الرسائل

1

الهجرة و واللاجئين / رد: عاجل عاجل تحديث حالة الكيس مالتي بتاريخ اليوم 11-Jan-2013 على موقع ال SIV

« في: 02:29 18/01/2013  »

نفس التحديث التحجي عليه صار اليوم بالكيس مالتي  ؟؟؟ وبلكي الله خير مقابل من 2010 شهر ال11

2

الهجرة و واللاجئين / رد: للمتأخرين من ال SIV فقط

« في: 02:25 18/01/2013  »

الله لايكذبني لازم اصير العميد بهاي المجموعه هههه اني
من2010 شهر ال11 منتظر ولحد هسه !!! المهم بس كلي
ابو ساره المن ادزها وشلوون ؟؟؟

3

الهجرة و واللاجئين / رد: اخوان منو يصدك حجيي ؟؟؟؟

« في: 17:13 23/12/2012  »

اخوان والله العظيم يوميه دمعتي بخدي وحتى كمت ما اشكي لان مليت نظرة العطف عليه اريد ارجع وما اكدر ارجع ابقى اهنا وروحي وعقلي وكلبي يم اولادي وزوجتي .. اريد اعرف سبب واحد للتاخير ويريحون كلبي يريدون كليتي والله انطيها بس خلي اولادي يعيشون بسلام وراحة بال ... حرت والله حرت واحس نفسي تايه بكابوس ماله اول من تالي  .... شنو هذا الفورم ومنين ادزه اريد تفاصيل اكثر فدوه لان لامحامي بقيت ولا منظمه خيريه بقيت ولا اكو سناتور ميعرف بقضيتي ... فدوه زودني بالتفاصيل برساله اي شي اترجاك ... ممنون الكم حبايب والله لايراوي احد الحاله الي اني بيها حتى عدوي ما اتمناها اله ...

4

الهجرة و واللاجئين / رد: اخوان منو يصدك حجيي ؟؟؟؟

« في: 04:53 23/12/2012  »

والله العظيم ماكو اي نقص واني راح اتخبل معقوله كل العالم سافرت وبقيت بس عائلتي

5

الهجرة و واللاجئين / اخوان منو يصدك حجيي ؟؟؟؟

« في: 02:34 23/12/2012  »

مرحبا بالحبايب من زمان ماداخل على هالكروب الحلو ب حبيت اسال اكو واحد مثل حالتي اني مقدم لزوجتي واطفالي siv وقابلوا من زمان من تاريخ 4-11-2010 ولحد هسه همه بالعراق منتظرين الفيزا واني بامريكا اكو شي جديد تنصحوني بيه اكو حاله مثل حالتي لو بس اني بالدنيا هيجي الله غاضب عليه ...صارلي 3 سنوات بامريكا ولحد هسه متغير شي بحياتي يارب الفرج مليت الشكوى ... اذا احديعرف شي لا يبخل عليه برد لان اني دا اموت اهنا وحدي بدون عائلتي واطفالي ...

6

الهجرة و واللاجئين / رد: منو حالته مثلي

« في: 21:19 30/11/2012  »

والله يا اخي من 2010 لحد هسه منتظر ولحد هسه ماكو اي جواب علما ان اني بامريكا ومنتظر زوجتي واطفالي من 11/4/2010  كملو مقابله ولحد هسه اي شي متغير بقضيتهم

7

الهجرة و واللاجئين / رد: جماعه 2010 SIV دخلو خلي نسوي احصائية جديده ونشوف منو بقه

« في: 01:51 24/05/2012  »

ولازالت عائلتي منتظره الفيز الكشره من تاريخ 4-11-2010 ولحد هسه ولا حتى اعادة فحص طبي

8

الهجرة و واللاجئين / رد: SIV: بعد سنة ونص مقابلة اليوم استلمت ايميلين من السفارة

« في: 20:56 15/04/2012  »

الف مبروك الك ويارب الفيزا باقرب وكت بس ردت اعرف شوكت انت مقابل فدوه لعينك لان اني منتظر فيزة اولادي وزجتي ...

9

الهجرة و واللاجئين / رد: اخوان اكو من جماعة ال2010 لو بس اني ؟؟

« في: 06:31 12/04/2012  »

اشكر الجميع على هالردود بس انتهيت ومابقى دمع بعيني ابجيه بعد  .. اولادي ديكبرون واني اهنا عايش بحلم اني راح اشوفهم داير مادايري يلعبون بالمولات و يركضون كدامي بدون ما اخاف عليهم ... تعبت اخوان وماظل براسي عقل ... راح اطلق على راسي رصاصة الرحمه وارجع ان متت بالعراق فالحمد لله على كلشي وان بقيت عايش على الاقل اعيش على ذكرى اني جنت بامريكا بيوم من الايام ورجعت الى نقطة الصفر اذا مو تحت الصفر والله المعين .... الحمد لله على كلشي ..

نك العزاوي ..

10

الهجرة و واللاجئين / رد: ياجماعه SIV 2010 صارلي سنه وسته اشهر شنو الموضوع

« في: 18:27 11/04/2012  »

والله ياحبي اني من حمد الله انتظر فيز اولادي وزوجتي واني بامريكا مقيم صارلي سنتين واس اي في ولحد هسه ماكو اي تقدم بموضوعهم والمحامي الي خليته افضل محامي وكلشي ماكو وربك ثبت ان محد يكدر يحل او يربط بهالموضوع الا السفاره نفسها ....مقابلتهم جانت 4-11-2010

11

الهجرة و واللاجئين / اخوان اكو من جماعة ال2010 لو بس اني ؟؟

« في: 18:22 11/04/2012  »

تره عبرنا كل حدود الصبر وتعبنا وماظل النا خيار اني تعبت من انتظار اطفالي وزوجتي اني بالجنه وهمه بالعراق ... لذالك قررت ارجع للعراق لان اموت يم اولادي وزوجتي افضل بهوايه من هم انتظار ماله نهايه ... ولا حد يلومني اخوان صارلي سنتين بعيد عنهم وماكو اي خبر ايجابي اهنا احس بيه ان الموضوع اتقدم ولو شعره ... محامي خليت ..وكل يوم يكلي فيكه شكل لحد ماخلصت فيكاته وماظل شي يكوله الا انه المشكله والتعطيل من السفاره مو من الهوملاند سكيورتي او الامكريشن ... فيزا صارلها من شهر ال 11 بسنة ال2010 ولحد هسه جان ال siv يطلع بشهر هسه صار بسنين !!! ... راجعلك ياعراق الغضب وخلي اشوف شلون تاليتك ...

 نك العزاوي ..

12

الهجرة و واللاجئين / اخوان المترجم بالعراق خلي يدخل يقرا ... والنا الله

« في: 00:34 10/12/2011  »

شوفوا هذا النك الي جنت متوقعه من حكومتنه الرشيده ومليشياتنه الحميده خلي نتونس .... والله الي ركب الركبه هو بس الي يكدر يفصلها ....


http://www.markazaliraq.net/?state=news&viewId=8471

13

الهجرة و واللاجئين / رد: والله الي ديصير بالاس اي في ظلم ... شاركو اهل الاس اي في ؟؟

« في: 14:05 28/11/2011  »

كل كلام التصبير جنه نسمعه قبل 5او 6 اشهر هسه الموضوع عبر الحد المقرر يعني الي عنده جواز الافضل يسحبه ويسفراهله لان احنه راح انكون تحت رحمة ناس ماعدهم اصلا رحمه ولا حتى يعرفون الله ناس مدفوعين من دول لقتل العراقيين والمترجمين العاملين وي الامريكان اخوان خلي انفكر صحيح والي عنده غير خيار خلي يكلي قبل ما اروح اسوي اعتصام سلمي واخلي نفسي كدام كل العالم بلكي الراي العام يسويلي شي ....

14

الهجرة و واللاجئين / والله الي ديصير بالاس اي في ظلم ... شاركو اهل الاس اي في ؟؟

« في: 04:06 28/11/2011  »

اخوان يعني شنو الحل للي دنتظر فيز عائلته صارله 13 شهر تقريبا يعني حيل الجماعه مغلسين علينا ولا دتحرك القضيه شعره ولا ديجي اي رد بحجة التجيييك الامني وبعدين يعني راح انظل كاعدين مو دنموت والله موت بطئ اني راح اروح للكونكرس واسوي اعتصام كبال البيت الابيض وحدي عسى ولعلى الكه حل لمصيبتي اني بامريكا واولادي وزوجتي بالعراق والامريكان راح ينسحبون بالسلامه من العراق وكدامي حلين ياارجع للعراق وانقتل بكل سهوله او اظل هارب لان عملت مع الامريكان او اظل اهنا منتظر اي تلفون من العراق يكولي خبر يدمرني ...... الله واكبر والله تعبت ياناس وين اولي وين انطي وجهي حسبي الله ونعم الوكيل حسبي الله ونعم الوكيل حسبي الله ونعم الوكيل .....
منو يفكر وياي ونسوي اعتصام قبال البيت الابيض بس نطلب حل لقضايانا المعلقه ....؟

15

الهجرة و واللاجئين / اتعس شهر بالسفر هو شهر التاسع وماكو اي تقدم بموضوعنا ؟؟؟

« في: 02:17 27/09/2011  »

اخوان انتوا ويايه انه شهر التاسع جان شهر فقير بالفيز الى اقصى حد لان تقريبا مسمعت اخبار حلوه من زمان ... منو يؤيدني بهذا الموضوع ؟؟؟ بالاضافه انه شكد ناس حجت على هذا الشهر انه شهر الفرج وشهر الفيز وشهر الخلاص هههههه ومع الاسف ما اخذنا غير بس الكلام الي لا يودي ولا يجيب ....ورحمه لاهلكم لحد يجيب اخبار من عنده كلناها الف مره خلي يتاكد ويكلنه المصدر الي جاب منه الخبر حتى نرتاح على الاقل انه خبر صحيح .... تحياتي الكم والله المعين الكم ياهل الطابوكه النايمه ههههههههههههه

16

دردشة منتدى الهجرة واللاجئين / مو من فراغ مأخرين فيز العراقيين ادخل وشوف ؟؟؟

« في: 00:10 14/09/2011  »

