الرسائل

1

الهجرة و واللاجئين / رد: وصلت هيوستن تكساس والحمد لله ومحتاج اتواصل مع الموجودين رجاء

« في: 17:49 15/10/2013  »

الحمد لله على سلامة الوصول وكل عام وانت والعائلة الكريمة بالف خير واني بهيوستن اي شي تحتاج اني بالخدمة ودزيتلك تلفوني بالرسائل الخاصة وتحياتي الك اخوية العزيز

2

الهجرة و واللاجئين / رد: الاخوان في هيوستن الرجاء مساعدتي في تقيم منظقة

« في: 05:03 31/08/2013  »

السلام عليكم اختي بالنسبة الى المجمع هو من المجمعات العادية والايجار رخيص والمنظمة تختار هيج اماكن لرخص الايجار وخصوصا الواصل الجديد بعده ما مستقر بعمل وما عنده دخل ثابت فيتم اختيار هكذا مجمعات تتناسب مع وضعية الواصل الجديد للمدينة بس نصيحة بالنسبة للمدة مال الايجار لا توقعون اكثر من 6 اشهر فقط وبعد هذه المدة تكدرون تختارون مجمع اخر حتى لو بنفس المنطقة اذا عجبتكم المنطقة لان اكو مجمعات زينة ومجمعات عادية وتشوفيهة بمنطقة وحده بالنسبة للمنطقة تقع بالقرب من شارع الهلكروفت وسوبر ماركت فيستا قريب عليكم واسعاره مناسبة واسواق ومطعم عربي الدروبي ايضا قريب على هذه المنطقة واسواق عربية القدس ومكة ومحل المعجنات والحلويات العربي تقع على شارع الهلكروفت فالمنطقة زينة بس احتمال المجمع وضعيته مو بالمستوى المطلوب بس هية مدة مؤقتة وتكدرون تتحولون لمجمع حالته ووضعيته افضل ان شاءالله واي شي تحتاجيه اني والاخوة والاخوات اللي موجودين بهيوستن حاضرين وبالخدمة واني صارلي اربع سنوات ونص بامريكا وكل هذه الفترة بهيوستن.

3

الهجرة و واللاجئين / رد: ** اخر اخباري 2 **

« في: 03:56 12/08/2013  »

الحمد لله على السلامة اخوية الغالي وان شاء الله تكونون بخير وطبعا اني يمك بهيوستن صارلي اربع سنوات ونص وساكن قريب على كيتي وعندي ولد صديقي ساكن يمك بنفس المجمع اللي انت ساكن بي وان شاءالله التقي بيك واي شي تحتاجه انت والعائلة اني حاضر ودزيتلك رقمي على الخاص وادلل اخوية الغالي.

اخوك مروان..

4

الهجرة و واللاجئين / رد: شهاده الاعداديه العراقيه

« في: 03:42 12/08/2013  »

السلام عليكم ورحمة الله وبركاته
طبعا بالبداية كل عام وانتوا بالف خير وان شاءالله تكونون دائما بخير والله يسهل اموركم يارب
بالنسبة لشهادة الثانوية نعم مطلوبة وبالنسبة للترجمة يعتمدون فقط الترجمة القانونية من داخل امريكا وتحديدا المترجمين المجازين من قبل الولاية وعدهم عضوية هيئة المترجمين الامريكية ATA بالاضافة الى ختم كاتب العدل NOTARY PUBLIC وفي الغالب يكون المترجم عنده ختم كاتب العدل بالاضافة الى الترجمة ويكون الختم للوثيقة الاصلية والمترجمة او نسخة طبق الاصل وتختم من قبل كاتب العدل على انها نسخة طبق الاصل وبعدين ترسل الى احد المكاتب المجازة واللي تتعامل وياهة الجامعة او الكوميونتي كولج لغرض اجراء المعادلة القانونية EVALUATION وتكون رسالة المعادلة بظرف مختوم وملصق من قبل المكتب المجاز وتستلمهة بالبريد او من المكتب باليد وتوديهة الى الجامعة. اما بالنسبة الى شهادات الكلية نفس العملية السابقة بس يضاف الهة توصيفات المواد الدراسية SYLLABUS حتى يشوفون المواد والمقررات ومطابقتهة مع منهاج الجامعة هاي لغرض الدراسات العليا او اثبات انه انت حاصل على شهادة جامعية.
طبعا اني عندي اجازة ترجمة من ATA واجازة واختام ترجمة وكاتب عدل NOTARY PUBLIC من ولاية تكساس واني ساكن في مدينة هيوستن صارلي 4 سنوات ونص وهذه هي الاجراءات المتبعة في ترجمة وتصديق ومعادلة الشهادات.  وطبعا بالامكان انه الوثائق المترجمة من العراق نختم عليهن بختم كاتب العدل على انه الترجمة صحيحة بعد التاكد والتدقيق بصحة الترجمة والمعلومات والتصديقات الموجودة في الشهادة وارسالها الى مكتب المعادلة.
واي استفسار خاصة للساكنين في مدينة هيوستن ولاية تكساس اني حاضر لان اني عملي فقط داخل مدينة هيوستن لسهولة التواصل ومتابعة سير المعاملة وراسلوني على الخاص.

5

مواضيع الحياة العامة في بلاد المهجر (امريكا) / رد: الشهادة السابقة في موضوع الفايننشل ايد والتقديم للماجستير

« في: 22:34 05/01/2013  »

اخي العزيز انا الان طالب في جامعة AIU في مدينة هيوستن ولاية تكساس بالنسبة الى سؤالك حول الفاينانشيل ايد اللي هي المنحة فطالب الماجستير غير مشمول بالمنحة لانه انت عندك اساسا شهادة البكلوريوس فتكون غير مؤهل للمنحة ولكن تكون مؤهل للحصول على القرض الحكومي واللي تبدي تسدد الاقساط مالته بعد التخرج بستة اشهر وعلى مدى 10 سنوات.

اما من ناحية معادلة الشهادة لغرض اكمال الدراسات العليا فتتم المعادلة بنظام الكردت حيث يتم اضافة مواد مطلوبة منك لبرنامج الماستر وتدرسهم سوة وية مقررات الماستر ..

6

مواضيع الحياة العامة في بلاد المهجر (امريكا) / رد: للأخــــوة في أمريكاالرجــاء ســـؤال عن  سكشن 8

« في: 22:08 05/01/2013  »

طبعا بالنسبة للتقديم يكون اما اون لاين بالموقع مال الدائرة بالانترنت او تقديم شخصي تروحون لمكان الدائرة بالمدينة مالتكم وحتى تعرفون الموقع مال الدائرة المختصة تكتبون بالكوكل او باي بحث اخر HOUSING AUTHORITY واسم المدينة اللي انتوا بيهة راح يطلعلكم الويب سايت مال الدائرة المختصة وبيهة التفاصيل كاملة والتقديم يكون اما بشكل شخصي وعنوانهم راح تلكوا بالموقع او اون لاين ورة ما تقدمون وتملون الاستمارات الخاصة راح ينطوكم وصل باستلام الطلب وتستمر المراسلات او الاتصال التلفوني بيكم وفي حالة تغيرون عنوانكم خلال فترة الانتظار لازم تبلغوهم تبليغ مباشر يعني تروحون الهم للدائرة وتملون الاستمارة الخاصة بتغيير العنوان حتى يسوون تحديث للملف مالتكم ويستمرون بالاتصال بيكم ويبلغوكم بالنتيجة النهائية وتتواصل الاجراءات المطلوبة ..

7

مواضيع الحياة العامة في بلاد المهجر (امريكا) / رد: للأخــــوة في أمريكاالرجــاء ســـؤال عن  سكشن 8

« في: 21:45 05/01/2013  »

السلام عليكم ورحمة الله وبركاته

طبعا هذا الموضوع اني الي تجربة شخصية بي لان اني صارلي 3 سنوات و9 أشهر بامريكا اكو برنامجين رئيسيين يتم الحصول بيهة على منازل مدعومة بالايجار من قبل الدولة البرنامج الاول اسمة HOUSING PUBLIC والثاني اسمة HOUSING CHOICE VOUCHER اللي هو يسموه سكشن 8 طبعا الفرق بين البرنامجين انه الاول هو مجمعات محددة الدائرة هي اللي تختارهة الك وغالبا تكون مناطق تعبانه مثلا اني قدمت على هذا البرنامج بنهاية 2009 وانتظرت تقريبا سنة وشهرين وطلعلي البيت بس من اجيت للاستلام وشفت المنطقة والناس اللي موجودين بيهة لعبت نفسي والعائلة كلولي مستحيل نعيش هنا بلغت الدائرة بانه اكو امكانية تغيير المنطقة كالوا لا وعليك اما ان تقبل بالمكان اللي حددنا الك او ترفض البيت وما يحقلك تقدم بعد فرفضت البيت واني اجرت بالمنطقة اللي اريدهة ولا انشمر بمنطقة معزولة وبعيدة والناس اللي بيهة فد مرة تعبانين بشكل ما ينوصف .

البرنامج الثاني واللي هو سكشن 8 واللي مسدود بمدينة هيوستن تكساس من يوم اللي وصلت لامريكا لليوم ومسدود في مدن اخرى ضمن ولاية تكساس والولايات الباقية على حسب نوبات ينفتح وينسد خلال قترة كلش قصيرة هذا البرنامج احسن من الاول ينطوك خيارات للمجمعات والمناطق اللي يتعاملون وياهة وانت تحدد وتختار البيت والمنطقة المناسبة الك وهم بيهة فترة انتظار طويلة وحسب السرة والاولويات.

والبرنامجين انت تتحمل نسبة 30% من الايجار والدولة تتحمل الباقي او بعض الحالات انت تتحمل 40% والبرنامجين يعتمدن على الدخل الكلي للعائلة وعدهم نسب محددة لكل عائلة حسب عدد الافراد حتى تكون مؤهل لهذا البرنامج او لا والعملية اطول تقريبا سنة ونوبات اكثر وبعض الحالات اقل من سنة يعني مو سوة وحسب الاولويات والدخل الكلي للعائلة وتوفر الوحدات السكنية..

طبعا هاي بناءا على تجربتي الشخصية واحتمال اكو بغير مدن وولايات يجوز المناطق زينه لان مو سوة بس حبيت ان ابين الفرق بين البرنامجين وانه احتمال يطلع البيت او المنطقة مو مثل ما تتوقع مثل ما صار وياية اتمنى ان اكون جاوبت على هذا السؤال وان شاءالله الفائدة للجميع والموفقية الدائمة بأذن الله..

8

الهجرة و واللاجئين / رد: هيوستن تكساس من افضل المدن للعمل في امريكا

« في: 20:59 05/01/2013  »

السلام عليكم ورحمة الله وبركاته

طبعا اني عضو قديم بالمنتدى وصارلي 3سنوات و9 أشهر بامريكا وكل هاي الفترة اني بهيوستن - تكساس  وطبعا زرت مدن تكساس وزرت غير ولايات صدك مدينة هيوستن اشوفهة من وجهة نظري زينة من ناحية العمل والايجارات معقولة والجو معتدل نسبيا قياسا بغير ولايات صحيح بالصيف رطوبة وبوخة ومطر بس اشوفهة زينة ولو مو زينة ما ابقة بيهة هاي الفترة الطويلة ومن ناحية المساعدات هيوستن معروفة بضعف المساعدات المقدمة وماكو سكشن 8 بس البيوت العامة المدعومة بالايجار ومناطقهة تعبانة جدا وتنتظر سرة تقريبا سنة وشهرين  بس والله اهم شي اللغة وتحصلون شغل وما تحتاجون المساعدات ولا تحتاجون البيوت ومناطقهة التعبانة وتسكنون بمجمعات زينة وقريبة على الاسواق والمحلات والمدارس افضل من البحث عن مساعدات تنذل من وراهة وتتعب هاي نصيحتي للاخوان والاخوات اللي راح يوصلون ان شاءالله بالسلامة الى هيوستن واي اسئلة او استفسار اني حاضر بالاجابة..

