الرسائل

1

الهجرة و واللاجئين / رد: ياعالم ياناس المؤجلين من 2011 يوم 12 شهر 9

« في: 22:39 13/02/2013  »

ياخوية اني من القهر مدااعرف اقره لو صاير اثول وهم من القهر اشو ماكو شي محد بيومنه معلق دشاوف بغير وقت وما اعرف شنو بس اريد اعرف اكو احد بسنة 2013 من المعلقين مثلنه اجاه تحديث على المهجوم الكيس مالته مو كلها سافرت وظليت وحدي مثل المخبل وعايش وحدي يعني الخبال الف

2

الهجرة و واللاجئين / رد: ياعالم ياناس المؤجلين من 2011 يوم 12 شهر 9

« في: 22:26 13/02/2013  »

يااخي ياتحديثات تره لو سابني ولا هذا السؤال اي تحديثات ملفي جثة وبديت أتفسخ بسببها معلق من هذاك الوقت لليوم تفله ما تفلوا عليه حتى أكولك صار جديد ةصار تحديث مثل ما هو بس معلق معلق معلق بيندك واصلا اني ما فاحص ولا اي شي اخذت العزه والصخام ورجعت للقبر البيت ودفون ويه قهري لليوم وحسبي الله ونعم الوكيل على الللي خلانه بهيج حال ..

3

الهجرة و واللاجئين / رد: (((((جمعيه المؤجلين والمعلقين )))))بعد استلام نتيجه المحلفين ...

« في: 22:22 13/02/2013  »

يابشر يامشردين ياحال الظيم حالنه اني مؤجل من تاريخ 2011 الشهر التاسع يوم 12 منو اللي كان ويايه وهل اكو واحد اجاه جواب بهاي السنة 2013 تره ورمة عيوني

4

الهجرة و واللاجئين / رد: ياعالم ياناس المؤجلين من 2011 يوم 12 شهر 9

« في: 22:17 13/02/2013  »

ياأمل الوصول الله ينهي أملك بالخير والوصول هسه قبل باجر شكرا على جوابك ياطيب

5

الهجرة و واللاجئين / رد: ياعالم ياناس المؤجلين من 2011 يوم 12 شهر 9

« في: 22:07 13/02/2013  »

سنكل مان انين اشكرك لجوابك بس ما لكيت معلقين من هاي السنة 2011 اكو معلقين لغير سنين تعرف اسم الموضوع اللي يخص سؤالي

6

الهجرة و واللاجئين / ياعالم ياناس المؤجلين من 2011 يوم 12 شهر 9

« في: 21:57 13/02/2013  »

أروحلكم فدوه معلق من 2011 الشهر التاسع أكو واحد أجاه شي أو تغير ملفه بهاي السنة 2013

7

الهجرة و واللاجئين / اليو أن تطلب مقابلتنا لغلق ملف لجوئنه

« في: 07:31 24/09/2012  »

السلام عليكم أخوان ما قصة مقابلة غلق الملف فقد قامت اليو ان بتحديد موعد مقابلة لنا لغلق ملفنا بسبب رجوعنا الكثر الى بغداد ارجوكم ساعدوني ما الحل وهل يوجد شخص تعرض لنفس الحالة

8

الهجرة و واللاجئين / رد: ما هي المتوقعه لمن أجل المحلفون ملفه (مغلف الأثنين)

« في: 08:49 17/09/2011  »

مرحبااااااااااا.............هل من جديد؟؟؟؟؟؟؟؟؟؟؟؟؟؟؟

صافيه دافيه .... أنتي ما سمعتي شي جديد

9

الهجرة و واللاجئين / رد: المؤجلين في يوم الأثنين

« في: 04:28 16/09/2011  »