تتذكرون اغنيه عراقيه بزمن صدام مال والله بيضتوا وجهنا ياصناديد هههههههه هاي الاغنيه اول ماشفت هذا اللنك عرفت ليش احنه متاخره علينا الفيز وشنو سبب التاخير ؟؟؟ ما راح اكول كلنا بس هاي النماذج التعبانه هيه الي عمت علينا ووخلتنا بالوجه الاسود كدام العالم ومع الاسف هاي حقيقه وما تقبل نقاش الموضوع مو موضوع اني عراقي واحب العراق الموضوع شوف الي ديسووه العراقيين اهناك .... قبل فتره لزموا عصابه بكاليفورنيا تهرب اسلاح وقنابل يدويه ومخدرات من المكسيك لامريكا بالتعاون مع وحده من اكبر المافيات بامريكا لصاحبها الاسباني ويلزمون 60 عراقي مو واحد ولا اثنين 60 عراقي تعرفون شنو يعني يعني نسبه مخيفه يعني اذا كل واحد عنده عائله تخيلوا 60 عائله وتخيلوا المصيبه وقبلها جانت مصيبة الاثنين الي اشتغلوا وي الارهاب بامريكا وبالعراق وضد القوات الامريكيه وهسه مصيبة هذولي الحراميه وهمه عائله على فكره وتخيل الغباء الي همه بيه شنو عبالهم الامريكا اغبياء الى هاي الدرجه حتى تعبر عليهم هاي الكلاوات ؟؟  مااكول الا الله ينتقم منهم شر انتقام لان بسببهم اني منتظر فيز اولادي وزجتي الي صارلهم منتظرين 9 اشهر وااكثر الفيز وحارميني من شوفتهم والله يستحقون الشنق مو السجن بس ولو جان بيدي القرار لا احكم عليهم بالاعدام امام كل الناس حتى يصيرون عبره لغيرهم ....
اسف على الاطاله واعوفكم مع هذا اللنك الي يفضح هاي العائله الحقيره الي شوهت سمعة العراقيين اهنا بامريكا ....

http://www.clickondetroit.com/news/29039419/detail.html?taf=det

17

الهجرة و واللاجئين / رد: هل صحيح ان اسماء المترجمين لدى الحكومة العراقية

« في: 03:10 12/09/2011  »

اليوم البارحه اسماءنا وعناوينا يم الحكومه العراقيه من زمان بس ماكو داعي للخوف اخي العزيز لان كل المترجمين المبطلين من شغل الترجمه راحوا بنفسهم وانطو اسماءهم وعناوينهم مره ثانيه للضمان الاجتماعي بالوزيريه واصلا انطو شكو معلومات عنهم للضمان علمود يسحبون الرصيد مالتهم اكو خوف صحيح بس ما اعتقد هذاك الشي الكبير .... تحياتي

18

الهجرة و واللاجئين / رد: مقابلات 2010 SIV

« في: 14:52 09/09/2011  »

لاتدوخ اخي العزيز مو بس انت لان هذاك اليوم قبل فتره دخلت بموضوع اهنا بعين كاواه جان بيه المقابلين بشهر 10-11-12-2010 عدد مو طبيعي واكو كلش اهوايه انت مو وحدك وكلنه عدنه نفس المشكله ..
علما اني اهلي امقابلين بشهر11 -2010 للعلم فقط ..

19

الهجرة و واللاجئين / رد: تحيه الى صديقي راش والف مبروك

« في: 00:58 02/09/2011  »

اشكر ردودكم واخوان اني مقيم ومنتظر تطلع فيز عائلتي الي مقابلين بشهر ال11 سنة 2010 ولحد هسنه منتظرين العزا مال فيز ادعولي بلكي الله تسهل على شهر التاسع الموعود .... تحياتي

20

الهجرة و واللاجئين / تحيه الى صديقي راش والف مبروك

« في: 00:15 01/09/2011  »

اخوان صديقي البارحه دزلي ايميل وكلي استلم الفيزا وهو اس اي في وانشاء الله فد شهر ويسافر لامريكا وانشاء الله الجميع يطلعون ويستلمون فيزا يارب .... تحياتي
على فكره هو مقابل ب شهر الثاني 2011 للعلم فقط

21

الهجرة و واللاجئين / رد: SIV مقابللات 2010

« في: 20:22 18/08/2011  »

اني مقابل لعائلتي يوم 4-11-2010 ولحد هسه نايميين .... وبلا زحمه لحد يكعدنه لان نريد انام ههههههههه

22

الهجرة و واللاجئين / رد: مراسلكم من مطار بغداد الدولي , خبر تازة ومرتب كلش تعالو تعالو .

« في: 23:19 13/08/2011  »

يالله بلكي الله ويتحقق الحلم ..

23

الهجرة و واللاجئين / رد: موضوع حساس للمرفوضين من ال SIV

« في: 22:40 04/08/2011  »

خلي ينطون اهلي الفيزا وشي يردون اصير سني شيعي يهودي فلسطيني اي شي يحبون اوقع على صك فارغ بس خلي ينطوني الفيزا هههههههههههههههه

24

الهجرة و واللاجئين / رد: الشهر السابع هو الشهر الاسود بالسفر مو يوافقني الراي ؟؟؟

« في: 18:51 22/07/2011  »

اخوان اني كتبت هذا الموضوع بعد ما ايست تقريبا لان داشوف بعيني ان السفر واكف ومديتحرك وعلى فكره اني مقيم بامريكا ومنتظر فيز عائلتي ولحد صار 5 اشهر ماشفت ولا عراقي جاي يمي علما انه مدينتي متخمه بالعراقيين زين اذا جان على مستوى الولايه محد جاي من العراقيين واسمع واحد كاتب موضوع يكول بيه 200 فيزا راح تصدر بشهر السابع على مستوى المدينه يعني على الولايه المفروض يكون اكثر طبعا .... هذا كلام فارغ لاتفرحني ولا تبجيني جيبلي الحقيقه وبس واذا ماعندك موضوع لا تكذب عليه وتسوي موضوع تره صاير الخبر المفرح يأذينه اكثر من الخبر السيئ  ..... اسال الله ان يرحمنا برحمته ويخلصنا من عذاب الانتظار اما بالايجاب او بالرفض خوما راح نقضي كل عمرنه انتظار لازم اكو حد لهذا الشي .... اشكر ردودكم وتحياتي الكم

25

الهجرة و واللاجئين / الشهر السابع هو الشهر الاسود بالسفر مو يوافقني الراي ؟؟؟

« في: 07:17 22/07/2011  »

الشهر السادس جان بهوايه افضل من هذا الشهر الي العالم جانت تحلم بيه وتكول الفيز راح يوزعوها بالكواني والناس مراح تبقى للثامن و و و و و و وسوالف مالها اي اساس للصحه لان المبين هسه انه الموضوع نام لا ومو نام كانما انتهى حتى الناس كامت اتدور غير منفذ للهرب من قهر العراق ... اخوان اني افضل منا ورايح لحد يفتي ويطلع اشاعه لا تفرح ولا تبجي اليريد يكول موضوع خلي بس يثبت بدليل او لنك او شي نكدر نصدكه لان ملينه والله الحجي الزايد حتى الرفض منو يكول صحيح يجوز مجرد كلام لاناس متشائمين ويجوز طبعا صحيح بس ياريت فد دليل حتى انشوف وين الصدك لان تيهنا الصدك وين .... تحياتي الكم

26

الهجرة و واللاجئين / اخوان شلون اسحب جوازات عائلتي من السفاره ؟؟

« في: 01:58 15/07/2011  »

اخوان منو يكلي شلون اسحب جوازات عائلتي من السفاره لان الوضع بمنطقتي صاير تعبان اريد اسفر اهلي لغير دوله لحد ماتجيهم الفيز علما انه اني اس اي في وعائلتي همات ومنتظرين من 8 اشهر المهجومه الفيزا ؟؟؟ وممنون الكم

27

الهجرة و واللاجئين / رد: بعدانتظار 5 اشهر لفيزا SIV

« في: 01:38 12/07/2011  »

صدق الله العظيم البقيه بحياتكم شباب اذا هذا الخبر صحيح يمكن يصير بيه شلل نصفي

28

الهجرة و واللاجئين / رد: صارت صنطه هندس

« في: 20:06 09/07/2011  »

تريد اشاعه صغيره يكولوووووووووووووون انه الشهر الثامن راح يصير الفيز بالكواني واصلا الي اتاخروا ينطوهم اثنين او اكثر حسب المده هههههههههههههههههههههههههه يمكن اني اتخبلت بشرفي خخخخخخ

29

الهجرة و واللاجئين / رد: اخوان شوفوا نتائج مقابلتي وي السيناتور ريتشارد بور ؟؟؟؟

« في: 19:52 09/07/2011  »

اشكر ردودكم الطيبه اخواني بس جان هذا السيناتور هو اخر امل اليه وشهر السابع الي جنه نحلم بيه طلع شهر عادي مابيه اي تغيير لذلك اني وصلت مرحله من الكابه خلتني مافكر باي شي غير الرجوع علما اني ماريد ارجع لان دا اعاني اهنا  لاكن اريد استقر بس ... وللكل الحياة اهنا مابيها اي شي يعذبك ويتعبك ويهدد حياتك بالعكس الحياة تنطي الي ينطيها ومتقصر وي اي واحد وراحة بال ومابيها اي شي يعكر عليك بس مسالة بعدي عن اطفالي وزجتي دا احسه مثل الحبل وديلتف على ركبتي ومدا احس باي سعاده بدونهم ..... اشكركم على الردود وتعاونكم وكلماتكم الرائعه الي تطيب الكلب .... 

