد: رفض طلب اللجو

« في: 18:18 12/01/2015  »

السلام عليكم ورحمة الله وبركاته:
الاخوه ولاخوات الاعزاء انا كنت غائب عند المنتدي منذ حوالي 8 شهور او اكثر وذلك بعد حصل التحديث الاخير للمنتدي ,
اما الان فانا اعود مره ثانيه بعد تسجيل الدخول وتغير كلمه المرور, لكن ليس لدي اخبالر ساره الان موضوع طلب اللجو قد رفض بعد انتظار طويل منذ 2011 ويذكروا لي باني غير موهل للطلب اللهجر كون ان طلب اللجو هو لمخاوف انسانيه, ما اعرف شنو هذا يعني لكن هم ايضا منطين خيار الاستئناف او الاعتراض خلال فتره 90 يوم, انا بعد ما اجى الرفض قدمت الاعتراض ومنتظر رحمه الله سبحانه وتعالي.
لكن سوالي ما مدى فرصه تفعيل الملف مره ثانيه والسفر وشكرا لكم جميعا

لازم تذكر تهديد قوي

23

الهجرة و واللاجئين / رد: ارجو النصيحه من عندكم

« في: 13:20 08/01/2015  »

السلام عليكم ورحمة الله وبركاته ...

اخواني احب استفاد من خبرتكم  وعندي كم سؤال

كم المبلغ الذي ااخذه معي للولايات المتحده ( للمعلومه انا شخص واحد فقط )

بالنسبه للمساعدات هل تكفي ام لا ؟؟؟ 

بالنسبه للمبلغ المالي اذا يعطوه في الولايات المتحده كم المبلغ وبالشهر كم الراتب ؟؟

ياريت تفيدوني .... اشكركم مقدماً

تحياتي لكم

ترة المساعدات هناك تختلف من ولاية الى ولاية حسب ما مره صديقي سالني والله اعلم نشوف الاخوه شراح يجاوبوك لان همه افهم وادرى مني بهاي السالفة تحياتي الك وتوصل بالسلامة

24

الهجرة و واللاجئين / رد: اخوان موقع عمان مديفتح عندي الرجاء افادتنا برايكم

« في: 13:05 08/01/2015  »

السلام عليكم اخوتي واخواتي في المنتدى الكرام مشكلة عندي اليوم بموقع عمان كلما افتح الموقع يطلع لي الصفحة غير متوفرة وجربت من غير جهاز من الموبايل نفس الشي اللي عندة هيج شي ممكن يفيدني
واكون شاكر وممنون
اخوكم قيس

نفس الشي يمي هم اظاهر المسألة عامة

25

الهجرة و واللاجئين / رد: ارجو المساعدة/التشيك الامني عندي اكتمل

« في: 08:45 08/01/2015  »

السلام عليكم
حبيبي وعزيزي وتاج راسي
أبداً أبداً أبداً لاتترك هاي الفرصة لان هاي الفرصة ثق بالله ما تتكرر طول حياتك
وثق اذا ما رحتو علموعد وسافرتو راح تكتلكم الندامة طول عمركم....
وبابنسبة ل زوجتك اكللها:اختي العزيزة رجاءاً لاتخلين هاي الفرصة تروح من عدكم
وثقي بالله ابد ما راح تتكرر.اذا ما لخاطركم لخاطر ابنج تروحون هةاك يكبر ويتعلم احسن
تعليم وتعيشون كلكم احسن عيشة وبالنسبة ل دراستك ةكدرين تكملين هناك وتحصلين شهادة
من جامعة أمريكية لها وزنهابكل دول العالم...مو مثل شهاداتنا....
بعدين اذا تركتو هذه الفرصة ما راح تتكرر مرة ثانية وثقي بالله الناس كاتلة نفسها عتريد تطله على اوربا
وأمريكا وكندا ويعطون دفاتر وملايين واكو يموتون بالبحر بس في سبيل الهجرة الى بلد محترم مثل امريكا
وانتو تجي الى يمكم وتعوفوها تره زحمة كللللللش....
نصيحتي الشخصية:::اذا انتي حريصة على دراستج اوكي وهذا من حقج انا راح اعطيج حل ثاني
اذا ماكنتي تريدين اداومين بجامعة امريكية وتكملين او تشوفيها صعبة فالحل الثاني هو
تروحين باجر للكلية وتطلبين تاجيل العام الدراسي الحالي واتوكلي هلى الله وسافرو كاكم
وهناك تقريبا سنة وراح يعطوكم الكرين كارت فمن تحدصليخا فورا طيارة وعلى بغداد
تسجلين  مباشرة واداومين الى ان تتكملين السنة الدراسية وتتخرجين بخير وسلامة وترجعين
مرة ثانية على امريكا وبخاي الحالة ما راح تخسرين شي..والسنة هذه اللي راح تاجليها تعتبريها
تغيير لغرض  السياحة....
هذه نصيحتي واعتقد جدا مفيدة وعملية وتخدمج...
تحياتي