حبيبي كيكة مو انت كيكة وراح تبقى كيكة ليش مجلب بالارهابي
اولا خلي ايمانك بالله قوي وخلي شعارك هو المقولة المصرية اللي مكتوب على الجبين لازم تشوفة العين،
كضينا العمر الم ونوح او ونة  لازم نكمل المسيرة نحو الفرح مهما طال الوقت او قصر فأن لم يكن لنا فلأولادنا ،
أتمنى أن تبقى كيكة ولا تلعب ويا الارهابي وتعال العب ويانا احنا جماعة البرشا.
تحياتي وتمنياتي لك بالتوفيق 

يابو هنودة الورد هي تهون لوما عطاله بطاله ططاله وهاي ططاله يعني شي أتعس من العطال بطال السنين تاكل حتى الذهب
مو عاد خزين مالي ورقي معقول في جحيم حريق غلاء الأردن وأشكرك على الرد الراقي   

10

الهجرة و واللاجئين / ظرف الأثنين الدامي (2011/9/12)

« في: 04:23 16/09/2011  »

ياناس ياعالم هذا ثالث موضوع أضعه بالمنتدى نريد نعرف مصيرنا شنو وأشكد حيشمرونه ويأجلونه الى أن  يجي قرار المحلف على قضيتنه ...أجلوا الحكم على قضيتنه لا موافقة ولا رفض ... يعني معلكين من جيوبنا في أردن الرخص والعمل المتوفر والسكن المجاني الله أكبر على الظالمين ....الله أكبر على الظالمين 

11

الهجرة و واللاجئين / رد: المؤجلين في يوم الأثنين

« في: 10:21 15/09/2011  »

وعليكم السلام

أرهابي ...لأنه أمريكا وضعت العالم كله بخانة الأرهابيين وأي واحد يدافع عن ممتلكاته ودينه وأرضه وعرضه يصبح أرهابي ويقاوم مخططات اليهود والأمريكان يسمى أرهابي في حين أحتلالهم للعراق وجلب وتأسيس وتقوية التنظيمات الأرهابيه الحقيقه التي مزقت أجساد شبابنا مثل جيش المهدي والقاعده هذا لا يعتبر أرهاب ولا يصفون أنفسهم بالأرهابيين أو داعمين الأرهاب
الله يلعنهم فب كل صبح ومساء وكل ساعة ودقيقة وثانيه الله يلعن الأمريكان ومن والاهم ..ولولا تحول العراق الى منظمة فارسية مجوسيه تابعة لأحد محافظات أيران لما فكرت ثانية واحة بالهجرة ولو يوجد بلد غير امريكا الكفر والدم لما ترددت  ثانيه بالهجره لها وحتى لو كانت الصحراء نفسها لكن هذا قدر الظلم انه تلتجأ الى نفس الذين قتلوك وشردوك كي تتقي شرهم يمكن صارت مقالة ممله
المهم أني أستلمت ظرف يوم الأثنين وأجلوا ملفي المحلفين بتاريخ 12 الشهر التاسع 2011 

12

الهجرة و واللاجئين / المؤجلين في يوم الأثنين

« في: 01:03 15/09/2011  »

أرجو من العراقيين الطيبين أهل الرحم والغيره على كل من تم تأجيل ملفه أن يزودنا بكل معلومه سيرة الأحداث ما بعد أستلام ظرف التأجيل أرجو من المؤجلين فقط يشرح لنا كعدل ومتوقع الوقت اللازم حتى يتم أجراء معين في قضيته وهل المدة هي شهور طويلة وسنين أم هي مدة قصيرة

ولكم الشكر الجزيل لأطلاعنا عن ما لديكم من معلومات لأنه نفوسنا قد دمرت من القهر والأنتظار والحاجه

أخوكم

13

الهجرة و واللاجئين / رد: ما هي المتوقعه لمن أجل المحلفون ملفه (مغلف الأثنين)

« في: 00:33 15/09/2011  »