30

الهجرة و واللاجئين / رد: اخوان شوفوا نتائج مقابلتي وي السيناتور ريتشارد بور ؟؟؟؟

« في: 17:27 09/07/2011  »

اخوان هو منو يريد يرجع بس غير قهر الفيزا وتاخرها خلاني اتخبل ولو هو العراق شنو بيه ينحب غير بس اسمه والكباب الشوي والسمج المسكوف والباقي كلها تعبان .... اخوان اني اعرف بمخاطر العراق بس الابتعاد عن عائلتي راح يخليني انتحر والله دا اموت بدونهم .... استغفر الله ربي واتوب اليك
 

31

الهجرة و واللاجئين / اخوان شوفوا نتائج مقابلتي وي السيناتور ريتشارد بور ؟؟؟؟

« في: 16:30 09/07/2011  »

بعد ما توكلت على الله وأتجهت الى مدينه بعيده عن مدينتي بحوالي 30 دقيقه راغبا بمقابله السناتور الجمهوري ريتشارد بور والي انطاني عناونه رجل امريكي وكلي هذا رجل اولا واجبه مساعدتك وثانيا هو انسان طيب ومتعاطف وي الجميع ويكدر بحكم موقعه ان يساعدك .. وصلت الى مكتبه ودخلت الى الداخل وسمعت صوت عن طريق الانتركم يكلي تفضل شتريد وشرحت بشكل موجز المشكله انه اهلي بالعراق وفيزهم الاس اي في متاخره وانه اني خدمت الجيش بعملي وكذا وكذا .. كلي ثواني ونكون وياك .. وفعلا اجتني موظفه كبيره بالعمر ودخلتني للداخل وطلعت السكرتيره الشخصيه اله وكالتلي اشرحلي المشكله بالتفصيل واني اووصلها اله لان هو مشغول وميكدر يقابلك وشرحت بالتفصيل كل المشكله ووقعت على اوراق تخولهم التدخل لحل قضية عائلتي واصدار الفيز الموعوده الهم ووعدتني خير وكالتلي راح نبذل كل جهدنا لاجل عائلتك ونحن نقدر ال9 اشهر تقريبا الي قضيتها بالانتظار للفيزا ... ما اطول اكثر رجعت للبيت ثاني يوم اجاني بالبريد رساله من مكتب السيناتور تكول انه مهتم بالموضوع بشكل شخصي وراح يتابعه بنفسه ... وثاني يوم اجتني ثاني رساله تكول بالضبط انه اتصل بدائرة الهجره وان اوراق عائلتي موجوده اهناك منتظره يخلص التجيك الامني مالتهم الي بالاعتيادي يطول 8 اشهر وانها محتاجه الى المزيد من الاجراءات الاداريه الاعتياديه حتى اصدار الفيزا ... يعني بالضبط نفس رد ايميل السفاره بدون اختلاف عدا شويه من التزويق والمجامله بالكلام .... بمختصر مفيد اني ايست من موضوع سفر عائلتي واعتقد راح ارجع للعراق واستقر اهناك وافضها ..... تحياتي الكم واسف على الاطاله   

32

الهجرة و واللاجئين / جمعية المتورطين من ال اس اي في ؟؟؟؟

« في: 16:01 29/06/2011  »

شلونكم اخوان ... طبعا الاسم صدك يعني الموضوع ومشاكل الناس الي تعاني من تاخر الفيز بس ان ما قصدت كل الاس اي في قصدت فئه معينه منهم والي همه مقسمين الكيس مالتهم الى قسمين يعني زوج وعائلته الزوج بامريكا والعائله بالعراق تتنتظر الفيز عسى ولعلى نكدر نسوي تجمع للعراقيين المنتظرين عوائلهم ونحاول نسوي شي يعني انروح لل دائرة الهجره الامريكيه ونحاول نسوي مخاطبه رسيمه وياهم حتى نلكى حل ... وخلونه نخلي ايدنه بيد بعض بلكي نكدر نوصل لنتيجه اخوان .... المهم الي يريد يشارك بهاي الجمعيه لازم يكون الكيس مالته مفصول الى قسمين وهو مقيم بامريكا حتى نكدر ننتجمع اهنا ونروح لدائرة الهجره سويه ومهما تكلف لازم نوضع حد للانتظار وخلي يضيف تاريخ المقابله مالته هم حتى نعرف شكد صارله ديعاني بامريكا ..... تحياتي الكم شباب وهمتكم ويانه لانجاح هاي الفكره ....

33

الهجرة و واللاجئين / رد: سؤال حول كم سعر تذكره من العراق الى الولايات المتحدة الامريكية

« في: 15:12 27/06/2011  »

ادخل على موقع اسمه sheapoairوتفرج براحتك على الاسعار اكتب الدوله الي تطير منه والي توصل الها مع التاريخ واذا تريد هم احجز مناك اني على طول اسوي هيجي احجز عن طريقه ..

34

الهجرة و واللاجئين / رد: غباء متناهي للـ IOM في إختيار موعد السفر

« في: 07:13 27/06/2011  »

تدري ليش انطوك هيجي موعد ؟؟؟؟؟ حتى من تطلع من العراق لاتفكر ترجع تذكر اليوم الاغبر الي طلعت بيه و الصار بيك وتكول ارجع لو اموت ما ارجع ...هههههههههههه توصل بالسلامه اخويه ويارب يسهل الامور ...

35

الهجرة و واللاجئين / رد: اخوان سؤال مهم جدا وللاخت انجي بالخصو ص ؟؟؟

« في: 23:15 23/06/2011  »

اني ممنون الكم اخواني الاعزاء بس شويه خلي نهدي اعصابنا ليش هذا التوتر الي بينكم احنه نريد نطلع بشي مفيد ونساعد شخص محتاج مساعده ارجوا ان ما اكون قد اثقلت عليكم بكلامي واتمنالكم الموفقيه واشكر مساعدتكم .....

36

الهجرة و واللاجئين / رد: اخوان سؤال مهم جدا وللاخت انجي بالخصو ص ؟؟؟

« في: 16:07 23/06/2011  »

والله اختي ماعرف بس اليوم راح اراويه ردوكم الكريمه واخليه بالصوره حتى يعرف بس شنو وضعه ليروح اهناك  ويكضيها دعى عليه واني ماناقص فكر اشو فيز عائلتي صارلها 8 اشهر وما طالعه شي يصير بيه اكثر ههههههههه

37

الهجرة و واللاجئين / رد: اخوان سؤال مهم جدا وللاخت انجي بالخصو ص ؟؟؟

« في: 06:29 23/06/2011  »

ممنون على الردود بس اني حرت شاكول للرجال اكله روح واخليه يدعي عليه لو شلون فهموني لان الرجال طبيب وعائلته اهنا يمنه وهو يريد يصفي اموره ويرجع لامريكا اكو حل لو ماكو اريد افتهم ؟؟؟؟؟

38

الهجرة و واللاجئين / رد: اخوان سؤال مهم جدا وللاخت انجي بالخصو ص ؟؟؟

« في: 00:01 23/06/2011  »

يعني شنو شلون يدخل العراق  اختي سرى غير بالترفل دوكمنت حال حال الباقيين لو اكو فد شي اني ما اعرفه ؟؟؟؟؟

39

الهجرة و واللاجئين / رد: اخوان سؤال مهم جدا وللاخت انجي بالخصو ص ؟؟؟

« في: 00:32 22/06/2011  »

والله اعتقد فد شهرين او اكثر يعني يكدر يسافر على الترفل دوكمنت بدون الحاجه الى الكرين كارد بشكل مؤقت يعني يفوت من المطار بدون الكرين كارد اكيد هذا الكلام لان بيه مسؤوليه الرجل خلاها يمي وكلي انت اسالي واني شاكر الكم وللاخت انجي ....

40

الهجرة و واللاجئين / اخوان سؤال مهم جدا وللاخت انجي بالخصو ص ؟؟؟

« في: 16:27 21/06/2011  »

اخواني اخواتي اني عندي صديق عايش وياي بامريكا والرجل دخل امريكا عن طريق الاي او ام وراح يكمل سنه وعنده عمل ضروري لازم يرجع بيه للعراق يكدر يروح قبل مايستلم الكرين كارد لان هو راح يبصم ويكمل المعامله قبل ما يسافر بس تعرفون مو مضبوطين الجماعه بمواعيدهم لذلك هو راح يطلع ترفل دوكمنت ويسافر بيه هل هذا كافي وميحتاج كرين كارد ؟؟؟ يعني يكدر يعتمد بس على الترفل دوكمنت ؟؟؟ ارجو الرد بسرعه لان الموضوع انساني ومستعجل  تحياتي الكم وارجو الرد بسرعه من الاخت انجي اذا امكن ...

41

الهجرة و واللاجئين / رد: *** ايها الشعب العظيم ***** بيان البيانات

« في: 22:13 15/06/2011  »

عيوني انت اني مقابل وياك بنفس اليوم يوم 11-4-2010 وهم مقيم بامريكا ومنتظر فيز عائلتي يارب تكون فاتحة خير اليه يارب الف مبروك عيوني ويارب الي هم يارب يارب يارب وارتاح واكحل عيني بشوفت اولادي وزوجتي الف الف الف مبروك الك اخي العزيز .... اني بالظبط صارلي سنه وشهرين بامريكا وصارلي سبعة اشهر ونص منتظر الفيزا وانشاء الله الفرج قريب للجميع ....

