الرسائل

1

الهجرة و واللاجئين / رد: UN ماليزيا والتوطين

« في: 09:43 24/02/2015  »

الله يساعدكم حبيبتي ويارب يحددولكم السفر باسرع وقت يارب الخطوة الزينة هم اتصلو بالكفيل اني اهلي بين مقابلة المحلف والسفر مطولو غير 6 اشهر بس بين البري سكريننغ وبين المحلف طولو سنتين يلا قابلو والحمدلله هسة مستقرين ومرتاحين وكل الحجي الي نسمعة عن امريكا مو صحيح بالعكس الي يتعب نفسة ويحصل شغل يعيش مرتاح ويارب ايدكم بايدهم وتسافرون باقرب وقت
اني وضعي يختلف شوية فرحت من قتيلي الوزن 46 لان عندي هواي كتب ولازم اخذها وياي لان مهمات كتب دراستي وكتب اني مشتريتها منا ومهمات بالنسبة الي ولزوجي وعندي طفل هم يعني مستلزمات هواي ومتعلقات تاخذ وزن
الاسعار مال الملابس بالفعل مقاربة جدا لهنا اذا مو ارخص بس تبقى اشياء ضرورية لازم تنوخذ منا وقتلج حسب الولاية الي انتو راح تكونون بيها اذا باردة فاكيد ماراح تكدرون تاخذون شي منا اما اذا الولاية جوها معتدل لا اخذي شغلات الي تشوفيها خفيفة وسهلة بالنقل
ويارب الاستقرار والسفر القريب للكل ياااارب

2

الهجرة و واللاجئين / رد: UN ماليزيا والتوطين

« في: 15:02 17/02/2015  »

مساء الخير
تسلمين على المعلومات القيمة
طبعا 46 كيلو كلش ممتاز يعني ميحتاج الواحد يدز طرد
ليش اتريدين جنطة وحدة ترة هي نقلة كبيرة واكيد راح تحتاجون شغلات هواي لحد متستقرون وطبعا يتبع الولاية الي انتو بيها اذا جانت باردة فمراح تكدرون تاخذون ملابس شتوية منا او اذا لا جوها صيفي فاكيد منا احسن وعلى العموم هي الاشياء للفترة الاولى بس بالاضافة لبعض اشياء البيت الضرورية مثل استكانات جاي وهلسوالف اعتقد متاخذ اكثر من 46 كيلو للشخص ومن توصلون اذا عدكم طيران داخلي فهمو الي يسون جيك ان على التفاصيل اكيد راح يتعاطفون وياكم

صدك هي من السفرة كبل لامريكا لو بيها ترانزيت ؟؟
بالنسبة للمحلف هو زوجي صاحب الملف فالمقبلة اتكون احنا كلنا يعني اني وياه سوية مثل البري سكريننغ لو كل واحد وحد لو شلون

لان اهلي من قابلو قبل 6 سنين جانو كلهم سوية وسوو القسم بعدين اسئلة واجوبة وراها طلعوهم وبقو بابا هو المقابلة وياه جانت ساعتين ونص فهل هنا نفس السياق لو لا
يارب السفر القريب للجميع واهم شي الاستقرار

3

الهجرة و واللاجئين / رد: UN ماليزيا والتوطين

« في: 07:09 11/02/2015  »

صباح الخير

اي عمري اذزلنا صور وبصراحة المقابلة جانت حيل مخربطة ومزعجة ومبهذلة هم ابد ماحسيتها مفتهمة القصة وهم جانت متعاجزة من روحها
كلش زين من اتصلو على الكفيل يعني راح للمنظمة وقع لو بعدة؟؟ ان شاء الله السفر قريب مدام اتصلو ع الكفيل لاتشيلين هم كلها مسئلة وقت بسيطة ان شاء الله متطولون وتجين اسبوع الجاي تفحينا بخبر السفر
الشغلة الوحيدة الزينة الي قالت عليها هي العنوان الكفيل كلش فرحت بيه وقالت هاي خطوة كلش مهمة لان الكفيل يكون والدي ووالدتي

الله كريم احنة حاطين بالنا تطول اكثر من سنتين حتى لا نحس بالوقت طويل
صدك عندي سؤال شكد الوزن المسموح بيه يعني جنطة 23 لو جنطتين 46 ولو هو سؤال كلش مستقبلي

4

الهجرة و واللاجئين / رد: UN ماليزيا والتوطين

« في: 07:50 10/02/2015  »

