الرسائل

1

الهجرة و واللاجئين / رد: فلوس الى الابد

« في: 17:18 18/01/2011  »

بالفعل اخي الرسام الله كريم ونعم بالله
لحد هسه احسن فكرة واقتراح هو اقتراح ساحر بغداد في وضع حساب بأسم شخص ثقة ونسوي بطاقة أئتمان بأسمه ونروح نسحب الفلوس من امريكا. بس سؤال ان شاء الله اخير لان اني هواي لحيت بالاسئلة لان ما اعرف اذا موظف المصرف راح ينطيني كل المعلومات اللي احتاجها لو راح يضم عليه شي: بطاقتك تكول تكدر تسحب الف دولار كل يوم: تكدر تسحب كل رصيدك من خلالها لو انت مقيد بنسبة معينة من الرصيد تستعملها بالبطاقة؟ يعني مثلا رصيدك 5000 دولار وتسحب كل يوم 1000 دولار تكدر تسحب كامل رصيدك خلال 5 ايام لو لا؟ والف شكر مقدما لان هواي ساعدتني وساعدت غيري لان احنا للاسف عدنا امية مصرفية

2

الهجرة و واللاجئين / رد: فلوس الى الابد

« في: 09:46 18/01/2011  »

مشكور اخي العزيز اقتراح مفيد وحلو
هل اكو امور خفية متعلقة بهاي العملية -- مثلا هل راح تسمحلي هاي البطاقة اسحب كامل المبلغ من خارج العراق لو المصرف راح ينطيني حدود معينة لاستخدام البطاقة (واللي اعتقد اسمها Debit Card مو Credit Card) وممنون على اهتمامك

3

الهجرة و واللاجئين / رد: فلوس الى الابد

« في: 21:06 17/01/2011  »

رحم الله والديك اخوي العزيز عبد العولمة على اهتمامك واجابتك
بالنسبة لعنوان الموضوع جنت اريده يوحي بانه امتداد لمواضيع اخرى بالمنتدى تكلمت عن نفس المادة (تحويل الفلوس لاغراض السفر والهجرة) واحد بيهم كان (الفلوس مره اخرى) بس الظاهر اختياري للعنوان جان مو ناجح
بالنسبة لجوابك كان كلش مفيد ولو ان مواقع الانترنيت للمصارف العراقية هي دعايات للمصرف اكثر مما هي تنطي تفاصيل الخدمات اللي تقدمها وبالتالي نرجو الاستفادة من خبرات كل من يشاهد الموضوع حول ما هي الخدمة الامثل واللي تتطلب كلفة اقل (مثلا هل اكو انواع مختلفة من بطاقات الائتمان؟)
بالنسبة لكلامك عن اختلاف السياسيين فاني اءيدك ولو اكو جماعة ما يتحملون الحوار بالمنتدى وان شاء الله في نهاية المطاف الغرض هو تحقيق الفائدة للجميع
تحياتي

4

الهجرة و واللاجئين / رد: فلوس الى الابد

« في: 20:48 17/01/2011  »

لعد اخي شنو هاي المقدمات والارقام والسياسين الله يخليك هي حزوره لو جدول الضرب وحضرتك اذا حولت فلوسك الله يزيدها شلون راح تلقن الساسه درس.... خو من اول مره وكولها بصريح العباره.. ولواني لااحبذ ان يكون هذا المنتدى نافذه لتعليم الناس على الطرق الملتويه.... والسلام

كلنا نحرص على تجنب الطرق الملتوية خاصة في منتدى عملاق يتابعه الالاف من الناس والسؤال باعتقادي مباشر والسياسيين ما متفقين بيناتهم مثل ما اتمنى نتفق على اجابه هنا بالمنتدى وشكرا

5

الهجرة و واللاجئين / رد: فلوس الى الابد

« في: 20:45 17/01/2011  »

اخي انت تريد تسأل بأي مصرف تخليها لو عندك مصرف معين ببالك؟

حقيقة ماكو اي مصرف ببالي وهو هذا اللي اسال عنه-- يا مصرف يقدملي الخدمة اللي احتاجها؟ يعني اودع بيه فلوس هنا ببغداد واستلمها هناك بنيو يورك وبالاضافة لهذا احصل على بطاقة ائتمان للاستخدام الالكتروني وباقل خسارة ممكنة

6

الهجرة و واللاجئين / رد: فلوس الى الابد

« في: 20:42 17/01/2011  »

الويسترن يونيون ادري بيه غالي بالتحويل.....