42

الهجرة و واللاجئين / رد: الحكوني .... تذكرة طائرة ؟ لو إنتقام ؟ .... SIV

« في: 15:17 14/06/2011  »

اخي العزيز هذا الموضوع كلش طبيعي وعادي اصلا لان هذا الخط المزعج اغلب العراقييين طايريين عليه طبعا راح اكلك اخبار مو حلو بس اتحملها لان اخوك رايح جاي للعراقي واني اهنا مقيم بامريكا ماشي اولا ... الي يكلك تكدر تاجر غرفه بالمطار كله لا لان انت ما طاير على الملكيه انت راح لامريكا لان الترانزيت بعمان ويخلوك بالفندق ابلاش وخدمه 5 نجوم بحاله وحده الا تكون واصل من العراق على الملكيه وراح اتطير هم على الملكيه لذلك تستفاد من الترانزيت ... ثانيا هاي الرحله متعبه حقيقي لذلك اخذ وياك بطانيه لزوجتك ومخده وهذا الامر مو عيب لا ماكو احد ميسويها اذا اتاخر لفلايت مالته بسبب الجو او مشاكل اخرى .... ثالثا اخي هيه بالنسبه الك مره بالعمر رتب حالك بالتكدر عليه لان ماكو غير حل حبي انت ولازم تتحملون هاي الامور لان الي يسافر لامريكا اول مره يتعذب حقيقي بس بعدين يرتاح ويارب توصل بالسلامه انت وزوجتك وتشوف كل الخير والموفقيه .... اسف على الصراحه بس انت تحتاجها اهنا ههههه

43

الهجرة و واللاجئين / رد: اخواني واخواتي SIV و IOM تعالو معي

« في: 15:07 14/06/2011  »

بارك الله بيك والله تعبت الى حد البكاء على نفسي وعلى الي صار بيه كل يوم يعدي عليه اهنا بدون عائلتي صار اشبه بجبل من نار على صدري يارب فرج همومنا وازيح عنا القهر والغم يارب وسهل رجاء كل عراقي شريف يتمنى حياة طيبه وكريمه يارب ما طلبنا القصور والغنى طلبنا بس راحة البال يارب ريح بالنا وفرحنا باهلنا واصدقاءنا وكل انسان عراقي تعبت الدنيا ......

44

الهجرة و واللاجئين / اخوان جماعة الاس اي في اليوم سالت المنظمه على تاخير الفيز ؟؟

« في: 18:55 08/06/2011  »

السلام عليكم اليوم جنت يم المنظمه مالتي الي هيه الوورد ريليف وسالتهم على السبب الرئيسي من تاخير الفيز وكلتلهم انه اهلي مقابلين من نوفمبر 4 بسنة 2010 جاوبتني انه كل التاخير صاير من النظام الامني الجديد الي مسويته الهوملاند سيكيورتي والي يجيك الشخص واحد واحد ومن بداية تقديمه لاواراقه للحصول على الفيزا يعني بالمختصر عملية غربله للجميع لان مو كل الي يجون لامريكا " حسب قولها طبعا " ناس نظيفين ويستحقون العيش اهنا ... وسالتها ليش اكثر شي العوائل تتاخر والمثل موجود هو عائلتي ال صارلها 7 اشهر واكثر واكو ناس تستلم قبلهم كالتلي هذا الموضوع ما اكدر اجاوبك عليه لان مو شلي ..... عموما كان كل الي كالته مو مقنع حيل وبصراحه اني راح اروح لل uscis واخذ وياي ضابط صديقي مو من باب الواسطه لاكن المساعده الي وهو يفهم شلون يتصرف اهناك واعرف مني بامورهم وراح افهمكم شصار وياي انشاء الله .... على فكره كلولها على اساس بشهر السابع او الثامن او التاسع راح يجون لاجئين هوايه كالتلي ما معناه عدنه " ماكو هيجي بطه تلعب شناو " هههههههههههه وانه محد يعرف او يكدر يحدد اي مو عد لقدوم اللاجئين والميزانيه المخصصه حاليه مو مال اعداد عملاقه  من اللاجئين ....

اسف على الاطاله وحبيت بس اكول الكم على الصار وياي والله الموفق للجميع

45

الهجرة و واللاجئين / رد: <<< جمعية الـ SIV ومنتظري الفيزا تحديدا >>>

« في: 23:11 07/06/2011  »

اسمي nickazawee مقابل لزوجتي واطفالي من عام الفيل لو قبله ب 3 ايام هههههه من تاريخ 4 نوفمبر 2010 وتاريخ الاستلام من تبيض الهايشه الفحل طبعا مو الانثى ههههههه

على فكر العضو ابو عروبه اني مقابل وياك بنفس اليوم  اني هم مقيم بس رجعت علمود احضر المقابله وياهم والحمد لله ليهسا نايميييييين خخخخخخ شوووووو لاتحجي لا يكعدون هههههه

46

الهجرة و واللاجئين / رد: منو عنده مقابلة محلف بشهر 6

« في: 23:29 25/05/2011  »

عين الملاك الحائر اني عندي مقابله لاهلي يعني لامي وابويه يوم 6 حزيران واعتقد حسب ما عرفت انها سهله مو صعبه والناس متعاونين ويانه بس بصراحه اكو عالم شكو من شي اسمه استفزاز يعني المحلف قد يستفز المقابل حتى يشوف ردة فعله شنو واتمنى متصير وي اي احد يارب ..... عموما لاتخافين عندي صديقي قبل يومين قابل وكلي لا تخاف المقابله مو صعبه وانشاء الله تكون للجميع مو صعبه واني بصراحه خليت اسمي وياهم علمود اعتني بيهم وامشيهم واذا كانت مقابلتج بعدي اني راح اشرح الج بالتفاصيل كلشي انشاء الله .... تحياتي

47

الهجرة و واللاجئين / رد: سحب اقارب اللذين كانو يعملون مع الامريكان

« في: 22:39 20/05/2011  »

كلام الاخ مغترب بلا وطن صحيح ميه بالميه اذا كان متزوج قبل ما يسافر طبعا ... وفعلا يكدر يسحب امه وابوه واخواته وازواجهم واولادهم دون ال 18 وهذ حق من حقوقه بس هيه غير تمشي المعامله ههههههههه كلنه منتجين والله على المغذي ..

48

الهجرة و واللاجئين / رد: اخيرا اجاني الرد على ايميلي بخصوص البنفت وال siv

« في: 22:54 17/05/2011  »

اني صارلي 7 اشهر من يوم المقابله ولحد هسه بالعراق وتخيل القهر مالتي وكل يوم اكول باجر !!! تره والله العظيم مو سهل هاي بهذله صدكني

49

الهجرة و واللاجئين / رد: اخيرا اجاني الرد على ايميلي بخصوص البنفت وال siv

« في: 14:02 17/05/2011  »

اي اصبر بس لشوكت مو حياتنا راح تدمر اهنا واهناك لا اني باقي بالعراق ولا باقي بامريكا .... الحمد لله على كل شي

50

الهجرة و واللاجئين / اخيرا اجاني الرد على ايميلي بخصوص البنفت وال siv

« في: 22:37 16/05/2011  »

دزيت ايميل قبل فتره للسفاره علمود يجاوبوني بخصوص البنفت الها علاقه وي تاخير الفيزا واذا اني ماردت البنفت اكدر احصل الفيزا بشكل اسرع لان من حمد الله صارلي 7 اشهر منتظر فيز عائلتي والحمد لله اجاني الجواب وطمئنيت وهسه اكدر اكول انه اني راح اسفر عائلتي والجواب كان ؟؟؟؟؟؟
؟
؟
؟
؟
؟
؟
؟
؟
؟
؟
؟
؟

انت بعدك بالمراجعه الادرايه ..... ادري شاسوي هسه والله حياتي اتبهذلت يعني اكو واحد بيده كرين كارد وكاعد بالعراق والله ظلم الي ديصير اخوان لازم اكو حل للي ديصير مو تعبنه والله .

51

الهجرة و واللاجئين / رد: هل يؤثر شجار مع جندي امريكي على معاملة الsivبعد مرحلة الكيس نمبر

« في: 23:01 11/05/2011  »

عيني ريم او المارد بكيفج انتي ههههههههه اني اعرف اصدقائي اثنين ويايه ا كان موضوعهم اكبر من هاي المشكله بهوايه يعني اخلاقيه نوعا ما اشتكت عليهم دي او دي وكلنه نعرف الدي او دي اشلون طيبيين حييييييييييييل وتخيلي احالوهم للتحقيق بس همه سنفروا بحياتهم وهسه همه يمي بمدينتي ولاعبين بامريكا شاطي باطي هههههههه علما ان الريليز بيبر مكتوب بيها كلام كلش صعب بحقهم وكلام يكول انه احنه ننصح بعدم سفرهم لامريكا لاتهامهم بكذا وكذا .... واعرف كثير حالات اتعس من هاي سافروا وعاشوا وماكو اي شكله .... بالنسبه للسؤال الثاني هل كل العراقيين ناس زينين ؟؟؟ هذا مجتمع بيه الزين والشين بيه النظيف والوسخ ماكوا شي ثابت وخصوصا بسالفة الجيش الامريكي ايام تجيك وحده من الجيش تتمنى ان تبقى العمر وياهم حتى لو تشتغل ابلاش وايام اويلي على الله تتمنى الكاع تنشك وتبلعك ولا تشتغل وياهم ... هذا الموضوع وارد وعادي جدا لان السلطه الي تنطيج الابروفل بالسفر هيه اكبر بهوايه من سلطة هذا الجندي او الملازم لذالك كل الي عنده هو انه ينصح بعدم اعطاءك فيزا مثلا بس محد ياخذ برائيه لان انت خدمت فتره موقليله واكيد عندج ريكومنديشنات كله تسولف عن بطولاتك ومساعدتك للامريكان بعملهم بالعراق يمعوده حتى الحراميه سافروا لامريكا كولي الله وانشاء الله متاثر ....

52

الهجرة و واللاجئين / رد: اعادة الضرائب للمترجمين في شركة GLS

« في: 13:40 26/04/2011  »

اخوان اني احجيت الكم المفيد ومن تجربه رحت وكملت كلشي واستلمت ورجعت الي يريد اي شي راح يلكاه بالي اني كاتبه واي سؤال يلكه اجابته انشاء الله ...

53

الهجرة و واللاجئين / رد: SIV اللي مقابل العام 2010 وبعده ينتظر

« في: 21:29 23/04/2011  »

من 4-11-2010 ولحد هسه وجنها طافيه من الابي وبصراحه اني مامتفائل لان الي اجوي ورياه استلموا قبلي بس شنو الفلم مدا افتهم .......

