الرسائل

1

التعازي / رد: تعزية الى المرحوم كامل صادق بوداغ

« في: 19:19 28/11/2010  »

انا هو القيامة والحياة والحق من امن بي وان مات فسيحيا .....نتقدم بخالص الحزن والاسى الى عائلة الفقيد كامل صادق بوداغ واخص بالذكر حنا صادق بوداغ في ديترويت ميتشغان بالتعازي القلبية الحارة بوفاة المغفور ونطلب من الله الصبر والسلوان لذويه والرحمة له اسكنه الله جناته الراحة الابدية اعطه يارب ونورك الدائم يشرق عليه امين ......            عائلة المرحوم اثير حبيب حنا هرمز النجار العراق بغداد

2

الهجرة و واللاجئين / رد: الي معاملاتهم IOM بل 2010 ( اي زي نمب - كيس نمبر) مجموعه النجمة Star Group - UPDATE

« في: 18:16 28/11/2010  »

اشكركم اخواني وخواتي صدك وجهكم خير علينة واتمنى الكم جميعا الي مقدمين ان لتتعذبون مثلنة واتمنالكم موعد سفر قريب ياربي بس اني سمعت من بعض الاصدقاء انه قبل نهاية السنة اي لحد يوم 22-12 اكو سفر لانه وقفوا استقبال المعاملات الجديدة لحين انهاء الي مقدمين من بداية السنة والربع الاول والثاني منهه وماكو فحص قبل السفر في ابن البيطار نظرا للظروف الامنية الفحص راح يكون بالترانزيت بعمان وهو عبارة عن اخذ الحبة الي ينطوهه قبل السفر وقياس الضغط واكو كل يومين طيارة من سوريا والاردن ولبنان انشاء الله تشملكم واكو ناس راح يخابروهم مينطوهم وقت طويل يعني غفلة منهم الي همه سنكل يعني واحد بوحدة لملئ الفراغات واني انشاء الله لابد اشوف واحد من جماعة الكروب ويانة يارب افرجهه على الباقين من كل قلبي امين .

3

الهجرة و واللاجئين / رد: الي معاملاتهم IOM بل 2010 ( اي زي نمب - كيس نمبر) مجموعه النجمة Star Group - UPDATE

« في: 14:06 25/11/2010  »

جيت ابشركم اخواني ويوم الكم انشاء الله هاليوم خابروني الساعة 1 ونص الظهر وانطوني موعد يوم  13\12 السفر الله استجاب لدعواتنا وانشاء الله يوم كل واحد دينتظر يسافر امين يارب العالمين

4

الهجرة و واللاجئين / رد: الي معاملاتهم IOM بل 2010 ( اي زي نمب - كيس نمبر) مجموعه النجمة Star Group - UPDATE

« في: 03:50 24/11/2010  »

اخواني اني قصتي متشبه اي قصة ابني قدم على الiom في الشهر العاشر 2008 لعائلتنا ولبنتي المتزوجة وزوجهه وبناتها وعائلتي تتكون من 6 اشخاص قابلنة في الشهر الثاني من 2009 اجتي الموافقة على كيس بنتي وزوجهه وبناتهه بعدهه اجتي موافقة بنتي الثانية واجتي موافقة ابني واني وزوجي وبنات 2 انرفضنة لان زوجي جان خادم العسكرية بالشمال بعد الرفض توفى زوجي ابني بلغهم انه والده توفى وسافرت بنتي وزوجهه وبناتهه بشهر ال11 2009وسافرت بنتي الاخرى بشهر ال3 2010 وابني اجل السفر بما انه اصبحت ارملة وما عندي معيل اني وخواتهه الباقيات الي عددهم 2 نظروا بالكيس القديم وحولوا الكيس باسمي وانطوني رقم كيس جديد الي يبدا 114 وانطوني موافقة راسا على السفر هذا الحجي بشهر ال2 2010 وسويت الفحوصات اني وبناتي بشهر ال5 2010 تخيلوا المفاجاة ابني صارت فحوصاتهه وبصماتهه ايكسباير وعاد الفحوصات بشهر ال6 2010 والكفالة كملت بامريكا من الشهر ال10 2010وراح نلحك نصير احنة اكسباير وبعدنهه ننتظر وقبل فد شهر خابروني تريدين تسافرين انت والبنات بوحدج لو وياكم ابنج كلتلهم لا طبعا ابني ويانة  وهذاك يوم وراح نكمل السنة 2 وندخل بالثالثة وبعدنة دنراوح بمكانهه تصوروا زوج بنتي اخذ الكرين كارت وراح يلحك يجي واحنة دتمشي المعاملة تاتي تاتي هاي شلون تتعالج هالحالة والله كمت اخاف من يندك التلفون اخاف ليكولولي عيدي الفحوصات والبصمات اختكم الي صبر ايوب مل من صبرهه

