عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - مشمشة

صفحات: [1]
1
شكرا جزيلا على ردج والله اني هم هيج سويت كتبت متزوجة وكملت ترس الاستمارة بس ما ادري يريدون ادز ويه الاوراق نسخة من عقد الزواج علمود الكرين كارت لو ميحتاج
ولو داتعبكم ويايا باسئلتي بس والله هنا غلطة الشاطر بالف واني ما اريد اسوي شي بعدين اتندم عليه وبنفس الوكت ماريد اضيع وقت لان اريد استلم الكرين كارت واقدم معامله لزوجي بس هم ما اعرف شسم الاستمارة الي اقدمله بيه على الكرين كارت

2
السلام عليكم

اني هسة كملت سنه وشهر بامريكا ومعامله الكرين كارت ليهسة ممقدمته ممن وره غباء موظفه هنا علمود استلم ظرف الفحوصات سوتليا فلم هندي وتاليته طلعت الشغلة مو يمه وطلعت كلشي متفتهم وغبائه اخرني شهر المهم الحمد الله استلمت الظرف وكملت ترس استمالة الكرين كارت بس عندي شغلة خايفة ومترددة منه خاف لتسويلي تاخير بالستلام الكرين كارت وهي انو طالبين اذكر انو اني متزوجة لو عازبة والي يعرف قصتي اني ورة مدخلت امريكا كطعت مهر بالوكاله خاف اكتب عازبة تتخربط غله سحبه زوجي وخاف اكتب متزوجة يروحون يسولي مشكله بالكرين كارت والله ما اعرف شسوي انصحوني وطبعا اني مخليت محامي اخوية ترسلي الاستمارة بس واكفة على هاي الشغلة واذا اريد اسال محامي شغله طول لان مينطيني موعد بسرعة حتى اشوفة واشرح الموضوع واني مستعجلة ما اكدر بعد ااخر الشغلة اكثر منهيج لان ضاع عليه شهر

3
السلام عليكم
اني باقيلي اقل من شهر واكدر اقدم على الكرين كارت ممكن اعرف شنو الاجرات الي اكدر اسويه حتى اسحب زوجي ورة ماحصل الكرين كارت اني سمعت اكو فورم اسحبة ب 450 دولار اترسة وادزهة لدائرة الهجرة
طبعا اني مقدمتله على الفورم i_730 لان هواية ناس منصحتني بيه كالو متفيد لان هم الي عدهم جنسية ميحصلون السحب بسهولة عاد الي عدهم وايت كارت فهسة بلكت تفرج على الكرين كارت بس اذا اكو واحد مقدم لزوجتة لو يعرف شون ابلش بالمعامله
واتمنه مساعدتكم لان ماريد اخطو خطوة اتندم عليه


وشكرا

4
ممكن استفسار عن طريقة التقديم على الكرين كارت اني بايلي اقل من شهر واكمل سنة بس ما اعرف شون ادم على الكرين كارت واريد اعرف اذا اسحب الاستمارة مال تقديم على الكرين كارت اكدر اسحبة بلاش لو بفلوس لان اني سمعت انو لازم اشتري الاستمارة ب 1000 دولار هل صحيح هذا الشي اتمنى انو تفيدوني وشكرا

5
السلام عليكم
اني اولا احب اشكر كل الاشخاص الي ديقدمولي معلومات او نصيحة اني هسة وصلت لامريكا صارلي شهرين تقريبا وقبل كم يوم رحت سويت وكالة من السفارة علمود عقد القران وحسب مفتهمت هنا انو اني ما اكدر اسحبة اله احصل الكرين كارت بس  لكيت فرم اسمه i-730حسب مفتهمت منه اني اكدر اسحب رجلي خلاله بس خلال فترة سنتين هي فترة كلش طويلة بس احسن ما نتظرالكرين كارت يالة اقدملة اوراقة والله يعلم هم شكد طول ورة السنة .