54

الهجرة و واللاجئين / رد: اعادة الضرائب للمترجمين في شركة GLS

« في: 22:59 22/04/2011  »

اخوان هذا الموضوع مبين عليه حييييييييييييييييييييل مهم ههههههه اكييد لان بيه فلوسنه وتعبنه المهم اولا الي بالخارج الايرجع ويستلم فلوسه بنفسه بدون نقاش ولا وكاله ولا اي شي ...
ثانيا المعامله اتطول يمهم بالجي ال اس حوالي 2 الى 3 اشهر تقريبا وبعدين همه يخابروك يكولولك تعال اخذ الورقه مالتك  مرفق معها تاييد من الشركه يحدد مدة العمل ونوع العمل علما انه اني مشتغل من جانت تايتن وجي ال اس وما بعدها من تعاقدات وكلها ما انذكرت بالتاييد ونذكر بيها اسم شركه امنيه اسمها داينو كورب وهيه شركه امنيه لازالت تعمل بالعراق ....
ثالثا بعد ما تستلم مكالمه من شخص امريكي يكلك تعال استلم الورقه مال ضمان مالتك تروح تستلمها وتروح بوجهك لدائرة التقاعد والضمان الاجتماعي بالوزيريه بجانب وزارة العمل والشؤون الاجتماعيه اول متدخل تكول اريد اروح للضمان الاجتماعي وهو راح يدليك المكان ومباشرتا تبدي بعمليه اسمها سحب رصيد الضمان وتطول حوال 5 ايام تقريبا او اقل وتستلم صك وراها تروح تصرفه وتصرف فلوسك مثل متريد ههههههه
رابعا شروط سحب الرصيد هيه كلتالي  اولا انت مبطل صارلك سنه او اكثر او مقيم بدوله بالخارج مو شرط امريكا يعني عندك كارت اقامه ... ثانيا في حالة انت ما مخلص سنه من ترك العمل لازم تكون عندك اسباب مقنعه للسحب الرصيد وهيه اما ان تكون عندك سنوية سياره تكسي باسمك او عقد ايجار محل مصدق تقرير طبي بانك راح تتعالج او محتاج عمليه مستعجله .....
على فكره مهما تكون خدمتك قديمه ميحسبولك الا من 1-9-2009 ولاتسالني ليش لان مكو جواب الا انهم بدوا باستقطاع الضمان بهذا التاريخ ومالهم علاقه بما سبق ....
هذا كل ما يتعلق بالموضوع وشتحتاجون اكثر اني حاضر .... تحياتي

55

الهجرة و واللاجئين / رد: اعادة الضرائب للمترجمين في شركة GLS

« في: 23:43 21/04/2011  »

حبيبي انت هذا الكلام صحيح ومع اخترامي الك هاي مو التاكس هاي يسموها الضمان الاجتماعي ومقدارها 110000الف دينار تقريبا بالشهر ابتداءا من 1-1-2009 يحسبولك ولشوكت انت مبطل او تاريخ الريليز مالتك ثانيا لازم تكون مبطل لمده سنه او اكثر او مقيم والحمد لله اني استلمتها بدون الحاجه ان اكول الهم اني مقيم لاني عابر السنه من ترك العمل ... واذا ما عابر السنه او مقيم لازم تكون عندك سنويه سياره تكسي باسمك او عقد ايجار محل باسمك حتى يصرفوها ويسمون هاي العمليه بسحب رصيد الضمان للعاملين وي الشركات الامريكيه .... واي سؤال اني حاضر اساعدكم ..

56

الهجرة و واللاجئين / رد: منو منكم يكدر يسافر لامريكا بدون البنفت ؟؟؟؟

« في: 20:33 19/04/2011  »

حبي انت مغترب بل وطن مو اني الي اكول اي دا انقل كلام الكيس ووركر مالتي وعلى الاساس بنيت كلامي .....

57

الهجرة و واللاجئين / رد: منو منكم يكدر يسافر لامريكا بدون البنفت ؟؟؟؟

« في: 13:47 19/04/2011  »

حبيبي علي النعيمي اني اكول انه الي عنده امكانيه مو بس ماديه اني يكون عنده شخص هناك مستعد يساعدك بكل ماتحتاج وانت تثق بيه ماكو داعيي للتاخير الي احنه بيه لان اني من سالت الشخص الي كان مسؤول عني او الكيس ووركر مالتي كلي حرفيا ماكو فلوس او دعم من الحكومه لذالك شلون اتجيب لاجئين او موهاجرين واحنه ماعدنه امكانيه نستقبلهم اتخيل الازمه وصلت الى تقليل الموظفين وحتى ساعات العمل مالتهم يعني صار دوامهم 3 ايام بالاسبوع ف الموضوع صار مايقبل الشك انه بسبب ازمة الميزانيه وامور ماليه هيه سبب تاخير الفيز مالتنه .
حبيبي رمادي كلامك صحيح بس بال 2008 ماطلع عدد يوازي 5000 شخص لذالك صار الموضوع تراكمي لحد ماوصل مرحله صار تغطية النفقات للاعداد الكبيره شي يثقل الميزانيه وصدكني الموضوع سهل يعني لو انت عندك 4000 تكفي كل المصاريف الي راح يصرفوها عليك المنظمه والي هيه 900 مالايجيار الشقه والكهرباء والماي والاثاث والي بعض العراقيين ياخذوها كاش بس يوصلون شبقه عندك قرض السفر هو واجب السداد بعد 4 اشهر من وصولك اما المساعدات الثانيه والي توفرها الولايه تره مالها علاقه بالحاله مالتك سواء انت لاجئ او مهاجر والي من ضمنها الفود ستامب والكاش اسستنت والمدك ايد هاي توفرها الولايه للمواطن وحتى الامريكان يستخدموها ..لذالك هيه مو فد شي المساعدات الي تاثر عليك بحياتك بشكل مباشر ومالها حل ...
حبيبي فيمالاه انت لازم تكون معتمد على صديق علاقتك بيه قويه او كفيل مضبوط حتى يفهمك الجياة اهنا شنو واذا كان عندك موجود تره مالها قيمه كبيره المساعدات ... وراح اتحرك على هاي السالفه باقرب وقت وابلغك ...
تحياتي للجميع

58

الهجرة و واللاجئين / منو منكم يكدر يسافر لامريكا بدون البنفت ؟؟؟؟

« في: 08:35 19/04/2011  »

اخوان تاكد للجميع وبصوره واضحه ان سبب تاحير الفيز الصادره من السفاره الامريكه هو النقص الواضح بالتمويل للمنظمات الانسانيه الي المفروض ترعى اللاجئ العراق  اهناك وقبل حوالي يومين اتصلت بالكيس ووركر مالتي وسالته عن وضع المنظمه واحوالهم كلي بالحرف الواحد كمنا انداوم 3 ايام بالاسبوع وماكو على الاطلاق اي لاجئ اجانا صاره مده لان الدوله مدا تقدملنا اي تمويل حتى نصرف عليهم وهذا الكلام مووثوق مليون بالميه المهم فكرة موضوعي اذا كانت المشكله ماليه ليش ما ينطونه خيار السفر على حسابنا وخصوصا اذا كان عدنا كفيل اهناك نثق بيه ونكدر نعتمد عليه وعدنه امكانية السفر ونتحمل مصاريفه من تكتات ومعيشه ........الخ ونكدر ندزلهم ايميل يوضح بيه انه احنه نريد انسافر على حسابنه ونطلب بيه تسريع اصدار الفيز ؟؟؟؟؟ لان اني بامريكا مقيم ومقدم لزوجتي واطفالي ومنتظر الفيز راح يصير 6 اشهر وطبعا كلتلي بعد المقابله من اسبوعين الى ستة اسابيع ؟؟؟ اسف على الاطاله وشكرا الكم 

59

الهجرة و واللاجئين / رد: باركولي اكملت اليوم المقابله الاولى

« في: 22:28 16/04/2011  »

ههههههههههههههههههههههههههههههههههه اني هم على فكره اضطريت اطلب اكل لابويه لان بعد ميكدر يمشي وهو بيه سكر لازم ياكل لايصير عنده هبوط واسكتي صرت بالالوان هههههههه بس الحمد لله على انه الله سهلها علينا يارب تكمل على خير و اجيبهم يمي باحلى بلد بالعالم وهذا رأي الخاص .... اشكر الجميع الي هنوني واكول يارب يسهل امر الجميع بس ماكو احد جاوبني على سؤالي شكد تقريبا تطول حتى تصير المقابله الثانيه ؟؟؟؟ 

60

الهجرة و واللاجئين / رد: باركولي اكملت اليوم المقابله الاولى

« في: 00:37 16/04/2011  »

ممنون الكم جميعا اخوان بس اريد اسال شكد المتوقع للمقابله الثانيه تقريبا ؟؟؟ تحياتي

61

الهجرة و واللاجئين / رد: ايميل من iom

« في: 00:35 16/04/2011  »

والله ياحبيبي كلشي تكدر تكول من الاقارب الى المعارف الى الوظائف الى السفرات الى الجيس الى التهديد يعني من اكلك المقابله كانت مهلكه لاهلي ولامي وابويه تكول هذا يمكن يبالغ بس هيه الحقيقه اخي الموضوع ابد ماكان سهل ولازم تستعد الهبس ارجع واكول لازم تحجي الحقيقه بكلشي بدون زياده او نقصان الك افضل .... تحياتي

62

الهجرة و واللاجئين / باركولي اكملت اليوم المقابله الاولى

« في: 21:23 14/04/2011  »

الف الحمد لله والشكر اليوم خلصت المقابله الاولى بس بطلعان الروح بصراحه ادمرت حيل لان امي وابويه كبار بالعمر ومو سهل التعامل معهم وتاخرنا حيييييييييل فوق التصور يعني خلصنا الدنيا كانت مظلمه تقريبا والموظفين كلهم غادروا البنايه بس اخي العزيز اكل فد شي انه الي يحجي الصحيح محد يكدر يغلبه  وهو هذا غرض المقابله ان تحجي الصجيج وي ناس مدربه تماما على الاستجواب ...... على العمو تمت بخير وسلامه ونصيحه لليريد يروح مقابله خلي ياخذ اكل وياه لان مليون بالميه راح يجوع وهاي حقيقه مو شقه .... اما الناس الي موجودين اهناك من موظفين ما اكول غير الله يحفظهم على تعاونهم ويانا لان كانوا ناس تستحق كل احترام وتقدير وكلهم عرب مصريين واردنيين وقله منهم امريكيين من اصل عراقي  .... هذا كل الي صار اليوم ومنتظر اني هسه المقابله ثانيه الله يتمم بخير واجيب اهلي يمي لامريكا وارتاح لان بصراحه هذا حلم مو سهل يتحقق .... تحياتي الكم وتمنياتي بالتوفيق الكم اجمعين واني حاضر لاي سؤال ..... سلامي

