الرسائل

1

الهجرة و واللاجئين / رد: تم رفض الاهل اليوم الثلاثاء

« في: 13:08 29/03/2011  »

أحسن شيء لضيع وقت بين ما يجي احد ويجاوبك أتصل بالمنظمة هسة وأفتهم منهم التفاصيل  
وأذا على الرسالة دز وحدة بالاميل ووحدة عادي
ولا يهمك شيء حقك ودتطالب بيهة لو اني بمكانك هيجي أسوي
ماعرف هذا راي الخاص
بس اتمنى احد يجي ويجاوبك

2

الهجرة و واللاجئين / رد: تم رفض الاهل اليوم الثلاثاء

« في: 12:45 29/03/2011  »

أن شاء الله يارب تستأنف ويطلع القبول قريبا
أتمنى من أي أحد يعرف الطريقة يبلغك

بس أعتقد احسن شيء غير أنه تسمع رأي الاخوة خاصة الي عدهم تجارب او معرفة
الافضل للتأكيدأتصل بتلفون الارضي للـ (iom)
يطلعلك موظف يبلغك بالاجراءات
وأكتبهة بورقة وقلم
والي اعرفة الاستئناف مدتة خلال 90 يوم أبتداءا من اليوم
وساعة قبل احسن

ويارب الله يوفقك ويوفق عائلتك والجمعين أجمعين .... اختك روزة

3

الهجرة و واللاجئين / ممكن احد يساعدني بهل السؤال رجاءااا (جعل الارتباط من وثيق الى ضعيف)

« في: 19:46 28/03/2011  »

سؤال اتمنى من الي عدهم خبرة بالموضوع يساعدوني بيه

حابة أعرف انه اذا الواحد خلة أرتباطة بعائلتة أرتباط خفيف بعد ماكان أرتباط وثيق

ياترى المنظمة حتبدي بأجراءات الفصل وراهة تمشي بموضوع الامنية

 لو الامنية مستمرة العمل بيهة بغض النظر انت تفصل عن اهلك او لا (يعني من تطلب فصل راح يستمرون العمل بموضوع الامنية من جهة والفصل من جهة ثانية)

اني اعرف الفصل يطول من 3-4 اسابيع بعض الاخوة مشكورين ردوا على اسئلتي الهم مني كل تقدير وأحترام
بس اتمنى احد عندة معرفة بهل الموضوع تحديدا يساعدني

اشكركم الشكر الجزيل

4

الهجرة و واللاجئين / رد: نتائج يوم الاثنين المصادف 28-3-2011

« في: 19:27 28/03/2011  »

أختي أنا اعرف عائلة طلعلهم اليوم  رفض و3 أعضاء بالمنتدى هم  راسم كان المفروض اليوم يستلمون النتيجة بس لحد هسة مااحد بين منهم إن شالله خير
تحياتي
نواري

تسلم اخويه العزيز شكلك الله يساعدهم ويساعدنة كلنة ويارب كلهم يستانفون وتطلع الموافقة باسرع وقت ان شاء الله
الله ميعوف مظلوم ابدأ
الله يسمع منا جميعا ماعرف شكولك

حسبي الله ونعم الوكيل عليهم

 مجانوا حيموتون لو اطولنة كلنة موافقة ..... الله كريم ويصبر قلوبنة

5

الهجرة و واللاجئين / رد: نتائج يوم الاثنين المصادف 28-3-2011

« في: 17:51 28/03/2011  »

ربي يسهل على الجميع

شكرا جزيلا ان شاء الله للجميع والله يسمع منك

6

الهجرة و واللاجئين / رد: نتائج يوم الاثنين المصادف 28-3-2011

« في: 17:48 28/03/2011  »

أني اتمنى يكون احد رايح يوم الاثنين مستلم نتيجة (قيد الانتظار) يجي بهل الموضوع ويكتب نص الورقة بالانكليزي علمود نفتهم شنو مكتوب بيهة ياريت احد يجي ويساعد