9

الهجرة و واللاجئين / رد: سؤال عن الكرين كارد

« في: 22:08 17/10/2011  »

اي اخي روح للعيادة اللي لقحت بيهة اول ما اجيت لامريكا ويكملوهن الك و بدون فلوس هذا اللي اني سويته بهيوستن تكساس اكيد يمكم نفس الشي

10

الهجرة و واللاجئين / رد: سؤال عن العمل سيكيورتي

« في: 21:56 17/10/2011  »

اخوية العزيز هذا الموقع ان شاءالله يفيدك لان اني اشتغلت سكيورتي من خلال هذا الموقع وصارلي سنتين بهاي الشغلة علما انه اني بهيوستن / تكساس صارلي سنتين ونص WWW.CRAIGSLIST.ORG طبعا تدخل على الموقع وتختار الشغلة اللي تريدها SECURITY واسم المدينة والولاية وراح تطلعلك الشركات اللي عالنه عن الوظائف وتاخذ اسم الشركة وتكتب اسمهة وتدخل على موقعهم الالكتروني حتى تاخذ عنوانهم وتروحلهم تقدم بنفسك وان شاءالله تتوفق بالتعيين باحدى الشركات الامنية .

مع تحياتي وسلامي واي سؤال اني حاضر

11

مواضيع الحياة العامة في بلاد المهجر (امريكا) / رد: من بغداد إلى امريكا بالصور 2011-8

« في: 01:45 17/07/2011  »

الف مبروك اخوية العزيز بغدادي وان شاءالله يارب الموفقية والاستقرار

12

مواضيع الحياة العامة في بلاد المهجر (امريكا) / رد: ipwow how can we buy it please in US

« في: 00:11 11/07/2010  »

اخوية العزيز الجهاز هو رسيفر صغير تربطة مباشرة بالراوتر مال الانترنت المودم وبالتلفزيون اول شي تشغل التلفزيون وبعدين المودم مال الانترنت وبعدين الرسيفر وتنتظر فترة يسوي ابديت وتطلعلك قائمة القنوات

وبالنسبة للاشتراك السنوي هو 110 دولار تدفع بعد السنة الاولى

13

مواضيع الحياة العامة في بلاد المهجر (امريكا) / رد: ipwow how can we buy it please in US

« في: 23:57 10/07/2010  »

اخوية العزيز اني بمدينة هيوستن ولاية تكساس وقبل شهر ونص اشتريت هذا الجهاز بمبلغ 400 دولار وراح انطيك رقم الوكيل مال امريكا اسمة استاذ زياد ابو فادي تتصل بي وتتفاهم ويا وتحولة الفلوس على الويسترن يونين او حساب البنك ينطيكيا وتحولة الفلوس ويجيك الجهاز بالبريد على عنوانك طبعا يدزولك وصل وتروح تستلمة من دائرة البريد اللي كاتبيلك عنوانهة بالوصل والفترة تستغرق من 8 الى 10 ايام يالله يوصلك الجهاز وهسة اني الحمد لله القنوات كلهة تطلع وواضحة بس اهم شي الانترنت مالك لازم يكون قوي يعني 5 ميكا اوكي

6192748458
استاذ زياد ابو فادي

14

الهجرة و واللاجئين / خبر مهم لجماعة تكساس واريزونا بخصوص موفد السفارة العراقية

« في: 06:52 23/01/2010  »

تعلن السفارة العراقية في واشنطن عن إرسال أحد موظفيها المخولين بالعمل القنصلي إلى ولايتي تكساس وأريزونا لغرض التخفيف عن كاهل الجالية العراقية لإستكمال معاملات المواطنين وحسب الجدول التالي:
الولاية   المدينة   التاريخ   الوقت   المكان

تكساس
   
دالاس
   1/2/2010   10:00- 4:00     Library
1905 Brown Blvd.
Arlington, TX. 76006
      2/2/2010   10:00- 4:00   Haggard Library. 
2501 Coit RD.
Plano, TX. 75075
   
هيوستن   3/2/2010   10:00 – 5:00

   The Arab American Cultural and Community Center.
10555 Stancliff Rd
Houston, TX 77099
Tel: 832.351.3366
      4/2/2010   9:00 – 4:00   

اريزونا   
فينكس   5/2/2010   9:00 – 5:00

   Pita Place
4340 west thunderbird rd
Glendale, AZ 85306
Tel: 623 993 0733

      6/2/2010   9:00 – 5:00   

يرجى من المراجعين جلب كافة المستمسكات الأصولية الأصلية (هوية الأحوال المدينة وشهادة الجنسية العراقية وجواز سفر عراقي نافذ المفعول).
كما يرجى جلب صك مصدق (Money Order) وكما يلي:
1-   وكالة خاصة 10 دولار.
2-   وكالة عامة 30 دولار.
3-   الغاء وكالة 10 دولار.
4-   شهادة حياة (مجاناً).
5-   إصدار جواز 20 دولار.
6-   تمديد جواز 25 دولار.
7-  إصدار شهادة ولادة 25 دولار.
كما يرجى جلب ظرف بريدي مرجع مع معاملات إصدار الجوازات وشهادات الولادة
مع التقدير

15

الهجرة و واللاجئين / رد: موضوع مهم لذوي العلاقه في الولايات المتحده الامريكيه

« في: 00:28 21/01/2010  »

شكرا اخونا عاشق تراب العراق للتوضيح وبارك الله بيك

عمي مازولا الك وحشه وين هالغيبه خويي شو ماكو ؟؟
 

العفو اخوية ابو عبد الله بس حبيت اوضح انه اني عاشق العراق الوفي مو الاخ العزيز عاشق تراب العراق هاي دائما الاخوان يربطون بيناتنه ماكو فرق ان شاءالله بس اني صارلي 9 اشهر بهيوستن والاخ عاشق تراب العراق وصل حديثا الى امريكا ولحد الان مانعرف اخباره والله يبارك للجميع ان شاءالله والموفقية للجميع

16

الهجرة و واللاجئين / رد: سؤال حول التعليمات الاخيره لشهادة الحياة

« في: 23:57 20/01/2010  »

اخت عسولة 2 هاي دائما الاخوة والاخوات يربطون بيني وبين الاخ العزيز عاشق تراب العراق ولو ماكو فرق بيناتنه بس اني عاشق العراق الوفي والاخ عاشق تراب العراق وصل حديثا الى الولايات المتحدة والله يبارك بكل الاخوة والاخوات لخدمة اعضاء المنتدى


اخوكم عاشق العراق الوفي / هيوستن

17

الهجرة و واللاجئين / رد: سؤال حول التعليمات الاخيره لشهادة الحياة

« في: 22:13 20/01/2010  »

اخت ريم هذا واجبنه اي شي نعرفة او معلومات جديدة ننشرهة هنا طبعا بعد التاكد من عدهة مو نكول سمعنة وبعدين تطلع كذب ونتفاشل وية الاعضاء بالمنتدى

18

الهجرة و واللاجئين / رد: سؤال حول التعليمات الاخيره لشهادة الحياة

« في: 21:15 20/01/2010  »

الاخت العزيزة عسولة 2 وباقي الاخوة والاخوات في دالاس وهيوستن قبل قليل اتصلت بالقنصلية العراقية في ديترويت وطلعتلي موظفة عراقية وسالتهة عن موعد وصول مندوب السفارة الى تكساس بلغتني انه يومي 1و2/2/2010 راح يكون المندوب في مدينة دالاس ويومي 3و4/2/2010 في مدينة هيوستن وسالتهة على العناوين كالت بعد اسبوع خابر حتى نبلغك بالعناوين لان بعد ما محددين المكانات وهاي ارقام تلفوناتهم خابروهم بعد اسبوع من اليوم واخذوا العناوين مال دالاس وهيوستن في تكساس

5893 387 202

8814 462 202

8817 462 202

19

الهجرة و واللاجئين / رد: موضوع مهم لذوي العلاقه في الولايات المتحده الامريكيه

« في: 06:40 19/01/2010  »

اخواني الاعزاء اني ما اشوف بهذا الشي جانب سلبي او مشكلة مثل ما البعض متخوف من هاي الشغلة كل الموضوع انه بهاي الفترة مطلوب عمل شهادات اثبات الحياة للمتقاعدين خلال شهر الواحد والثاني من كل سنة حتى تنصرف رواتب التقاعد لوكلاء المتقاعدين داخل العراق واكو محتاجين جوازات واكو محتاجين يسوون وكالات عامة وخاصة ويدزوهة لاقربائهم بالعراق حتى يمشولهم امورهم ومتعلقاتهم فالسفارة العراقية بواشنطن والقنصلية العراقية بديترويت اوفدت موظف من عدهة لبعض الولايات اللي بيهة عراقيين هواية حتى يكملون المعاملات مالتهم وهذا شي ايجابي مو سلبي

لان اذا تريد تحسب المصاريف اللي راح تصرفهة من تسافر لواشنطن او مشكان راح تروح بطيارة وتنزل بفندق يوم واحد تخلص المعاملة وترجع لولايتك وهاي كلهة مصاريف ومشقة خاصة المتقاعد وهمة كبار سن مايتحملون مشقة وعناء السفر  بينما من يجي مندوب من السفارة راح يوفر عليك التكلفة والمشقة والتعب

اني من الناس هذا الاجراء فادني كلش هواية لان في حالة محد يجي لهيوستن راح اظطر اخذ اجازة من الشغل واخذ اجازة لاختي الصغيرة من المدرسة واحجز اربع تذاكر سفر لان عندي الوالد والوالدة متقاعدين وكبار سن مطلوب منهم شهادة اثبات الحياة ونسافر ونكمل المعاملة ونرجع وهاي هم مصرف فلوس وهم تعب ومشقة على اهلي بينما هسة من راح يجي الموظف الى هيوستن المسالة كلش بسيطة وما تكلفنة ولا فلس

مع تحياتي وتقديري للجميع

20

الهجرة و واللاجئين / رد: عودة الى المنتدى بعد انقطاع دام 7 اشهر واخبار مفيدة للجميع

« في: 05:52 19/01/2010  »

مشكور ابو علي على المرور وعلى كلماتك الطيبة ومشاعرك النبيلة وان شاءالله الموفقية للجميع يارب

21

الهجرة و واللاجئين / رد: الجدول الكاااااااااااااااااامل لاعضاء المنتدى في كل الولايات الامريكيه

« في: 05:49 19/01/2010  »

اخت ريم اشو اني ما موجود بالقائمة مال هيوستن /تكساس مع العلم اني صارلي 9 اشهر هنا بامريكا يجوز لان اشتغل سكيورتي اوفيسر وملتهي نسيتوني هههههههههه تحياتي الكم وسلامي لكل الاعضاء

