عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - desperado

صفحات: [1]
1
مواضيع الحياة العامة في بلاد المهجر (امريكا) / رد: تفاصيل رحلتنا الى امريكا قبل يومين بالتفصيل من اخوكم ديسبرادو
« في: 00:51 01/11/2010  »
شكرا الكم اخوتي
اليسا2
غزالة البصرة
الفانوس السحري
jack black
قيد الدراسة الى الابد
أنجــــــي
ابو غيث
عكعك التطوى
~احمد~
DEFA-AL-AIRAQI
abomagid
يوزارسيف
gerarrd

وياربي الي مطالع يطلع والي موجود هنا الله يوفقهه


اما بالنسبه للآخ ابن ميشكان

1- لا حبيبي الابتوب بوحد وحقيبه اليد بوحد
2- حبي اخذ ثناي المدر والثلاثي وهم ثنينهم واحد يكعد ابطن الثاني مراح ياخذ منك وزن هههه مخسران شي
3-اما بالنسبه للطعام فصدكني اخي ان الاي او ام  نطتنا كارتات مالت وجبتين غذاء وعشاء (وجبة بيتزا او اجنحه مع بطاطا مقلية + بيبسي+جاي+ماء) هذا الي صار ويانا ..تبقى اذا ميكفي الواحد هاي بعد انت تشتري من جيبك الخاص

واي سؤال اني حاضر بالي اعرفهه وتدلل

اخوكم ديسبرادو


2
دردشة منتدى الهجرة واللاجئين / رد: اخوان وصلنا امريكا واخيرا.................... البارحة وصلنا
« في: 00:23 01/11/2010  »
شكرا الك اخوتي على هاي التبريكات وياربي الكم هم ان شاء الله بس ادعولنه تكمل اوراقنا ان شاء الله حتى نبلش ندور على شغل ونبدي حياتنا مثل العالم ..احوكم ديسبرادو

3
مواضيع الحياة العامة في بلاد المهجر (امريكا) / رد: تفاصيل رحلتنا الى امريكا قبل يومين بالتفصيل من اخوكم ديسبرادو
« في: 21:02 29/10/2010  »
شكرا اخت مينا واخت ريم عبد
واخ رايان انتي صحيح بكل كلمه كلتهه واني ان شاء الله عندي هدف ولو اعرف اشتغل ليل مع نهار المهم اوصلهه ان شاء اله ومن الله التوفيق

شكرا اخ يدكو

4
مواضيع الحياة العامة في بلاد المهجر (امريكا) / تفاصيل رحلتنا الى امريكا قبل يومين بالتفصيل من اخوكم ديسبرادو
« في: 20:29 29/10/2010  »
حبيت اسرد تفاصيل رحلتي من العراق الى امريكا والهدف ليس للتباهي وانما للأستفاده لكل الاعضاء الذين مازالوا ينتظرون (موعد ولادتهم) وعندما اخترت هذه الكلمات فكنت اعنيها بمعناها االحقيقي فالذي لا يخرج من العراق او بالاحرى كل البلدان العربية فهو (لم يولد ) بالاساس ..على العموم سوف اتكلم بالعامية لان لغتي العربية ليست جيده ومن الله التوفيق


رحلتي كانت من بغداد الى عمان ومن ثم الى المانيا (فراكفورد) ومن ثم الى امريكا (لوس انجليس) ومن ثم الى تكساس حيث ولايتي!!
طبعا الرحلة استغرقت يومين وما اكللكم التعب الي صار ولا النوم الرحلة ما اخفي عليكم جانت كلش كلش متعبة لانوم ولا جكاير وهم العوائل الي وياي تعبوا خصوصا الي جان عدهم اطفال بس بالمناسبه تعبهه بس السفر الواحد يكول يومين بس تهون حتى لو يجبونا مشي من العراق الى امريكا هم ميخالف القصد انه تعبهه شويه بس السفر وايضا هم بالمناسبه الجنط مشفناها من عمان الى امريكا!!! يعني هناك استلمناها !!  وطبعا موظفين الي او ام استلمونا بمطار عمان وكل واحد نطوه فايله على شكل كيس وتذاكر الطيارات هسه راح احجي شويه تفاصيل على شكل نقاط احسن

1- موظفين الاي او ام في بغداد كلش متعاونين وحبابين وبالنسبه لوزن الجنط اكو جماعة كالوا انه لازم (20كيلو) بس احب اكلكم انه تمونون فد بعد 4 الى 5 كيلوات !! هذا الي صار ويانا

2- نجي هسه الى عمان موظفين ال اي او ام كلش متعاونين هم وحبابين وايضا اكو ناس بالمنتدى كالوا انه تعامل الاردنين هناك للعراقين ليس جيدا , وهاي الصاحه مشفقته ابدا!! صحيح اول مطلعنا من االطياره جان موظف الامن (معبس) باجي بوجه الحمزه مثل من كول ههههه ما اعرف واحد ميتله ما اعرف صاحبة ضاربته بوري هههه صدكوني حتى كلت ويا نفسي اهووو بلشنه لان جنت ماخذ غير نظره بس من دخلنا جوه بعد منطونا الكيس نطونا (كارتات اكل عدد 2) لان بقينا بالمطار ننتظر تقريبا (12 ساعه او اكثر) فكالوا هاي وجبتين اكل الكم ونا تصرفون من جيبكم !...نرجع للموضوع الاصلي فالاردنين هناك كلش متعاونين اني حتى سالت ابو المحل ردت اخذ بلك حتى اشحن اللابتوب فشفته غاالي فسالته وين اكدر بس اشحن الابتوب (اتصورا طلع من المحل وياي ومشى فد مسافه حتى يدليني!!) المهم انه الزينات تنذكر والشينات هم تذكر ) وبالمناسبه اكو انترنت واير لس ( ابلاشششششش) وهاي بشرى اخاف احد يجي وينشحن مثلنا واهم شي جيبوا راس بلك يرهم على كلشي ).

3-ا كو بعض الاخوان هم طرح موضوع البوك(السرقة) في عمان وهذا هم الشي مشفته لا اني ولا الي وياي الصراحه من العوائل والعزاب ابدا البارحه فتحت جنتي ولكيتهه على تصفيطتهه يعني على ما جنت مرتبهه صدكوني حتى استغربت ولكيت كلشي في مكانه !!!

4- من وصلت الى ولايتي طبعا باليل استقبلني السوبر فايز بنفسه وشال وياي غراضي ووصلني بيده الى الشقه حيث اسكن ووقني على فد ورقه مالت توصيله وهاي شنو اخوتي يعني يوقعك على ورقه في حال صار حادث بالطريق لا سامح الله وتوقع انه انت توافق على سياقه هذا الرجل يعني واثق بيهه ولو الصراحه سياقته جانت مو شي هههه هاي بعد مطلعنا المهم يبري ذمته وياك هذا القصد المهم وصلني وكلي باجر راح تجي موظفه تاخذ معلومات من عندك وتوقع على كم ورقه  .