معقولة ماكو اي احد

7

الهجرة و واللاجئين / رد: نتائج يوم الاثنين المصادف 28-3-2011

« في: 17:47 28/03/2011  »

أحب يا أختي الفاضله أشارك بموضوعج  لأن أني مستلمه الظرف مالتنه قبل أكثر من سنه
أني من المتابعين للي استلموا المغلفات واللي راح يستلمون وأنشاء الله نتمنى الموفقيه للجميع
والله الواحد ميعرف شنو يحجي لو شنو يكول لان الحجي مامنه فايده بس الواحد على الاقل ينفهه عن خاطره
هذول الIOM عبالك مسوين فضل لو منيه على العراقيين
لا يفهمون الناس شنو القصه ولا يريحوهم من التساؤلات اللي تجي ابالهم ومو عبالك عدهم عوائل ولازم يشوفون مسقبل عوائلهم
يعني من يطلعون الموظفين وينطون الظروف للعالم بهذا الشكل ويخلوهم حايرين يعني شنو كالت روحهم وهاي لو همه مو جان خبصوا الدنيا بس أحنه العراقيين لاحول لنا ولا قوه الا بالله وعبالك أيام الأنتظار والقلق حتى يحصلون على النتيجه جانت موكافيه حتى يخلوهم حايرين زياده بس شكول صارت لحيتنه بأيدهم على كولة المثل وحسبي الله ونعم الوكيل
أخواني ذبو حمولكم على الله

أختج جنكي

هيه هاي المشكلة والمشكلة الاكبر فرقوا العوائل تشوف اكو عدد من العوائل مو الكل نفس النتيجة لو عدهم احد مرفوض لو على قيد الانتظار وهاي مشكلة كلش كبيرة


بس شتكدر اتسوي

8

الهجرة و واللاجئين / رد: نتائج يوم الاثنين المصادف 28-3-2011

« في: 16:49 28/03/2011  »

يعني معقولة ماكو احد يكدر يشارك بهل الموضوع

9

الهجرة و واللاجئين / رد: نتائج يوم الاثنين المصادف 28-3-2011

« في: 16:39 28/03/2011  »

الله يكون بعونكم اختي الخير فيما اختاره الله ان شاء الله كلشي يصير مثل ما تتمنون

أمييييييييييييين يارب للجميع

10

الهجرة و واللاجئين / نتائج يوم الاثنين المصادف 28-3-2011

« في: 16:24 28/03/2011  »

يوم السبت نتيجتة كانت الموافقة
يوم الاحد كان (قيد الدراسة)
يوم الاثنين قسم (رفض)قسم (قيد الدراسة)


رجاءا لكل من كان موجود يوم الاثنين واستلم نتيجتة (قيد الدراسة) اتمنى منة يكتب بالموضوع هذا شمكتوبلة بالورقة مالته رجاااااااااااااااااااااء اخوي يكتب بالانكليزي نص الورقة

ماعرف شكول ماعرف شحجي يعني فرقوا العوائل واحد يطوله موافقة واحد يطولة تاجيل واحد يطولة رفض
اي ادري لو تقبلوا العائلة كلهة لو كلهة ترفضوهة يعني العالم شسوي
هو قهرنا قليل علمود هيجي ايسون بينة

يعني هو الكم واحد الي اجلوا ورفضوا صدك جان حيأثر عليهم
اني اعرف الناس كلهة تكول الله كريم وان شاء الله تنقبلون وكلهة مسالة وقت كل هذا الكلام الي ينكال اعرفهة واقدر المشاعر الطيبة وعلى راسي من فوك

بس بعد شكت وقت ليش هو العمر كي شهر بيه علمود الواحد يضل ينتظر وينتظر

اني انسانة واقعية وما احب الاحلام بس شسوي مابيدي شيء

11

الهجرة و واللاجئين / رد: نتائج يوم الاحد \ صدمة ...كبيرة.....