عاشت ايدك واشكرك على هاي النصيحة الاكثر من الرائعة وراح اقريها الرسالة نصا وشكرا جزيلا مرة ثانية

26

الهجرة و واللاجئين / رد: عمل في العراق

« في: 08:43 08/01/2015  »

السلام عليكم

أرجو المساعدة بايجاد فرصة عمل في العراق  او الخليج مع العلم عندي الجنسية الأمريكة . البحث والتقديم اون لاين اصبح مضيعة للوقت . العلاقات والمعارف  اصبح العامل الرئيسي في التوظيف في كل دول العالم هذا ما تأكده معظم البحوث والتقارير. عمل في مجال الترجمة او الإداريات او ما شابه ذلك. حاولت على شركات النفط في البصرة  لكن لم أستطيع الوصول للشخص المناسب للتوظيف. على العموم أتمنى المساعدة وجزاكم الله الخير والعافية.

حبي نزل السي في الخاص بيك علمود اليدخل وعنده معارف بلكت ايسهل امرك واكو مكتب بالكرادة خارج يم مثلجات بلوط اسمة زين بغداد مال توظيف يلكي شغل

27

الهجرة و واللاجئين / رد: مشاركة اسماء الادوية المتوفرة في السوق والسوبر ماركتات لمعرفتنا بصعوبة الحصول على الادوية وكثرة الروتين ؟؟؟موضوع جدا مهم للواصلين لاميركا وللقدماء

« في: 10:12 07/01/2015  »

الاخ العزيز اونزو المحترم وكل الاخوة الكرام ادناه ادوية يطلق عليها Over- The - Counter اي انها تصرف بدون وصفة طبية وهذا لايعني الاستغناء عن مشورة الطبيب لان الطبيب راح يقوم بفحص وطلب تحاليل للمريض اضف على ذلك هنالك موانع استعمال في بعض الحالات الطبية مثل ارتفاع ضغط الدم والسكري. لكن تبقى هذي الادوية الخيار الامثل للحالات البسيطة . مع تمنياتي لكم بدوام الصحة والسلامة.
ملاحظة: كتبت اسم الدواء التجاري والطبي والحالة للاستخدام ويكفي انو تسوي سيرج بالـ google الصور حتى تعرف شكله على الرفوف .

*Pain and Fever: مسكنات الالم وخافضات الحرارة
-Acetaminophen براسيتول للحرارة او الالام البسيطة

-Motrin او Advil وهو البروفين وهو مسكن جيد ومحارب للالام المصاحبة للالتهابات مثل حصوة الكلى وحصوة المرارة

-Naprosyn, Anaprox, and Aleve
هذولي كلهم نابروكسين Naproxin وهو مسكن ذو فعالية ذات مدى طويل وياخذ مرتين يومياً


Cough: السعال
-Delysm,
- Pedicare,
- Robitussin,
-Scot-Tussin,
-St. Joseph,
- Theraflu,
-Triaminic,
-Vicks 44
وهذي الاسماء كلها تشير الى دواء الي هو Dextromethorphan لعلاج السعال، لا يعطى للاطفال تحت سن ٤ سنوات. ولايستخدم مع الادوية المثبطة للجهاز العصبي المركزي

-Robitussin, Mucinex : هذولي مذيبات للبلغم او مقشعات

- Cepacol: قطرات او بخاخ في حالة التهاب البلعوم او الحنجرة للتخفيف من الالم

- Auralgan: قطرات للاذن للتخفيف من الم التهاب الاذن

- Anbesol: لالم الاسنان والم تقرحات الفم

- Benadryl:   
مضاد للحساسية ولحالات انسداد الانف وتدمع العين.يسبب النعاس وهو الالرمين بالعراقي .