5- هسه نجي على ثاني يوم الصبح  بالوقت المحدد اندك الباب وراح فتحهه الشريك مالتي بالشقه وما اكللكمك شطلع !! ههه اجوي متطوعات عددهم 2 بس اويلي ما احجيلكم على الشكولات وشنو من جمال وشنو من ذوق وتعامل بحيث اني كمت اوقع الاوراق بلا ما اقرى!!! ههههههه ( لا دا اشاقه) قريتهم ورقه ورقه هههه وهيه هم شرحت اوراق القرض واوراق الطبيه واوراق ما اذكر شنو بعد !!.
6- لحد الان مصرفت اي شي من جيبي (هاي محد يعرفهه بس انتوا) هههه

طبعا اعذورني اخوان اذا جان تسلسل الاحداث مخربط واذا بعض الاحيان واعذروني اذا نسيت شي او ركزت على شي ومركزت على شي ثاني

ونصيحتي للكل شدوا حيلكم شكد متكدرون ..شكد متكدرون ... شكد متكدرون ..صدكوني اني من حطيت هنا وطلعت بره ثاني يوم تندمت انه كل يوم اتخرت بيهه على التقديم او الاستعجال حتى اجي لان حسيت هسه ولادتي بدت ..صحيح انه بعد مشفت جنتهه ونارهه مثل ميكولون بس المنظمة كلش تساعدكم الي هيه وكيلتكم ومع العلم اني عازب وما اعرف لا وكيل ولا اقارب توكلت على الله وكلت الله موجود بكل مكان فلا تترددون ابدا ..ابدا

واللهم يفتحهه بوجهكم وبوجهنه ويسهللكم الجيه ياربي واي استفسار واي سؤال اني حاضر بالي اعرفهه طبعا ولي ما اعرفهه راح اكول ما اعرفهه
لاني مدين لهذا المنتدى بالكثير وياما سالت والاخوة بالمنتدى ابدا مقصروا وياي ولا ويا الكل وياما نصحوني ومشيت بنصايحهم وطبعا ما اعرف اكو اعضاء اذا يذكروني طرحت فد موضوع اليه (انه ما اريد اسافر بعد بطلت شنو الواحد يسوي) هاي الجمله كلتهه بالبدايه لاني جنت متردد وهسه لو اكو مكايلهه ابدا ولا طارحهه بالمنتدى اساسا!

بالتويق للجميع


اخوكم ديسبرادو



5
دردشة منتدى الهجرة واللاجئين / رد: اخوان وصلنا امريكا واخيرا.................... البارحة وصلنا
« في: 20:21 29/10/2010  »
شكرا الكم اخوتي وياربي يوم الكم هم وتفاصيل الرحلة راح انزلهه هسه

6
دردشة منتدى الهجرة واللاجئين / اخوان وصلنا امريكا واخيرا.................... البارحة وصلنا
« في: 17:54 28/10/2010  »
شونكم اخوتي

بس حبيت اكلكم وصلنا بخير اني وياي كم عائلة من العراق  وكم سنكل وان شاء الله بس ارتاح لان مصارلي كم ساعه من وصلنا راح انطيكم تفاصيل الرحلة وتفاصيل هوايه بالنسبه للأغراض عسى انه تستفيدوا منها للي راح يجي ان شاء الله


تيحاتي الكم من اخوكم ديسبرادو

7
مواضيع الحياة العامة في بلاد المهجر (امريكا) / رد: كم تستغرق معاملة الكرين كارد للاجئين ؟
« في: 10:34 21/10/2010  »
اني مع اخي هاش مان ..ياريت هم الخطوات يعني شلون واحد يقدم ؟ والى اي موقع يرسلهه؟

8
مواضيع الحياة العامة في بلاد المهجر (امريكا) / رد: واخيرا اجازة السياقة
« في: 10:18 21/10/2010  »
الف الف مبروك اختي يوم النا!

9
مواضيع الحياة العامة في بلاد المهجر (امريكا) / رد: مارايته في امريكا
« في: 08:11 18/10/2010  »
يطبقون كل معاني الاسلام الحقيقي ... وللأسف يوجد مسلمين ولا يمتون الاسلام بصلة
شكرا على الموضوع ابو غيث

10
الهجرة و واللاجئين / رد: خبر عن حقائب السفر
« في: 14:32 14/10/2010  »
شكرا على المعلومات اخوتي

11
الهجرة و واللاجئين / رد: اكو هيج خبر
« في: 09:57 14/10/2010  »
شكرا على هذه المعلومات اخوتي ..حتى الواحد ياخذ حذره

12
الهجرة و واللاجئين / رد: ارجوا المساعده في موضوع السفر مهم جدااااااااااا
« في: 09:44 14/10/2010  »
توصل بالسلامة ان شاء الله

13
الهجرة و واللاجئين / رد: هلو شباب شلونكم بس حبيت اعرف منو راح يسافر بشهر العاشر وخصوصن يوم 26 ردو
« في: 16:01 11/10/2010  »
اهلا اخي با
اني وياك ان شاء الله يوم 26 /10 موعد سفري
اخوك ديسبرادو

14
مواضيع الحياة العامة في بلاد المهجر (امريكا) / رد: يوم في الولايات المتحده الامريكيه (بالاحرى اليوم)
« في: 16:50 05/10/2010  »
الف الف الف مبروك على الوظيفة اخوية زاك وياربي نلكه موضوع الثاني انت كاعد بمكان المدير وتستاهله لان بصراحه مشفت ابد مثل هيجي روح تفائل وتعاون ومثابرة بكدك طبعا بلا حسد وصدك انت الي الشاحنة مالت المنتدى التي تشحنا بالطاقات وروح التفاؤل الله يخليك وي وفقك

15
دردشة منتدى الهجرة واللاجئين / رد: اخوان باركولي واخيرا فرج خابرتهم اليوم وحددولي تااااااااااااااااااريخ وولاية ..اخوكم ديسبرادو
« في: 16:20 05/10/2010  »
شكرا اختي العزيزة شجرة الدر والله يسهل النا والكم

16
دردشة منتدى الهجرة واللاجئين / رد: اخوان باركولي واخيرا فرج خابرتهم اليوم وحددولي تااااااااااااااااااريخ وولاية ..اخوكم ديسبرادو
« في: 15:06 05/10/2010  »
مروة القيسي

شكرا الك اختي العزيزة ويوم الك ياربي

بدر العراقي

شكرا حبيبي ويوم الك ان شاء الله

ديفيد بغداد

شكرا الك ورده
وبالنسبة للتقديم اني مقدم من سنه 2009 يعني شي على شي تقريبا سنة ونص

17
دردشة منتدى الهجرة واللاجئين / رد: اخوان باركولي واخيرا فرج خابرتهم اليوم وحددولي تااااااااااااااااااريخ وولاية ..اخوكم ديسبرادو
« في: 09:56 05/10/2010  »
شكرا الكم اخوتي يوسف ومازن وياربي يوم الكم تطلعون هم واذا طالعين فموفقين ان شاء الله

18
دردشة منتدى الهجرة واللاجئين / رد: بااااااااااااااااااااااااااااااااااركولي حددولي موعد سفر ياريت اتكلولي شسوي و شنو اخذ وياي
« في: 07:18 05/10/2010  »
مبروك الك اخوية واني هم وياك على 26

19
دردشة منتدى الهجرة واللاجئين / رد: اخوان باركولي واخيرا فرج خابرتهم اليوم وحددولي تااااااااااااااااااريخ وولاية ..اخوكم ديسبرادو
« في: 07:16 05/10/2010  »
شكرا اختي بت العراق ويوم الك هم وتطلعين

امير البغدادي شكرا الك اخويه ويم الك ان شاء الله

20
دردشة منتدى الهجرة واللاجئين / رد: اخوان باركولي واخيرا فرج خابرتهم اليوم وحددولي تااااااااااااااااااريخ وولاية ..اخوكم ديسبرادو
« في: 22:29 04/10/2010  »
الف الف مبروك اخوية هيثم وشكرا جزيلا على الرد

مشلوع كلبي
اشكرك يا ورده ويوم  الك ومينشلع كلبك ههه

سندباد بغداد شكرا الك اخوية

21
دردشة منتدى الهجرة واللاجئين / رد: اخوان باركولي واخيرا فرج خابرتهم اليوم وحددولي تااااااااااااااااااريخ وولاية ..اخوكم ديسبرادو
« في: 20:25 04/10/2010  »
شكرا اختي مينا على الرد ويم الك

اخوية لورنس العرب

شكرا الك يا ورده

واي اخوية دزولي ايميل كلولي تحدد موعد السفر بس صدكني مذكرولي بيه وين وشوكت !!! اله اني اليوم خابرتهم يا الله عرفت !!! وبالنسبة لموضوع الوزاج مصارت قسمه والحمد لله ههههه وزين مذكرني ياورده ..ياربي يوم الك هم تطلع

الأخت انجي

شكرا الك يا اختي العزيزة والله كلمت شكر لا تكفي بحقكم انتي وبقية الاعضاء الكرام فلولاكم لما عرفنا ماهية امريكا!!

