عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - ابو ياسين2

صفحات: [1]
1
مرحبا اشلونكم ياربي الكل بالف خير
طبعا اني من مجموعة النجمه بس كنت منقطع لضروف معينه

دزيت رساله للأي او ام وتاخرو اكثر من شهر بالجواب ودزولي هاي الرسال

ممكن اترجمولياهه اكون ممنون



I am writing to you regarding your USRAP Iraq application. Your USRAP case no. is......... Please note that we are unable to verify your employment letter because we need an official email address for a supervisor or HR officer who can identify you and verify your employment. We will proceed with your case once you provide us with the official email address of some one who can verify your employment.
 
Kindly reply directly to this email and do NOT change the subject line.
 
 
Best Regards,
IOM Info Center
 
================= The information contained in this electronic message and any attachments are intended for specific individuals or entities, and may be confidential, proprietary or privileged. If you are not the intended recipient, please notify the sender immediately, delete this message and do not disclose, distribute or copy it to any third party or otherwise use this message. The content of this message does not necessarily reflect the official position of the International Organization for Migration (IOM) unless specifically stated. Electronic messages are not secure or error free and may contain viruses or may be delayed, and the sender is not liable for any of these occurrences.


اشكركم جزيل الشكر .. تحيتي

2
السلام عليكم اشلونكم اخوان ان شاء الله بخير 

اني عضو بمجموعه النجمه رادو مني الاي او ام ركمنديشن pdfمن السوبر فايزر وبعد ما حصلنا  دزينالهم يا دزولنه ايميلات اثنين وحده وره الثانيه

كان الايميل الاول هو


Dear Sir/Madam,

 

Thank you for your email.

 

We have added the documents you have sent to your case; your case is now complete.

 

We will contact you in the future for any progress.

 

Kind Regards,


والايميل الثاني هو

 

I am writing to you regarding your USRAP Iraq application. Your USRAP case no. is IZ-116221. Please note that we are unable to verify your employment letter because we need an official email address for a supervisor or HR officer who can identify you and verify your employment. We will proceed with your case once you provide us with the official email address of some one who can verify your employment.

 

Kindly reply directly to this email and do NOT change the subject line.

 



 
ممكن احد ايفهمني هم شرايدين بالضبط او ليش ايميلين دا زيلي

اكون شاكر ممنون

تحياتي وفائق احترامي



3
الف مبروك وان شاء الله امريكا عتبة خير عليك

او يوم النه او للجميع ...........امييييييييييييييييييييين


وان شاء الله من تسافر احجيلنه عل تفاصيل من توصل بخير او سلامه
تحياتي

4
نشاله تلكون شغل والولفر بنفسه يلكيلكم شغل بالاضافه للمساعده الماديه الي يقدمه الكم بالنسبه الي اني مهندس كيمياوي وحاليا اشتغل بنجرجي


اشكر ردك اخي لكريم
وان شاء الله بالمستقبل القريب تشتغل
بشهادتك
تحياتي

5
اختي اني احس بيج لانه مريت بنفس الي دتمرين بيه قبل سنه واربع اشهر بس وكلت امري لالله واجيت لامريكا وابد متندمت صح الحياة صعبة بس اعتقد بكل مكان صعبة بس هنا ابد ميتركوج مدام عندج طفل يعني احنة بقوا ينطونة كاش ايد الى ان زوجي لكه شغل صح الي جانو ينطونياه ميكفي الايجار بس هاي هيه الحمد لله منو انطانه بغير مكان واعتقد هذه فرصه متتعوض اذا تريدين مستقبل لاولادج واللكم

اني بالنسبه النه زوجي اشتغل هوايه شغلات و شغلات ابد مجانت على بالنه بس الشغل ابد مو عيب والحمد لله والشكر هسه ديشتغل كاشير وديقدم يكمل دراسه واني ان شاء الله قريبا هم راح اقدم دراسه
لانه اذا اخذنه شهادة وجنسيه من امريكا وردنه نرجع بيوم من الايام حياتنة كلش راح تتغير مو مثل عراقي عنده شهاده وديشتغل يعني الكل يريدنه بوقته
فاني نصيحه من عندي انه توكلي على رب العالمين وصلي استخارة و الخيرة فيما اختاره الله




الله يوفقك ويخليكي  اشكرك واشكر ردك انت
او جميع الي شاركو بموضوعي لانهم صحيح ريحو قلبي

كل الشكر
تحياتي

6
اختي

الموضوع بسيط

انتي عندج جهال 2.. يعني لا تخافين ابدا كلشي متوفرلهم الا ان تستقرون وتشتغلون .. ابد مراح لا تجوعون ولا يصير عليكم شي.. صدكيني اللي عنده جهال هناك ملك.. بس لازم طبعا بعد ما تأمنين على الجهال تلكين شغل انتي وزوجج لان مو حلو الانسان يكون عالة على المجتمع

روحي اختي توكلي على الله




اشكر ردك الجميل والمريح
لكن منالممكن نحصل على عمل وحنه لغتنا مو قويه


اشكرك مره ثانيه

7
وانه حاضر عن اي استفسار عن سان هوزيه
او ولايه كاليفورنيا وانجاوب بالنكدر علي ان شاء الله
 ;D

