الرسائل

1

الهجرة و واللاجئين / رد: اريد اسافر بس ما اعرف شلون

« في: 04:37 18/05/2011  »

والله يااخي اللي اعرفة انه مادام اخوك هناك وتجنس وانت تعتبر من الدرجة الاولى لاقارب العاملين مع القوات الامريكية يكدر هو يخاطب ال اي او ام ويقدملك طلب عن طريقة هو وهذ كل اللي اعرفة والله وانشالله اخوانة البقية يفيدوك احسن مني

2

الهجرة و واللاجئين / جماعة سوريا

« في: 01:08 17/05/2011  »

احد يعرف شكد الفترة تقريبا بين مقابلة المحلف والموافقة الامنية وموعد السفر
صحيح بعد مقابلة الوفد بشهرين تجي الموافقة وراسا موعد السفر لو لا
وهل صحيح انه الوفد بسوريا يجي بشهر السابع افيدوني

3

الهجرة و واللاجئين / رد: الكفيل وقع اوراقي او وصول الامنيه

« في: 00:35 17/05/2011  »

الف مبروك وانشالله الوصول بالسلامة
بس اكو شو احنة كفلنة جماعة اصدقائنة من شهر ال 10 اللي فات وقعنة الاوراق وكلشي جاهز وكلشي ماكو لحد هسة يعني صار 6 اشهر
الله يسهل عالكل انشالله

4

الهجرة و واللاجئين / رد: الاقامة في سوريا

« في: 22:20 10/05/2011  »

والله صحيح اختي بسمة بس علساس انه اكو محامين مختصين بهاي السوالف والهم واسطاتهم وية اليو ان بس والله اني اعتقد كلهة كلاوات لان يظل الجذب يجر جذب وبالاخير واحد ينسة ويغلط بحجاية
زين اختي ورة مقابلة اولة وثانية باليو ان تجي مقابلة الوفد تعرفين كم مقابلة للوفد لو هية نفسهة مقابلة المحلف
وعلساس الوفد يجي بالسابع لسورية اكو هيج شي. شكرًا للمساعدة

5

الهجرة و واللاجئين / رد: الاقامة في سوريا

« في: 21:43 10/05/2011  »

اشكركم اخواني
والله اني الحقيقة مامقتنعة بالسالفة بس اكو جماعة يكولولي هاي السالفة اتصير وكتلهم علة الاختام يكولون مالهة علاقة
وعلساس من تجي مقابلة الوفد ذاك الوكت يالة بعد ميصير ايطلعون من سورية ومتسوة بعد لان ورة شهرين يسافرون
والله هو الحجي مامقنع بس همة يحاولون يقنعوني بي مااعرف ليش

6

الهجرة و واللاجئين / الاقامة في سوريا

« في: 21:20 10/05/2011  »

لدي سؤال
هل يمكن الواحد اللي مقدم علة اليو ان يسوي عقد ايجار لشقة انه ساكن بيهة وهو مقيم في سوريا ولكن الحقيقة هو ساكن في العراق ويروح ويجي بس علة كد المقابلة ويرجع بس يبلغهم انه هو ساكن ومقيم في سورية ويثبتهة بعقد الايجار

السؤال الثاني كم عدد مقابلات الخاصة بالوفد وهل صحيح انه الواحد من يقابل الوفد خلال شهرين فقط ينطوه موعد السفر

اتمنة من اي شخص عندة جواب وافي يبلغني بي مع الشكر

7

الهجرة و واللاجئين / رد: بيان ولادة عراقي

« في: 05:44 27/04/2011  »

اشكرج اختي ريم وبارك الله بيج علة جوابج بس اتمنة اذا تعرفين شغلة انه ارسل الاوراق لموقع السفارو بواشنطن لو للقنصلية واذا تعرفين العنوان اكون ممنونة الج

8

الهجرة و واللاجئين / رد: بيان ولادة عراقي

« في: 19:31 26/04/2011  »

اشكركم على اجوبتكم واني كلش ممنونة بس اكو شغلة وحدة اذا ممكن تفيدوني بيهة اني سمعت ومااعرف اذا صح او غلط انه مجرد ادز بيان الولادة الامريكي للسفرة العراقية بامريكا او احدى قنصلياتهة وادز ويا صورتين و صك ب 25 دولار ونسخة من جنسيتي وجنسية الاب وطلب خطي بالمعلومات الكاملة عن الطفل وعلى هذا الاساس السفارة تدزلي بيان ولادة عراقي وبعدين ادز بيان الولادة للعراق ويكملولي الاجراءات  فماادري اخواني هل هذا الكلام صحيح او لا ممكن اعرف رايكم مع الشكر

9

الهجرة و واللاجئين / بيان ولادة عراقي

« في: 07:28 26/04/2011  »

