الرسائل

1

دردشة منتدى الهجرة واللاجئين / رد: خاص برحلة اسود الرافدين من اربيل الى البرازيل (( اخر اخبار منتخبنا ))

« في: 22:14 28/06/2012  »

اخويه علي السلطاني

ما حبيت اكتب اي كلمه بالموضوع كوله مع العلم انا قريت كل كلام الاخوان .. ولكن اريد اقول شي واحد بس من خبرتي كلاعب سابق لمل كنت في منتخب شباب العراق والمنتخب الوطني وبعدين تركت الكره نهائيا بعد اصابة خطره ومازلت اعاني منها لحد الان ...

المهم الذي اريد اكوله شغلتين من خبرتي  الطويله ..  أول شي انه المشكله الأولى والاساسيه بالكره العراقيه بشكل عام انه كرتنا ظلت فتره طويله جدا بعيده عن الكره القاريه والعالميه يعني اكثر التركيز هو بعلى طولات كأس الخليج العربي وكأس العرب .. وأول انطلاق صحيح وحقيقي للكره العراقيه هو عام 1975 ببطولة كأس شباب اسيا في الكويت وبعدها صار اسم العراق كبير جدا بعد فوزنا ببطولة كأس شباب اسيا وحفاظنا على اللقب بعد فوزنا بالمباراة النهائيه على ايران (4-3) بهدف فعلا كان الهدف القاتل للكابتن حسين سعيد في الدقيقه الاخيره تقريبا واللي كانت مباراة العمر اللي ما ممكن تتنسي ابدا وانا جان الي شرف اللعب كلاعب في منتخب شباب اسيا واللي بعدين وراها صعدنا الى المنتخب الوطني الأول ...واتذكر كان وياي من النجوم اياد محمد علي مدافع يمين وأموري لاعب وأنا لاعب وسط وحبيب جعفر جناح يمين وارا همبرسوم مدافع قشاش وأسماء اخرى صعدنا الى المنتخب الوطني بعد فوزنا على ايران ..

وبصراحه اكبر خليني اكولك انه اكبر فضل  لانتشار الكره العراقيه هو يرجع الى اثنين من اكبر المدربين بتاريخ الكره العراقيه اللي هما :

(اليوغسلافي ميودراج ستانكوفيتش ) اللي كان معروف بين الناس باسم ( ابا) واللي درب مدرب منتخبنا الشبابي اللي فاز على ايران 4-3 واخذ بطولة كاس شباب اسيا وقبل هذا المدرب يجي المدرب رقم واحد بتاريخ الكره العراقيه اللي هوا (الايرلندي داني ماكلنن) وهذا المدرب هو الذي خرج لاعبين باسماء جبيره مثل رعد حمودي وهادي احمد مايسترو خط الوسط وعلاء احمد واحمد صبحي وعادل خضير اسرع جناح يسار بتاريخ الكره العراقيه وغيرهم وغيرهم وغيرهم ..

وكان ابا وماكلنن اشهر حتى من رئيس الجمهوريه الله يرحمه احمد حسن البكر  ... هسه تسالني ليش هذوله الهم الفضل وانا راح اكولك ليش لان انا كنت لاعب بمنتخب الشباب الذي دربه ابا وبعدين صعدت لللمنتخب الوطني وعرفت وافتهمت شنو هذوله المدربين الاثنين ..

هذوله المدربين الاثنين كان كل همهم وتخطيطهم هو الاشتراك بالبطولات القاريه والعالميه ليش ؟؟؟ لانها اولا سمعه دوليه للمدرب نفسه وثانيا لان البطولات القاريه والدوليه احسن طريقه لانتاج منتخبات وطنيه قويه بيها لاعبين عندهم الخبره الحقيقيه المطلوبه ولذلك من اول شروط  هذوله المدربين انه محد يتدخل بعملهم وفعلا رئيس الاتحاد نفسه ووزير الشباب ما كان يكدر يتدخل بعملهم ابدا ..

والشغله الثانيه انه هذوله المدربين دخلو خطط جديده بالكره العراقيه يعني انطيك مثل (ماكلنن) هو اول من دخل طريقة 4-2-4 بتاريخ الكره العراقيه و(ابا) هو اول من دخل خطة اللعب على الجناحين بالكره العراقيه بطريقة الهجوم الضاغط من خط الوسط ..وابا همين هو اول من دخل خطة الاندفاع السريع والانسحاب السريع لخط الوسط مع خطي الدفاع والهجوم يعني ما يلعب الويسط من وضع الثبات ...

واتذكر انه ابا كان يركز علينا لاعبين الوسط بالتمارين بشكل عجيب وغريب وايكول انتو لوحدكم اربع لاعبين بالوسط انتو المتخب كوله ... طبعا بعدين فهمنا معنى كلامه هذا شنو ...

الملخص اخويه انه اشتراك العراق بالبطولات القاريه والدوليه هو اللي خلق منتخبات قويه نتيجة تفكير صحيح للمدربين ..

الشغله الثانيه وهي اشتراك اللاعبين الشباب مع اللاعبين القدامى من اصحاب الخبره مهم كلش حتى ول كان التغيير 7 او 8 لاعبين مره وحده لان اللاعب الشاب ما يكدر ياخذ الخبره الا من زملاءه القدامى ...