صباح الخير
البارحة كانت مقابلتنا الساعة سبعة ونص الصبح وصلنا ب السبعة واخذنا رقم وانتظرنا يجي المترجم حتى يحجي ويانا تقريبا للساعة 10 طبعا المترجم ما كادر يجي فرادت المقابلة تاجلنا للاسبوع الجاي طبعا كنالها ممكن انسوي المقابلة بلانكليزي منحتاج المترجم
قابلنا طبعا ما سالتنا اي اسئلة بس قرت النا القصة الي دازيها اليو ان الهم وقالت اذا بيها غلط صححولي
اكو اشياء صححناها مثل التسلسل الدراسي وشي من بالقصة ووقعنا على الاوراق انطيناهم عنوان الكفيل وكل شي وقالت هسة تنتظرون السكيورتي جيك يخلص يلا تقابلون محلف فقنالهم شكد يعني قالت سنة يلا يخلص التجيك الامني

زين احنة ماعدنا احد بالعسكرية وعايفين العراق ورا 2003 فعلا اتطول هلكد التجيك الامني الله اعلم
طبعا متعتبر مقابلة تعتبر ملي معلومات بس لان ماكو اسئلة ولا شي ونطونا الباسورد والموقع وجيكت الموقع وشوفو انتو المعلومات

MY-******

UNHCR Number: *********

Case Size: 3

Primary Applicant: **************

Date of Birth: ************

Phone numbers:
*****************

Email addresses:



Update Contact Information

Appointment dates are approximate. Always wait for your confirmation phone call and follow the directions of RSC or IOM staff.

Activity   Status   Appointment Date (if applicable)
DD-MM-YYYY
Prescreen Interview Status   Requested   
USCIS Interview Status   No action   
Medical Status   No action   N/A
Security Clearance   In process   N/A
Cultural Orientation Status   No action   
Travel Status   No action]

   

وهذا كل الي صار ويانا اي شي جديد اجي اكللكم

5

الهجرة و واللاجئين / رد: UN ماليزيا والتوطين

« في: 15:40 01/02/2015  »

شكرا اخي male alone على الموقوع واحنة مقابلتنا بشر ل 2 مقابلة OPE وقالت الموظفة انه راح يطونا باسورد والموقع وان شاء الله اقدر اشيك على الموقع واشوف حالة الملف
طبعا بالاتصال قالت الموظفة بباقيلكم البري سكريننغ بس من حددو المقابلة قالو اسمها OPE واعتقد هي نفسها لان طلبو كل الاوراق الرسمية من نقابل احجيلكم التفاصيل
ان شاء الله السفر القريب للكل والاستقرار

6

الهجرة و واللاجئين / رد: مقابلة (OPE) ماليزيا

« في: 11:45 10/01/2015  »

55 مشاهدة وماكو ولا رد معقولة يعني

7

الهجرة و واللاجئين / رد: دوخوني المنظمه

« في: 16:19 08/01/2015  »

السلام عليكم
حبيبتي هم المنظمة متطلع منهم حجاية مضبوطة ويشلعون القلب واني اشوف التفاهم وياهم بالايميلات احسن وهذا الرقم الي عندي هو والايميل الي ادزلهم عليه رسائل ويجاوبني بالاستفسارات
03-21415846
KLInquiries@rescue.org طبعا راح يدزولج رد اوتوماتيكي عادي وراها يتصلون بالتلفون ورا اسبوع او ثنين بس احسن من ماكو

8

الهجرة و واللاجئين / مقابلة (OPE) ماليزيا

« في: 16:14 08/01/2015  »

السلام عليكم
يارب الكل يكونون بخير

قبل يومين اتصلو بينا الي UN وقلولنا عدكم مقابلة بشهر الثاني واسمها Overseas Processing Entity (OPE) وطلبو من عدنا نجيب كل الاوراق الرسمية وهل الجوازات صالحة لو لا ايضا طلبو عنوان الكفيل وطريقة الاتصال بيه

ممكن الي عندة معلومات عن هاي المقابلة ينطينا نبذة عنها وهل هي مقابلة مثل بقية مقابلات ال UN لو بيها اختلاف

ملفنا من ماليزيا سنة 2010 وتحولنا للتوطين بسنة 2014 وهاي تعتبر اول مقابلة بعد اتصال التحويل للتوطين
وشكرا مقدما

9

الهجرة و واللاجئين / رد: UN ماليزيا والتوطين

« في: 16:26 06/01/2015  »

الله يساعدكم حبيبتي ويسهل امركم يارب
هم هنا يتعاملون ويا الملفات بشكل مو انساني يعني احنا كداهم رقم لا اكث ولا اقل ومن يجي السرة يصيرون هم متفضلين علينا بس هو غير هذا الواقع المر الي دنعيشة وحياة اللا استقرار بس هم نكول يالله بلكي الله يسهل ونستقر بيوم من الايام 

احنة ممخلين وقت محدد بالنا للسفر حتى لا ناثر على حياتنا ومخليها على الله شوكت متجي الف الحمدلله
وخصوصا بعدنا بداية الطريق (( الي صارلة 7 سنين  ))