22

الهجرة و واللاجئين / رد: عودة الى المنتدى بعد انقطاع دام 7 اشهر واخبار مفيدة للجميع

« في: 20:23 18/01/2010  »

مشكور اخوية الخالدي الاصيل على المرور والتوفيق للجميع ان شاءالله

23

الهجرة و واللاجئين / رد: اخواني الاعزاء محتاج دعاء القلوب الطاهرة

« في: 16:49 18/01/2010  »

الله يسهلك اخوية العزيز وان شاءالله تفرج عليك يارب واتمنالك الموفقية والنجاح وداعتك كلنه مرينة بهذا الشي وبعدين صارت سوالف والحمد لله على كل حال

24

الهجرة و واللاجئين / رد: موعد السفر..........اخيرا من مصر

« في: 16:44 18/01/2010  »

الف الف مبرووووووووووك ابو مصطفى الورد واتمنال كل الموفقية بحياتك انت والعائلة الكريمة وتلفوني يمك والايميل يمك واني حاضر لاي سؤال او استفسار مع تحياتي وسلامي

مروان ابراهيم / هيوستن / تكساس

عاشق العراق الوفي

25

الهجرة و واللاجئين / رد: عودة الى المنتدى بعد انقطاع دام 7 اشهر واخبار مفيدة للجميع

« في: 16:33 18/01/2010  »

طبعا جوابا على سؤال الاخ او الاخت aseal بالنسبة لخريج الدراسة المتوسطة او اي مرحلة بالثانوية مطلوب من عندة شهادة الثانوية الامريكية ال GED وهاي الشهادة يمكن الحصول عليهة خلال خمس اشهر تقريبا ومن خلال المنحة المالية للطلبة وعن طريق منظمة YMCA هاي يمنه بهيوستن بغير مكان ما اعرف وين وبعدان تاخذ شهادة ال GED تكدر تشتغل اذا لغتك زينة او تكمل معهد مهني باي مهنة تختارهة وموجودة كومة تخصصات وهم اكو مشمولة بالمنحة المالية للطلبة اللاجئين وتقدم على شغل .

اما بالنسبة الى السؤال حول شراء بيت صغير فهذا الموضوع لازم بالبداية يكون عندك عمل ثابت وراتب ثابت واكو برنامج تقدم عليه يدفعلك مقدمة البيت ويقسط المبلغ الباقي يعني يعتبر قرض تسددة من راتبك وبكفالة البنك اللي ينزل راتبك بي كل شهر يقتطعون نسبة معينة من الراتب

وتقبل تحياتي وسلامي

26

الهجرة و واللاجئين / رد: عودة الى المنتدى بعد انقطاع دام 7 اشهر واخبار مفيدة للجميع

« في: 16:20 18/01/2010  »

الاخت صابرين مشكورة على مشاعرج ودعائج ويارب الموفقية للجميع

الاخت شجرة الدر تسلمين ومشكورة وان شاءالله تحقيق كل الاماني والموفقية للجميع

الاخ العزيز violin مشكور اخوية على مشاعرك وكلماتك وان شاءالله يارب الموفقية للجميع

الاخ العزيز بغدادي 76 مشكور اخوية على المرور وصدك اخر شي السوداني فادني مو العراقي ههههههه والهندي صاحب الشركة الامنية اللي اشتغل بيهة

27

دردشة منتدى الهجرة واللاجئين / رد: ملحكت على اعلان الخبر srecan 58 سبقني مبرووك السفر الي واله

« في: 00:58 18/01/2010  »

الف الف مبروووووك ام مصطفى وتحياتي لابو مصطفى وان شاءالله تتوفقون بحياتكم الجديدة يارب واني على اتصال بابو مصطفى بالايميل وانطيتة تلفوني حتى من توصلون اي شي تسالوني اجاوبكم وتحياتي للجميع وخاف ما عرفتيني منو اني مروان جنت بمصر واعرف ابو مصطفى والولد تحياتي

28

الهجرة و واللاجئين / رد: بعـون الله تعــالى تم تحديد : (( دورة تثقيفية ومــوعــِد سفــَر )) †

« في: 00:42 18/01/2010  »

الف الف مبروووووك اخوية الغالي وسام وان شاءالله يارب دوام الصحة والسلامة والموفقية الدائمة يارب

29

الهجرة و واللاجئين / رد: عودة الى المنتدى بعد انقطاع دام 7 اشهر واخبار مفيدة للجميع

« في: 00:30 18/01/2010  »

الاخ العزيز وسام مشكور على الكلام الرائع وبالفعل اني لو ما اعتمد على نفسي جان لحد الان مالاكي شغل او ابقى بالمكان اللي فرضوا علية فرض وبالتهديد نعم المنظمة هددتني وحجزت شيك من الشيكات ما انطونيا الا من اشتغلت بالمول يالله انطونيا والحمد لله الله لا يعوزنه على المنظمات اللي تتحكم بينه والرزق على الله مو على المنظمة

30

الهجرة و واللاجئين / رد: عودة الى المنتدى بعد انقطاع دام 7 اشهر واخبار مفيدة للجميع

« في: 00:25 18/01/2010  »

الاخ تايكر مشكور على الكلمات الحلوة والبركة بيكم مشرفي المنتدى والاداريين ماقصرتوا والله من خلال مشاهدتي للمواضيع القديمة والجديدة والله يبارك بيكم يارب

الاخت المتالقة ريم مشكورة على مشاعرج الطيبة وكلماتج الرقيقة وانتي ماتقصرين وية الكل

الاخ العزيز ابو انس مشكور والله يبارك بيك يارب وان شاء الله دوام الصحة والموفقية للجميع يارب

31

الهجرة و واللاجئين / رد: ادور بس لطم ...

« في: 00:20 18/01/2010  »

والله كلام اخوية ابو عبد الله صحيح هنا بهيوستن يمنة اريد عراقي يساعد عراقي ماكو الا ماندر لان مو كلهة سوة مثلا تكلة هاي الشغلة وين اقدم عليهة ووين صاير المكان اللي اقدم بي ينطيك جواب عام ما يفيدك ولو تذبحة ما ينطيك العنوان بالتفصيل مثلا يكلك روح لشوكر لاند زين هاي المنطقة جبيرة وواسعة وين يعني لو يكلك هاي صايرة على طريق 610 زين هذا الطريق محزم هيوستن حزام وبي اربع جهات شمال وجنوب وشرق وغرب وين الله اعلم ههههههههه اني بالنسبة الي ساعدوني واحد سوداني والثاني هندي والعراقيين نو كومنت هههههه

32

الهجرة و واللاجئين / رد: عودة الى المنتدى بعد انقطاع دام 7 اشهر واخبار مفيدة للجميع

« في: 23:49 17/01/2010  »

اشكرك اخوية الاصيل البركة بيكم بالفترة اللي اني انقطعت بيهة وان شاءالله الكل ما قصر بالمنتدى والقادم افضل يارب

33

الهجرة و واللاجئين / رد: عودة الى المنتدى بعد انقطاع دام 7 اشهر واخبار مفيدة للجميع

« في: 23:05 17/01/2010  »

الاخت العزيزة وردة المنتدى انجي مشكورة ومنورة الموضوع وان شاءالله يارب الله يحفظكم لخدمة اخوانه بالمنتدى

34

الهجرة و واللاجئين / رد: عودة الى المنتدى بعد انقطاع دام 7 اشهر واخبار مفيدة للجميع

« في: 23:04 17/01/2010  »

الاخت العزيزة ميادة مشكورة على مشاعرج الطيبة وبالنسبة لسؤالج المعهد اسمة security academy of texas وبالنسبة للفلوس 130 دولار  ومدة الدورة اسبوع واحد وامتحانين بالانترنت وامتحان تحريري يمهم بالمعهد هاي بالنسبة النه هنا بهيوستن بتكساس بس باقي المدن والولايات ما اعرف اسالوا وان شاء الله يدلوكم

35

الهجرة و واللاجئين / عودة الى المنتدى بعد انقطاع دام 7 اشهر واخبار مفيدة للجميع

« في: 22:44 17/01/2010  »

السلام عليكم ورحمة الله وبركاته

طبعا بالبداية احب اسلم على جميع اعضاء وكادر المنتدى وابارك لاخوتنه اللي سافروا واللي طلعت امنياتهم بعد انتظار طويل والاخوة والاخوات اللي تحددلهم مواعيد سفر .
ولو تدرون شنو السبب اللي انقطعت بي عن المنتدى يمكن راح تضحكون علية بس شسوي ماعندي معرفة بهاي الشغلات الخاصة بالحاسبة كلما ادخل على المنتدى تطلعلي كلمة لايمكن تسجيل دخولك تاكد من اعدادات السكاكر واني حاير هاي السكاكر شنو سالفتهة ياهو لاسالة هنا محد يعرف وتالي ابن حلال صديقي تعرفت عليه قبل اسبوع كتلة عندي هاي المشكلة كال هاي بسيطة تدخل على الادوات tools وتختار الاختيار الاول اللي هو الغاء المحفوظات والكوكيز الخاص بالبروزر وتدخل للمنتدى عادي وصدك سويتهة ودخلت ههههههه الحمد لله هسة نجي على الاخبار المفيدة
1. طبعا اني بهيوستن بتكساس صارلي 9 اشهر وراح ادخل هسة بالشهر العاشر حتى تضيفوني لجدول الاعضاء اللي بهيوستن / تكساس
2. منظمتي الكنائس الكاثوليكية لكتلي شغل تنظيف بمول وبصراحة شغل كراب وتنظيف وجلي وتلميع الارضيات والممرات بمكائن متعبة تشتغل على انابيب غاز صغيرة ما اطولهة عليكم ما اتحملت شهر واحد وبطلت والمنظمة ما صدكو ا راسن كطعوا المساعدات علية لان بطلت من الشغل .
3. اكو ولد سوداني جيراني خوش ولد وخدوم ويساعد دلاني على اكاديمية مال خدمات امنية ودخلت دورة لمدة اسبوع واحد واديت امتحانين على الانترنت طبعا كل امتحان 40 سؤال ونجحت بيهن والحمد لله وبعدين اديت الامتحان الثالث والاخير اللي هوة 100 سؤال واخذت شهادة level 1,level 2, level 3  وتخرجت من عدهم سكيورتي اوفيسر نون كوميشن يعني غير مسلح لان ماعندي كرين كارد بس اكدر اشتغل بالشركات الامنية لحد ما اخذ الكرين كارد واطلع رخصة السلاح واصير كومشن يعني مسلح وذاك الوكت اكدر اشتغل باكثر من شركة امنية والاكاديمية انطتني اكثر من عنوان وتلفون لشركات اتصلت بيهم وشركة وحدة بس استقبلتني وشغلوني ب 8 دولارات بالساعة وطلعولي الرخصة او البوكيت كارد مال السكيورتي اوفيسر صادرة من dps تكساس وبعد ما طلعولي الرخصة زيدوا راتبي وهسة استلم 9 دولارات بالساعة وان شاءالله من اصير مسلح بعد الكرين كارد راح يصير راتبي 12 الى 14 دولار بالساعة واكدر اشتغل بمكانين يعني راتبين .
4. هنا الخبر الزين اتصلوا بية المنظمة بعد ان تخلوا عني كل هاي الفترة وكلولي انه تكدر تقدم اكو برنامج جديد هسة راح يطبق عدنه بهيوستن بتكساس لكل واحد يشتغل عندة عمل وراتبة ضعيف ما يكفي هذا البرنامج ينطي جزء من الاجار والكهرباء ويشوفولك شغل ثاني اضافة الى شغلك الاول وان شاءالله يوم الثلاثاء او الاربعاء القادم اروح للمنظمة واقدم لان همة اتصلوا بية مو اني رايح الهم


واي تفاصيل جديدة ان شاءالله افيدكم بيهة وتحياتي للجميع ...