وانا اشوف انه السبب الاساسي بهبوط مستويات منتخباتنا الوطنيه هو اول شي وجود المدربين الاجانب لفترات قصيره جدا وما يكدر اكبر مدرب بالعالم ايسويلك منتخب وطني قوي بكم شهر وراها اتكوله انت موزين روح الله وياك وراح اجيب غيرك لان هذا مو كلام عقل ولا تخطيط .. اي مدري اجنبي يحتاج على الاقل سنه كامله حتى ينتجلك منتخب وطني قوي ...

بعدين الاشتراك بالبطولات القاريه والعالميه لازم يكون هدف دائمي لانه الطريقه الوحيده للانتشار العالمي هو هذي البطولات ولازم اتخططلها من فتره طويله يعني مو قبل البطوله بكم شهر اتروح تركض لسوك المدربين واتجيب مدرب واتكوله تعال عمي سويلي منتخب وطني قوي لان عندي مثلا بطولة كاس العرب وهذوله اللاعبين مالتنا انريدك اتسويهم صواريخ بالملعب ... ماكو هيجي كليجه ابد ...وهذا هو الصاير والطاير عدنا دائما كبل كل بطوله بكم شهر ركضت الزلم اتجيب مدرب اجنبي والنتيجه ما نكدر ناخذ بطوله ليش؟؟؟ ن البطولات تحتاج اعداد وتدريب طويل جدا ..

والسبب الثاني انه اللاعب لما يلعب بالمنتخب الوطني لا زم ينسى تماما النادي مالته لانك دتلعب للمنتخب الوطني يعني اتخلي العندك والماعندك بيه ومع الاسف هاي الشغلتين مفقوده تماما بكل منتخباتنا الوطنيه واللاعبين ..

اشكرك هوايه اخويه واعتذر لانه طولت عليك ...ورحمة لوالديك لا اتكولي انت منو واسمك شنو لان عفت كرة القدم من زمان وما بقالي بيها غير بس الذكريات وحالف يمين ما احط نفسي بيها من قهرها ... بس حبيت اكول هالكلام يمكن تستفيدون منه ...

اودعناكم

2

الهجرة و واللاجئين / رد: سؤال زغيرون كلش

« في: 06:27 24/06/2012  »

رحمة الله على والديك ما قصرت وبارك الله بيك  وننتظر بقية الاخوان

3

الهجرة و واللاجئين / سؤال زغيرون كلش

« في: 05:44 24/06/2012  »

سؤال زغيرون كلش ..

منو يعرف عنوان وايميل IOM بالعراق ؟؟؟  رحمه على والديكم

4

الهجرة و واللاجئين / رد: موضوع عام و مفتوح للاجابة على جميع اسئلتكم بخصوص قضاياكم مع iom

« في: 20:23 16/06/2012  »

اخي دزمند بالنسبة لملفي
المقابلة الاولى 4-2011
البصمات 6-2011
ممقابلة المحلفين 29-1-2012
موافقة المحلف 24-3-2012
فحص طبي 24-2-2012
الاتصال بالكفيل وتوقيع الاوراق 4-2012
حالة الملف علموقع hold
lالمقابلة الاولى مكتمل
مقابلة محلفين مكتمل
الفحص الطبي مكتمل
الجييك الامني بالانتظار
جالة السفر غير فعال

اهلا و سهلا بيج اختي العزيزة
ما عندي دليل على اكتمال موافقتج النهائية من عدم اكتمالها يعني ممكن تكون كاملة و ممكن لا و هذا يعتمد على اكتمال الامنية الاولى و لكن ملفج ماشي بشكل طبيعي و كلشي مكتمل اما بخصوص HOLD لا زلت ابحث بيها و لكن حتى الان تمكنت من ايجاد رأي مبدئي حولها اعتمادا على متابعتي لحالة احد الاخوة و معناها بالنسبة لملف اهله انه كلشي جان عندهم كامل حتى الموافقة النهائية و لكن بسبب ملفه هو جانت حالة ملفهم HOLD لان هم كلشي عندهم كامل و ماخذين الموافقة النهائية لكن هو جان ما محصل الموافقة النهائية و فحصه جان اكسباير منذ مدة طويلة و لكن من عاد الفحص الطبي تحولت حالة ملف اهله راسا الى PENDING RESULT
يعني نكدر تكول HOLD معناها اكتمال اجراءات معينة و لكن يوجد هناك معرقل و مانع من الانتقال الى الاجراءات اللاحقة و فور رفع هذا المانع ينتقل الملف الى الاجراءات اللاحقة بشكل طبيعي
و الان كدرنا نعرف واحد من هاي الموانع و انشاء الله من خلال البحث اكثر راح نكدر نعرف الموانع الاخرى
تحياتي و اهلا و سهلا بيج

اكولك دختور انت اتكول للاخت ما عندي دليل على اكتمال موافقتج النهائيه وبعدين ترجع اتكول ولكن ملفج ماشي بشكل طبيعي وكلشي مكتمل !!!!!!  الله واكبر ... الله واكبر ... شلون موافقتها النهائيه ما مكتمله واشلون  ملفها ماشي طبيعي وكلشي مكتمل ؟؟؟ شنو هالخبط الما بيه ربط ؟؟؟  عمي انت شارب شي ؟؟؟؟ يمكن شارب حليب سباع  ههههههههههههههه

وبعدين دختور انت اتكول ال( hold) معناها اكتمال اجراءات معينه ولكن يوجد هناك معرقل .....  هاي شلون عرفتها  وحدك لو بس انته ؟؟؟؟؟

عمي لا تتفلسف وتتعيقل براس الناس ... ال ( hold) معناها انتظار الى ان تكتمل باقي الاجراءات اذا امنيه او فحص طبي او بصمات بالنسبة للاعاده ...