اخي الكريم بس حبيت اتوضحلي مساله
الخمس سنين للعوائل واكون ممنونه
اني هم سامع بيهه
بس يكلون منظمات معينه وبولايات معينه يصرفون خمس سنين مساعدات
ممكن التوضيح شكرا

8
اختي الكريمة السلام عليكم ورحمة الله وبركاته
قلقك وسؤالك طبيعي ومعظم الناس مروا بهذا الشي ولكن أكو نقطة مهمة قد تخفف عنك بعض الشي وهي اذا ماكان عندك كفيل فماكو داعي تدورين على الولاية المناسبة أو المنظمة الجيدة لأن ببساطة الي ماعندة كفيل مرح يكدر يختار الولاية واذا كان عندك كفيل واحد فأيضاً مرح تكدرين تختارين غير الولاية الي الكفيل موجود فيها، لذلك انصحك بالتوكل على الله الذي هو نعم الكفيل.

تحياتي
أبو الفوارس


رحمه الله والديك جبتهه من النهايه

اشكرك على التوضيح لكن بس اذا همه يختارون الولايه عاد
ايذبونه بخوش ولايات لو لاء  يعني الي قبلنه شلون مختاريلهم ولايات
الف شكر
تحياتي

9
نشاله تلكون شغل والولفر بنفسه يلكيلكم شغل بالاضافه للمساعده الماديه الي يقدمه الكم بالنسبه الي اني مهندس كيمياوي وحاليا اشتغل بنجرجي
[/quote


ميخالف اخي الكريم ان شاء الله بالمستقبل تشتغل باختصاصك
والمهم انت او عائلتك بامان او اولادك ان شاء الله مستقبلهم مشرق
الشغل موعيب

بنجرجي بامريكا احسن من وزير بالعراق


او الله يفرجهه عليك او عليع او على الجميع
اشكرك على الرد
تحياتي

10
تحيه عطره
اختي صاحبه الموضوع
اني من العايشين في امريكا صارلي تقريبا شهر هنا واني بولايه كالفورينيا
وراح احجيلج عن ولايه الي عايش بيها اني
شوفي اختي من ناحيه امريكا ولايه كالفورينيا مدينه اورنج كاونتي مقاطعه اناهايم
الحياة بيها حلوه والمدينه كلش راقيه ومجلاات الترفيهي للعوائل موجوده وتعتبر من اهم المنطق من بعد لوس انجلس
من ناحيه التجاره والمعامل والاشغال
وتعتبر من اهدئ المناطق في كالفورينيا مبيها مشاكل ابد ولا بيها عصابات مثل مذكرتي ولا سوالف تعبانه
ومن ناحيه المناطق الي بيها المراقس والملاهي اليليه هاي دائما اتكون عالبحر متوفره يعني مموجوده بداخل المدينه بكثره مثل غير ولايات
ومن ناحيه الاكل والشرب بيها كلش رخيص ومن ناخيه البنزين رخيص كلش
ومن ناحيه الايجارات اني اكلج شويه غاليه يعني تفرق من سانت ديغو هوايه
هنا الشقه بيها غرفه وحده ومستلزمات الشقه مو اقل من 1000 دولار
والشقه بيها غرفتين وصاله ومستلزماتها مو اقل من 1300
وبالنسبه للبيت يكون بيه كراج وحديقه وحديقه خلفيه
مو اقل من 2000 دولار هاي في مدينه اورنج كاونتي باقي المدن ما اعرف بكالفورينيا
وبالنسبه للناس الي عايشين بيها همه ماكو امريكان هوايه يعني مبيها مشاكل
اغلب الناس همه الجاينييس والهنود والمكسيكان والعرب من جميع انواعه
والهنود والفريقان ونسبه قليله الامريكان البيض
بس منطقه امينه كلش ومبيها اي مشاكل
ونيجي من ناحيه الاشغال طبعا هاي محد يضمنها لان هسه بكل امريكا الاشغال تعبانه وصعب الواحد يلكي شغل بهالوكت واني بالنسبه الي مشايف شغل الحد هسه وجاري البحث
واذا ملكيت راح اخذ الكرين كارت وارجع من امريكا لان الواحد يضيع وقت والوقت الي جينه بيه كلش غلط مو مثل الي اجوي قبل 3 سنوات اقل شي
وهذا رائي
واني اتمنه الكل واحد يجي ويجرب بلكي اتكون اله احسن بعون الله لان امان وحلوه مو مثل العيشه ابغداد
بس اذا ماكو شغل مقابل الجمال كلش صعبه الواحد يحس نفسه تايه
ونيجي على المنظمه
المنظمه اول ما تييجي يعني بعدها بيوم او يومين
ينطون جيك بمبلغ 1100 دولار لكل فرد من افراد العائله وبهاي الحله اني انصح انو الكفيل خلي اول يومين 3 يستقبلهم يمه لان اذا تنطون حق التصرف بيد المنظمه راح اتاجر بانكس مكان وراح تشتري غراض ثلاجه ولفزيون وهاي هيه ويكلون يابه خلصت الفلوس مالتكم يعني الجيك مال 1100 لكل فرد هيه للايجار والواحد يشتري مستلزمات
فيعني الشغله واكفه لتخلون المنظمه تتصرف بهالشي انتو روحو يم الكفيك حته لترووح فلوسكم هيجي بلاش
وبالنسبه للولفر هيه
فوود ستامب 200 دولار لكل شهر \
والكاش موني هيه 300 دولار لكل شخص
يعني الي يجي وحده راح ينعلس من اول شهر راح يبدي يصرف من الفلوس الي جايبه وياه وهيه تعبه من العراق يجي يصرفها وكل حاجه يشتريها ينطي بيها تاكس
على العموم
الحياة مو سهله مثل ما هوايه ناس تتصور جاي لامريكا وويا 4 جهال وعايش عليهم طبعا يكول امريكا حلوه بس الي يجي وحده راح يشووف امريكا شنو وهذا مو بس رائي
هذا رائي هوايه ناس وصلو امريكا واكو كومه عراقيين ينامون في الكنائس باليل لو بالجوامع لان ماكو فلووس والحكومهالامريكيه متوفر الهم جزئ بسيط من الايجار بعد 8 شهوور
والشاب الي يجي وحده لامريكا
خلي يخلي اباله
انو بعد 3 شهوور الكاش راح ينكطع عليه لان هوه يعتبر يعرف لغه وممحتاج يتعلم وممحتاج المنظمه تصرف عليه راح يبقه عنده بس الفوود ستامب والباقي هوه يدفع ايجار ويصرف على نفسه
يعني مو اقل من 600 دولار بالشهر اذا اكو وياه 2 بالشقه ويساعدون بالايجار والباقي يبقه مصروفه وينحرم من كلشي
خلي انكون واقعيين اكثر شباب وهاي الصراحه
وبدون اي مجامله وبدون انو الواحد يجي يجرب والله كريم وما اعرف شنو
الموفقيه للجميع
تحياتي
سلفر





