980x120

عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - ريحـــانه

صفحات: [1] 2
1
اخي اني هسه دا احضر روحي للامتحان يعني صار اسبوع دا اشوف شنو الي المفروض اسوي كخطوه اولى طبعا الامتحان صعب و الصعوبه مالته هو اللغه الانكليزي اتخيل اميركان يرسبون بالامتحان من وره الانكليزي طبعا اكو كتاب و بيه اسئله سنوات سابقه و تلكيه على موقع امازون اسم الكتاب هو Kaplan GRE Exam و اكو دورات هم اني كلت وره ما اقره الكتاب ادخل دوره اعتبرها مراجعه و تدريب و بالنسبه الي دا احاول اقدم على الماستر و اول خطوه هيه لازم اخذ امتحان الجي ار اي ووراها التوفل و اتصور الجي ار اي يبقى ماشي وره النجاح 5 سنين بعدها لازم تعيده لان يصير اكسباير اي مستجدات تعرفها يا ريت تخليني على اطلاع و نفس الشي بالنسبه الي

2
فعلا موضوع مهم بالعكس اني اشوف لازم الواحد يعرف حتى مينحرج
التبس تتراوح بين 10 - 15 % اذا انت كريم تنطي 15  و اذا ما عندك تنطي 10 % بس يعني صح مو اجبار بس الافضل تنطي لان راتب الويتير يكون اقل من الراتب الادنى الي تحدده الولايه يعني خل نكول يمنا اقل شي 7.25 هو ياخذ 7 و الباقي معتمد على التب و خصوصا اذا كانت الخدمه زينه اني انطي بكل الاحوال بس اذا مراضيه على الخدمه انطي قليل

3
السلام عليكم اعضاء جمعيتي الاعزاء
طبعا والله داءما انتو على بالي و ادعيلكم الله يخلصكم من القلق الي انتو بيه و انشاء الله تفرج عليكم قريبا و الكل تسافر و تجي لاميركا

شكرا اختي العزيزه ام ابراهيم اني الحمد وصلت اميركا صار تقريبا 5 اشهر اقل بشويه و طبعا كتبت من صار عندي انترنت بالجمعيه انه اني وصلت الحياه هنا تستحق الانتظار و التعب مال الاردن بس شويه ينراد الواحد يركض

انشاء الله التوفيق للجميع يا رب
اي سؤال او استفسار اني حاضره

4
تامين سيارتين على شركه progressive
كل ما تزيد السيارات ما يتضاعف التامين و انما يزيد بمقدار معين بس مو ضعف
الشركه اسعارها مناسبه مقارنه بالكل و من ضمنهم كايكو
خلي التامين لايبل يعني بس تصلح لا سامح الله سياره المقابيل اذا الصوج منك هيج يطلع ارخص بهوايه و انشاء الله رب العالمين يجفينا شر الحوادث

5
اعضاء جمعيتي الاعزاء

دعواتي الكم بالسفر القريب العاجل و الله يسهل عليكم انشاء الله
يا رب تكون نهايه الصبر و التعب و القلق قريبه

اي سؤال اني حاضره و اكولكم اميركا حلوه للي يتعب و بما انه احنه بكل مكان تعبانين بس بالعراق و بالاردن نتعب و ماكو مقابل هنا اكولكم اكو مقابل

تفاءلوا و انشاء الله خير

6
اخواني الاعزاء

اول شي اشكر صاحب الموضوع على الفائده الي ديقدمها اني حايره صارلي شهر بهالشغله اكو شغلتين ارجوا ان تساعدوني بيها

اول شي اسمي بالوثيقه يختلف عن الجواز الجديد اقصد يختلف بالspelling بس الاسم بصوره عامه نفسه وجماله الاسم الاول و الثاني و الثالث يختلف شلون هاي لازم اصلح الاسم من بغداد لو شلون

ثاني شي هل المفروض ابعث للقنصليه الثقافيه نسخه من شهاده التخرج مالتي و همه يقومون ببقيه الاجراءات لو اخلي شخص من بغداد يرسلها بظرف مختوم على البريد الى الويس

اذا جماعه دزولي الظرف من بغداد الى الويس شلون يعرفون اني صاحبه الطلب و شلون يعرفون لازم الي يدزولي المعادله مال هذا الظرف يعني قصدي شلون يربطوني بين صاحب الطلب و الظرف

شكرا جزيلا و اتمنى تجاوبوني

7
اخ سالم لا التجييك الامني كان بيندنك و اجتي فتره قبل السفر توقف بيها الموقع نهائي و قبل ما اسافر رجع اشتغل بس اني كانوا محدديلي موعد سفر فما جيكت بعد ما اشتغل الموقع يعني لحد قبل ما يرجع يشتغل الموقع بس حاله الملف فعال و فحص طبي ثالث اني مسويت الحمد لله لان بنهايه السابع استحق فحص طبي ثالث

انشاء الله تفرج على الجميع و الكل يسافر قريبا

8
شكرا لكل من باركلي على الوصول من كل قلبي اتمنالكم السفر القريب العاجل و ربي يسهل امركم جميعا

بالنسبه لبعض التفاصيل الي قد تكون مفيده حاله ملفي صارت اكتف بعدها بفتره خابرونا على دوره تثقيفيه و اثناء الدوره انطونه موعد السفر قبل 6 ايام تقريبا من السفر او 7 حتى اني مكنت حاضره الدوره و خابروني للبيت كتلهم زوجي حاضر الدوره ردنا ناجل السفر لان ابني كان كلش مريض بس كالوا انتو حاليا اخذتوا مكان عائله لذلك سفركم قريب لان اكو عائله لغت سفرها فصرتوا مكانهم و اذا لغيتوا السفر ممكن يتاجل لوقت بعيد فلغينا الفكره

بالنسبه للكفيل لحد قبل السفر بثلاثه ايام يله خابروا و لحد الان موقع اي اوراق يعني كفيلي مموقع اوراق ابدا
بالنسبه للرمز الي بالايميل اني كان صايرلي فتره طويله مدازه ايميل لان اعرف مقدما شنو الجواب بس اخر ايميل كان كيس ابديت مو سكيورتي جيك و اتصور يكون عنوان الايميل هيج من تخلص التجييكات الامنيه
بالنسبه للسفر كان طويل و متعب احنه 36 ساعه بين سفر و ترانزيت على الخطوط الالمانيه لوفتهانزا كان الترانزيت لمطار فرانكفورت
طبعا المنظمه مخلت كفيلي يشوفلنا شقه و لذلك كعدت بمدينه بعيده عن الكفيل كلش و المكان الي كاعده بيه من ناحيه الطبيعه كلش حلو غابات و مكان حلو و نظيف بس المدينه كلش قديمه و ما بيها اي شي و الشقه زينه بس محاطيلنه تلفزيون و كابه و الباصات شويه متعبه كتنقل لان اطول كلش على ابسط شي الواحد فد 3 اساعات يحتاج طبعا اني ساكنه حاليا بنورث كارولاينا مدينه دورام و دا افكر انتقل لفرجينيا او مدينه رالي

الله يسهل الكم كلكم و انشاء الله قريبا الكل يكون مسافر اي شي او سؤال انشاء الله ما اقصر وياكم

9
اخواني و اخواتي احييكم من داخل الاراضي الاميركيه الحمد لله و الشكر وصلنا بسلام و انشاء الله يوم الالكم كلكم انشاء الله قريبا اكتبلكم تفاصيل كامله عن كلشي

11
الف مبروك ابو يوسف و انشاء الله تكتبلنا قريبا عن موعد سفر

يله يا الله بده الامل يرجع انشاء الله خير

12
هلو ميسي شلونك منور الجمعيه شكرا على دعاءك و الله يفرجها على الجميع انشاء الله

اب وياها تفاءل

13
ابو هجران و لو فات الجمعه و هسه احنه السبت بس اسفه اليوم مصار مجال افوت للمنتدى
جمعه مباركه على الجميع و ربي يسهللنا امورنا

اخويه المهندس حجيك كلش صحيح اني كلش اتفق وياك بس اكو شغلات ينراد الواحد يتعلم عليها جديده مثل النظام و معادله شهاده و سستم الحياه الجديد و التاقلم يمجتمع غريب هاي كلها ينراد وكت حتى نحس روحنا جزء من مجتمعهم فقصدي علما نضبط كل الامور و نبدي نشوف مردود تعبنا نلحك عجرنا بس الي عنده اطفال رح يكون وفرلهم فرصه و خلاهم انشاء الله على الطريق الصحيح اما بالنسبه لوضعنا و الي شفنا لا هذا يعني اصلا ميدخل ضمن قياسات لان شي خارج حدود تحمل البشر الطبيعي و بس العراقي يصبر عليها

تحياتي للجميع و اني دا اشوف الجمعيه مو كلش نشطه  ???

14
اي والله اخويه المهندس طبعا هو احنا كاتلين روحنا على السفر بس انشاء الله اذا رب العالمين كتبلنا و سافرنا رح نشوف الحياه ابدا مو سهله بس اني داءما اكول الي دنسويه لاولادنا حتى لا نحس احنه قصرنا و جنه نكدر نوفر الهم شي احسن و ما تحركنا اني اضوج من الانسان المستسلم لواقع حاله يعني اذا يكدر يسوي تغيير للافضل لازم يجرب و يبادر و يجازف و يبقى التوفيق من رب العالمين

انشاء الله تفرج قريبا على كل اعضاء الجمعيه و نسافر و نبدي نسولف بالجمعيه عن حياتنا الجديده .... يا رب
يله يا شباب و شابات همتكم بالرفع

16
شوكت نسوي شات داون  :( >:(

17
ههههههههههه لا اكيد مو احتكار على البنات بس شويه مراهمه اخي ريحانه هههههه
انشاء الله هيه باجر و عكبه اني انتظرهم كل الاسبوع لان اربعاء و خميس يبلغون مواعيد دوره تثقيفيه فبلكت يا رب نسمع هاليومين خبر مفرح

انشاء الله الموفقيه للجميع

18
ههههههه دسجارج يعني شلون ريحانه يكون اخ  ???!!!!!

شكرا على ردك و انشاء الله قريبا كلنا نسافر و نخلص

خلونا على تواصل يا اخواني و اخواتي

19
عاشت ايدك اخ اموري على المعلومات المفصله و الشرح الجميل حتى الرموز  و التواريخ و عنوان الايميل

ننتظر منك المزيد عن الحياه في اميركا و ربي يوفقك

عذرك وياك بخصوص عدم اخبار اي احد هاي حريه شخصيه اهم شي الشخص يبقى متواصل بعد ان يوصل بالسلامه

20
اتفق ويه الاخ مغترب في وطني باغلب الي كاله بانه الاخ دزمند بس مشكلته بالالحاح و الثقه الزائده بطرح المواضيع بس هو جدا خلوق و عنده روح مساعده و توصل الى امور كثيره هيه صحيحه و اني كلمه حق اكولها انظلم من حظروه اسبوع من المنتدى

21
اخي دسجارج مشكور على مرورك و مشاركتك بس ردت اسالك ذوله ال18 مال فحص قبل السفر شوكت مستلمين نتيجه محلف مو المشكله الوجبات الي ورانا دتسافر و احنه كاعدين

اخي عموري الف مبروك سفرك ووصولك بالسلامه و انشاء الله تتوفق بحياتك و ترتاح بس اذا ممكن المغرب من يصيرلك مجال تكتبلنا تفاصيل عن السفر و الدوره التثقيفيه شكد قبل السفر و حاله ملفك على الموقع شنو جانت

يا الله شويه اليوم اخبار حلوه تسوي واهس وحركه بالجمعيه

22
لا عفيه هاي شلون شغله اني عبالي بس من العراق دياجلون انشاء الله قريبا ينطوهم موعد ثاني و الله يساعدهم صدك صعبه

23
والله اخي اني بعمان يعني ما اكدر اكولك يجوز ابغداد غير شكل بس اني راسا فوتوني على الاشعه و رحت وحدي للمستشفى بدون زوجي و ابني و مطولت 10 دقايق

انشاء الله مطول خلي تشرحلهم ظرفها

24
اشكرك على دعاءك اخي و انشاء الله الموفقيه و تسهيل الامر للجميع

25
صدك شوكت تفض والله لعبت نفسنا كل يوم اكول اليوم و كل اسبوع اكول هالاسبوع و مكابله التلفون و كاعده و حتى صايره احلم بالشغله

الله يعينك اخي اني وجبه المحلفين الوراك وواصله مرحله من الياس و الكابه

26
اخي ابو هجران اني قبل 6 اشهر خابروني من الصبح بال8 و انطوني موعد ثاني يوم مباشره و رحت عادي فاتصور هاي من المستشفى باجر انت هم حاول عليهم لان المفروض يجاوبون على التلفون و اتمنالك التوفيق اخي

27
اخي لا يظل بالك نهائي اني شخصيا صار بيه هذا الشي باخر فحص طبي الي و هم كلش خفت لان بعد يوم واحد خابروني و كالولي هسه تعالي كتلهم ما اكدر اليوم كالو لعد ضروري باجر بحيث اني كلش خفت و رحت ميته خوف ضليت اسال و طلبت مقابله الطبيب بعدين طلع الموضوع جدا سخيف و الاشعه مو واضحه مع انه همه مكالو مو واضحه كالولي دنتاكد من شغله و الممرضه كالت لا تخافين همه تره بس يدورون على مرض السل اي شي ثاني ميهمهم و يمكن حتى ميطلبون منج اعاده اذا لكوا غير السل اسم الله هذا الحجي طبعا بالاردن

28
ابو هجران فعلا شغله كلش تضوج بالنسبه للساعه 8 كلش منوكت يخابرون الاي او ام اني اوكت شي الي سامعته يخابرون بال9 اله ربع بس ممكن يكون من مستشفى الخالدي لان اخر مره استحقيت فحص طبي خابروني من المستشفى الساعه 8 بس يبقى الواحد ضايج و قلق و اني اكول علي الرنه مال التلفون و خليه يم راسك حتى لو انت لو ام هجران تحسون و انشاء الله خير يا رب

ابو يوسف لا لاتحسب الايام اول شي تشوفها طويله و بعدين الواحد من يركز على شي معين و كلش يخليه اباله ميصير انسى الموضوع و متشوف روحك غير بالطياره انشاء الله

29
الف مبروك اخي و اتصور الشغله شغله اسبوعين و يحددولك موعد سفر ي و انشاء الله اقرب
بس سؤال بدون زحمه انت مستلم مغلف سنه 2010 لو 2011 و شي ثاني و لو اضوجك بالموقع اخر مره فتحته شنو يطلع يم الامنيه مكتمل لو بيندنك

30
اب اب اب ابببببببب
ابو يوسف و القديس صار كم يوم غياب و الغيابات عليها غرامات

31
الحمد لله على سلامه وصولكم و انشاء الله موفقين بحياتكم الجديده

32
يا الله انشاء الله خير و اذا شفت الامنيه مكتمله تطلبنا بشاره  :)

33
اني وياكم خريجه 2004 بس اذا الله كتبلي و سافرت ناويه ادرس MBA و اترك الهندسه بالرغم اني عندي خبره من ال2004 لحد ما اجيت للاردن بالهندسه بس ما احبها

34
وين المنظمه باي مدينه رالي لو دورام

انشاء الله السفر قريبا للجميع

35
كلشي مشكوك ممكن ياخذوه خليه بجنطه السفر الي تنشحن

36
والله حبستني العبره من قريت كلماتك كلام جميل جدا و رائع عاشت ايدك
ميه بالميه وياااااك

37
اتفق ويه الاخ الن في حال انه بالاتصال الاولي ميوقع الكفيل الاوراق

38
اخي اني من فحصت اخر مره بعد اسبوعين يله تغير و صار كومبليت يعني التحديث مو فوري ياخذ وقت عادي

39
اب يمعودين فد خبر حلو زغيروني تره الكابه تقره 1000

40
اليوم مبيها مجال مستحقه حبايه فاليوم على هالاخبار الحلوه
يمعودين مصدكنا كلنا يا الله شويه انفكت الجبسه هالنوب مواعيد سفر تنلغي اويلي علينا

41
اخ سالم شنو حاله ملفك اذا اكتف ابشر خير انشاء الله

42
اب بلكت يبين صاحب الموضوع و نفتهم السالفه هاي شلون شغله

43
صديقتنا الحلوه

اني اتوقع هاي خطوه للامام و تبشر بخير انشاء الله بعدها تبشرينه بموعد سفرك على القليل يعني مهتمين بالملف و هو غير منسي

شكرا للمشاركه

44
موقع جدا حلو سهل الاستخدام و بيه هوايه خيارات عاشت ايدك و موفقين انت و صديقك انشاء الله

45
الف مبروك ميسي و احنه هنا اخوه و خوات ماكو زعل و لا عتب انشاء الله ميفرق شوكت تبشرنا بوصولك قبل او بعد الوصول الى اميركا اتمنالك كل الموفقيه و انشاء الله داءما تكتبلنا اخبار حلوه

46
مستر 122 اني مو ويه الجدول و الاحصائيه اولا مو الكل يحجي و ثانيا اذا يصير تحديث الواحد ينخبص و هم ميحجي فاني اكول كلمن يوصل لاميركا يا ريت يكتبلنا شنو صارت وياه مستجدات سواء على الموقع او من خلال الاتصال حتى مو يكول اخاف من العين هو بعد وصل

و بالنسبه للفحص الطبي على كولتك هيه كلها نفس الشي الي يعيد و الي ممسوي فحص كلنا كاعد ننتظر الفرج
ندعوا من رب العالمين يفرجها علينا و يسهللنا الامور امين يا الله

47
كريس , ابو هجران , ابو يوسف و مستر 122 يا ريت نبقى متواصلين وواحد يصبر الثاني

انشاء الله تفرج قريبا و عاشت ايدك ابو يوسف على الاخبار الحلوه اني الفحص الطبي بالسابع يصير اكسباير

48
عاشت ايدكم اخواني الاعزاء القديس و علاء على ردودكم و الله يوفقكم

50
جمعه مباركه على الجميع تقبل الله دعواتكم و صلواتكم و انشاء الله السفر بالقريب العاجل

دا اشوف حركه بالجمعيه تسوي واهس شويه للمنتدى يا الله بلكت الاسبوع الجاي تجينا اخبار حلوه والله ضجت كل اسبوع اكول الاسبوع الجاي

51
مشكور جدا اخي العزيز على ردك اتمنالك كل الموفقيه

52
مرحبا ابو شمس شكرا على ردك

احنه العام بشهر السادس طلع قرار عفو من الغرامات اليوميه المتراكمه فكلنا فرصه نطلع اقامه

بس هسه سؤالي اذا ردنا نلغي الاقامه شكد نحتاج وقت

54
اخواني و اخواتي الاعزاء

عندي سؤال لجماعه الاردن اذا ممكن

احنه طلعنه اقامه وديعه العام بعد صدور قرار العفو من الغرامات حبيت اعرف كم من الوقت الواحد يحتاج حتى يلغي الاقامه و يكدر يتصرف بالفلوس
يعني معامله الغاء الاقامه و فك الفلوس شكد تاخذ وقت

مع الشكر الجزيل

55
يا الله انشاء الله باجر يجينا تلفون يفرح

ياكريم يا الله

56
الف الف مبروك و انشاء الله توصل بالسلامه و تلكي كدامك كل التوفيق اخي تستاهل انت كل خير

57
انشاء الله هذا اخر فحص و السفر يكون بالقريب العاجل احنه محالفنه الحظ جماعه شهر 6 لو مقابلين بالوجبه الوراها شهر 9 جان هسه احنه مسافرين بس انشاء الله بيها صالح الله كريم

58
انشاء الله خير اخي الجواب كانما الملف تحت تجييكات اضافيه و قيد الدراسه


59
ننتظر من ابو يوسف اخبار عن الفحص الطبي

وينك ابو يوسف بشرنا شكد ديسوون فحص قبل السفر انريد كلشي بالتفصيل الممل بله زحمه عليك و اهم شي شوكت مستلمين الظرف

تحياتي

60
اخ عمر هل هاي اول مره توصلك هاي الرساله و هل ابدا ما مستلم رساله الي هيه النص مالتها انت بانتظار التجييكات الامنيه

و على الموقع شنو يطلع عندك حاله مقابله المحلفين

61
بارك الله بيك اخي على هاي المبادره و جعلها الله في ميزان حسناتك

الله يرحمهم و يسكنهم فسيح جناته

62
ابو يوسف روح للمدرسه اشرحلهم الظرف بلكت يساعدون اولادك او ياجلون الهم الامتحان لظرف طاريء و روح للفحص الشغله متتحمل تاجيل

موفق انشاء الله

63
الف مبروك اخي و شكرا لمشاركتنا اخر مستجدات ملفك و تخلينا نتفاءل انشاء الله السفر القريب و تبشرنا

64
ام ابراهيم تفرج انشاء الله كل تاخيره بيها خيره بس شيلي الموضوع من بالج و لو اعرف مستحيل بس حاولي تتناسيه و شوفي شلون متمشي الامور اني دا احاول انسه الشغله لان اشوف ياهو الي مو كلش اباله تجيه ركض

65
ابو يوسف انشاء الله متاثر الشغله عليك و بالعكس الاهتمام بالفحص الطبي بوقته هذا مؤشر ايجابي و النسبه للاتصال بيهم انسه الموضوع و لا تتصل لان رح يطلعلك موضف ثاني ميدري شنو السالفه و رح يكولك احنه عود نتصل بيك

اني اكول وثق الموقف بايميل يعني ابعث ايميل اشرح الموقف و اطلب منهم موعد ثاني
انشاء الله خير

66
انشاء الله موافقه للجميع

بس بالنسبه للفايلات مو شرط الموافقه تجي للكل اني اعرف شخصيا عواءل عدهم اولاد فوك ال21 مفصوله ملفاتهم الاولاد حصلوا قبول و الاهل تاجيل

و اكو حتى تنفصل العائله بين القبول و الرفض

انشاء الله موفق و الموافقه تكون لكل العائله

67
الف مبروك للاخ ميسي يستاهل كل خير فعلا رجل محترم و اتمناله كل التوفيق

68
شكرا اسو على نقل الخبر و بالعافيه عليهم و الله يوفقهم انشاء الله بحياتهم الجديده و يوصلون بالسلامه يوم الالنا انشاء الله

بس غريبه ليش مبتسمين  ;D اني اخذ مزيقه و فرقه ام علي ويايه للمطار يودعوني

69
ابو منمن الف مبروك و هاي انشاء الله تكون بدايه النهايه و يكون موعد السفر قريب لان حسب معرفت اجراءات توقيع الكفيل تكون بالمراحل النهائيه يعني قبل الوصول بفتره قريبه بس اتشوف ملفك فعال على الموقع استعد نفسيا للسفر و اذا الامنيه كومبليت استعد و ابدي صفي انشاء الله

شكرا اخي على مشاركتنا اخر تحديثات ملفك و انشاء الله الخير جاي على اعضاء الجمعيه

71
ابو يوسف يكولون وره شهر مما يصير الملف فعال تلمس تغيير يعني انشاء الله قبلها بس اتوقع من 3 اسابيع الى شهر لان اكو اعرفهم نفس الشي

مستر 122 لا يمعود اني ابد ما عندي حظ و الحمد لله على كل حال

انشاء الله بدايه الاسبوع الجاي تهل علينا بشاير خير يا رب

72
بلكت هذا السكون الذي يسبق العاصفه و كلنا مخابرينا الاسبوع الجاي على دوره تثقيفيه و تصير دوره تثقيفيه مال جمعيه مستر 122

73
الف مبروك اخت لارا بالموفقيه انشاء الله

اختي بدون زحمه عليج و لو كثرت الاستفسارات منج شوكت حضرتي دوره تثقيفيه

اتمنالج كل الخير يا رب

74
اب يمعودين سحلت الجمعيه من جعب الصفحه الثانيه

75
اخ ناسك انشاء الله تسافر قريبا و يكون سفرك قبل منتصف الشهر القادم تفاءل خير اخي و اترك التفكير بالموضوع

اني اتفق وياك ويه كل كل كلمه تكولها و مع الاسف على المنتدى

76
الحمد لله على سلامه وصولكم اتذكر يمكن حضرتج من وجبه الشهر الثالث 2011 عمان

انشاء الله موفقين بحياتكم الجديده و ننتظر منج مزيد من التفاصيل

77
عيني الن اني اكول الحل الوحيد نطلب من الاداره تمنع اي موضوع يخص الفحص الطبي و علاقته بالامنيه و هيج الكل ياخذ اجازه فد فتره لان صارت الشغله ماصخه و الملل مو طبيعي و حتى الموضوع الكل اطلع عليه و عرف الاحتمالات و كون فكره اباله و مشه على شي معين خلص خلونا نخلص عاد

هوايه ناس متكول اكو بنات بالمنتدى و اكو كبار بالعمر و غير الحجي المخربط حتى صار ملل يوميه نازل موضوع اله علاقه بنفس الشي يمعودين شلون العراق يصفه لعد اذا منتدى بيه كم عضو و انثار موضوع صار عليه جدال و نقاش و عركات و مسبات صارلنه كومه

لو العراقيين عدهم خلك يبنون و يعمرون و يسامحون و يمشون مثل ما يتجادلون جان هسه احنه بخير
اخويه الصغير و خربط بالحجي شلون يعني ابقى سنه كامله اظل اتناقش ويه و اتجادل اي غير امشي و اغلس حتى يمشي البيت

فرضا تحليلات دزمند غلط عوفوه خلوه الي يريد يصدكه خلي يصدكه و نزلتوا موضوع و اثنين و ثلاثه و عشره خلص خلصنا و طبعا نفس الشي دزمند يوميه ايميل و تحليلاتي صحيحه و الدليل فلان و فلان و الي بشرتهم هلكد والله حفظنا كل الحجي من الطرفين على الغيب نريد نخلص عاد لان شكلها اخوان 2 و ديتعاركون ياهو الي اخر واحد يضرب الثاني

78
انشاء الله ابو يوسف باجر يتصلون على دوره تثقيفيه على الاقل تنزل شويه اخبار حلوه بالجمعيه و تصير حركه

اتمنى الموفقيه للجميع

80
انشاء الله خير يا رب

وين اخوانا القديس و ابو يوسف بلكت خابروهم على دوره تثقيفيه حتى نعرف بالنسبه لمثل حالتنا تغيير الملف فقط يعني انتظار اتصال على دوره تثقيفيه

81
مشكور اخ سهم الله يفرجها على الجميع انشاء الله

82
اخ سهم على اي رقم اتصلت و اي ساعه اشو اني كله يطلعلي مشغول و اكو رقم يخلوني على الانتظار الى ان يخلص الرصيد


83
تره نامت طابوكه محترمه على جماعه شهر 6 يمعودين فد بصيص امل اريد مكابله التلفون و كاعده شوكت رح يجينه سره الدوره التثقيفيه

84
ياااااا رب نسالك الفرج القريب يا الله

مشكور على نقل الخبر

85
اني اتفق مع الاخ اسبيرو اختي العزيزه لو تحجزين شقق فندقيه من يوم وصولج فد اسبوع و خلال هذا الاسبوع تسوين خوش فره و انتي على شوفج احسن مو قصدي شي اكيد الاخوان ميقصرون بس بلكت تلكين شي زين تستقرين بيه و شغله الشقه اله الي يريد يسكنها يشوفها لان هنا تره كلش تفرق عن سوريا لازم تخلين ابالج هوايه شغلات يعني الشمس تدخلها او لا و المنطقه مخدومه او لا و كثير من الامور

400 دولار تحصلين شقه فارغه غرفتين نوم بمكان مرتب و مخدوم يعني بعمان الغربيه بمناطق زينه مثل الكاردنز و تلاع العلي و ضاحيه الرشيد و المدينه الرياضيه اني افضل الكاردنز و تلاع العلي مؤثث هيج وكت متحصلين صعبه يعني بعمان الغربيه اقل شي 500 دولار

و موفقه انشاء الله

86
شكرا ابو ارا على مرورك و دعوتك الطيبه الله يفرجها عليك و يفرحك بالقريب العاجل انشاء الله

87
الله يسهل عليك امورك انشاء الله و يكون موعد السفر قريب و تبشرنا بيه انت تستاهل كل خير و صبرت كلش هوايه

88
اخونا مهندس مدني شنسوي غير ماكو تحديثات و ماكو شي نكتبه بالجمعيه بلكت انشاء الله ننتظر الله يفرجها علينا قريبا

89
اخي القديس انت جماعه 25-6 ويانا لو اني غلطانه و اشو منوكت الفحص الطبي اكسباير صار شوكت كان اخر فحص طبي الك

مشكور اخ دزمند لجهودك 

90
اخونا القديس

اذا ملفك صار اكتف هاي اكيد خطوه ايجابيه يعني المفروض انت على جدوله شي جديد يعني فحص طبي او دوره تثقيفيه او سفر بس يعني اكو تحرك بالملف و يا ريت اذا يصير وياك اي جديد تبلغنا حتى نفهم الوضع شويه