- Claritin: هو اللوراتدين الخاص بالحساسية لكنه لايسبب النعاس مثل الاول،

- Zyrtec: مضاد حساسية لايسبب النعاس

- Allegra: مضاد حساسية لايسبب النعاس


Upset Stomach:اضطرابات المعدة

- Pepto-Bismol (Bismuth subsalicylate) : علاج لاضطرابات المعدة والحموضة وعسر الهظم والغثيان وحتى الاسهال يسبب تلون الخروج فلا تخف من ذلك، لايعطى للرضع والاطفال الصغار ولا للامهات المرضعات.

- Gas-X, Phazyme
(Simethicone) : حبوب تستعمل لتخفيف انتفاخ المعدة والغازات وعادةً تؤخذ بعد الطعام ولا تبلع بل تمضغ

- Dramamine ( Dimenhydrinate ) دواء يستخدم للدوار والغثيان وايظاً
مفيد في حالات دوار الحركة

- Emetrol: يستعمل لعلاج حالات الغثيان والقيء ولكن لايستخدم من قبل مرضى السكر لاحتوائه على سكر عالي

- Caltrate 600 , Os-Cal 500, Rolaids : مضادات حموضة تعمل حال استعمالها

Constipation الامساك

- glycerin suppositories: تحاميل غليسرين
- Correctol, Dulcolax ( Biscodyl)
حبوب او شراب ملين للامساك.
- Ex-lax, Senokot( Senna ): من اكثر الادوية شيوعاً كملينات في الولايات المتحدة.

Diarrhea: الاسهال
- Imodium A-D ( Loperamide )
لعلاج الاسهال

Allergies and Itches : الحساسية

- Nasalcrom ( Cromolyn sodium) بخاخ يستعمل في حالات الحساسية للانف .

عاشت الايادي ياوووورد

28

الهجرة و واللاجئين / رد: الحمد لله تم تحديد موعد السفر

« في: 10:03 07/01/2015  »

الف الف مبروووووك توصل بالسلامة ياولاية؟

29

الهجرة و واللاجئين / رد: ارجو المساعدة/التشيك الامني عندي اكتمل

« في: 07:06 07/01/2015  »

اخويه احب ابشرك ان شاء الله عن قريب سفرك ....  لان اني اول امس اصبح السفر انتظار واليوم تم الاتصال بي وحددولي موعد سفر بداية الاسبوع المقبل

تحياتي لك

اشكرك حبي بس لاصدك لان عندي هواية مشاكل لاسيارتي بايعا ولا غراضي والسالفة الكبرى زوجتي متقبل تسافر لان هي مرحلة رابعة ومتقبل تعوف كليتها واني ميت قهر لان هاي الفرصة ماعتقد بعد تنعاد

30

الهجرة و واللاجئين / رد: ارجو المساعدة/التشيك الامني عندي اكتمل

« في: 19:27 06/01/2015  »

مرحبا اخي العزيز
بشرنا مو حددولك موعد سفر؟؟؟

مرحبا
والله اسف واعتذر من الاعضاء النت يمي فدمرة منتهي بالكوه افتح
حاليا خلصت الامنية وموعد السفر صار انتظار

31

الهجرة و واللاجئين / رد: ارجو المساعدة/التشيك الامني عندي اكتمل

« في: 13:32 03/01/2015  »

....زين شلون قدمت لابنك اذا هو ماعنده جواز ...يعني من دزيت المستمسكات ..اذا مقدمله على الجنسيه خلص طلعله جواز ماكو مشكله ..وبالنسبه لزوجتك بعد عندك وفت لاتستعجل وتجدده اخاف يطلع السفر قريب ..مع امنياتي بالسفر القريب يارب ابو علي البغدادي