5

الهجرة و واللاجئين / رد: الرجاء المشاركة مهم IOM بغداد

« في: 18:12 07/11/2010  »

اخي العزيز تكول زوجتك راح تولد بشهر ال12 بهذي الحالة ميطيروهه اذا كانت بشهر السدس قبل متخلص السابع جان حجزولكم اني بنتي جانت راح تخلص السابع قبل يومين من نهاية السبع طيروهم لامريكا ومالة انو مديجاوبوك اذا دخلنا 20 بشهر ال12 بعد ميمشوون المعاملات الى 10 بشهر ال1 من السنة الجديدة عزيزي اذا شفت يفوت على اي ايميل يدزولك شهر او شهر واسبوع ازركهم ايميل لان هذولة دتصير خربطة بعمان من اللود الي صاير عليهم جماعة بغداد وعمان ولازم متنسى الكيس نمبر لان احنة صار عدة اخطاء واحنة بالايميلات وياهم وتكون صاحي على تلفونك اذا انت ناطيهم رقم تلفون والصبر والله ديشتغلون الله كريم

6

الهجرة و واللاجئين / رد: اريد تغير الولاية اول ما اوصل مروتكم اصحاب الخبره

« في: 19:31 10/10/2010  »

اخي حيدر اني بنتي راحت للولايات المتحدة الامريكية ونزلوهه في كاليفورنيا وهي رادت ديترويت لازم تبقى بالولاية الي راح يخلوك بيهه وقبل متكمل 3 اشهر لازم تبلغهم انه انت عندك احد بولاية انت تريدهه يتكفلك وينقلوك هناك اذا ما عندك كفيل بالولاية الي تريد تنتقل عليها مينقلوك اني بنتي نقلوهه لان اقاربي تكفلوهه واذا انت انتقلت من كيفك بدون علمهم كل حقوقك تضيع يعني كل شي بحياتك انت مسؤول عنه محد ميساعدك وشكرا

7

الهجرة و واللاجئين / رد: نكول كنا بالسويد؟؟؟ ام نخفي الامر؟؟سؤوال لاهل الغيره و الخيرين و الي عدهم معلومه و خبره

« في: 15:40 02/09/2010  »

عزيزتي اني كنت بالسويد لمدة سنة و7 اشهر ورجعت من السويد لان الطلب مالتي رفضوه وقدمت استأناف وبعدين بدلت رأيي ورجعت واخذت المنحة من عدهم ووراهه قدمت على iom بغداد وشرحتلهم كل شي بالتفصيل ورحبوا بالموضوع خصوصا كلتلهم انو اني كنت مقدمة اللجوء هناك بدليل جوازي وختم الرجوع ودخولي بغداد وللعلم رجاءا هذي خطوة بصالحج وانطوني موافقة واني باقيلي بس الحجز لاني استوفيت كل الشغلات روحي بفالج ولا تضمين شي عليهم مع تحياتي

8

متابعات وتحقيقات / رد: الخراب و التراب في مقابر بعقوبة ..... إلى من يهمه الأمر

« في: 12:05 25/02/2010  »

اشكر كل من قام بالرد على هذا الموضوع داخل العراق او خارجه انا أرتأيت في ان اذهب الى المقابر بعد نشر هذا الموضوع لعلي كنت أتأمل ان ارى ردود فعل رجال الدين والمسؤولين بالنظر فقط على هذه الصور وشاء القدر ان اذهب مرة اخرى لدفن زوجي وبعدها ليوم الثالث والاربعين وجمعة الاموات لارى ان الحال نفس الحال وسيبقى على ما هو عليه لا يتغير شي الذي اتمناه من اخواننا في المهجر اذا اردتم مساعدة الناس الفقراء والمعوزين والمنكوبين اللذين ليس لهم من يساعدهم في مصائبهم ارجو منكم ان تبعثوا مساعداتكم عن طريق اشخاص يعتمد عليهم في ادارة هذه الامور من بناء لحود او بناء اسوار او مساعدة اي محتاج هذا اذا كان هناك من يتبرع لهذه الامور هو ليس بتحريض لكن اين جمعية الرحمة الكلدانية من كل هذا التي رفعت سعر اللحد من 60 الف دينار الى 500 الف دينار واصبح بناء اللحد اكثر رداءة من الاول ولا تحافظ على صيانة المقابر اين مسؤولين الدين والاداريين بربكم ويقولون لا تهاجروا وتتركوا االديار بالله عليكم زوروا المكان وشاهدوا بأم اعينكم وكفانا كلام واللبيب بالاشارة يفهم وشكرا