لا وجماله ايكول ( الان كدرنا نعرف واحد من هاي الموانع ) ... صاير يلعب طفر موانع الدختور ... هههههههههههههههههههههههههه

 والله ياربي ....  لا اله الا انت سبحانك

اودعناكم

5

الهجرة و واللاجئين / رد: تصريح مهم للسفير الامريكي

« في: 16:13 02/06/2012  »

تالي يعني ؟؟؟
شلون ويه سولة نبش المواضيع القديمه ؟؟؟

عمي حقه لا تلومون الرجال برفع الموضوع لان جان نايم وهسه كعد من النوم .



اودعناكم

6

مواضيع الحياة العامة في بلاد المهجر ( كندا) / رد: عودة الامل الى المقبولين على كندا

« في: 15:16 25/05/2012  »

صباح المساء الخير ....
طبعاً اني الخباثة تجري بدمي .. ههههههههههه

هسه قبل لحظات طلعت اشرب جكارة بره . شفت جيراني الي اكرهه كلش كلش كلش كلش طلع بنفس وقتي .
اثناء ما وصلت للباب الخارجي هوه شفته يحجي ويه بنية كاعدة بسيارة حجه وياها  واني ورثت جكارة بره اعتيادي يعني طبيعية الشغلة كعدت بره اشرب الجكارة اني هوه راح صعد وياها بالسيارة حجو حجي بصوت عالي ما اسمع شنو الحجي بعدين صار ملاطم بالسيارة وضربها بوكس على وجها طلع من خشمها دم . وطلع من السيارة هيه راساً خابرت الشرطة وكالتلي شفت الي سواه كدامك كلتلها اي شفت والقران بالانكليزي بس مو بالعربي ههههههههههههههه .. لان اني حيل احبه هذا جيراني كلش يعني هواي . كالت تبقى هنا كلت الها طبعاً ابقى شلون ما ابقى . المهم هيه خابرت الشرطة  وانطتهم المعلومات وكالت الهم اكو شاهد كالولها يبقى الشاهد منتظر . سالتني تبقى كلت الها اي باقي للصبح اليوم  . المهم ظلت تحجي وياهم واني خلصت الجكارة الاولى وشربت الجكارة الثانية وهم خلصت . ومن جاي اروح كلت الها رقم الشقة مالتي واي شي تحتاجي اني حاضر اذا الشرطة رادوني . وكلت الها هذا الي ضربج رقم شقته ( 000 ) يعني حركت ابو ابوه هههههههههههههه .  المهم ما لحكت اطب للبيت خمس دقايق وارج اطلع . لكيت الشرطة تارسة الشارع ويحجون وياها وكالت الهم هذا الشاهد  بس محد حجه ويايه لحد الان هم ورثت جكارة ما اريد اشرب جكارة طبعاً بس اريد اخبث ههههههه . طلع هوه الافندي على اساس سبع راساً الشرطة سألوه انته ابو المشكلة كلهم اي راساً كلوله بعد اذنك روح على الحايط دير وجهك رجع اديك ليوره جلبكوه وشالوه بالسيارة مثل ال (( .. ))  المهم دخلوه بسيارة الشرطة وكالولها اطبكي السيارة  المهم اني كاعد اسمعهم يحجون وياها طلعت الزمالة ما عدها رخصة قيادة يعني اجازة سوق يعني هم راح يطيح حظها . ولحد الان محد حجه ويايه اني عبالي احركه الجيراني بس لحد الان ما صار شي ومنتظر هسه الشرطة ادك بابي ويسالوني .
لا اتكولون عليه خبيث بس اريد اجرب اكون شاهد بمركز الشرطة   حلوة هاي مو

الباجر اكمل الكم شصار   هع



ابو نور / تورنتو

اخويه اسامه الهاشمي

عود يعني على بالي من جنت اقرا هنا كلام الاعضاء اكول عليك خوش ولد وتاليها طلعت انت هيجي خبيث ؟؟ بعدين انت اتكول اكو هواي اشياء ما اعرفها لان جديد زين هاي انت جديد وماتعرف هواي اشياء بعدك وهيجي خبيث لعد لوتعرف جان ليوين وصلت الخباثه مالتك ؟؟بعدين شلك وشعندك ويا الناس ؟؟ وشعليك انت من جيرانك اذا ضربها بوكس واذا ضربها قامه ؟؟ لا وجماله فرحان اتكول  الباجر اكمل الكم شصار ؟؟
 
بالعباس عليك خباثتك هاي شنو بيها فائده للاعضاء كتبتها وحجيتها غير فضحت نفسك ؟؟ صدك انت خبيث ..حتى الاعضاء ولا بيهم واحد جاوبك على كلامك هذا  لان الناس هنا اتدور اللي ايفيدها على شغلات السفر مو على شغلات الخباثات .