63

الهجرة و واللاجئين / رد: ايميل من iom

« في: 21:23 14/04/2011  »

الف الحمد لله والشكر اليوم خلصت المقابله الاولى بس بطلعان الروح بصراحه ادمرت حيل لان امي وابويه كبار بالعمر ومو سهل التعامل معهم وتاخرنا حيييييييييل فوق التصور يعني خلصنا الدنيا كانت مظلمه تقريبا والموظفين كلهم غادروا البنايه بس اخي العزيز اكل فد شي انه الي يحجي الصحيح محد يكدر يغلبه  وهو هذا غرض المقابله ان تحجي الصجيج وي ناس مدربه تماما على الاستجواب ...... على العمو تمت بخير وسلامه ونصيحه لليريد يروح مقابله خلي ياخذ اكل وياه لان مليون بالميه راح يجوع وهاي حقيقه مو شقه .... اما الناس الي موجودين اهناك من موظفين ما اكول غير الله يحفظهم على تعاونهم ويانا لان كانوا ناس تستحق كل احترام وتقدير وكلهم عرب مصريين واردنيين وقله منهم امريكيين من اصل عراقي  .... هذا كل الي صار اليوم ومنتظر اني هسه المقابله ثانيه الله يتمم بخير واجيب اهلي يمي لامريكا وارتاح لان بصراحه هذا حلم مو سهل يتحقق .... تحياتي الكم وتمنياتي بالتوفيق الكم اجمعين واني حاضر لاي سؤال ..... سلامي

64

الهجرة و واللاجئين / رد: ايميل من iom

« في: 23:11 13/04/2011  »

عن قريب يارب انت تقابل ومن ارجع من المقابله راح افهمك اشصار وياي التوفيق للجميع واشكركم

65

الهجرة و واللاجئين / رد: ايميل من iom

« في: 22:28 12/04/2011  »

حبيبي فرونت اني اليوم خابروني وحددولي موعد المقابله لاهلي والحمد لله بس بدون ميدزولي هذا الايميل
بلكي عن قريب يخابروك بحيل الله هيه خلصت ومابقى الا القليل انشاء  الله بهاي الايام تفرج عليك وتفرح بخبر يارب

66

الهجرة و واللاجئين / رد: منتظري فيزة "اس اي في" حصراً توكلوا على الله وخل نستلم الفيزا

« في: 21:14 09/04/2011  »

اخي عاشت ايدك وايد صاحبك على هذا الاسلوب البليغ حقا بالتعبير عن حالتنا كمترجمين واني راح اسوي كوبي الها وادزها الهم بلكي الله تتحرك قضيتنه ولو شعره يارب ممنون الك اخي ويارب تكون خير للجميع ....

67

الهجرة و واللاجئين / رد: استمارة المعلومات ..... Preliminary questionnaire

« في: 22:37 07/04/2011  »

ممنون الك اخي العزيز وبارك الله بيك

68

الهجرة و واللاجئين / رد: استمارة المعلومات ..... Preliminary questionnaire

« في: 14:06 06/04/2011  »

اخي الغالي تكدر  تزلي نسخه من هاي الاسئله برساله اكون ممنون الك لان اخاف تجيني حتى مباشره ادزها الهم اذا مابيها زحمه عليك ....

69

الهجرة و واللاجئين / رد: منو الاي زي مالته يبدي 118

« في: 14:00 06/04/2011  »

حبيبي انت ..اني مقدم لامي وابويه  على الاي او ام ويبدي الكيس نمبر مالتهم ب 118 ووصلهم ايميل قبل فتره مال البدء بفتح لكيس مالتهم ومنتظر الفورمه الي المفروض ما تتاخر اكثر من هذا الوقت بس على العموم اني استلمت الهم الكيس نمبر بالسادس 2010 وبس الشغله ينرادلها صبر وكول الله.................
 

70

الهجرة و واللاجئين / رد: محد راح يفرحنا خلص يوم 4-4 جماعة siv

« في: 13:50 06/04/2011  »

والله عاشت ايدك ياخي على هذا الكلام الجميل صدكني تعبنا ال درجه انه كمنا اندور على  اي شي يرفع معنوياتنا المنهاره لان صعبه حيل انشوف ونتوقع الموت بكل لحظه ونفكر حتى بعد الموت شراح يصير بعوائلنا والي ضحينا لاجلهم ما مفكرين بينا .... المهم يارب الفرج عن قريب للجميع وانجمع وي عائلتي باحلى بلد بالعالم امريكا واستقر يارب يارب يارب ....

71

الهجرة و واللاجئين / رد: جمعية برنامج الSIV المقابلين في 2011 وموعد استلام الفيزة .

« في: 17:23 29/03/2011  »

بشرفك خليك متفائل تره تموت بحسرة الفيزا ههههههههههههههههههه وكلي بشهر تطلعلك الفيزا عمي موت احمر مو فيزا هاي

72

الهجرة و واللاجئين / رد: ايميل من iom

« في: 12:42 25/03/2011  »

اخي العزيز لاتستعجل الطريق طويل بس انت اصبر شويه اقل شي شهر من تاريخ الايميل يتصلون بيك على موعد المقابله لاتفكر بيها ولاتشيل هم خليها هيه تجي وتصير بحيل الله وحاول تخلي تلفونك 24 ساعه وياك مشحون وكامل حتى لايدك الطيبه وياك ههههههه بالموفقيه الك وللجيمع يارب وننجمع وي اهلنه بخير وسلامه ...... تحياتي الك

73

الهجرة و واللاجئين / رد: هل فكرت بما ينتظرك في امريكا قبل ان تسافر؟؟؟؟؟؟

« في: 21:57 18/03/2011  »

اخوان الي يسافر لازم يخلي اباله انه راح يروح لغير مجتمع وغير لغه وغير ثقافه وهذا للتالي مو سهل اذا ماكان يحمل مفتاح تلك الدوله الي هو اللغه اذا انت لغتك ضعيفه مستحيل راح تشعر براحه او اطمئنان هناك وخلي ابالك بالاضافه الى الاسباب الي طرحوها الاخوان هو سوء التخطيط للمستقبل للي يريد يسافر يعني انت لازم تحسبها الف مره قبل متقرر السفر هو مو مغامره وتخلص هو تغير حياة ومجتمع وبلد بكل ثقافاته وهو لو مفكر بالموضوع ولو لدقائق جان ما سافر بس اخذ الموضوع على انها فرصه ما تتعوض وهو شخسران واغلب الي سافروا جانت عدهم هاي الحاله بس صدكوني اني احجي عن نفسي اني جدا سعيد اهنا بامريكا وشعبهم موكله ملائكه بس بيهم ناس شايليني على كفوف الراحه ويحبوني وعندي اصدقاء كثيرين وبديت اندمج بالحياة حالي حال اي شخص فكر قبل ما يسافر ..... اتمنى للجميع الموفقيه ودوام الصحه . اسف على الاطاله

74

الهجرة و واللاجئين / رد: ايميل من iom

« في: 19:53 13/03/2011  »

اخي العزيز اليوم اني هم اجاني نفس الايميل بخصوص والدتي او والدي وكلش فرحت وياهو الي اساله من جماعتي اللاجئين اهنا يكلي يعني عن قريب جدا يخابروك على مود المقابله الاولى اني مقيم بامريكا واصدقائي كلهم لاجئيين وكلهم فرحوا على فرحتي الحمد لله وانشاء الله الفرحه الجايه انت واهلي بامريكا يارب

75

الهجرة و واللاجئين / رد: متت من الضوجة والقهر منو يدخل ويخفف ضوجتي

« في: 10:55 06/03/2011  »

ايفان تعال اني وياك نصير فنانين تشكيليين , اني اشكليلك وانت تشكيلي  يا اخي الخيرة فيما اختاره الله ووين الاصلح النا رب العالمين راح يخلينا بقدرته , والله المستعان.

هههههههههههههههههههههههههههههههه شكد جنت ضايج هسه لاله شويه ضحكت عاشت ايدك اني هم اريد اصير فنان تشكيلي اذا امكن لان اني قضيتي نفس قضيتك رايح جاي من امريكا للعراق لحد ما لعبت نفسي وخلصت فلوسي ولحد هسه ماكو فيزا لعائلتي الله يسهل اخوان ازمه وتعدي ......

76

الهجرة و واللاجئين / رد: جمعية برنامج الSIV المقابلين في 2011 وموعد استلام الفيزة .