9

الهجرة و واللاجئين / رد: اخواني الله ايخليكم اريد مساعدة

« في: 10:11 23/11/2009  »

الله ايخليكم وايخلي كل عزيز علة قلوبكم واشكركم على المشاعر الطيبة وليشوفكم مكروه ادري لو بيدكم شي جان سويتوا بس ان شاء الله ايصير خير

اني ولد واسمي انس النجار

10

الهجرة و واللاجئين / اخواني الله ايخليكم اريد مساعدة

« في: 00:11 23/11/2009  »

اخواني الله ايخليكم مساعدتكم
اني من بغداد قدمت للاي او ام قبل سنة ونص الي وللعائلة مع العلم اني الاخ الجبيرالمنظمة قسموا الكيسات 4 كيسات 3 منهة تم الموافقة عليهة للسفر وواحدة تم رفض الملف الي هوة عائد الى والدي ووالدتي وخواتي 2 صغارتم رفض الملف بسبب والدي مقتنع المحلف بي كال لآسباب عسكرية واحد من الكيسات سافر قبل 10 ايام وظلوا 2 ننتظر الموعد في اي لحظة
المشكلة اخواني انو والدي توفة قبل 20 يوم اثر نوبة قلبية ومراح ايظل احد هنا وية امي وخواتي لان اصلا ما عدنة كرايب بلعراق احنة العائلة الوحيدة من عشيرتنة اتصلت بألمنظمة ابغداد بدون جدوى الهاتف مغلق واتصلت ابعمان كالوا لاتتصل بينة دز ايميل للمنظمة دزيت ايميلين للمنظمة وشرحتلهم على القضية كاملة وكلتلهم هيج السالفة صار اكثر من 17 يوم وبدون اي رد لحد الان ما اعرف شسوي اكنسل قضيتي حتة اظل وياهم  في حال اتصلوا بية لو ما اعرف شسوي ؟

الي عندة معلومة اتفيدني ليبخل علية بيهة لان اني بوضع لا احسد عليه

والله لا ايشوفكم مكروه 

11

التعازي / رد: انتقل الى رحمة الله المرحوم اثير حبيب حنا النجار في العراق

« في: 15:43 09/11/2009  »

بأسم عائلة المرحوم اثير حبيب حنا النجار كل من زوجته و أبنه و بناته
و والدته و أخوانه و أخواته

نشكر كل من شاركنا حزننا و مصابنا
و خصوصاً الأخ ابو بسام المحترم الذي بادر بنشر الخبر

و نطلب من الله ان يتغمد امواتنا الرحمه و يسكنهم جنة الخلود

" صلوا لإجله "

عائلة المرحوم اثير حبيب حنا النجار
العراق

12

متابعات وتحقيقات / الخراب و التراب في مقابر بعقوبة ..... إلى من يهمه الأمر

« في: 19:56 23/05/2009  »

أخواني هذه أول مرة أكتب في منتداكم لعل وعسى أسمع من يجيب لندائي قبل مدة وجيزة ذهبت الى مقابر بعقوبة .. في ذكرى جمعة الموتى المؤمنين وكون أبني مدفون هناك لكني تفاجئت من هول المنظر الذي رأيته .. قبور مفتوحة ومسروقة ومكسورة .. لقد سرقوا إطارات صور الموتى ولم يكتفوا وسرقوا المرمر الموجود فوق اللحود ولم يكتفوا بل كسروا جميع الصلبان والمرمر الموجود هناك لصعوبة اقتلاعه .. وحتى تماثيل القديسين مكسورة ومرمية على الارض هي الاخرى .. لم أتمالك نفسي فشتمت من حولي وبكيت أمواتنا الراقدين تحت التراب اللذين لم يسلموا الآخرين من السرقات والاذى .. حتى قبور الأطفال لم تسلم من الأذى لقربها من حائط المقبرة و هي عبارة عن حاوية نفايات التي يرموها من خارج المقبرة .. أناشد سيادة البطريرك الموقر بالنظر فقط على الصور التي أدرجتها في الموضوع لكي تكون شاهداً على كلامي .. أين المساعدات التي تصل الى الجمعيات الخيرية من كل حدب وصوب لكي لا تتمكنوا من رفع جدار المقابر أو وضع أسلاك شائكة حول السياج مع أن الذي نعرفه هو المبالغ الطائلة التي يتكبدها أهل المتوفى تكسر ظهره من ارض للدفن ومرمر للحد وخسارة ما بعدها خسارة .. أدعو الأخوان اللذين يشاهدون هذه الصور أن تحرك شيء من مشاعركم لأني والله ما عدت أبقى بدون زيارة لإبني هناك خوفاً من أن ينهشون عظمه لا أعرف كيف لكن أتمنى أن تروا بأنفسكم حالنا في هذا البلد أحياءاً كنا أم أموات ولكم جزيل الشكر ......