واذا العلاج يمكم بلاش روح غير دمك لان انت تكول الخباثه تجري بدمي فالاحسن تروح اتغير دمك الى دم ما بيه خباثه واسمع كلام الاخ المحترم الفريدو لان هاي موزينه عليك على كولة الفريدو . بعد بس شغله وحده اكولك بيها تره اني من زمان هنا بالمنتدى بس ما اكتب ولكن الصدك انا اكره كل خبيث لذلك كتبت هنا على خباثتك اللي انت فضحت بيها نفسك ... ياربي احفظنا من كل خبيث ياربي امين يارب العالمين .

7

اصدارات / رد: تعالو بسرعه والله فرصه حلوه اتنسيكم همومكم

« في: 04:02 29/04/2012  »

اخويه ماركوس

الله يديمك على كلامك الطيب




حسوني البغدادي

8

اصدارات / رد: تعالو بسرعه والله فرصه حلوه اتنسيكم همومكم

« في: 04:00 29/04/2012  »

مشكور اخي
بس عندي سؤال يخص المقام  
شنو يعني جلجل علي رمان نومي فزعلي
اذا تعرف شي عن تفسير هذا المقطع ارجو التوضيح

احترامي

عيوني كلش حباب

اعذرني اخويه بالله ما انتبهت على سؤالك وراح اجاوبك عليه من عيوني الاثنين ...

الاغنيه هاي تعتبر من الاغاني التراثيه القديمه يعني مكتوبه بالشعر الشعبي طبعا  واكو اختلاف على تاريخ كتابتها لانه قسم من المؤرخين للاغاني العراقيه يكولون هذه الاغنيه مكتوبه عام 1917  والبعض منهم ايكول مكتوبه عام 1920 اثناء ثورة العشرين الكبرى اللي فجرتها عشائر العراق في وقتها ...

اما معنى الاغنيه  فهو بيه معاني سياسيه مخلوطه مع المعاني العاطفيه للاغنيه .. وكلمة ( جنجل) جانت كلمه معروفه باللهجه العراقيه العاميه ولكن بالوقت الحاضر طبعا ما معروفه او ما مستعمله ومعناها ( انتشر ) او( خيم عليه ) ...

لذلك جنجل عليه الرمان معناها ( انتشر عليه او خيم عليه الرمان ) .. والشاعر هنا ما يقصد الرمان المعروف وانما يقصد الدوله العثمانيه أو الاستعمار العثماني يعني الاتراك الذين كانو يحتلون العراق لأن اغلب السلاطين والموالي والباشوات العثمانيين كانو يلبسون على رؤؤسهم طربوش احمر  بلون الرمان ...يعني هنا الشاعر سوى تشبيه العثمانيين بالرمان لانه ما يكدر ايكول العثمانيين ويذكر اسمهم بشكل صريح ..وطبعا يقصد انه الدوله العثمانيه او الاحتلال العثماني جان منتشر بالعراق ومخيم عليه ...

يرجع الشاعر يكول(نومي فزعلي ) النومي اللي يقصده هنا منو ؟؟؟؟ هاي هم بيها معنى سياسي واللي بقصده الشاعر بالنومي هوا الاستعمار البريطاني لان البريطانيين يعني الانكليز احتلو العراق خلال الحرب العالميه الاولى 1914 وطردو العثمانيين من العراق ...وطبعا بما انه الدوله العثمانيه كان اسمها اواخر ايامها (الرجل المريض) لذلك جانت احوال العراق سيئه جدا وطبعا الانكليز وعدو الشعب العراقي بتخليصهم من الاحتلال العثماني لذلك الشاعر ايكول (نومي فزعلي) لانه الانكليز بشرتهم بياض على صفار يشبه النومي ...

يرجع الشاعر ايكول بنفس الاغنيه : هذا الحلو ما اريده ودوني لأهلي ...

وهنا يقصد بيها انه هذا اللانكليزي الحلو والاشكر مثل النومي طلع اسوأ من المستعمر العثماني اللي شبهه الشاعر بالرمان بالبيت الاول ... ويرجع ايكول ( ودوني لأهلي ) يعني يقصد ما يفيدنا غير اهلنا العراقيين لا العثماني ايفيدنا ولا الانكليزي ... ويقصد الشاعر بعد شي اخر وهو انه المستعمر العثماني اتبدل بالمستعمر اللانكليزي والحال نفسه من سيء الى اسوأ ..

ولذلك اشتهرت هذه الاغنيه اشتهار واسع وتعتبر من الاغاني الشعبيه الجميله والمعبره وبيها معاني سياسيه غير مكشوفه ولكن مكتوبه بشكل جميل جدا .. ومع الاسف اسم الشاعر لهذه الاغنيه لا يزال غير معروف بشكل صحيح وايضا اكو اختلافات على اسمه بالكتب التراثيه العراقيه ..


اتمنى يكون جوابي مفيد .. مع الشكر ...


