3
(((نرجع الي امتحان ال جي ار اي هذا الامتحان للقسم يعني اذا انت اتريد تدرس هندسه كهربائيه ودرجاتك زينه قد انه القسم يقول احنا ننطيك سنه ادرس بيها هسه وبعد هاي السنه انت لازم اتجيب النا امتحتن جي ار اي وللعلم اذا الطالب بعد هاي السنه عبر الكورسات وما عنده مشكله بيها القسم راح يلغي امتحان التوفل)))))
انا اسف على الخطا الملائي انا اقصد يلغى امتحان ال جي ار اي وليس امتحان التوفل لان امتحان التوفل لازم تقدمه الي الجامعه وينطونك قبول
يعني زبدة الكلام اذا واحد ايريد يدرس بجامعه بامريكا وهو جاي من العراق وعنده كرين كارت راح يروح اول شيء لتسجيل الجامعه و يشرح حالته ( انه خريج احدى الجامعات العراقيه وعندة كرين كارت ) راح يقولوله انت ممتحن توفل لو لا طبعا اللي ممتحن ما عندة مشكله ( واغلب الجامعات الامريكيه اتريد 550 ) واللي ما ممتحن يقولهه عندك خيارين اثنين للتوفل اما تمتحن وتعبر او انه تدرس في معهد اللغة التابع للجامعه واعتقد كل الجامعات بامريكا عدهم معهد لغة وهذا المعهد تقريبا غالي مو رخيص بس اللي عندة ليش ما يدرس بيه هم يعبر التوفل وهم يتعلم لغه ((( بس ملاحظه مهمه كلش اللي يدرس بهذا المعهد مال الجامعه يعبر التوفل بس بهاي الجامعه يعني اذا راد يدرس بغير جامعه لازم يدرس بالمعهد مالهم او يمتحن توفل يعني كل جامعه تعترف بشهادة المعهد التابع الها فقط )))) طبعا المعهد مال اللغه بيه نوعين من الكورسات اكو كورس المده مالته شهرين و اكو كورس الممدة مالته اربعه اشهر الاول قيمته تكون نصف قيمه الثاني واللي عندة كرين كارت يقدر يدرس كم مادة هو يختارها حتى اتصير ارخص يعني ما يدرس كل المواد (طبعا مواد المعهد هي القراءه والكتابه والاستماع والقواعد وتاريخ امريكا وغيرها ما اذكرها كلها هسه )
هسه يكون امتحان التوفل انتهينه منه راح وراها يقوولك انت شنو قسمك علي سبيل المثال (مهندس كهرباء ) يطلبون منك الدرجات مالتك مترجمه ويرسلوها لقسم الكهرباء راح قسم الكهرباء يدزون عليك ويقولوك احنا راح ندرس المواد مالتك وراح ندرس الدرجات مالتك وايضا انريد منك امتحان الجي ار اي بهاي الحاله راح تكون كل حاله مختلفه عن الثانيه يعنى اللي درجاته زينه وعاليه يقدر يطلب منهم تاجيل امتحان الجي ار اي مدة سنه مثلا ويبلش بالدراسه و اذا درجاتك مقبول وشيل ايدك فاهناه لازم لو تختارلك جامعه متطلباتها اقل لو اتشوفلك استاذ عرف ( عربي عراقي باكستاني وتطلب منه ايساعدك بهذا الطلب ) واذا الله سهل عليك وانطوك موافقه راح يبلغون الجامعه انه احنا قسم الكهرباء ما عدنا مشكله بقبول هذا الطالب عدنا فراح تستلم رساله القبول من تسجيل الجامعه
والشغله المهمه انه انت اجلت امتحان ال جي ار اي ولم تلغيه بس اذا بدأت الدراسه ودرست وعبرت الكورسات اللي انت دارسها بدون مشاكل من ناحيه الدراسه راح تطلب من القسم ان يلغي امتحان الجي ار اي الى الابد
اكو كم ملاحظة على السريع :
اولا: الدراسه لحاملي الكرين كارت ارخص حوالي نصف التكلفه.
ثانيا : يقدر حامل الكرين كارت ياخذ مواد قليله بالكورس الواحد .
ثالثا : اذا قدمت بالبدايه انه الدراسه علي احسابك يكون القبول مالك اسهل يعني الجامعه ما راح تخسر عليك هواي اذا نجحت زين ما نجحت انت الخسران
رابعا ك حامل الكرين كارت يقدر يشتغل مع الدراسه وهاي انتم تعرفوها
اسف اهواي علي الاطاله مع العلم ان هاي المعلومات عن طريق تجربتي الشخصيه مع ثلاثة جامعات في ميزوري بالاضافة الي اني اعرف اصدقاء ثلاثه بدرجه برفسور في احدى هذه الجامعات وصاري اربعه اشهر بس اركض ورى الالقبول مع العلم اني مهندس مدني ودرجاتي كلها دوائر يعني خمسينات
عرض المشاركات