انشاء الله موفق و ننتظر منك اخبار حلوه

91
اختي العزيزه انجل اي انشاء الله القدماء ما مشمولين بالغربله و لا حتى الجديدين و انشاء الله السفر يكون من نصيب الكل و نرتاح

92
اني قريت الخبر على البغداديه بالسبتايتل بس بكد ما فرحني بكد ما ضوجني الصراحه حسيت رح تصير غربله و تصفيه لان ما معقوله ياخذون كل المقدمين و ينتظرون السفر و اني عندي انتظر بعد سنتين ولا يجيني رفض و يروح كل الانتظار و الصرف و القلف بلاش و هالنوب وين نودي وجهنا

يا رب فرجها علينا و فرحنا يا الله

93
اووووف شوكت رح يجيني هذا المسج مبروك لاقاربك و انشاء الله موفقين بحياتهم الجديده

94
مبروك لكل من اخذ دوره تثقيفيه و كل من حصل موعد سفر و انشاء الله يلكون كل الموفقيه كدامهم بس سؤالي لعد احنه العوائل ليش ناسينا و شوكت يتذكرونا خصوصا اصحاب الاطفال الصغار المفروض الهم اولويه

95
اني هم الفحص الطبي رح يصير اكسباير والله ما بيه حيل اعيد الفحص على الاقل لو اكو نتيجه وره كل هالاعاده نكول ميخالف و نصبر روحنا بس اشو هذا رح يصير ثالث فحص و احنه مكانك راوح

الله كريم انشاء الله الفرج قريب

اب يابه اب

96
الف مبروك انشاء الله قريبا ينطوك موعد سفر و كل الجدول يصير كومبليت

97
الف مبروك اخي انشاء الله قريبا جدا تنزل موضوع تبشرنا بموعد سفرك موفق انشاء الله

98
ابو يوسف انشاء الله قريبا يخابروك و يبشروك و تجرنا وراك

مستر 122 ينراد نرجع الجمعيه بالصفحه الاولى و نتنشط شويه بس همه وينهم جماعه 25 -6 خلي يشدون حيلهم ويانه

99
مرحبا شباب و شابات

شلون المعنويات اشو اشوف اكو جركه زينه بالكروب يعني تخلي الواحد يتفاءل شويه

مستر 122 اني هنا والله بعدني صامده بالاردن و لا تخاف والله ما اغلس يعني اذا كلش كلش اكول من اوصل لاميركا يابه تره وصلت بس هسه غير يخابروني على دوره تثقيفيه و بعدين عود افكر بالتغليس  :)

لا جديد يمي و اني اكول لو نسوي احصائيه بحاله الملف شنو نشوف الي ديخابروهم على دوره لازم يكون ملفهم اكتف لو مو شرط و بعد ميصير اكتف وره شكد لاحظوا تغيير يعني مستجد على ملفهم

اني ملفي بانتظار النتيجه و اني بانتظار تلفون الاي او ام

100
اني لاحظت هوايه تغيرت ملفاتهم من انتظار الى فعال من خلال المواضيع الي بالمنتدى اني اكول الي يصير وياه تغير خل لا يتفاءل و يخليها على الله احسن محد يعرف شنو الشغله و شوكت ممكن يسافر

بس اختي العزيزه اذا ممكن تكتبين تفاصيل عن ملفج يعني شوكت استلمتي موافقه و ماخذه دوره تثقيفيه لو لا و متصلين بكفيلج او لا حتى نشوف هذا التغيير شنو ممكن يكون وراه

101
الف مبروك اخ نوار و الله يوفقك بحياتك الجديده انشاء الله و مشكور لان فعلا مشاركتك رفعت كلش هوايه من معنوياتنا

يله يا شباب و يا شابات انشاء الله الخير جاي اشو دا اشوف خوش اخبار بالمنتدى كولوا يا الله

102
هههههههه اي اني كلت هسه اكيد عبالكم فلتت صنطاوي لان مدا اشارك بس الصراحه ماكو واهس حتى والله مرات صايره انسى الموضوع اني هم الحمد لله هالفتره مشغوله يعني فعلا دا احاول اتناسه الموضوع و اعيش حياتي طبيعي كانما رح استقر هنا ويه عائلتي

103
استفاااااد اني صار كم يوم مدا ادخل على الجمعيه كلت خل تتجمع اخبار زينه و اجيك اشو اليوم شفت الجمعيه فوك كلت يا الله اكيد احد مسافر و اشتغلت التبريكات طلع مشتغله المواساه

اني بالنسبه الي لا جديد و حتى الشغله الصراحه بديت اتجاهلها لان اشو صارت ملل الواحد ما عنده شغل و عمل بس يجيك بالموقع و يدز ايميل و يوميه نفس الشي خلي نعوفها و هيه تصفه

انشاء الله التوفيق للجميع

104
اخواني و خواتي اني الي وجهه نظر بالموضوع و مو دفاعا عن الشخص بس هم اكو قسم حقهم

يعني الي يجي للاردن مثلا و يقدم و محسب حسابه فد سنه يسافر و السنه تصير سنتين و السنتين تصير ثلاثه طبعا يبدي يفكر يستقر لان العمر ديمشي اذا كدر يدبر شي بالاردن يستقر و يرتب اموره و اذا مكدر يرجع للعراق و يشوفله فرصه لان الناس منين تعيش و ملازم منين تعيش الى متى تبقى متتطور وواكفه مكانك راوح تنتظر تلفون الاي او ام فاذا الشخص استقر مثلا بالاردن و سواله مصلحه او اي شي و جهاله بالمدارس يكول اني هم ارجع و ابدي من جده و جديد و اصلا فات من عمري كم سنه فهم الناس حقها و اني اكول يتراجع هسه احسن مما يروح و ياخذ من المساعدات المخصصه لمده 8 شهور و يكمل سنه ياخذ الكرين كارت و يرجع على الاقل خلي المساعدات تروح لملف ثاني تستقبله المنظمه و تره هيه كلها قسمه محد ياثر على احد

105
انشاء الله خير اخ ايهم و انت تستاهل والله و يا رب قريبا تكتبلنا من اميركا

106
مرحبا جميعا

شلونكم و شلون المعنويات

مستر 122 والله الاحتقان و الكابه مصايره و ماكو واهس لان صدك بله ملح صارت هسه بالجذب دوره تثقيفيه هم ماكو زين لعد شوكت رح نسافر

الله كريم نخلي عينا بعين الله ماكو غير الانتظار

107
الاسبوع في بدايته بلكت خلال الاسبوع يجي تلفون بيه خبر زين على ملفنا


109
تره صارت ماصخه والله و بله ملح اشو كلش صنطه

110
اخي العزيز شنو تقصد من كلمه التعليق يعني تقصد جماعه يوم الاثنين لو غير شي و اذا غير شي شلون عرفت الملف معلق

111
اختي العزيزه الامل

اني اكول ماكو اي مقياس لشغل الاي او ام لا باعاده الفحص و لا الدوره التثقيفيه و لا الموقع الشغله تعتمد بالدرجه الاولى على الحظ و التوفيق من رب العالمين

اني شفت بالاردن الي يعيد الفحص بشكل منتظم تنام عليه الطابوكه و يبقى يعيد 3 مرات اقل شي

112
ابو ايمن الشغله مو منطقيه و متنعقل بالعقل فلا ادوخ نفسك عدد الكيسات بالعراق بالالاف شلون 40 يعني

113
الف مبروووك اخت تمارا انشاء الله توصلون بالسلامه و تتوفقون بحياتكم الجديده بس اذا ممكن اختي تكتبين تاريخ استلام الظرف مال موافقه المحلف و الدوره التثقيفيه للفائده العامه و مشكوره مقدما

موفقه و شكرا على الخبر لان يرفع من معنويات الي ينتظرون

114
شكرا اخ كوبرا الله يسلمك والله تعرف من الكابه بعد ماكو واهس والله للمشاركه بس متابعه اخبار خلص الشحن  :)

115
انشاء الله خير اخ كوبرا و قريبا ينرفع التعليق بالموافقه و تبشرنا وياه موعد سفر

موفق انشاء الله

116
ابو هجران نزل موضوع على العام لان قليل من مستلمي الظرف يوم 25 يشاركون بالجمعيه

117
الحمد لله على سلامتك اخ عمان و انشاء الله موفق بحياتك الجديده و شكرا على الخبر المفرح اكيد يرفع من معنوياتنا

اخي بس سؤال بدون زحمه عليك انت وحدك يعني اعزب لو عائله

و اتمنالك كل التوفيق اخي الكريم

118
اخي صاحب الموضوع

نصيحه ابدا لا تغير الولايه
اني غيرت ولايتي صار تقريبا 4 اشهر لنفس السبب الي انت ذكرته لان ولايه فرجينيا عليها زخم و لحد الان تخيل ملفي بعده بفرجينيا ما محوليه للولايه الجديده علما انه اني ارسلت ايميل استفسر بيه هل تغيير الكفيل ياخر عمليه السفر و كان فايت 3 اشهر على استلام الظرف كالو ابدا مياثر و لا ياخر و كان التاكيد بالتلفون و الايميل

موفق اخي

119
اب يمعودين

اي خبر منا منا يرفع المعنويات شويه

بيت اصدقاءنا سووا مقابله محلف البارحه يكولون الدوره التثقيفيه كلش هوايه اعداد بس اشو لابسينا لعد

120
موضوع كلش حلو و واقعي و صحيح
و اني اتفق ويه كل الاراء حتى المتضاربه لان كلها صحيحه و كل شخص يتكون عنده رأي و صوره من منظوره للامور و من قناعته و من خلال واقع حاله و بما انه هاي كلها تختلف من شخص الى شخص اذن كل الاراء صحيحه

المتفق عليه باي مكان اذا تريد تنجح لازم تتعب و تجتهد سواء بالعراق او باميركا او بالاردن و بكل مكان الاجتهاد يختلف

121
ول بور نور المنتدى برجعتك و انشاء الله تكون مشاركتك بخبر سفرك قريبه جدا و الله يبشرك بالخير على هاي الاخبار الحلوه التازه شويه نزلت الكيج مال الكابه جان على الاحمر هسه رجع للبرتقالي  :)

موفق اخي

122
اخ حيدر نفس الجواب بالضبط يجيني من اسالهم طبعا هيه هاي كليشه ثابته

الله كريم ندعي من رب العالمين يسهل علينا و يجازينا على صبرنا و دعاءنا بالسفر امين يا رب

123
اخ حيدر والله فعلا الله يساعدك اني صارلي 9 اشهر و ما متصلين بكفيلي و هم ليل و نهار انتظر ايميل او اتصال من الكفيل يكولي خابروني من المنظمه والله بحيث اول شي اسويه الصبح اجيك الايميل و ما اعرف ليش دا احس اكو خلل بالموضوع لان الاغلب يخابرون كفيلهم خلال 4 اشهر
الله يسهل انشاء الله و يفرجها علينا

بس سؤال اخي انت من ادز ايميل للمنظمه تسال ليش ما اتصلوا بالكفيل شيكولون

124
مرحبا اخ الن نورت المنتدى

125
اخي بدون زحمه عليك ممكن تفاصيل و توضيح اكثر اول شي انت من وين مقدم و شوكت مستلم موافقه المحلف و مسوي فحص طبي و شنو نص الرساله

126
اني قريت مشاركه للاخت العزيزه ام الهنا بموضوع الاخ حامل المسك انشاء الله تكون بخير اخت عزيزه و تستحق كل احترام و تقدير و داءما تكون من الاواءل بالمبادرات الجميله

127
الف مبروك لصديقتج و انشاء الله يوم الالنا و للكل يا رب

و مشكوره على نقل الخبر بس همه صار فتره جماعتنا و حتى الي ورانا دياخذون دورات تثقيفيه انشاء الله خير يا رب

128
اب يمعودين اشو اكو حركه بالمنتدى بلكت نسمع خبر حلو قريبا امين يا رب

اخ ليو الامنيه ما معلوم شكد تطول يعني من 3 اشهر و فوك

ابو منمن اخي العزيز فعلا الموقع مدا يشتغل اتصور سدوه لان صارله تقريبا اسبوع مدا يشتغل نرجع على الايميلات عادي

يا الله افرجها علينا يا رب

129
الف الف مبروك اخ نوفا والله كلش فرحتلك انت تستاهل كل خير و الله يوفقك و يفتحها بوجهك انشاء الله

اخي بس سؤال بدون زحمه عليك حضرتك شوكت حضرت الدوره التثقيفيه

توصل بالسلامه انشاء الله

130
الف مبروك اختي العزيزه تقوى انشاء الله داءما تفرحين بنجاحاتها و بكل المجالات

الحمد لله و الشكر العراقيين داءما معروفين بتميزهم و تفوقهم و داءما يثبتون جداره و تفوق اتمنالج السفر القريب العاجل اختي و انشاء الله تكتبيلنا من اميركا عن تميز بنتك بالدراسه بكليه الطب

131
السلام على اعضاء الجمعيه الكرام

اتمنى الفرج القريب العاجل باذن الواحد الاحد لكل منتظر للسفر و انشاء الله نهايه الصبر البشرى

مبروك للاخ ماس موعد الدوره التثقيفيه و بما انه هو وجبتي مال المحلفين حبيت اتمنالك كل التوفيق و انشاء الله يوم سفرك قريبا اخي الكريم بس اذا ممكن حضرتك عزابي لو عائله و متى كان الاتصال بالكفيل و انشاء الله الى اي ولايه متجه بدون زحمه عليك و موفق اخي

132
مبروك اخي العزيز على موعد الدوره التثقيفيه انشاء الله ينطوك موعد سفر خلال الدوره

بس سؤال اخي حضرتك مقدم من الاردن لو من العراق

موفق

133
شنو السالفه صرنا طرشي

اب يابه اب

134
اخي العزيز ابو قمر الله لا يحرمنا من مشاركاتك و من مواضيعك والله اني بس اقره مواضيعك اتفاءل يعني فعلا انتي عضو مخلص و متفاني لمساعده اصدقاءك بالمنتدى و اني ايضا اتمنى ان الاداره تعمل ارشفه لان اني متاكده كثير من الاعضاء الي انشاء الله رح يوصلون اميركا رح يحتاجون مواضيعك القديمه و الي تكون جدا مفيده خصوصا اول وصول الشخص مثل كيفيه زيارده الكردت و كيفيه شراء البيت و التقديم على وظيفه و غيرها و غيرها من المواضيع اتمنى ان يكون الك حقل خاص لمواضيعك حتى يسهل قراءتها و الاطلاع عليها  

الله يوفقك اخي العزيز

135
عاشت ايدك اخي اولا على الشرح السلس الجميل صراحه تمنيت الموضوع يكون اطول لان كلش ممتع يعني عيشتنا الاجواء

الله يوفقك انشاء الله و يسعدك و يرزقك انت و العائله و ننتظر منك مزيد من المشاركات

137
ابو ارار (اني متعوده على اللقب القديم و اتفاءل بيه )انشاء الله يا رب يكون كلام الموظف صحيح و انشاء الله قريبا تنحسم قضاياكم بالموافقه مرفوقه بمواعيد سفر مثل مصار ويه احد الاخوان من المؤجلين من شهر 9

انت تستاهل كل خير اخي العزيز و اني متاكده رب العالمين رح يجازيك خيرا و انشاء الله قريبا على صبرك

موفقين انشاء الله

138
الف مبروك اخ بينجامين انشاء الله تكون اول المسافرين من جمعيه الهولد و تكون اخبارك فاتحه خير علينا

عاشت ايدك على هالخبر الحلو و موفق انشاء الله

139
والله يا اخ بات مان نفس السؤال ابالي كان قبل كم يوم و جنت ناويه انزل بيه موضوع بعدين كلت هو وين السفر و اني دا احلم

انشاء الله الاخوه ميقصرون و يجاوبوك

140
مستر 122 اي والله لان اني عندي الكابه و الياس واصل للاحمر و ديدك جرس بعد شلون انطي جرعات تفاؤل المشكله الكبرى خصوصا للمزوجين انه الحاله النفسيه التعبانه دتنعكس على البيت و على الحياه اليوميه

اخواني و اخواتي بالمناسبه الي مسوين فحص طبي اني صار اسبوعين من سويت و لحد الان حاله الملف على الموقع يم الفحص الطبي ان بروسس مصارت كومبليت ليش ما اعرف هل تغيرت الحاله يم الفحص الطبي على الموقع للي عادوا الفحص

شكرا و انشاء الله نسمع اخبار مفرحه بالايام القليله الجايه

141
مرحبا مستر 122 شلونك و شنو اخبارك انشاء الله تكون بخير

اي صحيح اخي اني عدت الفحص الطبي خابروني على الاعاده بس شتسوي بالفحص الطبي اخي المهم المفيد هذا الحجي ميوكل خبز اني الصراحه ابدا مفرحت بيه اجراء روتيني و عادي

انشاء الله الفرج لكل الاعضاء و نخلص من هذا القلق

بنت الطيار اهلا و سهلا بيج بالجمعيه انشاء الله الفرج القريب بس اذا ممكن اختي العزيزه تفاصيل يعني كم عائله كان اكو و هل احد ذكر شي عن اعاده الفحص يعني انه ممكن يكون بادره خير علينا اني عدت الفحص قبلكم و كان اكو تقريبا 10 عوائل اغلبهم اعاده فحص للمره الثانيه

142
الف الف مبروك اخي العزيز كمال والله انت انسان طيب و تستاهل كل خير انشاء الله يوم الي تسمعنا خبر سفرك

مبروك لكل من تحولت حاله الملف مالته الى كومبليت و انشاء الله سفركم بالقريب العاجل

موفقين الكل يا رب و انشاء الله تستمر الاخبار الحلوه بلكت ضاجوا من عدنا و يردون يخلصون وين الله و يوميه مسفرين وجبه و كله كم شهر و يفرغ المنتدى

143
اليوم شيجيب النوم على هالكم سطر الي كله تفاؤل

يعني هيه دتكول اكثر من 30 بالميه نسبه الرفض رح تكون و للي بالمراحل النهائيه للتجيكات الامنيه و فوكاها تكول جايه وجبه رفوضات كبيره اويلي منين اجيب شريط فاليوم اليوم و الحجي عام شكله لان كايله اللاجئين العراقين مكالت في سوريا

144
عاشت ايدج اخت ريتا على هاي الاخبار الحلوه صدك تفتح النفس و تخلي الواحد يتفاءل انشاء الله بالموضوع القادم تبشرينا بموعد سفرج

145
اخ عمار ابدا ماله علاقه الفحص الطبي بالسفر اني عدت الفحص قبل كم يوم و اصلا اني بعدهم ما متصلين بكفيلي و لا ماخذه دوره تثقيفيه
طبعا احنا لازم نتفاءل و نكول انشاء الله اكو سفر قريب حتى لو احنه ما مقتنعين بهذا الشي بس حتى نصبر روحنا

اخ ار ار يوسف فعلا اني هم دا اشوف جماعه شهر 9 احسن من عدنا ديمشون بيهم بس السبب اول شي لان همه ماخذين منهم بصمات بالمقابله الاولى يعني قبل مقابله المحلف هذا السستم طبقوه على الوجبات الي بعدنا فهمه بمرحله التجييكات الامنيه مو هوايه ورانا بس بالمحلف ورانا

انشاء الله خير و تبدي البشاير بخصوص السفر او على الاقل الدوره التثقيفيه

146
اختي الغاليه الطيبه زنوبه تسلمين حبيبتي على مرورج و كلامج الحلو الله يوفقج و انشاء الله داءما اسمع عنج كل خير

147
اهلا و سهلا اخ عمار نورت الجمعيه

هذه حاله الملف على الموقع لاغلب وجبتنا مال المحلفين بس بدينا نشوف بشائر امل و انشاء الله الفرج  قريب الاخ هامر قبلها سافر و هسه هو حاليا باميركا و اكيد اكو بعد ممشاركين بالمنتدى فانشاء الله الفرج قريب و الله يفرح قلوبنا

148
انشاء الله الشفاء القريب العاجل للاخت ريم و تكوملنا بالسلامه و ترجع تنور المنتدى بمشاركاتها الحلوه

149
اشكرك اخي العزيز جاك بلاك على دعاءك الجميل هذا اهم شي والله الصحه و اتمنالك الافضل و انشاء الله تسافر باقرب وقت اني متابعه اخبارك و انت من القدماء بس كلش احترم صبرك و روح التفاؤل عندك انشاء الله اسمع كل خير عنك اخي العزيز

150
الف الف مبروك اخ سكاي و فعلا انت اخ مخلص مقصرت ويانه جنه على اطلاع على مراحل تطور ملفك اول باول الله يوفقك و يرزقك على كد نيتك و اتمنالك كل الموفقيه اخي العزيز بحياتك الجديده

الحمد لله انشاء الله العدد تدريجيا يقل بالجمعيه علما تفرغ الجمعيه بالقريب العاجل يا رب

151
اخ ميسي اشكرك اخي العزيز اتمنالك كل الموفقيه و مبروك الفوز المستحق لبرشلونه الاربعاء الماضي  ;)

اختي العزيزه روزه شكرا على كلامج الجميل فعلا الصحه اهم شي و الله يوفقك و يحميكي انتي و الاهل شكرا اختي العزيزه على مشاركتك الجميله

اخي العزيز جوسي اني اعرف طبعا بالمضار مال الاشعه لان اني اصلا من نوع ما اسوي شي اله اعرف شنو هذا و شنو تاثيراته و هاي كلها مواد مشعه تتحلل بالجسم و تاثر على الخلايا و حتى ممكن لا سامح الله ان تسبب عقم بس شنسوي يعني ما باليد حيله ندعي رب العالمين يحفظنا لان هو اعلم بحالنا و الصحه اهم شي والله اني اميركا اصلا طلعت من عيني و الدنيا كلها بس راودتني مخاوف من انه يكون اكو شي و طبعا ابني هو الي يخليني اتمسك و اخاف على صحتي اكثر و بالنسبه للجراءه اني هم شفت انه من ناقشتهم باسلوب منطقي حدي بس مو وقح شفتهم تغيروا و تعاملوا ويايه احسن بس ادعي من رب العالمين ان يخلصنا بسرعه من القلق و عدم الاستقرار لان اله شفناه و دنشوفه رح يترك عواقبه النفسيه بينا شكرا اخي على مرورك و اهتمامك اتمنالك كل الموفقيه

152
اول شي اشكر كل من مر على الموضوع و شارك و اشكركم على كلماتكم الطيبه الي خففت عني القلق

اني اعرف انه ميرجعون يدزون على الاشعه مره ثانيه اله يكون اكو شي لا سامح الله لان لو كانت مو واضحه لاي سبب تصير الاعاده بنفس الوقت بعد ما يشوفون التقنيين الطبيين الي دياخذون الاشعه لان تظهر عدهم على الشاشه فاني يعني استبعدت تكون مو واضحه بس تاملت خيرا

طبعا رحت و اتفاجأت اولا بانه بما انه نحن لاجئين لازم منفتح حلكنا و نسال ليش و شنو المشكله لازم نسمع الاوامر بدون نقاش بس اني اصلا على مضض اسويها لان ادري بروحي ما بيه سل و الاشعه بيها اثار جانبيه على الصحه هالنوب بعد كم يوم يريدون اعيدها فكلش عصبت عليهم و كتلهم يعني لان اني مجبوره و مجايه بفلوسي دتعاملوني هيج اني اريد احجي ويه الطبيب و مقبلت اخذها اخير الشي السستر وره مشافتني معصبه ودتني على طبيبه و الطبيبه اتصلت بطبيب الاشعه المهم طلع عدهم شك 1 بالميه و الطبيبه كالتله اني دا اكلك هذا مو تدرن رئوي لان شفت الاشعه و اءكدلك كلها اني عليه مسؤليه ما مستعد اتحمل اللوم حتى لو عندي شك واحد بالميه اعيدها للمريض المهم عدتها و غصبا ما على خشمي و بنفس اللحظه كالولي كلشي ماكو و هسه رح ندز الفايل للاي او ام والله العظيم اني مهندسه ولا الي علاقه بالطب و لا شي اول مكالولي ليش ديعيدوها كتلهم واضحه وضوح الشمس هيج و هيج السالفه و استغربت شلون مبتدئين الكل من الاطباء الي الفنيين و شلون الطبيب اخر همه صحه اللاجيء

اني الي اليوم كلللش ضوجني حسيت انه احنه يعني لا حول و لا قوه طبعا الاكس راي بيها اضرار هوايه و اني على مضض اسويها كل 6 اشهر و حتى الطبيبه ام الفحص السريري كالتلي احنه منقبل و هوايه حاولنا نغير السياسه مال الفحص بالاشعه كل 6 اشهر و كلنا خليها اجراء قبل السفر و من تطلع الامنيه بس محد سمعلنا و كالتلي انتي حقج من تحاولين تتجنبيها لان هيه متخلو من الاثار الجانيه و قد تكون كلش خطيره و ثاني شي ضوجني السستر تكولي احنه اصلا مندور على اي شي و لا يهمنا يعني لو واحد اسم الله بيه شي بالرئه ميتعبون نفسهم و يكولون بس اذا شافوا شي مشكوك بيه سل بس يله يدزون على المريض او يبلغوه

153
اشكركم اخي العزيز مجروح و اختي العزيزه سالي انشاء الله ماكو شي و الله يوفقكم

154
مرحبا اخواني و اخواتي

اني الفحص الطبي مالتي صار اكسباير يعني فات على اول فحص طبي 7 اشهر و قبل كم يوم سويت فحص طبي ثاني و الغريب بالموضوع انه اجاني تلفون من المنظمه يطلبون بيه اعاده فحص بس للاشعه مع العلم انه الفحص الاول كان عادي يعني ما اتصلوا بيه مره ثانيه اني الصراحه كلش قلقه ما اعرف حسيت الممرضه مدتوضحلي السبب تكولي صوره الاشعه مو واضحه و الطبيب يريد منج تجين تسوين مره ثانيه صوره اشعه و شافتني شويه ارتبكت و خفت كالت ماكو شي يخوف بس اني ممرتاحه سؤالي اخواني و اخواتي اكو احد صايره وياه طالبين منه اعاده فحص للاشعه فقط بحجه انه غير واضحه علما اني بعمان

مع الشكر الجزيل

155
الف مبروك اخي و انشاء الله توصلون بالسلامه و تستقرون بحياتكم الجديده و الله يسعدكم

ما اعرف ليش من اقره موعد سفر قلبي يكوم يدك و احس اكو امل اكتب هيج موضوع بيوم من الايام انشاء الله اخي بس اذا ماكو زحمه عليك ممكن تكتب تفاصيل شوكت استلمت المغلف و اكون ممنونه منك

156
ابو منمن

شلون نسافر و منحجي غير اجيب مزيقه و اهرج المنتدى كله و انزل الموضوع مرتين مو بس مره

اخي والله الكابه هيه الي تخلي الواحد ما اله واهس بعدين هو اصلا ماكو جديد الواحد شنو يكتب

اتمنالك التوفيق اخي و اشكرك لان رفعت الجمعيه بعد ما كانت بالصفحه الثانيه او الثالثه

157
اخواني و اخواتي الاعزاء

اتمنى تكونون بخير
اول شي اني اعتذر على قله التواصل و المشاركه و مقصره والله اني بس بصراحه الكابه و الملل و القلق كلش نالوا مني و مع الوضع المؤسف بالعراق و الانفجارات و اهلنا هناك الواحد تزيد عنده الكابه فواهس ماكو الصراحه

الالم المنسى اني جدا اشكرك على مشاركاتك و توضيحاتك , حضورك متميز و يرفد الجمعيه بالمعلومات و التفسيرات المفيده , اخي العزيز انتظار النتيجه صارت عباره ما الها اي معني لان تعممت على كل الملفات على كولتك حتى الي محدديله موعد سفر بس هيج احسن مما ندوخ و ندوخهم

اخ عمر كلمه هولد انلغت من الموقع و استبدلوها بعباره انتظار النتيجه و هيه عباره مبهمه ما تنطي اي تصور لحاله الملف

اخ جاك بلاك الله يساعدك والله صارلك هوايه تنتظر لان اني من المتابعين لاخبار القدامى و اعرف انت واحد منهم الله يسهل عليك اخي العزيز و انشاء الله الفرج قريب

اخ كريس المحلفين اتصور هاي غلط منهم لان انت نفس وجبتي مال المحلفين و بالنسبه للفحص الطبي لا يظل بالك لان صار اكسباير يصير فارغ بعد كم يوم تشوفه ان بروسس يعني المفروض تنتظر يحددولك موعد ثاني للفحص الطبي و اتمنالك كل التوفيق

اخي العزيز ابو ارا كلامك كله صحيح و اني متفقه وياك بلي تكوله اتمنالك كل التوفيق اخي الكريم

اختي العزيزه ميمي انشاء الله يا رب سنه 2012 تكون احسن و رب العالمين يحقق اماني العراقيين و يفرجها عليهم و الله يحفظ العراقيين بالعراق و يحميهم

اخ دزمند الاخ ابو ارا كان يقصد جماعه الكومبليت همه الي محصلين على موافقه المحلف يعني جماعه يوم السبت ميقصد الموافقه الصريحه يعني بمعناها انه بدون تجييكات امنيه