13

اخبار فنية ثقافية اجتماعية / رد: عاجل ... عاجل .. من الموصل ... مقتل شقيقتين وطعن والدتهن اثناء اقتحام منزل عائلة مسيحية

« في: 23:19 12/11/2008  »

يالهذا الاجرام ........ قال السيد المسيح انا هو القيامة والحياة والحق من أمن بي وان مات فسيحيا.....فموت اخواننا المسحيين المؤمنين بهذه الطريقة الهمجية هم احياء في المسيح ....لكن القول هو اين رجال الدين المسيحيين من كل هذا الذي يحصل لنا .قتل سلب نهب تهجير هتك للاعراض وهم واقفون مكتوفي الايدي كل طائفة لهل مرجعيات لماذا نحن لا نلتقي رؤسائنا الدنيين.اتعرفون رتبة السيد البطرك المبجل هي بمثابة رتبة رئيس جمهورية هو يمثل رئاسة الطائفة في الشرق الاوسط لماذا هذا السكوت على قتل وتهميش رعاياه؟يكفي اننا نتلطم في دول العالم ما من احد يريدنا لكون اننا عراقيون نطالب وبشدة موقف من البطريرك لمساندتنا داخل العراق وخارجه والا سياتي يوم هؤلاء رجال الدين لن يجدو احد ليسمع مواعضهم في الكنائس غير المسنين والكهول بسبب قتل الشباب وهجرتهم مرغمين خوفا من الموت .لانقول الا شهدائنا احياء في المسيح .الراحة الابدية اعطهم يارب ونورك الدائم يشرق عليهم أمين.

14

مواضيع بعد السفر / رد: أجابة على اسئلتكم حول الهجرة الى السويد من قبل حقوقي زائداً القانون الجديد

« في: 00:58 31/10/2008  »

سيدي الفاضل الاستاذ المحترم مجيد ........انا سيدة من العراق اجبرتني ظروفي لمغادرة العراق تحت وطئة التهديد وبعد ان توفي ابني هناك تركت كل شيء على مضض بما فيهم زوجي واولادي لعل وعسى اجد الامان لعائلتي هنا وبعد مضي سنة هنا وبعد التحقيق الاول واستكمال التحقيق الثاني flen جائني الرد بالرفض واستجدت امور جديدة في قضيتي هي خطف زوجي في العراق وتشتت ابنائي وانا قد استأنفت هنا وقد بلغت المحامي بالظرف الذي حصل لي وانا لا اعرف ماذا اعمل هل اطلب الرجوع ام استمر بالاستأناف .....خوفي من ان تضيع عائلتي وخوفي على زوجي من الفئة التي خطفته ومن ناحية اخرى بقائي هنا لا اظمن ان اخذ الاقامة وطول مدة الانتظار وبعدها تكون النتيجة كالمرحلة الاولى......فكري مشتت ولا اعرف ماذا افعل هل سينظرون بحالتي ولا يطيلون الانتظار علي ام اطلب الرجوع
بالله عليك ترد على رسالتي بالجواب الشافي ...ولك منا كل التقدير والاحترام.

15

مواضيع بعد السفر / رد: أجابة على اسئلتكم حول الهجرة الى السويد من قبل حقوقي زائداً القانون الجديد

« في: 14:32 22/10/2008  »

سيدي الفاضل الاستاذ مجيد ............ في الاونة الاخيرة قامت دائرة الهجرة في السويد برفض طلبات اللجوءللعراقيين تحديدا لكون بعض من المرفوضين يبرزون جوازاتهم في حال ارادو الرجوع الى الوطن خلافا لما افادوا به في التحقيق بعدم حيازتهم على جوازات ...........هذا مما زاد علينا نحن البقيةالطين بلة فلم يعودوا يصدقوا بافاداتنا فاحترق الاخضر بسعر اليابس يعني عموا على الكل هل توافقني الراي؟؟؟