الرسائل

1

الهجرة و واللاجئين / رد: احتاج مساعدة ممكن تساعدوني ؟

« في: 06:44 15/01/2011  »

حبيبتي وصلت رسالتج اني اروح انام هسه ههههههههههههههههههههههه ونلتقي باقرب وقت ان شاء الله.تحياتي وربي يجمع شملكم.

اوكي حبيبتي نووم الهنا وتصبحين على الف خير وانشاءالله نلتقي
تسلمين الله يجمع شمل كل متفاركين

2

الهجرة و واللاجئين / رد: احتاج مساعدة ممكن تساعدوني ؟

« في: 06:37 15/01/2011  »

بالنسبة لبقائك بالعراق:

لمن تقدمين الفورم للزوج لازم من داخل امريكا وورة ما تجي لموافقة سافري للعراق وابقي ولانه انتي حاملة كرين كارد تكدرين تبقين خارج امريكا سنة الا يوم ولكن برأيي لاتطولين بالبقاء....

تسلميلي على الرد حبيبتي يعني راح اتم اجراءات المعاملة على الاي او ام
والله ماادري الله كريم وشفته وقريته للفورم تسلميلي عيوني انتي تعبتج ويايه

3

الهجرة و واللاجئين / رد: احتاج مساعدة ممكن تساعدوني ؟

« في: 03:59 15/01/2011  »

اهلا وسهلا بيج ومبروك الخطوبه..تكدرين وره متزوجون تقدمين معامله بس وياهه شغلات تثبت زواجكم من نسخه عقد الزواج الى صور وتصوير فديو لحفله الزواج واعتقد لازم زوجك يبقه خارج العراق لحين اكمال اوراق السفر..والله يسهل الكم ومبروك مره ثانيه والله يتمم عله خير

الله يبارك بيك اخي ابو سالين .. اي اكد عقد زواج رسمي و صور وكله رسمي
زين يصير ابقى اني وياه هنااك بالعراق او بغير دولة لحد ما تطلع الموافقه ؟
اشكرك على الرد والخير للجميع انشاءالله

4

الهجرة و واللاجئين / رد: احتاج مساعدة ممكن تساعدوني ؟

« في: 03:55 15/01/2011  »

اختي العزيزه
1- لازم تشتغلين شغل يكفي معيشتكم حتى تكدرين تكفليه كفاله ماديه
2- تنهين ارتباطج بالمساعدات
3- تلجئين الى الفورم I-130 بعد الكرين كارد
4- وره موافقة دائرة الهجره على الفورم I-130 اوراقه توصل للسفاره ببغداد
5- وراها يتحول اي او ام
6- يوصلج بالسلامه
شكد تطول ما لا يقل عن سنه في احسن الاحوال
اخوج
الن

اشكرك عالرد اخي الن بس شكد الكفاله تكون تقريبا
وتقصد المساعدات الفودستامب والشيك والمدكيت الطبي ؟ هذني كلهن اني مقطوعات عني لان عمري فوك العشرين سنه
بس احب اضيفلك شغله اني بعدني ويه اهلي بنفس الكيس الملف ما عندي ملف وحدي
والفورم 130 -I شنو هذا ومنين اقدم عليه
اسفه على كثرة الاسئلة بس لان كلشي ما اعرف بهاي الشغله
واني هسه ادرس واشتغل  يعني شغلي الوارد مالته بالشهر 900 
وسؤالي الاخير هو اكدر ابقه يمه بالعراق الى ان تكمل المعاملة ونرجع سوية الامريكا  لو ما يحقلي ابقى بالعراق وياه
واشكرك على الرد  وتعبتك وياية

5

الهجرة و واللاجئين / احتاج مساعدة ممكن تساعدوني ؟

« في: 21:00 14/01/2011  »

السلام عليكم ..
عندي جم سؤال واتمنى من الاخوة هنا يساعدوني عليه .. اني صارلي سنتين باامريكا وعندي الكَرين كارت وطلعت عن طريق الاي او ام ويه اهلي وهسه انخطبت لابن خالتي بالعراق و ورة ما نتزوج اريد اجيبه لهنا عن طريق لم شمل سؤؤالي هو يحقلي اسوي لم شمل اله واني ما متجنسة بس عندي الكرين كارت واذا يصير اسويله لم شمل شكد راح تطول فترة الانتظار ويصير ابقى بالعراق لحد ما تجيه الموافقة لو لازم ارجع وشنو المستمسكات الي يردوها هنا من اقدم المعاملة .. واذا اريد استفسر بهذا الموضوع المن اسال هنا يعني وين اكدر اسال يا دائرة  .. اني عايشة بولاية نبراسكا لان حسب ما اعرف الشروط من ولاية الولاية تختلف .. واتمنى انكم تجاوبوني