اختي العزيزه نوسه اني اتفق وياج الانتظار متعب و الشعور بعدم الاستقرار مزعج بس اختي العزيزه انتي اذا مقدمه من العراق فانتي مخسرانه شي يعني انتي اول و تالي كاعده بالعراق امشي وياهم و انشاء الله تفرج قريبا

اخي العزيز نوفا و دارك انجل تره الموقع محشش اني اكول التجييك الامني فعلا مكتمل بس همه ميخلوه يصير مكتمل اله يحددون موعد سفر حتى لحد لا ينق فوك راسهم انشاء الله قريبا تبشرونا بموعد سفر اتمنالكم كل الموفقيه

مرحبا بيك ابو ديانا و نورت الجمعيه

اخ كمال اشكرك على مرورك و تواصلك بالجمعيه




158
الف مبروك اخ نوفا و انشاء الله قريبا تبشرنا بموعد سفر والله فرحتلك لان شغلتك جانت تقهر الامنيه خلصانه و باقي على اعاده النظر بالملف و اني كتلك انشاء الله قريبا ينطوك موافقه شكرا لان شاركتنا فرحتك و اتمنالك الموفقيه

159
اويلي شيخلصه اليوكع بيدكم  ;D

بس صدك عاشت ايدج ههههههههههههههههههههههههه

زين القمر الصناعي اكو بيه مقاعد للبزازين لو لا لان عندي بزونه جايه ويايه لاميركا و اريدلها مقعد منفصل

160
اخ كمال ما مستعجلين والله بس رح تتلف الثمار بالشجره و احنه بعدنا ما قاطفيها  :) اتمنالك كل الخير اخي العزيز و اني جدا اشكرك على مشاركاتك المتميزه

اخ علاء اكو شغلات مو منطقيه وواضح انها اخطاء مطبعيه او اخطاء فرديه من موظف يعني في مثل حالتك المعلومات كلش متضاربه فاتوقع حاله السفر خطا و انشاء الله تخلص كل المقابلات و يجيك موعد سفر باسرع مما تتوقع و الله يسهلك اخي العزيز و اعتذر منك على التاخر بالرد

الالم المنسى كلام منطقي و اني و الاخت تقوى مقتنعين بهاي النظريه و عاشت ايدك و بارك الله بيك و اشكرك على مرورك نورت الجمعيه

تقوى الله فعلا كل امورنا بيد رب العباد و نعم بالله عاشت ايدج لخصتي الموضوع و كل النقاشات بكم سطر يعني انطيتينا الزبده اتفق وياج اختي العزيزه ميه بالميه و على كولتج هاي العباره هوايه مريحه اكثر من عباره هولد اني تفاءلت بيها و انشاء الله خير

اخ كاتالوني كلنا مسلمين امورنا بيد رب العالمين هو ادرى بمصلحتنا انت بس فكر بهذا الشي و انشاء الله ترتاح نفسيا و ميبقى اي خوف عندك

اخ نوفا حضرتك من مستلمي الظرف يوم الاثنين و لذلك كل جماعه الاثنين مكتوب ان بروسس و اخي انشاء الله مادام التجييكات الامنيه مالتك خلصانه انشاء الله قريبا تحصل موافقه محلف ثاني و تسافر اتمنالك كل التوفيق اخي و كلامك نوعا ما يتضارب ويه تحليل الاخ دزمند لان انت محصل موافقه امنيه هسه ليش بعد ديريدون ينطوك موافقه صريحه حسب تفسير الاخ دزمند




161
اختي العزيزه تقوى الله اني اتفق وياج بالراي و ذكرت هذا الشي مسبقا باكثر من موضوع

لان في حين اميركا دتسوي جيك امني مضاعف تجي تنطي موافقات صريحه لعدد كبير من اللاجئين بدون تجييكات امنيه هذا تضارب
اميركا عدها سلامه و امن بلادها بالرقم واحد حتى لو اللاجئين العراقيين ينتظرون 20 سنه للوصول الى اميركا
بعدين حاله الملف هو حقل معلومات يخص الاجراء الي دتاخذه الاي او ام بالملف يعني لا يمكن ان يتحول معلومه تخص ال DHS
اخيرا و الي يخليني اشك يتحليلك اخي العزيز انه الي عدهم كومبليت على مقابله المحلف ليش عدهم بيندنك ريزلت يعني شنو ينتظرون اذا همه ما مشمولين باعاده النظر لاتخاذ قرار نهائي بملفهم
اصلا كلمه ريزلت بايميل المنظمه الكليشه مال الامنيه كلش مربوط ربط قوي بكلمه ريزلت الي بعد البيندك و الاخت تقوى انتبهت على هذا الشي مشكوره لدقه ملاحظتها

اخي الفراتي من متابعتي لجمعيه الاخ العزيز ابو ارا
حسب معلوماتي حضرتك متصلين بالكفيل مالتك و مسوي فحص طبي و اني اضمنلك انه انت تم مراجعه ملفك من قبل محلف ثاني و ماخذين قرار الموافقه انشاء الله و انتظر دوره تثقيفيه و موعد سفر فانت حاليا ما مشمول ضمن المؤجلين لان اصلا همه حتى فحص طبي ممخابريهم و لا اتصال بالكفيل


163
اخواني و اخواتي

هذا رد الي بموضوع الاخ العزيز دزمند على نفس موضوع البيندنك ريزلت و بما انه هنا بالجمعيه دناقش نفس الموضوع حبيت اعيده

Pending Result = Pending اقصد الاي او ام ممكن ضافوا كلمه ريزلت حتى متكون كلمه بيندنك وحدها ايضا مبهمه بس الملف الي كان هولد هسه هو بيندنك ريزلت مجرد تغيير عبارات لان مثل مكتلك كلمه هولد اصلا ما موجوده بالتفسير و هذي العباره تكون مفهومه اكثر يعني بانتظار ريزلت معين لاجراء الخطوه التاليه و الاخ كوبرا مشكور نزل التوضيح للكلمات المستعمله من قبل الاي او ام

فقره ان بروسس تكدر تشوف انه اكو تعميم على كل الي استلموا النتيجه يوم الاثنين و الي همه قيد الدراسه كما هو متعارف عليه معناها الملف تحت المعالجه او اتخاذ القرار من جماعه يوم الاثنين عرفنا معنى او المقصود ب ان بروسس و متاكدين منه

اخير شي اتمنى من الجميع التفاءل و انشاء الله رب العالمين يسهل على الكل و على ساعه تفرج على كل اعضاء عين كاوه و العراقيين اجمعين

164
اخ دزمند

Pending Result = Pending اقصد الاي او ام ممكن ضافوا كلمه ريزلت حتى متكون كلمه بيندنك وحدها ايضا مبهمه بس الملف الي كان هولد هسه هو بيندنك ريزلت مجرد تغيير عبارات لان مثل مكتلك كلمه هولد اصلا ما موجوده بالتفسير و هذي العباره تكون مفهومه اكثر يعني بانتظار ريزلت معين لاجراء الخطوه التاليه و الاخ كوبرا مشكور نزل التوضيح للكلمات المستعمله من قبل الاي او ام

فقره ان بروسس تكدر تشوف انه اكو تعميم على كل الي استلموا النتيجه يوم الاثنين و الي همه قيد الدراسه كما هو متعارف عليه معناها الملف تحت المعالجه او اتخاذ القرار من جماعه يوم الاثنين عرفنا معنى او المقصود ب ان بروسس و متاكدين منه


اخير شي اتمنى من الجميع التفاءل و انشاء الله رب العالمين يسهل على الكل و على ساعه تفرج على كل اعضاء عين كاوه و العراقيين اجمعين

165
اخ دزمند

اني اتصور البيندنك ريزلت اتغيرت بسبب كثره التساؤلات حول معنى كلمه هولد و الي هيه كلمه تعني تجميد و تثير مخاوف عند اصحاب الملفات و بما انه الكل يسال و يخابر او يبعث ايميل و يكول ليش اني هولد و اكو سبب و اني قلق و ثاني شي معنى كلمه هولد ما موجود اذا تجي لتفسير العبارات المستخدمه بالموقع فغيروا كلمه هولد الي بيندنك ريزلت لان كلمه بيندنك موجوده ضمن تفسير الكلمات المستخدمه بالموقع بس هيه نفس المعنى القديم

اما بالنسبه لمقابله المحلفين فجماعه التاجيل يوم الاثنين كلهم ان بروسس يعني بعد ما ماخذين قرار لان اصور ان بروسس بالنسبه للقرار مو مسوين المقابله او لا

بس شغله الجدد الي محصلين على موافقه محلف يعني الي مصارله كم شهر و محصل موافقه مبدئيه هاي شويه دوخه اتصور يا اما مصاير تحديث بالموقع او نسبه اخطاء بسيطه بالموقع و ما اريد استعجل و نحلل اكثر الى ان نشوف بعد ردود

سؤالي بس هو اكو جانت ملفاتهم هولد و بقت هولد لو كلمه هولد انشالت نهائي من الموقع و ملاحظه تره الموقع مدبفتح هسه و اكيد اكو عليه شغل فخلي ننتظر و نشوف

166
هلو دزمند اني احب تحليلاتك للامور و استنتاجاتك

اني جنت هولد و صرت بانتظار النتيجه مقابله المحلفين بقت كومبليت

مبصمه و مقابله محلفين نهايه ال5
استلام ظرف 24 -06

167
نفس الشي يمي متحوله من هولد الى انتظار النتيجه و الصراحه اني بالبدايه كلللش خفت بس من شفت العدد كبير اتصور مجرد تغيير بالعبارات استبدال كلمه هولد بعباره انتظار النتيجه

و اتمنى من كل الي شاركوا قبل بهذي الجمعيه ان يشاركون هسه حتى نعرف هل الحاله معممه على كل جماعه الهولد لو اكو نص و نص

اني مستلمه الظرف 25-6

مقابله محلف و تبصيم نهايه الخامس

168
نفس الشييييي

هم بانتظار النتيجه اتصور كلمه هولد استبدلوها بكلمتا اتظار النتيجه و خل نشوف اذا اكو احد بعده هولد معناها اكو فد تفسير يختلف لهاي العباره

169
اخي العزيز ابو ديانا ممكن تذكر تفاصيل اكثر يعني متى استلمت موافقه المحلف و هل حضرت دوره تثقيفيه او لا و هل اتصلوا بكفيلك او لا و اكون شاكره الك

مشكوره عزيزي ام الهنا للرفع و المشاركه بارك الله بيج اخي العزيزه و الله يسهلك امرك

اخي العزيز نوفا اذا الامنيه خلصانه فموظف الاي او ام بالتلفون يكدر يخبرك لان يظهر عنده هذا الشي و صارت اكو ناس اعرفهم اتصلوا و كلولهم هسه انتو بس تنتظرون سفر لان الامنيه خلصانه اني براءي اتصل بيهم على التلفون اسرع و اوضح

اخ بانجامين و اخ سرمد لعل الواحد من يشوف حاله حال الكل تهون عليه مشكلته و صدكني اخي نفس الشي ديصير ويايه و اني اكولك ويه الاغلبيه ما النا غير الدعاء و ربي يسهل امورنا و يكون اخر الضيق و الصبر الفرج

ابو حاتم متقبض منهم لا حق و لا باطل الله كريم اخي متضيك اله تفرج الله ارحم الراحمين

اخي العزيز كمال انشاء الله هاي الاوراق الخريفيه تجرفها الرياح و تحط باميركا حتى تكت طياره هم مندفع  ;)


170
شلونك ميسي

الفحص الطبي من صار اكسباير صار مكانه فارغ و بعد كم يوم صار ان بروسس و لحد الان

اتمنالك الموفقيه اخي العزيز

171
شلونكم جميعا

انشاء الله تكونون بخير

شنو اخر الاخبار و التطورات

مستر 122 شلونك اخي خابروك على اعاده الفحص لو بعد اني لحد الان متصلوا بيه صارله اكثر من اسبوعين من صاير اكسباير

يا رب الموفقيه للجميع

172
ابو حاتم لا اني مو كلش قديمه يعني صار 6 اشهر من استلمت موافقه المحلف و لم يتم الاتصال بالكفيل ابدا و اشكرك اخي العزيز على اجابتك و مشاركتك اتمنالك كل الموفقيه

زنوبببه شكرا للرفع و المساعده حبيبتي الله يوفقك

173
شكرا اخي Defa انشاء الله تفرج عليك و على كل المنتظرين مشكوره على مرورك

ام محمد عزيزتي يعني تقصدين الاي او ام بعد ما اتصلتي بيهم كالولكم انه همه اتصلوا بالكفيل و كان المفروض يروح يوقع الاوراق بس هو مراح , هاي طبعا مشكله كبيره بهيج حاله استفسري من الكفيل و شوفي اذا ما مستعد يستقبلكم حتى تغيرون الكفيل او تخليكم بدون كفيل شكرا اختي على مرورج و اتمنالك الفرج القريب العاجل

174
ههههههههههه تره هاي احسن طريقه نخلي الناس تجاوب على الاسئله ميسي ساعه بال3 اله ربع عندك كعده الصبح روح نام

175
اخ روك يعني انت مسوي خوش مغريات للاجابه على اسئلتك بالدعاء و لا وجماله هالايام تمشي المعامله و اني كلش محتاجه هالايام دفعه و رفعه للمعنويات

عيني رح احاول اجاوبك بلي اعرفه

السؤال الاول : ببغداد ماكو مده ثابته لاستلام نتيجه المحلف بس هيه تتراوح بين 40 الى 60 يوم و مرات 90 انتظر فد كم يوم بعد و راسلهم اذا كالولك ملفك تحت التجييك الامني اذن انشاء الله قبول

السؤال الثاني : الظرف هذا لجماعه عمان و ما اعرف بالنسبه لسوريا و مصر و تركيا بس جماعه عمان من يقابلون محلفين يحددون الاي او ام 3 ايام تتوزع بيها نتائج المحلفين طبعا يكونون رايحين المحلفين يوم السبت ينطون بيه الظروف للناس الي موافق عليهم المحلف و الاثنين للناس الي تكون قيد الدراسه يعني المحلف ممتخذ بيهم قرار و يحتاج يدرس قضيتهم محلف ثاني و يوم الثلاثاء للمرفوضين اسم الله على السامعين  :)

السؤال الثالث : الدوره النثقيفيه تنطي للكل و هيه تكون قبل السفر و مو بس لجماعه عمان حتى بالعراق بس اهل المحافظات ممكن يسامحوهم لان يعرفون المواصلات و الاقامه صعبه

السؤال الرابع : الرفص يكون يا اما من تستلم نتيجه المحلف او خلال ال6 اشهر الاولى بعد استلام النتيجه يعني بالتجييكات الامنيه و نادر يجي رفض بعد ال6 اشهر بس هم اكو نسبه و الله يبعد الرفض عن الجميع امين بجاه محمد و ال محمد

السؤال الخامس : الامنيه هيه تجييكات تصير على تاريخ الشخص و بصماته اذا لا سامح الله شافوا عنده بصمات جنائيه او اسمه موجود بقواءم ارهابيه او اي تجييك امني اذا ما عنده شي بعد التجييك يكولون الامنيه وصلت معناها التجييكات الامنيه نظيفه و ينتظر موعد سفر بعد

السؤال السادس : المده هاي بس يم الله علمها و كلمن و حظه اكو ناس سافرت ب 6 اشهر و اكو ناس ب 3 سنين و اكو كلشي متنحزر

اتمنى الموفقيه للجميع و اتمنى ان تكون لكيت الاجويه عن اسئلتك




176
الالم المنسي شكرا على مشاركتك بالموضوع انشاء الله يتصلون بكفيلك و يحددولك موعد سفر و الله يسهلك امين اتمنى اخي تبقى على تواصل ويانه بهذا الموضوع حتى نشوف اخر المستجدات

شكرا ميسي على مشاركتك اتمنالك الموفقيه اخي العزيز و خليت عندي تفاؤل و امل يتصلون بالكفيل بنفس يوم السفر يعني هاي تكون قنبله الموسم

شكرا زنوبه والله يسهل على اهلك انشاء الله و يفرجها عليهم تسلمين اختي الغاليه

ام ابراهييييم عزيزتي و رفيقه دربي انشاء الله يتصلون بكفيلك و يحددولك موعد سفر و الله يسهللكم اختي العزيزه نبقى على تواصل ام ابراهيم

اخواني و اخواتي اني قبل 3 ايام دزيت رساله للاي او ام استفسر عن هذا الموضوع و اليكم الجواب

Thank you for your email.

 Please be informed that many steps precedes contacting your sponsor, please rest assured that your sponsor will be contacted once your case is ready.

 Thank you for understanding,

Kind Regards,

 IOM Info Center

اتمنى نبقى على تواصل اخواني و اخواتي

177
الف مبروك اخ سكاي انشاء الله السفر القريب العاجل عاشت ايدك على هاي الاخبار الي ترفع المعنويات


178
اشكرك مره ثانيه ام الهنا

اختي العزيزه زينب والله انتي ورده و داءما موجوده حتى ترفعين من معنويات الاعضاء و تساعديهم و اشكرك على كلامك الجميل و انشاء الله مثل ما كلتي على السنه الجديده يصير خير يا رب ..... موفقه اخي العزيزه

179
مشكور اخي العزيز ابو رحمه على اضافه تفاصيلك للجدول

اخي العزيز يا روحي اذا ممكن يا ريت تنطينا تفاصيل اضافيه يعني شوكت استلمت موافقه المحلف و هل متصلين بكفيلك و هل حاضر دوره تثقيفيه او لا و اكون شاكره الك

180
شكرا جزيلا ام الهنا طبعا رفعتي من معنوياتي اني جدا اشكرك على مرورج و مشاركتك و ماكو بيناتنا روابط  ;) على الثقه

يا روحي اني هم اتوقع ممكن يكون سبب التاخير بالاتصال بالكفيل الثاني هو تغيير الولايه بس مو المفروض اني استشاريت الاي او ام و كالو ماكو اي تاخير رح يصير , شكرا اخي على مرورك و اني جدا ممنونه منك

181
اخواني و اخواتي الاعزاء

اني من مستلمي الظرف يوم السبت 25-06-2011 بس لحد الان ما متصلين بكفيلي و بصراحه موضوع الاتصال بالكفيل شاغل تفكيري يمكن اكثر من الامنيه لان احسه خطوه يجب ان تسبق الامنيه فمعناها شغلتي كلش طويله

علما انه اني غيرت الولايه بعد تقريبا 3 اشهر و نص من استلام الظرف لان جانت فرجينيا و كفيلي كالي تره كلللش قليل ديستقبلون لاجئين هنا فاني غيرت الى نورث كارولاينا بس قبل ما اغير الولايه راسلت الاي او ام و كالو ابدا مياخر معاملتج تغيير الولايه

اريد اشوف طبيعي كل هالوكت ممخابرين الكفيل اشو اشوف النسبه كلش قليله اغلب المقدمين خلال 3 اشهر يخابرون كفيلهم

انتظر ردودكم رجاءا

182
اخ احمد طبعا هنا كلها تخمينات حاله الملف جانت اكتف لان انت المفروض جنت هستوك مكمل مقابله محلف و بانتظار نتيجه مقابله المحلف الثانيه بعد مفات شهر و نص اتصور هسه انت بانتظار موعد سفر او تجييكات امنيه فحاليا ملفك هولد لان الاي او ام كلشي متكدر تسويلك او مأجله موضوع سفرك بعد اعياد الكرسمس

النسيم المهاجر يعني انت اكيد مقابله المحلف و الفحص الطبي صاير اكسباير فيكون فارغ يعني تنتظر اعاده لمقابله المحلفين و الفحص الطبي و انشاء الله ما بقالك شي بس يحددولك موعد بعدها بوقت قصير يجيك موعد سفر

اخ رايان الله يساعدك ارسل الهم مناشدات بلكت على الجيه التاليه بالواحد يحددولك موعد مقابله محلف بس لان اكو هوايه اعداد دتسوي مقابله محلف اول مره و كذلك ديعيدون هوايه فديصير تاخير كبير انشاء الله الفرج قريب

اخ كرس ليش متراسلهم تستفسر عن الموضوع حتى ترتاح نفسيا لان فارغ يعني اعاده المفروض و موفق انشاء الله

اختي العزيزه تقوى الله اشكرك على سلامج الجميل الله يسهلك امورك و يعجل بموضوع سفرك و ييسرلك الطريق الي بيه صالح لكي و للعائله اختي العزيزه اني هم اعرف ناس مسويه احرف صغيره و عادي المعلومات صحيحه فاتصور مو شرط احرف كبيره و موفقه اختي الغاليه

اخ كمال كلامك جدا صحيح و نعم بالله اكيد الي يفكر بهذا الشكل يرتاح نفسيا و يحس الافضل هو الي رح يصير سواء بالسفر او عدم السفر بس المشكله مرات الواحد هم يوصل مراحل يأس و اكيد الشغله مو اراديه تحياتي اخي العزيز و اشكرك على كلامك المطمئن

اخ كوبرا الاخ رايان صارله اربع شهور من صايره مقابلته اكسباير بس هو مسوي المقابله اتصور من قبل سنه و سبع شهور و اذا غلطانه اتمنى يصححلي المعلومات علما انه هو مقدم كان من بغداد


183
السلام عليكم جميعا

اخ علاء راسلهم و احجيلهم على المشكله بلكت يدزولك باسوورد تكدر تدخل بيه للموقع و تشوف حاله الملف و شي ثاني انت دتجيك بالسبام لان تره ايميل التفعيل يجي على السبام مو للانبوكس

اخ احمد القضيه و ما بيها على الاكثر رح يعيدولك مقابله المحلف و بما انه المحلفين راحوا و ماكو هسه جدوله فصرت هولد اتوقع من تنحط على جدول لاعاده المقابله رح تصير خانه مقابله المحلفين فارغه و ممكن يصير ملفك اكتف

اخ عمر اسمك موجود مسبقا بالجدول كلت بلكت صاير تغيير و تكون اول واحد يبشرنا و نشيلك من الجدول

اخ كمال اتفق ويه الاخ نوفا اني نفس الشي الفحص الطبي صار عندي اكسباير فصار مكانه فارغ هسه مكتوب يمه ان بروسس يعني رح يحطوني على الجدوله فالمفروض نفس الشي بالنسبه الك اتصور الي ميحضر يكتبوله No show

اتمنى للجميع الموفقيه

184
اسراء زين ليش مترجعين للعراق تبقين ست اشهر تسويلج روحه قصيره لاميركا و ترجعين للعراق


185
اخت نوسه تم نعديل معلومات الدوره التثقيفيه

اخي المهندس تم اضافه اسمك للجدول و تدلل

اخي نوفا يعني هاي حاله جدا نادره و غريبه يعني من الامنيه خلصانه ليش متصير حاله السفر بيندنك ابقى داءما جيك الموقع اتوقع بعد فتره قصيره تصير اكتف لان لازم يهيؤك للسفر انشاء الله موفق اخي العزيز

186
اخي العزيز الرساله مال التفعيل متجي للانبوكس افتح السبام و دور بالتواريخ القريبه من التاريخ  الي اجتك بيه رساله انه رح يتم تفعيل حسابك و اني متاكده رح تلكي رساله التفعيل لان اني صار ويايه نفس الشي بعد 3 ايام لكيتها بالسبام

187
اني الاتصال بالكفيل مسويلي عقده نفسيه

صارلي 6 اشهر من مستلمه الظرف و ما متصلين بالكفيل ادري اكو هوايه موقع كفيلهم من زمان و بعدهم بس يعني الواحد شويه يرتاح نفسيا يخلص ربع خطوه

188
فعلا مفتقدين اختنا اريج الراوي انشاء الله يكون المانع خير

189
اخي العزيز اذا مدازيلك رساله بيها لنك التفعيل ما ممكن يفتح عندك الموقع شوف الرساله بالسبام هيه متوصل مرات للانبوكس


190
اخي العزيز تحت شرح مسبق الي لاحد الاخوان سال نفس سؤالك اتمنى ان يفيدك

اخ احمد شكرا اولا على دعاءك و الك مثله اخي العزيز ولا يهمك انشاء الله نكدر نساعدك و اسفه على تاخري بالرد
اخي العزيز اولا الموقع هو https://www.jordan.iom.int/refinfo/Login.aspx
اولا رح تشوف كلمه تسجيل على يسار الشاشه تضغط عليها
بعدين رح تطلعلك حقول فارغه تمليها
رقم الملف يكون كالاتي اولا الرمز يعني اذا حضرتك مقدم من عمان تكتب JO اذا من مصر EG اذا من العراق IZ بعدين تحط  -  الي هيه شارحه بعدين رقم الفايل مالتك الي متكون م سته ارقام اكيد حضرتك تعرفه طبعا بدون مسافه ابدا
الاسم الاول كما مكتوب بالجواز و كذلك اسم العائله او اللقب
كلمه السر هيه ما الها اي علاقه بكلمه سر الايميل اي كلمه انت تختارها لكن بشروط اول شي لازم تحوي على اي رقم مثلا 3 و حرف واحد كبير مثلا T و رمز واحد مثلا $ و الباقي احرف عاديه على ان يكون المجموع 10 يعني مثلا اعطيك مثال كلمه سر Ahmedaio@2 
اخيرا تكتب الايميل المعتمد بالمراسلات مع الاي او ام و تضغط على Register او تسجيل

191
اخي ريد هات تم اضافه اسمك للجدول و اتمنالك الموفقيه و انشاء الله قريبا تسمع خبر يفرحك و نشيل اسمك من الجدول

اخي كمال مبروك لصديقك و انشاء الله يوم الالك و نودعك من خلال الجمعيه و يكون اخر صبرك و انتظارج الفرج و شكرا على نقل الخبر لان يبعث على التفاءل موفق اخي العزيز

اخ احمد شكرا اولا على دعاءك و الك مثله اخي العزيز ولا يهمك انشاء الله نكدر نساعدك و اسفه على تاخري بالرد
اخي العزيز اولا الموقع هو https://www.jordan.iom.int/refinfo/Login.aspx
اولا رح تشوف كلمه تسجيل على يسار الشاشه تضغط عليها
بعدين رح تطلعلك حقول فارغه تمليها
رقم الملف يكون كالاتي اولا الرمز يعني اذا حضرتك مقدم من عمان تكتب JO اذا من مصر EG اذا من العراق IZ بعدين تحط  -  الي هيه شارحه بعدين رقم الفايل مالتك الي متكون م سته ارقام اكيد حضرتك تعرفه طبعا بدون مسافه ابدا
الاسم الاول كما مكتوب بالجواز و كذلك اسم العائله او اللقب
كلمه السر هيه ما الها اي علاقه بكلمه سر الايميل اي كلمه انت تختارها لكن بشروط اول شي لازم تحوي على اي رقم مثلا 3 و حرف واحد كبير مثلا T و رمز واحد مثلا $ و الباقي احرف عاديه على ان يكون المجموع 10 يعني مثلا اعطيك مثال كلمه سر Ahmedaio@2  
اخيرا تكتب الايميل المعتمد بالمراسلات مع الاي او ام و تضغط على Register او تسجيل

اخي العزيز دريمي جاف هذا الرقم الي يبدي ب 3 اصفار هو رقم غير صحيح و غير موجود اصلا يكون رقم وهمي تخليه شركات محليه تتعاقد مع شركات لاجراء اتصالات دوليه ما اريد ادوخك بالموضوع المهم الشغله يسموها Sim Box  و الاردن اتصور متجاوزين هاي المشكله ويه اتصالات العراق خصوصا مع شركه زين ممكن شركه اسيا تظهر لك هاي الشغله مع الاردن يعني اذا رقمك اسيا سيل ممكن يكونون الاي او ام بس اذا زين ما اتوقع الاي او ام لان جان ظهر الرقم الحقيقي و مع ذلك اخي دزلهم ايميل و اذا اكو شغله ضروريه انشاء الله يرجعون يخابروك و لا تفكر بالموضوع انشاء الله خير

اخت نوسه الله يساعدج فتره انتضار طويله جدا انشاء الله تفرج عنكم قريبا بس يعني انتي صارلج اكثر من سنه من قابلتي المحلف ؟دعواتنا الصادقه ان رب العالمين يسهل امر المنتظرين القدامى و يفرج عنهم انشاء الله اختي العزيزه تفرحينا باخبار حلوه قريبا و تفرج عليج و تجتمعين مع ابنك , تم اضافه اسمك للجدول بس اني افترضت انتي ماخذه دوره تثقيفيه

اخي ابن العراق اولا بالعكس اني مدا اسوي شي و احنا كلنا واحد يحتاج الثاني و نتبادل المعلومات و الافكار و حتى المواساه شكرا على دعاءك لي هذا من طيبتك الاخ وندتوكر وضحلك مشكور اخي العزيز الفحص الطبي ان بروسس لا يعني انه فعال الفعال يعني من ينكتب كومبليت او مكتمل ان بروسس اتصور من تكون الخطوه التاليه تتطلب فحص يكتبوه ان بروسس و شغله مقابله المحلفين غير فعال ما اريد احبط معنوياتك يعني معناها مو على هاي الجيه بلكت انشاء الله على الجيه الثانيه اخي و صدكني ادري الانتظار قاتل لان اني مريت بكل هاي المراحل بس انت لازم تنسى الموضوع و هو انشاء الله يجيك و انت ما متوقعه دزلهم ايميلات و مناشدات و اكثر شي قبل الجيه التاليه مال المحلفين بلكت يخلوك على الجدوله موفق اخي العزيز