فشكرا لكم ووفقكم ووفقنا الرب

22
دردشة منتدى الهجرة واللاجئين / رد: اخوان باركولي واخيرا فرج خابرتهم اليوم وحددولي تااااااااااااااااااريخ وولاية ..اخوكم ديسبرادو
« في: 18:20 04/10/2010  »
شكرا اخوية كوكي وياربي يوم الك ...بس فقرة الحر موخوش ههههههه الواحد يخلص من الحر لو يروحله !!!! على العموم الحمد لله على كل شي

الفانوس السحري

اشكرك حبيبي ويم الك ياربي

23
دردشة منتدى الهجرة واللاجئين / رد: اخوان باركولي واخيرا فرج خابرتهم اليوم وحددولي تااااااااااااااااااريخ وولاية ..اخوكم ديسبرادو
« في: 16:16 04/10/2010  »
Kurdish

yes ..they sent me a message before telling me that the travel has scheduelad ..but they didnt tell me anythink about when or where!!..just today whene i contact them they tell me about date and state and will be Texas - Austin

اخوية الوتار

شكرا الك وياربي يوم الك وربي يوفقك

الاخت جورجيا

طبعا دزولي ايميل قبل شهر حدددولي بيه موعد السفر بس مكالوا وين وشوكت الا اليوم اني خابرتهم والجماعه جيكم الضاهر عندهم مكان نفر فارغ ههههههههه لان سالني كلي انت بوحدك . وكلي انت مستعجل ؟!!! صدكيني وبلا مبالغه عبالك طالعين لباب الشرقي ههههه المهم كلي اخوية تكساس - اوستين

وشكرا اختي على الرد

قيد الدراسة الى الابد

شكرا حبيبي ويوم الك ان شاء الله وتغير اسمك من هذا الى موعد سفر ان شاء الله

اختي ام ريم

شكرا الك على الرد ولكن المدينة هيه اوستن وليس هيوستن


24
دردشة منتدى الهجرة واللاجئين / رد: ابشركم موعد سفر اتا قبل ساعتيين من الان
« في: 16:08 04/10/2010  »
الف مبروك اخوية امير على هذا الخبر وتوصل بالسلامة

25
دردشة منتدى الهجرة واللاجئين / رد: اخوان باركولي واخيرا فرج خابرتهم اليوم وحددولي تااااااااااااااااااريخ وولاية ..اخوكم ديسبرادو
« في: 13:30 04/10/2010  »
شكرا الك اخوية ابو ماجد وياربي يوم الك
00962775700736

هذا الرقم واي استفسار اني حاضر

26
الهجرة و واللاجئين / رد: اخوان الي عايش بولاية تكساس - اوستين ..اذا امكن بعض المعلومات عن المدينة
« في: 13:26 04/10/2010  »
شكرا الك اخوي سياب البصرة

27
دردشة منتدى الهجرة واللاجئين / رد: اخوان باركولي واخيرا فرج خابرتهم اليوم وحددولي تااااااااااااااااااريخ وولاية ..اخوكم ديسبرادو
« في: 12:59 04/10/2010  »
اشكرك حبيبي ويند ويوم الك ياربي

28
الهجرة و واللاجئين / اخوان الي عايش بولاية تكساس - اوستين ..اذا امكن بعض المعلومات عن المدينة
« في: 12:41 04/10/2010  »
السلام عليكم

اذا امكن من اخوتي الاعزاء معلومات ونصائح لاخوكم لان ان شاء هذا هذا الشهر موعد سفري

29
دردشة منتدى الهجرة واللاجئين / رد: اخوان باركولي واخيرا فرج خابرتهم اليوم وحددولي تااااااااااااااااااريخ وولاية ..اخوكم ديسبرادو
« في: 12:17 04/10/2010  »
شكرا اخوية صابر واختي داليا الورده

..واذا امكن اذا احد من الاخوان يعرف شنو هيه المنظمة الي موجوده هناك ؟!!

30
دردشة منتدى الهجرة واللاجئين / رد: اخوان باركولي واخيرا فرج خابرتهم اليوم وحددولي تااااااااااااااااااريخ وولاية ..اخوكم ديسبرادو
« في: 11:56 04/10/2010  »
شكرا الكم اخوتي وياربي الكم

31
دردشة منتدى الهجرة واللاجئين / رد: اخوان باركولي واخيرا فرج خابرتهم اليوم وحددولي تااااااااااااااااااريخ وولاية ..اخوكم ديسبرادو
« في: 11:24 04/10/2010  »
شكرا اختي ريم واخوية حماده ياربي الكم اذا ما طالعين بعدكم ههه

واخوية موون تحياتي الك  اني مقدم من بغداد على الاي او ام ومن جماعة الشهر الخامس الي مقابلين

32
دردشة منتدى الهجرة واللاجئين / اخوان باركولي واخيرا فرج خابرتهم اليوم وحددولي تااااااااااااااااااريخ وولاية ..اخوكم ديسبرادو
« في: 10:56 04/10/2010  »
السلام عليكم اخوتي

بعد طول غياب اكثر من شهر على تحديد موعد السفر ولكن بلا تاريخ وبلا تحديد موعد ولاية ...والغريبة انه من خابرتهم على عمان يسألني الموضف الي او ام من شرحتله الوضع تعرفون شجاوبني وبلا مبالغة والله يشهد

يكولي انت مستعجل على السفر!!!! هههه

المهم اخوان طلعلي موعد سفر يوم 26 / 10 وولايتي هي تكساس - مدينة اوستن ..فياريت اذا احد من الاخوان هناك من هاي المدينة يطيني معلومات وهم يفيدني ويفيد اخوتي الاعضاء واذا يوجد احد تحددله موعد سفر بهذا اليوم (عزوبي) ههه اتشرف انه اتعرف عليه


ونصيحه اخوتي خابروهم ....خابروهم دائما لان الضاهر اله واحد يذكرهم

وياربي يوم الكم ويم تفرج على الي منتظر ياربي

33
الهجرة و واللاجئين / رد: واخيراً واخيراً باركولي
« في: 09:23 20/09/2010  »
الف الف مبروك اخوية

34
مواضيع الحياة العامة في بلاد المهجر (امريكا) / رد: عراقي في الجامعه الامريكيه!!!
« في: 10:45 12/09/2010  »
الف الف مبروك اخوية زاك والله تستاهل كل خير وياربي ان شاء الله نسمع يوم تخرجك ان شاء الله وشكد جان عندي حماس انه اكمل دراسه ان شاء الله من الله يفرجها واروح لأمريكا انت بعد صعدتها فول ههههه ...

وانت رافعة راسنا ياورده الله ينطيك على كد نيتك

35
مواضيع الحياة العامة في بلاد المهجر (امريكا) / تدريس اللغة الآسبانية في مدارس الأبتدائية الامريكية ...شنو هي الخطوات الي اسويها حتى اكدر اشتغل بشها
« في: 13:56 07/09/2010  »
السلام عليكم اخوتي

اني خريج كلية اللغات - قسم اللغة الاسبانية والحمد لله معدلي هو جيد عالي (يعني تعبت على نفسي مجايبهه بالغش لآن جنت ولا زلت احب اللغة الاسبانية ) ..المهم قريت فد مره من احد الاخوة الاعضاء انه ده يدرس حاليا اللغة الاسبانية في مدرسه ابتدائية بس مدا اذكر وين صار الموضوع ..انا الان في العراق ودا انتظر حاليا موعد السفر  ودا اجمع من اساتذتي ريكومنديشنات لان كالو تفيدني هناك اذا بالعمل او بالدراسة في امريكا ...فاريد نصائحكم اخوتي شنو الي اكدر اسويه او الي اكدر اجيبه وياي ان شاء الله حتى اعادل شهادتي واكدر اشتغل بيهه هناك ..علما اعرف شنو الي مطلوب مني لان اكو هوايه مواضيع والحمد لله في المنتدى تخص تعادل الشهاده ...