اشكر توضيحك وجهدك


والله يعينك على الغربه


ومره ثانيه اشكر صراحتك وفعلا وضحتلي امور كنت ما اعرفهه
الف شكر



11
السلام عليكم ادارة منتدنا الرائع
ارجو متفضلين تغير اسم عضويتي منsuzedالى ابو ياسين


مع جزيل الشكر

12
السلام عليكم

ممكن اتقدمولي المساعده  وتفهموني

بعد ماقدمنا اوراقنا  وبعد فتره انطونا الiz نمبر
بعدها طلبو من عدنه ركمنديشن
بالرغم من انه احنه قدمنا الهم من قبل

بس يريدون معلومات اكثر عن السوبر فايزر
لكن احنا المنضمه خلص شغلهه بالعراق
او ايميل السوبر فايزر اتغير بمجرد خروجه من المنضمه

حاليا حايرين شنسوي احنه عدنه الايميل و رقم من كانت المضمه بس هسه وين نلكي

لان رجعو المنضمه الامريكا


الي عنده حل او يكدلر ايساعدنه ابراي او مشوره  انكون ممنونين

مع جزيل الشكر

13
اشكر اهتمامكم وردكم

كل الشكر
لكن كان قصدي انه اكو ولايات العمل بيهه متوفر اكثر من غيرهه

او بيهه منظمات انسانيه اكثر
او مابيهه عصابات حبيت اعرف هاذي التفاصيل
وكل الشكر الكم مره ثانيه
تحياتي

14
السلام عليكم
اني حصلت على iz

ابشهر الثالث

116 رقم الكيس

عدد الافراد اربعه


لكن بعد ما ارسلوولنه الرقم دزولنه ايميل ايريدون

تزكيه من المدير المباشر بالرغم من انه احنه دزينالهم التزكيه من الاول



لكن لحد الان ماكو شي


شكرا للموضوع الرائع
تحياتي

15
السلام عليكم
بعد التحيه ارجو مشكورين التفضل بتغير اسم عضويتي

الى ابو ياسين مع جزيل الشكر
تحياتي وتقديري

16
السلام عليكم اشكر كل من ساهم بهذا القسم الراقي

واشكر جهودكم


اطلب منكم الراي والمشوره بخصوص قضيتي
انا مقدمه على IOMوتقريبا اوراقي خلصانه بس احنا عائله
مكونه من طفلين صغار

ولانملك اللغه واختصاصنه انساني
يعني ممئملين انه نعمل بشهاداتنا


ونعبش حاليا صراع  نفسي
لانه منعرف اي ولايه تكون المناسبه حتى اندور بيهه كفيل
او منعرف انكمل المشوار او نروح الامريكالو هي مجهول او مجازفه
وبالاخص انه منكدر ناخذ معانا مبالغ قويه..فاطلب منكم النصح والمشوره
من الي ساكنين حاليا بامريكا ..نكدر نلكي شغل
او اكو منضمات تساعدنه لحد مانلكي شغل
والاهم اي ولايه تنصحونه

اشكركم كل الشكر
تحاياي

صفحات: [1]