اخر تحديث للجدول مرفق



192
هههههههه اخي والله انت مبدع يعني صورت الفيزه بطريقه بحيث مباشره الواحد يرسم السيناربو بخياله و طبعا بطريقه حلوه و مضحكه بنفس الوقت

انشاء الله ما بقه شي على مشوار الفيزه و تستقبلها بالورود

موفق اخي و نسمع اخبارك الطيبه انشاء الله قريبا

193
Basharona اخي العزيز تم تحديث معلوماتك حول الدوره التثقيفيه و انشاء الله تبشرنا باخبار حلوه قريبا و تصير اسم على مسمى  :D

اخي العزيز دريمي جاف اهلا و سهلا بيك بين خواتك و اخوانك و تنور الجمعيه , تم اضافه اسمك للجدول و حقك والله التلفون يفزز من يدك قبل ال12 الظهر اني اخذلي صفنه شويه اجمع حتى ما اسده بوجهم انشاء الله اذا الاي او ام يرجعون يتصلون بيك قريبا و لا تشيل هم

احلى دنيا حبيبتي مو القنفه مالتج مو مريحه ينراد قنفه من هاي التغليف من استقبال تشتريها و حتى انصحج بالي تصير فراش هم لان ذوله الاي او ام ما عدهم غير المغذيات  ;) عزيزتي اتمنالج السفر القريب العاجل و الله يسهللكم و تسمعينا اخبار حلوه و تكونين اول الي متحول ملفهم  من حاله الهولد للاكتف

ابن العراق اخي العزيز البيندك نفس شي يعني ان بروسس يعني المفروض انت على جدوله مقابله المحلفين انشاء الله هاي الجيه او بالزايد الي وراها و تقابل صدكني اخي شيلها من بالك و انساها هيه تجيك و موفق اخي العزيز

اخي العزيز engineermech اذا ممكن تكتب معلوماتك و تدلل اضيفك للجدول و اني اسفه اذا انت كاتبها بالجمعيه قبل يمكن ماكو تفاصيل عن الدوره التثقيفيه و الكفيل و استلام الظرف مشكور اخي و شكرا على مرورك

اخي ستيفن يعني معقوله ريحانه يكون صاحب الموضوع على العموم اخي اني اسفه لان شويه مشغوله و ما افتح نت اله متاخر بالليل اعذرني على تاخري بالرد عليك و مقصروا الاعضاء و جاوبتك اختنا الحلوه مشكوره اتمنالك الموفقيه

انشاء الله يتقلصون بالجدول شويه شويه الي ملفاتهم هولد و الكل تتحول الى اكتف و نسافر و نخلص
اتمنى الموفقيه للجميع و ارجوا منكم التواصل

الجدول المرفق بيه اخر تحديث




194
هاي اخر تحديث للجدول

اخ Basharona اني افترضت من يمي انه انت ما ماخذ الدوره التثقيفيه لان ما ذاكر شي عنه
ا
اخواني و اخواتي الاعزاء اي تغيير يصير بحاله الملف بلكت تكتبون بالجمعيه حتى نتفاءل شويه و نشوف شنو الشي الي ديغير حاله الملف


195
Basharona  انشاء الله يتحول ملفك الى اكتف قريبا و ينطوك موعد سفر بالقريب العاجل و رح اضيف اسمك للجدول انشاء الله تبشرنا بتغيير ايجابي و نشيلك من جدول الهولد

اخي ابن العراق يم مقابله المحلفين شنو مكتوب فارغ لو ان بروسس لو شنو و انشاء الله يخابروك قريبا على المقابله همه ينرادلهم خلك و صبر انسى الموضوع و هسه يجيك التلفون انشاء الله

احلى دنيا يمعوده هاي ليهسه كاعده على المصطبه تتفرجين على الي ديسافرون شوكت تنزلين صوره كاعده بالطياره   :),,, اختي العزيزه انشاء الله قريبا نسمع  اخبارج الطيبه و تبشرينه بموعد سفر و شكرا على مرورج نورتي الجمعيه

196
والله لو يخلوها اكثر من ايام يا ابو منمن احسن حتى لا يصير اكسباير مره لخ و نعيد مره ثالثه خو من تجي الامنيه يسوون الفحص الطبي


مستر 122 خابروك لو بعد علمود تعيد الفحص

يا رب تهل بشاير خير و نسمع اخبار تفرح قبل لا تخلص هاي السنه تمنياتي لكل اعضاء الجمعيه بالموفقيه

197
مكان الفحص الطبي صار فارغ ننتظر تلفون نعيد الفحص الطبي


198
اخ كمال ماكو داعي تضوج بالعكس احسن مما تكون ماكو اي حركه على الملف انشاء الله الفرج قريب و تسافر لان الاغلب بعد مقابله المحلف الثانيه بفتره قصيره يسافرون لان صدك كافي و انتظرتوا بما فيه الكفايه

اخ عمر شكرا على الدعاء الجميل

اخت ميمي شكرا على المشاركه و الرفع

دارك انجل شكرا للرفع

يا رب الموفقيه للجميع

199
شلونكم اعضاء جمعيتنا انشاء الله تكونون بخير و نسمع الاخبار الحلوه بالتدريج تهل على كل مستلمين الظرف يوم 25 -6

اخ سكاي شكرا جزيلا على كل التفاصيل و يا رب ينطوك خط رحله و تفرحنا و هم تبعث بينا الامل

اخي ابو منمن معناها انت تحت التجييك الامني الروتيني

موفقين الكل انشاء الله

200
اخي العزيز

مثل متفضلت الاخت ريم ماكو اي مشكله حاليا همه دزولك الايميل اعلاه يكولولك لقد تم اضافه المستمسكات الى بعثتها الى ملفك و سوف يتم الاتصال بك في حال وجود اي تطور

انطيها فد شهر زمان و راسلهم هسه يكولولك قضيتك ماشيه و هذا الاي زي نمبر مالتك و ينطوك اياه

موفق اخي

201
اخ الن بس هذا اجراء جديد اني سويت البصمه بيوم مقابله المحلف
بس اتصور حتى يستغلون وكت لان هسه هوايه يستلمون موافقه المحلف ويه الامنيه خصوصا اذا كان بين المقابله الاولى و مقابله المحلف كم شهر

202
اخ كمال

عندك اعاده مقابله محلفين و فحص طبي اكسباير على يساعدك على طول الانتظار و انشاء الله الفرج قريب جدا

203
اخي العزيز عمر اني الي اشكرك على مشاركتك و تواصلك بالجمعيه موفق اخي العزيز

204
الموقع شغال حاليا و على نفس الحاله لا تغيير

اخ كيتار لوف انشاء الله الايام القليله الجايه تتحول بيه حاله مقابله المحلفين الى كومبليت خلينا متفاءلين و نبتعد عن التشاؤم ممكن مديحدثون المعلومات سريعا و 3 اشهر مو بالوقت الطويل لا يظل بالك انشا الله خير و موفق اخي

اختي العزيزه عصفور النار يمكن اني غلطت بالرد السابق و كتبت اخي اسفه انشاء الله هذي المره موعد سفرك قريب و لا يتم تاجيله و تكتبيلنا من اميركا عن حياتك الجديده موفقه اختي العزيزه

205
مستر 122 يعني انتظر منهم تلفون بس شلون بعد شهر اني بعد كم يوم و يخلص الفحص الطبي والله ما عندي واهس اروح و افحص وجماله الطبيبه الي بالمستشفى كالتلي هاي اول مره تجين كتلها و انشاء الله اخر مره كالتلي اشك كتلها لا عفيه لا تفاوليلي, حتشوفني مره لخ و تكولي ها شكتلج :'(

206
اخ كيتار لوف

اذا هو فاحص طبي خل ينتظر فتره قصيره انشاء الله و يتم تحديث المعلومات الخاصه بالملف على الموقع و يصير كومبليت مقابله المحلفين ممكن يكونون بعد ممحدثين المعلومات لان مثل مكلت التحديث لا يمكن ان يكون باللحظه لكل الملفات

اخي المهندس الاخ دزمند مشكور جوابه منطقي و معقول و اني اعتقد هو الاقرب للواقع

اخي عصفور النار انشاء الله يعني حتصير عصفور باميركا  ;) هاي نادر جدا اكو هيج ملفات يمكن ما تتجاوز ال20 بالميه يعني امنيتك خلصانه و ديشتغلون على شغله سفرك انشاء الله لان حاله السفر من تكون نو اكتفيتي يعني الامنيه بعدها مخلصانه و الاي او ام ما عدها اي اجراء تتخذه بحق الملف فيكون هولد اما اذا تخلص الامنيه او تكون قريبه من المراحل النهائيه فيكون الملف اكتف لان الاي او ام لازم تهيئه للسفر و موفق انشاء الله

207
مستر 122 الحال من بعضو والله الكابه مفوله و متتخيل ما عندي واهس لاي شي بس اتعارك بالبيت بحيث زوجي يكول هاي هالنوبه سالفه جديده طلعت مال الويب سايت و طلعلنا هذا الهولد المصخم

ابن زيونه انشاء الله الفرج قريب هيه ينرادلها صبر انشاء الله و الامور تمشي لا تشيل هم اني اصلا حتى ما متصلين على كفيلي و مدا اعرف شنو سبب التاخير تقريبا الكل اتصلوا على كفلائهم

اختي العزيزه الحلوه مشكوره على هاي الاخبار الحلوه انشاء الله الايام القليله الجايه جايبتلنا اخبار مفرحه

اخ ميسي انشاء الله انت تكون اول من يبشرنا بخبر سفرك انت و العائله والله تستاهل كل خير

اخي العزيز ابو منمن طبيعي جدا اغلب جماعتنا من 25 -6 بعد ما مسوين دوره تثقيفيه ولا عايدين الفحص و حتى الفحص الطبي حاليا ميكون بعد سته اشهر بل مددوا المده الى 8 او 9 شهور و يتصلون عليك يطلبون منك الحضور لاعاده الفحص و ابدا لا تشك انت ممكن تكون تضر عائلتك او بنتك بهذا القرار انشاء الله يجي يوم و تكول الحمد لله من اخذت هيج خطوه و تشوف المستقبل الافضل الك و لعائلتك

208
اخ كيتار لوف

اذا الشخص ممقابل محلفين و يطلعله ان بروسيس معناها هو على جدول المقابلات و اذا مقابل و يطلع على الفحص الطبي ان بروسيس يعني موافقين عليه المحلفين و اذا هو اصلا مسوي فحص طبي قبل المقابله المفروض ينتظر الى ان يصير كومبليتيد مقابله المحلفين و يعني خلص المقابله و موافق عليه المحلف اتصور هيج يكون و بعد الله اعلم

209
اخ دمروني والله هيه المعلومات مخربطه بس اتصور بعدهم ما محدثيها يعني مثبتيها قبل ميسوون مقابله المحلفين و الفحص الطبي لان اكيد التحديث من قبل الاي او ام يصير بعد فتره مو بنفس اليوم هذا التفسير الوحيد

210
اختي العزيزه الحلوه انتي وجبتي مو تدللين انشاء الله اضيف اسمك للجدول و اتمنالك السفر القريب

اخي العزيز دمروني يعني ممكن تنطينا تفاصيل عن ملف صديقك يعني مسوي مقابله محلفين لو منتظر و مسوي فحص طبي او لا بغض النظر عن حاله السفر لان هاي اكيد خربطه

هاي اخر تحديث للجدول

211
اخ عادل اشلونك انشاء الله تكون بخير تحياتي الك اخي العزيز

تدللين اختي العزيزه ميمي مسوينا شي ربي يسهل اموركم و تفرج عليكم

انشاء الله اخي العزيز عمر و اني الي دا اشوفه اغلب الفايلات هيه هولد فمستحيل الهولد يعني شي غير طبيعي و بما انه اغلب الفايلات تحت التجييك الامني فخل نتامل كلامهم صحيح و مجرد مساله وقت

خجلتيني ام عمار بكلامك الحلو انشاء الله نسمع عنك كل خير و اشكرج

اخي المهندس انشاء الله يكون الكلام صحيح ماكو شي بعيد عن رب العالمين فد يوم الصبح يدك التلفون و يكولولك حضر روحك بعد اسبوعين سفرك

اخواني دا اشوف انشاء الله ماكو شي يستوجب القلق لان اغلب الفايلات هيه هولد و انشاء الله الكل تصير اكتف و تسافر

212
اخواتي العزيزات ام الهنا و بيوتفل انجل

اشكركم على موقفكم الجميل و تفهمكم

213
عيني كيلر واخ غسان

ليش العراقيين دايما يحبون يكابرون اول شي اخ كيلر ممكن تكون دبلوماسي اكثر و لبق اكثر بكلامك اني من كلت ذوله احسن من عدنا مجنت اقصد بالثقافه و الشهاده و الحضاره و هاي السوالف اني اقصد الحكومه مالته و جوازه و بلده احسن من عدنا بميه مره و مجان العراقيين كلهم كاعدين بالامارات متحملين الضيم مال التعب و الشغل و يوميه يروحلك سياقه ساعتين من الشارجه لدبي و يرجع ساعتين و كاعد ويه الهنود و ينزل بتيرمينال 2 بالمطار ويه الجيفه مال الباكستانيين و الهنود و مسويلك فضل منطيك فيزه يله كولي هسه يا اماراتي يعاملوه معامله النكره و مثل ما العراقي يروح للامارات و الاقامه حايرين بيها شلون يجددوها و اخاف يطردوه من الشغل و لازم يرجع و صارت بال2007 مو رجعوا كومه عراقيين كالولهم الله وياكم شفت شلون تفكيرك انت اني مهندس و اني امر و انهي و هذا التفكير المتعالي يخلي العراقيين ميتطورون يريد الكل بس الامر و الناهي من اكبر واحد لاصغر واحد  و منو كالك اني مو مهندسه يله شنو شهاده الهندسه حفظتلنا كرامتنا بالعراق و بره العراق لوما كاعدين كلنا نطلب لجوء حالنا حال افقر دول العالم من السودان و غيرها

اخ غسان انت مجرد تلاعبت بالعبارات يعني من يجي الاجنبي ياخذ راتب بالامارات عالي هذا مجاي على الفلوس و جاي بالحر و الرطوبه و اللعبان نفس ليش غير علمود فلوس الاماراتي و من جاي ينطي محاظرات مثلا بالجامعات او يشتغل طبيب بالمستشفى شنو مو ديخدم الامارات و اني عشت بالامارات و اعرف كل التفاصيل من دا احجي

اخ ابو مريم مثل ما ذكرت سابقا اني اقصد همه احسن من عدنا كمكانه و احترام لشخصهم و ما اظطر اي اماراتي ينذل علمود يحصل مكان يلفيه و يحفظله كرامته لان بلده مكدر يسويله هذا الشي اني مدا احجي على شخص الاماراتي نفسه و مقارنته مع العراقي

214
اذا المعدان عدهم بيت و راتب من الدوله و سياره و استقرار و جواز محترم و الدوله تحسبلي حساب و تريد راحتي و اكدر اروح بفلوسي اتعالج باحسن مستشفيات نيو يورك و اوروبا و كاعد معزز مكرم ابلدي يجي ابو الجواز الامريكي و الانكليزي و الكندي يخدمني علمود فلوسي والله شفايتلي اصير معيديه اماراتيه

لو دخل يجي معيدي مثل الشيخ زايد يحب الشعب و يحب يخدم البلد و يحكمنا و خل يصير براسنا خير المهم بكل الحالات ذوله المعدان احسن من عدنا ميه مره

215
انشاء الله اختي العزيزه فلونا رب العالمين اذا رايدنا نسافر اكيد كاتبلنه بيوم معين نسافر ننتظر لان اكيد بيه خير النا و اذا مكاتبلنا نسافر فاكيد هذا بيه صالح و نتقبل الامر لان رب العالمين اعلم بمصلحتنا فنوكل امورنا الى رب العباد و نعم بالله

216
بما انه اني عايشه بالاردن فاكولك الى ان تخلص فلوسي لو اتخبل رسمي انشاء الله الفرج القريب بحق نبينا محمد و ال بيت محمد يا الله

217
الف الف مبروك اخ سكاي هاي خطوه كلش مهمه بالوقت الحاضر لان انشاء الله يا رب تيشرنه بموعد السفر خلال الدوره مثل اخونه همر

اخي سؤال اذا ممكن شنو حاله الملف عندك بالويب سايت و حاله الامنيه و السفر حتى نشوف يعني اي حاله تكون قريبه من الاجراءات النهائيه

اشكرك على مشاركتنا هذا الخبر المفرح و يارب السفر القريب جدا موفق اخي العزيز

218
اخ يعسوب يعني شنسوي ما باليد حيله غير بس الدعاء غصبا ما على خشمنا نرضى و نسكت الله كريم من ساعه لساعه فرج انشاء الله

اخت ميمي اسفه على التاخير بالجواب لان اليومين الفاتت مكدرت افوت على الموقع و اشارك كلش جنت مشغوله اختي العزيزه ام عمار ما قصرت مشكوره انشاء الله معناها المحلف موافق و صاحب الكيس المؤجل على جدول الفحص الطبي

الننننننننن مستحيل هاي شدتحجي يمعود يا هولد اني كلت هسه تلكي الامنيه خلصانه و محددين موعد سفر اويلي شكلنا لازم نسوي سبات هالشتويه و ننام نومه اهل الكهف للشتا الجاي بلكت يجينا موعد سفر الله كريم اخويه لا تضوج من ساعه لساعه فرج موفق يا رب

ام عمار مشكوره على جوابج للاخت ميمي و ماكو داعي للاذن انتو اهل المنتدى و انشاء الله دايما سباقه لفعل الخير نورتي الموضوع و اتمنالك كل التوفيق

اخي العزيز المنتظر للابد اي والله هيه حياتنا كظيناها هولد احنه جيل الثمانينات انشاء الله اخي تفرج و ما تشد اله تفك ربك يفرجها و اكيد دعاءنا النا و لكل الاعضاء بالفرج القريب الله يسهل انشاء الله و شكرا على التعديل

اخي المهندس انت كنت مسوي مقابله محلفين بس مصار هوايه و هسه همه محدثين المعلومات مالتك و اشاء الله انت مقبول و هسه تحت التجييك الامني

اخواني و اخواتي الاعزاء اني دزيت رساله للاي او ام استفسر بيها عن سالفه الهولد و كتلهم اني كلش قلقه من الشغله لان غريبه و غير مفهومه خابروني اليوم و كالوا ماكو داعي ابدا للقلق الهولد يعني انتي على التجييكات الامنيه و الاكتف للي مخلص كلشي يعني امنيته خلصانه فانشاء الله خير و مجرد مساله وقت و الامور تمشي

هاي اخر تحديث للجدول



219
ام ابراهيم شلونج والله دا اريد اسال عليج كلت خل اشوف متصلين على الكفيل مالتكم لو لا لان احنه لحد الان ممتصلين و اني كلت خل اشوف منا لشهر ال2 انشاء الله اذا ماكو شي اوكل محامي حتى اكول سويت كل الي عليه الله كريم انشاء الله خير عزيزتي و تمشي الامور على غفله

ار ار يوسف شلونك شنو اخبارك مخابروكم على دوره تثقيفيه تره قليل من جماعتنا سافروا يعني بعد لازم نصبر شويه انشاء الله هانت و ما بقه شي بس الله يخليكم خلوا الجمعيه داءما اب لان كل ما اريد اكتب بالجمعيه اروح ادور عليها و تكب العجاجه و ما الكاها موفق اخي و نسمع اخبارك الطيبه انشاء الله

مستر 122 هاي وينك يمعود اني كلت طفرت حتى سالت ميسي عنك شخبارك  محد اتصل بكفيلك و شنو اخبار المعنويات

اخواني بس سؤال كل عضو بالجمعيه الملف مالته هولد خل يكول حتى نشوف عادي يعني هوايه هولد لو المفروض اكتف احنه

220
اخ عمر لقد تم اضافتك بالجدول بس حضرتك مذكرتلي اذا موقع كفيلك الاوراق او لا لذلك اني افترضت من يمي ما موقع و اذا كنت مخطئه ارجوا اخباري حتى اصحح المعلومات

اخ خالد الي افتهمته من الرساله انه الجهات الاميريكيه تخلي بعض الفايلات هولد يعني هذا الشي مو من الاي او ام و بصراحه من قريت الرساله الصبح لحد الان اني دايخه لان شكلها شغلتنا حييل تعبانه حتى همه ذاكرين انه لا تتوقع اكو مشكله بالملف بس هوايه ملفات تنحط على الهولد فما ارتاحيت لمضمون الرساله يعني هيه شغله مو عامه و انما تطبق على ملفات مختاره

اخ حيدر عيني هاي مقابله المحلفين صايره اكسباير و تحتاج تعيد المقابله هاي اقرب تفسير للحقل الفارغ

تمنياتي بالموفقيه للجميع

222
اخ عمر شكرا على مشاركتك شكله الفحص الطبي عندك صاير اكسباير و بعد ممحدديلك موعد لاعاده الفحص سؤال اخي بدون زحمه عليك انت شوكت مستلم الظرف و هل وقع كفيلك الاوراق و هل حضرت دوره تثقيفيه اكون شاكره لردك اذا ممكن حتى اضيف اسمك للجدول و نستفاد من معلوماتك

اخ سرمد اني الي اشكر مشاركتك بالجمعيه نعم اخي اني متابعه جمعيه المؤجلين للاخ العزيز ابو ارا و اعرف انت جماعه يوم الاثنين انشاء الله بس يتصلون بيك على موعد فحص طبي قريبا و تمشي معاملتك بسرعه و تسافر باقرب وقت رح اضيف اسمك اخي للجدول و اشكرك

اخ رعد مثل متفضل الاخ العزيز الن عندك اعاده محلفين و انشاء الله بعدها بمده قصيره يتم تحديد موعد سفر لك لان انت المفروض حتى امنيتك جايه من قبل انشاء الله تفرج عليك عن قريب و الله يساعدك على صبرك


ام الهنا هو الموقع مجرد دوخه راس جديده زين سويتي مسجلتي بس اني ما اتحمل مكدرت اغلس

و هذا اخر تحديث للجدول

223
امين يا رب و بارك الله فيك اخي العزيز

224
اخي الكريم

من رخصه الاخت ريم اختي العزيزه ممكن تكون مشغوله و مكدرت تفوت على المنتدى لان هيه متقصر بالمساعده

اي نعم اخي كلشي سويه بصيغه pdf

بالنسبه لطريقه الجواب انت بكيفك فوروورد او ريبلاي ميفرق بس بالريبلاي رح تضمن الرساله ترجع للعنوان الصحيح فافضل تستخدمه و تسوي Attach للبي دي اف فايل الي تريد ادزه و تبعثه على العنوان

مع كتابه ملاحظه بالاخير :- ارجوا التاكيد بايميل انكم استلمتوا كل المعلومات المطلوبه و لا يوجد نقص
حتى همه يرجعولك ايميل يكولولك هذا ايميل تاكيد بانه المعلومات كامله و ماكو نقص حتى ترتاح نفسيا

موفق اخي


225
ام السوس انتي تقصدين فارغه لو مفروشه لان تختلف

اذا مفروشه مستحيييل اقل من 300 و مو كلش نظيفه غرفتين نوم اني بقيت ادور والله مدا ابالغ 4 اشهر ارخص شي لكيت ب 350 لان 3 غرف نوم و نظيف و بمنطقه خدميه

ارضي بعد اغلي تصير
ممكن بعمان الشرقيه تلكين و هم اشك تكون نظيفه

226
 thank you so much , i think we can not come up with a conclusion from all you posted first because we know what is causing all the delay in the security checks (Kentacky thing and the new security check system) , everything is out of hands all we can do is stay optimistic , pray and keep our fingers crossed

227
اخي العزيز ابو ارا نورت الموضوع والله اشلونك اخي و شلون صحتك اني متابعه جمعيتك والله بس اعذرني مقصره بالسؤال عنكم

اخي اني تفاءلت من شفت الفحص الطبي ان بروسيس شي يبشر بخير انشاء الله

هو الهولد يعني الملف بيه تاخير معين اكيد مديمشي طبيعي لان الاكتف كاتبين معناها الملف ديمشي بشكل طبيعي بينما الهولد خلال اجراءات مختلفه و هاي عباره مبهمه بس معناها اكيد مديمشي بصوره طبيعيه

رح اضيفك اخي للجدول و مشكوره على مشاركتك

228
اخت مها

بدون زحمه عليج شوكت موعد استلام الظرف اذا من الاردن

و هل تم الاتصال بالكفيل او اعطاء موعد دوره تثقيفيه

مشكوره منج اختي العزيزه

229
انشاء الله ابو حاتم يعني خلوه على جدول المقابلات و اتصور يتصلون بيه عن قريب انشاء الله

230
اختي العزيزه

يعني انشاء الله موافق عليكم المحلف و المفروض انتي على جدول الفحص الطبي

231
اخ زعيم بدون زحمه عليك شوكت جانت مقابله المحلفين مالتك

و هاي اخر تحديث للجدول

232
اخ سعيد معذور و كلمن ينتظر سفر معذور لان فروا راسنا والله

اخي الاتصال هذا اجراء اولي يعني من يوقع يله المنظمه تبدي تحطك على السره بس تنتظر خبر من الاي او ام لتحديد يوم وصولك موفق اخي و انشاء الله السفر القريب

زعيم انت شوكت مستلم الظرف و شوكت سويت مقابله محلفين

اخت زهره احنه ما عدنا غير التفاءل و الدعاء و انشاء الله يطلع تخمينج صحيح و الله يفرجها علينا مشكوره اختي

233
اخ سعيد يعني كفيلك راح وقع الاوراق لو بس اتصوا بيه

و يعني هيه الهولد كلنا مو بس اتصال بالكفيل لان الدوره التثقيفيه هم لازم المنظمه تحددها الك

طبعا احنه دنحاول نوصل الى نتيجه بس هيه الشغله محيره و بس الله اليعلم شنو هذا الهولد

234
اعزائي الاعضاء هذا الجدول حسب اخر الاشتراكات بالجمعيه

مثل متشوفون الشغله واضحه الي ما متصلين بكفيلهم و الي يستحقون مقابله محلفين هذول الي ملفاتهم هولد يعني بعد كدامهم اجراءات بالنسبه للما متصلين بكفيلهم الازم الاي او ام ترتب ويه المنظمه الي تستقبل اللاجيء و تتصل بيها و بالنسبه للي يستحقون مقابله محلفين جديده المنظمه لازم تحطهم على جدول المقابلات يعني الحالتين الاي او ام لازم تسوي اجراء

الي ما متصلين بكفيلهم هم على الاغلب مجايه امنيتهم فالشغله هم الها علاقه بالامنيه


236
اخ الن انشاء الله يجيك موعد سفر قبل ما يتفعل الاكاونت هاي همه بالقسطني مديفعلوه يكولون متسوه هو اصلا رح يسافر قريبا ;D انشاء الله السفر القريب اخي

اشكر كل الي بعثوا معلوماتهم و مثل مدتشوفون بالجدول الي جايهم هولد و هاي السنه الكل ما متصلين بكفيلهم و لا مخابريهم على موعد دوره و على الاكثر معناها الامنيه مخلصانه

او الملف قديم و المقابلات قديمه ممكن صايره اكسباير فيحتاج يعيد المقابلات

انشاء الله التوفيق للجميع و انتظر بعد مشاركات منكم اخواني و اخواتي الاعزاء

اليكم نسخه محدثه للجدول ممكن تطلعون عليها

237
اخ عادل تم التحديث على الجدول و شكرا على معلوماتك

238
مشكور اخ DEFA عاشت ايدك على التحديث كل الحقول نفس الشي بين الملفين

اتمنالك الموفقيه

239
اخواني و اخواتي الاعزاء

اذا تحبون اني ادخل المعلومات بدون زحمه تزويدي بالمعلومات ادناه

حاله الملف
مقابله اولى
مقابله محلفين
تاريخ استلام الظرف
الفحص الطبي
حاله الامنيه
حاله السفر
الاتصال بالكفيل
الدوره التثقيفيه

و ممنونه منكم

240
اخواني و اخواتي

اذا ممكن تدرجون معلومات ملفكم بالجدول المرفق حتى نسوي مقارنه و نشوف الاشياء المشتركه و حتى نبقى على تواصل و نشوف اذا حاله اي ملف تتغير اي حقل من الحقول استجد عسى و لعل شويه تطمئن نفوسنا اشو اني ممرتاحه لهذا الهولد دا احسه بنج ابو ال6 اشهر