« في: 00:29 28/03/2011  »

أميننننننننننن الله يسمع من حلكم وان شاء الله الكل موفقين

روزة

12

الهجرة و واللاجئين / رد: هل فكرت بما ينتظرك في امريكا قبل ان تسافر؟؟؟؟؟؟

« في: 00:13 28/03/2011  »

طبعا بالبداية احب اشكر صاحب فكرة الموضوع (السفير)

واكلة (شكرااااااااااااااااا جزيلا على هالموضوع الرائع)

طبعا اني احترم كل الاراء الي انذكرت سواء في نطاق السؤال او كانت نقاشات جانبية
بس الانسان من يقرر يغير حياته لازم يكون مستعد الهة مثل ميكولون عندة خطط للحياة خطة الف خطة باء هكذا يعني مو يعتمد على شيء محدد ولا يكول وبعدين شسوي اكو مثل عراقي قديم يكول ( الي ميعرف تدابيرة حطنة تاكل شعيرة)

واحنا كلنا رايحين لحياة جديدة مختلفة تماما عن الحياة الي تعلمناهة والي عشناهة

اني افتهم كلش صعب اذا الواحد طبيب او مهندس او مدير او او... يتقبل يعيش حياة مختلفة ويقبل بمهنة صعبة ولازم اعترف اني شايلة هم بس تعرفون شغلة الانسان لما يواجه اي شيء غريب بالبداية يرفضة وميتقبلهة بس ليش منجرب ونحاول مو جائز هذا الشيء البسيط نبدع بيه مو يمكن نقدم بيه شيء او نطورة بعدين يعني اكيد لو كل العالم مهندسين واطباء ومدراء لعد منو حيصلح الكهرباء ومنو راح يسوي الخبز ومنو راح يخيط الملابس....

اعتقد الانسان الي يعمل هو انسان يستحق الاحترام والتقدير لانه العمل عبادة وهو بالنهاية احسن بهواية من واحد ماد ايدة ويطلب مساعدة
طبعا اني ماريد اتفلسف لانه اني مرايحة لامريكا ولا شايفة الحياة هناكة ولا رايد اسوي روحي فاهومة لاني يمكن الي احجي يكون كلام مثالي او مو واقعي بس الي اعتقدة انه الانسان لازم يجرب
وعادي كل انسان يخاف من المجهول لانه المجهول هو شيء منعرفة
بس الي متأكدة منه انه الانسان الي يستخدم العقل الي الله اطاه ياه بالشكل الصحيح ويخلي خطط لحياته دائما مصيرة يكون النجاح وترة النجاح مو بالضرورة اتصير مليونير النجاح يكفي انه يكون عندك عمل وتكون صداقات وتكون مرتاح بحياتك
اني اشوف احنا العراقين اضررنة هواية بحياتنة ومفديوم عشنة مرتاحين
يمكن اذا الله كتبلنتا السفر لامريكا ديطينة فرصة بحياة جديدة لازم نشكرهة عليهة ليل نهار
وبالنهاية ليش نحكم على مكان مشفناه لحد الان ليش منجرب ونشوف ونحاول علمود ننجح يعني اقصد نحاول ونحاول والي يشوف روحة ميكدر يقاوم بهيجي حالة يتصرف التصرف الي يناسبه ويريحة البشر مو كلهة سواء لا بتفكيرهة ولاقدرتهة على التحمل

ماعرف اني هذا رأي
وطبعا جدا اشكرك على موضوعك واتمنى الموفقية للجميع وأتمنى المحلفين يوافقون عليه وعلى اهلي وعلى كل العراقين المقدمين وماتمنى السوء لاحد ابدا بالعكس اتمنى الموفقية لكل العراقين لانه فعلا ماكو مثل العراقي لا بشهامته ولا باخلاقة ولا بكرمهة وشوفوا رغم كل الظروف الي مرينة بيهة بس بعدنة مثل ماحنة وهذا اذا يدل على شيء بس على اصلنة الطيب

وشكرا جزلا على الموضوع الحلو .............روزة

13

الهجرة و واللاجئين / رد: نتائج يوم الاحد \ صدمة ...كبيرة.....