اخوكم عاشق العراق الوفي /هيوستن  / تكساس

36

الهجرة و واللاجئين / رد: الموبايلات التي تعمل في امريكا استفسار

« في: 18:46 17/06/2009  »

اخوية العزيز على الاطلاق كل اجهزة الجيل الثالث تشتغل هنا ولكافة الانواع اني موبايلي نوكيا N73 وبنت اخوية موبايلهة نوكيا 5100 يشتغل هنا

37

الهجرة و واللاجئين / رد: سؤال عن العسكريه وخدمه الاحتياط

« في: 18:39 17/06/2009  »

اخوية العزيز عكعك خدمة احتياط مواليد 1965 كانت في عام 2001 بس يا شهر بالظبط ما اتذكر والمدة كانت شهر واحد واعتقد البدل كان اكثر من بدل الخدمة الالزامية يعني اكثر من 1500000 لان اني كنت في وقتها عسكري وكنت معتمد البريد العسكري بوحدتي وراجعت في وقتها لولد صديقي مواليد 1965 بتجنيد الكرخ اللي بالعلاوي

38

الهجرة و واللاجئين / رد: سوال ممكن احد يساعدني

« في: 23:17 06/06/2009  »

اختي ام نور بالنسبة النة بمصر زودونة بوثيقة سفر مال الصليب الاحمر ونقلنة بيانات الجواز ووثائق الامم المتحدة عليهة وبمطار القاهرة ما شافوا الجوازات بس وثائق الصليب الاحمر وانختمت بختم المغادرة والجواز محد شافة ولا انختم باي ختم غير بس اللي بي اقامة كنسلوهة حتى ما يصير يرجع لمصر

39

الهجرة و واللاجئين / رد: واخيرا سحبت انترنت ورجعت للمنتدى واني حاضر لمساعدة اخواني واخواتي

« في: 03:38 06/06/2009  »

good sniper

فصولي

صابر للابد

شكرا جزيلا على المرور الطيب والدعاء الجميل ويارب تسهل كل اموركم وتستقرون ان شاءالله

40

الهجرة و واللاجئين / رد: واخيرا سحبت انترنت ورجعت للمنتدى واني حاضر لمساعدة اخواني واخواتي

« في: 16:22 04/06/2009  »

rose rose الله لا يراويكم اللي شفنا والله كريم والله يسهل اموركم يارب والموفقية للجميع ان شاءالله

41

الهجرة و واللاجئين / رد: واخيرا سحبت انترنت ورجعت للمنتدى واني حاضر لمساعدة اخواني واخواتي

« في: 16:19 04/06/2009  »

الاخت العزيزة سمارة
الاخ العزيز شيبو مشتاقين شلونهة مصر
الاخ العزيز الغانمي
iraqijealoust
baghdadghost
الاخت العزيزة انجي نورتي الموضوع
الاخت العزيزة ام سارة
susu2u
mr neo
suzie 83
khldoon 2000
الاخ العزيز ابو تبارك
79 النرجس
wingo
النورس الحزين
mozart

شكرا جزيلا على مروركم الطيب وعلى دعائكم الجميل وان شاء الله يارب يسهل اموركم ودوام الموفقية والنجاح والاستقرار للجميع

42

الهجرة و واللاجئين / رد: واخيرا سحبت انترنت ورجعت للمنتدى واني حاضر لمساعدة اخواني واخواتي

« في: 15:59 04/06/2009  »

شلونك عمي ابو دجلة مشتاقين والله نورت الموضوع وبالنسبة لسؤالك عن موضوع التقاعد والدي عمرة 70 سنة ووالدتي عمرها 67 سنة منظمتنه هي الكنائس الكاثوليكية هي اللي قدمتلهم على برنامج ssi الخاص بكبار السن والمعاقين والمرضى فتم التقديم على اساس العمر اما بالنسبة اللي عمرة اقل من 65 سنة فيقدم على اساس المرض او العوق اللي بي وبالنسبة لمبلغ التقاعد الشهري هنا بهيوستن للشخص 675 دولار شهريا اما اذا شخصين بالعائلة الواحدة مثل حالتنه فالمبلغ يكون 505.5 دولار للشخص الواحد يعني الشخصين يستلمون مبلغ 1011 دولار بالشهر ويستمر التقاعد الى 7 سنوات في حالة عدم الحصول على الجنسية الامريكية اما في حالة الحصول على الجنسية الامريكية فيستمر التقاعد مدى الحياة

43

الهجرة و واللاجئين / رد: واخيرا سحبت انترنت ورجعت للمنتدى واني حاضر لمساعدة اخواني واخواتي

« في: 01:38 04/06/2009  »

مشكورة اخت ام انس على الدعاء والمشاعر الطيبة وان شاءالله الموفقية للجميع يارب

44

الهجرة و واللاجئين / رد: واخيرا سحبت انترنت ورجعت للمنتدى واني حاضر لمساعدة اخواني واخواتي

« في: 01:22 04/06/2009  »

شلونك اخوية عكعك مشتاقين شلونهة مصر طبعا اللي يجي هنا يشتاق لمصر وان شاءالله الله يسهل امركم يارب ودوام النجاح والموفقية للجميع

45

الهجرة و واللاجئين / رد: واخيرا سحبت انترنت ورجعت للمنتدى واني حاضر لمساعدة اخواني واخواتي

« في: 01:19 04/06/2009  »

شكرا اخي العزيز ماستر على دعاءك وتمنياتك الطيبة وان شاءالله ما اقصر وية احد وانقل الامور اللي تصير هنا بهيوستن باللي اكدر عليه تحياتي

46

الهجرة و واللاجئين / رد: واخيرا سحبت انترنت ورجعت للمنتدى واني حاضر لمساعدة اخواني واخواتي

« في: 01:15 04/06/2009  »

الاخ العزيز ابو انس  والاخ iraqgsm والاخت بت بطوطة شكرا جزيلا على الكلمات الحلوة وان شاءالله الموفقية للجميع يارب

47

الهجرة و واللاجئين / رد: واخيرا سحبت انترنت ورجعت للمنتدى واني حاضر لمساعدة اخواني واخواتي

« في: 01:12 04/06/2009  »

شكرا جزيلا show على المشاعر النبيلة والحمد لله ولو هذا جو هيوستن مال انتقام حر ورطوبة عالية ومطر بس الحمد لله على كل حال

48

الهجرة و واللاجئين / واخيرا سحبت انترنت ورجعت للمنتدى واني حاضر لمساعدة اخواني واخواتي

« في: 00:59 04/06/2009  »

السلام عليكم ورحمة الله وبركاته

طبعا كلش مشتاق للمنتدى والحمد لله اليوم يالله كدرت اسحب انترنت من شركة كوم كاست الامريكية بمبلغ 24 دولار بالشهر ولمدة سنة طبعا هذا العرض نازل جديد واخوكم استفاد من هذا العرض طبعا اني والعائلة سافرنا من مصر فجر يوم الخميس 16/4/2009 على شركة اللفت هانزا الالمانية وكان مسار الرحلة الى فرانكفورت بالمانيا وترانزيت اربع ساعات وبعدها سافرنا الى ولاية نيو جيرسي وبيتونة ليلة هناك وثاني يوم سافرنا الى شيكاغو وبقينة ننتظر الرحلة الى مدينة هيوستن تقريبا ثلاثة ساعات بالمطار واذا بالمسؤول عن البوابة المخصصة لرحلة هيوستن يعلن تاجيل الرحلة الى اليوم التالي بسبب عاصفة مطر شديدة في مدينة هيوستن واستحالة الطيران في مثل هذا الجو طبعا ما اوصفلكم الحالة اللي صرت بيهة واني وياية والدي ووالدتي كبار بالسن وبنت اخوية عمرهة 17 سنة فتوجهت بسرعة الى مكتب شركة الطيران الامريكية وكلتلهم بحالتي راسا انطوني كارت وكالوا تروح انت وعائلتك الى فندق الهلتون الملحق بالمطار وتقضي الليلة هناك لباجر الصبح وانطوني موعد الرحلة الجديد وثاني يوم سافرنه من شيكاغو الى هيوستن وبالطريق الى هيوستن جان يعلن الطيار انه راح يغير المسار الى لويزيانا لان صار مطر شديد وكلش قوي بهيوستن وما يكدر يهبط بالمطار طبعا اني شصار بية واحنة بالطيارة ونسمع هيج اخبار كلنة هاي استقبال النة وعلى عينة صار هالشكل جان تهبط الطيارة بلويزيانا وبقينة بالمطار تقريبا ساعتين وراهة اعلنو عن استاناف الرحلة الى هيوستن العالم كلهة ركض للطيارة ما مصدكين والله احنة وصلنة مسافة قريبة فوك المطار وجان تهب عاصفة قوية ومطر قوي والطيارة كامت تروح يمنة ويسرة وتصعد فوك وتنزل جوة وظلينة نقرة ايات وندعي طول فترة هبوط الطيارة لان كان هبوط كلش صعب بس الحمد لله الطيار كان كلش خوش طيار وتعامل وية المطبات الهوائية القوية بكل حرفية ومهنية عالية بحيث من هبط والطيارة مشت على المدرج بمطار هيوستن الركاب كلهة كامت تصفك للطيار لان هبط باعجوبة بهيج جو والحمد لله على كل حال ظلينة نحمد الله ونشكرة على هاي النعمة اللي انعمهة علينة ووصلنة بالسلامة الى هيوستن طبعا وصلنا يوم 18/4/2009 ساعة 7 المغرب بتوقيت هيوستن يعني الرحلة كلهة وية التاجيلات والشغلات اللي صارت ويانة طولت 3 أيام نزلنة بالمطار مالكينة اي واحد من المنظمة لان المواعيد تخربطت عليهم وما يعرفون شوكت نوصل وهذا شي توقعتة لان اللي صار صدك خربطة فخابرت الكفيل مالتنة وكتلة يمعود وصلنة كال صدك احنة البارحة جنة بالمطار ننتظركم وكالوا الرحلة تاجلت ورجعنة اليوم وهم كالوا احتمال يتاخرون او تتاجل فكلي اني هسة اخابر المنظمة ونجيكم انتظرونة بالمطار والله بقينة لحد ساعة 8 ونص ننتظر وما اشوف الا الكفيل مالتنة وويا اثنين من المنظمة اجو علينة واخذونة للشقة اللي ماجريلنياهة لمدة 6 أشهر 4 أشهر على المنظمة ينطونة صكوك بالاجار اضافة للكاش طبعا الشقة غرفتين وصالة وحمام ومطبخ وصايرة بالدور الثاني اجارهة 744 دولار شاملة الماء والكهرباء والحمد لله بعد شهر من وصولنة المنظمة مشتلنة بالاجراءات الادارية واخذنة السوشيل سكيورتي والفود ستامب وبطاقة العمل والمدكيت اللي هوة التامين الصحي وبالنسبة لوالدي ووالدتي قدمولهم على التقاعد برنامج ال ssi وان شاء الله راح ينصرف بمنتصف هذا الشهر السادس طبعا طولت عليكم بس التفاصيل كلش هواية واني حاضر لاي سؤال باللي اكدر عليه بالاجابة


وتحياتي وسلامي الى كل اعضاء المنتدى

49

الهجرة و واللاجئين / رد: باركولي واخيرا حددولي موعد السفر يوم 16 / 4

« في: 17:05 09/04/2009  »

مشكور اخوية الغالي baghdad ghost على المرور والتهنئة الكريمة وان شاءالله الموفقية الك وللجميع يارب

50

الهجرة و واللاجئين / رد: SONY.SONY موعدسسسسسسسسسسفر

« في: 17:02 09/04/2009  »

مبرووووووووووك الف الف مبروك اختي العزيزة وان شاءالله سلامة الوصول والموفقية والنجاح ونسمع اخبارج الطيبة يارب بس انتي كاتبة 27 /3 هي المفروض 27 /4 يالله مو مشكلة هاي من الفرحة معذورة ههههههههه تحياتي وسلامي

51

الهجرة و واللاجئين / رد: ZOZOLOLO راح يسافر يووووووووووووووووم...!!!!!!