اشكر تعاونكم

241
اخواني و اخواتي

بالنسبه للخلط الي صاير بالسايت اتصور هو بكلمه HOLD يعني صحيح هو ما موجود بتفسير الCase status بس اذا نجي على الترجمه العربيه فالكلمه موجوده و هيه (معلقه) و شارحين معنى المعلقه انه يعني ديمر باجراءات مختلفه للاي او ام

يعني هذا الهولد المفروض شي يخص الاي او ام مو من اميركا مجرد اتصور منطين الاولويه لملفات غيرنا ممكن لعده اسباب يجوز ناس عدهم اقامه او ما مشتركين ببرنامج الباحثه الاجتماعيه او هيج شي هذا الي اتصوره و الله اعلم احنه عدنا اقامه تتصورون ممكن يكون هذا السبب

242
اخت زهره شكرا على مرورج و رفعج لمعنوياتنا

خل نتفاءل بكلمه هولد و الله كريم

شكرا اختي العزيزه

243
والله ما اعرف يا اخواني و اخواتي

بس اكيد احنه سفرنا شويه يتاخر اكثر لان بدليل حاله السفر غير فعال يعني مو انتظار و السبب يكون اكو اجراءات اضافيه على الملف مو شرط الي ذكرتهم سابقا

اخواني و اخواتي ارجوا منكم تبقون على تواصل و خصوصا الي يصير اي تحديث على حاله الكيس مالته يعني يتحول الى اكتف

اني رح احاول اسوي جدول بالمشاركين بالموضوع و اكتب حاله كل ملف من فحص طبي الى اتصال بالكفيل الى تاريخ استلام الظرف و كل التفاصيل و اي تحديث يصير نخليه على الجدول و الله يوفق الجميع

244
حبيبتي زنوبه ولا يهمج و لا تضوجين و لا تنقهرين

فدوه الفلوس تروح و تجي انشاء الله رب العالمين يعوضج باضعافها ليش متخلين اخوانك يقدمون على فيزه زياره لاميركا ما اعرف اذا هذا الشي ممكن او لا لان اني بعدني بالاردن

و الله يوفقج يا ورده

245
اخواني و اخواتي

بصريح العباره الي هولد يعني بعد وراها اكثر من خطوه للسفر و شغلته مطوله اكثر من جماعه الاكتف

مثل ما كتلكم الاكتف هم السابقون و نحن اللاحقون

و يكون هنالك اكثر من سبب للهولد اما عدم الاتصال بالكفيل او بعد مخاليه على جدول مقابلات او ما متصلين بالمنظمه اذا ما عنده كفيل او اجراءاته الامنيه بعدها بالبدايه او المفروض يعيد مقابله محلف

هذي القواسم المشتركه بين جماعه الهولد و انشاء الله اي واحد تتحول حاله الكيس مالته الى اكتف رح يشوف وحده من هذي الاسباب قد تم انجازها خلال الفتره بين تحويل حاله الملف من هولد الى اكتف


246
اخ علي اكيد الموقع لازم بيه اخطاء مثل ما ايميلاتهم بيها اخطاء بس هم يبقى الواحد ممرتاح من يشوف هولد

ابو حاتم اني اتفق ويه الاخ دزمند بانه الهولد هو انه المنظمه لم تكمل كل ما هو مطلوب منها بالنسبه للملف لان بالشرح مكتوب هيج يعني حاله الكيس هو تفسير للاجراءات المنفذه من  الاي او ام فمن يكون هولد يعني همه المفروض يخطون خطوه للملف مثل اتصال بالمنظمه او طلب من المنظمه الاتصال بالكفيل او هيج شي طبعا كلا حسب مرحلته اني احجي على المخلصين كلشي اما مثلا الي ينتظر محلفين و عليه هولد يعني محاطيه على الجدول هذا تحليل شخصي ممكن يكون صح او غلط اتمنالك السفر السريع اخي و موفق

اخت تقوى اني حاله الملف تماما مثل حاله الملف مالتج و اني اتوقع يعني الي حاله الكيس مالته اكتف معناها ديحضروه للسفر و نحن اللاحقون انشاء الله شكرا اختي العزيزه على مشاركتج

his ننتظر جواب المنظمه و انشاء الله خير

اخ بانجامين شكرا الك و على مشاركتك اخي اني حاله ملفي نفس الشي بالضبط و مثل مكلت اتوقع انه جماعه الاكتف يكون سفرهم اسرع لان الاي او ام مخلصه كل الي عليها بانتظار يحطون الملف على جدول السفر و احنه شغلتنا اشويه اطول اكثر لان اكو اجراءات ناقصه من قبل المنظه بخصوص ملفنا يعني بالنسبه الك ممكن يكون الاتصال بمنظمه تتكفل باستقبالك و الله اعلم موفق اخي و مشكور على المشاركه

اخ صالح ممكن سؤال بدون زحمه حضرتك متصلين بالكفيل مالتك او لا و شوكت حضرتك مستلم الظرف و اكون ممنونه منك

رايان مستحيل يعني اني متابعه معاناتك على المنتدى و عبالي سافرت الله يساعدك اخي بس انشاء الله خير اخي انت عندك اعاده مقابله محلفين او لا  ؟ الله يصبرك اخي و يفرجها عليك

اخ بيبو نفس حاله الملف عندي و هوايه ملفات غيرنا و سؤال بدون زحمه متصلين بكفيلك او لا و شوكت محصل موافقه المحلف مشكوره اخي على مشاركتك

اخ دزمند اتفق وياك مليون بالميه لذلك اني اكول احتمال السبب ما متصلين بالكفيل يعني مكملانه الاجراءات الي ممكن ان يتم تنفيذها من قبل الاي او ام و ليس الدوائر الامنيه باميركا مشكوره منك اخي على مشاركتك



247
اخ ايهم شلونك انت مشفتني بس شفت الهولد و كبل على عينكاوا و موضوع جديد خرط عندي السوك راسا  ;D

248
ابو حاتم مشكوره على مشاركتك

اول شي الله يساعدكم مده طويله كلش انتظرت انشاء الله يتعوص صبرك و تخلص و تستقرون

اخي الكريم بعد مقابله المحلفين الثانيه اتصور المفروض يرجعون يتصلون بالكفيل لان صار مده طويله من اتصلوا بيه بعد مقابله المحلفين الاولى , هل تم الاتصال بالكفيل مره ثانيه ؟
شكرا الك مره ثانيه

249
اخواني و اخواتي

حبيت اسوي هاي الجمعيه حتى نقارن بالمراحل الي واصليلها و بحاله الكفيل و التجييك الامني و المده منذ استلام الظرف حتى نشوف العوامل المشتركه و ليش الملف مكتوب عليه تعليق

كذلك اذا استجد اي جديد على حاله اي ملف و تحول من الHOLD الى ال ACTIVE نشوف شنو ممكن يكون سبب تحول حاله الملف

ارجوا منكم اخواني و اخواتي المشاركه للفائده و لكم مني جزيل الشكر

ملاحظه :- اني مخلصه كلشي بانتظار الامنيه و ما متصلين بالكفيل
استلام الظرف كان 25-6-2011

250
اختي العزيزه فلونا

اني متابعه ردودج و اعرف صار هوايه من سويتوا دوره تثقيفيه انشاء الله ينطوكم موعد سفر قريب و تخلصون من الانتظار الله يساعدكم والله ما بدينا شي غير الدعاء

252
اخت ميمي

مثل ما تفضلوا الاخوان قبلي بان الصوبه الغازيه هيه الانسب لان ادفي و سعرها مناسب يعني كل اسبوعين يله تبدلين القنينه بس اذا الشقه الجديده غير مؤثثه اني انصحج تشترين صوبه غازيه علامه رومو لان امينه و متينه و كلش ممتازه حتى نظام حمايه مال نقص الاوكسجين بيها

ضاحيه الرشيد تره هيه اصلا منطقه مرتفعه و بارده هالنوب تسويه اكيد الشقه جدا بارده و رطبه و ما انصح الاخ  ابو شمس يروحلها خصوصا اذا تريد منطقه خدميه لان ما بيها ذيج الاسواق

اخي شوف يم مدارس الدر المنثور بخلدا , يم اسواق السلطان تلاع العلي , قريب دوار الواحه الكاردنز , شارع المدينه المنوره من سامح مول لحد بزوريه كاباتيلو كله خدمي و حلو جدا

موفق


253
شلونك اخ ايهم شنو اخبارك اني دائما اقره تعليقاتك و متابعتها و انت ابد متقصر ويه اعضاء المنتدى

مبروك موعد الدوره التثقيفيه و انشاء الله السفر القريب هههههههههه طبعا اني هم كلش دا انتظرها بس اتخيل من احس الشغله تصير جديات الواحد يبوك كم طن هوى

بس عيني ايهم مو لعبت طوبه بكرستيانو و كازياس يعني مره مركبهم على حمار مره صلعيه ليش هيج شكلك كلش ريال مدريدي ;D

موفق اخي و نسمع اخبارك الطيبه و شكرا على مرورك

254
شكرا جزيلا ابو حاتم على جوابك التفصيلي

صحيح اعرف هوايه مسوين دوره تثقيفيه و صارلهم شهور بعد ممسافرين بس اتصور هسه الاي او ام ديرتبون الخربطه الي صايره و ميريدون يراكمون خربطه فهسه مثل قبل الي يخابروه على دوره يعني يسافر بعد فتره قصيره

ميسي يمعود بس خل يخابرون والله ابشركم و اوزع جكليت و اجيب فرقه موسيقيه و كلشي و كلاشي  :)  اتمنالك الموفقيه اخي

255
شلونك اخ الن شنو اخبارك

شكرا على تعليقك نورت الموضوع اتمنالك السفر القريب و تكون من يفك جبسه فرجينيا

موفق اخي و مشكور

256
شكرا موم على مرورك و بتعليقك على الاقل ترفع الموضوع

258
اخواتي و اخواني الاعزاء

ردت اسال عن مواعيد الدوره التثقيفيه بعمان يعني كل شكد اتصير دوره تثقيفيه لان من الي دا اشوفه هسه الي يخابروه على دوره تثقيفيه بعدها بفتره قصيره ينطوه موعد سفر

و سؤال ثاني المفروض قبل بشكد ياخذون الجواز علمود الفيزه يعني قبل الدوره التثقيفيه لو بعدها

مشكورين مقدما

259
عاشت ايدك و مشكور على سعيك لمساعده اخوانك و اخواتك في الاردن

موفق

260
http://www.cic.gc.ca/english/index.asp

اخ حيدر اللنك اعلاه بيه تفاصيل على كل انواع الفيز و طرق الحصول على انواع الاقامات للطلاب و المؤقته و الدائمه و تفاصيل كثيره بين ما يجون اعضاء كندا

و حتى المبلغ المالي المطلوب اذا ردت اتحصل اقامه على اساس الاستثمار او البزنس

261
اختي محبوبه

اني الي فهمته من رسالتهم اول شي همه ذاكرين ميصير يفصلوكم كل واحد بملف عمليه الفصل هسه غير ممكنه

بعدين فاهمين بالرساله الثانيه انه انتي تردين تكملين و بقيه الاهل ينسحبون فكايلين رجعي لليو ان حتى تفصلين ملفج عن الاشخاص الي ميردون يكملون و من يجينا اشعار من اليو ان جديد يقصدون بالقضيه بعد التحديث احنه نكمل اجراءات القضيه

هذا الي فهمته بس همه اذا ديخاطبوج على انه انتي صاحبه الكيس معناها يقصدون صاحب الكيس يرجع لليو ان و يفصل ملفه و البقيه يطلعون من الفايل يعني زوجك يرجع لليو ان و يكول اريد احدث الملف اخليه بس اني و الاطفال و زوجتي تنسحب

بس خلي ابالج بهيج حاله رح يعاملوج كملف منفصل و تعيدين الاجراءات كلها من جده و جديد من اليو ان مرورا بالاي او ام

262
الف الف الف و هم الف مبروك همر انت وجبتي مال الظرف

شكرا على مشاركتنا اخباركم المفرحه اول باول من دوره تثقيفيه و موعد سفر

ربنا يسهل عليك طريقك و يسعدك

263
الف مبروك اخي الرسام على اعاده مقابله المحلفين و انشاء الله على اعياد الكرسمس انت باميركا و تكون نهايه صبرك خير و بشاره

دعائي لك بالموفقيه


264
اشكرك على طرح هذا السؤال اني مقابله محلفين بشهر الخامس و لحد الان محد اتصل بالكفيل و مسويه فحص طبي بالسادس و صحيح هوايه يكولون مياثر الاتصال بالكفيل بس هيه خطوه لا بد منها و تحس اكو تقدم او اهتمام من يتصلون بكفيلك و ينطيك فد امل

اني هم الي دا اشوفه الكل بين الشهر و 3 شهور بعد استلام الظرف و يتصلون بكفيلهم و لا سامح الله الي دا اشوفه يتاخرون بالاتصال بكفيله تنام عليه الطابوكه الله اليستر

265
والله يا اخ يعسوب اتصور هيه هاي الخطه انه انت تمل و تزهك و تكول حتى اني من يمي بعد ما اريدها لان فعلا ماكو مبرر لكل هذا التاخير

الله كريم

266
يا الله يا رب

انشاء الله الكل يسافر و نخلص من هالقهر و نستقر عاد

شكرا على نقل الخبر عاشت ايدك

267
شنو الي مسهر العالم لهيج وكت غير الامنيه اوووف يمته نخلص

268
اخ يوسف

اي نعم اكو من جماعه 25 شهر ال6 سافروا و قبل فتره قصيره اكو عضو نزل موضوع وصوله الى اميركا و هو وجبتنا مال المحلفين بس حسب الي اسمعه اغلبهم عزابيه مو عواءل

بالنسبه للامنيه الي اعرفه من يخابروك ينطوك موعد سفر يعني امنيتك وصلت و طبعا هيه توصل قبل فتره بس المنظمه ميبلغوك لحد ما يكملون كل اجراءات سفرك و يخابروك يفاجأوك على الموعد

انشاء الله خير
موفق

269
عمو اموري

قبل فتره وصلني ايميل عسى و لعل يفيد الشخص التعرفه المصاب بالفشل الكلوي و بالاسفل نص الايميل

ملاحظه : اني ما عندي معلومه عن صحه الايميل لان لم اقم بالاتصال او التجييك فقد الايميل تحت كما وردني الفشل الكلوي ممجود ضمن الحالات الي يساعدوها بس عسى و لعل يلكي طريقه للمساعده

السلام عليكم
تحية طيبة وبعد
تكفل مجموعة من المحسنين لمساعدة العراقيين المتواجدون في الاردن للحالات  التالية
 
 اولا   : السرطان واصابات الانفجارات الصعبة وحالات العوق والعمليات       الجراحية
     ثانيا   : التوحد والحالات النفسية والشباب اللذين تعرضوا الى التعذيب
ثالثا   : كبار السن الذين لا معيل لهم
رابعا : الارامل والايتام والمطلقات والمهجورات
خامسا: طلبة العلم
سادسا : طرود غذائية للحالات الفقيرة والمحتاجة
 
ارجوالتواصل ان وجدت مثل تلك الحالات لمساعدتهم وارسال الاسم ورقم الهاتف ومنطقة السكن للتواصل معهم
 
ولكم جزيل الشكر
Safira Alqadhi
 
0785371970
0797760917

270
اخي الكريم

انت من يا عنوان اجتك رسالتهم اذا من ابو بغداد سنتر المفروض ترجع عليه و اذا من الجديد دز ريبلاي عليه لان هذا الايميل الي مجاوبيك بيه كليشه قديمه و ما مغيرين بيها عنوان ايميلهم

نجي على حجم الرساله اخي انت دتكول 5 كيلو و هذا مستحيل لان كلش قليل يعني اذا ريكومنديشن ليتر و باج و جنسيه و جواز لازم تصير بالميكا بس انت حاول تخليهم اصغر من 5 ميكا خصوصا اذا انت وحدك بالكيس يعني الشغله سهله لان المستمسكات اقل

و اخيرا اني اتفق ويه الاخ الناسك تسوي فوروورد للرساله القديمه و تكولهم شوفوا اني دازها قبل و المفروض انتو مستلميها فارجوا اخذ هذا الشي بنظر الاعتبار

موفق

271
الهجرة و واللاجئين / رد: Wi-tribe Jordan
« في: 02:09 08/11/2011  »
ام السوس اول شي كل عام و انتي بخير انشاء الله تحقيق الاماني

بالنسبه للانترنت انصحج بمدى خصوصا اذا عندج الفلاش مالهم يعني وفرتي فلوس

اني اجدد اشتراك شهري ابو ال8 كيكا ب 19 دينار و زوجي مدمرني باللعبات مال فيس بوك يعني من يفوت للبيت علما ينام هو ملتهي بيها و تكفي عادي ويه البراوزنج و تزيد اصلا

روحي لسيتي مول باجر على مدى و الهوا بظهرج و خطيتج بهالركبه

272
كل عام و انت بالف خير ميسي و كل اعضاء الجمعيه بخير انشاء الله العيد الجاي نتعايد من داخل الاراضي الاميريكيه

و الف مبروك للاخ همر على الدوره التثقيفيه و انشاء الله السفر السريع

يا الله بلكت يخابرونه احنه هم و تنفك الجبسه

273
السعر كلش زين و خصوصا هيج وكت يعني تلكي بكل سهوله بمنطقه مخدومه و شقه نظيفه بس ليش متريد من الجرايد هيه هاي افضل طريقه

274
الف مبروك اخي و انشاء الله السفر بالقريب العاجل

والله رفعت معنوياتنا و انطيتنا امل لان اني هم من جماعه 25 - 6 انشاء الله الكل يسافر بالاشهر القليله الجايه

275
اخي انت بصمت بالمقابله الاولى لان اذا مبصم فكل واحد مبصم تجي هاي الرساله

276
كل عام و كل اعضاء المنتدى بالف خير

انشاء الله المنتدى العيد الجاي ما بيه مواضيع بس داخل اميركا

اخي العزيز ابو ارا كل عام و انت بخير و انشاء الله الفرج القريب و تبشرنا بحضورك الدوره التثقيفيه و السفر

278
هسه لو تمطر ضفادع هم اريد اروححح ماكو مشكله

279
حييييل اروح للدوار الاول على فلافل يعني التكسي رايح جاي ب 6 دنانير و الفلافل ب 600 قرش ؟؟؟؟

هاي خوش موضوع نحجي على المطاعم و الاكل احسن من الامنيه

زين وين اكو مطعم كعدته حلوه و اكله طيب و مو مال قوازي و هيج شي لا خفايفي يعني ستيكات ماكولات بحريه

280
اي والله العقاد طيبه الفلافل مالته بس و لو الفلفوله بكد البراسيتوله  ;D بس جديات طيب

281
اخي ابو شمس

اول شي الحمد لله على سلامتك و انشاء الله تتوفق و الله يسهل عليك

بالنسبه لاجار الشقه كلش زين و ما اتصور تلكه اقل من هيج خصوصا انت تريد نظيف و مرتب و بمكان مخدوم

مكان شقتك تره مخدوم اذا تندل شارع قاضي القضاه اكو بالركن ما الشارع سوبر ماركت و صيدليه و ابو خيمه مخضر و شويه تصعد فوك تلكي سوق شاكر و مياه السروات و اسواق يسر و ابو صمون و حلاق و لوندري يعني منطقه جدا مخدومه شغله الشمس هاي تره متنضبط بسهوله صحيح الرطوبه مزعجه بالشتا بس متنضبط سعر رخيص و اثاث نظيف و مكان مخدوم و شقه مشمسه و تره الشتا قصير ممكن تفتح الشبابيك شويه تهوي الشقه او تفتح السولار طبعا الشمس اكيد صحيه اكثر لان هنا عدهم شغله العفن جدا مزعجه بالشتا خصوصا بالشقق الظلمه

دور اخي بالجرايد الي تجي يوم الجمعه الممتاز و الوسيط على شقق مفروشه او فارغه و شوف من المالك افضل

موفق

282
شلونك اخ سكاي

اي والله اني ذاك اليوم دورت على الجمعيه ردت اسوي اب اشو ملكيتها بس مطولت خلك , همزين لكيتها قبل لا انزل اعلان فقدت الجمعيه  ;D ينرادلك مكافأه ماليه لان لكيتها و جبتها

بالنسبه للصبر والله ما اعرف اني باقي كم سيسي و يخلص و بالنسبه للفلوس هم رح تخلص و الكابه تقره 1000

ينراد فد بنج ابو الشهرين يعني دوره تثقيفيه هيج شي الله كريم

انشاء الله نسمع كل خير عنك و عن كل الاعضاء بالقريب العاجل

283
اخي Riad

اذا ممكن تنطيني تفاصيل عن المده الي استغرقتها من بدايه تقديمك الى الفحص الطبي و هل كان التقديم عن طريق الويب سايت و مليء الفورم لو عن طريق السفاره

اخر سؤال بدون زحمه عليك شلون الواحد يعرف هو ضمن المهارات العامله المرغوبه و الي ممكن يوافقون عليه او لا
اشكرك

284
اخ الفريدو

اذا ممكن سؤال لانك اكثر عضو عندك المام بقضايا كندا اكو هجره على النفقه الخاصه يعني لل skiled workers و طبعا التقديم عن طريق الويب سايت نبعث الاستماره مع المعلومات و مبلغ من المال حسب عدد افراد العائله طبعا هذه الهجره ضمن ال permanent residence و المفروض بعد ان تكتمل كل المعلومات بالفورمات يبعثولك الفيزا بعد 6 اشهر

سؤالي اخ الفريدو الي عرفته انه بعد الوصول الى كندا يتم منح الجنسيه بعد 3 سنوات هل هذا الكلام صحيح و هل يحق لاي شخص التقديم على ال skilled worker لو لازم مشتغل بمكانات معينه
مشكور اخي مقدما و انتظر منج الرد بدون زحمه

285
انشاء الله يكون بخير و فعلا مكان الاخ بهبهان خالي هو من الاعضاء المميزين بالمنتدى

286
اخوان اتصور بعد مراسلات ويه جامعات و يشوفون اختصاصك و معدلك و اذا ممكن يقبلوك
ممكن تتفق ويه الجامعه بانه تحب تكمل دراسه بيها و ترسل قسط اتصور مال النصف الاول و هيه تبعثلك الفيزه بالبريد

بس شغله طلب اللجوء هناك ما اعرف بيها

287
اي صحيح اخي اني هم سمعت بالخبر ايكولك كوسترات خرده محوريها طيارات

حتى يكولك طيارات تكساس و كالفورنيا احتمال متكفي

السكن يطلع راسه من شباك الطياره و يصيح دالاص دالاص و الكل يركض وره الطياره يلزم الجنح و يكمز ابطن الطياره و هيه تصفه

بس جماعه عمان خطيه رح ينظرون


288
اخ اكس اتفق وياك مليون بالميه

بالنسبه للي يكول امريكا لا تستحي و لا تخاف و ممكن تسد البرنامج و تخلص

عيني هاي اتفاقات بين الدول و التزامات دوليه بعدين امريكا نفسها هيه مستفيده اكيد اكو تمويل خارجي و شفط فلوس من العراق بحجه البرنامج المفتوح للاجئين و موظفين اجانب و اميركان يعملون بالمنظمات و رواتبهم ماشيه هاي كلها شغلات من مصلحه امريكا و رعاياها

بس اني مال امنيه تتاخر اكثر من 3 شهور ابد متخش عقلي
هسه دخلي طالب عراقي يدرس على نفقته الخاصه بجامعه نيويورك و حتى لو اسمه دارج و نص العراق مسمين من عنده شوفوا شلون متطلع فيزته بشهر

اكو مماطله لا شك بهذا الشي و الله العالم شنو الغرض

289
هلو ريمو شلونج انشاء الله بخير

دا اشوف هنا كله عزايم و سوالف يعني الامور متمشي اله بفيتامين واو

فدزيتلج عيني بلم تمن تاجينه بالدي اج ال و بلكت اتضيفين اسمي للجدول بله زحمه

North Carolina Raleigh

و عاشت ايدج يا ورده على المجهود

290
اخ رامي

اني لو منك اتناوش الجك وارفع الطياره و ابدل البنجر و اصيرلك طرزان بالحلم  ;D

يمعود ممصدكين ركبنا الطياره

انشاء الله خير اخي و تبشرنا قريبا بسفرك بالحقيقه

291
اني سمعت هسه استراليا كلللش مسهلتها بس المشكله بالهجره العاديه يعني على حسابك جدا مكلفه العيشه هناك و الشغل يكولون صعب

اخي ايدي

منين نلكي هذا الجدول مال المهن المطلوبه حاليا في استراليا

اشكر تعاونك مقدما

292
اخ سهم اغلب جماعه شهر ال3 بعدهم ممسافرين اله المحظوظين بس اني اعرف عائله منطيهم موعد بنهايه شهر عشره مال سفر

الله كريم و انشاء الله الكل يسافر و يرتاح حتى احنه نلحكم لعد شوكت رح يجينا السره

293
والله يا اخت فلونا اني اتوقع طبعا و اكيد الولايه الها علاقه

يعني مثلا اذا الولايه غاليه مثل فرجينيا و ايجار الشهر الواحد بيها يعادل اجار 3 اشهر بغير ولايات فاكيد تحتاج مخصصات ماليه اضافيه و هاي كلها تاخير

بعدين اذا المنظمه مهمله و غير نشطه تاثر
و اذا اكو زخم على الولايه هم ياثر

بس  هو موضوع السفر بصوره عامه كلش ديتاخر اكثر بهوايه مما اتوقعنا و شبه الي اجوي لعمان يقدمون اتورطوا

294
شركه Mada ممتازه و احسن الموجود عن تجارب انت حسب استعمالك اذا تنزل افلام و اغاني يعني تستهلك هوايه داون لود او على كد البراوزنك يعني تصفح و مسنجر جات كلشي موجود و كلشي بفلوسه اني استعمل داون لود 8 كيكا و السرعه 2.4  طبعا نوعه فلاش كلش كافيه و على اخر الشهر تزيد عندي اكوم اشوف شكو افلام جديده انزلها

طبعا اكو واير لس تكدر تشوف العروض و الخدمات على هذا الويب سايت

www.mada.jo
 

295
ممكن الامنيه بعد مرور 4 اشهر يشارك بالكروب ؟ لو مقبط

انشاء الله الكل يسافر باسرع وقت و موفقين يا رب

296
ههههههههه والله ذكرتنا بايام الطفوله ميسي

مستر 122 جديات ماكو عراقي ميعرف اني ورده بيضه هاي تجي وره النشيد الوطني هيه و اس اس اسيلو اسيلو بالمغاره

يا رب الفرج القريب و على الاقل يخابرون على دورات تثقيفيه

جماعه شهر الثالث الي قبلنا تره هسه يله بدوا يتحركون يعني كمعدل مو قبل 4 اشهر يله يجينا خبر

خير انشاء الله

297
هههههههههههههه اخ ميسي عليك سوالف يله على واهسك اكمل اغنيتك

ما احلى جمالي لمن اميل
للصحه للقوه اشرب الحليب

مو لو خربطت اني و طفرت على غير نشيد

الله يستر منا علما تجي الامنيه اشك يبقى بينا عقل

298
اخي العزيز

بما انه اني حاليا انتظر الامنيه مراح اكدر اساعدك باعطاء تفاصيل عن الولايه

بس نصيحه مني امشي وره افضل كفيل كشخص و اترك الولايه لان الكفيل اذا كان حشا السامع موخوش ادمي رح ياخر معاملتك يعني اذا تملص او مجاوب على التلفون او تحجج او او او

انت ممكن تغير ولايتك حال وصولك الى الاراضي الاميركيه او ممكن بعد ان تاخذ حقوقك كلاجي و تره كل الولايات تقريبا نفس الشي ماكو فرق يذكر

موفق

299
يااااا رب

انشاء الله الكل يسافر و يرتاح

اليوم من التفاؤل مراح اكدر انام قبل شويه شاركت بموضوع الاخ علي النعيمي و هذا خبر حلو

انشاء الله خير اي عفيه هيج شويه رفعوا المعنويات

300
اني احب اشارك بكروب التفاؤل لان كل ما اشترك بكروب متفاءل يجيني خير حلو الحمد لله انشاء الله هالمره نفس الشي

اني ما متوقعه السفر قبل شهر الرابع من السنه الجديده انشاء الله بس هم ميخالف

راضيه منا ل 6 اشهر و يجيني موعد سفر , انشاء الله يا رب السفر لكل اعضاء المنتدى و الاستقرار

302
شكرا اخ فصولي

بس بلا زحمه عليك نزللنا شويه اجواء امريكيه خل نحلم شويه

مشكور

303
اخ علاء

اخ الن غني عن التعريف بالمنتدى و اني كذا مره ادزله اسئله على الخاص و يجاوبني و ميقصر و داءما اجوبته ترفع المعنويات بالاضافه للدقه و المعلومات الي عنده

احنه عتبنا على الاخ الن بس انه الخبر كان ممكن ينزل بشويه تفاصيل اكثر يعني مثلا يكول صديقي اجا رفض و هو مقدم على الاس اي في حتى نعرف ديسوون غربله للمقدمين على البرنامجين او يكول كان معتقل او مشكله بالسكريننك او او او