السلام عليكم

أن شاء الله يكون كلامك صحيح
بس أنت الوحيد اللي حجالك الموظف هذا الكلام
والموظفين والمحلفين ولا واحد بيهم مقدر وعارف مقدار التعب والمعاناة اللي دنحس بيها
الله لا يرحمهم ديتعامولن ويانه عبالك قطيع غنم لا أحساس ولا مشاعر ولا رحمة
كأنه أحنه عباره عن أوراق وأرقام ومو عوائل كانت بأرقى حال وأصبحنا بأذل وأتعس حال بعد التحرير
الله لا يرحمهم أحتلوا بلدنه وحرروا كل الشر والأجرام والقتل من قيوده
وسحقونه بأعتى ما المجمين والسفاحين
الله يرحم حالنه الله يرحم حالنه الدنيا صارت حقيرة وخل يقتلونه ولا يذلونه بعد تعبت
الله يرحم حالنه

14

الهجرة و واللاجئين / ما هي المتوقعه لمن أجل المحلفون ملفه (مغلف الأثنين)

« في: 10:21 13/09/2011  »

السلام عليكم

أرجو من الذين لديهم معلومات أو خاضوا نفس المصير والتجربه القاهره وهو تأجيل الملف من قبل المحلفين أن يزودونا بما لديهم من معلومات حول المدة المتوقعة أو ما هو مصير من تم تأجيل ملفهم وهل هذا يعني أنه خلص هذا أسوء ما يمكن أن يحدث وهل ممكن أن يرفض الملف لاحقا ومتى أو تتم الموافقة ومتى
مع جزيل الشكر والتقدير مقدما لكل من سيزودنا بما لديه

15

الهجرة و واللاجئين / رد: iom عمان نتائج محلفين 10/9 السبت بسرررررررررررعه ركضوووووو

« في: 10:14 13/09/2011  »

السلام عليكم

وللتأكيد على ما ذكرته اليوم قمت بالاتصال بال اي أو أم وسألت الموظف على تشابه مضمون ظروف السبت والأثنين فقال لي نفس كلام الموظفة التي قامت بتسليمنا الظروف وهو الأثنين تأجيل والسبت موافقة وقال لي مكتوب في ملفك تأجيل ..علما أني أستلمت الظرف يوم الأثنين وصار الخبر أكيد وبدون أدنى شك اللي أستلموا الظرف الأثنين تأجيييييييييييييييل
والسبت موافقة والله يوفق الجميع أن شاء الله ويسهل أمورهم
وأنا أتفق مع أحد الأخوه الذي ذكر (نرجو عدم أستغلال صفحات الموقع بالتهاني والتبريكات لأنه فعلا نواجه معاناة حتى نقرأ ما نستفيد منه من أحداث ومستجدات بدلا من البحث الطويل بين التبريكات والتهاني 

16

الهجرة و واللاجئين / رد: رد: اخوان بشرونا نتتائج الظروف اليوم 10 / 9

« في: 09:14 13/09/2011  »

بابا هاي شدتحجي وشخبصتنا بهل كلمة الفرت عقلك اني مستلم الضرف وبي نفس هالكلمة DEFERRED ورا شهرين سافرت وصارلي سنة ونص بامريكا وهسة زوجتي استلمت نفس الضرف يوم الاثنين قارنت الاستلمتة و ظرف الاثنين نفس الشي لو اكو شي يختار المربع الثاني ويكتبلك شصار بخط اليد
هاي وحدة
ثنين
اذا انتة كاره امريكا والامريكان على شنو معرض نفسك ل هل مذلة روح سافر واترك الموضوع
عجيبة بعد مشايف احد يدعي ويسب شعب ودينتظر موافقة حتى يروحلهم 


أعجابك بأسيادك واضح ..وما حدخل بالتفاصيل والأسباب وأنزل لمستواك ..بس أكولك ما أعتب عليك لكن هذا ديدن العبيد