هاا  شلوني اني  هسه ؟؟؟ رمان لو نومي ؟؟


حسوني البغدادي

9

اصدارات / رد: تعالو بسرعه والله فرصه حلوه اتنسيكم همومكم

« في: 09:45 27/04/2012  »

عاشت ايدك .
بس بعد شوية تشوف الموضوع ناطيه فيزا ومسفري لغير منتدى

عيوني antivirus

الله يسترنا من هاي الفيز والسفر  ... الف شكر على المشاركه ..

10

اصدارات / رد: تعالو بسرعه والله فرصه حلوه اتنسيكم همومكم

« في: 09:44 27/04/2012  »

اخويه مودتي

نسلم اخويه الغالي على كلامك الحلو ..

11

اصدارات / تعالو بسرعه والله فرصه حلوه اتنسيكم همومكم

« في: 08:14 27/04/2012  »

اخواني واخواتي

شولنكم يا طيبين كلكم ...

طبعا الكل طاكه رواحها وصاعده عدها الكابه وبزعانه وضايجه والكل تتعارك حتى ويا روحها مو بس ويا الغير   وهاي البلاوي كلها من ورا الانتظار اللي حرك اعصابنا حرك ... فاحسن حل خلي انغير الجو شويه .... انغير الجو مو نحرك الجو   .... شلون ؟؟؟ راح اسولفلكم ..

بطريق الصدفه لكيت شيء جنت أدور عليه من زمان على الفن والموسيقى العراقيه الاصيله والتراثيه التي ما نسمعها اليوم بعد موجة الفن الغنائي والموسيقي الهابط مع الاسف الا ما ندر ...

طبعا تعرفون كلكم انه المقام العراقي يعتبر من الالوان الغنائيه الاصيله والجميله جدا والعراقيين متفردين بكل العالم العربي بهذا النوع من الغناء والموسيقى ولو هو موجود على الانترنيت بكل المنتديات بس بالحقيقه الموجود هذا نكدر انسميه (فتافيت) عن المقام العراقي لا تفيد ولا تنفع ... ولكن بطريق الصدفه مثلما كلتلكم لكيت منتدى عراقي لأول مره واول منتدى يالانترنيت متخصص بالمقام العراقي والشيء الحلو والجميل والمفيد بيه هو انه عراقي  اولا وبيه اقسام مفيده جدا وحلوه جدا عن رواد المقام العراقي والنوتات الموسيقيه وتعليم الموسيقى واغاني كلش حلوه لكبار المطربين مثل يوسف عمر ومحمد الكبنجي وسليمة مراد وناظم الغزالي وغيرهم وغيرهم ..

وانصحكم تزوروه وتشجعوه لانه منتدى عراقي مثلما منتدانا عينكاوا عراقي وبعدين المنتدى هذا كلش حلو بكل بكل شي بيه وبالاخص لعشاق المقام العراقي واللي يحبوه ... ولو الاخوان المشرفين هنا يمكن يزعلون اذا اخلي رابط هذا المنتدى ولكن يا اخواني هذا  هم منتدى عراقي يعني منا وبينا  واحنا نريد نجمع كل العراقيين على كل الدروب ان شاء الله .. وانا والله شفته وعجبني كلش وفعلا نسيت همومي وكلت انقله لاخواني حتى هما هم ايغيرون الجو شويه ويريحون اعصابهم و يستفيدون منه .

طبعا المايعجبه يشوفه براحته واللي يعجبه يشوفه اسمه هو :

منتديات بيت المقام العراقي

www.maqam.forumarabia.com

حسوني البغدادي

12

منتدى الموسيقى / تعالو بسرعه قبل لا تفوتكم الفرصه

« في: 07:55 27/04/2012  »

اخواني واخواتي

شولنكم يا طيبين جميعا ...

بطريق الصدفه لكيت شيء جنت أدور عليه من زمان على الفن والموسيقى العراقيه الاصيله والتراثيه التي ما نسمعها اليوم بعد موجة الفن الغنائي والموسيقي الهابط مع الاسف الا ما ندر ...

تعرفون كلكم انه المقام العراقي يعتبر من الالوان الغنائيه الاصيله والجميله جدا والعراقيين متفردين بكل العالم العربي بهذا النوع من الغناء والموسيقى ولو هو موجود على الانترنيت بكل المنتديات بس بالحقيقه الموجود هذا نكدر انسميه ( فتافيت) عن المقام العراقي  لا تفيد ولا تنفع بصراحه ...

ولكن بطريق الصدفه مثلما كلتلكم لكيت منتدى عراقي لأول مره واول منتدى يالانترنيت متخصص بالمقام العراقي والشيء الحلو والجميل والمفيد بيه هو انه عراقي  اولا وبيه اقسام مفيده جدا وحلوه جدا عن رواد المقام العراقي والنوتات الموسيقيه وتعليم الموسيقى واغاني كلش حلوه لكبار المطربين مثل يوسف عمر ومحمد الكبنجي وسليمة مراد وناظم الغزالي وغيرهم وغيرهم ..