« في: 16:56 09/04/2009  »

الف الف مبروووووووووك اخوية العزيز زهير وان شاءالله توصل بالسلامة والموفقية بكل خطوة من خطوات حياتك الجديدة يارب تحياتي وسلامي

52

الهجرة و واللاجئين / رد: اخواني وخواتي حبيت اودعكم لان راح انسحب...

« في: 16:52 09/04/2009  »

مبروووووووووووووك الف الف مبروك ام سارة واخيرا حددولج موعد ان شاءالله السفر يكون مريح والله يوفقج يارب ويسهلج كافة امورج وان شاءالله نسمع اخبارج الطيبة بالمناسبة انتي بيا ولاية ويا مدينة ومن يادولة راح تسافرين ان شاءالله ؟

53

الهجرة و واللاجئين / رد: باركولي واخيرا حددولي موعد السفر يوم 16 / 4

« في: 16:46 09/04/2009  »

اخوية العزيز طركاعة مشكور على المرور والتهنئة العطرة وبالنسبة للراتب الاول عود اخذه متبرعلك بي هههههههههههههه تستاهل ياوردة تحياتي وسلامي الك

54

الهجرة و واللاجئين / رد: باركولي واخيرا حددولي موعد السفر يوم 16 / 4

« في: 16:43 09/04/2009  »

الاخ العزيز جا وين اهلنة شكرا جزيلا على المرور والتهنئة وان شاءالله يارب الموفقية الك ونسمع اخبارك الطيبة دائما تحياتي وسلامي

55

الهجرة و واللاجئين / رد: باركولي واخيرا حددولي موعد السفر يوم 16 / 4

« في: 16:41 09/04/2009  »

الاخ العزيز wingo تحياتي الك ومشكور على التهنئة والمرور والدعاء وان شاءالله يارب الموفقية والنجاح الدائم الك اخوية العزيز

56

الهجرة و واللاجئين / رد: باركولي واخيرا حددولي موعد السفر يوم 16 / 4

« في: 16:39 09/04/2009  »

الاخ العزيز majson مشكور على المرور وعلى التهنئة الحلوة ويوم نسمع اخبارك الطيبة ياوردة

57

الهجرة و واللاجئين / رد: باركولي واخيرا حددولي موعد السفر يوم 16 / 4

« في: 16:36 08/04/2009  »

الاخت العزيزة ايات مشكورة على المرور والتهنئة الحلوة وياربي يوفقج بكل خطوة من خطوات حياتج مع تحياتي وسلامي

58

الهجرة و واللاجئين / رد: باركولي واخيرا حددولي موعد السفر يوم 16 / 4

« في: 16:34 08/04/2009  »

الاخ العزيز باسل بلالو مشكور على المرور الكريم والتهنئة والمشاعر النبيلة والدعاء الجميل وان شاءالله ياربي يوفقك وتحقق كل طموحاتك واحلامك وان شاءالله تسهيل الامور والموفقية والنجاح الدائم تحياتي وسلامي

59

الهجرة و واللاجئين / رد: باركولي واخيرا حددولي موعد السفر يوم 16 / 4

« في: 16:30 08/04/2009  »

الاخ العزيز عراقاوي مشكور على المرور الكريم والتهنئة الجميلة وبالنسبة الي مسوي فحص من شهر 12 سنة 2008 تحياتي وسلامي

60

الهجرة و واللاجئين / رد: باركولي واخيرا حددولي موعد السفر يوم 16 / 4

« في: 16:28 08/04/2009  »

الاخ العزيز majson مشكور على المرور والتهنئة والدعاء وان شاءالله يوم نسمع اخباركم الطيبة يارب

61

الهجرة و واللاجئين / رد: باركولي واخيرا حددولي موعد السفر يوم 16 / 4

« في: 16:26 08/04/2009  »

الاخ العزيز ماستر اني بالخدمة اي سؤال اني حاضر ومشكور على المرور والدعاء يوم الالك ن شاءالله تعالى

62

الهجرة و واللاجئين / رد: باركولي واخيرا حددولي موعد السفر يوم 16 / 4

« في: 11:39 07/04/2009  »

مشكور اخوية الغالي ابو محمد واتمنالك الموفقية بتقديم الاستئناف وان شاءالله خير باذن الله

تحياتي وسلامي

63

الهجرة و واللاجئين / رد: الحلم الوردي ......امريكا .......الخير فيما اختاره ا 

« في: 11:28 07/04/2009  »

اخي ابو محمد الخير فيما اختاره الله انت سوي اللي عليك وقدم استئناف لان هواية حالات مثل حالتك هنا بمصر وقبلوهم بعد الرفض وحتى اجت امنياتهم ويانة احنة المقبولين وحددولهم موعد سفر ويانة فتوكل على الله سبحانه وتعالى ولا يصيبك اليأس والاحباط والله يوفقك ان شاءالله بالاستئناف


تحياتي وسلامي الك ولكل الاخوة والاخوات

64

الهجرة و واللاجئين / رد: استلام مغلف اليوم في الاردن لاصدقاء لي وكانت رفوضات كومة

« في: 11:21 07/04/2009  »

اخواني واخواتي في المنتدى احب اطمنكم على موضوع الرفض وهذه عن تجربة المرفوضين هنا في مصر قاموا بتقديم استئناف بعد حصولهم على الرفض وبعد ثلاثة اشهر الى اربعة اشهر وافقوا عليهم واجت امنياتهم ويانة احنة المقبولين وهسة بانتظار موعد سفر وبعضهم تحددلة الموعد والحمد لله

القصد انه حتى اللي يجي رفض لا يصيبة اليأس ويقدم استئناف والله يسهل الامور واللي كاتبه الله سبحانه وتعالى يصير باذن الله

65

الهجرة و واللاجئين / رد: موعد سفر جديد مصر

« في: 11:14 07/04/2009  »

الف الف مبروووووووووك اخوية الغالي وان شاءالله نلتقي بالمطار على الخطوط الجوية الالمانية حتى نروح لتكساس سوة بس اني بهيوستن وانت بابيلين

تحياتي وسلامي

66

الهجرة و واللاجئين / رد: باركولي واخيرا حددولي موعد السفر يوم 16 / 4

« في: 11:09 07/04/2009  »

الاخوات والاخوان الاعزاء

79 النرجس
عراقي صابر
شاعر الرومانسية
ABUJO
شيبت بمصر
ANGIE-ROSE
KHLDOON 2000
يوجد امل
اشورية في مصر
LAMETA 84
BODY 100
نور 68
AUDESOS
ZOZO LOLO
المهجرة
ماستر
ابو لانا
ديما
كمال الشاطئ


مشكورين على التهنئة والمرور الطيب والدعاء الجميل وان شاءالله يوم نسمع اخباركم الطيبة باذن الله وسفركم السريع واستقراركم وبالموفقية للجميع .

وبالنسبة لسؤال اخوية العزيز ماستر فالموافقة الامنية مالتي وصلت يوم 12 /3 / 2009 وانختم الملف يوم 22 /3 وتبلغت بموعد السفر يوم 6 /4 على يوم 16 /4 السفر ان شاءالله

67

الهجرة و واللاجئين / رد: باركولي واخيرا حددولي موعد السفر يوم 16 / 4

« في: 13:58 06/04/2009  »

شكرا جزيلا جرح الزمن على المرور والتهنئة وان شاءالله يوم نسمع خبر سفركم باسرع وقت يارب

68

الهجرة و واللاجئين / رد: باركولي واخيرا حددولي موعد السفر يوم 16 / 4

« في: 13:56 06/04/2009  »

اخوية العزيز العراقي 123 مشكور على التهنئة والمرور الكريم وان شاءالله يوم سفرك يارب


الاخ العزيز ذاكر ابو فابيان شكرا جزيلا على المرور والتهنئة الجميلة وان شاءالله يوم نسمع خبر سفرك واستقرارك يارب وبالموفقية للجميع

69

الهجرة و واللاجئين / رد: باركولي واخيرا حددولي موعد السفر يوم 16 / 4

« في: 13:52 06/04/2009  »

حبيبي الغالي ليث الشمري مشكور على التهنئة والمرور الكريم بالنسبة لرقم iom مصر هو

 من داخل مصر 27381220     من خارج مصر  0020227381220


وبالنسبة النة ماكو ظرف ينطونه بس الورقة مال موافقة المحلفين بدون ظرف وماكو اي اشارة او ما الهة اي معنى

70

الهجرة و واللاجئين / رد: باركولي واخيرا حددولي موعد السفر يوم 16 / 4

« في: 13:39 06/04/2009  »

الاخ العزيز نازكول مشكور على المرور الطيب والتهنئة الحلوة والدعاء الجميل والحمد لله على كل حال وسفرنا اني وياك بنفس اليوم خوش صدفة حلوة

71

الهجرة و واللاجئين / رد: باركولي واخيرا حددولي موعد السفر يوم 16 / 4

« في: 13:37 06/04/2009  »

الاخ العزيز العراقي الغيور مشكور على التهنئة الجميلة والمرور الطيب وان شاءالله يوم لالك والاستقرار والموفقية

الاخ العزيز ابو نور مشكور على التهنئة والمرور الطيب وان شاءالله ايامنا كلها خير وسعادة ومسرات ويوم نسمع اخباركم الطيبة ان شاءالله وبالتوفيق للجميع

72

الهجرة و واللاجئين / رد: باركولي واخيرا حددولي موعد السفر يوم 16 / 4

« في: 13:32 06/04/2009  »

الاخ العزيز ابو الحظ والاخ العزيز عادل النعيمي مشكورين على التهنئة الحلوة والمرور الاحلى وان شاءالله يوم لالكم يارب ونسمع اخباركم الحلوة


الاخت العزيزة ام سارة شكرا جزيلا على المرور والتهنئة الحلوة ويوم نسمع خبر سفرج يارب انتي وكل المنتظرين

73

الهجرة و واللاجئين / رد: باركولي واخيرا حددولي موعد السفر يوم 16 / 4

« في: 13:28 06/04/2009  »

مشكورة اختي العزيزة احلى بابلية على التهنئة والمرور الكريم وبالنسبة الي اني من الوجبة اللي قابلنه بشهر 11 سنة 2008


مشكورة الاخت سناريا على التهنئة والمرور ويوم سفر جميع الاعضاء يارب

تحياتي وشكري الجزيل للجميع

74

الهجرة و واللاجئين / باركولي واخيرا حددولي موعد السفر يوم 16 / 4

« في: 13:17 06/04/2009  »

السلام عليكم ورحمة الله وبركاته


اخواتي واخواني في المنتدى قبل قليل اتصلوا بي من iom مصر وابلغوني بان موعد سفري انا والعائلة فجر يوم الخميس 16 / 4 / 2009 ويوم غد ان شاءالله اذهب الى الصليب الاحمر لعمل وثائق السفر ولم يتم تبليغي على اي دورة تثقيفية والحمد لله على هذه النعمة الفضيلة وبالنسبة الي تذكرت اخونه نازكول هم الموعد مالته للسفر بنفس اليوم وان شاءالله يوم لالكم والسفر القريب للجميع تحياتي وسلامي لكل اعضاء المنتدى ..