تلاثة

المحلف اولا ما يسافر لامريكا ورا متخلص المقابلا لا تتوهمون بهل شي المحلف يرجع للسفارة ويكمل فترة الخدمة مالتة ويرجع باجازة ويتبدلون وهكذا
القرار ما ينأخذ بالمنظة
الكيسات روح للسفارة واكو عدهم نظام اسمة BACKGROUND CHECK هذا بي معلومات اذا انتة جنت بامريكا ومسوي مشاكل وطالع من عدها او انتة مرفوض قبل من الهجرة
ولهذا الظروف تتأخر الى ان ترجع للمنظة الرجعت من وقت يظل على يوم السبت والماترجع من وكت يحولوه على الاثنين لان النتيجة نبدي توصل للمنظمة الاحد واكو قسم تتأخر الى الثلاثاء وتجي قبوووووول ال Background check  يطول ترا اني داخل امريكا وطول عندي سبووعين وجان اقوة نوع

17

الهجرة و واللاجئين / رد: اخوان بشرونا نتتائج الظروف اليوم 10 / 9

« في: 00:59 13/09/2011  »

الاخ ارهابي طول بالك شويه
اول شي اني من جماعة السبت واستلمنه الظرف ومكتوب بي كلمة deferred
وشرحتنه الموظفه كالت هاي موافقة المحلف بانتظار الموافقه الامنيه

واليوم اتصلوا بيه على فحص طبي لو اني تاجيل ميتصلون بيه

السلام عليكم

الأخ تقوى الله مثل ما كلت صحيح أهل السبت هم كاتبيلهم deferred وأتأكدت من هذا الشي لكن اللي خبلني الموظفه الله لا يرحمها ولا يوفقها بلسانها شرحت وكررت أنه أهل السبت موافقة وأحنه تأجيل وأكثر من مره كررت هذا الكلام وأسأل اللي كانوا حاضرين فأما أنه هي صح ينطون نفس مضمون الظرف لأهل السبت وأهل الأثنين لكن الأختلاف عدهم وهو السبت قبول والأثنين تأجيل وأما هي غلطانه وغبيه وخبلتنه ودمرت أعصابنه فلازم نتأكد أنه هي كلامها صحيح أو لا.. بس أشلون نتأكد ما أعرف يعني هسه متأكد أنه أهل السبت عدهم نفس مضمون أهل الأثنين لكن الموظفة كالت السبت موافقة والأثنين تأجيل وأشلون حلها ما أعرف لهذا اللي عنده معلومه خل يساعدنه بيها لأنه حبقى بعمان لحد ما أعرف النتيجة الصح وأكرر الله يلعن الأمريكان كولوا آميييين ...

18

الهجرة و واللاجئين / رد: اخوان بشرونا نتتائج الظروف اليوم 10 / 9

« في: 20:02 12/09/2011  »

السلام عليكم

يابه ياناس يمعودين ياأهلنه ياعراقيين يامساكين أشبيكم ما فهمتوا أشصار اليوم لو متريدون تصدكون
كافي الخاطر السماء لتضلون تحجون بكيفكم وتأملون الناس البسيطه
أقسم بالله أقسم بالله أقسم بالله
اليوم اللي كان أستلامه للظرف المصادف الأثنين كلهم أجاهم تعليق ملف يعني أنتظار
تعليق تعليق ملف يعني قضية كل واحد المحلف ما مقتنع بيها لهذا تم تأجيله للمراجعة مره ثانيه وكالت المراجعه مره ثانيه تبدي من يوم الى سنتين هي شرحت للكل لكن الناس متريد تصدك ولا أفتهمت لأنه الظرف مكتوب بالأنكليزي والغالب ما يعرف شنو
معنى deferred اللي معناها أجل أو مؤجل  
و أهل السبت أستلموا نتيجة تختلف عن نتيجتنه والله تختلف
أني بنفسي سألت أكثر من موظفة والموظفة شرحت للكل كالت أهل السبت موافقه على قضية لجوئهم لكن ينتظرون أمنية
أما أنتوا غير موافق على قضيتكم ولا مرفوضة وأنما معلقه مؤجله لازم تندرس مره ثانيه
والله دأحجب ومتأكد  من كلامي
جماعة الأثنين تعليق وطلع صدك مو أشاعات كل كل كل جماعة الأثنين تأجيل
وأفهموا همه يفصلون كل نتيجة الى يوم محد حتى ما تصير قال وقلت ليش هذا أجاه قبول وأني أجاني تأجيل والثالث ليش أجاني رفض
أهل القبول يخلوهم بيوم
وأهل التأجيل يخلوهم بيوم
وأهل الرفض يخلوهم بيوم
فالكل يطلع نفس النتيجة ومحد يعترض على نتيجة غيره