6
اخواني القصة اني بغداد وعندي وطلعلي موعد سفر لامريكا لنورث كارولاينا واني مخطوبة صارلي 3 اشهر   واريد  اكطع مهر قبل ما اسافر وموعد السفر مالتي بعد سبوعين ناس دكلي روحي وكطعي مهر بالوكالة ولتكطعين مهر بغداد وناس دكول لا كطعي مهر بغداد وسافري وناس دكلي سوي وكالة لاحد بغداد هو يكطعلج مهر بعد متوصلين لامريكا كلمن يحجي شكل وهسة اخير شي كالولي خابري المنضمة وكليلهم القصة وشوفي شيجاوبوج واني اخاف اخابر ليعرقلون سفرتي اريد حل مدا اعرف شسوي  رجاً ساعدوني مبقالي وكت وما اعرف شنو الطريقة الاحسن الي اكدر اطلع واسحبة بيه باسرع وقت ممكن

7
السلام عليكم
 ارجوكم اتساعدوني شلون اسحب زوجي واني طالعلي موعد سفر قريب جاوبوني رجاءا

8
السلام عليكم

اخي العزيز اني قابلت يوم 8-10-2009 مقابلة اولى وليهسة ممنطيني موعد مقابلة ثانية ودانتظر الفرج الله كريم بالكت يذكرونه هاي الايام ويدزون موعد مقابلة ثانية

الله كريم

9
السلام عليكم
اني قابلت على iom قبل 3 اشهر ورادو مني الوثائق مترجمة ومصدقة ومستنسخة وبالمناسبة الترجمة مطول غير ساعة بنفس اليوم تكمل واكو مكتب معروف بغداد هو يسوية وتصدق من جمعية المترجمين العراقيين فاحسن شي واحد ياخذ الوثائق مترجمة ومستنسخة حتى المقابله مطول وميصير مشاكل بالمقابلة

وشكراً

10
الف الف مبروك توصل بالسلامة أنشاء الله   :D

11
السلام عليكم
اخي العزيز بالنسبة لسؤالك عن المقابلة هم ميحتاجون شهايد المتوسطة والاعدادية بس راح يسالوك تاريخ دخولك للأبتدائية وشكد كعدت بيه وتاريخ دخولك بالمتوسطة وشكد كعدت بيهة وهكذا بس اخذ وياك شهادة التخرج من الكلية اذا عندك وارفقة وية اوراقك .ويسالوك انت تشتغل لو لا وين وشكد صارلك تشتغل وين كاعد ويامن والمنطقة الي كاعد بيه شنو وضعه الامني وشنو اكثر الطائفة الي بيه وانت شنو طائفتك


وأما بالنسبة لبقية الأسئلة راح يسألونك أسئلة عائلية وتواريخ الميلاد باليوم والشهر والسنة على كل أفراد عائلتك وبعدين يسالوك معلومات عامة مثل متزوج لو لا شكد اطفال وسالوك معلومات عنهم مثل تاريخ زواجك تواريخ ميلاد اطفالك يعني المقابلة الاولى اهم شي بيه حفظ تواريخ .وبعدين راح يسالو على الكفيل وشيصير منك وشكد صارلة برة وين كاعد .
وراها يدخلون المعلومات المطلوبة ويطلبون منك تنتظر برة وبعدين يصيحون عليك مرة لخ ياخذون منك القصة انو انت ليش تريد تطلع واذا مهدديك منو الي مهددك وشوكت هددوك يعني التاريخ الي هددوك بي  و الصبح لو
لليل وبيا منطقة .    اخي العزيز حاول تكون واثق من اجابتك واذا متزوج انت وزوجتك حاولوتتفقون على نفس الحجي مثل شوكت صار التهديد حتى حجيكم يطابق بس الي اعرفة انو انت راح تكون المصدر الرئيسي للمعلومات الي يحتاجوه وحاول انو للتفرع بالحجي هواية حتى لدوخ وترتبك ومن تطلع من المقابلة اكتب كل الحجي الي حجيتة لان راح يرجعون يسالوك علية بمقابلة المحلفين .


أتمنى انو اكدر افيدك بهاي المعلومات لان ني مصارلي شهرين من قابلت

صفحات: [1]