ابني قدمتلة على بيان الولاده لان وره شهرين من اجة على الدنية سولي مقابلة ثانية ..واني انشغلت بالشغل ومستمسكاتي كلها قديمة وكلما ديصير عندي وكت دامشي بوحده منهم..والله كريم اني خوفي لا ادزلهميا ويتاخر السفر

32

الهجرة و واللاجئين / ارجو المساعدة/التشيك الامني عندي اكتمل

« في: 12:18 03/01/2015  »

السلام عليكم
اليوم اكتمل عندي التشيك الامني بس عندي مشكلتين اني لحد الان مدازلهم جواز ابني لان ماعنده وثاني شي جواز زوجتي يخلص بشهر السادس فشسوي والله حرت اطلع جوازات وادزلهميا ؟واخاف هم لينفتح التجيك مرتلخ وشكرا الكم ياورود

33

الهجرة و واللاجئين / رد: الحمد لله اصبح التشييك الامني مكتمل

« في: 12:12 03/01/2015  »

السلام عليكم

حبي اني هم هسه نفس الشي هم كمل عندي التشيك الامني بس عندي مشكلة جواز زوجتي راح يخلص بشهر السادس والشي الثاني اني مدازلهم جواز ابني لان لهسه ممطلعله جواز

34

الهجرة و واللاجئين / رد: معقولة هذا التأخير ،، رجاء اخوي من اصحاب الخبرة ،، ولو جواب واحد شافي

« في: 23:09 15/11/2014  »

مرحبا اخي شكرا علی مرورك
هل حالة ملفك نفس حالة ملفي
الملف معلقة والمحلف فعال
ومتی قابلت محلف ومتی استلمت النتيجه

مع الشكر
اخوك سندباد

حبي اني قابلت محلف يوم 12-6 وهمصارت حالة الملف معلق بس الاربعاء خابروني ورحت فحصت وهسه عندي الفحص فعال...وقبل فترة هم جانت عندي نفس المشكلة ونفس الوقت ويه الاخ ابو كارتونه

35

الهجرة و واللاجئين / رد: شلون اكدر اسحب اهلي من العراق على الاي او ام

« في: 13:21 15/11/2014  »

up


الزوجه يصير هم تسحب اهلها؟

36

الهجرة و واللاجئين / رد: معقولة هذا التأخير ،، رجاء اخوي من اصحاب الخبرة ،، ولو جواب واحد شافي

« في: 21:38 11/11/2014  »

حبي اني وياك نفس الرساله وصلتنه بس اليوم خابروني وكالوا على باجر الفحص هم اجتني الدفرل لتررر والله يسهل امرك

37

الهجرة و واللاجئين / رد: شباب وصلتني رساله من iom ومداعرف تفسيرها فدوة مساعدتكم

« في: 07:56 04/09/2014  »

طبعا نفس قصتنه بالظبط واحنه قابلنه 6/10 محلفين ونفس هالرساله وصلتنه..بس سؤال للاخوان يعني اذا يتصلون عالفحص وره هذي الرساله معناهه شنو؟؟ تاخير بالسفر لو شنوووو ..والله راح نتخبل ذوله شديلعبون بينه اسوء دائره عدنه متبيت المعامﻻت كل هالفتره!!!

واكو واحد لاخ هم ويانه نفس الموعد مقابل وهم جته نفس الرساله محد ديفسرها عدل 

38

الهجرة و واللاجئين / رد: وصلتني الرسالة اليوم ،، الساعه ١٢:٥٧ يالله شباب تحليلاتكم

« في: 20:37 03/09/2014  »

حبي نفس الرساله الوصلتني ومعرفت معناها ونزلت بيها موضوع وصايبتني الكئابة وهاك شوفها

ويمكن اني وياك نفس الوقت اني مقابلة المحلف بتاريخ 12-6-2014

39

الهجرة و واللاجئين / رد: وصلتني الرسالة اليوم ،، الساعه ١٢:٥٧ يالله شباب تحليلاتكم

« في: 20:34 03/09/2014  »

حبي نفس الرساله الوصلتني ومعرفت معناها ونزلت بيها موضوع وصايبتني الكئابة وهاك شوفها

40

الهجرة و واللاجئين / رد: شباب وصلتني رساله من iom ومداعرف تفسيرها فدوة مساعدتكم

« في: 19:47 03/09/2014  »