او حتى يكول مع انه الولد ما عنده اي مشكله امنيه سابقه و هو اصلا ميعرف سبب الرفض

يعني لان انطرحت هوايه استفسارات من الي قروا الموضوع و اخ الن مجاوب فالناس كامت تتهم الن بانه ديحاول يثير الياس بنفوس الاعضاء بس هو بعيد كل البعد عن هيج شي و الكل يعرف خصوصا الفدامى نفسيته جدا طيبه و هو على درجه عاليه من الرقي

طبعا ارجوا من الاخ الن يتقبل عتبي عليه بانه كان ممكن يكتب شويه تفاصيل اكثر و لا يزعل مني هو يعرف اني احترمه و اعتربه من الاعضاء المميزين بالمنتدى

304
يمعودين محد خابروا على دوره تثقيفيه منا منا

اي خبر بنج حتى لو ابو الاسبوع

305
رييييمو حبيبتي هاي وين هاي الغيبه والله كلش ظلمه المنتدى بلياج انشاء الله تكونين بخير

اسفي لصاحب الموضوع ما عندي معلومه عن لم الشمل

306
يعني بس اقره كلمه رفض وياها اي او ام يصير عندي خفقان

الن الله عليك الولد عنده مشكله شي لو هو اصلا ميعرف ليش اجاه رفض يعني مشتغل ويه الاميركان عنده مشكله بالسكريننك

لو مقدم يو ان و متحول ملفه لو عن طريق الكرايب مقدم على الاي او ام فدوه عيني الن تفاصيل لا تعوفنا نضرب اخماس باسداس

307
شكرا جزيلا لكل من جاوب عن سؤالي ما قصرتوا


تيولب
مهندس علي
الاخت العزيزه انجي
السفير
اوبتكس
ديفيد
سحر
الاخ صفاء

شكرا الكم

308
شكككرا اخ ديفيد على ردك

ننتظر باقي الردود و نشوف بعد مشاركات

مشكور مره ثانيه على مرورك و مشاركتك

309
مرحبا اخواني و اخواتي

طبعا اني موضوع الكفيل نرفزني و الصراحه اني ممرتاحه نفسيا لان صار من شهر السادس لحد الان ممتصلين بيه و الي مزيد الطين بله انه هو كافل 4 عوائل و ما متصلين بيه على ولا عائله يعني الخلل اتصور لو بالكفيل لو بالمنظمه علما اكو عواءل صار سنه و نص من مستلمه الظرف فاريد اغير الكفيل حتى ارتاح نفسيا

اي ولايه دتشوفون دتستقبل لاجئين لان اني الصراحه اعرف هوايه اصدقاء و اقارب بمعظم الولايات فكلت اشوف ياهو الاحسن بلكت عندي احد هناك

من بين الولايات التاليه ياهو الافضل ؟

تكساس
اوريغون
فلوريدا
كاليفورنيا
نورث كارولاينا
كولورادو
فرجينيا
نيويورك

انتظر ردودكم قبل لا اخذ الخطوه
شكرا مقدما

310
ما الها علاقه بقرار المحلف

اسباب اخرى : بعد اعاده التدقيق بكل الادله التي تخص قضيتك من ضمنها الشهاده , الوثائق المرفقه , التدقيق لتاريخ صاحب الكيس , ظروف البلد , و معلومات اخرى متاحه طلبك لاعاده التوطين قد تم رفضه

هاي للي طلب ترجمه يعني المحلف ما اله اي دخل بالسالفه حتى لو موافق و المشكله همه ما محددين فد سبب معين محدد للرفض حتى الواحد يستانف على اساسه هيج مجرد اسباب عديده و بصوره عامه

اووووووووووووووف شرح ينيمني اليوم

311
انشاء الله تطلع حوبه العراقيين بكلمن بهذل العراق و العراقيين قبل و هسه دنيا و اخره يا رب

312
بالف سلامه و مبروووك الحمد لله الاعضاء بالمنتدى عددهم ديتقلص

انشاء الله السفر القريب لكل واحد منتظر

313
اختي العزيزه تقوى

والله كلش انقهرت من قريت الموضوع , انشاء الله السكر يكون وقتي مثل ما تفضل الاخ بلاك جاك الي بهذه الاعمار غالبا يزول منهم السكر

تمنياتي و دعائي لبنتج بالشفاء العاجل انشاء الله

314
اخ ميسي ماكو غير الصبر و تناسي الموضوع اصلا اني قبل شهر اجرت شقه مفروشه و دفعت مال 6 اشهر ليكدام لان ما متوقعه ابدا قبلها اسافر

315
مشكور ابن زيونه على المعلومات بخصوص الدورات المتاحه و كل التفاصيل

بارك الله بيك

316
يعني كلمن عنده اقامه بالاردن يعتبر غير مهدد

استفااااد يعني شلون نكنسل الاقامات

317
اخي الكريم

الشقق الفارغه مو غاليه انت شكد ميزانيتك و ليش اله بمناطق شعبيه ممكن تحصل بعمان الغربيه بمناطق معقوله و اسعار مناسبه

مثل متفضلت الاخت سالي احسن شي تجي تكعد بشقق فندقيه لمده اسبوع و دور براحتك بالجرايد الاعلانيه الي تصدر يوم الجمعه


318
اخواني و اخواتي

الولد ديكول "هسه خابرونه " الي افتهمه من الجمله يعني هالايام مو يعني الاربعاء الي وره 25 -6 مو لو مو مو

بعدين شويه شويه بالولد خل نفتهم هو هم خطيه اكيد ما عنده واهس يشرح و يكتب تفاصيل من الصدمه و اجه نفه عن نفسه بالمنتدى

اخي اذا ممكن تكتبلنا شنو سبب الرفض و شوكت استلمت الرفض

و قدم استئناف بس اسال هوايه و اضبط الشغله لان هاي اخر فرصه

والله رح يخلص عمرنا بقهر الاي او ام و اللجوء , صخنت من قريت الموضوع و الصخونه تقره 41 و الكابه 1000

319
شنو السالفه مدا افتهم شنو خابروك كالولك تعال اخذوا النتيجه و طلعت رفض

شنو مرتين نطوكم الظرف لو نتيجه تجييكات امنيه لو شنو رجاءا اخي وضح كلامك

320
شكرا جزيلا اخي العزيز على جوابك

فعلا اني ارسلت ايميل الى المنظمه اسال بيه ان كان تغيير الكفيل يؤثر على قضيتي من ناحيه التاخير و قبل شويه اتصلوا بيه و كالو ابدا ما ياثر و لن يكون هناك اي تاخير اتصور لان الكفيل ما موقع اي اوراق

شكرا مره ثانيه و موفق

321
اخواني و اخواتي

هل يوثر تاريخ الكفيل على قبول الملف او ممكن اذا الكفيل كان بعثي كبير او من مؤيدين النظام السابق ان يؤدي هذا الى رفض الملف او نسيانه مثلا

لان كفيلي كافل اكثر من عائله و اكو صارلهم اكثر من سنه من مستلمين موافقه المحلف و الغريب بالموضوع ما متصلين عليه علمود اي ملف

شكرا مقدما

322
انشاء الله يوم الي تكتبلنا اخيرا انطوني تكت الطياره و عن قريب جداااا

موفق و يله نريد واحد يوصل فرجينيا دينقل النا الاخبار و يجرنا وراه

323
شكرا جزيلا الكم اخواني و اختي العزيزه الحلوه على ردودكم و سرعه اجاباتكم

ربي يوفقكم و يسهل امر سفركم

تسلمون

324
اخي الكريم

اول شي المقابله ابدا متخوف بالعكس عاديه جدا مجرد يثبتون المعلومات الي انت تنطيها يمهم على الحاسبه اقره الرابط مال الاخ عكعك التطوى الله ينطيه العافيه خلانه نشوف المقابله جدا سهله و نتهيء الها

نصيحه جدا مهمه و مفيده
كل سؤال اكتب جوابه بورقه و بصوره مرتبه و اخذ هاي الورقه و فوتها وياك بالمقابله اخاف تنسى شي باوع بالورقه و جاوب عادي و مسموح حتى تكون المقابله اسرع و المعلومات دقيقه لان تره المحلف يعتمد على هاي المقابله بالاسئله

اخذ اكل الكم كلكم لان تره اتجوعون و اذا الحجي او الحجيه عدهم ادويه مهمه هم اخذها وياك و موفق انشاء الله

325
مرحبا اخواني و اخواتي

شلونكم و شلون المعنويات

ردت بس اسالكم سؤال الي خابروا على كفيلهم يعني الكفيل وقع الاوراق لو مجرد تلفون يتاكدون يعرف صاحب الكيس و خلص

لان اني لحد الان ممتصلين بالكفيل بس كفيلي يعرف ولد بالمنظمه و كل فتره يخابر يسال عن فايلنا فهل هذا سبب انه ميتصلون بالكفيل على اساس متاكدين يعرفنا

ارجوا من الاخوه و الخوات الاجابه

الحلوه , سكاي , ار ار يوسف وينكم

326
اخي انت ممكن خلال 6 اشهر تعرف مصيرك يم اليو ان شنو قبول او رفص بس المصيبه وراك اي او ام و محلف هاي تاخذلها اقل شي سنه بقاء بالاردن

يعني الحظ يلعب دور كلش كبير

327
اذا الشقه نظيفه مو هوايه الاجار بس شغله السنوي تقيد و مزعجه يعني لو كل 3 اشهر معقوله

وره الدر المنثور بخلدا فعلا المنظقه حيويه و خدميه كلش

اخي زوكو صارلي تقريبا شهرين ادور مستحيل 3 غرف نوم نظيفه اقل من 350 هالنوب ارضي يجوز هذا صدقه لكيت ابن حلال

328
نعم اخي  ممكن تراسل المنظمه و تكولهم اريد اضيف هذا العنوان و الاسم ككفيل

و سوف يتم اضافه كافه المعلومات الى فايلك خاصه اذا ما كنت واصل مراحل متقدمه قريبه من السفر

329
انشاء الله قريبا الفرج و رجليك تصير خضره على كروب فرجينيا و تجرنا كلنا وراك

اني كفيلي يكول المنظمه الي المفروض تستقبلني اسمها Vireginia council of Church

و اسمي هناك بس بعد ما متصلين بالكفيل بس ردت افتهم شنو اسمي هناك و ما متصلين بالكفيل المنظمه دتنتظر اوراقي تعرف اخ الن شوكت يروح الاسم للمنظمه يعني مباشره وره الظرف لو بمرحله معينه من الامنيه حسب اعتقادك

مشكور

330
شكرا اخ الن تسلم الله يخليك انشاء الله تنور فرجينيا انت الاول و نحن اللاحقون تره رح تصير من المخضرمين الله يفرجها عليك قريبا انشاء الله

331
ارجوا ان تقبلوني عضوه جديده بهذا الكروب و انشاء الله نكون جيران المستقبل

موفقين

332
ابو صابر شنو هاي الارقام يعني قابلوا خلال اقل من شهرين 2400 كيس اشو الرقم كلش كبير يعني كل مره المجموع ويه الرفض ويه التاجيل يوصل 1000

333
اخ الن هاي الاخبار الموزينه تعتبر للبعده ما مستلم كيس نمبر لو حتى احنه الي دننتظر الامنيه الكشره

334
مستر 122  اي متدري بيه من اطنكر خلص بعد و اني طنكرت على الاي او ام و كلت مستحيل ادزلهم اله تفوت مده

بالنسبه للسفر اول السنه طبعا هاي في احسن الاحوال اني دا احجيلك و مو اني و انت بس للجماعه المختفين بالجمعيه الي اكيد ديرتبون امورهم للسفر ها شتكول

اختي العزيزه الحلوه اني جدا اشكرج على هاي الاخبار الحلوه صدك رفعتي من معنوياتي انشاء الله سفرك يكون قريب و تبشرينا اتمنالك كل خير

يله يا جماعه لا تكطعون اشو كلش قليل الي متواصلين

335
مرحبا شباب و بنات

اشلونكم لا والله مستر 122 موووو مووووختفيه بس اشو ماكو جديد و ماكو واهس بالنسبه للرموز اني كتلك حالفه ما اتحارش بيهم لذلك جاييني بس مره وحده الرمز ADS لان ما متوقعه سفري يكون قبل السنه الجديده محد من وجبتنا متصلين بيه على دوره تثقيفيه

انتو شلونكم شخبار المغذيات

336
اخواني و اخواتي الاعزاء

اول شي اشكرك اخي ابو حاتم على النصيحه بشان ولايه نورث كارولاينا و اخ الن بشان تحويل الولايه ياخذ مده طويله

طبعا اليوم اتصلت بالكفيل و كتله يمعود شنو سالفه المنظمه الكرديه و فرجينيا دتجمع لاجئين كالي فد شويه و اتصل بيج خل اخابر المنظمه المسؤوله عن فايلكم اتصل بيهم و استفسر كالوله هاي المنظمه الكرديه ما تستقبل لاجئين مجرد منظمه تجمع منح من الحكومه و الناس و توزعها على المنضمات و شغلتهم بوك و بيها نصب فمتوقع ان تفلس او على الاقل هيه تعلن افلاسها و كال اللاجئين مديوصلون الى عموم الولايات المتحده و فرجينيا ممكن هاي الشغله ملحوظه بيها لان الي ديقدمون عليها اقل من باقي الولايات لان غاليه

شغله مفتهمتها كالي انتي اسمج و العائله موجود بالمنظمه بس اوراقج بعد مواصله بس توصل الاوراق كالوا احنه نتصل بيك (الكفيل) زين شنو يعني اسمي بالمنظمه علما ان محد اتصل بكفيلي يروح يوقع او استفسروا عني و هل الاسم يروح للمنظمه بمرحله معينه من الامنيه لو بس استلم موافقه المحلف



شكرا الكم و انشاء الله الامور بعدها زينه

337
اخ اسبيرو

طبعا هسه احنه انشاء الله مقبلين على الشتا و الاسعار بنزول مستمر هو اذا عزابي و طالب ممكن ياجر شقه غرفه نوم وحده و مطبخ و صالون او ستوديو الي غرفه النوم تكون هيه مكان كعده هم او ياجر شقه غرفتين نوم تكون قريبه على الجامعه و يسكن شيرنك ويه احد ثاني

الجامعه التطبيقيه وين تكون لان صراحه ما اعرف مكانها

اما شلون يدور على شقه فالافضل يشوف بالممتاز او الوسيط و تكون من المالك لان اذا مكتب دلاليه تره يقفصون عليه و كله كلاوات و خل ياجر فد شهرين او 3 حتى اذا مرتاح بالشقه يبدلها يعني لا يستعجل لان كلشي يصير

و هاي لنك مال جريده الوسيط و الممتاز

http://www.ewaseet.jo/index.php

يروح على العقارات يختار للايجار بعدين سكني و شقق مفروشه

http://almumtaz.jo/ar/

و هذا مال جريده الممتاز

موفق انشاء الله


338
يمعود الن هسه احنه الوجبه الي استلمت الظرف وراكم شتكول اغير الولايه لو لا علما انه اني ما اعرف على اي منظمه الكرديه لو لا بس شكلها فرجينيا صارت خرابيط و كفيلي رايح للمنظمه قبل 10 ايام و الفايل مالتي ما موجود شنو تنصحني اغير الولايه الى نورث كارولاينا لو شتكول

339
مستر 122 انت عندك المعنويات زيرو اني تحت الزيرو لازم فد مغذي جديد ينرادلنا القديم صار ميشتغل زين

340
اخ حيدر ممكن تذكر حضرتك الى اي ولايه متجه انشاء الله اتصور الولايه ايضا تلعب دور بتسريع السفر او لا لان اذا المنظمه الي بالولايه شغلهم مو شي هذا ياثر او الولايه ما الها مخصصات ماليه كبيره هم ياثر اشو اني دا اشوف تكساس و كاليفورنيا دتستقبل لاجئين بشكل جيد الولايات الشرقيه لا

341
اختي العزيزه الملاك الحائر

تفاءلوا بالخير تجدوه انشاء الله تروحين و كل هاي تصير سوالف بس هيه ينرادلها شويه صبر و خلي جماعه فرجينيا واحد يصبر الثاني  :)

342
ام ابراهيم تسلمين على كلامج الطيب الله يفرجها علينا كلنا و ميبقه احد بهاي الجمعيه خلال هاي السنه انشاء الله الكل مسافر

طبعا نورث ديكوتا اني سامعه بيها بس مجنت اتذكر وين صايره فطلعتها على الخريطه و فعلا كلللش على الحدود الكنديه و المفروض ماكو هوايه يرحولها , الله كريم اختي انشاء الله كله كم يوم و تكتبيلنا بالجمعيه خابروني على دوره تثقيفيه

مستر 122 اني والله دزيت ايميل واحد و مجان سؤال عن الامنيه بس مجرد تاكيد عنوان الكفيل و اجاني الرمز ADS لان اني حالفه ابيع ثكل براسهم احسن مما اغث بروحي بس الصراحه بالكوه لازمه نفسي

يا رب الموفقيه لكل اعضاء الجمعيه

343
اني اول ما بديت اقره القصه كلت هاي خلال ال6 اشهر سافر و صدك شغله بهالفتره تكون غريبه

اشو بعدين شنو موقفه من الحكومه يمعود اخي يا موقف صدك تحجي بهالزمن مو مال مثاليات موقفه يضربون راسهم بالحايط باقي بعمان و اطلب لجوء شيريدون يسوون قابل و بعدين الدوائر الامنيه الاردنيه شلها علاقه

344
شلون الشباب و الشابات

يمعودين بعد وكت تفول الكابه بعد وين ووين اذا جماعه شهر ال3 هسه يله ديسافرون و شنو بالقطاره يعني كل اسبوعين كم واحد من اصل 600 كيس تقريبا

ام ابراهيم شلونج اختي انشاء الله بخير لا يظل بالج اني هم ما متصلين بكفيلي بس بلا زحمه عليج انتي اي ولايه انشاء الله رايحه لان اتصور الولايات القريبه على واشنطن تجييكاتها شويه اصعب اشو من الي دا اشوفه دا اخمن

انشاء الله الموفقيه للكل

345
ليش هيج اخت اسراء احنه بله شي بالكوه مصبرين روحنا هالنوب تراوينا صور فرجينيا

346
اخي العزيز ابو زيد

هاي الاسئله اني سالتها ميه مره لكل الاصدقاء بالاردن لان كنت مثلك بحيره كبيره و ما اعرف شسوي
و اني اتفق مليون بالميه مع الاخ اسبيرو كل الي كاله صحيح ميه بالميه ممكن تسال شخص اجه للاردن و فات على جيته اكثر من سنه و نص و كلشي مصار وياه من قضيه السفر رح يكولك عمي اكعد و اسكت تره الشغله مجازفه و متسوه و اني متندم

تسال واحد جازف و كعد الحظ وياه و طلع بسنه يكولك اي طبعا العراق شنو العيشه بيه بس نكتل عمرنا و من هالحجي
بالنسبه الي اكول الي عنده اطفال و يريدلهم مستقبل احسن خل يجازف لان بالعراق بعد ماكو مستقبل

و اذا انت ممكن تصبر و مجازف و تتحمل الضغوط النفسيه و الماديه و كلشي تعال للاردن و جازف بس تره الشغله مو سهله يعني تعب و ضغط و اعصاب بس اذا صارت فهيه تسوه كل هذا التعب حسب كلام الي راحوا لان اني بعدني بالاردن

بالنسبه لفتح مشروع اي طبعا تكدر و هاي احسن شي تسويه حتى لا تكون بس دتضيع وكت و تصرف فلوس يعني شبه استقر بالاردن و اذا صارت الشغله خير على خير

اي اسئله اضافيه احنه انشاء الله حاضرين

347
مرحبا اخواني و اخواتي

الاخت سمسومه ما كانت وجهتها ولايه فرجينيا اتصور كانت فلوريدا

اني بالنسبه الي اتصلت بالكفيل مالتي و طبعا هو حتى مموقع اوراقي و لا متصلين بيه و سالته شنو الاخبار كال انه هو اتصل بالمنظمه و كالوله ابدا محد ديوصل فرجينيا او اعداد قليله جدا جدا و السبب ديسوون تجييكات امنيه اضافيه و مشدده لان اكو عراقيين سووا مشاكل امنيه بغير ولايات ما اعرف اذا هذا الحجي بس في فرجينيا او بكل مكان بس اشو فرجينيا نسبيا اقل من بقيه الولايات تستقبل لاجئين

الله يفرجها علينا انشاء الله

348
الف الف مبروك للاخت زهره الصبار و الله كلش فرحت بالاخبار الحلوه الي بالمنتدى صدك ترفع المعنويات

اخت زهره اتمنالك كل الموفقيه بحياتج الجديده و لا تكطعين و تنسينا و توصلين بالف سلامه انشاء الله و لا تنسينا بالدعاء خصوصا بالطياره

349
اني اريد اسجل حضور اولا و اوقع اخاف مستر 122 يفصلني او يسويلي خصم راتب

بعدين احب اتمنى للجميع الموفقيه و يارب نسمع اخبار حلوه بالايام الجايه اشو ماكو اعضاء بالجمعيه وينهم مختفين

350
ههههههههه ابو حاتم اكيد منزعل من حقك كل انسان حر

351
اخ الن سبحان الله اليوم جنه اني و زوجي على العشه دنحجي بنفس الشغله لانه الكفيل مالتنه كافل 4 غيرنا و يكول محد اتصل بيه حتى على ال4 البقيه اني توقعت المشكله بكفيلنا

يمكن لو نغير الولايه احسن

352
اكيد عمان ارخص من بغداد خصوصا بشغله الكهرباء ماكو مقارنه هناك الواحد يذب بالشهر 300 الف دينار بس لمولده الشارع و هم ما مرتاح و لا مشغل تبريد اكثر من ابو النص طن الي يسحب 6 امبير و يا دوب يلحك على غرفه صغيره

و التكسيات هم ارخص هوايه

هنا اللحم شويه اغلى بالنسبه للبلدي

يعني احنه لو يجينا نفس وارد بغداد نعيش ملوك بس المشكله هنا المغريات هوايه من مطاعم الى مولات الى كافيهات الى تنزيلات و عروض كل هاي الشغلات تلم و الواحد ميحس على روحه

353
الف مبروك اخ اسامه و اخ غزوان

انشاء الله هاي موافقه محلف مضمونه و باقي الاجراءات سهله و سريعه و يوم الي تنزلون موضوع خط الرحله قريبا

موفقين

354
مستر 122 غير اسم الكروب بلكت تغيير الاسم وجهه حلو علينا

355
شكرا اخ Saroin تسلم اي والله صحيح بس تدري شنو اكول اخاف الواحد يصير عنده جديد و يدور على الجمعيه يريد يكتب يكول و ميلكاها

انشاء الله قريبا نسمع اخبار حلوه

اخ سكاي يابه اني بالنسبه الي حتى لو بس اتصال بالكفيل هم ميخالف

اخ ميسي شخبارك انشاء الله كلشي تمام طبعا عوفك من المعنويات هاي اعرف اخبارها

356
اخواني و اخواتي الاعزاء

طبعا اني من متابعين اخبار جمعيتكم لان المفروض انتم السابقون و نحن اللاحقون بس اشو جمعيتكم ينرادلها شويه حرمل اطكطكولها اشو كلشي ماكو صنطه اغلب الاعضاء بس دورات تثقيفيه

انشاء الله السفر القريب لكل الاعضاء

357
الف مبروك اخ عبادي و اسفه على التاخير بالرفاه و البنين انشاء الله و الله يسعدكم

358
ابببببب يمعودين

اشو اندثرت الجمعيه

359
اخ سليم

رح احاول اجاوبك على الاسئله الي اعرفهه

لفه الفلافل تتراوح من 35 قرش الى 60 قرش و بالنشبه الي اطيب واحد يسويها ابو جباره بس هو اغلى واحد هم و الي يسووها طيب هم او اشهر محلات الفلافل همه الكلحه و حماده و ابو جباره

الاقمار تطلع النايل و العرب سات و الهوت بيرد هاي الي اعرفهم اما بالنسبه لشغله النصب اكو مكاتب متخصصه تنصب ستلايت و انت اذا تاجر شقه مفروشه تلكيه جاهز اصلا ماكو داعي للنصب و اذا تريد تنصب واحد اسال حارس العماره عن شخص يعرفه يسوي هاي الخدمات

دوام المدارس رح يبدي وره العيد مباشره يعني باجر

اوقات الدوام من ساعه 8 لل2 حسب ما اتوقع لان ما عندي اطفال بالمدارس بعده ابني صغير

خطوط الموبايل هيه امنيه , زين و اورنج احسن خطوط و اكثرها عروض هيه امنيه بس الاكثريه عدهم زين ما اعرف ليش اتصور لان همه الشبكه الاولى بالاردن و الناس ما بدلت ارقامها بعد

المكانات الترفيهيه هيه اكثر شي المولات خصوصا انه احنه مقبلين على شتا بس اكو مكانات مثل حديقه الطيور و حديقه الحيوان و المدينه المائيه و مدينه جبيهه الترفيهيه و لو الزوراء احلى منها ميه مره

تقبل مروري

360
كل عام و الجميع بالف خير انشاء الله الموفقيه و تحقيق الاماني

احب اشكر الاخ عبادي على هذا الموضوع المتميز و المفيد صدك ممكن يكون مرجع لكل شخص مقيم او متوجه للاردن و يحب يسال عن شيء معين

و مشكورين كل الي جاوبوا عن اسئله الاعضاء الي سالوا فعلا اجوبه شافيه و مفيده

انشاء الله منقصر بجواب اي شخص يحب يستفسر بموضوع معين اذا كنت اعرف الجواب

اتمنى الموفقيه للجميع

361
كل عام و اعضاء هذه الجمعيه بالف خير انشاء الله يا رب تفرج على كل الاعضاء باقرب وقت و منشوف غير يوم وره يوم كل عضو منزل موضوع جايتله موافقه و خلال اسبوع هذه الجمعيه متفركشه و محولين على الي ينتظرون الامنيه

الف مبروك اخي الفراتي الحمد لله و الشكر نهايه القلق و الصبر فرج انشاء الله باقي الاجراءات سهله و سريعه و تستلم تكت الطياره عن قريب


362
كل عام و الجميع بالف خير ينعاد على الكل بالصحه و السلامه و انشاء الله العيد الجايه الكل تعايد من اميركا و ننتظر العيديات حتى لو وره العيد من الاي او ام بس لا يغلسوها علينا

363
شنو فايده الاب ميسي اذا ماكو اخبار من الاي او ام نريد نصير اب بالطياره

364
اخ شمعه مثل مدتشوف الاخ ابو حاتم يتفق ويايه باغلب الحجي و هو مجرب و مقابل مره ثانيه قابل اني دا اجيب حجي من جيبي لو دا اريد انطي معلومات خطا


365
اخي العزيز

اعاده المقابله تصير عادي بعد سنتين و اتصور اكو كروب او جمعيه اعاده مقابله المحلفين و السبب بالاعاده هو انه مقابله المحلفين تصير اكسباير بعد سنتين ليش لان اكيد صارت مستجدات خلال هاي السنتين ممكن تكون ولاده او لا سامح الله وفاه او اي جديد

الاسئله تكون جدا سهله و مباشره مو مثل المقابله الاولى و اتصور و ما متاكده مجرد اعتقاد انه الامنيه اذا تمضي عليها سنتين معناها يا اما ضايعه او منسيه فبعد مقابله المحلفين يصير اكو تحريك للفايل و ممكن تنعاد الامنيه من جديد و هيه بالطبيعي المفروض تاخذ من 6 اشهر الى سنه

شي اخير هذا الشي المفروض ميخليك قلق بالعكس معناها قضيتك مو منسيه على الرف

بالتوفيق

366
اخي الكريم حتى لا ادوخ بالكليشه القديمه و الجديده

القديمه جانت تعني تجييك امني روتيني و ليس قبل السفر

اما الجديده فصارت تجييك امني فقط بدون تحديد ممكن تكون روتيني اي العادي و ممكن تكون قبل السفر همه خصموها بكليشه وحده لان الي هستوه مقابل محلفين و يدز ايميل يستفسر يدزوله هاي الكليشه الجديده و الي صارله سنه مخلص هم يدزوله هاي الكليشه

فانت انتظر المفيد الي هو اتصال لتحديد موعد سفر

367
الف مبروك اخ RRYOUSIF هذه خطوه الى الامام و انشاء الله السفر العاجل

انشاء الله على العيد الكل متصلين بكفيلهم

368
اتصور ذوله مو عراقيين و لا بكاليفورنيا لان منحجت حجايه وحده انكليزي بالفديو عبالك ماليزيا الهند هيج شي

مو قصدي اكذب الخبر اخت ماكنتوشه بس يعني اكول اخاف صاير التباس

الله يرحمهم

369
انشاء الله للجميع بشاير يا رب

370
والله يا اخ اوس اني سالت الولد كتله مسالتهم على تواريخ المقابلات مالتهم و شوكت مستلمين موافقات محلفين الاغلب جانوا بين سنه و سنه و نص يعني ماكو واحد رايح من فحص طبي واحد الكل لو مسوين فحص مرتين و اكو 3 فاني الصراحه كلت يمكن فد يومين نقره خبر من الاخ اوس يكول وصلت اميركا لان انت ابالي استلمت الامنيه ويه الظرف وجبتنا