« في: 13:12 11/02/2011  »

خوان اني مقابل يوم 4-11-2010 ولحد هسه ماكو شي ومن المؤكد انها من 3الى 6 اشهر وقبل ايام قابل صديقي  ونفس الشي هم كالوله 6 اشهر بدون نقاش بس من دخلت موقع السفاره كاتبين موعد الفيزا من 2 الى 4 اشهر وبعد ماعرف يم الله بقت بس المهم احنه اعصابنه تلفت حيل والي يقهرك اكو ولد صديقي اسمه نينو ويانا بالكروب بعد كم يوم يقابل متوقع تجيه الفيزا بكم يوم اكثرها 5 ايام ختيه والله حيل هههههههههه

77

الهجرة و واللاجئين / رد: الي معاملاتهم IOM بل 2010 ( اي زي نمب - كيس نمبر) مجموعه النجمة Star Group - UPDATE

« في: 19:45 01/02/2011  »

اخوان مع خالص تقديري واحترامي الكم ولمؤسس هذا الكروب يعني اني عندي سؤالين مهمين .... هل وضعي اني باعتباري مقيم بامريكا وجاي على نظام الاس اي في تاثير على قضية امي وابي الي مقدملهم ااي او ام من بغداد يعني ابساطه يسرع من المعامله ؟؟؟؟ والسؤال الثاني هو الكيس نمبر مالتهم يبدي ب 118 الي استلمته يوم 22-6-2010 ومن هذاك الوقت همه ناسيني ماكو اي ذكر لقضيتي هل هذا شي طبيعي يعني 8 اشهر انتظار شي عادي ؟؟؟؟؟؟ واكون ممنون من الي يجاوبني

78

الهجرة و واللاجئين / رد: اخوان هم سامعين فيزا تطول 3اشهر ؟؟؟

« في: 22:23 25/01/2011  »

اخوان اني دا احجي على مشكله جديده لان اثنين من اصدقائي قبل اسبوع طلعت الفيزا مالتهم وي عوائلهم وبعد حوالي شهر من المقابله لان الي يعرف بالاس اي في من يقابل يعني انتهت معاملته تقريبا هيه مو شغلة لجوء واتاخر بعد المقابله انت تكون جاهز للسفر لان ماسمعت لحد هسه احد من اصدقائي الكثيرين الي كانوا وياي عنده مشكله مثل مشكلتي والكل على الاطلاق ماطولوا شهر بعد المقابله

79

الهجرة و واللاجئين / رد: اخوان هم سامعين فيزا تطول 3اشهر ؟؟؟

« في: 12:58 24/01/2011  »

يمعودين هيه فيزا همه اصلا على قضيتي موجودين بس يقابلون ياخذون الفيزا يعني شي الفروض ميتاخر لان بس عندي اخذ الفيزا واسافر الاس اي في يختلف يمعودين مو مثل اللجوء .....

80

الهجرة و واللاجئين / اخوان هم سامعين فيزا تطول 3اشهر ؟؟؟

« في: 22:53 23/01/2011  »

اخوان ان مقيم بامريكا وعلى الاس اي في طالع وهسه دا اريد اطلع عائلتي وهم على الاس اي في خلصت مقابلتهم على خير وصارلي 3 اشهر انتظر الفيزا اكو هيجي شي اني بشهر طلعت الفيزا ليش عائلتي اتاخرت هالكد والله الانتظار راح يموتني دزيت ايميل الهم يكولولي هاي امور اداريه تطول مرات ودزيت ايميل للان في سي ولا ردولي ولا عبروني شنو الحل الي يعرف خلي لا يبخل عليه عفه لان تعبت اوضاعي  حيل ......

81

الهجرة و واللاجئين / رد: اجازة السياقه الدوليه من بغداد

« في: 08:21 11/01/2011  »

اخوان احنه دنحجي على امريكا ولازم نفهم انه كل ولايه الها قوانيين خاصه بيها
 لذاللك انت جيبها وياك اذا مسافر لامريكا وبعدين تفيدك او لا حسب الولايه مالتك واني كلتلكم تفيد مليون بالميه لان الانشورنس يقل وهذا الموضوع بنورث كارولينا بعد بغير ولايات ماعرف .... وسلامي

82

الهجرة و واللاجئين / رد: 400 مليون دولار كانت مخصصة لدعم اللاجئين العراقيين

« في: 21:44 10/01/2011  »

زين همه ليش ماانطوها من البداية للامم المتحدة حتى توزعها ع اللاجئين العراقيين؟؟
ليش ع اساس ميعرفون الاردنيين يباعون ع التفلة عبالهم درهم
هذا شلون حجي؟؟
شكرا ع نفل الخبر

المثل مالتك يخبل عاشت ايدك اخي العزيز

83

الهجرة و واللاجئين / رد: اجازة السياقه الدوليه من بغداد

« في: 21:28 10/01/2011  »

اخوان اني مقيم بامريكا والحقيقي عجبني اعلق على هذا الموضوع لان كلش ضروري تكون عندك اجازه دوليه او محليه او الاثنين معا وهو الافضل لانه تفيدكم مو بالسياقه وانما بالتامين على السياره مالتكم بشكل كلش واضح لان الي عنده اجازه قديمه يقللون اله سعر التامين الشهري مالته بشكل جدا واضح يعني من ال 560 بال 6 اشهر الى 249 بال 6 اشهر لذالك اكللكم يفيدكم  حيل وثانيا الاجازه بامريكا كلش بسيطه ومابيها اي صعوبه وتكدرون اتطلعوها ب5 ايام لتالي مو مشكله .... سلامي وتحياتي وارجو ان اكون فدتكم بالرد ....

84

الهجرة و واللاجئين / رد: اخوان منو يسعفني بالجواب على سؤالي ؟؟؟؟

« في: 21:30 18/12/2010  »

ليوم اجاني الرد مال السفاره على سؤالي بخصوص التاخير وكالولي ماكو شي احنه دنشتغل على قضيتك ونطلب منك الصبر اكثر وعن قريب ايكون الرد كولوا انشاء الله تنسهل مو راح اموت من الانتظار .... يارب افرجها دعائكم وياي

85

الهجرة و واللاجئين / رد: اخوان منو يسعفني بالجواب على سؤالي ؟؟؟؟

« في: 11:34 18/12/2010  »

ممنون الك اخت سرى اني مقدملهم على الاس اي في اكيد لان اني وياهم كيس واحد بس اخرت سفرهم وتمت المقابله على كل خير بس لحد هسه ماكو جواب ودزيت ايميل قبل يومين للسفاره واكو جواب لحد هسه والله حيره يارب

86

الهجرة و واللاجئين / رد: الي معاملاتهم IOM بل 2010 ( اي زي نمب - كيس نمبر) مجموعه النجمة Star Group - UPDATE

« في: 13:05 17/12/2010  »

اخوان مشكورين على هذا التجمع الطيب بس اريد اسال سؤال محيرني اني مقيم بامريكا وطالع على الاس اي في صارلي 8 اشهر وقدمت لامي وابويه على الاي او ام بشهر السادس وبعد يومين اجاني الكيس نمبر بتاريخ 22-6-2010 ولحد هسه ماكو لا جواب ولا خبر منهم شنو موضوعي شوكت يبدون  بالمقابله حسب حساباتكم ؟؟؟ علما انه الاي زي نمبر مالتهم 118 اريد مساعدتكم حتى اعرف شوكت يقابلون حتى اجي لبغداد ارتب وضعي .....

ممنون الكم جميعا

87

الهجرة و واللاجئين / اخوان منو يسعفني بالجواب على سؤالي ؟؟؟؟

« في: 20:43 15/12/2010  »

اخوان اني مقيم بامريكا صارلي 6 اشهر وهسه اني بالعراق حتى اجيب اهلي "زوجتي واطفالي" والي صار عندي انهم بعد ما قابلوا وخلصوا مقابله على خير لحد هسه ما طلعت الفيزا صارلهم حوالي 42 يوم والمفروض تطلع بشهر او اقل شاسوي هسه اني بحيره والله وما عرف شاسوي كل يوم يعدي عليه بسنه اهنا ارجو الجواب يتضمن اذا اكو طريقه اتصل بيها بالسفاره علما انه اني طلعت عن طريق الاس اي في وما طولت فيزتي اكثر من شهر واستلمتها ليش اهلي اتاخرت ماعرف ؟؟؟؟؟

ممنون الكم

88

الهجرة و واللاجئين / رد: اخواني الاعزاء منو يعرف اكو منظمة اي او ام بالمانيا ؟؟؟

« في: 00:55 07/09/2010  »

اخويه الغالي اني ممنون الك جدا وبشرك الله بالخير ... بالنسبه الى الفيزا اعتقد انها تقريبا خلصت لان اخويه مواطن الماني وهو عايش بالمانيا صارله اكثر من 15 سنه لذلك هيه سهله عليه وهو كلي انه مسالت وقت لاكثر بس يعني اكدر انقل اوراقهم لهناك واتابع حالتهم مناك وينطوهم لجوء حالهم حال اي عراقي ثاني من اي دوله اخرى ... واعتقد راح اتكون اسرع شويه والاجراءات اقل لان ماكو هذاك الزخم والعدد الي موجود بعمان او بغداد او مصر مو صحيح ؟؟؟؟

89

مواضيع الحياة العامة في بلاد المهجر (امريكا) / رد: موضوع من قناة العربيه عن اللاجئين العراقيين

« في: 23:59 04/09/2010  »

اخوان اني عراقي وعايش بامربكا اذا ظلينا نسمع لهاي الانواع من القنوات راح عمرنه ما نتقدم اخوان احنه بالعراق ما نعرف شنو حقوق الانسان الي العالم يحجي بيها لان هيه اصلا ما موجوة عدنا !!! تعرف شنو معنى النوم بامان وانت مرتاح انه باجر احسن من اليوم ؟؟؟؟؟؟؟؟ تعرف شنو نعنى احترام الوقت واحترام العمل وقدسية العمل ؟؟؟؟ تعرف شنو معنى احترام القوانين بالشارع بدون ما تحتاج الى رجل مرور لازم بندقيه ؟؟؟؟؟ يااخوان الي الله كاتبله السفر راح تتغير كل حياته من الماكو الى الاكو راح يحس انه اكو قانون يحميه اذا مشه بصفه والتزم بالضوابط مالته ..... ثانيا العمل موجود بكل المكانات بس العراقيين ميقبلون يشتغلون اي شي يجيهم لان بصراحه يستنكفون بس همه ميعرفون انه الطريق للقمه مايجيك مغطى بالورد والياسمين اكيد بيه مطبات واشواك ومشاكل مو سهله  الا الاصرار والعزيمه بداخلك تتغلب على غرورك واعتزازك بنفسك .... البورميين يشتغلون بولايتنه بالدجاج تنظيف الدجاج والامور الباقيه مالته العراقيين ما يقبلون يشتغلون هيج انواع من الشغل باعتباره شعل مذل البورمي صار عنده سياره اخر موديل والعراقي بعده ياخذ مساعدات من الحكومه ويركب باصات للتنقل ...... خلي انكون واقعيين اكثر ونواجه الحياة بحيل صدر امريكا متنطيك فلس اذا متشوفك تستحقه .... ممنون الكم واسف على الاطاله

90

الهجرة و واللاجئين / اخواني الاعزاء منو يعرف اكو منظمة اي او ام بالمانيا ؟؟؟

« في: 23:21 04/09/2010  »