اني الي ابالي انه اقوي انكليزيي واسبانيتي (محادثة فقط) وبعدين ابلش في معادله الشهاده

فياريت اخواني الي عنده تجربة او نصيحه تفيدني ..اكون شاكرا على افادتي بها ولكم ولي التوفيق

36
مواضيع الحياة العامة في بلاد المهجر (امريكا) / رد: الصوره الواقعيه والحقيقيه...("طكيت" وصار عندي حساب مصرفي بمريكا)
« في: 13:39 07/09/2010  »
الف مبروك اخوية زاك والله يوفقك ياربي

37
الهجرة و واللاجئين / رد: بشرى سارة لجماعة الخامس حددولي موعد سفر يوو 22_9
« في: 08:29 07/09/2010  »
الف مبروك اخ امير وتوصل بالسلامه ورده

38
الهجرة و واللاجئين / رد: اليوم اجاني ايميل من اي او ام (بغداد) ...(موعد السفر تحدد) ..والغريبه بعد ما اتصلت بيهم!!!
« في: 11:33 04/09/2010  »
اخ امير راح اضيفك اذا امكن elguitarrista2008@yahoo.com

الأخ هيثم شكرا جزيلا يا ورد وياربي يوم الك بس بلا مغذي ههه
الاخ حيدر مشكور على هاي المعلومه وجزاك الله حير يا ورد باجر نتصل بيهم والله كريم

والله يفرجها على الكل

39
الهجرة و واللاجئين / رد: اليوم اجاني ايميل من اي او ام (بغداد) ...(موعد السفر تحدد) ..والغريبه بعد ما اتصلت بيهم!!!
« في: 22:40 03/09/2010  »
شكرا الك اخوية ابو زينب - واخوية روبن هود - واختي ريم - واختي ام ام ريم

اخيو العراقي ..هاي ما اعرفه لحد الآن بس مجرد انه اجاني السفر تحدد بس بيا يوم وبأي ولا يه ما اعرف صدكني

وبالتوفيق للكل ياربي

40
الهجرة و واللاجئين / رد: اليوم اجاني ايميل من اي او ام (بغداد) ...(موعد السفر تحدد) ..والغريبه بعد ما اتصلت بيهم!!!
« في: 20:09 03/09/2010  »
اني اتفق وياك اخوي   بس ها الواحد صاير شلون الميت ويقطرولة قطرات الماء ههههه...على العموم اني اصلا مو كلش متحمس الهه شوكت متجي خلي تجي وحتى اذا ما اجت فراضي بجكم الله سبحانه وتعالى ..وبالنسبة لمكتب اني كلت قبل اني حصلتهه بس بنفس الوقت كلي انه اجتنا تعليمات انه منجاوب على اي استفسار عن طريق الموبايل بس عن طريق الايميل!!!! وما اعرف بعد جرب حظك والله يوفق الجميع

41
الهجرة و واللاجئين / رد: اليوم اجاني ايميل من اي او ام (بغداد) ...(موعد السفر تحدد) ..والغريبه بعد ما اتصلت بيهم!!!
« في: 12:43 03/09/2010  »
اشكرك اخوية اسعد ويوم الك ياربي واذا انت بامريكا الله يوفقك

42
مواضيع الحياة العامة في بلاد المهجر (امريكا) / رد: تجربه سنه في تكساس
« في: 12:16 03/09/2010  »
الله يوفقك بعد وبعد ويفتحهه بوجهك ياربي

عليك وعلينا وعلى كل من يحب الخير للناس واله

وهاي هم دفعه باتجاه رفع المعنويات

43
الهجرة و واللاجئين / رد: اليوم اجاني ايميل من اي او ام (بغداد) ...(موعد السفر تحدد) ..والغريبه بعد ما اتصلت بيهم!!!
« في: 08:24 03/09/2010  »
الأخ كوكا والاخ امير ياربي تفرج علينا وعليكم باسرع وقت ..وبالنسبه لمكتب عمان ما اعرف الواحد شيكول عليهم لان صدك بوقته شكد فرحت من اجاني الايميل شكد مضجت لأن اذا ده يسووها صدك متعمدين (كسالى) يعني اله الواحد يفطنهم يعني احتمال اني وضعي احسن من هوايه عوائل كامله عايشه على هذا الامل الوحيد والله الي يعلم شنو ظروفهم ومنتظرين اي رساله منهم بفارغ الصبر والأفندية اله الواحد يذكرهم ....والله اعلم اذا صدك متعمدين او هو اهمال من عدهم او هيه هيجي صدفة ..الله اعلم

الله يوفق الجميع

44
الهجرة و واللاجئين / رد: اليوم اجاني ايميل من اي او ام (بغداد) ...(موعد السفر تحدد) ..والغريبه بعد ما اتصلت بيهم!!!
« في: 23:56 02/09/2010  »
مساء الخير اخوي سواح

اسف على التاخير

وهذا الرقم وتدلل والله يسهلك

0096265625080

45
الهجرة و واللاجئين / رد: اليوم اجاني ايميل من اي او ام (بغداد) ...(موعد السفر تحدد) ..والغريبه بعد ما اتصلت بيهم!!!
« في: 14:12 02/09/2010  »
الضاهر هيجي اخوي المهندس ...مع العلم اني ما عندي لا كفيل ولا هم يحزنون

الي الله هو كفيلي هنا وهناك

وموفق ياربي وان شاء الله تستلم الرد باقرب وقت

46
الهجرة و واللاجئين / رد: اليوم اجاني ايميل من اي او ام (بغداد) ...(موعد السفر تحدد) ..والغريبه بعد ما اتصلت بيهم!!!
« في: 12:58 02/09/2010  »
الأخت مينا

اني كاتبلك من العنوان (اي او ام بغداد ) مو اس اي في !!! وبالنسبه لتوايخ المقابلات اخر مقابلة مالت المحلف بالشهر الخامس...واي استفسار اني حاضر اختي وتدللين


الأخ زيد

شكرا الك اخوية وياربي تفرج علينه وعليكوعلى العراقيين اجمعين

47
الهجرة و واللاجئين / رد: اليوم اجاني ايميل من اي او ام (بغداد) ...(موعد السفر تحدد) ..والغريبه بعد ما اتصلت بيهم!!!
« في: 12:12 02/09/2010  »
ايييييي ان شاء الله صدفه حلوه اخويه لورنس انت شتكول!!؟؟؟

وبرأيك شكد راح انشتل ؟!!!

48
الهجرة و واللاجئين / اليوم اجاني ايميل من اي او ام (بغداد) ...(موعد السفر تحدد) ..والغريبه بعد ما اتصلت بيهم!!!
« في: 11:35 02/09/2010  »
السلام عليكم اخوتي الافاضل

اول شي هذا موضوعي السابق الي اجاني بيه رسالتين من الي او ام

http://www.ankawa.com/forum/index.php/topic,435840.0.html

اليوم اجاني ايميل وهذا محتواه

Dear Sir/Ma’am

 

Please find attached your decision letter, but kindly note that your current status has the travel scheduled.

 

يعني ان شاء الله فضت لو بعد؟!!! يعني تمام والله ما اعرف افرح لو هم راح يشدونا مغذي!!!

على العموم ياربي الكل تجيهم هيجي ايميلات ويسافرون ويرتاحون بس بلا مغذي!! هههه


القصة شنو ...

كلت اليوم خلي اخابر اشوف شنو السالفه مالت الايميلات الي بالموضوع السابق ..المهم اتصلت في عمان وبعد (سماع الموسيقى) طلعلي واحد شرحتله الحاله مالتي وعلى ايميلاتهم السابقة نطيته رقم الكيس مالتي وكلي اسمك شنو وبعده جاوبني (كلي  احنا اجتنا تعليمات منكدر نجاوب على اي استفسار عن طريق الموبايل فاذا عندك شي دز ايميل وباقرب وقت يجاوبوك لان هم هسه مزدحمين ) كلت اوكي ليش لابالمناسبه اني قبلهه بساعه او اقل والله اعلم جنت فاتح الايميل ومجيك ماكو شي ) كول رجعت فتحت الايميل ولكيت رساله من الاي او ام تخبرني بانه الموعد تحدد ّ!!!!! فما اعرف صدفه او لا او تذكر الافندي ودزلياها !!!

