الرسائل

1

الهجرة و واللاجئين / رد: استئناف الرفض خلال 90 يوم ارجو الاطلاع والمساعدة

« في: 14:15 16/09/2011  »

العفو اختي ام مهند اني الي اعتذر منج اذا شويه كلامي جان قاسي .... والتواصل شوية ينرادلة نفسيه زينه ... وانت خير من يقدر ذلك ... الي مرينا بيه اني وعائلتي مو سهل واكيد يأثر على النفسية لان كلش صعبة واحد بصالة الانتظار ويرجعوه ويشوف دموع اطفاله بعد ان كانوا كلش فرحانين ويظل 6 اشهر معلق لاهو بالسما ولا هو بالكاع ... وبعد هل انتظار كله تجي هل صدمة والحمد لله على كل حال
واعتذر منج مرة ثانية وسلامي للاخ ابو مهند وان شاء الله تفرج على الجميع

2

الهجرة و واللاجئين / رد: استئناف الرفض خلال 90 يوم ارجو الاطلاع والمساعدة

« في: 12:35 16/09/2011  »

احنا IOM  بغداد .... اشكر تعاونج اخت الاماني ومقصرتي وان شاء الله تفرج عليكم وينصركم ويحققلكم امانيكم كلها باذن الله
يا ابصر الناظرين
يا اسمع السامعين
يا اسرع الحاسبين
يا ارحم الراحمين

3

الهجرة و واللاجئين / رد: استئناف الرفض خلال 90 يوم ارجو الاطلاع والمساعدة

« في: 12:26 16/09/2011  »

اخي العزيز سام جاي
نعم في فترة التاجيل جنت كل ما اراسل المنظمة يجاوبوني on hold
وقبل ميدزولي الرفض بعشرين يوم اجاني هذا الايميل منهم بدون ما اراسلهم وما اعرف ليش شاكريني على مراسلتهم
Dear Sir/ Ma’am,

Thank you for your email,

A careful review of our records indicates that your case is currently pending U.S. Government security reviews which are required for all refugees prior to departure for the United States.  

We are unable to predict when the security checks might be completed, as this process is under the authority of various agencies in the United States and beyond the control of IOM.  

When the results are made available to IOM, we will contact you with update accordingly.

Kind Regards,

IOM Info Center
 
اريد اقول للكل الاخوان والاخوات لخاطر الله حالتي مو قياس وما اريد احد تهبط معنوياته كل واحد من عدنا الله كاتبله شي لازم يشوفه ويمر بيه وان شاء الله الكل يسافرون باذن الله اني كتبت بالمنتدى طلبا للمساعدة والارشااااااااااااااد وحق لا اله الا الله بس هذا السبب والي ميريد يصدق بقت يمه وشكرا للاخوان والاخوات المتعاونين

4

الهجرة و واللاجئين / رد: استئناف الرفض خلال 90 يوم ارجو الاطلاع والمساعدة

« في: 12:13 16/09/2011  »

اخي العزيز حيل فقير هاي نسخة من رسالة الرفض ارجو ان تتطلع عليها وتنطيني رأيك واكون ممنون وشاكر منك وقد حددت سبب الرفض باللون الاحمر

5

الهجرة و واللاجئين / رد: استئناف الرفض خلال 90 يوم ارجو الاطلاع والمساعدة

« في: 20:18 15/09/2011  »

حبيبي زوكو غير اعرف اولا شلون اقدم استئناف هو لعد لوش كتبت بالمنتدى غير ردت اعرف الطريقة وشلون ؟؟؟؟

6

الهجرة و واللاجئين / رد: استئناف الرفض خلال 90 يوم ارجو الاطلاع والمساعدة

« في: 20:05 15/09/2011  »