« في: 19:41 27/03/2011  »

اخوان باجر ايبين الكلام اذا الي راح يستلمون النتيجه مثل نتيجتنه ( يعني ماشرين نفس المربع يعني هاي الورقه متاكل)و الكلام هو الي نستند عليه واذا التاشير اختلف ويارب خير الهم طبعا. راح نعرف احنه اختلفنه من اهل االاثنين . واني
استنبطت انه احنه مو قيد الدراسه وانما معلقه وهاي شي جديد والفرق بين قيد الدراسه والتعليق
 هو انه قيد الدراسه ينتضر الملف ليعرض على محلف اخر ليبت به .
اما المعلق فهو توجود معلومات يريدون التاكد منها .وصدكو كل الي اخذو نتيجتهم اليوم اكو شيمشترك بينهم وهو وجود معلومه ايريدون يتاكدون منها ويستفسرون عليها مثلا الي ما عنده دفتر خدمه وايريدون ايسالون عليه ويتاكدون وين خادم او الي مشتغل بمكان بس ما عنده اوراق ايريدون يتاكدون هو صح مشتغل مثل مكال لو بس حجي وهلمجر يعني جمع معلومات همه شايفيها مهمه للملف. لكن قيد الدراسه يختلف حيث انه يحتاج يجي محلف اخر يقراه ليعطي الراي النهائي

كلامج مضبوط باجر تبين اذا ورقة يوم الاثنين نفس يوم السبت والاحد معناهة الكلام الصحيح ناخذة من حجيهم والورقة متاكل شنو مكتوب بيهة
بس تعليقي على كلمة (معلق) زين واذا بنية يعني ماعليهة لا عسكرية ولا شيء شنو يريدون يجيكون

14

الهجرة و واللاجئين / رد: نتائج يوم الاحد \ صدمة ...كبيرة.....

« في: 19:32 27/03/2011  »

يمعود كلها شهر شهرين ويجيلك الرد

وان شاء الله موافقة

الله يسمع من حلكك

15

الهجرة و واللاجئين / رد: نتائج يوم الاحد \ صدمة ...كبيرة.....

« في: 19:25 27/03/2011  »

 

 الفرق  أنه أحنا وضعنا انتظار والله يعلم شوكت تطلع النتيجة هذا الفرق
 الانسان يواجه الواقع احسن

ماعندي كلمة غير الله يصبرنا ويوفق الجميع ويارب تصدر موافقة على كل الي قدموا ومحد يرفض امين

16

الهجرة و واللاجئين / رد: نتائج يوم الاحد \ صدمة ...كبيرة.....

« في: 19:03 27/03/2011  »

طبعا كل شيء جنت اتوقع الا هالمعاملة السيئة من المنظمة
للعراقين :
أولا محترموا العالم ولا قدرهم خلوهم برة ينتظرون
ثانيا محترموا العالم اكثر لمن البنات دخلوا جوة ومن ورة خشمهم يجاوبون ولاكانه بشر احنة
ثالثا ماعتقد كلام رجل له ماضي مضبوط مية بالمية (ولو اتمنى حجية صحيح ) لانه لو كلامة مضبوط جان خلو جماعة الاحد وية السبت همة كلهم 30 نفر اذا مو اقل يعني ماعتقد هالثلاثين نفر حيأثرون على العدد ولو اتمنى اتمنى من كل قلبي حجية لرجل له ماضي يطلع مضبوط بلكن الله يسمع منة
والسؤال الاهم اذا هم يريدون يوافقون علينا (وان شاء الله يوافقون للجميع ويارب ولا واحد ينرفض) يعني شنو الا داعي التأجيل لو هو بس تعذيب للعالم وكانه قهرنا قليل وجنا ناقصيهم بعد

  خو من البداية كولو لو مقبولين لو مرفوضين على شنو هالتطويل كلة

ماعرف شكول غير كلمة الله كريم وبلكن يوافقون علينا كلنا ويارب محد ينرفض