يعني كلت خلي احجي القصه للأخوان وبنفس الوقت يطمنوني انه شغلتي اوكي هسه ان شاء الله ؟؟!!! وياربي الكم هم

49
الهجرة و واللاجئين / رد: اخواني اجاني ايميل بالجدولة مال السفر وبعدين اجاني رد المحلف بالتاجيل هل الامنية كاملة وشكرا
« في: 13:09 30/08/2010  »
اخويه امير السلام عليكم

اني هم مثلك هم اجاني ايميل يعلمني على انه السفر قريب وانه خاليني على الجدول وكاتبين ارقام تليفوناتي ..وبعده اجاني ايميل بيه قرار المحلف بألتأجيل !!! كلهه اخوتك ههه اني هم من جماعه الشهر الخامس على ما اذكر طبعا

...السؤال الى الآخت انجي

بالنسبه للمربع الاول لعد شنو يعني بالنسبه للقرار مالت المحلف من بربارا ستراك؟؟!!!

50
الهجرة و واللاجئين / الي ولايته (ماريلاند) ..مطلوب مترجمين عربي وبدوام جزئي !!!؟؟
« في: 13:50 23/08/2010  »
السلام عليكم اخوتي الافاضل

بصراحه اني بعدني بالعراق ودا انتظر رحمه ربي العالمين  هاي اولا ..فجنت دا اكلب بموقع http://washingtondc.craigslist.org والي هو معروف عند اغلب الاعضاء فوجدت هذا الاعلان انه رايدين مترجمين بمختلف اللغات ومن ضمنهه العربي الى ولايه ماريلاند وبدوام جزئي فكلت خلي اطرحة يمكن احد يحتاجه وهو بولايه واشنطن دي سي وعنده استعداد يروح لولاية ماريلاند وهذا الرابط

http://washingtondc.craigslist.org/doc/gov/1882442948.html

وهذا تاريخ الاعلان

2010-08-05, 2:10PM EDT

هاي الشروط

1- يكون امريكي او عنده بطاقة خضراء او يكون عنده رخصة عمل
2- لا يقل عمره عن 18 سنة
3- يجتاز اختبار الكفاءة (الامتحان)

بصراحة استفدت الكثير من هذا المنتدى واتمنى انه افيد ولو بجزء بسيط لكي تعم الفائدة للجميع


وفقنا ووفقكم الله

51
الهجرة و واللاجئين / رد: اخوان ممكن اعرف شنو معناها هاي الرساله من ال اي او ام ؟
« في: 09:44 23/08/2010  »
شكرا لكي اخت مينا على لمعلومات

52
الهجرة و واللاجئين / رد: اخوان ممكن اعرف شنو معناها هاي الرساله من ال اي او ام ؟
« في: 09:15 22/08/2010  »
احبطتني ..احبطتني ..اخوية جوني جاك ههههه ..بس الحمد لله على كل حال والله يفتحهه علينه وعليك

بس ردت اعرف شنو معنى الموافقة المشروطة ؟!!!

تحياتي الك

53
الهجرة و واللاجئين / رد: اخوان ممكن اعرف شنو معناها هاي الرساله من ال اي او ام ؟
« في: 17:37 20/08/2010  »
شكرا لكم اخوتي على الردود المشجعه والله يسهل ياربي النه والكم وكل واحد مشدودله مغذي!!!ههه

بس اني الي خوفني انه الأيميل الثاني يعني بالمختصر افتهمت انه ده يسوون تجيييك امني مره ثانيه او انهم بعدهم ممكمليه !!! وهذا الشي مخوفني علمود التأخير ..يعني مو مثل مفتهمت من حضراتكم انه مجرد يوصل البريد مالت التجييك الهم حتى يحددون موعد سفر...

شكرا الكم مره ثانيه اخوتي ووفقكم ووفقنا الله جميعا

54
الهجرة و واللاجئين / اخوان ممكن اعرف شنو معناها هاي الرساله من ال اي او ام ؟
« في: 09:32 20/08/2010  »
السلام عليكم اخوتي

هذا الايميل استلمته طبعا بعد الايميل الي جتني بيه الموافقه الامنية اني عرفته بالانكليزي الي فهمته انه تاجلت قضيتي ..بس شنو معنا اول مره يدزون انه تم الموافقه وبعدين يكولولي تاجلت ؟!!!!!! ودازيلي اتاج بقرار باربارا ستراك  ودازيلي اتاج دليل التوطين في امريكا !!!!!!

هذا اول ايميل :

Dear Applicant,
 
Please note that IOM is in the process of scheduling your departure to the United States .  You will be contacted in the near future by an employee of the IOM regarding your departure details.
-------------------------------------------------------------------------------------------------------------------------------------------------
هذا ثاني اميل :

The Baghdad Info Center writes to inform you that a final decision about your case has not yet been made. Your case has been deferred by U.S. Citizenship and Immigration Services (USCIS) for the reason indicated in the attached letter.

Please understand that this deferral does not mean that your case has been denied. Decision deferrals indicate that further review of your eligibility for refugee resettlement in the United States is necessary.

Your case will continue to be processed.  When there are updates on your case, and a final decision is made, you will be notified. It is not possible to estimate how long this will take.
 
You will find a scanned copy of your decision deferral letter attached to this email.

It is very important that your reply to this email (do not send a new, separate email) to confirm that you have received this email and the attached letter.
 
We can not proceed with your case until we have received a reply from you. When you reply please write the following:

“I confirm that I have received this email and the attached decision letter for my refugee case with the United States Refugee Admissions Program.”
 
Please write your name at the end of your reply.
 
After we receive your reply, we can proceed with your case.
 
Please note that if your case is approved you do not have an option about when you can depart or delaying your case for any reason.

Once you receive a date for departure, you must make plans to depart Iraq for the United States on the assigned date. 

 
Best Regards,

 

Baghdad Info Center

ارجوا انه الي مار بهيجي حاله قبل يفيدني او من الاخوة الاعضاء الي عدهم معلومات عن هيجي حاله يفيدني

وشكرا لكم

 


 


 


 


 


55
الهجرة و واللاجئين / رد: اخواني ارجوا الدخول ..وصلني الرد النهائي قبل شويه بتاريخ اليوم بالنسبه للسفر الى امريكا من ال اي
« في: 10:34 09/08/2010  »
شكرا الك اخوي لورنس العرب ...والاخت ريم عبد ..والاخ

على ردودكم الطيبه والمشجعه على الرغم من اختلاف وجهات النظر ..اين بالنسبه الي سالت بالمقابله الاخيره ..بالمنظمه نفسهه بس حبيت اتاكد منكم ..وكلولي تجي تقابل مقابله وحده وتنضاف على الكيس مالتك يعني مو من جده وجديد...اما بالنسبه الي راح اسويه ..فراح ازوج انشاء واروح اخذ الاوراق للمنظمه واشوف بشنو يقررون هيجي احسن ..

وشكرا الكم اخوتي

56
الهجرة و واللاجئين / رد: اخواني ارجوا الدخول ..وصلني الرد النهائي قبل شويه بتاريخ اليوم بالنسبه للسفر الى امريكا من ال اي
« في: 14:50 08/08/2010  »
شكرا الك اخواني على النصائح وياربي الي ممسافرين يسااااااااافرون ..والي مسافرين موفقين في حياتهم

57
الهجرة و واللاجئين / رد: اخواني ارجوا الدخول ..وصلني الرد النهائي قبل شويه بتاريخ اليوم بالنسبه للسفر الى امريكا من ال اي
« في: 22:52 06/08/2010  »
شكرا اخي العزيز العراقي
وهذا من ذوقك ياطيب

58
الهجرة و واللاجئين / رد: اخواني ارجوا الدخول ..وصلني الرد النهائي قبل شويه بتاريخ اليوم بالنسبه للسفر الى امريكا من ال اي
« في: 21:09 06/08/2010  »
الله يبارك بيك اخوية ابو الحسن ...وان شاء الله يوم الك اذا بعدك والله يسهل امورك اذا هناك

وبالنسبة لأسمي هههههه هاي احسبة علينه (ديسبرادو) بالعربي

وانت الطيب يا الغالي

59
الهجرة و واللاجئين / رد: اخواني ارجوا الدخول ..وصلني الرد النهائي قبل شويه بتاريخ اليوم بالنسبه للسفر الى امريكا من ال اي
« في: 20:14 06/08/2010  »
اخوي اصور لو مطالعه الامنية مجان كلونا اتحضروا ..جان كلونا بعده لان اني الاميل الي قبلة كلولي انه المعامله مالتي هسه بالتجييك الامني ووراها اجاني هذا الاميل الفوك اخوي امير ..واذا قسمتنه تطلع مقسمتنا فالحمد لله على كل حال على العموم هو اني متوه وه  على الطلعه اصلا ...