السلام عليكم
اخواني اعتذر للمرة الثالثة على موضوعي وارجو ان تسامحوني لاني كنت بحاجة لمساعدتكم او اي احد يكون عنده معلومات بخصوص هيج موضوع وطريقة عمل الاستئناف .... بعض الاخوة والاخوات متحاملين عليه ما اعرف ليش بس صدك الي كال الشكوى لغير الله مذلة .... اني الي جنت متصور انو حتحاولون باي طريقة تساعدوني وتخففون من مصيبتي والحمد لله على كل حال ... اما عن مشاركاتي السابقة فهي جدا قليلة وحسب ما اتذكر انو نقلت خبر مفرح بوقتها لان كان صديقي بمطار بغداد وكلي اكو سفر بعد ان كان متوقف ... وما اعرف اذا هذا المنتدى ملك لشخص او هو منتدى ترفيهي او شنو  مختص بس بالاخبار المفرحة  يعني جان لازم كل ما ادخل بفترة اشتراكي اكتب نكته بالمنتدى لو اعلق على موضوع ما اعرفه لو ما افتهم بيه لو احط اغنية  لو شسوي هل فترة ال6 اشهر من اشتراكي حتى بعض الاعضاء يعرفون اني وين جنت طول هل فترة ؟؟؟؟؟؟
 وهاي هيجي الي خلق اسوي اشتراك علمود انقللكم خبر حزين وشنو الي حستفاده من هل موضوع .... ؟؟؟؟ والله غريبة اتصور الخبر الحزين هو يخصني ويخص عائلتي ميخص اي واحد ثاني
اتصور انو السفر لابيدي ولابيد احد بيد الله سبحانه وتعالى 
اني مكلت احد نرفض غيري حتى يزعل البعض  وان شاء محد يبقى من الاعضاء والمشاركين والي يقرون وميشاركون وتسافرون وتعيشون حياة رغيدة ادعيلكم من كل قلبي  واشكر كل من وقف بجانبي وواساني وانطى الموضوع حقه 

7

الهجرة و واللاجئين / رد: استئناف الرفض خلال 90 يوم ارجو الاطلاع والمساعدة

« في: 12:16 15/09/2011  »

السلام عليكم اخواني اشكركم مرة ثانية على تفاعلكم بس لحد الان محد كلي شنو طريقة الاستئناف واني اكون ممنون للي يعلمني لو ينصحني ... اني اليوم دزيت رسالة للاي او ام كتبت بيها كل قصتي وبالاخير طلبت منهم انو اسئانف ووياها رزالة من هاي التمام لانو ميصير يتلاعبون بمقدرات ومصير عائلة بهل شكل وان شاء الله خير ادعولنا ..... رحم الله والديك ابو رحمه على ردك ضحكتني من كلت انو اني شمسوي حتى يرجعوني هل رجعه السودة ... صدك سودة ولو اعرف شمسوي جان ارتاحيت حتى اكول استاهل . واطفالي شنو ذنبهم  ومن رجعونا من المطار جنا حوالي 13 شخص الكل رجعوهم بس واحد SIV طلعوه يعني ممعقولة كلهم مسوين شي وجان ويانه عزابيه وعائلتنا وعائلة ثانية هذا الحجي بشهر3 وختمنا اختام مغادرة وجنا بصالة الانتظار يم البوابات وباقي نص ساعه للطيارة واجى موظف الاي او ام وبلغنا بالغاء الرحلة بس الSIV  سمحلة يروح للطيارة  وجان ومن نراسل الاي او ام يكولونا تاجيل وهاي 6 اشهر .... البارحة دزولي الرفض هي بهذيج الفترة هوايه ناس رجعوهم من المطار الله لايعيدها ولايخلي احد بهيج موقف وان شاء الله كلكم تسافرون وتتوفقون بحياتكم باميركا وتبدون حياة جديدة  امين يارب العالمين

8

الهجرة و واللاجئين / رد: استئناف الرفض خلال 90 يوم ارجو الاطلاع وال

« في: 01:23 15/09/2011  »

السلام عليكم اخواني واخواتي اشكركم على ردودكم وتفاعلكم مع الموضوع .... والاخوان الي شككو بكلامي همه احرار بس الله سبحانه وتعالى شاهد على كلامي انو صحيح 100 بال100 وهذا الي صار ويايه اني عائلتي المتكونة من زوج وزوجة واطفال 2 وممحتاج اكذب عليكم  وليس لي اي غرض بكتابة الموضوع سوى طلب المساعدة والارشاد وكتلكم من البداية لاتاخذون حالة ملفي قياس ان شاء الله كلكم تسافرون ومتعانون معاناتي اني وعائلتي ولا اتمناها لاي بشر والله فكرت 100 مرة قبل ما اكتب بالمنتدى لان اني اعرف المعاناة مال انتظار ومقدار الالم الي يسببه اي خبر مزعج للمنتظرين فاعتذر منكم مرة ثانية اذا سببتلكم اي ازعاج .... بس اتمنى انو احد يدليني على الطريقة والصيغة للاستئناف ومن قابلت الاولى والثانية وانطوني موعد سفر مجنت اعرف شي اسمه منتدى عين كاوة حتى اكتب التفاصيل ومن صرنا بمصيبة التاجيل ناس طيبين عرفوني على المنتدى وكمت اتابع بفترات متقطعة وشفت انو الي يحتاج مساعدة او استفسار  الاعضاء ميقصرون وياه بالنصيحة والتوجيه  واني كتبت حالتي قبل حولي 5 اشهر بعد متاجلنا وجنت اريد تلفونات ال اي او ام  وساعدوني الاعضاء وكتبولي ارقام التلفونات .... ومشكورين  ......

