الرسائل

1

الهجرة و واللاجئين / رد: ابو قمر اني مفهمت اي شي من ردك ارجوا التوضيح

« في: 23:02 10/02/2012  »

السلام عليكم
من رخصت ابو قمر لانه سؤال الاخ عصفور مموجه اليه بس راح اكتب هاي المعلومات للاستفاده .... اخ عصفور علمود اتكون مؤهل للحصول على الفيزه لازم اتقدم هاي الشغلات للسفير او القنصل بالمقابله:
1- سبب الزياره سياحه او شغل او للعلاج.
2- المده بالضبط اشكد اتريد تبقه.
3- دليل يثبت انه يغطي مصاريفك باميركا (حساب بنك).
4- دليل عندك عمل بالبلد اللي انت مقيم بيه يثبت انه انت راح ترجع للعمل مالتك.
5- اقامتك بالبلد الخارج اميركا اللي يثبت انه ترجع للبلد المقيم بيه واي مستمسك لاخ يثبت انه اكيد راح تطلع من اميركا من تخلص المده مال زياره.

المصدر:
http://travel.state.gov/visa/temp/types/types_1262.html#3
(Qualifying for a Visitor Visa)

2

الهجرة و واللاجئين / رد: ترفل دوكيمنت

« في: 03:28 09/02/2012  »

السلام عليكم
اول شي انت بصمت واخذولك صوره لو لا .... في حالة انت بصمت واخذولك صوره انت اكيد استلمت بالبريد اشعار بتاريخ الحضور والمكان علمود البصمه والصوره شوف بالاشعار فوك على اليمنه ال APPLICATION NUMBER وراهه فوت على هذا الموقع
https://egov.uscis.gov/cris/Dashboard.do
فوك على اليسرة اكو مستطيل فارغ تكدر تكتب بيه مكتوب يمه Enter your receipt number  بهذا المستطيل تكتب ال APPLICATION NUMBER اللي بالاشعار ودوس Check Status ... راح تطلعلك معاملتك وين واصله

3

الهجرة و واللاجئين / رد: جماعة فرجينيا خلي نتعارف من هسة

« في: 05:22 19/11/2011  »

هسه خلي نسولف بالمفيد 
اول موصلت لمطار ريكن بواشنطن دي سي استقبلني الكفيل وواحد من المنظمة اخذوني للبيت همه اجرولي بيت بس هنا يسموه townhouse بيه تلث غرف وصاله وحمامين مع انه احنه بس شخصين اني وزوجتي المهم دفعولي ايجار شهر و ال security deposit مال البيت لانه همه الويلكم اللي ينطوكياه 900 دولار كل شخص يتقسم بين الايجار والاثاث وال security deposit مال البيت وطبعا هذا مالتك يعني من تطلع من البيت تاخذه وقبل ميخلص الشهر المنظمه تحولك على برنامج اسمه match grant يدفعولك بي الايجار بين ال 3 اشهر الى 5 اشهر وكل شخص ينطوه صك ب 200 دولار علما تلكه شغل و هاي المده راح يصيرلك انت 6 اشهر بالبلد وفي حاله ملاكي شغل وره هاي الفترة كلهه راح تتحول على برنامج اسمه ال TANF هذا البرنامج ينطوك بيه صك كل شهر للعائله تقريبا 450 دولار لمدة سنتين وطبعا همين عن طريق هذا البرنامج تكدر اتقدم على سياره وينطوك السياره بس انت وحضك زينه او مو زينه وكل شهر تنطي 100 دولار لمدة سنه وراهه اتصير السياره مالتك بس لازم يكون عندك شغل علمود من اتقدم حجتك اتريدهه نقل للشغل مالتك بالمناسبه انت من اتفوت بالبرنامج مال ال TANF تكدر تشتغل وتبقه المساعدات لمدة سنتين . طبعا الفود ستامب والتأمين الصحي ينطوكياه بالبداية اول اسبوع من وصولك الفود ستامب لمدة سنه والتأمين الصحي لمدة 8 اشهر.
وشكرا واي سؤال اني حاضر

4

الهجرة و واللاجئين / رد: جماعة فرجينيا خلي نتعارف من هسة

« في: 04:32 19/11/2011  »

كل عام وانتوا بخير وسلامة ، وعيدكم سعيد ، والي ما رايح الحج انشالله الله يسهل له يروح من امريكا اعتقد تكلف حدود 5000 دولار

يامك سعيده اخويه ابو حاتم وكل عام وانت بالف خير بس اريد اكتب ملاحظه الاخ امجد كتب وصلت الى فيرجينيا بس احنا انريد من اخونا تفاصيل اكثر وادق عن تاريخ التقديم وووووووووو بس لو يدخل مره ثانيه جان نعرف انوجهله بعض الاسئله هل توافقني الراي ام لا

السلام عليك
اسف قبل فترة بس كتبت وصلت لفرجينيا
بالنسبة اليه اني قدمت من تركيا
مقابلة اولى 15 \ 12 \ 2010
مقابلة ثانية 29 \ 3 \ 2011
مقابلة ثالثة 28 \ 6 \ 2011
فحوصات 4 \ 8 \ 2011
طيران 20 \ 10 \ 2011
واي سؤال اني حاضر وان شاء الله يوم الطيران للكل

5

الهجرة و واللاجئين / رد: جماعة فرجينيا خلي نتعارف من هسة

« في: 06:33 04/11/2011  »

السلام عليكم
ان شاء الله التسهيل للجميع والسفر بأقرب وقت ... السفر مفتوح على فرجينيا واني من اللي جنت على المنظمة الكرديه واتحول ملفي الى المنظمة Catholic Charities  والحمد الله صارلي هسه اسبوعين من وصلت لاميركا لولاية فرجينيا

6

الهجرة و واللاجئين / رد: جماعة فيرجينيا الي على منظمة الكرديه

« في: 04:20 16/09/2011  »

السلام عليكم
اني همين اليوم اتصلو على كفيلي بفرجينيا غير منظمه علمود يوقع الاوراق مع انه موقع الاوراق ويه المنظمه الكرديه صار شهر تقريبا بس حولوني هسه على غير منظمه