60
الهجرة و واللاجئين / رد: اخواني ارجوا الدخول ..وصلني الرد النهائي قبل شويه بتاريخ اليوم بالنسبه للسفر الى امريكا من ال اي
« في: 09:08 06/08/2010  »
شكرا الك اخويه نبهان .... الي راح اسويه والله اعلم راح اكطع مهر واسوي حفلة واخذ عقد الزواج والمستمسكات واروح بوحدي وبعد ما اكمل السنه واخذ الكرين كارت اذا الله اسوي لم الشمل مو هيجي احسن لو شون ؟؟؟!(هاي اذا اهله قبلوا )هههههه ...

تحياتي الك

61
الهجرة و واللاجئين / رد: اخواني ارجوا الدخول ..وصلني الرد النهائي قبل شويه بتاريخ اليوم بالنسبه للسفر الى امريكا من ال اي
« في: 00:51 06/08/2010  »
اها؟؟اهلا وسهلا بيك اخويه الجبوري ..ان شاء الله خير اذا تتاخر او لا المهم اجتي الموافقة مو صحيح .؟

واشكرا على هاي المعلومة اخوية الجبوري

62
الهجرة و واللاجئين / رد: اخواني ارجوا الدخول ..وصلني الرد النهائي قبل شويه بتاريخ اليوم بالنسبه للسفر الى امريكا من ال اي
« في: 23:34 05/08/2010  »
كلامك كلش صحيح ما بيه غلط (ولظروف شخصية) مكدرت انه افض شغله الزواج قبل التقديم او باثناء التقديم ..بس على العموماحتمال اسوي هيجي اروح واكمل سنه وارجع عليهه,,,والتساهيل من الله

63
الهجرة و واللاجئين / رد: اخواني ارجوا الدخول ..وصلني الرد النهائي قبل شويه بتاريخ اليوم بالنسبه للسفر الى امريكا من ال اي
« في: 22:18 05/08/2010  »
شكرا اخوية طائر  البرق ويوم الك ياربي ...اما بالنسبة للتفاصيل فهي كالتالي اخوية

اول ايميل دزيته في January 31, 2009

اجاني الكيس نمبر في August 13, 2009

اول مقابلةDecember 24 2009     

ثاني مقابلة 24 February 2010

واليوم نطوني الرد !!!!!

يوم الكم ..[س ارجوا من الاخوة الاعضاء التفاعل معي الله يخليكم بالنسبة للزواج اني سالت المحلف بنفسي وكل تتزوج وتجيب المعاملة وتقابل خلال فترة مو طويلة وبعدين تندرج ويا الكيس مالتك !! بس الأخوان هنا ده يكولون جواب مختلف فياريت الي عنده تجربة او سامع بس بفد شي واثق من عنده يرشدني شسوي؟!!


تحياتي الك




64
الهجرة و واللاجئين / رد: اخواني ارجوا الدخول ..وصلني الرد النهائي قبل شويه بتاريخ اليوم بالنسبه للسفر الى امريكا من ال اي
« في: 20:56 05/08/2010  »
شكرا اخويه روبن يوم الك

65
الهجرة و واللاجئين / رد: اخواني ارجوا الدخول ..وصلني الرد النهائي قبل شويه بتاريخ اليوم بالنسبه للسفر الى امريكا من ال اي
« في: 20:35 05/08/2010  »
شكرا لكم اخوتي ...يعني شوكت يردولي مالت الولايه يعني شوكت يكولولي ..وشكد انتظر هسه ؟

66
الهجرة و واللاجئين / رد: اخواني ارجوا الدخول ..وصلني الرد النهائي قبل شويه بتاريخ اليوم بالنسبه للسفر الى امريكا من ال اي
« في: 20:01 05/08/2010  »
شكرا اخوتي يوم الكم .... بس شوكت يكولولي يا ولايه ؟
وثانيا

بس محد جاوبني على سؤالي الاخير ؟ بالنسبه لخطيبتي وين اروح بيهه؟ اكطع مهر ؟ وادرجه ويا اسمي لان سالت ابو اليو اي ام كال عادي وتمشي ويا الكيس مالتك بس هيه تقابل واقصد خطيبتي ؟ لو اتوكل وبعدين ادز عليهه شتكولون ؟ ..وياريت فد مواضيع على شنو الواحد يحتاجه يعني جنط ما جنط وهاي السوالف؟ 

67
الهجرة و واللاجئين / رد: اخواني ارجوا الدخول ..وصلني الرد النهائي قبل شويه بتاريخ اليوم بالنسبه للسفر الى امريكا من ال اي
« في: 19:37 05/08/2010  »
ها يعني نفلت هههههه ....يعني تقريبا شكد تاخذ الاجراءات من وقت كل ممحضر ؟ واخوتي اني خاطب فشتنصحوني اروح ؟ لو اكطع مهر وانتظر الحب مالتي يندرج اسمه وياي ...؟ شتنصوني الله يخليكم ؟

68
الهجرة و واللاجئين / اخواني ارجوا الدخول ..وصلني الرد النهائي قبل شويه بتاريخ اليوم بالنسبه للسفر الى امريكا من ال اي او
« في: 19:11 05/08/2010  »
السلام عليكم اخوتي الكرام

وصلني هذا الايميل فاريد اعرف يعني هيه هاي هيه الموافقه لو لا :

Dear Applicant,
 
Please note that IOM is in the process of scheduling your departure to the United States .  You will be contacted in the near future by an employee of the IOM regarding your departure details.
 
For your reference, we have the following telephone numbers on file for your case:
 
هنا ارقام موبايلاتي
 
If any of these numbers is incorrect or you have a new number, please contact us immediately.
 
Thank you.
 
IOM Info Center

واذا هاي هيه ياربي يوم الكم ان شاء الله ولو لحد هسه دايخ ما اعرف اكمز ما اعرف اضحك ما اعرف ابجي

وده يساورني شعور اروح لو لا

69
الهجرة و واللاجئين / رد: ال IOM وتأخر الرد
« في: 13:33 04/08/2010  »
وعليكم اسلام اخي - اختي

بس احب اطمنك نفس الحاله مالتك صارت وياي كلولي اسبوعين وانتظر الجواب ومروا الاسبوعين يا الله اجاني جواب ده يعتذرون على التاخير الي صار وانطوني مخذي على هذا الشهر الجواب النهائي لو اسافر لو لا ..بس انت على العموم حاول تبعثلهم مره ثانيه من غير ايميل او على نفس الايميل ..وشوف

وان شاء الله بقيه الآعضاء هم يفيدوك

70
منتدى الموسيقى / ممكن اعرف شلون اسعار الاورك على مستوى العراق ..مثلا ياماها او كورك او غير ماركه ؟ اخواني
« في: 21:25 02/08/2010  »
مساء الخير اخواني

بس ردت اعرف شلون اسعر الاورك بالنسبه على مستوى العراق بغداد - اقليم كوردستان وياهم الانسب؟ وشنو النوعيه الاحسن والسعر المناسب ؟ وهل هناك فرق بين الاورك الغربي والشرقي ؟ يعني اكو نوعين لو هيه نوع واحد بس تختلف الايقاعات؟

لان اني جديد واحب اتعلم ..