ارجو من الأخوة اللي عدهم خبرة يساعدوني اريد احصل علة جنسية عراقية لابني المولود هنا فأريد المعلومات شلون احصل بيان الولادة من السفارة وبقية التفاصيل مع العلم اني ساكنة بجورجيا. وارجو ان تنطوني العنوان اللي لازم ادز بي المعلومات للسفارة  وأكون ممنونة الكم. أختكم

10

الهجرة و واللاجئين / رد: اليوم خابرونه

« في: 17:53 21/04/2011  »

الف مبروك وانشالله يوم السفر عن قريب. بس سؤال هية هاي القابلة هية نفسهة مقابلة الوفد لو لا ويصير يحضرهة وياك المحامي لو لا

11

الهجرة و واللاجئين / رد: التوطين عن طريق اليو. ان

« في: 01:36 21/04/2011  »

زين واللي يكلك انه ايصير اتقدم وانت بغداد وينطوك ورقة حماية ورقم ملف ويؤلفلك قصة تهديد بس يكلك انطيني فلوس وعلساس راسا مقابلة اولة وثانية ورة شهر الثالثة ورة 2 شهر مقابلة الوفد والسفر علة شهر العاشر هذا شنو اكدر اكلة جذاب لو محتال لو ديحجي صدك والله حرت اني وين الصدك وين الجذب

12

الهجرة و واللاجئين / التوطين عن طريق اليو. ان

« في: 07:57 20/04/2011  »

رجاءا ماهي شروط التقديم والحصول علة توطين لامريكا من سورية وهل ممكن الواحد يضل بالعراق ويقدم عن طريق سورية وممكن اعرف عدد المقابلات او التفاصيل بالضبط من اول التقديم لحد الحصول علة الفيزة والموافقة وشكد ممكن أطول الشغلة

13

الهجرة و واللاجئين / رد: صحيح .... امريكا وقفت استقبال اللاجئين...

« في: 19:06 16/04/2011  »

اخواان اني قبل اسبوع سالت واحد امريكي مسؤول بالمنظمة هنا باتلانتا جورجيا كلي من بداية السنة لخد هذي اللحظة إحنا مستقبلين بس 3 عوائل والسبب يرجع الى الوضع الاقتصادي للدولة لان ماكو امكانية حاليا للصرف وكال انه ممكن علة نصف هذي السنة تنحل الأزمة والله اعلم. بس حبيت أشارككم الرأي

14

الهجرة و واللاجئين / رد: احذروا المحتالين والنصابين في سوريا

« في: 22:33 13/04/2011  »

والله كلشي جائز بهذا الزمن

15

الهجرة و واللاجئين / رد: الاقامه وموعد السفر

« في: 22:31 13/04/2011  »

انشالله توصل بالسلامة والله يفرج عالجميع بس عندي سؤال صغير
اللي يقدم توطين عن طريق اليو ان من سوريا لازم يكون مقيم بسوريا لو يكدر يظل يروح ويجي للعراق (مقيم بالعراق)  لحد متخلص الاجراءات افيدوني

16

الهجرة و واللاجئين / رد: احذروا المحتالين والنصابين في سوريا

« في: 19:46 12/04/2011  »

اي والله هذا الكلام كلة صح لان هسة حاليا اهلي تعرضو لهذا الشي بس لحد الان مااعرف هل هو نصب واحتيال ام حقيقة ذهبو التقديم عن طريق سورية بمساعدة محامية سورية طلبت مبلغ 60 ورقة وطلبتها على شكل 3 دفعات بس المشكلة انها كالتلهم انهم رح يقابلون مقابلة اولة وثانية ب 10 ايام والحقيقة ليهسة مااعرف بعد شنو صار والله يستر

17

الهجرة و واللاجئين / رد: الاقامة بسوريا

« في: 19:11 12/04/2011  »

والله حيرة لعد شلون يكولون الواحد يصير يبقة فد 10 ايام يقابل مقابلة اولى وبعدين يرجع للعراق ومن يدز عليه المحلف عود يروح يقابل مرة اخرى

18

الهجرة و واللاجئين / الاقامة بسوريا

« في: 06:06 12/04/2011  »

السلام عليكم
اريد اعرف اخواني ايصير الواحد يقدم لل يو ان من سوريا وهو مقيم بالعراق يعني بس يروح يقدم ويرجع ومن تصير مقابلة يروح يقابل الى ان تخلص السالفة لو لا لازم يكون مقيم افيدوني رجاءا

19

الهجرة و واللاجئين / رد: اريد المساعدة من اهل الخبرة

« في: 20:52 31/03/2011  »