اسأل اول شي المصرف اللي بيه فلوسك شنو طرق التحويل عدهم اذا من حسابك وهل عدهم ارتباط بأي بنك بامريكا؟

ثاني شي اذا ناوي على مساعدات لازم ما يعرفون منظمتك شكد عندك يعني جايب لامريكا فلوس

على ما اعرف كل المصارف العالمية تعامل فروعها بالدول المختلفة على انها مصارف مستقلة-- مثلا مصرف HSBC فرع العراق (اللي هو اعتقد مرتبط بمصرف دار السلام) من اودع بيه فلوس هنا ببغداد ما راح اكدر اسحبها من فرع HSBC بنيو يورك

7

الهجرة و واللاجئين / رد: فلوس الى الابد

« في: 20:38 17/01/2011  »

حولهم عن طريق الوستر يونين

شكرا جزيلا اختي بس يمكن هاي العملية ينرادلها شخصين واحد هنا وواحد هناك مو؟ لو اكدر اني احولها منا وبعدين اني نفسي استلمها من امريكا؟ وثاني شي هاي ما راح تفيدني بالحجوزات الالكترونية للفندق والنقل

8

الهجرة و واللاجئين / رد: فلوس الى الابد

« في: 20:35 17/01/2011  »

اخي تريد تحول فلوسك من بغداد الى اي مكان استخدم الوسائل الشرعيه والطرق القانونيه
اما باقي اسئلتك ارجو حذفها لانها ما تخص قسم الهجرة وللجوء  والموضوع اصلا غير  مترابط

اولا محد راد يحول فلوس بطرق غير قانونية
وثانيا الموضوع ذو صلة بالهجرة
وثالثا السؤال هو واحد وين اخلي فلوسي
شكرا

9

الهجرة و واللاجئين / رد: فلوس الى الابد

« في: 20:33 17/01/2011  »

عزيزي اقصى حد للفلوس تكدر تاخذ وياك للولايات المُتحدة هية 10000$ فقط, الباقي لازم اتضمة بحيث محد يكدر يوصلة ..

هذا كل الي اعرفة

ريفولفر

اعرف اخي بس ما اريد اخذها نقدا لسببين اولا حتى لا تنباك هناك وثانيا اريد اسوي الحجوزات اونلاين واني هنا ببغداد

10

الهجرة و واللاجئين / رد: فلوس الى الابد

« في: 20:30 17/01/2011  »

  هذيان غير مبرر..!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

اشكرك اخي العزيز/اختي العزيزة بارك الله بيك

11

الهجرة و واللاجئين / رد: فلوس الى الابد

« في: 19:04 17/01/2011  »

اني جدا اسف كنت حريص على ان اسوي استفساري (اللي هو سؤال واحد وبس) واضح بس الظاهر رجع عليه بك فاير
سؤالي هو
احسن طريقة اخذ بيها فلوس من بغداد لامريكا شنو هي
وهذا هو
واعتذر مجددا

12

الهجرة و واللاجئين / فلوس الى الابد

« في: 17:27 17/01/2011  »

السلام عليكم صدقوني قرات كل الموضوعات ذات الصلة في هذا المنتدى مرارا (بالاخص الفلوس مرة اخرى) ولكن بسبب تضارب الاراء الواضح وتعدد الحالات فاني ارجو الاجابة على استفسار عن حالة معينة هي حالة شائعة لدى الكثيرون لا لمصلحتي الشخصية فقط بل للمصلحة العامة:
1- ارغب بالسفر الى امريكا
2- ارغب في تخصيص 10000 (عشرة الاف دولار) تستخدم بالكامل لمدة (شهر واحد) هناك
3- ارغب في اجراء الحجوزات اللازمة (الاقامة والنقل وغيرها) عبر الانترنيت باستخدام بطاقات الائتمان بالتاكيد من هنا في بغداد قبل وصولي الى نيو يورك باسبوعين على الاقل بسبب ازدحام الخدمات ومرافق السفر والسياحة هناك
4- لا ارغب في حمل الكثير من المال نقدا معي اثناء السفر ولا عند اقامتي في امريكا لاسباب امنية
5- ارغب في سحب كامل المال المتبقي من (10000 عشرة الاف دولار)  اثناء وجودي في امريكا وخلال اقل من شهر
6- ارغب في اجراء كل ما سبق وحدي دون مساعدة من اي شخص (عرف) من العراق ولا من امريكا
فما هي الحلول المثلى المقترحة لهذه الحالة؟
اني مو عجوزي ولا ما افتهم بس اذا يصير اتفاق على الاجابة نكون لقننا السياسيين درس في الاتفاق نتمنى ان نعيش ثماره في يوم قريب (اتشاقه وياكم) وشكرا مقدما