اخوكم عاشق العراق الوفي /  مصر

75

الهجرة و واللاجئين / رد: اخواااااااان و اخيرا فرجت

« في: 20:50 05/04/2009  »

الف الف مبروووووووووك اخوية العزيز وان شاءالله الموفقية يارب بكل خطوة من خطوات حياتك

76

الهجرة و واللاجئين / رد: مساااء الورد مشتاقلكم حيل ... عاجل .. عاجل .. ابو قمر لكه شغل .. بعد شهر من وصوله لامريكا

« في: 15:00 04/04/2009  »

الحمد لله على سلامتك اخوية ابو قمر وان شاءالله الموفقية والنجاح بشغلك الجديد واني منتظر السفر هم بتكساس بمدينة هيوستن تحياتي وسلامي

77

الهجرة و واللاجئين / رد: تبريكات وتهاني لاخونه المخضرم محمد رشيد

« في: 19:06 02/04/2009  »

الف الف مبرووووووووك هاي نتيجة الصبر الطويل اللي صبره اخونة محمد رشيد وان شاءالله يوم سفر جميع الاخوة والاخوات

78

الهجرة و واللاجئين / رد: عودة الى المنتدى وتهنئة للاعضاء

« في: 19:01 02/04/2009  »

مشكور اخوية العراقي الغيور على التهنئة والمرور وان شاءالله الموفقية والنجاح للجميع باذن الله تعالى

79

الهجرة و واللاجئين / رد: عودة الى المنتدى وتهنئة للاعضاء

« في: 18:52 02/04/2009  »

مشكور اخي الكريم wingo على المرور والتهنئة وان شاءالله النجاح والموفقية .


اخي الكريم يوجد امل مشكور على التهنئة الطيبة وان شاءالله التوفيق للجميع باذن الله تعالى.

80

الهجرة و واللاجئين / رد: انطوني موعد دورة تثقيفية

« في: 18:48 02/04/2009  »

الف الف مبرووووووووووك وان شاءالله السفر باسرع وقت والاستقرار والنجاح والموفقية

81

الهجرة و واللاجئين / رد: اخوكم من مصر يطلب العون والمشوره لمن لديه خبرة مع iom

« في: 18:45 02/04/2009  »

اخي العزيز مثل ما تفضلوا الاخوان الاعزاء اذهب اليهم على عنوانهم 29 شارع احمد حشمت في الزمالك الطابق الثالث وقدم لهم الكتاب والايميل وان شاءالله الاجراءات ستكون سهلة باذن الله وسيقومون بالتاكد من ارتباطك بهم من خلال الايميل وكذلك من صحة الكتاب الذي بحوزتك منهم وبعد التاكد من صحة الكتاب وارتباطك بهم سيحددون لك موعد المقابلة الاولى وتستمر الاجراءات الاخرى ومن الله التوفيق

82

الهجرة و واللاجئين / رد: باركولي اخذة موافقه الامنيه باركولي

« في: 18:38 02/04/2009  »

مليون مبرووووووووك للاخت سهاد وان شاءالله يوم السفر قريب باذن الله تعالى

83

الهجرة و واللاجئين / رد: عودة الى المنتدى وتهنئة للاعضاء

« في: 16:10 01/04/2009  »

مشكورة اخت انجي انتي دائما مميزة وسباقة للتهنئة والمساعدة تحياتي وسلامي الج ودومج مميزة ومتالقة .

شكرا جزيلا lamia rehani على المرور وعلى التهنئة والدعاء الله يوفقج ان شاءالله تحياتي وسلامي .

الف شكر للاخ الغالي ابو محمد على التهنئة والمرور الكريم والمشاعر الطيبة تحياتي وسلامي والموفقية للجميع ان شاءالله .

84

الهجرة و واللاجئين / رد: عودة الى المنتدى وتهنئة للاعضاء

« في: 15:54 01/04/2009  »

اهلا بيج اخت هنوة ومشكورة على المرور والتهنئة يوم وصول الامنية الج ولكل الاخوات والاخوة المنتظرين الامنية ومبروووووك على موافقة المحلفين تحياتي .


اي والله اخوية شيبوووو كاعد ابحوش لان هواية مواضيع فايتتني تدري صارلي هواية ماداخل وما اعرف شصار بالمنتدى بس الامور صارت واضحة عندي هسة

85

الهجرة و واللاجئين / رد: بشرى سارة للذين موعد الظرف 1/4 (اليوم)

« في: 15:48 01/04/2009  »

الف مبروووووووك على الموافقة وان شاءالله الموفقية للباقين ويحصلون موافقة لان احنة بمصر اكو ويانة اجاهم رفض وقدموا استئناف واجتهم موافقة والحمد لله

86

الهجرة و واللاجئين / رد: عودة الى المنتدى وتهنئة للاعضاء

« في: 15:39 01/04/2009  »

اخوية العزيز نازكول مشكور على مرورك الطيب وعلى التهنئة الحلوة واتمنالك الموفقية وسفرك قريب ان شاءالله يوم 16 / 4 حسب ماقريت بالمواضيع السابقة لان صارلي فترة ما داخل للمنتدى وكاعد اقرة بالمواضيع السابقة كلهة تحياتي وسلامي الك ولكل الاخوة والاخوات

87

الهجرة و واللاجئين / رد: 7 أشهر أنتظار ولحد الان ماكو شي

« في: 15:35 01/04/2009  »

اخوية العزيز الشغلة يرادلهة صبر وطول بالك ومادام اتصلوا واكدوا على الموضوع ان شاءالله الشغلة ماشية بطريقهة الصحيح بس الاجراءات والروتين هي اللي تتحكم بهاي المسائل

88

الهجرة و واللاجئين / رد: عودة الى المنتدى وتهنئة للاعضاء

« في: 15:27 01/04/2009  »

مشكور اخوية الغالي شيبوووووو ومبرووووووك على موافقتك وان شاءالله وصول الامنية والسفر القريب باذن الله .

الاخت ام سارة مشكورة على المرور والتهنئة ومبروووووك وصول الامنية وان شاءالله المدة ما تتعدى شهر واحد بعد وصول الموافقة الامنية او 40 يوم حسب الحجوزات ومواعيد الطيران المتوفرة.

89

مواضيع قبل السفر / رد: جدول يحدث يوميا بتواريخ المقابلات ( توطي&

« في: 15:21 01/04/2009  »

المكان : مصر
مقابلة التوطين في un مصر : 1 / 7 / 2008
مقابلة منظمة iom مصر الاولى : 21 / 9 / 2008
مقابلة منظمة iom مصر الثانية : 22 / 9 / 2008
مقابلة المحلفين : 10 /11 / 2008
الفحص الطبي : يومي 29 /11 و 3 /12 / 2008
موافقة المحلفين : 9 / 12 / 2008
الموافقة الامنية : 12 /3 / 2009
ختم الملف : 22 / 3 / 2009
موعد السفر : 16 / 4 / 2009

الولاية : تكساس
المدينة : هيوستن

90

الهجرة و واللاجئين / رد: عودة الى المنتدى وتهنئة للاعضاء

« في: 15:05 01/04/2009  »

شكرا جزيلا sony.sony على المرور وعلى التهنئة تحياتي وسلامي



عاشق العراق الوفي / مصر

91

الهجرة و واللاجئين / رد: ❄❄❄موقع لاسعار جميع الكهربائيات والسلع المعمرة في امريكا(BeSt BuY)❄❄❄

« في: 15:02 01/04/2009  »

عاشت ايدك على هذا الموقع والمعلومات دومك متالق تحياتي


عاشق العراق الوفي / مصر

92

الهجرة و واللاجئين / رد: اليوم 31-3-2009 خابرت مصر وحصلت الموافقة الامني

« في: 14:58 01/04/2009  »

مبروووووووك اخوية العزيز وان شاءالله ختم الملف وتحديد موعد سفر قريب باذن الله

93

الهجرة و واللاجئين / عودة الى المنتدى وتهنئة للاعضاء

« في: 14:51 01/04/2009  »

السلام عليكم ورحمة الله وبركاته

اود ان اقدم التهاني والتبريكات الى الاخوات والاخوة الاعزاء بمناسبة وصول الموافقات المبدئية والموافقات الامنية وتحديد مواعيد سفر بعض الاخوة والاخوات واتمنى للجميع الموفقية والنجاح الدائم ..

واود ان اقدم اعتذاري عن الانقطاع للفترة الماضية لاسباب خارجة عن ارادتي والحمد لله عدت الى المنتدى من جديد وسعادتي لاتوصف وانا اسمع ان بعض الاخوة والاخوات الذين تم رفضهم قد حصلوا على الموافقة وامنياتهم وصلت والباقين قد سافروا والحمد لله ..

اما بالنسبة لي فان موافقتي الامنية قد وصلت انا والعائلة وانختم الملف وباقي تحديد موعد السفر ان شاءالله علما اني قابلت المحلفين يوم 10 / 11 / 2008 واستلمت الموافقة يوم 9 /12 / 2008 واكملت الفحوصات الطبية ووصلت الموافقة الامنية يوم 12 /3 / 2009 وانختم الملف يوم 22 /3 / 2009


اخوكم عاشق العراق الوفي / مصر

94

الهجرة و واللاجئين / رد: الحمد لله موافقه

« في: 14:27 01/04/2009  »

الف الف مبرووووك للاخ الغالي ولكل الاخوة اللي اجت موافقات المحلفين مالتهم وان شاءالله موافقاتهم الامنية ماتتاخر والسفر السريع النه والكم ان شاءالله

95

الهجرة و واللاجئين / رد: وصلت لامريكا ومستعد للمساعدة عن أي إستفسار واعتذر عن الانقطاع الطويل..والله مشتاقين

« في: 19:56 31/03/2009  »

الحمد لله على سلامتك اخوية العزيز وان شاءالله الموفقية والنجاح الدائم

96

الهجرة و واللاجئين / رد: طلب مشورة واستفسار من الاخوة والاخوات الاعزاء

« في: 03:01 19/12/2008  »

الغالي كتكوت والغالي سندباد بغداد شكرا على مروركم الكريم وفعلا لازم الواحد يثبت على راي بس اني ماحولت بس استفسرت منهم كالوا اذا تريد تحول على الكفيل يصير كلت خلي اسال الكفيل احسن لو الواحد بلة كفيل احسن ..