انشاء الله خير و تبشرنا عن قريب

371
اي اخي صحيح الخبر

اليوم احد الاصدقاء كان عنده مقابله اولى بالاي او ام و كال كلش هوايا جان اكو لابسين باجات مال تكتات سفر و اتصور لونها اسود و حتى كال اتفاجنا من كالو الي جاي على تكت طياره خل يتفضل لان اكثر من نصف القاعه كاموا

يوم الالنا يا رب و يوصلون بالف سلامه انشاء الله و الله يوفق الجميع

مشكور على نقل الخبر اخي

372
ام ابراهيم السلام عليكم

الكل محد متصل بكفيلهم او الاغلبيه ما عدا الاح سكاي و الاخت الحلوه هاي حسب اخر تحديث

انشاء الله بالايام الجايه تنفرج الامور

الاخ الفراتي و ابو ارا الله يسهللكم امركم و يعجل باستلامكم موافقات المحلفين

ننتظر اخبار حلوه من باقي الاعضاء

373
ابو ايمن اني من اقره موضوعك يصعد عندي التفاؤل مو شلون مجان والله لو بعز الكابه كلش اتفاءل

مشكور على هالمواضيع الحلوه و يا رب يجازيك كل خير

374
هسه جنت دا اسوي ابأوبه للجمعيه و لكيت الاخ ميسي مسوي

يمعودين الله يخليكم بس بشرونا باي خبر يفرح

375
اخي الكريم

اذا الربط ضعيف بين الكيس مالتك و كيس اهلك عادي جدا ممكن انت توصل اميركا انشاء الله وبعد فتره يجون اهلك حسب يجوز بعد اكو تجييكات اضافيه بالنسبه لاهلك او حسابات همه يقومون بيها احنه منعرف شلون يرتبون الاولويه

موفقين و تقبل مروري

376
اخواني الاعزاء ابو ارار و الفراتي

والله صحيح و الله يساعدكم و ما النا غير الدعاء الكم بلكت انشاء الله رب العالمين يعوض صبركم خيرا و تجيكم الامنيه ركض وره متجيكم موافقه المحلف قريبا

يا رب فرج على العراقيين وين مجانوا

377
شلونك مستر 122 والله حقك هو مال ماكو واهس ماكو بس شنسوي لازم نبقى على تواصل حتى واحد يهون على الثاني

انشاء الله على العيد تجينا اخبار تفرح عيديات

بالنسبه للمستلمين مواعيد سفر اتصور ذوله الامنيه مالتهم جانت جايه ويه الظرف لان مستحيل تطلع الامنيه بشهر و نص وياها موعد سفر


378
اخ الن اني قبل شويه اجاني رد على ايميلي و هو نفس الكليشه الجديده و طبعا اني ما متصلين بكفيلي فاتصور هيه هاي كليشه لاي فايل ينتظر اجراءات سفر سواء امنيه روتينيه او ما قبل السفر او حتى للي مخلص الاثنين

انت عليك الصافي انتظر تلفون على موعد سفر هو هذا المفيد

موفق اخي

379
السلام عليكم جميعا ,

اخت الحلوه شكرا على نقل الخبر هم يرفع المعنويات شويه و اني اتفق ويه الاخ ميسي الي يريد يحجي و الي ميريد هو حر بس كان ممكن ينزلون يكولون اكو مواعيد سفر مثلا صديقي او كرايبي انطوه خط رحله

اني بالنسبه الي الكابه صاعده فول لان لا اتصال بالكفيل و لا اي خبر على دوره تثقيفيه او شي , انشاء الله خير و ننتظر و الله كريم

اتمنى الموفقيه لكل اعضاء الجمعيه و كل الي ينتظرون مواعيد سفر

اخونا مستر 122 ماكو , انشاء الله يكون بخير


380
اخ الن اني البارحه دزيت ايميل استفسر و اتصور اني بعدني على الامنيه الاصليه مو مال قبل السفر لان بعد ما متصلين بالكفيل بس بعد ما وصلني رد من الاي او ام بس يوصلني اكولك يا كليشه منهم

موفق انشاء الله

381
فد نذر صغيروني ريمو بس كود يلوح جماعه عمان منه شي و شوفي شلون متنحل المشكله باجر من الصبح :)

382
والله يا ريمو ما اعرف البرنامج شنو اسمه هسه اسالج بس اني صارت باخويه صديقه من ديسوي وياه جات دزله اتاجمنت على اساس صوره و منفتحت عنده فصديقه راسا كاله عود ليش الباسوورد مالتك هيج

بس يمكن اذا اكو عندج احد تعرفيه عنده واهس بهيج سوالف اكيد رح يعرف هوايه برامج لكشف الباسوورد و هاي سوالف الولد اكثر شي او النسوان الي يشكون برياجيلهم  ;)

مع ذلك حبيبتي هسه اسالج على مثل هيج برنامج

383
اخي الكريم

انت اذا شغلتك طويله بعمان يعني اذا جاي تقدم او تدري بنفسك مستقر مو اقل من 6 اشهر ليش متاجر شقه من هسه و تستقر بيها و شغله الموسم متاثر اذا رايدها 6 اشهر و كوله الدفع مثلا كل شهرين او حسب الاتفاق لان اذا الاجار نصف سنوي خصوصا موسم الصيف على ابواب يخلص متفرق بعد حتى ليش خطيه يوميه زوجتك تنظف الشقه و تنقل غراض هيه مره وحده و تستقر بيها بس بهيج حاله لا تستعجل كلش و شوف شقه مريحه لان تبقى بيها مده طويله و عقدك 6 اشهر

بالنسبه الي اشوف افضل طريقه هيه ادور بجريده الوسيط خيارات كثيره جدا جدا و بمختلف الاسعار

384
انشاء الله جماعه تركيا ميقصرون وياك

اني من جماعه عمان بس التقديم واحد منين مجان المستمسكات المطلوبه اكيد جوازات و هويه احوال و شهاده جنسيه

شهادات تخرج , تزكيه , باجات , اي شي يثبت صحه قصتك حتى لو صور

موفق انشاء الله

385
ريمو هاي ابد مو خوش سالفه صدك الواحد يظل مزعوج و دايخ

اني براءي انه انتي من دزيتي الايميلين الي شكيتي بيهم لاغراض التهكير للفنشنك سيكشن همه الي قفلوا ايميلج لاسباب انه مرادوا ممكن الهكر ياخذ الباسوورد مالتج و يكدر معناها يفوت على كل العناوين الي بالادريس بوك مالتج و احتمال يهكر على غير عناوين مال ياهو

براءي جان اولا المفروض تسوين ريبورت از سبام للايميلين الي شكيتي بيهم و ثاني شي مجان لازم تسوين فوروورد للفنشنك سيكشن اتصور الحل الوحيد انه تراسليهم و توضحين مشكلتج و تلحين عليهم

انشاء الله قبل الصبح محلوله
طبعا حل ثاني انه تنزلين برنامج يكشف الباسوود مال الايميل و طبعا هيج برنامج صحيح موجود بس المشكله لازم تكونين على اتصال ويه الشخص الي مهكر على ايميلج و تبعثيله فايل او اتاجمينت رح يحاول يفتحه و ميكدر و بهيج حاله رح يجيج اكنولجمنت الي هو الباسوورد مالتج وره ما غيره الهكر


386
هلو اشلونكم رمضان كريم

اشلونكم ويه الصيام و اشلون المعنويات

بالنسبه الي لا اتصال بالكفيل و لا اي شي و اني مدزيت ايميل لان اعرف الكليشه الي رح تجيني

ما النا غير الصبر و انشاء الله الايام الجايه تجيب اخبار حلوه

و الف مبروك لكل من وصل ملفه مراحل متقدمه من الامنيه و انشاء الله تبشرونا بمواعيد سفر قريبا

387
مساء الخير على الجميع

اشلونكم و اشلون المعنويات انشاء الله تمام

اختي الحلوه شلونج هاي اول مره اسمع اليو ان يردون العنوان بالتفصيل همه العنوان يحتاجوه بس اذا الباحثه الاجتماعيه رادت تطلع كشف على الشقه تشوف اذا تستحقون مساعدات غير هيج ما اعرف اي سبب ثاني

مع ذلك انتي تاكدي هذوله اليو ان تعرفين الدنيا متنحزر

بالنسبه الي لا جديد لا اتصال بكفيل و لا اي مستجد انشاء الله خير

388
الف الف مبروك اخ غزوان الحمد لله اخيرا قابلت محلفين و انشاء الله تمشي بقيه الاجراءات سريعا و يوم الي تستلم تكت الطياره

تمنياتي الك بالموفقيه

389
رمضان كريم و كل عام و انتو بالف خير
انشاء الله رمضان الجاي صايمين باميركا

اشو الاخ مستر 122 ماكو انشاء الله المانع خير

و هاي ابأوبه للجمعيه

390
اخي الصراحه اغلب ال122 قابلوا حتى محلفين يمكن اكو ينتظرون محلفين بس مال ممقابل اولى ما اتصور اله حالات كلش قليله ناشدهم اخي باميلات استفسر عن سبب التاخير و اتمنالك كل التوفيق

391
اخ Saroin

اشلونك اخي انشاء الله مرتاح طبعا اكيد ريحانه اختي مو اخي و بالنسبه للمبروك اني تفاءلت بيها بس اتصور انت غلطان و قصدك تبارك لاختنا الحلوه لان اني بالنسبه الي لا اكو اتصال بالكفيل و لا اي مستجد


392
الف الف مبروك اختنا الحلوه

عاشت ايدج على هالاخبار الحلوه والله رفعتي من معنوياتنا انشاء الله تكمل كل معاملاتكم و اجراءاتكم باسرع وقت و تسافرون

انشاء الله الاسبوع الجاي الكل يكتب و يبشرنا

يا الله انشاء الله الفرج الجاي

393
مرحبا شباب و شابات

طبعا صايره صدك ما افوت على المنتدى من وره الاخبار المحبطه مال الرفض يعني شنو واحد موقع كفيله اوراقه و يجيه رفض تره مصايره والله

مبروك اخ سكاي و انشاء الله تكون اول الرايحين من جمعيتنا و تجرنا كلنا وراك

و منكول غير اب

394
حمد الله على السلامه يمعود

طبعا اني دا اقره و اتخيل المنظر صدك خفت بس انت شكد حاط ابالك مبلغ بالشهر يعني تره 45 شي مستحيل مينعقل يعني اني بس اسمع الايجار اصلا ما اروح اشوفه و جماله ابو حسن تكول شكله مريب

اني نصيحتي تسكن حتى لو شيرنك ويه طالب بالجبيهه اكو شقق صغار كللللش حلوه غرفتين نوم و هول صغير و حمام مرتب جدا و مطبخ بيه كلشي من غساله فول اوتوماتك الى مايكرويف الى تلفزيون ال سي دي و هم و ياك ونس على الاقل بالشقه الايجار يكون 300 انت 150 و الشريك بالسكن 150 و طبعا قريبه على دوار المنهل و الشارع العام مال جبيهه يعني كلش قريبه على شارع الجامعه و المنطقه كلش مخدومه بس اني اكولك شبه تسويه يعني مو تسويه نص تسويه بس يدخللها ضوه و اكو شباك مفتوح على طرمه خلفيه

صويلح و جبل الحسين هم مناطق زينه و شققها اسعارها مناسبه بس انت انتظر اتحمل هالشهر بالشقه مالتك لان بس يخلص الثامن تنزل الايجارات كلش و موفق اخي



395
الف مبروك اخ سكاي

اكيد هاي فد مؤشر ايجابي و انشاء الله توصل امنيتك و يروح كفيلك يوقع الاوراق باقرب وقت

موفق و ننتظر مزيد من الاخبار الي ترفع المعنويات

396
اخ عمان عاشت ايدك على هالخبر صدك رجعت الدم بوجهنا و الف مبروك انشاء الله تمشي معاملات سفرك باسرع ما يكون

بس سؤال اذا ممكن انت كفيلك باي ولايه و موفق اخي انشاء الله

و هاي هم اب من عندي

397
اخ اوس انت مو مستلم الموافقه وياها الامنيه بعد يا تجييك امني ديحجون عنه

يعني المفروض انت على التجييك مال قبل السفر

عيني والله اني اكول انت مخلص كلشي و همه بانتظار فيزتك و جدولت سفرك و هاي ما معلوم شكد تاخذ وكت فيتحججون بشغله التجييك الامني احسن مما يكولولك منعرف شوكت ننطيك موعد سفر

موفق و انساها للشغله صدكني تجيك صافيه

398
صباح النور ORKAY

شكرا ابو هجران على نقل الخبر صدك هيج اخبار ترفع المعنويات انشاء الله الفرح و الخير جاي قريبا

تحياتي للجميع

399
مرحبا شباب و بنات

شلون الصحه و الامور اشو الجمعيه كلها بس تأبأب

يابه شنسوي اذا هالايام ماكو شي بالنسبه النا يعني اقل شي شهرين ممكن يتصلون بالكفيل اني هم مثلك اخ ميسي حالفه ما اندكر بيهم اطول فتره ممكنه

بس اني ضجت ينرادلنا فد بنج مو مال نبقى على بنج الموافقه مال المحلف هذا مفعوله رح يخلص و ترجع حاله الكابه و التحديق

يله هاي هم اب لخاطر المنتظرين الامنيه


400
اخي العزيز ابو ارا و كل اعضاء الجمعيه

انشاء الله قريبا يتصلون بيكم والله يوميه افوت على الجمعيه اكول بلكت اشوف اخبار مفرحه

همه ميردون يخصرون كارتات رصيد مره وحده يخابروكم على الامنيه و القبول  :)

انشاء الله تجيكم اخبار مفرحه باول الاسبوع الجاي

موفقين

401
اخ مغترب اني هم اخذت صفنه بالفاسلتي شويه  :)

ريمو داءما مبدعه بالردود موفقه يا رب و انشاء الله قريبا تكتبيلنا من قلب الحدث من داخل اميركا

402
اهلا و سهلا بيج اخت سوناتا و لو اني هم مو صداقه ويه الكوري اني من جماعه النيسان بس منختلف

عيني يصير اكيد انتي و زوجج و اولادج بس مثل مذكرت الاخت ريم لازم الاولاد اقل من 21 سنه

اخ مغترب سلامي للوالده و الله يحفظلك اياها و ينطيها على كد نيتها و لوما دعاءها الك يم شباك الامام وين جان طلعتلك الفيزا لاميركا  :)




403
مرحبا شباب و شابات

شلونكم انشاء الله بخير خلوا الجمعيه داءما اببب

اخويه العزيز ابو ارا و سرمد منورين الجمعيه انشاء الله بالقريب العاجل تسمعونا اخبار حلوه والله ندعيلكم و لكل الي منتظرين الفرج من الامنيه

خلونا متفاءلين داءما

موفقين

404
بالنسبه للمعاهد افضل المعاهد الي شفتها بس مو انكليزي غير كورسات هو ال STS حتى المؤسسات المرتبه يعني الاي او ام و اليو ان يدزون الستاف مالتهم يدرس بيه شويه غالي بس فلوسه بيه ما اعرف بالنسبه للانكليزي لان ممجربته بس اكيد زين


405
ام السوس دزي بالليل اني دزيت قبل يومين و راسا بين ما رحت للانبوكس شفت واصل اوتو ريبلاي و انتي خازنه ايميلهم بالادريس بوك لو لا يعني اخزنيه احسن مرات الواحد دايخ تعبان يجوز يغلط من يكتب عنوانهم



406
مساء الخير مدري صباح الخير لان الساعه بال2 و نص بالليل

شلونكم اخواتي و اخواني شلون المعنويات محد تحارش بالاي او ام طبعا اني جنت حالفه ما اتحارش بس قبل يومين دزيتلهم عنوان الكفيل للتاكيد عليه كتلهم بس اريد اءكد العنوان و جاوبوني و فشلوني كالولي انتي مو نطيتيه نفسه بالمقابله الاولى و احنه خلص سجلناه بالفايل مالتج

بس اني خفت لان بمقابله المحلف مسالتني ابد على اي عنوان باميركا
انتو شنو اخباركم ماكو شي منا منا لا جفيه لا حامض حلو لا شربت

طبعا صدك اني بس حبيت اشكر الولد الي جان يصيح الاسامي يوم 25 جان لابس قميص اسود يعني خطيه صوته طبك لان يصيح الاسم للجماعه الي واكفين بره لان ميسمعون بلكت هو بالمنتدى و يقره اكوله الله يوفقك و يسهلك امرك مثل ما سهلت امر اخوانك و خواتك

انشاء الله الايام الجايه نسمع اخبار حلوه و سلام للجميع نفرا نفرا

407
هههههههههههه مستر 122 عجبتني مال الكفيل الي ابغداد والله خطيه جايين مهزومين من الحر و العجاج و تعرف الواحد ينخبص بعد ماكو تحديق هوايه

مستر اوباما عيني بارده يعني مرتين يتصلون مو مره , طبعا هاي اني على مقابله المحلف خابروني مرتين يمعودين والله رح اجي شلون ما اجي , اتشاقه وياك طبعا انشاء الله تسافر باقرب وقت و تصير اول واحد بالجمعيه و رجلك خضره و تجرنا كلنا وراك

تحياتي لكل الاخوان و الاخوات بدون ذكر اسامي اخاف انسه احد و عذروني على قله المشاركه

408
مرحبا اخواني و اخواتي بالجمعيه

تره اني كلش مخبوصه هالايام مثل مكتلكم علمود كل الاقارب جايين من العراق و باقين شهر و تعرفون لازم نادي الواجب وياهم بس اخاف عبالكم اني مختفيه لان مغلسه تره لا والله حرام لا متصلين بالكفيل و لا هم يحزنون و انشاء الله بس يتصلون اول ناس تعرف اعضاء الجمعيه

سلام للكل فردا فردا و انشاء الله تهل الاخبار الحلوه قريبا

409
مرحبا جميعا

شلونكم شنو اخباركم اني اسفه على الانقطاع بس عذروني كل الاقارب و الاصدقاء جايين من بغداد و ماكو هيج هوسه و ماكو وكت

انشاء الله تسمعونا اخبار حلوه عن قريب
بالنسبه الي لحد الان الكفيل ما متصلين بيه و بالنسبه للامنيه مناويه اسال عليها قريبا

موفقين الكل بدون استثناء

410
اخي مجرد دز ايميل للمنظمه كول اني فلان و هلكد رقم الكيس مالتي و اريد افصل ملفي عن ملف عائلتي و اسوي ربط ضعيف بيناتنا هل هذا ممكن و لاسباب شخصيه

و شوف اذا كان ممكن

411
مستر 122 حتى كتلتي اتصير عمل شعبي من السره الي قبلي

412
اتخببببل القصيده و عاشت ايدك حتى لو منقول


413
عيني اخي افصل ملفك عن ملفهم و سويه ربط ضعيف و توكل على الله ماكو داعي للطلاق حتى لو محكوم بجنايه حشاك و طلعت بصماتك العشره يمهم مراح ياثر و هاي اني شفت عائله رب الاسره بعثي سابق بمركز عالي و كان عنده شك ممكن ينرفض فصل ملفه عن زوجته و اطفاله و همه هسه باميركا طلعوا من سوريا صارلهم تقريبا 8 اشهر و هو كاعد بالاردن ينتظر طريقه يوصل بيها لاميركا لانه انرفض من الاي او ام بعد مقابله المحلفين

تريد تفاصيل شلون تسوي هذا الشي اسال و احنه نجاوبك بالتفصيل

414
اخي الكريم

اعذرني بس الحجي و التبرير مال الطلاق ابدا مو منطقي , الطلاق هو خيار اذا الطرفين وصل مرحله من النزاعات و الخلافات الي ابدا لا يمكن التوصل الى حلول لها او يعني مشكله جديه بس مو حتى لا تاثر رجعتي للعراق عليهم اذا تحب ترجع و خايف هذا الشي ياثر اسحب نفسك من الفايل و سوي الك فايل منفصل و اكتب رقم الاتصال رقم زوجتك بلكت تلحك تجي على المقابلات و اذا ملحكت مياثر انت ملفك مفصول و اذا صارت اي عرقله او رفض يصير فقط الك و خلي ملف زوجتك و الاطفال ماشي عادي و بعدين اذا الله سهللهم و سافروا يدزون عليك بلم شمل بس طلاق اخي علمود هيج سبب يعني غريبه ليش هيه سهله الواحد يطلق لا وجماله وره 30 سنه

اسفه اخي على التدخل بس لازم يصير تدخل اخاف انت مرتبك و مستعجل بالقرار بسبب الحاله النفسيه او الظروف الصعبه و يبقى القرار الاول و الاخير الك و اتمنالك كل الموفقيه

415
شكرا اخ ORKAY على التهنئه تسلم يا ورده و اتمنالك كل التوفيق

416
مساء الخير

شلون الشباب و الشابات , شنو اخبار الي استلموا الظرف اليوم ماكو خبر عليهم اخت دره العراقيه شنو اخبارها

مستر اوباما و مستر 122 يا نوم هو اكو نوم ويه الاي او ام و الامنيه

ننتظر اخبار عن الدوره التثقيفيه اذا احد خابروه خل يكول مو يسويها سنطه  ;)

417
اخي ماطول صارت سكته اذا اكو شي

418
اخي العزيز

مساحه الولايات المتحده يعني قاره باكلمها هاي اولا و ثانيا المجتمع الاميركي مبني على اساس التعدديه بالجنسيات لان سكانهم الاصليين من الهنود الحمر و غيرهم تره كلش قليلين بالنسبه للسكان المتوطنين فهيه ما ممكن تكتفي بسهوله مثل دول معينه و بعدين العراقيين الي ديروحون شهايد و طموح و عزيمه و عقليات ادبيه و فكريه كله دتستفاد منه اميركا

بالنسبه للجوء طبعا اكيد لا يمكن ان يبقى مفتوح لان هذا لجوء من هجره يعني الدوله تصرف من جيبها نوعا ما فالمنطق من تتحسن الاوضاع الامنيه بالعراق ممكن يفرضون قيود او يصعبوها و اني اتصور هذا الحجي فد 100 سنه يعني

بس مع ذلك الواحد يخطو الخطوه اليوم قبل باجر منعرف شنو ممكن يصير ماكو شي ينحزر بهالدنيا

419
مبروك اخ سرمد و التعليق هو يعني موافقه بس اكو يمكن تجييكات او اوراق ناقصه انشاء الله بس يخلص كلشي و قريبا انشاء الله يخابروك و يكولولك صدرت الموافقه بملفك

موفق اخي

420
الف مبروك للاخوان الاعزاء

ابو ارار , الفراتي  , ساصبر و سرمد انشاء الله تحصلون الموافقه النهائيه قريبا جدا

و مثل ما تفضلوا كل الاعضاء قيد الدراسه في الغالب يجي موافقه مثل ما صار ويه الوجبه الي قبلنا مال المحلفين و اغلبهم خلال شهرين مستلمين موافقات , انشاء الله تبشرونا قريبا بالموافقات

مبروك مره ثانيه و اتمنالكم كل التوفيق

421
صباح الخير

شلونكم يا اخواني و اخواتي انشاء الله بخير , ننتظر منكم اخبار حلوه و دعاءنا لكم بالموفقيه و الله يسهل عليكم


422
شكرا اخي السفير و عراقي كرادي على مداخلاتكم تسلمون

ريمو حبيبتي الحمد لله رحت و استلمتها و النتيجه قبول من المحلف ننتظر الامنيه , شكرا حبيبتي على مداخلتج يا ورده تسلمين انشاء الله تكونين اول الواصلين لاميركا بالقريب العاجل جدا

مستر 122 ههههههه الحمد لله استلمتها بس خوش شتله انشتلت , خو مو مثل ناس طلعوا وره نص ساعه  ;D الله ربهم

423
شكرا اخي العزيز ابو هجران انشاء الله الموفقيه للجميع

اني اكول اذا منوكف و نتعب و تضربنا الشمس منحس بحلاوتها للموافقه  :)

انشاء الله الموفقيه للجميع

424
عيني بارده مستر 122 ههههههههههههههه ;)

انشاء الله تجيك الموافقه الامنيه هم هيج ركض

مبارك الك هم و لكل الي استلموا الظرف اليوم

شكرا اخويه العزيز الفراتي

425
شكرا جزيلا الج اخت فلونا انشاء الله السفر القريب الج يا رب و اتمنالج كل الموفقيه

الف مبروك لكل الي مستلمين اليوم موافقه و انشاء الله السفر القريب للكل و يا رب المؤجلين  هم يبشرونا باخبار حلوه

و بالنسبه للاخ اوس حسب ما قريت بالمنتدى انه صارله فتره طويله و جان عنده اعاده مقابله مال محلفين فالف مبروك اله و انشاء الله يسافر عن قريب جدا و يرتاح

اخ رزاق رح يصير تشتيت لان صارت جمعيتين اني اكول لو نحصرها بجمعيه وحده احسن , حتى يصير تركيز عليها و جمعيه الاخ مستر 122 جديده و سواها يوم جمعه شتكول لو نحول عليها من باب التغيير هم

426
الف الحمد لله و الشكر استلمنا المغلف بيه موافقه محلف بانتظار الامنيه طبعا الانتظار جان طويل يعني بال12 و ربع يله فتت للبيت وورايا جان فد 80 ظرف بعد دينتظرون

بالنسبه للموافقات الامنيه كلش قليل واصلتهم و الف مبروك للاخ اوس لان استلم الموافقه الامنيه ويه الظرف صدك فرحتله انشاء الله يستقر و يسافر و يرتاح من الانتظار الطويل

الف مليون مبروك اخ ميسي صدك كلش فرحت الحمد لله و الشكر من جانوا غلطانين وياك مو كتلكم اني الجمعيه اقره عليها المعوذات و انشرلها و اطكطك حرمل هههههههههه

اخي العزيز كوبرا انشاء الله انت هم تبشرنا بالموافقه و القبول و اتمنالك كل الموفقيه و شكرا جزيلا على كلامك و امنياتك الحلوه

تره شادين حيلهم الجماعه الف الحمد لله

427
الف الف مبروك اخ اوس والله كلش فرحتلك الحمد لله انشاء الله السفر القريب و الاستقرار و الله يجازيك على صبرك كل خير

هاي ينرادلها هلهوله من عدنا و عزيمه من عندك  :)

موفق اخي

428
شكرا جزيلا ميسي يا ورده على الرفع

عاشت ايدكم اوس و مستر 122 الى الملتقى انشاء الله بعد ساعه


429
صباح الخير شلونكم

يله كوموا غسلوا و بدلوا ما بقه شي

انشاء الله اليوم الكل تفرح بالموافقه و امنياتنا لكل اخوانا الي تاجلوا بالفرحه هم انشاء الله

430
اخواني و اخواتي

باجر شتله لو لا يعني هم نطلع العصر حتى اعرف اجيب اكل و شرب ويايه لو لا لان عندي طفل عمره سنه و نص

مشكورين

431
مرحبا اخواني و اخواتي

حبيت اسال بما انه كل الاعضاء نايمين الي بجمعيه الي ينتظرون النتائج باجر كلت بلكت اكو من جماعه الشهر ال3 احد كاعد

باجر اشكد اطول السالفه مال توزيع النتائج يعني هم شتله لو سريعه و احتاج اخذ اكل و شرب اني عندي طفل عمره سنه و نص لو ماكو داعي

و شكرا

432
حمد الله على السلامه اخ رزاق و نورت الجمعيه مره ثانيه شلون صرت انشاء الله احسن ما عندك غير العافيه

433
الف مليون مبروك اخي البغدادي و عاشت ايدك على هيج خبر يا رب كل التوفيق الك يعني انت صعدت كيج التفاءل للفول

الله يوفقك و انشاء الله داءما نسمع عنك كل خير

434
مرحبا مستر 122 احب انظم للجمعيه اني كلش اتفاءل بالجمعيات

انشاء الله جمعيه خير علينا و اكيد تكون الصوره اوضح بعد باجر

435
اخي ابو ساره كلامك صحيح ميه بالميه و لا يختلف عليه اثنين بس اني اعتقد الحظ هم يلعب دور يعني الشغله ينرادلها
حظ + مثابره

مشكور

436
RRYOUSIF هاي لو اني بس تكولي انتي فلانه و احنه من المنظمه اسده بوجها هههههههههههه عمي الله يساعدك والله صدك شغله تهبط الحمد لله و مبروك على الفحص

و انشاء الله الخير لجميع المنتظرين النتيجه

437
اخت فلونا

اني هم سميت نفسي ريحانه من وره ابني لان هم كلش يحبها خصوصا من تسوي الركصه مالتها بس اني ابني يبدي وكت النشاط مالته وره الكارتون و هو يطلع الجهال وراها لازم ينامون هههههههههههه

