الرسائل

1

الهجرة و واللاجئين / رد: ويكيليكس تكشف أن وزيري الخارجية والهجرة السويديين

« في: 20:25 24/01/2011  »

السلام عليكم ورحمة الله... صحيح انه قرار سياسي بحت بس حبيت اعقم على كلام السيد مسؤووم حروق الانسان......هههههه  .دليل على انه سياسي جية نوري المالكي عام 2007 ووراها بشهر علنوا فتح السفارة وبدت اسثمارات سويدية داخل العراق وبدت الالاف تنرفض والكل يعرف وخصوصا الي عاشوا بالسويد من 2007 .اما بالنسبة  انه القرار اجه من داخل السويد فما اعتقد صحيح لان السويد كدولة موقعة لمعاهدة جنيف فهي تستقبل اي لاجئ ضمن الشروط .وهم شعملوا لغوا شرط وجود الحرب الاهلية بالعراق مع علمها بانه ما خلصت وشرط التمييز الديني والعنصري وبقوا فقط التمييز الجنسي والسياسي اما لنوعية الناس الي اجوا للسويد فما اعتقد من حقنا انه نكول عليهم قاع المجتمع المظلم لان شما صار هو انسان حتى وان كان جاهل كثقافة وتصرف لان الناس هناك العراقيين سواسية بالتصرف مهما اختلف تركيبته الاجتماعية.وبالنسبة للي اجوا قبل 2003 فيعني انه مو احسن حال منهم قصدي هم من طبقات مختلفة وسبب عدم اعادتهم هو عدم وجود تمثيل دبلوماسي بين العراق والسويد لان السويد مقاطعة سياسة صدام حسين.وللعلم رجاء الي بده بتخريب السويد هم جماعة قبل 2003 وهذا راي شخصي لما تابعته من حياة العراقيين هناك من شتى الطوائف والفكر والثقافة.وتحياتي للجميع

2

الهجرة و واللاجئين / رد: اجازة السياقه الدوليه من بغداد

« في: 19:01 17/01/2011  »

السلام على حاضري هذه الجلسة...
اخوية العزيز صاحب الموضوع حبيت افيدك بالنسبة للاجازة الدولية وهذه معلومة للاخوة المتابعين ,الاجازة الدولية معترف بها باي دولة من تجربة شخصية احجيلك جربتهه في كل من سوريا,السويد,انكلترا.كل هذه الدول اعترفت بيهه اما امريكا ما اعرف بس المفروض تعترف بيهه لان ما معقولة دول اوروبا تعترف وامريكا لا مع العلم انه اجازات الدول الاوروبية معترف بيهه بامريكا وهذه معلومة متاكد منها اذا ديكولون الاخوان انه الاجازة هناك تطلع بسرعه فتبقى يمك انه تحب تاخذ اجازة وياك او تطلعهه مناك .والسلام ختام

3

الهجرة و واللاجئين / رد: مع الاسف ...السويد تواصل اعادة اللاجئين العراقيين بعد توقفها عن ذلك ..نقلا عن راديو السويد

« في: 11:13 27/11/2010  »

اخوية العزيز اذا انت شايف اسلوبي ما متحضر في طريقة وصف بعض العراقيين المقيمين بالسويد فشلون تريدني اعبر .هذه النماذج شفتهه بعيني ونقلتهه كما بالوصف زين وين شفت الاسلوب غير المتحضر اذا الي علق عالموضوع استفز من كلمة وصف ليس الا بس ما علق على المضمون وحضرتك من تكول خلفة الله عالسويد وتكول مسوية فضل فاني اكلك من باب انه استقبلت لاجئين فهذا يا اخي هو العرف الدولي السائد وهي ابد ما متفضله على احد فحضرتك اذا تعتبر بلد اخذك كلاجئ من باب التفضيل فهذه قناعتك بس من احجي على الي تاذوا من قبل السويد هذولة وصلوا بتعب وشافوا الموت بعينهم (4 ايام مشي متواصل)وانت بتعليقك الي سبق كانه عبالك ما تحس بيهم ولا تعرف هم شمروا من ظروف .صح اكو عراقيين سووا مشاكل وعموا على بقية اللاجئين بس هذا مو سبب انه يرفض الباقيين لانهم هاربين من الموت.فيا اخي اوزن الفكرة يلة علق عالموضوع مع تحياتي وشكرا على المرور

4

الهجرة و واللاجئين / رد: مع الاسف ...السويد تواصل اعادة اللاجئين العراقيين بعد توقفها عن ذلك ..نقلا عن راديو السويد

« في: 07:12 27/11/2010  »