وانصحكم تزوروه وتشجعوه لانه منتدى عراقي مثلما منتدانا عينكاوا عراقي وبعدين المنتدى هذا كلش حلو بكل محتوياته وخصوصا لعشاق المقام العراقي واللي يحبوه ... ولو الاخوان المشرفين هنا يمكن يزعلون اذا اخلي رابط هذا المنتدى ولكن يا اخواني هذا  هم منتدى عراقي يعني منا وبينا  واحنا نريد نجمع كل العراقيين على كل الدروب ان شاء الله .. وانا والله شفته وعجبني كلش وفعلا نسيت همومي وكلت انقله لاخواني  حتى يستفيدون منه .

لا تنسون اخواني  تزوروه وتشجعوه والله كلش حلو ويفيدكم .. واسمه هو :

منتديات بيت المقام العراقي

www.maqam.forumarabia.com

حسوني البغدادي

13

الهجرة و واللاجئين / رد: شباب الي يريد يهاجر الى اوربا بطريقه رسميه وعلى الضمان

« في: 12:16 19/10/2011  »

اخوان اقسم بالله الشغله مو لعب يعني 100%100 واني احترم الناس على كل الردود لانه الناس تخاف من ولد الحرام هوايه بس اني من انطيت رقمي او اميلي حتى يكون اطمئنان اكثر لا اكثر ولا اقل اما على الطريقه اكو هوايه شباب الله يوفقهم من المنتدى ضافوني وحجيت الهم الطريقه والسالفه كلها اما على العام صعبه اعذرني حيل تعال على الخاص واهلا وسهلا بيك واخدمك الي اكدر اقدمه الك انت والى كل العراقيين اخوتي وامهاتي وخواتي والله شاهد على كل كلمه واني لا مجبور احجي اقسم بالله الي هو فوك كل الناس اما اذا تريد تعرف شغله بيها منا منا مثل ما تفضلت اخويه الغالي انسى هذا الموضوع واتمنى ان لا تكثر باقوالك حبي الي ميعرفك يجهلك تحياتي واني حاضر في اي وقت والله والله هاي الشغله ما بيها اي لعب بكد حجم ابره مضبوطه وعلى الضمان واني انطيكم حقكم على اي شي تحجون لانه الناس تخاف حيل لانه الثقه معدومه صارت من وره ولد الحــــــــــــــــــرام بس الله لا يوفق كل انسان ضحك او لعب على شاب او عائله ودمرهم وهاي الدعوى من كل قلبي تحياتي الكم من جديد واخوكم حاضر في اي وقت

اول شي عيب عليك واستحي شويه واخجل واحترم الناس من توصف الاخ او العضو اللي سالك على السعر وشوف اشكد انت ما تستحي وتخجل لانك كلت هذا الكلام :
((قبل فتره كتبة اعلان هنا واجاني واحد بطران على ربه ودينه يكلي متصير الفيزا بيها تخفيض يعني شخص هزيل وطفل واني اكره هيج ناس بس حجي فارغ ))
طبعا هذا الكلام بيه دليل على انه انت فعلا مو محترم لان الناس حقها وتريد تسأل وفلوسها جايبتها بتعب وشرف وامانه مو جايبتها مخصوص لحضرة جنابك لانك تشتغل مهرب وقجغجي .. وبالمناسبه اللي سالك بوكتها عضو فقير واموره تعبانه المسكين وايريد يلزم اي كشايه ..

وثاني شي الكلام مالتك  اللي اقتبسته الك  شبعنه منه هوايه وانتخمنه وكل مهرب وقجغجي او دلال مهربين وقجغجيه مثل جنابك اللي ياخذون عمولات على كل ( مكرود ) ايجيبه يحجي نفس الحجي الفارغ مالتك هذا .. يعني ما يعبر علينه هذا الحجي مالتك .. وكبلك هوايه دلالين  وقجغجيه حاولو ايوكعون وايورطون الاعضاء هنا وكشفناهم ... وجنابك هسه جاي اتكمل السبحه مو ؟؟؟

وثالث شي .. كل الاخوان طلبو منك تكتب على العام مو على الخاص بس انته تتهرب وتتلون وتكذب واتكول ما اكدر على العام بس على الخاص وهذا معناه انت دلال مال واحد قجغجي ومهرب اتجيبله معاميل وتاخذ عليها عموله .. يعني انت قفاص وحواسم خط ونخله وفسفوره ..

واذا انت رجال كد كلامك وواثق من نفسك وشغلك صدك شرعي وقانوني مثل ما كاتب بعنوان موضوعك اكتب التفاصيل كولها للناس حتى الناس تفتهم راسها من رجليها واتصدك بيك والا راح اتخلينه انكول عليك قفاص وكلاوجي وساختجي ...

اخواني لا اتصدكون بهاي النماذج التعبانه من القفاصه ووكلاء المهربين والقجغجيه ... وديرو بالكم على نفسكم وفلوسكم تره هذوله حراميه اكثر من حرامية الحكومه بالعراق ...

14

دردشة منتدى الهجرة واللاجئين / رد: لو كان اكرع يلبس قبعه زين اذا ابتر

« في: 21:02 10/08/2011  »

اخويه عراقي

اسمك وحده ( عراقي هواي) ايزيدني شرف اتعرف بيك ولو اني الصدك مشاركاتي كلش قليله مع العلم اني من زمان امسجل بس ما اشارك اقرا واطلع بس متابع كم عضو من المحترمين وانت منهم ... بس اخوك كلش قوي بالدومنه راسا يربطها بالدوشيش يعني يعجبك 

سالفه الحنانين حلوه هههههههههههههههه ... وياريت اتوصي عمنا ايكو ايجيبلنا قبعات لان على حجايتك لازم الواحد ياخذ احتياطات مندري شيصير ميصير  بعد شويه ..