الله يحفظلج اياه و انشاء الله موفقين و تشوفين الكارتون باميركا بالنسخه الانكيليزيه مالته طبعا هيه هم اسمها ريحانه بالنسخه الانكليزيه

 

438
طبعا للذين انقهروا لان ملحكوا على هاي الوجبه مال المحلفين على اساس هاي احسن وجبه و ماكو رفض و كله قبول اني اشوف العكس لان اولا الفتره الي اجوي بيها المحلفين اقصر من الوجبه السابقه مال شهر الثالث يعني بدوا مقابلات بيوم 3-5 اتصور و اخر يوم مقابلات كان 9-6 يعني اقل من شهر و نص و بعدين كثير من الي قابلوا بهذه الوجبه همه اعاده مقابلات بالنسبه للمخضرمين الي فايته على مقابلاتهم مال المحلفين تقريبا سنتين و همه اصلا مستحصلين موافقه فتكون هاي المقابله روتينيه فقط في للتجييك استجد جديد خلال هاي السنتين او لا

فبالنسبه الي اشوف هاي الوجبه لم تكن ابدا افضل من الوجبه السابقه و انشاء الله الخير على الجميع مع ذلك لا نستبق الاحداث خصوصا للمؤجلين يوم الاثنين ممكن تكون موافقه و لو فرضنا قيد الدراسه فهيه شبه موافقه مع وقف التنفيذ لمده شهر تقريبا

439
بالعراق لا متعني ميه بالميه موافقه بس بالاردن اي نعم يعني موافقه

440
الف مبروك اختي العزيزه فلونا و انشاء الله السفر القريب و انتي داءما متقصرين و تطلعينا على اخر تطوراتكم اول باول من اجل ان ترفعين معنوياتنا

و هاي دعوه حتى كل المؤجلين يتفاءلون و لا يصيبهم الاحباط لان مثل متشفون الامور تمشي بس شويه صبر يعني شهر شهرين بالزايد و تجي الموافقه

شكرا اختي العزيزه

441
اخ ميسي انشاء الله خير لا تضوج و لا تشيل هم بس هاي اول مره اسمع مال منعرف يا يوم تجي بعدين نكولك

امنياتي الك و لعائلتك بالموفقيه

442
اخ ميسي شنو اجلوكم تحجي صدك لو تتشاقه انت مو مسوي فحص طبي ؟

443
اي نعم اخت ميمي يخابرون عليهم و يكولولهم انه تم التوصل لقرار بالموافقه على ملفكم بعد ما كان قيد الدراسه و هذا الي قريته من الي كتبوه الاعضاء الي كانوا مؤجلين

صدكيني اختي الي يستلم موافقه و الي يستلم قيد الدراسه تقريبا نفس الشي بس الله يعين ابو الرفض

انشاء الله رب العالمين ميضيع صبر و تعب احد

444
اخي اني اصلا ما استعمل براوزر غير الموزيلا هو اخف شي و بيه مميزات حلوه بس مرات هم يحشش المنتدى يعني بس المنتدى و غير صفحات عادي تفتح و سريعه و عرفت شنو الحل

اني خازنه اللنك مال منتدى الهجره و اللاجئين بعينكاوه بالبوكماركس حتى راسا افوت عليه فمرات ميطلع فشسوي مجرد اروح للهوم بيج مال عينكاوه و افوت على المنتديات و بعدين على الهجره و اللاجئين عادي كلشي تمام

بس اذا الهوم بيج اصلا ميفتح هاي صوج السيرفر انطيها فد 10 دقايق و يرجع يفتح

445
الف مبروك و الف الحمد لله انشاء الله ترتاح بحياتك الجديده و تستقر

موفق اخي و مشكور

446
شكرا اخ سرمد على جوابك و انشاء الله ما مكتوبلنا و الكم غير كل خير

حبيت روحك المتفائله و ايمانك بالله و عقلانيتك , انشاء الله الي تتمناه و بيه صالح الك يصير

447
يمعودين اخاف الاثنين موافقه و السبت قيد الدراسه مو على اساس هاي الوجبه مال المحلفين الي كلش متساهلين الله اليستر يا رب ارحمنا

اخ سرمد انت مسوي فحص طبي لو لا

448
اني اكول اذا مره ثانيه خابرت بلغوا الشرطه و انطوا رقم التلفون بلكت يطلعون معلومات عنها من شركه زين يعني اسمها و هيج شي لان هاي شغله كلش غريبه و اله تكون تعرفكم زين بحيث تعرف انتو مقدمين على اليو ان و تعرف اسمج

بس شنو الهدف من انه تجي للبيت , زين اخاف وحده دتتشاقه شقه ثكيل وياج

و معلومه حتى اءكدلج هاي مو من الاي او ام , ممنوع توظيف اي موظف عراقي باي او ام عمان الي فرعهم بتلاع العلي مو الي بعبدون

449
يمعودين كولوا غيرها صدك جذب اشو اليوم خوش حمله مال تلفونات مسوين الاي او ام وورانا باجر اويلي

 الاخ الفراتي الله يساعدك والله ميه مره وره كل هذا الانتظار بس صدكني اخي انشا الله خير و اكيد هذا الشي بيه صالح الك و مع ذلك اكول لا نستبق الاحداث كلشي يصير يجوز مقسمين جماعه القبول على السبت و الاثنين

اخ ساصبر خو انت لعبوا باعصابك يوميه شكل واحد يكولك لو مداز عنوان الكفيل هوايه احسن الله يساعدك اخي و ما النا غير الدعاء النا و الكم

اخت ميمي والله كلش انقهرت على زوجه اخوج يعني الصراحه هيه صدك الواحد يتلقى هيج خبر يعني صدمه و يتخربط بس انشاء الله خير و يوم الاثنين متعارف عليه قيد الدراسه و تجي موافقته بعد فتره انشاء الله مو طويله مجرد يتاكدون من معلومات

سؤال رجاءا لكل الي خابروهم على تاجيل موعد استلام الظرف انتو مسوين فحص طبي لو لا
يا رب عدي باجر على خير والله ما بينا حيل للصدمات و الانتظار و الله يكون بعون الجميع

450
اخي الكريم

اي نعم اذا رحت تكدر تسحبه و الشغله ما معلوم شكد تاخذ وكت بس يعني تقريبا مثل الوقت الي دتاخذه معاملات الاي او ام و اني من راءي حتى لا تضيع وكت خل هو يقدم على اليو ان بملف منفصل اذا حضرتك بعمان او باي دوله بيها يو ان بس اذا من مقدم بالعراق ميكدر يقدم لان ماكو برنامج مفتوح بس برنامج الاي او ام

موفق اخي

451
اخي العزيز

انت ما دام مقدم عن طريق اخوك للاي او ام ابن حضرتك لاااازم يكون جوه ال21 يله ينشمل بالبرنامج و هذا قانون ابناء الاخ او الاخت ميصير فوك ال21

و لا يمكن ان ينشمل بالبرنامج الا اذا حضرتك مشتغل ويه القوات الاميركيه لان الابناء و الزوجه و الاب و الام همه الي مشمولين بدون اعتبار لاعمارهم

و ديكولولك انه ابنك الكبير ما ممكن ينشمل الا اذا حضرتك او زوجتك مشتغل مع الاميركان و بانه بالنسبه الكم انتو المشمولين بالتقديم (العائله ما عدا ابنك الكبير) ملفكم ماشي بانتظار الرد من السوبر فايزر مال اخوك

موفق

452
اخي العزيز اشكرك على موضوعك

واني معك بكل كلمه كتبتها بس بصراحه احب اضيف ايضا انه حتى التعلق بامل كاذب هذا هم يزيدنا احباط وحضرتك شفت شلون الكل جانت معلقه امال على شهر 6 بسبب الضجه الاعلاميه الي صارت على هذا الشهر منريد نفس الشي يصير بالنسبه للاشهر القادمه نبقى نحسب بعد هلكد على فلان شهر و بعد هلكد و يخلص فاني ضد انه شخص يحلل و يكول فلان شهر رح يصير بيه سفر و فيز و فلان شهر راح يتوقف بيه السفر خلوها على الله و احنه بمجرد منسمع شخص حددوله موعد سفر و كتب و شاركنا فرحته هاي كافي ترفع معنوياتنا و تفرحنا و بهيج حاله رح يكون المصدر موثوق ميه بالميه و منه ممكن نستنتج استنتاجات اكثر واقعيه

تقبل مروري

453
اخوان و اخوات انتو شفتوا تقرير نزله احد الاعضاء مشكورين عن عدد الي ينتظرون الامنيه و السفر تقريبا 26000 يعني طبعا نسمع بحالات فرديه لان اني و انت و انتي نقطه بال26000

ما النا غير الصبر و اني اكول خل نعوف شغله فلان شهر و فلان شهر لان دنعيش بامل كاذب انخليها على رب العالمين و هيه تفرج

454
اخ اوس

الكلام الي كلته صحيح بس احنه منكدر نستبق الاحداث لان مثل مكلت حضرتك بالنسبه للنتائج للوجبات السابقه بس مثلا وجبه شهر الثالث اكو نص كالولهم تعالو يوم احد و الي مجان قبل يدزون على ناس الاحد و جانت نتائج الاحد خليط بين قيد الدراسه و موافقه فاحنه منريد توتر احد خلي هيه تروح و تستلم الظرف بيدها و من تكول لا سامح الله طلع رفض نقدملها النصائح شلون تسوي استئناف و انشاء الله كل خير و تكوللنا موافقه

اخت دره لا يظل بالج و اتناسي الموضوع كل الي يقدمه رب العالمين بيه صالح النا محد يعرف شلون شغلهم كل وجبه شكل لا تستندين على الوجبات الي قبلنا , بالنسبه لدفتر الخدمه تكون عليه ملحه خاصه اذا كان عمر زوجك يعني منتصف العمر و اكو احتمال خادم بمراكز حساسه لفترات طويله او خلال الحروب  , ارجع اكول انشاء الله خير و رب العالمين داءما كاتبلنا الاحسن


455
عااااااشت ايدك اخويه على هالخبر الحلو الي يرفع المعنويات و الف الف مبروك تحديد موعد السفر انشاء الله توصل بالسلامه و تتوفق في حياتك الجديده و شكرا على مشاركتنا فرحتك

456
عاشت ايدك اخ علي على هالخبر و ماطول همه اصدقاءك اذا الخبر موثوق بس هذوله شوكت منطين بصماتهم يعني اكيد صار فتره مو مال بمقابله المحلف مستحيل هالتغيير المفاجيء بالسرعه مال الامنيه هاي حتى بزمن الخير مصايره

457
اسفه اخي نسيت انوه بالنسبه للادله مو شرط عندك دليل يعني ورقه او شي مجرد تكون قصتك منطقيه و مقنعه

458
اخي الكريم

هذا البرنامج صحيح يشمل الناس الي اشتغلوا مع القوات الاميركيه اقصد برنامج الاي او ام بس يفضل ان تكون عندك قصه تهديد يعني اللجوء ينطوه للناس الي حياتهم بخطر و مهزومين من شي و لازم يكون الخطر مباشر عليك يعني لا تحجي حجي عام تكول كل الي يشتغلون همه معرضين للخطر و فلان صار هيج وياه همه معليهم لا بفلان و لا بالناس بصوره عامه همه يريدون الشخص مهدد تهديد شخصي و اذا مرويت قصه تهديد مقنعه تنام الطابوكه على الملف

بالتوفيق

459
شلونك اخ ORKAY مساء النور احنه الحمد لله لحد اليوم زينيين و طول ما منسمع صوت الاي او ام هالاسبوع احنه الحمد لله زينيين

460
اخ ساصبر

تره هيه ميصير تكول انت شنو نتيجتك و هاي شكلها متوهمه الي خابرتك يعني شنو تاجل على غير يوم بس محددت اليوم و شنو تكولك قيد الدراسه اشو اخاف احد من اصدقاءك ديتشاقه وياك

روح السبت و انشاء الله خير

461
اخ يعسوب

هاي لازم انت ممتابع مسلسل رشا و محمد بالمنتدى هم نفس الشي صار ويه محمد و ديدور على رشا

462
عااااااااااااااااا       تقريبا 26000 ينتظرون الامنيه و جدول سفر لعد شوكت يوصلنا السره اذا همه بالشهر ميطلع بيهم 50 واحد يسافر من كل بلد

الكابه دتقره الف هسه

463
اخي العزيز

اني الي اعرفه و المتفق عليه انه القرار مال الوفد يناخذ بنفس اليوم فلو كان القرار سلبي لا سامح الله ما معقوله يدزون عليكم لاخذ بصمه الاصابع لان البصمه هيه للتجييك الامني فانشاء الله هاي معناها انت مقبول من الوفد

464
شكرا جزيلا اخي العزيز على موضوعك الجميل و مع شديد الاسف الكلام صحيح

بس اني اختلف مع بعض الاعضاء بالنسبه للعراق , يعني احنه المفروض منحكم على وطنا , نحكم على الي ديلزم سلطه الوطن و الي مع الاسف من فتحنا عيونا للان ما اجه شخص يحب الوطن او الشعب , يعني اني لو يجينا حاكم مثل حاكم الامارات العربيه الي سوه من الشعب الي كان يستعمل الخيم و الجمال شعب يركب سياره بسنتها و يسكن احلى قصر لا والله ما اطلع من العراق لو شميصير

بس تبقى تره كل عاداتنا و تقاليدنا و طيبه نفسنا و شهامه العراقيين هيه بسبب التربيه باجواء عراقيه عربيه بين اهل و اصدقاء و جيران و باحياء عراقيه , اني بالنسبه الي و مو بسبب عنصريه او جهل اذا الله كتبلي اروح لاميركا و احصل على جنسيه مراح اكول في يوم الا اني عراقيه و لا ممكن تطلع من لساني وطني اي بلد الا العراق والله هذا الكلام مو مثاليات او تعصب
و المفروض احنه نفرق بين الوطن و بين ظروف الوطن الي جبرتنا نعوف العراق
تقبل مروري اخي العزيز و يا ريت لو تبقى تكتبلنا مواضيع جميله و نترقب منك انشاء الله المزيد

465
خلصت انشاء الله مبقه شي اصلا الصراحه اشو مشت اسرع مما تصورت

انشاء الله تاليتها خير يا رب و اهم شي الامنيه تجي بسرعه يعني مو اله ركض هروله هم ميخالف


466
انشاء الله خير يا رب و الله لا يضيع تعب و انتظار شخص

الواحد المفروض ميخلي باله يم التلفون هالاسبوع و منريد لا يخابرون على فحص و لا اي شي هالاسبوع مو اله نشوف رقم الاي او ام

انشاء الله الملتقى يوم 25 لكل الي دينتظرون النتيجه

467
اخي الكريم RRYOUSIR

اول شي انرحب بيك بالجمعيه و سعيدين بانضمامك انشاء الله تستلم نتيجه القبول و تبقى على تواصل ويانا

عادي جدا و ابدا لا تقلق اني الي لاحظته انه الي ديسوون فحص طبي همه العواءل الصغيره و العزابيه اغلب شي يمكن حتى يمشون اكبر عدد ممكن بيوم الفحص لان تعرف مو مال يتاخرون مثل ما يسوون بالاي او ام و اكيد مستحيل كل المقبولين يسوولهم فحص طبي قبل استلام الظرف

انشاء الله خير اخي لا تقلق ابدا

468
اخ عمر مو دفاعا عن الاخ كوبرا بس انت فهمت قصده غلط من كالك اي بلد انت يعني قصده من اي بلد مقدم  و صوره نصب التحرير متنطي اي دلاله انت منين مقدم

اخي شي ثاني اكو هوايه جمعيات للي مثل حالتك اذا تنظم لوحده من الجمعيات احسن مما يصير تشتت و اتمنالك الموفقيه

469
اخوان صحيح شهر السادس مو مثل متوقعناه بس اكو تحسن نسبي و انشاء الله الجاي احسن

يعني اليوم مشكور العضو ابن الناصريه نزل موضوع وصوله لاميركا ووياه 2 من اعضاء المنتدى و قبلها مواضيع  تخص السفر من بعض الاعضاء ايضا هاي غير الي ميحجي و الي ميعرف بالمنتدى اشو اني من رحت للمقابلات شفت هوايه جايين مواعيد سفر حتى استغربت بس هيه تاخذ وكت لان الاعداد هائله انشاء الله خير

470
اخوان بالمناسبه اخ رزاق شنو اخباره اكو احد على اتصال بيه او يعرفه لانه كال عنده عمليه و صارله كم يوم ماكو انشاء الله يكون بخير و ما عنده غير العافيه

471
هههههههههه اسفه على تصفير المعنويات صرت سالفه هذا الموضوع مال مائده نزهت منو شافه على اساس دتتشاقه ويانه

بس اني جان قصدي باجر عكبه يكتبون بالجمعيه الناس لحكولي خابروني اجلوا موعد الظرف

شكرا شخص مسالم و احنه من هسه محضرين دواشك و مخاديد و بطاله مال مغذي على نومه الامنيه و انشاء الله تتسهل امورك و تسافر باقرب وقت

472
مساء النور orkay شلونك انشاء الله بخير

473
اخي ابن العراق

اجراءات الموافقه الامنيه تبلش من يوم الي تبصم حتى لو قبل نتيجه المحلفين لذلك اتشوف ناس يستلمون موافقه المحلف بظرف وياه الموافقه الامنيه لان يكون باصم قبل بوكت

موفق اخي

474
لا لا لا مستر 122 يمعود اسم الله لا مخابروا بس دا اكولك الي مقابلين و ما يحجون ينظمون للجمعيه من يجيهم تاجيل لو يصير شي وياهم حتى يسالون

475
على كولتك مستر 122
 "اخوان شلونكم خابروني اجلوني على فلان يوم شلون شنو معناها الي ياجلوا على هذا اليوم"




476
اخ غزوان الف مبروك البصمات انشاء الله على جيه المحلفين الجايه تستلم الموافقه وياها الامنيه

اخ طائر السنونو عيني احسب تقريبا شهر و 3 اسابيع و يجون مره ثانيه يعني المفروض بالثامن نهايته او نص الثامن

477
اشو محد دينظم للجمعيه اشو الكل صنطه يمعودين قابل بس كم واحد من 500 تقريبا ينتظر نتائج محلفين يعرف بعين كاوه


478
جميل جدا جدا الموضوع و مهم عاشت ايدك ابو قمر روعه والله مواضيعك

بارك الله بيك و الله يوفقك انت و عاءلتك

479
مستر اوباما رقم 1 للي يجي و 2 للي ميجي  ;D

انشاء الله تتونسون و يارب تكمل الفرحه يوم السبت

كل الهلا بيك اخ الصبر طيب انشاء الله كلنا نروح يوم السبت نستلم النتيجه

اخ ORKAY اشلونك انشاء الله تكون بخير احنه اسفين انت امسي على الجمعيه بس محد منتبه

تمنياتي بالموفقيه لكل اعضاء الجمعيه

481
اخي ساصبر يعني هيه هاي اكيد نقطه ايجابيه لان نتيجه المحلف تتقرر بيومها تره و اذا ديريدون منك عنوان كفيل يعني انشاء الله خير و المحلف موافق

يعني الشغلات الزينه الي تصير المفروض مندوخ بيها

موفق اخي

482
مستر اوباما انشاء الله تتونسون بس يمكن ماكو بشارع الحمرا ستار باكس اكو بشارع الوكالات

مستر 122 ههههههههههه عاشت ايدك على تفاصيل الجو و انشاء الله الجو يبقى حلو ليوم 25 لتروح اتصير حاره و ننحمس


483
عاشت ايدك اخويه الاعظمي الصوره HD كلش واضحه هههههههههه

بس و لو اضوجك بسؤال يعني اني هسه اروح لدائره الاقامه و الحدود بخلدا لو من اروح اراجع للداخليه علمود الاقامه و يصدر كتاب المعامله هناك يدفعوني الغرامات

تسلم و مشكور

484
مرحبا اخواني و اخواتي

سالت هذا السؤال في موضوع ثاني بس محد جاوب ممكن احد يوضحلي و شكرا


بس سؤال اذا متصير زحمه احنه نريد نطلع اقامه زين الغرامات تنحسب من يوم 1 -6 الى يوم الي تطلعلنا الاقامه لو الى يوم الي نبلش بيه بالمعامله مال الاقامه لو شلون

و هل اكو داعي بهيج حاله نروح لدائره الاقامه و الحدود ندفع الغرامات بخلدا

و شكرا

485
لا تخافون يا جماعه اني يوميه اقره المعوذات و انشر للجمعيه و الي ما ينضم النا خوه الخسران  ;D

عليها السبت انشاء الله

486
لا ميسي لا ادوخ ما اتصور تعيد اي مقابله مجرد تكون الك استقلاليه و حريه خيار

اني سالت هذا السؤال قبل لان اخويه بعد كم شهر و يصير 21 فكان الجواب هيج بس ما اتصور يعيدون اي مقابله انشاء الله و هسه انت لا ادوخ باي شي بس خلي ابالك انشاء الله نروح يوم 25 نستلم النتيجه و نفرح بالقبول بعد وراك كومه صفنات من تنتظر الامنيه

487
عيني ميسي

انت لو فرضنا عمرك 21 اله كم شهر من قدمت تكون بملف واحد ويه اهلك و اثناء سير المعامله صرت 21 اوتوماتكلي ينفصل ملفك و همه يفصلوه من يمهم و يصير الربط المفروض همه يربطوه ضعيف

اذا انت ويه اهلك بالملف(اقل من 21) و الملف خل نكول بيه 3 اشخاص الاب الام و انت كل واحد لازم تجي الامنيه مالته يله  الكل يسافر اله اذا الاهل (الاب و الام) حبوا يصيرون كل واحد بملف منفصل بهيج حاله رح تصير انت ويه واحد من اهلك و هم لازم اثنينكم تجي الامنيه مالتكم

يعني ملخص مفيد كل شخص فوق ال21 يكدر يفصل روحه و من تجي الامنيه مالته يفلت و يدك الحنينه ويه اهله بس لازم الربط ضعيف

كل ملف بيه اكثر من شخص لازم الكل تجي امنيتهم يله يكدرون يسافرون مو بس المتقدم الرئيسي

488
اخي انت المفروض من انطوك كيس نمبر يعني من وكتها كلشي تمام و مضبوط

489
اخ ميسي اتصور هو مغلف واحد لان ممكن يروح بس صاحب الكيس

اذا انت اقل من 21 سنه مثلا و مو المتقدم الرئيسي تنتظر الامنيه مال اهلك لازم

و اذا انت 21 سنه فما فوق المفروض عندك ملف وحد و مربوط لو ربط قوي لو ضعيف اذا الربط ضعيف مو اله تنتظرهم تسافر وحدك عادي و اذا الربط قوي تكون متعلق بيهم يعني اله كلكم سوه

هذا الي اعرفه و اذا اي احد عنده تصحيح اكيد مرح يقصر



490
شكرا جزيلا اخوان على كل هذه المعلومات همزين اني جنت ناويه اروح ادفع الغرامات لان زوجي عنده دوام و ميكدر يروح

بس سؤال اذا متصير زحمه احنه نريد نطلع اقامه زين الغرامات تنحسب من يوم 1 -6 الى يوم الي تطلعلنا الاقامه لو الى يوم الي نبلش بيه بالمعامله مال الاقامه لو شلون

و هل اكو داعي بهيج حاله نروح لدائره الاقامه و الحدود ندفع الغرامات بخلدا


491
اخ رزاق بس اليوم محسوب صفنه و خصوصا انت من الظهر منزل الصفنات مووو ؟

492
مبروك ملينا يا دنيا على الفحص الطبي انشاء الله موافقه ويه الامنيه

اخ رزاق انت كاتب 11 صفنه المفروض 12 صفنه  :)

مستر 122 تره الجو يخبل اليوم اشو معلقت على الجو انشاء الله يوم 25 يبقى الجو حلو

493
شكرا جزيلا

مع التقدير

494
الف مبروك اخي والله هاي فعلا اهم مرحله خلصت منها انشاء الله السفر القريب اخي المفروض اذا انت مطالب تسوي نوع معين مال ربط يسوولك ربط ضعيف من يمهم مع ذلك مثل مكالوا الاخوان ارسل رساله تاكيد كول اريد اسوي الربط بين الملفين ضعيف و موفق انشاء الله

بس اذا متصير عليك زحمه اخي ممكن تكتب شوكت اخذوا بصماتك بيا تاريخ

495
السلام عليكم

تحيه لكل اعضاء الجمعيه

عيني ام عبد الله تره مصار هوايه من مسويه فحص طبي يعني 10 ايام و صدف يوم الفحص خميس يعني 4 ايام عطله خلال هاي ال10 ايام اكيد ميلحكون يخابرون على فحص طبي اطمئني انشاء الله يجيج التلفون قريبا و حتى لو ما اتصلوا مو مشكله اهم شي انشاء الله ميتصلون ياجلون استلام الظرف

مستر 122 يمعود خلينا على ال-12 بغداد 52 الحراره قبل كم يوم
سكاي انشاء الله يخابروك على الفحص الطبي قريبا بس تره الي قابلوا بشهر السادس ما اتصور الكل يتصلون بيهم على فحص طبي لان اعداد الي يفحصون طبي هوايه اقل من اعداد الي يقابلون محلفين و يصير تراكم

انشاء الله الموفقيه للجميع

496
اخ زيد

اول شي اشكد السعر الي ابالك طبعا السعر يعني يعتمد على النظافه و قرب السكن من الخدمات و المنطقه

المناطق الي انت ذاكرها تعتبر المناطق الي اسعارها وسط يعني لا هيه الي كلش غاليه مثل دير غبار و عبدون و ام اذينه و لا هيه الي تكون بعمان الشرقيه او صويلح ممكن تلكه بيها شقق زينه بسعر زين و المنطقه مو سيئه

طبعا اني انصحك تاخذ استوديو و تكدر اتشوف بالجرايد الي يوزعوها يوم الجمعه (الوسيط و الممتاز ) لان الاستوديو ميصعد كلش بالصيف لان اغلب الي يجون عواءل بالصيف يريدون شقق غرفتين و فوك

شوف هذا اللنك مال الوسيط اذا مستعجل و متكدر ادبر جريده مال الجمعه الفاتت
http://www.ewaseet.jo/classifieds/browse.php?id=1341

اي خدمه او سؤال انشاء الله محد يقصر وياك
طبعا ارخص مكان من الي انت ذاكرهم جبل الحسين

497
و لا يهمكم 12  ;D ;D ;D ;D ;D ;D ;D ;D ;D ;D

انشاء الله جمعيه بشائر خير و الكل تشوف كل الخير يوم 25 يله هانت مبقه شي انشاء الله

498
اخي الكريم

الف مبروك اولا على اقتراب موعد السفر و انشاء الله توصل بالسلامه و تتوفق في حياتك والله يساعدك و يساعد اهلك على الفراق صدك صعبه بس انشاء الله تشوفهم بعد سنه بعد ما تحصل على الكرين كارد

الصراحه اني ما مجربه اسافر رحله طويله تقريبا 12 ساعه بالطياره ويه ابني

بس اتخيل لو تصير شغلتي و يجي موعد سفر رح اخلي طبعا ابني اول اهتمامي و اكون متاكده انه مرح يحتاج شي فيمكن اخذله
ملابس داخليه عدد 3
ملابس خارجيه عدد 3 يعني بنطرون تيشرت
اذا كان الطفل صغير و ما يروح للحمام اخذله دايبرز و مناديل
غطه خفيف اخاف يبرد من ينام و لو بالطياره ينطوك غطه للطفل من ينام
اكل و شرب للطفل و نمنميات(نساتل عصير جبس)
ملاعيب يلتهي بيها و لو هم بالطياره ينطون للاطفال ملاعيب
عفوا اخذله و اسفه على الكلمه حذاء خفيف لان اكيد يتعب من حذاء الطلعه و يحتاج شي خفيف و مريح لرجله و خصوصا هسه صيف
اخذ ادويه للطفل و طبعا تعتمد على عمر الطفل بس يعني مثلا خافض حراره و مسكن الم

النا اخذ

اكل و شرب اخاف نتاخر بالمطارات بانتظار الطياره و تعرف المواعيد شلون مضبوطه من مطار بغداد
ادويه مثل بنادول

طبعا الافضل العائله كلها تلبس هدوم مريحه و شويه فضفاضه حتى اريح بالسفر و اذا الواحد راد ينام

و موفق انشاء الله و توصل بالسلامه

499
اخي العزيز ابو قمر

عاشت ايدك على هاي المواضيع الجميله و بصراحه مواضيعك مطروحه بطريقه سلسه و مشوقه بحيث اني اتمنى الموضوع ميخلص والله

تسلم و الله يجازيك خيرا على تعبك و وقتك لخدمه اخوانك و اخواتك العراقيين

بارك الله بيك

500
سلامتك اخ رزاق و ما عندك غير العافيه

و اني اسفه اتصورت دتتشاقه تكول الواحد ميروح

انشاء الله تسوي العمليه و تكوم بالسلامه و تروح تستلم النتيجه مقبول ووياها الامنيه


صفحات: [1] 2