الرسائل

1

الهجرة و واللاجئين / رد: المقابلة الثالثة في تركيا

« في: 23:24 18/06/2010  »

شكرآ ام نوار 
زين شهادات الوفاة والتبليغات مال مركز الشرطة يحتاج الى ترجمة وتصديق لو اخذها بلعربي ؟
زين شتعنين بلغرامات بتركيا ؟
ممكن منج او من الموجودين اصحاب الخبرة وخصوصآ الي مقدمين بتركيا يجاوبون على هاي الاسئلة ويزودوني بلمعلومات ........ وشكرآ ,.,.,. اخوكم حسن

2

الهجرة و واللاجئين / رد: المقابلة الثالثة في تركيا

« في: 01:10 17/06/2010  »

     عفية ممكن اعرف شنو مراحل التقديم على اليو ان بتركيا ؟ وشنو المستندات والوثايق الي اخذها وياية ؟ زين اترجم واصدقهن لو لا ؟ يعني فد معلومات عامة بلة زحمة عليكم لان اني ناوي اطلع على تركيا الايام الجاية فاريد نصيحتكم واللة يسهلي ويسهللكم ....... اخوكم حسن

3

الهجرة و واللاجئين / رد: شنو المستندات الي اخذها؟جواب اذا ماكو زحمة

« في: 00:12 17/06/2010  »

زين يختاج ترجمة وتصديق؟

4

الهجرة و واللاجئين / شنو المستندات الي اخذها؟جواب اذا ماكو زحمة

« في: 23:22 16/06/2010  »

     مساء الخير
شلونكم ؟ اني قبل فترة نزلت موضوع وجنت حيل محتاج لمساعدة والولد والبنات مقصروا وياية واني اشكرهم كلش , بس مسحوا الموضوع ومااعرف ليش   
زين هسة اني ناوي اطلع لتركيا ليو ان وهمزين اخذت العنوان من اخت سرى واني اشكرها . بس اريد تكلولي شنو المستندات الي اخذها وااحتاجها هناك ؟ وهل يحتاج لترجمة قانونية ماطول اني بعدني بلعراق ؟ لان مااريد اروح وااكون محتاج لشي هناك . زين شهادات الوفاة والتقارير الطبية ورقة التبليغ يحتاج الى تصديق من الخارجية لو لا ؟
واكون كلش كلش ممنون اذا يحاوبوني اصحاب الخبرة
اخوكم حسن

5

الهجرة و واللاجئين / رد: ممكن واحد يجاوبني على هذا الموضوع

« في: 20:13 13/06/2010  »

شكرآ الكم وعاشت ايديكم واللة واللة الطيبين من هذا الشعب ولو هم قليلين بس واللة ميستاهلون الي ديصير بيهم , علا كلآ مااريد اطول وافتح موضوع العراق والشعب العراقي لان اذا احجي بعد يومين مااسكت .
هسة المختصر اني راح اطلع على تركيا واقدم على اليو ان حسب العنوان مال اخت سرى واحجيلهم كل الي صار واكللهم اني مهدد وعندي اوراق تبليغ عن تهديد من مركز الشرطة وطبعآ اكللهم انة اني عندي منع والسبب هو كيت وكيت .
هسة براي الاخوان والخوات الي عدهم خبرة هاي الفكرة والحجي اوكي ؟؟؟؟؟ لو مااذكر انة اني مطرود؟لان اكو اخوان يكولون اذا قدمت على اليو ان لاتذكر هذا الموضوع .

6

الهجرة و واللاجئين / رد: ممكن واحد يجاوبني على هذا الموضوع

« في: 03:06 12/06/2010  »

اوكي اخ عكعك التطوى جنت امشي وحدي بلقاعدة من دوون اسكورت لزموني وكالو هاي المرة ميخالف بعد لاتسويها بس كالو خلي نفتش غرفتك . وفتشوها شبر شبر ومالكو اي شي بس اخذو كل سيدياتي والتلفون الى جان يم السيرجنت مالي والسيمكارتات هم , ورة مدة 15 يوم اجوي وكالو لكينة عندك سيديات غير قانونية يعني تسجيلها غير قانوني بلولايات المتحدة وعلى هلاساس انطردت وسوولي منع من قاعدة كركوك الجوية لمدة 5 سنوات هاي القصة .
اي عفية اريد توضيح لهاي المنضمات يعني شنو ال iom او siv او هذا الي هسة كلتها icmc وشنو الي موجود بتركيا يعني على ياهو اقدم ؟
اخت سرى اللة يوفقج ويوفق الجميع يارب اللة يستركم
اخ نور العيون مثل ماكلت اني بلامنية نضيف وكلشي ماعندي يعني بلسكريننك ومتاكد لان الي اخذ بصماتي العشرة هو الفورس بروتكشن مال قاعدة كركوك بس

7

الهجرة و واللاجئين / رد: ممكن واحد يجاوبني على هذا الموضوع

« في: 02:24 12/06/2010  »

شكرآ اخت سرى
لا لا السبب نهائيآ مو امني . زين شنو الى اخذها وياية لتركيا من اوراق ومستندات ؟
واذا اقدم وين اقدم على الiom  لو siv لو اليو ان يعني وين اقدم بلضبط مداافتهم ؟ وين صاير مقرهم بتركيا

8

الهجرة و واللاجئين / رد: ممكن واحد يجاوبني على هذا الموضوع

« في: 02:17 12/06/2010  »

طبعآ اول شي شكرآ على ايجاباتكم الية يارب اللة يوفقكم لان اني حيل حاير ومااعرف شسوي .
طبعآ اني اعرف موضوع المنع , والموضوع موضوع مو امني نهائيآ والدليل هو انة مو بلاك ليست بلسكريننك بس شنو اخذو بصمات اصابعي بلفورس بروتكشن مال القاعدة .
زين اذا اقدم هم راح يكتشفون هذا الشي لو لا ؟ يعني القصد اني اذكر هذا الشي لو ميحتاج ؟ لان اخاف مااذكرها وهم يكتشفوها وااطلع جذاب وياهم

9

الهجرة و واللاجئين / ممكن واحد يجاوبني على هذا الموضوع

« في: 01:47 12/06/2010  »

   اني اشتغلت وية الامريكان كمترجم بسنة 2007 اشتغلت لمدة 3 اشهر وبعدها صارت مشكلة وسوولي منع لمدة 5 سنوات من قاعدة كركوك الجوية , وهسة ناوي اروح لتركيا اقدم على اليو ان على لجوء او توطين او هجرة .
سوالي هو :.
1.اكو احتمالية انقبل (يعني المنع مالتي ميصير فد عائق)؟
2.زين اذكرلهم المنع؟لو مااجيب طاري؟
طبعآ الي عندي هو بس صور وية الجيش الامريكي
رحمة على والديكم الي عندة معلومات خلي يفيدني ومع جزيل الشكر والتقدير ......