ياناس صدكوا وثبتوا موضوعي أهل الأثنين تأجيل وأريد يتثبت الموضوع للشهور القدمه
أنه كل من يستلم الأثنين تأجيل أو المقصود اللي ما يستلم أول أستلام معناه أنه أما يتأجل أو ينرفض
وارفض أحسن من التأجيل لأنه بالرفض ترجع لليو ان ويحولوك على بلد ثاني ومعاملتك غالبا أسرع من ما تظل معلق على الأمريكان الله يلعنهم بااي او ام
وخلصت القصة ...ولحد يكولي اني منتظر امنيه وموافقين عليه
الكل ينتظر امنيه بس احجولي جايه موافقه على الكيس او لا اهل السبت جايه
واهل الاحد لا ما جايه والله والله كافي تعبت وما ردت اقهركم
بس لانه كافي نحلم واخرها بس عذاب وخسارة ودمار
الله يلعن امريكا الله يلعن الامريكان السفاحين شردونه من بلدنه وهنا ذلونه وخلونه نصرف فلوسنه
وتاليها ضحكوا علينه لا رحمة ولا شرف ولا دين ولا ضمير
الله يلعنهم كولوا آمييييييييين
أني باجر راجع لبغداد وخلص أخذوا فلوسنه ودمروا نفسياتنه وحركوا بلدنه
ارجع لأهلي ولا هاي المذلة وحرك الفلوس

19

الهجرة و واللاجئين / رد: iom عمان نتائج محلفين 10/9 السبت بسرررررررررررعه ركضوووووو

« في: 19:38 07/09/2011  »

السلام عليكم

أخوان أروحلكم فدوة بس فهموني منين جايبين هاي فكرة اللي يأجلوه يوم الأثنين معناه أنتظار وتأجيل واللي يستلم الظرف يوم السبت معناه موافقه ...منين هاي الفكره وأكو تأجيل على يوم الثلاثاء ...قبل اشويه خابروني كالولي يوم الاثنين تجي يعني خلص اترك اليو ان وارجع لبغداد خلصت فلوس ما عندي بعد انتظر

الثانيه كتبت الموضوع وماكو احد جاوبني

20

الهجرة و واللاجئين / رد: iom عمان نتائج محلفين 10/9 السبت بسرررررررررررعه ركضوووووو

« في: 16:32 07/09/2011  »

السلام عليكم

أخوان أروحلكم فدوة بس فهموني منين جايبين هاي فكرة اللي يأجلوه يوم الأثنين معناه أنتظار وتأجيل واللي يستلم الظرف يوم السبت معناه موافقه ...منين هاي الفكره وأكو تأجيل على يوم الثلاثاء ...قبل اشويه خابروني كالولي يوم الاثنين تجي يعني خلص اترك اليو ان وارجع لبغداد خلصت فلوس ما عندي بعد انتظر

21

الهجرة و واللاجئين / رد: جمعية ( IOM ارقام الملف 122 و 123 )

« في: 22:58 19/03/2011  »

السلام عليكم

أخواااااان أروحلكم فدوه

تره خييتكم من يوم 3 الشهر الثامن 2010 متحول الى المهجوم الأسود IOM ولحد الآن ما مقابل أي مقابله ورقم ملفي 1226xx

أريد أعرف المتحولين لل IOM ممكن يعلسوهم سنوات لو بيها فرج ونسافر لعلي الشرجي نيشن تره حبجي خطيبتي حتسرحني

بالكنافذ أذا ما كدرت أسافر لأنه مستحيل نكدر نتزوج الأ بأمريكا ولظروف خاصه....الرجاء الرجاء بشروني بأخبار تفرح القلب

تره حنتحر من الفراغ