9

الهجرة و واللاجئين / استئناف الرفض خلال 90 يوم ارجو الاطلاع والمساعدة

« في: 21:54 14/09/2011  »

لسلام عليكم والله العظيم اني مجنت احب انقللكم هيج خبر يهبط من معنوياتك واني اعرف معاناتكم جيدا  لان اني ليحد اليوم الصبح جنت اعاني مثلكم وان شاء الله كل المنتظرين والمؤجلين يسافرون ومتصير حالتهم مثل حالتي ... خلي املكم بالله سبحانه جبير  وحالتي مو قياس لان كل حالة شكل فاعذروني على الموضوع مرة اخرى بس المشكلة انو محتاج مساعدتكم لان اليوم اجاني رفض يوكولون بالرسالة انو ممكن تستانف بخلال 90 يوم وما اعرف شنو الطريقة لو الصيغة ومحتاج احد يعلمني .... علما احنا مقدمين بغداد IOM 2009  رقم الملف يبدي 110
اجرينا كل المقابلات والفحوصات وحددولنا موعد سفر  يوم 8 اذار ورحنا لمطار بغداد وبصالة الانتظار بعد ختم الجوازات اجى التأجيل وسوينا دورة تثقيفية بشهر نيسان بعد التاجيل وظلينا ننتظر طول هل فترة ليحد اليوم  واجانا الرفض ... اني مدا افتهم شلون واحد ينطوه موعد سفر وورة فترة يرفضوه حسبنا الله ونعم الوكيل ... بعد ما الواحد باع غراضه وابني ترك دراسته هاي راحت سنة عليه واني تركت عملي ولحد الان اعاني .... الحمد لله على كل حال
 فاخواني الي يعرف شلون طريقة الاستئناف او المراجعة رجاءا يوضلحي واكون منون واعرف انو متقصرون

10

الهجرة و واللاجئين / رد: هل صحيح تم ايقاف مواعيد السفر لشهرين

« في: 10:00 23/03/2011  »

السلام عليكم اخواني اشكركم على المساعدة وممنون منكم واشكر تعاطفكم وان شاء الله تتحقق امانيكم الكل بالسفر والموفقية واليوم اتصلت بالمنظمة ونفس الحجي يكولون تاجيل واي معلومة جديدة حيتصلون بينا والله ارحم الراحمين
اشكركم مرة ثانية اخواني

11

الهجرة و واللاجئين / رد: هل صحيح تم ايقاف مواعيد السفر لشهرين

« في: 12:55 22/03/2011  »

السلام عليكم اخواني واخواتي اني عضو جديد عندكم وقد نصحوني بعض الاصداقاء بمراسلتكم لاني وعائلتي في ورطة بسبب منظمة الاي او ام وقد اجد الحل عندكم .... لقد حددت لنا المنظمة موعد سفر في 8-3 -2011 وقبلها بيوم فحص طبي وذهبنا للفحص وثاني يوم الى المطار وكملنا كل الاجراءات وبعدها جاءنا الموظف وقال ان السفرة الغيت من امريكا قبل ساعة من اقلاع الطائرة من مطار بغداد الى الاردن..... ورجعنا واستلمنا الحقائب ورجعنا لبيوتنا ننتظر والحمد لله ولحد هذه اللحظة لم تكلف المنظمة نفسها الاتصال بنا هاتفيا وكلما احاول اتصل بهم لايرد سوى المجيب الالي وارسلت لهم ايميل استفسار وشرح للحالة يجيبوني ان هذا التوقف الغير متوقع هو من الجكومة الامريكة لاعادة تشييك الامني وان الملف اصبح on hold واي معلومات جديدة سوف يخبروني بها فارجو منكم مساعدتي باعطائي ارقام هواتف المنظمة في الاردن لانني اريد ان استوضح الامر وتقديم شكوى على المنظمة بسبب عملها الغير متقن فنحن في حالة ذهول الان لانعرف مالذي نفعله وقد تركنا مزلنا واعمالنا وابني ترك الدراسة ولا اعرف مالذي افعله هل اجد عمل ومنزل جديد وكم سيطول الامر فارجو منكم اخوتي واخواتي مساعدتي في اعطائي ارقام هواتفهم حتى لاتتكر المأساة مع اي شخص اخر لان هذا التعامل غير مقبول نهائيا حتى لو كان الامر من الحكومة الامريكية فما ذنب اطفالي يدفعون ثمن اخطاء المنظمة او سوء تقديرها او حتى يكلفو انفسهم مشقة السؤال للاطمئنان على عائلة الغي سفرها باخر ساعة وشاكر تعاونكم