شكرا لكم مقدما

71
قسم الالات الموسيقية / رد: ممكن مساعده احب اتعلم على الة الكمان وين اكو مركز موسيقى للتعليم؟ شكرااااااااااا
« في: 20:47 02/08/2010  »
مساء الخير زيد

طبعا مجنت داخل كعضو ..دخلت على مودك ...المهم اخويه كمركز ما اعرف بس انصحك بشخص يقيم هيجي دورات اسمه سعد زاي كلش خوش انشان ومحترف الى ابعد الحدود هو من بغداد - كرادة - ابو اقلام بس من صارت الاوضاع راح لدهوك واستقر هناك بس عنوانه ما اعرفه بس هو موجود عضو بمنتدى التعارف

تحياتي الك


72
الهجرة و واللاجئين / رد: قرار صعب ...اخوان كيف يتم ابلاغ الاي او ام بالغاء معاملة الهجرة مالتي؟!!!!!(يعني بطلت مراح اسافر
« في: 08:36 24/05/2010  »
اخوية روبن هود لا ما اكدر على زعلك ههه اني قررت اعيد التفكير وابقى الى التالي وبعدين اشوف والله يسهل علينا وعليكم...

اخوية بغداد بقلبي اني مقدم على الاي او ام ..تحياتي الك وبالتوفيق

اخوية ناجي ..العمر كله الك ياربي والله ينطيك الصحة والعافية ...وان شاء الله اتقدم ويقبلوك ياربي
واتمنى من الاخت انجي تجاوبك باسرع وقت ممكن ...


الله يوفق الجميع

73
الهجرة و واللاجئين / رد: مقابلة المحلفين تحتاج جواز بغداد IOM
« في: 08:29 24/05/2010  »
بالتوفيق ان شاء الله اخوية

74
الهجرة و واللاجئين / رد: مقابلة المحلفين تحتاج جواز بغداد IOM
« في: 20:51 23/05/2010  »
اخوي سواح المقابله كلش سهله ولا تاكل هم زايد ولا ترتبتك وبالنسبه للمحلف هاي بعد انت وحظك اذا اريحي او لا وبالنسبه من وجهة نظري لا تكذب احسن لان على كولتك هم مكنكين ويا كل الدول فلازم يعرفون بكل شي ..انت ممسوي شي غلط اشرحلهه حالتك وكله شنو جانت وخلتك اسوي هيجي يعني تطلع قجق ..وما اعرف هاي وجهة نظري وان شاء الله الاعضاء ذوي خبره هم ميقصرون بالردود واكيد عدهم وجهات نظر اخرى احتمال احسن من وجهة نظري

تحياتي الك ويالتوفيق

75
الهجرة و واللاجئين / رد: مقابلة المحلفين تحتاج جواز بغداد IOM
« في: 20:45 23/05/2010  »
اخوي العزيز
اني من قابلت المقابله الاولى كلتلتي الي قابلتني انه لازم اسوي جواز وجيبه وياك على المقابله الثانيه المهم اني قابلت مصارلي اسبوع يوم 17/5/2010 وقابلت المحلف وخليته كبالهه الجواز شايله بيدي هاي طبعا بعد تعب وماكل هم الجواز انه لازم اخذه وياي على المقابله الثانيه ..المهم ما اطولهه عليك اصلا مسأل عن الجواز وكل شوف جماعة اي او ام لان الضاهر هو مو شغله مالت الجواز ..واكرر مو شغلتهه...المهم رحت وقعت اوراق بعد المقابله يم الموضف الي تابع للاي او ام ومسألني اصلا على الجواز صدكني اله اني كلتله (لان تعبت يا الله جيته خههههه) كلت خلي اشوف شنو سالفتهم..فكلي ماكو مشكله هسه متحتاجه بس اذا تريد سويهه سكان ودزه على الايميل مالتنه هاي حجياته الي ...وامانه الكلام منقصت او زيدت هذا الي صار وياي ..فما اعرف بعد ..

وان شاء الله موفق وتمنياتي التوفيق للجميع ياربي

76
الهجرة و واللاجئين / رد: خبر حلو من المسؤولين عن برنامج اللجوء
« في: 17:55 22/05/2010  »
الله يسهل ويكون صحيح

77
الهجرة و واللاجئين / رد: قرار صعب ...اخوان كيف يتم ابلاغ الاي او ام بالغاء معاملة الهجرة مالتي؟!!!!!(يعني بطلت مراح اسافر
« في: 08:58 22/05/2010  »
شكرا اخوتي على تفاعلكم بالموضوع وبارك الله وعلى نصائحكم وعليه قررت انه راح ابقى للتالي واشوف شراح يصير والصراحه بعدني دا افكر من جديد وبالنسبه للأخ ايثان شي طبيعي الواحد لازم يشتغل حتى يعيش والواحد صدكني مرايد شي غير الامان وعيشه بسيطة وابسط متصور يعني لا رايد نصير طاكين بس نريد نعيش كاي مواطم عايش عيشه بسيطة ومستور على نفسه وعائلته هي هاي هدفي في امريكا بس الواحد تعرف المرات يجيه هاجس اخاف حتى هاي متتحصل...على العموم الله كريم الواحد يكول وشا الله كاتبه يصير

78
الهجرة و واللاجئين / رد: قرار صعب ...اخوان كيف يتم ابلاغ الاي او ام بالغاء معاملة الهجرة مالتي؟!!!!!(يعني بطلت مراح اسافر
« في: 12:32 20/05/2010  »
الله يفرجها عليك اخويه سلام وان شاء الله ثمرة صبرك قريبه جدا

79
الهجرة و واللاجئين / رد: قرار صعب ...اخوان كيف يتم ابلاغ الاي او ام بالغاء معاملة الهجرة مالتي؟!!!!!(يعني بطلت مراح اسافر
« في: 22:44 19/05/2010  »
شكرا الك اخت سرى على ردك الجميل..وااتمنا ان يوفقنا جميعا ويعطينا راحة البال

80
الهجرة و واللاجئين / رد: قرار صعب ...اخوان كيف يتم ابلاغ الاي او ام بالغاء معاملة الهجرة مالتي؟!!!!!(يعني بطلت مراح اسافر
« في: 20:42 19/05/2010  »
شكرا اختي ليندا على ردك الجميل وتاكدي اني فاهم هذا الشي من ان الاعضاء كل الي رادوا مساعدتي في اراءهم واني لو مرايد اراء الاعضاء وتجاربهم جان مطرحت الموضوع اصلا في المنتدى ..ولاني جنت محتاج نصائحكم فقررت انزل الموضوع ..بس ماعدا اخي العزيزابو عبد شويه غثني بجوابه!! ههه ..على العموم الله يقدم الخير النه كلنه ياربي ويوفقنا لاتخاذ القرار الصحيح.

81
الهجرة و واللاجئين / رد: قرار صعب ...اخوان كيف يتم ابلاغ الاي او ام بالغاء معاملة الهجرة مالتي؟!!!!!(يعني بطلت مراح اسافر
« في: 12:19 19/05/2010  »
والله يعجز اللسان عن التعبير وعن روح التعاون من الاخوة الاعضاء الكرام يارب يوفقكم واشكركم جدا على هذه النضائح الذهبيه التي وسوف اخذ بنصائحكم وسوف انتظر للأخر واعيد التفكير مره ثانية في قراري هذا والله يقدرني على اتخاذ القرار النهائي ...ةبالنسبة للأخ ابو عبد اخويه ماكو احد ياخذ مكان احد ولا امريكا صار عدهه فائض ومتوقف عليه الطابور حتى افسح المجال لغيري ولا انا من قدمت للبرنامج يعني مثل منكول بالعامية (بطران ومسيطر على اموري وزماني ) وحتى اتفيك ..ولكن الله اعلم بضروفي!!! ماهي عندما قدمت مثل هذا القرار ولو اعرف ان هناك منتدى واعضاء مثل هذا المنتدى واطلعت على ما اطلعت عليه الان لما قدمت بتاتا!!