( مؤقتا علما توصل القبعات )  ارفعلك البيريه 


حسوني البغدادي

15

دردشة منتدى الهجرة واللاجئين / رد: نواااااار تيتو

« في: 18:06 10/08/2011  »

اخويه مبروك والله يسترك من الحظر والحذف 

وانشاء الله يوم اللي انشوفك عريس بالبدله الحمره



اودعناكم

حسوني البغدادي

16

دردشة منتدى الهجرة واللاجئين / رد: لو كان اكرع يلبس قبعه زين اذا ابتر

« في: 18:02 10/08/2011  »

اخويه عراقي هواي

اللي كتبته صحيح وانا معك بيه  ميه بالميه ... ولكن المثل ايكول ( الطيور على اشكالها تقع ) .. هسه المثل هذا اتغير ويا التغييرات  التطوريه الجديده وصار المثل ايكول ( الثعالب على اشكالها تقع ) ..


ما عندي قبعه جان رفعتها الك .. اذا تعرف امنين يشتروها كولي 


أودعناكم

حسوني البغدادي

17

دردشة منتدى الهجرة واللاجئين / رد: حوار بين زوج وزوجه ليلة زفافهم ...

« في: 17:38 10/08/2011  »

اخوان للعلم

وربي ما ردت اكتب .. واصلا انا مشاركاتي قليله رغم انه مسجل من زمان .. بس شفت الناس الطيبه تكتب وتسال عن اخونا شمعه وانا واحد من اللي استفاديت هوايه من مواضيع اخونا شمعه لذلك  كتبت ..

الاخ شمعه مثل ما يعرف الكل هو من الاعضاء القدامى ومبدع ومتألق ومتميز بكل مواضيعه في الهجره والدردشه  ...

ولكن مع الاسف الشديد  صار من المحظورين .. ليش ؟؟  لأن راد ايساعد اخوته واخواته وكال كلمة حق .. بس كلمة الحق بعينكاوا ما يريدوها على حقيقتها وانما يردوها مزاجيه على مزاجهم .. وطبعا البركه بالحظر ل(الهلاك) عفوا قصدي (الملاك) المعروف ...
طبعا  الاخ شمعه ولا كتب للاداره ولا سالهم ليش ما ليش ولا اتوسل بالاداره مثل ما اتوسلو هوايه اعضاء مع الاسف لانه يعرف ويدري بكل هاي الاساليب والتكتيكات الملائكيه ....

وحاليا الاخ شمعه عنده منتدى كلش حلو وانصحكم اتشوفوه لان مفيد جدا واللي ايريد العنوان يراسلني على الخاص حتى الملاك لا ايكول هاي مخالفه للقوانين كالعاده والمعتاده لأن صارت القوانين مثل علج ابو السهم بحلكهم يعلجوه مثل ما يريدون ...

هاي طبعا من بركات ملائكه  عينكاوا  اللي تعرفوها خسرنا  الناس الممتازه  مثل شمعه وعكعك وسلاما للعراق وماجلان وايكو9  وغسان الاشقر والسلام وهايكو  والارمنيه وغيرهم وغيرهم والقائمه طويله .... طويله حيل ...

 اودعناكم

حسوني البغدادي

18

مواضيع الحياة العامة في بلاد المهجر ( كندا) / رد: عودة الامل الى المقبولين على كندا

« في: 02:19 02/08/2011  »

اختي ريتا

بما انه زوجك كان ضابط فاحسن طريقة اتاكد انه موقفه سليم وتنطيهم  امان هو ان ينطيهم رقمه العسكري لان كل ذابط بالجيش عنده رقم عسكري والرقم العسكري مسجل بالحاسبات المركزيه لخمسة مؤسسات عسكريه  وللعلم كل  المؤسسات الخمسه هاي بيها  كل ارقام ضباط الجيس العراقي مطبوعه على سيديات خاصه موجوده عند الامريكان .. لذلك خلي ينطيهم رقمه العسكري وهما راح يتاكدون منها ... هاي اضمن طريقة .. وان شاء الله خير عليكم ..

وعليكم السلام

19

الهجرة و واللاجئين / رد: هل يوجد؟؟

« في: 06:39 07/08/2010  »

 اخوي العزيز

 الحين طلبك الثاني اختلف تماما عن طلبك الاول ..  على كل حال ..  شوف اخوي  اذا تبي لجوء جدامك طريقين لا ثالث لهما

الاول انك تطلع خارج الكويت  وتروح مثلا  الامارات او الاردن او سوريا  او تركيا او بيروت او مصر واتروح على مقر مفوضية اللاجئين للامم المتحده وتاخذ لجوء ..  والثاني  هو اذا ما تكدر  تطلع من الكويت   انا بعطيك  موقع مفوضية اللاجئين وتقدر تراسلهم بالعربي او الانكليزي لان في عندهم مترجمين يغهمون  ويترجمون رسالتك وتكدر  يا خوي تشرحلهم كل شي  وهم  بيعطوك الجواب الصحيح ..