10

الهجرة و واللاجئين / رد: UN ماليزيا والتوطين

« في: 12:40 06/01/2015  »

اشكركم على الرد
عيني Dono malaysia احنة من اتصلو بينا قالو اخذو الموقع من البقية يعني اكيد اكو موقع بس تعرفين محد يساعد احد هنا
على العموم هم اليوم اتصلو وقالولنا عدكم مقابلة OPE اشو اني مسامعة بهاي المقابلة قبل يعني المفروض pre interview screening مو يعني هي نفسها لو هاي غيرها والله ماعرف طبعا قالولنا جيبو عنوان الكفيل وطريقة الاتصال بيه والله كريم على العموم المقابلة بشهر الثاني ومن نكملها اجي احجيلكم التفاصيل واكيد راح اطلب منهم الموقع بلكي ينطوه النا
انت وين واصل ملفكم؟؟

المهندس الزورائي شكرا لجوابك بس يعني شلون نقللهم هيج غير يطلبون اثباتات بعدين احنة صارلنا بماليزيا كومة مو منطقية نجي نحجي هلحجي خصوصا الوضع بماليزيا مستقر نسبيا والمشاكل بينهم ملهم دخل بالاجانب خاف نخطي هيج خطوة وتخرب الشغلة خصوصا مقبل 6 اشهر ماليزيا صدرت قرار الي يحمل وثيقة ال UN ميترحل يعني مترهم هاي السالفة وبيها مخاطرة
الاقامة هي العامل المهم والي قلنالهم عليه والله كريم

ياريت يبقى الموضوع مفتوح لكل الي مسجلين بماليزيا حتى واحد يشجع الثاني وينطي امل للبقية لان الكل يعرف التسجيل من ماليزيا بطلاع الروح يلا يطلع وتاخذ وقت كلش طويل

11

الهجرة و واللاجئين / رد: UN ماليزيا والتوطين

« في: 05:58 05/01/2015  »

شكرا الك اخي
بالفعل احنة ممتاملين لان مثل ما قلتلكم احنة مقدمين من 2010 كعائلة قبلها زوجي جان مقدم ملف وحدة من 2007 يعني نعرف نفسهم هنا كلش طويل بس هسة صارت هلتطورات ردت اعرف شنو المقابلات الي راح تمر علينا يعني المفروض باقيلنا مقابلتين وبعدين الفحص هاي اذا وصلنا لهاي المرحلة 
طيب عندك رابط الموقع لتجيك حالة الملف لان مقبلو ينطو النا ومن بحثت ملكيت هيج شي اذا عندك اكون ممنونة الك
شكرا الك مرة ثانية

12

الهجرة و واللاجئين / رد: UN ماليزيا والتوطين

« في: 15:21 01/01/2015  »

الف شكر اخ ابو حيدر
يعني ان شاء الله الموضوع بيه امل
هنا ميتاحجون بالكوة افتهمنا الشغلات منهم
بالنسبة للموقع مقبلو ينطونياه قالو اخذو من البقية لان يعرفو احنا ماعدنا علاقات هواي هنا
بالنسبة للشهايد اني وزوجي مهندسين وعدنا شهادة الدكتوراه يعني ممكن تتعادل هناك واذا عندك معلومات شنو التصديقات الي لازم نسويها هنا قبل لا نطلع مدام اكو وقت هواي حتى لا تتوازة الشغلة هاي اذا انقبلنا

مرة ثانية الف شكر الك

13

الهجرة و واللاجئين / UN ماليزيا والتوطين

« في: 10:26 01/01/2015  »

مساء الخير على الجميع
كل عام وانتو بالف خير ويارب هاي السنة اتكون احسن من الي قبلها

اني وعائلتي مقدمة على ال UN من ماليزيا من ال 2010 وقبل شهرين اتصلو علينا قلولنا طلعت الكم امريكا تقبلون لو لا اكيد وافقنا وانطيناهم الجواب بنفس الوقت مع العلم هم قلولنا نتصل بيكم بعد ساعة وانطونا جوابكم النهائي بس احنا قنالهم انريد امريكا والحمدلله واتشكرنا منهم
الي صار بعدها دزولنا رقم الكيس بلايميل والي يبدي (MYxxxxx) المهم لحد هسة متصلو علينا على الخطوة التالية يعني شنو راح يصير ورا مستلمنا رقم الملف وشنو باقيلنا؟؟
زين اكو موقع ممكن انشيك بيه حالة الملف يعني مثل موقع عمان ؟؟
سؤال اخر شكد ممكن تطول العملية من ورا رقم الكيس؟؟
زين اذا وافقو علينا ووصلنا لامريكا هل من الممكن نعادل شهاداتنا وشنو مطلوب من عدنا تصديقات غير من الخارجية الماليزية لان اني وزوجي شهاداتنا دكتوراه ممكن اتساعدوني بهاي الاسئلة