اي لعد مثل ماكتلك  قيد الدراسة  بس انشاءالله خير ولو رح تتاخر شوية اكثر من الطبيعي بس بلكت كيسك بي شي مهم يخليهم ميأخروك  ويدزولك الموافقة او يبلغوك فحص
تحياتي

الله كريم عسى ان تكرهوا شئ وهو خير لكم 

41

الهجرة و واللاجئين / رد: شباب وصلتني رساله من iom ومداعرف تفسيرها فدوة مساعدتكم

« في: 18:19 03/09/2014  »

اي مثل ماكلك  وحده من ثنين لو يدزولك ايميل بالموافقة  لو يدزولك فحص يعني هم موافقة  بس بيها حبة تأخير وانشالله تسافر
زين شوكت قابلت المحلف ؟

12/6/2014 ويه مطبوا للموصل 

42

الهجرة و واللاجئين / رد: شباب وصلتني رساله من iom ومداعرف تفسيرها فدوة مساعدتكم

« في: 17:54 03/09/2014  »

وهاي تفاصيل الملف مالتي

43

الهجرة و واللاجئين / رد: شباب وصلتني رساله من iom ومداعرف تفسيرها فدوة مساعدتكم

« في: 17:46 03/09/2014  »

شكرا شباب على مروركم وجوابكم,بس اريد رد يريح كلبي,وشكرا الكم مرة ثانية

44

الهجرة و واللاجئين / رد: شباب وصلتني رساله من iom ومداعرف تفسيرها فدوة مساعدتكم

« في: 17:45 03/09/2014  »

اخي نيمرو  هذي موموافقة مشروطة بالامنية   لو تقرة المكتوب يكول ملفك محتاج مراجعات اضافية للحصول على صفة لاجئ الى امريكا  يعني قيد الدراسة وهذي الرسالة اجتي لولد صديقي قبل 3 سنوات  وكل مايتصل بالمنظمة يكولوله بعد ماكو قرار نهائي بخصوصك (( يعني قيد الدراسة ))
تحياتي لحضرتك

حبي اني مكمل مقابلتين ودانتظر علساس الفحص الطبي صيقك نفس الشي,اشو كلبي كام يلعب,وليش ينطون هيجي شي؟

45

الهجرة و واللاجئين / شباب وصلتني رساله من iom ومداعرف تفسيرها فدوة مساعدتكم

« في: 17:17 03/09/2014  »

السلام عليكم..
اليوم اجتني رساله من المنظمه بس اشو مدافتهمهم مره كاتبين تاجلت مره كاتبين لتبيع غراضك بلكت احد يفهمني وهاي الرساله تأثر على ملفي بشي 





Deferral Letter
Case Number: IZ-
Dear Sir/Ma’am,
The International Organization for Migration writes to inform you that a final decision about your case has not yet been made. Your case has been deferred by U.S. Citizenship and Immigration Services (USCIS) for the reason indicated in the attached letter.  
Please understand that this deferral does not mean that your case has been denied. Decision deferrals indicate that further review of your eligibility for refugee resettlement in the United States is necessary.
Your case will continue to be processed.  When there are updates on your case, and a final decision is made, you will be notified. Moreover please note NOT to sell your belongings, quit your job etc, since the International Organization for Migration will be contacting you two weeks prior to your departure date, as we can’t expect how much time it can take till you depart.
You will find a scanned copy of your decision deferral letter attached to this email.
It is very important that your reply to this email (do not send a new, separate email) to confirm that you have received this email and the attached letter.
When you reply please write the following:
 “I confirm that I have received this email and the attached decision letter for my refugee case with the United States Refugee Admissions Program.”
Kindly include your full name in your reply.
  Please note that if your case is approved you do not have the option of picking a departure date or delay your case for any reason, and once you receive a date for departure, you must make plans to leave the country you are currently residing in for the United States on the assigned date.
 
Best Regards,
وهذا المرفق مالتها 

46

مواضيع الحياة العامة في بلاد المهجر (امريكا) / رد: شلونكم يا حلوين اني وصلت أمريكا

« في: 10:50 03/09/2014  »

الف الف مبروووك حبي