اخواني الاعزاء ارجو المساعده في موضوعي .... اني مقدم لامي وابويه على الاي او ام واني بامريكا عندي اقامه وطالع على الس اي في وعدهم كيس نمبر او iz نمبر المهم اكو منظمة اي او ام بالمانيا لان اكدر احصل الهم فيزا لالمانيا وخلي مناك اتابع اوراقهم ؟؟؟؟؟؟؟؟؟؟؟؟؟؟؟؟؟؟؟؟؟
وشكد تاخذ وقت لحد ما احصل المقابله الاولى الهم على اعلى تقدير وهل من الممكن نقل ملفهم لالمانيا ؟؟؟؟؟؟

اكون شاكر لكل من يكدر يساعدني بالجواب على سؤالي

91

الهجرة و واللاجئين / رد: معلومات عن نورث كارولينا وعن اي شي يخص siv اني بالخدمه

« في: 09:47 21/07/2010  »

اخي العزيزKnight night82  اولا المساعدات الي انت تكولهه هيه مو قليله وبكل الاحوال اذا انت مشتغلت فهمه ماراح يكطعوهه عنك ثانيا ماكو شي اسمه 8 اشهر لان انت عندك النفر يحسبوله 900 دولار واذا عائله طبعا تكون افضل لان المبلغ يكون اكبر بالتاكيد اما الايجارات اخي العزيز اني مؤجر شقه على كد نفر بيها صاله منفصله وغرفة نوم وحمام ومطبخ معزول وتبريد ضمن الايجار ما ادفع فلوسه وما اطفيه للتالي ادفع بيها 375 دولار بالشهر احنه العراقيين نركض على المدن الكبيره والمزدحمه ونكول الامور صعبه اكيد اتكون صعبه اخي الي عايش بالعاصمه مثل الي بالاطرف او بالمدن الاخرى ...
ثبت عندي ميه بالميه كل الي راحو الى مدن كبيره شافوا صعوبه بالحياة لان مدخولهم مايوازي مصاريفهم او ايجاراتهم لان برالي مثل ماتكول انت العائله تاجر 800 شقه غرفتين نوم وصاله وانني نفس الشقه اكدر ااجرها 525 دولار شفت الفرق  !!  ثانيا المساعدات ما تنكطع عنك اذا انت ما تشتغل وطول ما انت عاطل عن العمل المساعدات موجوده اكو عدنه الكاش اسستنت والفود استامب موجود اكثر من 8 اشهر اني اعرف ناس صارلهم  سنتين مستفادين من البنفت اهنا وحتى ميشتغلون لانهم عائله كبيره والفود استامب زايد عليهم ..... ثالثا الرطوبه الي تحجي عنه افضل بمليون مره من الحر الي قد تواجهه بتكساس او يوتا او البرد بمنيسوتا لان الولايه مالتنه الاكثر اعتدالا بالجو بالرغم من الرطوبه وما تثلج اهويه بالشتا مثل باقي الولايات والمطر خير من الله كلما ارتفعت الرطوبه مطرت الدنيا واستعدل الجو ... اني عايش بهاي بوينت بيها عراقيين هوايه والمنظمه الي ترع اللاجئيين ناس كلهم محترمين وماقصروا ويايه ابد وكانو جاهزين بكلشي سالتهم بيه وساعدوني بشكل كبير واعرف انه كافي من تكون البنفت مالتي 900دولار وهمه دافعيلي ايجارات مال 3 اشهر مع الكهرباء ومشتريلي اثاث جيد لاباس بيه وكملو الي كل اوراقي من اول يوم لذالك كنت اول واحد من اصدقائي استلم الفود استامب ب 7 ايام والسوشل ب 10 ايام ... ومجموع المصرف الي صارفي عليه كان 1800دولار اي ضعف المبلغ المخصص شنريد بعد طالبيهم بطلابه ....شكرا الك اخي واتمنى اكون وفيت بالشرح بس

92

الهجرة و واللاجئين / معلومات عن نورث كارولينا وعن اي شي يخص siv اني بالخدمه

« في: 21:49 19/07/2010  »

اخوان اي واحد يحتاج اي معلومه عن نورث كارولينا اي شي اكدر اساعد بيه اني ممكن اجوابه على اسئلته وبالاجمال نورث كارولينا هيه اجمل ولايه بامريكا صفاتها هادئه جميله نضيفه ناسها مو عنصريين يساعدون الغير بقدر المستطاع جو ها معتدل بالصيف مو مثل تكساس او اريزونا لان الحر بتكساس مثل حر بغداد للعلم في بعض الاحيان اتصير بيها رطوبه عاليه ولكن تمطر باليل كل ما ترتفع درجة الرطوبه ويرجع الجو جميل ارخص ولايه بالايجارات مناسبه من كل النواحي ... وبيها المنظمه الي ترعاك شي رائع ومتعاونيين وياك الى ابعد الحدود ..... اما الsiv لان اني اجيت على هذا الشي احب اساعد على خبرتي المتواضعه
اي واحد محتاج سؤال لان كل جماعتي اني سويت الهم اوراقهم تقريبا وهمه هسه بطريقهم لامريكا او منهم من وصل ... حبيت اساعد بس للي يحتاج


ممنون الكم

93

الهجرة و واللاجئين / رد: كيف تضيف المولود الجديدبSIVوعند اي مرحلة ممكن تجارب سابقة من الاخوان

« في: 08:20 19/07/2010  »

اخي العزيز باي لحظه تكدر اتضيفه على الكيس مالتك وباي مرحله لا تشيل الهم ....

94

مواضيع الحياة العامة في بلاد المهجر (امريكا) / رد: سؤال عن الترفل دوكيومنت

« في: 07:53 19/07/2010  »

اخي العزيز دير بالك تتورط استلم الكرين كارت لا ل اتسافر لعمان تره مشكله هاي صدكني

95

الهجرة و واللاجئين / رد: اخوانا العراقيين الله يخليكم اني اريد جواب على سؤالي اذا امكن واني ممنون الكم

« في: 22:27 16/07/2010  »

تدللين بعيوني شي يصير اني اخبرك واني الممنون

96

الهجرة و واللاجئين / رد: اخوانا العراقيين الله يخليكم اني اريد جواب على سؤالي اذا امكن واني ممنون الكم

« في: 19:25 16/07/2010  »

عيني سرى ممنون الك على الرد اني بديت بارسال سؤال للاي او ام اسال بيه اذا من حقي اقدم لاهلي يعني امي وابويه وجاوبوني بالتاكيد تكدر وكالولي دز المستمسكات مالتهم ومالتك الي هيه الهويه  والجواز و "البايوكرافيك داتا" الي هيه عباره عن معلومات عامه عنا احنه الثلاثه ودزولي وره 5 ايام الكيس نمبر وسؤال عن رقم تلفوني الي يكدرون يتصلون بيه من خلاله .... وصارلي حوالي 20 يوم منتظر الرد يارب ميطول اكثر لان الواحد تلفت اعصابه من معامله الاس اي في  على ما كملت ... بس الحمد لله ادعو  للجميع بالموفقيه ... بس سؤال شنو هيه الخطوه التاليه ؟؟ واني ممنون الك ..

97

الهجرة و واللاجئين / رد: اني siv وعندي كرين كارت وعايش بنورث كارولينا شلون اسحب امي وابويه وشكد اتطول المعامله

« في: 11:17 16/07/2010  »

ممنون الكم اني واشكركم على هاي الردود الرائعه اني قدمت على الاي او ام واجاني كيس نمبر ومنتظر المقابله انشاء الله يارب متتاخر ... شكرا ياانجي ويا ضوء الشمس وياسرى على مساعدتكم الي ويارب يحفظكم

98

الهجرة و واللاجئين / رد: اخوانا العراقيين الله يخليكم اني اريد جواب على سؤالي اذا امكن واني ممنون الكم

« في: 11:09 16/07/2010  »

صدكني والله دمعت عيوني من قريت جوابك اني جدا ممنون الك وشاكر فضلك على الرد عليه صدكني والله احس انه اني لاشي بدون رضاهم عني وكل امريكا متحلا بعيني من غير رضاهم عني .... انشاء الله تتحقق اماني كل العراقيين بالاستقراروالي يريد السفر  الله ينطيه الي يتمناه يارب .... شكرا الك مره ثانيه الله يرضى عليك

اخوك ابو محمد

99

الهجرة و واللاجئين / اخوانا العراقيين الله يخليكم اني اريد جواب على سؤالي اذا امكن واني ممنون الكم

« في: 08:08 16/07/2010  »

السلام عليكم اني عراقي كنت اعمل مترجم وي الجيش الامريكي واني هسه بامريكا وعندي كرين كارت قدمت لابويه و لامي على ال iom وحقيقه القول اجاني الي يسموه ال iz  نمبر اريد اعرف بعد شراح اتطول العمليه وشنو الخطوات التاليه بعد الحصول على iz نمبر ... وهل وجودي بامريكا ينطي دفعه للمعامله الهم اي تسريع بعض الشي لان اني ما عندي اي خبره بمعامل اللجوء بس اسمع انه اذا اكو واحد يكفلهم بامريكا يسهل الموضوع شويه .... ردوا عليه باسرع وقت فدوه اروح الكم لان اني اهنا جسد وروحي ابغداد ومستعد ادمر كل حياتي وارجع لبغداد اذا موضوعهم ما صار .... جزيل الشكر الكم

اخوكم العراقي ابو محمد

100

الهجرة و واللاجئين / اني siv وعندي كرين كارت وعايش بنورث كارولينا شلون اسحب امي وابويه وشكد اتطول المعامله

« في: 03:58 08/06/2010  »

اخوان الاعزاء اني عراقي ومترجم وصلت لامريكا قبل شهرين تقريبا وعندي كرين كارت واوراقي  كامله ومابيها اي نقص بس اريد اعرف شلون اسحب امي وابويه لهنا ومنين ابدي وشكد تتوقعون اتطول وياهو الافضل ارجع للعراق لو من امريكا اتابع القضيه مالتهم ارجو المساعده للي عنده خبر بهذا الموضوع لان كلش محتار ومننون الكم ..... اخوكم nickazawee