وشكرا لكم جميعا على هذه النصائح اخوتي الافاضل

82
الهجرة و واللاجئين / رد: قرار صعب ...اخوان كيف يتم ابلاغ الاي او ام بالغاء معاملة الهجرة مالتي؟!!!!!(يعني بطلت مراح اسافر
« في: 23:57 18/05/2010  »
شكرا الكم اخوتي وخواتي على اراءكم هذه وبالنسبة للأخت ليند اني وياك بكل كلمة انه تجارب الواحد عن واحد تختلف ولكن وضعت تجارب الاخرين لكي يستفادوا منها الغير ..وعلى العموم اني اشكركم كلش وراح اعيد التفكير مره ثانية وكان الله في عوننا

83
الهجرة و واللاجئين / قرار صعب ...اخوان كيف يتم ابلاغ الاي او ام بالغاء معاملة الهجرة مالتي؟!!!!!(يعني بطلت مراح اسافر)!!!
« في: 23:01 18/05/2010  »
السلام عليكم اخوتي الكرام

بعد قراءة مواضيع الاخوة والافاضل في هذا المنتدى الرائع والذي اسهم في تزويدي بمعلومات كافيه عن الهجرة ايجابياتها وسلبياتها مما ادى الى الى التفكير في قراري وهو العدول عن السفر علما باني قابلت المقابلة الاخيرة مع المحلف(المفابلة الاخيرة) في يوم 17 /5/2010 !!! (البارحة) ;Dفهل انتظر الاجابة وبعدها ابلغهم بقراري (وهو لا اريد السفر)ام ابلغهم الان قبل الاجابة على قبولي بنعم او لا علما باني استحق السفر لآسباب امنية ...ارجوا الافادة وشكرا جزيلا لكم مقدما

اخوكم ديسبرادو

84
مواضيع بعد السفر / رد: مساء الخير اخوان...استفسار عن معادلة الشهادة الجامعية في امريكا!؟؟
« في: 19:35 15/05/2010  »
شكرا لكم اخواني على تفاعلكم بالموضوع
واخوي البغدادي اذا امكن ايميلك وايميل غسان الاشقر

85
الهجرة و واللاجئين / رد: من يريدني كفيلا في امريكا؟
« في: 14:29 14/05/2010  »
بارك الله فيك اخوي حجياتك والله تكفي يا طيب وعاشوا كل الطيبيين امثالك والله يوفقك ياربي ...ياريت لو بعض الناس يسوون او على الاقل يعترفون بعراقيتعم الاصيل ولكن للأسف اكو بعض الناس اذا يشوف ابن بلده يروح لهذاك الصوب عبالك رايد يكفل مجرم ....اسف على الاطاله ولكن كلام نام عن كلام المقربين اليه.

شكرا الك مره اخرى

86
الهجرة و واللاجئين / رد: الى كل من يحتاج مساعدة في ولاية جورجيا الامريكية
« في: 09:30 12/05/2010  »
جزاك الله خير اخي احمد والله يوفقك ياربي لان انت انسان طيب
وشكرا على روح المساعده الي عندك

87
الهجرة و واللاجئين / رد: كيف تصبح مترجم قانوني في امريكا
« في: 09:25 12/05/2010  »
شكرا اخت صوفيا على هاي العلومات القيمة صراحة ..بس عندي سؤالين

بالنسبه اذا رسب بالامتحان يجوز يعيد مره اخرى وشنو هيه التفاصيل؟
بالنسبه لمادة الامتحان الصراحه معلومات وصطلحات طبيه ماكو؟بس الشغلات المدنية والعسكرية ؟ زين اكو كتيب الواحد يحفظه قبل ميروح لو على المعلومات وخلاص؟


شكرا جزيلا

88
الهجرة و واللاجئين / رد: ما هي فائده الكفيل في امريكا ؟!!
« في: 09:31 10/05/2010  »
شكرا لكم اخوتي على الافاده وعلى المعلومات

89
الهجرة و واللاجئين / ما هي فائده الكفيل في امريكا ؟!!
« في: 12:15 09/05/2010  »
مساء الخير اخوتي

انا على موعد ان شاء الله على المقايله الثانيه والاخيره في الاي او ام ..وبصراحه كلش دايخ بشغله انه ماعندي لا صديق ولا قريب في امريكا (يعني عايفهه على الله ) المهم دا اشوف الاخوان في كثير من المواضيع يحجون بالكفيل في ولايه كذا ..وكذا ..واذا احد راد كفيل وشي من هذا القبيل ..يعني هل الكفيل اله دور كبير ؟ واذا له دور هل اين استطيع ان اجد كفيل ؟ علما بانه لايوجد في بالي اي ولايه محدده (مثل ما كلت عايفه على الله هه)

وشكرا لكم مقدما

90
مواضيع بعد السفر / رد: مساء الخير اخوان...استفسار عن معادلة الشهادة الجامعية في امريكا!؟؟
« في: 23:56 29/04/2010  »
شكرا الكم اخواني على تفاعلكم بالموضوع

اني خريج كليه اللغات - القسم الاسباني


91
مواضيع بعد السفر / مساء الخير اخوان...استفسار عن معادلة الشهادة الجامعية في امريكا!؟؟
« في: 16:35 29/04/2010  »
مساء الخير اخواني

اذا امكن اريد اعرف كيفية معادلة الشهاده الجامعية في امريكا ..علما باني خريج جامعه بغداد ..وان شاء الله مقابلتي الاخيرة في الاي او ام قريبه جدا  8)( ادعولي لي ) ..المهم  كلت خلي امشي بالمعاملة بنفسي مازال عندي وقت ولا اعرف من اين ابدأ...فياريت اذا احد عنده معلومات موثوقه يدليني من اين ابدأ؟!!!

وشكرا لكم مقدما

92
منتدى الموسيقى / رد: اول مشاركة لي ...واتمنا ان تستفيدوا .... اجمل موقعين للكوردات لأغاني العربية و الأجنبية
« في: 09:27 05/07/2008  »
you are wellcome

93
منتدى الموسيقى / رد: اول مشاركة لي ...واتمنا ان تستفيدوا .... اجمل موقعين للكوردات لأغاني العربية و الأجنبية
« في: 00:31 24/10/2007  »
لا شكر على واجب ...وتدللون اخوتي

94
منتدى الموسيقى / اول مشاركة لي ...واتمنا ان تستفيدوا .... اجمل موقعين للكوردات لأغاني العربية و الأجنبية
« في: 00:41 23/10/2007  »
 www.arabicguitar.com

هذا الموقع خاص بكوردات الأغاني العربيه لجميع الفنانين العرب وعلما ان التسجيل فيه مجاني ,,, وسوف تستفادوا منه كثيرا ان شاء الله ....



www.911tabs.com


هذا الموقع خاص بكوردات الأغاني الأجنبيه فقط ضع اسم الأغنيه او اسم المغني وسوف تضهر جميع اغانيه ...في نفس الموقع او في المواقع التي لها ارتباط مع الموقع الرئيسي حيث في بعض هذه المواقع          يظهر لك الكورد مع صوره المسكة على الكيتار ..


اتمنا ياربي ان تستفادوا من هذين الموقعين

تحياتي للجميع

95
التعارف والترحيب بالاعضاء الجدد / رد: هاي
« في: 09:35 19/09/2006  »
اهلا وسهلا بيك maloka

96
التعارف والترحيب بالاعضاء الجدد / رد: deperado
« في: 17:12 14/09/2006  »
اهلا وسهلا بيج دالي...وممكن نتعرف؟؟؟

97
التعارف والترحيب بالاعضاء الجدد / رد: تعارف
« في: 17:07 14/09/2006  »
هلو زينة ممكن نتعرف؟؟؟؟؟

98
التعارف والترحيب بالاعضاء الجدد / Desperado
« في: 17:00 14/09/2006  »
انا عضو جديد في هذا المنتدى الرائع , فهل تقبلوني كصديق مخلص ان شاء الله

صفحات: [1]