والله يسهل للجميع ان شاءالله وردت معلومات للي موجودين بمدينة فونكس بولاية اريزونا..


مع تحياتي وسلامي لجميع الاخوة والاخوات في المنتدى

97

الهجرة و واللاجئين / رد: طلب مشورة واستفسار من الاخوة والاخوات الاعزاء

« في: 00:13 19/12/2008  »

تحياتي للغالي ابو دجلة ومشكور على المرور الطيب بالنسبة الي اريد واحد مثل حالتنة او مشابهة الهة حتى اشوف التجارب اللي مارين بيهة اللي مثل حالتنة وبنفس المدينة والولاية ..

تحياتي الك ولكل الاخوة والاخوات في المنتدى ..


اخوكم عاشق العراق الوفي / مصر

98

الهجرة و واللاجئين / طلب مشورة واستفسار من الاخوة والاخوات الاعزاء

« في: 23:19 18/12/2008  »

السلام عليكم ورحمة الله وبركاته


اود ان اطرح حالتي على الاخوة والاخوات وارجو الاجابة من اصحاب الخبرة والتجربة الفعلية في مثل حالتي

نحن عائلة مكونة من 4 افراد قدمنا عن طريق اليو ان في مصر طلب اعادة توطين وتم احالتنا الى iom مصر حيث ان والدي يعاني من عدة امراض صعبة ويبلغ من العمر 69 سنة ووالدتي كبيرة في السن وتبلغ 66 سنة وانا ابلغ من العمر 30 سنة وابنة اخي نحن اوصياء عليها بموجب وصاية قانونية وتبلغ من العمر 16 سنة حيث تمت مقابلتنا في iom مصر لمدة يومين متتاليين المقابلة الاولى والثانية يومي 21 / 9 و 22 / 9 لاقتناعهم التام بحالة والدي الاستثنائية وتم اعطائنا موعد مقابلة المحلفين يوم 10 / 11 وبعدها باسبوعين ابلغونا بمواعيد الفحوصات يومي 29 /11 و 3 / 12 وتم الاتصال بنا يوم 9 / 12 وابلغونا النتيجة موافقة واستلمت اوراق الموافقة المبدئية يوم 10 / 12 وقمت بالاستفسار منهم عن الولاية التي نسبونا لها فاجابوني انها مدينة فونكس عاصمة ولاية اريزونا حيث ليس لدينا كفيل ونحن الان بانتظار الموافقة النهائية وتحديد موعد السفر ان شاء الله ..

استفساراتي هي :-

1. ماهو وضع ولاية اريزونا وبالتحديد العاصمة فونكس وماهي الخدمات والامور التي ستقدمها المنظمة لمثل حالتنا التي ذكرتها وخصوصا والدي ووالدتي كبار في السن ومرضى وان صاحب القضية هو والدي .

2. حصلت مؤخرا على عنوان صديق قديم للعائلة في مدينة هيوستن بولاية تكساس واخبرت ال iom مصر بان لدينا صديق حصلنا على عنوانه مؤخرا وقالوا لنا اذا ترغبون نحولكم على عنوان صديقكم او تبقوا على الاختيار الاول ونحن في حيرة من امرنا هل نحول الى هيوستن في تكساس ام نبقى في مدينة فونكس في اريزونا حيث اننا لا نريد ان نثقل ونحرج صديقنا هناك بعدما سمعت بان المنظمة تحرج الكفيل او الصديق بطلبات وتحاول ان تتملص من بعض المسؤوليات التي تهتم بها المنظمة .


وفي الختام ارجوا من جميع الاخوة والاخوات ان يجيبوني على حالتي والامور المقدمة لنا من المنظمة وعن استفساري حول موضوع التحويل ..


مع فائق احترامي وتقديري لجميع الاخوة والاخوات في المنتدى ..



اخوكم عاشق العراق الوفي / مصر

99

الهجرة و واللاجئين / رد: iom مصر راح يداومون يوم الثلاثاء 9 / 12 ويعلنون نتائج المحلفين

« في: 13:58 10/12/2008  »

اخوية kubaisy بعد وكت كلهة صارلك 10 أيام من قابلت احتمال على الاسبوع الجاي يتصلون بيك لان اني اتصلوا بية على الفحص ورة اسبوعين من المقابلة وانطوني النتيجة ورة شهر من المقابلة وشكرا ..

100

الهجرة و واللاجئين / رد: iom مصر راح يداومون يوم الثلاثاء 9 / 12 ويعلنون نتائج المحلفين

« في: 02:41 10/12/2008  »

شكرا جزيلا اخت هنوة على مرورج الكريم وعلى تهنئتج الرقيقة وكل عام وانت بالف خير والجميع بالف خير يارب..

101

الهجرة و واللاجئين / رد: الفحص الطبي في مصر ماذا يتضمن

« في: 00:38 10/12/2008  »

اخي العزيز vet2009 الفحص الطبي في مصر يكون في يومين اليوم الاول اشعة الصدر في عيادة الدكتور صامويل في عمارة رمسيس عند محطة مترو مبارك في ميدان رمسيس واليوم الثاني فحص العيون والفحص السريري العام وتحليل الدم حيث يتم اخذ انبوبتين دم من كل واحد واحدة تحليل دم عام والثانية فحص الايدز في مستشفى الانكلو - امريكان في منطقة الزمالك عند برج القاهرة ..

تحياتي وسلامي ..

102

الهجرة و واللاجئين / رد: iom مصر راح يداومون يوم الثلاثاء 9 / 12 ويعلنون نتائج المحلفين

« في: 00:09 10/12/2008  »

شكرا جزيلا للاخوان الاعزاء vet2009 و ابو لانا على التهنئة والمرور وان شاءالله يارب تحقيق الاماني للجميع والصحة والسلامة والموفقية ..



اخوكم عاشق العراق الوفي / مصر

103

الهجرة و واللاجئين / رد: استفسار حول الموافقة الامنيه ...؟

« في: 19:13 09/12/2008  »

اخوية الغالي سندباد الظرف مال الموافقة يستلمة صاحب الكيس اني عائلتنة 3 كيسات كالوا تلاثتكم لازم تجون تستلموهن ..

104

الهجرة و واللاجئين / رد: اليوم ثاتى يوم العيد تم رفضى وانا فى مصر

« في: 14:23 09/12/2008  »

اختي الغالية ايام هاي ثاني حالة اتألملهة بعد حالة اخونة الغالي الحبار وان شاءالله تكدرون تستئنفون او تحولون لغير دولة والله كريم وان شاءالله تسهل اموركم يارب ..

105

الهجرة و واللاجئين / رد: 9/12 اليوم موعد المستقبل موعد الموافقات الامنية

« في: 14:09 09/12/2008  »

مبرووووووووووك الف مبروووووووك اخوية سندباد ويوم السفر ان شاءالله بس خاف تقبط الطيارة وما الحك بيكم ههههههههههه تحياتي الك ياغالي وتحياتي للجميع ..


اخوك عاشق العراق الوفي / مصر

106

الهجرة و واللاجئين / رد: iom مصر راح يداومون يوم الثلاثاء 9 / 12 ويعلنون نتائج المحلفين

« في: 14:00 09/12/2008  »

الف الف مبرووووك اخوية الغالي سندباد على الموافقة وان شاءالله يوم السفر يارب والله يسهل الامور على الباقين ان شاءالله ..

107

الهجرة و واللاجئين / رد: iom مصر راح يداومون يوم الثلاثاء 9 / 12 ويعلنون نتائج المحلفين

« في: 13:57 09/12/2008  »

اخوية الغالي ابو قمر مشكور على التهنئة وبالنسبة الي اني قابلت المحلفين يوم 10 / 11 وكملت الفحوصات الطبية قبل اسبوع  ..

بالنسبة النه هنا بمصر اللي منطي موعد فحوصات يعني مقبول بس بسوريا ما اعرف شلون السياقات بس هنا بمصر هم مو قياس الفحص الطبي بس النسبة تكون عالية للقبول وان شاءالله خير ويوم السفر للجميع ان شاءالله ..

108

الهجرة و واللاجئين / رد: iom مصر راح يداومون يوم الثلاثاء 9 / 12 ويعلنون نتائج المحلفين

« في: 13:51 09/12/2008  »

اخي الغالي ابو دجلة الوردة مشكور على التهاني طبعا اتشرف بيكم وتسلمون على التهاني وعلى مروركم الطيب تحياتي للجميع وشكرا جزيلا ..

109

الهجرة و واللاجئين / رد: iom مصر راح يداومون يوم الثلاثاء 9 / 12 ويعلنون نتائج المحلفين

« في: 13:48 09/12/2008  »

حبيبي الغالي سندباد u.s.a مشكور على التهاني وان شاءالله يوم قبولكم وسفركم ان شاءالله طبعا صار زخم مو اعتيادي على تلفونهم ان شاءالله تحصلوهم او همة يخابرون ..


وبالنسبة الي اني مكمل كل الفحوصات الطبية قبل اسبوع..

وشكرا على المرور تحياتي ..

110

الهجرة و واللاجئين / رد: iom مصر راح يداومون يوم الثلاثاء 9 / 12 ويعلنون نتائج المحلفين

« في: 13:43 09/12/2008  »

اخوية عراقي 1995 بالنسبة لاخوك هو الكفيل مالتكم لان هو اللي مقدملكم وبالنسبة للمقابلات في بغداد اعتقد مقابلتين والفحص الطبي هو فحص اشعة للصدر وتحاليل دم وايدز وفحص عيون وفحص سريري بس بالنسبة لبغداد اكو زخم حاليا يعني يجوز شغلتكم تتأخر شوية بس لاتخاف يدزون عليكم وينطوكم موعد المقابلة الاولى والله كريم هي الشغلة ينرادلهة صبر شوية ومشكور على المرور اخوية الغالي ..

111

الهجرة و واللاجئين / رد: iom مصر راح يداومون يوم الثلاثاء 9 / 12 ويعلنون نتائج المحلفين

« في: 13:33 09/12/2008  »

مشكور حبيبي الغالي shaklawe ويوم سفر الكل ان شاءالله وتسلم على التهنئة والمرور ..


اخواني واخواتي اللي بمصر بشرونا بنتائجكم اشو لاحس ولاخبر شنو السالفة بس اني استلمت النتيجة ؟



اخوكم عاشق العراق الوفي / مصر

112

الهجرة و واللاجئين / رد: اليوم تم رفضي من قبل اي او ام مصر

« في: 13:05 09/12/2008  »

اخوية الغالي الحبار تألمت كلش هواية من سمعت بنتيجتك بس احب اكلك الخير فيما اختاره الله يجوز الله سبحانه وتعالى كاتبلك تتحول لغير دولة ويكون وضعك بيهة احسن من امريكا اخي الكريم يحقلك تستئنف ويحقلك تحول لغير دولة فانت شوف نفسك شتقرر والله يسدد خطاك ان شاءالله ويوفقك ..

وتقبل مروري اخي الكريم ..


اخوك عاشق العراق الوفي / مصر

113

الهجرة و واللاجئين / رد: iom مصر راح يداومون يوم الثلاثاء 9 / 12 ويعلنون نتائج المحلفين

« في: 12:55 09/12/2008  »

اخواني واخواتي الاعزاء اتصلت ب iom مصر وابلغوني النتيجة موافقة وقالوا لي تعال يوم غد استلم ظرف الموافقة الساعة 11 صباحا اللي يريد النتيجة يتصل بيهم ويبلغوا بالنتيجة ومبروك للجميع ..