والموقع هو :
http://www.unhcr.org/cgi-bin/texis/vtx/home

من تدخل الموقع اتروح على اخر الصفحه  وتضغط على (  contact us ) عشان تفتحلك صفحة عناوين المراسله  ...

بالمناسبه  رابط الاخت انجي شغال وانا استغربت انك تكول ما يفتح بس يمكن خط النت عندك  ضعيف ..  تحياتي


حسوني

20

الهجرة و واللاجئين / رد: هل يوجد؟؟

« في: 06:22 07/08/2010  »

 اخوي العزيز

انته كتبت موضوع وهذا الثاني نفس الاولاني ..  وبالموضوع الاول  الاخت انجي  عطتك رابط موقع ايفيدك وينفعك لانه متخصص في قضايا الفيزا لبريطانيا ..  وتكدر تدخل وادش عليه وتراسلهم لان انا بصراحه دخلت على الرابط وشفت فيه انه يحتوي على  مكاتب لهاي الوكاله المتخصصه في دول العالم كلها وممكن  تختار اي دوله عربيه قريبه على الكويت عشان يجاوبوك عربي وتراسلهم  وتطلب منهم طريقة حصولك على الفيزا بعد ما تشرح لهم ظروفك ...    واعتقد هذا هو الحل الافضل لان اكيد في عندهم محامين متخصصين  ..

دش عليه اخوي  وما تخسر شي ..  واذا نسيت الرابط بعطيه الك مره ثانيه  هني بعد اذن الاخت انجي لان هيه اللي جابت الرابط مو انا ..


Website: http://www.britain.org.jo

تحياتي

اخوكم حسوني

21

الهجرة و واللاجئين / رد: الى المغتربين في بريطانيا,,, أفيدوني بارك الله فيكم

« في: 05:56 07/08/2010  »

عمي ابو الحسن  .. كلنه مستهدين بالرحمن وماكو غيره نستهدي بيه ..

بس اتمنى تقره اللي كتبه  الريال  مره ثانيه .. هوا ايكول اني  من ( البدون ).. يعني ما عنده  اي شي يثبت بيه انه هوا ;كويتي ابن البلد ..  زين بالله عليك اشلون يكدر ايروح ايحصل فيزا من سفارة بريطانيا بالكويت؟؟؟  اذا راح قدم على اي اساس؟؟  على اساس هوا مواطن كويتي  لو شنو؟؟؟؟  اذا ايقدم على اساس مواطن كويتي  ميكدر لان هوا ( بدون) ..

وبعدين  الريال  ابنفسه  اياكد وايكول ( لا حقوق لنا ) .. وفعلا كل  جماعة ( البدون) بالكويت ما عدهم اي حقوق ..

وايكول الريال هم بعد (( لو نروح لأي سفارة اوربيه يرفضون طلبنا والسبب تعليمات من الحكومة !!! ))  وهذا  كلام الريال  مو كلامي ...

بعد متكولي يا ابو الحسن اشلون هذا الريال   بكدر  ايروح للسفاره البريطانيه ويقدم على فيزا ؟؟؟ والاخت سرى اتكوله عدكم بعثات؟؟؟  عمي هوا لو عدهم بعثات  ويكدر ايقدم عليها يعني ماكو كل مشكله ..

الريال باختصار ايريد محامي ايسويله دربونه خاصه من جوه العبايه  حتى يكدر يطلع ..  واذا  اتريد  تتاكد من صحة كلامي  ارجع اقرا الريال شكايل  وشكاتب  يا خويه ابو الحسن ..   واني عن نفسي جنت اتمنى اكدر اساعده بس فعلا شغلته ينرادلها محامي شاطر .. تحياتي


حسوني

22

الهجرة و واللاجئين / رد: الى المغتربين في بريطانيا,,, أفيدوني بارك الله فيكم

« في: 05:10 07/08/2010  »

اختي سرى شوفي الرجال  شيكول وشكاتب .. اول شي الرجال ايكول  اني من ( البدون) يعني ما معترف بيه بالكويت لا جنسية ولا هويه ولا  اي شي  لذلك ايسموهم ( البدون) وثاني شي   ايكول  امضيقين علينه  ومنكمدر انراجع اي سفاره  لان ما يقبلوهم .. وانيت اتكوليليه عدكم بعثات امريكيه لو بريطانيه؟؟؟؟

يعني بالله عليج لو عدهم بعثات ويكدر ايقدم عليها  ليش  يجي هنا ويسال؟؟؟  الرجال مشكلته ديكولج هوا من ( البدون  )   يعني اذا راح ايقدم على بعثات لو زمالات لو غيرها   عدهم بالكويت ما راح ايكولوله   شهادتك وجنسيتك؟؟؟ زين امنين ايجيبها اذا هوا من البدون؟؟

وبعدين الرجال ديسال على محامي  يفتهم بالشغله حتى ايحل قضيته لان هدا ايريد عن طريق الدراسه ايحصل بعدين لجوء ..  يعني  الرجال ديدور على دربونه ايفوت منها  من خارج الكويت مو من داخل الكويت   لانه هوه من البدون ..


حسوزني