السلام عليكم
قريت في بعض الردود معلومات خاطئة وتخص العمل في ولاية اريزونا
اني راح احجي على منطقة فينكس حصرا لان بصراحه ما اعرف عن البقية
نصيحتي لكل لاجئ او مهاجر اول شغلة تسويها لبداية صحيحه في امريكا بعد استلام السوشل هي اجازة السوق لان هي مفتاح اعتبارك شخص امريكي بغض النظر عن اوراقك( على اعتبارك لاجئ او مهاجر بأعتبار وجودك شرعي في امريكا )
ثاني شغلة بالنسبة للي عدهم لغه انكليزية على الاقل مفهومة مو شرط الا قوية التقديم على شغل سكيورتي
وهذا الشغل مكوم ويومية عليه طلب اكثر من اليوم الي قبلة ودليل الاثيات ادخلوا يومية على هذا الرابط وشوفوا بعينكم شكد اكو شغل سكيورتي
http://phoenix.craigslist.org/sec/
بالمناسبة حتى يكون كلامي واضح كل هاي الخطوات الي تكلمت عنها راح تستفاد منها هواية
اول شي بداية صحيحه لفهم الواقع الامريكي
ثاني شي راج تندل مناطق
ثالث شي بداية مؤقتة لحد ما تستقر امورك وتبدي تدفع بلاتك بشكل سهل
رابع شي تقلل نسبة احتياجك للمنظمة واعتمادك على نفسك
جورج
عليكم السلام اخويه جورج ونشكرك جدا على هاي المعلومات والله يسهل طريقك
ممكن سؤال بلنسبه للسيكورتي شكد ينطو بلساعه مثلا وهل هيه بارت تايم لو فل تايم
وحبيت اعرف شنو الفرق بين الفل والبارت تايم ؟
ولو كثره عليك باسلتي بس احنا متعشمين بيكم خير
والك جزيل الشكروالامتنان
اختي العزيزة ام مصطفى تدللين انتي واني حاضر وممنون
بالنسبة لشغل السكيورتي ينقسم قسمين اول قسم ارمد يعني مسلح والقسم الثاني ان ارمد يعني غير مسلح
الشق الثاني من سؤالج شكد ينطوه بالساعه هاي ما اكدر ارد عليج بيها لان كل شركة والها نظامها من حيث الرواتب وهي عادة بين 9 دولارات الى 30 دولار حسب المكان وحسب الشركة بالنسبة الي انصح اي شخص يسوي اجازة الغير مسلح لان اذا سوة اجازة المسلح معناها راح يذبوه بمكان حتى الشرطة متوصلة وصارت هنا بولد صديقي ( نصحته ومقبل النصيحه )
الفرق بين البارت تايم والفول تايم
البارت تايم هو اي عدد ساعات اقل من 30 ساعه بالاسبوع ممكن يكون 10 ساعات او 17 ساعه
الفول تايم يوصل لحد 40 ساعه
اي عدد ساعات يوصل اكثر من 40 ساعه بالاسبوع معناها اوفر تايم يعني الساعه بساعه ونص او اكثر حسب نظام الشركة
اعذروني من قلة الردود والتاخر بيها
مع ذلك احاول جهد امكاني اساعد بالي اكدر عليه
تحياتي
جورج
عرض المشاركات