الله يساعدكم وتحياتي للاخت المشرفة والظاهر صاير اشكال بكلمة الحقيرة وا ما ادري اكو مشاعر راح تتاثر ما شاء الله شايلين غيرة عالسويد,اني مو قصدي انه اقلل من احترامي بس من كتبت الموضوع بخصوص العشرة وال 200 المنتظرين هاي الكلمة اقل شي تنوصف بحق هاي الدولة وتره اني من الناس الي بلعتهم السويد لحم وذبتهم عظم وغيري ناس هواي اكدر اكول تسوة هواي ناس مقيمين هناك بس قسمتهم ما عاشوا بهاي الدولة,.اما الاخوان الي يدافعون على كلمة وحدة لانهم فقط استفادوا شخصيا من هذه الدولة او الدول بشتى الطرق اكول اني هواي شايف امثالكم(الي يلغى الجنسية العراقية علمود الجنسية السويدية +والي راسا ذبهه عالساطور وصار سويدي ماصل+والي شخصيته الجديدة ما تسمحله يسولف وية فلان لانه لاجئ جديد مو مقيم مثله) اني مداحكم عليكم بالعكس اني انطي راي بس تره اكو فوك ال500 لاجئ مرفوضين كالوا الحقيقة بقضاياهم وما جذبوا مثل ما يكول واحد والله اخذت الاقامة بزودي وتلكاه ذاكر حتى القراصنة الصوماليين يريدون يكتلوه.طولت عليكم بس القصد انه لازم افكر بمعاناة غيري وادافع عنهم مو انه اني مرتاح وادافع عن دولة لا تربطني باهلة لا تقاليد ولا اي صلة بس مجرد ماخذ جنسية .وشكرا على المرور

5

الهجرة و واللاجئين / رد: مع الاسف ...السويد الحقيرة تواصل اعادة اللاجئين العراقيين بعد توقفها عن ذلك ..نقلا عن راديو السو

« في: 22:29 26/11/2010  »

الله يساعده ويساعدكم والله يا خويي شكلك بس انشاءالله رب العالمين يستجيب دعواتكم بالقبول ,بس انصحك لله واني تره هم مار بنفس الحالة ولازم انطيك واقع الحال جنا نتمنا نبقى ونكول بلكت تتسهل ولانه طارت سنتين ونص من عمرنا وكلشي ما سوينا فيا اخي انصح اخوك انه يفكر بمستقبله اذا هناك شيسوي واذا لا سمح الله يرجع شيسوي تره والله يضيع عمره خساره بهالمعمعه.وانشاءالله الموفقية للجميع.

6

الهجرة و واللاجئين / رد: مع الاسف ...السويد الحقيرة تواصل اعادة اللاجئين العراقيين بعد توقفها عن ذلك ..نقلا عن راديو السو

« في: 20:59 26/11/2010  »

اخوية العزيز kfc_w2002 هو صحيح بس للعشرة المساكين بس اجماعا للاجئ الي عنده 3 رفوضات ومخلص كل الاستئنافات هذا يطبق عليه القرار الي مكتوب بالخبر 200 مقدمين على المحكمة الاوروبية واكو هواي ما مقدمين على المحكمة وينتظرهم قرار ترحيل .بس هذا ما يتعلق بالي ستوه مقدم لجوء او عنده رفض واحد وشكرا على المرور.

7

الهجرة و واللاجئين / مع الاسف ...السويد تواصل اعادة اللاجئين العراقيين بعد توقفها عن ذلك ..نقلا عن راديو السويد

« في: 22:45 25/11/2010  »

اليوم قريت خبر مو حلو انه السويد راح ترجع اللاجئين العراقيين بعد قرار الايقاف من المحكمة الاوروبية نقلا عن راديو السويد وهذا النص بالانكليزي يوم 23-11-2010

Sweden again returning asylum seekers to Iraq

Uppdaterat: tisdag 23 november kl 18:45 (publicerades tisdag 23 november kl 17:51),
Radio Sweden
The Migration Board will again start returning people to Iraq after their asylum application has failed. According to a press statement from the Migration Board, the European Court of Human Rights has confirmed that Sweden so far always has acted in accordance with the Court's requests.

The process was temporary halted last week after the general secretary of the Council of Europe criticised Sweden and other countries for acting against the will of the Court.

The Court is currently investigating whether it is safe to return to Iraq. In the meantime, it deems that Iraqis should be allowed to stay in the country where they have applied for asylum. But the court will only intervene on a case by case basis so each asylum seeker has to apply to the court to postpone the deportation.

Last week, several hundred such applications had been filed with the Court, which acted in some 200 cases. Ten people who were supposed to be on a plane back to Baghdad last Wednesday are however not among those. So after having waited for a week, the Migration Board now ends the moratorium and will send them back to Iraq.
The deportation of over 200 other Iraqi asylum seekers, whose application to the Court has been granted, has been further postponed until the 8th of December.

8

الهجرة و واللاجئين / رد: الجمعية التعاونية لاصحاب المقابلة الاولى (اي او ام ) بغداد شهر 6 \2010

« في: 19:07 17/11/2010  »

انشاءالله بالموفقية اخوية زين طمنتني يعني انشاءالله هم مقابلتي  قريبة والله يوفق الجميع.

9

الهجرة و واللاجئين / رد: الجمعية التعاونية لاصحاب المقابلة الاولى (اي او ام ) بغداد شهر 6 \2010

« في: 22:50 11/11/2010  »

يا معودين معقولة محد ممقابل بالشهر السادس.افيدونا شنو اخاف الشغلة طلعت تقفيص

10

الهجرة و واللاجئين / الجمعية التعاونية لاصحاب المقابلة الاولى (اي او ام ) بغداد شهر 6 \2010

« في: 15:14 10/11/2010  »

السلام عليكم .
هاي مشاركتي الاولى وحبيت استفسر عن الاخوة الي مقابلين مقابلة اولى بالشهر السادس 2010 في بغداد ,وين وصلوا بالاجراءات ,بالنسبة الي اني مقابل يوم 22\6 ولحد الان ماكو شي بس كلولي بالمستقبل القريب,فيا ريت من الاخوة انه يشاركون بالموضوع وانشاءالله الموفقية للجميع.