اي والله بصارحة همة حرامية لان اني خابرتهة كتلهة شلون توصلين للمحلف اتكلي احنة عدنة جماعاتنة اللي ممكن تحصل النة نتيجة الفيزا اللي هية الموافقة خلال 6 اشهر كتلهة ماكو هيج حجي جان الناس كلهة دفعت وحصلت نتيجة ليش صارلهم اسنين نايمين ينتظرون المحلف كالتلي لا حبيبتي هاي شغلتي مااكدر اوضح فعرفت هية جذابة هاي تريد بس تقدملهم معاملة عادية علة يابو مسوية عليهم فضل وتلهف ال 20 ورقة مقدما وتخليهم عالانتظار
الله ينتقم بكل من يتلاعب بالناس ويقشمرهم والله لان اهلي علة نياتهم ميدرون بهاي السوالف هاي جاية تلعب عليهم حسبي الله ونعم الوكيل

20

الهجرة و واللاجئين / رد: اريد المساعدة من اهل الخبرة

« في: 00:16 30/03/2011  »

اشكر كل الاخوة اللي شاركو بالرد علة موضوعي وانشالله بلكي الله يسهل ومحد يوكع بورطة لان اني بصراحة هم ما مقتنعة بالموضوع بس تدرون الغركان يتعلك بكشاية مثل مايكولون الله يستر

21

الهجرة و واللاجئين / رد: اريد المساعدة من اهل الخبرة

« في: 00:12 30/03/2011  »

لا والله يااخ زرزور بغداد همة لا راحو لسوريا ولا وصلو كلتلهم تجون يوم 6 بالشهر اكو اوراق نكملهة ويوم 8 المقابلة ورة كم يوم علساس المقابلة الثانية بس هية ليهسة كلشي ما مطيتهم لا كيس نمبر ولا شي ولا تعرف معلوماتهم علسان من يروحون قبل يومين تسوي الاوراق وتسويلهم المقابلة وتاخذ 2000 دولار
بس والله اني هم داكلهم الشغلة نصب واحتيال شكلهة

22

الهجرة و واللاجئين / رد: اريد المساعدة من اهل الخبرة

« في: 23:02 29/03/2011  »

بس سؤال ولو دوختكم زين هية شلون انطتهم موعد للمقابلة الاولى يوم 8 بالشهر زين شلون يدخلون ال يو ان باي صفة مو هيج وحدة هاي الواحد يكدر يرفع عليهة قضية

23

الهجرة و واللاجئين / رد: اريد المساعدة من اهل الخبرة

« في: 21:49 29/03/2011  »

واني همين اختي وحدة بدول الخليج ونفس المحامية هم كللتلهم اخلص شغلتكم وتقابلون بال يو ان بالسعودية زين هاي شلون هيج تسوي زين من ادز عليهم تكلهم مفابلة شلون ايطبون لل يو ان وهو حتة IZ
ماعدهم

24

الهجرة و واللاجئين / رد: اريد المساعدة من اهل الخبرة

« في: 21:47 29/03/2011  »

لعد اكدر اعرف هذي المحامية شلون تكلهم اني اسرعلكم المعاملة واخلصهة ب 6 اشهر وتكول اني هواية خليتهم يسافرون عن هذا الطريق يعني هاي شنو تريد تبوك فلوسهم وعلساس تسوي بينهة وبينهم عقد والله ماادري شنو اللي ديصير

25

الهجرة و واللاجئين / اريد المساعدة من اهل الخبرة

« في: 21:24 29/03/2011  »

اكتب اليوم وطالبة المساعة بهذا الموضوع من الاخوان الموجودين

اني بالنسبة الي مقيمة بامريكا صارلي سنين3
الموضوع والسؤال هو عن اهلي
اهلي ايريدون يقدمون لجوء حتى يجون لامريكا وطبعا اخوية المتقدم الرئيسي ويا امي وابوية المهم هو مامشتغل وية الامريكان فما كدر يقدم من بغداد
عرفو جماعة علة وحدة محامية بسورية واتصل بيهة وكالتلة اني اقدملك المعاملة واخلصهة وتسافر انت واهللك خلال 6 اشهر بس تنطيني 60 ورقة هو اتفق وياهة وعلساس شهر القدم يروحون لسوريا ايقابلون اولى وثانية وبعدين هية تكمل الاوراق وية المحلف ويصير السفر خلال 6 اشهر اقصى مدة ويدفعولهة 2000 دولار مقدما والباقي عند السفر

سؤالي هل هذا الشي ممكن يصير لو هذي دتلعب عليهم وهل صحيح هية الشغلة بهذي السهولة والبساطة اللي المحامية طرحتهة لو لا

ارجو ممن عندة معلومات ايفيدني رجاءا حتة لا يوكعون اهلي بورطة وتضيع فلوسهم

انتظر الرد
اختكم