بس اني متألم لان سمعت خبر رفض اخونة العزيز الحبار بس ان شاءالله يقدم استئناف والله كريم وخير ان شاءالله ..


اخوكم عاشق العراق الوفي / مصر

114

الهجرة و واللاجئين / رد: iom مصر راح يداومون يوم الثلاثاء 9 / 12 ويعلنون نتائج المحلفين

« في: 11:00 09/12/2008  »

اخي " عاشق العراق " صباح الخير ، انك علم من اعلام هذا المنتدى الرائع ، و تقديم للمعلومات القمية و المفيدة انما تدل على حبك للتعاون و تقديم الخدمات المعلوماتية لاخواتك و اخوانك العراقيين ، فليوفقك الله و يوفق الجميع في هذا المنتدى للوصل الى بر الامان في الموطن الثالث الذي طالما حلمنا به .

vet2009

اخي العزيز vet2009 تحية لك على المرور الكريم واحنة كلنة في خدمة العراق والعراقيين كل واحد من موقعه وهذا اقل واجب ممكن نقدمه ومشكور على كلماتك الطيبة التي تدل على كرم اخلاقك وهذا هو معدن العراقي الاصيل ..

115

الهجرة و واللاجئين / رد: iom مصر راح يداومون يوم الثلاثاء 9 / 12 ويعلنون نتائج المحلفين

« في: 09:31 09/12/2008  »

اخواني و اخواتي الاعزاء ستبدأ iom مصر باعلان النتائج ( الموافقات المبدئية ) اليوم بعد الساعة الواحدة ظهرا والموظفين الان يقومون بعملهم وكاعد يهيئون الفايلات والامور الاخرى طبعا اتصلت بيهم ساعة 9 الى ربع الصبح وطلعتلي الموظفة دينا ..

رجاءا اخواني لحد يخبصهم على النتائج هسة انتظروا للظهر ان شاءالله وكلشي يبين والكل مقبولة بعون الله ..


اخوكم عاشق العراق الوفي / مصر

116

الهجرة و واللاجئين / رد: iom مصر راح يداومون يوم الثلاثاء 9 / 12 ويعلنون نتائج المحلفين

« في: 20:56 08/12/2008  »

ايها الاخوه
الاخ سندباد مال usa مشلغم هلى قلبي
بكل عزا تلاقوه يلطم بكل موضوع تلاقوه حاط نفسه يعرف لو مايعرف يجك خشمه اي ميصير انطي فكه للاخوه والاخوات الي يسال يحط نفسه اللي يزعل يحط نفسه اللي يعلق يحط نفسه اللي يتامل يحط نفسه شنو هاي و الله بزعتنا يمعود انته صاير قابل السيد الرئيس الله يحفظه لو شنو مو كافي لو مو مو




 الوفي

الاخ العزيز الوفي احنة كلنة اخوان في هذا المنتدى واعتقد الرد مالتك ما اله اي داعي وما اله علاقة بالموضوع اللي اني كاتبه والاخ العزيز سندباد u.s.a ما اتذكر فد مرة قاريلة فد تعليق او فد شي موزين بالعكس مشاركاته زينة واذا اكو فد شي بينك وبينه تكدر تراسلة على الرسائل الخاصة مو يكون الرد ضمن موضوع يخص قضية معينة ونغير مجرى الموضوع الى موضوع اخر بعيد كل البعد عن الموضوع الاساسي مع فائق احترامي وتقديري الكبير لكل الاخوة والاخوات في المنتدى ..


اخوكم عاشق العراق الوفي / مصر

117

الهجرة و واللاجئين / رد: تهاني وتبريكات بلعيد السعيد

« في: 11:58 08/12/2008  »

كل عام والجميع بالف خير وينعاد عليكم وعلينة بالخير والبركة والصحة والسلامة يارب ..

118

الهجرة و واللاجئين / رد: iom مصر راح يداومون يوم الثلاثاء 9 / 12 ويعلنون نتائج المحلفين

« في: 11:38 08/12/2008  »

كل عام وانتم بالف خير بمناسبة عيد الاضحى المبارك

الاخت العزيزة ايام مشكورة على المرور بس بالنسبة للمحلفين كانت عدهم اخر مقابلة في مصر يوم 4 /12 وبعدها اعتقد سافروا..

الاخت العزيزة هنوة  مشكورة على المرور وبالنسبة الى استفسارج عن الزيارة الثانية للمحلفين الى مصر اعتقد راح تكون بعد تاريخ  15 / 1 / 2009  والتبليغات عادة ماتكون قبل عشرة ايام من موعد المقابلة ..

الاخت العزيزة المتالقة انجي تشرفت بمرورج ويارب ان شاءالله ايامنا دائما افراح ومسرات ..

الاخ العزيز الغالي ابو فرات الوردة مشكور على المرور وانت بالف خير ويارب يكونون صادقين ويانة بالموعد وحتى لو بعد العيد هم ما يخالف اهم شي الكل مقبولة ان شاءالله وان شاءالله بطيارة وحدة وعود اذا قبطت مو مشكلة اجي وراكم بغير طيارة هههههه اهم شي انتوا روحوا قبلي ..

119

الهجرة و واللاجئين / رد: iom مصر راح يداومون يوم الثلاثاء 9 / 12 ويعلنون نتائج المحلفين

« في: 22:16 07/12/2008  »

السلام عليكم

أخي الكريم .. عاشق العراق الوفي

تحياتي .. إنه خبر منعش ويسقي نبتة الأمل بقطرات من الندى والحياة
خبر لكافة الأخوة الذين قد قابلوا المحلفين , وقد أخذ القلق منهم مأخذاً
بوركت على هذه المساهمة المفعمة بالترقب المجدي ..
حفظك الله ورعاك وسترك من كل مكروه وتسلم .. مع تقديري

أخوكم .. أبـــو دجــــلة


**

الاخ العزيز الغالي ابو دجلة المحترم تشرفت بمرورك وان شاءالله يكونون مكتب iom مصر صادقين ويانة في هذا الموعد وحتى لو تاخر الرد الى مابعد العيد فالصبر خمسة ايام لا يوازي من صبر شهور طويلة ووصل الى هذه المرحلة تحياتي لك ولكل الاخوة والاخوات في المنتدى وان شاءالله نسمع عن قريب كل الاخبار المفرحة يارب ..

120

الهجرة و واللاجئين / رد: iom مصر راح يداومون يوم الثلاثاء 9 / 12 ويعلنون نتائج المحلفين

« في: 21:34 07/12/2008  »

اشكرك اخويه على المعلومة المفيدة والمبادرة الحلوة


تقبل مرروي


تحياتي


سندباد u.s.a

تسلملي اخوية الغالي سندباد u.s.a ومشكور على المرور تحياتي ..

121

الهجرة و واللاجئين / رد: iom مصر راح يداومون يوم الثلاثاء 9 / 12 ويعلنون نتائج المحلفين

« في: 17:14 07/12/2008  »

شكرا على هاي المعلومه

العفو اخوية عكعك اني بالخدمة واي شي يستجد بالموضوع راح ابلغكم بي اول باول ان شاءالله

122

الهجرة و واللاجئين / رد: iom مصر راح يداومون يوم الثلاثاء 9 / 12 ويعلنون نتائج المحلفين

« في: 17:11 07/12/2008  »

شكرا اخي الكريم على هذا الخبر بس ردت اتاكد حضرتك في اي بلد مع الشكر

الاخ العزيز  rmmazm  اني بمصر ومقدم لل iom عن طريق اليو ان في مصر ..

وشكرا للمرور مع التقدير ..

123

الهجرة و واللاجئين / iom مصر راح يداومون يوم الثلاثاء 9 / 12 ويعلنون نتائج المحلفين

« في: 14:45 07/12/2008  »

السلام عليكم ورحمة الله وبركاته وكل عام وانتم بالف خير


اخواني واخواتي الاعزاء اليوم وعن طريق الصدفة اتصلت بمكتب  iom مصر جان يطلعلي الموظف الخفر بالمكتب وقال لي بان يوم بعد غد الثلاثاء 9 / 12 يوم دوام في المكتب وسيتم اعلان النتائج لمقابلات المحلفين ( الموافقات المبدئية ) عن طريق الاتصال بالهاتف تباعا وحسب الموافقات الموجودة لديهم كما سيتم تحديد مواعيد فحص للذين لم يحدد لهم مواعيد فحص ..


حبيت ان انقللكم الخبر وان شاءالله ثاني يوم العيد راح تبدي التبليغات على الموافقات المبدئية وان شاءالله خير والكل مقبولين يارب ..

علما اني قابلت المحلفين بتاريخ 10 / 11 واكملت الفحوصات الطبية يومي 29 / 11 و 3 /12

124

الهجرة و واللاجئين / رد: سؤال اريد الجواب من الذي يعرف فقط ارجوكم

« في: 13:28 04/12/2008  »

اختي العزيزة التقديم يجب ان يكون على اليو ان مادام انتوا مسجلين باليو ان وعدكم ملف بهذه الحالة يتم تقديم طلب اعادة توطين الى اليو ان وبعد ان يدزون عليكم ويسولكم مقابلة تطلبون الدنمارك لان اهلج هناك وبعدهة يتم تحويلكم عن طريق اليو ان للسفارة الدنماركية وتكملون الاجراءات المطلوبة منكم من قبل السفارة الدنماركية اللي بعمان

وان شاءالله الله يسهل اموركم يارب..

125

الهجرة و واللاجئين / رد: رد الحلفين فى مصربنوفمبر 2008

« في: 13:12 04/12/2008  »

السلام عليكم ورحمة الله وبركاته

كلام الاخت ايام صحيح واليوم تاكدت ان المحلفين في مصر اليوم اخر مقابلة عدهم 4/ 12 وبعدها راح يسافرون والنتائج صادرة ولكن يتم التبليغ بها بعد سفر المحلفين ولكون العطلة راح تبدي من يوم غد ان شاءالله الى ما بعد عيد الاضحى المبارك فالتبليغات ستبدا من يوم 14/ 12

علما اني قابلت المحلفين من يوم 10/ 11 / 2008 واكملت الفحوصات الطبية يومي 29 /11 و 3/ 12

126

الهجرة و واللاجئين / رد: سؤال محتاج الى جواب

« في: 17:39 24/11/2008  »

اخي العزيز عكعك المقابلة الاولى في ال iom يتم السؤال عن السيرة الذاتية لجميع افراد العائلة اما المقابلة الثانية يتم السؤال عن القصة من صاحب الكيس فقط ومن عمره 18 فما فوق من العائلة لان الكيس يكون منفصل عن رب الاسرة اما المقابلة الثالثة والاخيرة مع المحلفين يتم تدقيق السيرة الذاتية لجميع افراد العائلة والتاكد من تفاصيل القصة من رب الاسرة ومن هو بعمر 18 سنة فما فوق من العائلة ..  هذا ما حدث معي هنا في مصر وشكرا ..

127

الهجرة و واللاجئين / رد: باركولي ياورود

« في: 17:19 24/11/2008  »

الف الف مبرووووووووك للاخ النمر الوردي اني هم اليوم بمصر اتصلوا بية وحددولي مواعيد الفحص وان شاءالله الموافقة الامنية ما اطول هواية للجميع والكل تسافر باقرب وقت يارب ..