الرسائل

1

الهجرة و واللاجئين / رد: انقذوني من الهلاك ارجوكم

« في: 23:39 19/05/2011  »

متمكن جدا بالابكترونيات و التصميم هوايتي و احب اشتغل على الفوتوشوب هواية و ترة و الله اني شاطر و طالب سريع التعلم بس الحظ دوم دوم منطيني ظهرة .......و اللغة ماتي مو مكتسبة بس لاترة دارس انكليزي اكثر مما تتصور و الله من كنت بامريكا محد كان يحس بية مو امريكي و حتى اللي يشوفني او يتعرف علية يتعجب من اكلة اني صارلي فترة بسيطة من اجيت... بس مثل ما تكول القسمة و النصيب و القدر اسوء شي ممكن يكون بحياة الانسان من يكون مو بصالحة.

2

الهجرة و واللاجئين / رد: انقذوني من الهلاك ارجوكم

« في: 23:22 19/05/2011  »

الحقيقة الاسئلة منطقية جدا و مابيه اي احراجات اولا سبب التفكير بالرجوع الان بالذات هو انه هسة بس الامور العالقة بحياتي مو انحلت بس وصلت الى نتيجه انه ما ممكن اقدم اي تغيير بيه وايضا الحالة المادية البائسة اللي اني كنت و لا زلت بيه اهم سبب من اسباب عدم رجوعي لحد الان اخوية العزيز ترة من رجعت لحد الان اني على الحديد  بس هسة و بعد تواسيل ببعض المعارف بامريكا قررو يساعدوني ماديا حتى ارجع......

الشغلة الثانية انه اللي يشوف الموت يرضا بالسخونة و اللي دي يصير بالعراقيين هنا ما يصير اسوء منه بامريكا.

عمري هو 25 و شكلي منطقي من جميع النواحي رشيق و حالتي الصحية الحمد لله

اني اشكر كل اللي تعاطفو وياية و الايميل اني دا احضره بس يحتاج شوية وقت مني بعد حتى ادز الاثباتات على الظروف الصحية و الظروف المسسببة للحالة اللي مريت بيها. ادعولي و الله يسهل على الكل اللي بالعراق و اللي بامريكا......ز

3

الهجرة و واللاجئين / رد: انقذوني من الهلاك ارجوكم

« في: 18:19 02/05/2011  »

الشكر الجزيل للجميع و صدكوني ما انظر بشر بقدر الضرر اللي اني انظريته و الله العظيم كنت من زمان متمني روحتي لامريكا و طلعت ضمن ثاني 50 من العراق و افغانستان بس كل الامور ما كانت بالاتجاه الصحيح اوممكن يكون حظ عاثر كنت ضحيته.....


عموما اشكر الاخت ريم و كل الاخوان اللي افادوني بنصائحهم و الله يديم هذا الموقع لكل المظلومين و الحائرين و اوعدكم انه راح اعمل بالنصيحة.
 

4

الهجرة و واللاجئين / رد: انقذوني من الهلاك ارجوكم

« في: 17:49 02/05/2011  »

اشكر اهتمامك بموضوعي الحقيقة اني راسلتهم عن طريق الايميل قبل شهرين و اللي فهمتة انه ماكو USCIS فعال بالعراق و لازم اشوف اي بلد مجاور اقدم من خلالة المعاملة . العقبة بالموضوع من خلال ما شرحت الهم بالايميل كالو انه هذه الاسباب ما راح تكون مقنعة و ممكن جدا يرفض موضوعي على الرغم من انه اني عندي تقرير يؤكد انه اني كنت مظطر ان اسوي جراحة بامريكا ما قبلو يسوهه الا مقابل اجور عالية و 2007 كانت SIV نظام بائس في بداياته.



أشكر تواصلك معي.

5

الهجرة و واللاجئين / رد: انقذوني من الهلاك ارجوكم

« في: 15:03 02/05/2011  »

صاحب الموضوع
مع احتراماتي الك
انته لو بوقت الي رايح بيه بال 2007 وضليت الى 2008
جان قدمت ترجع للعراق كمترجم من امريكا واتصور هذاك الوقت كانو يدورون على العراقيين دواره وحته بالشوارع الركروتريه يفترون حته يعينون يا صديقي
ابهالحاله انته يا غشيم مصلحة
يا انته كسلان ومتعلم عالخده والخدر ابن عمي
ورجعتك لامريكا سهله بس يرادلها شوية ذكاء ابن عمي
يله ارجع امريكا حته ترجع مترجم اليبيا خوش فلوس بيها وربي

تحياتي

يمكن ما تصدكني اذا اكولك 3 مرات اختبرت اورال على التلفون و ينطوني موعد لفرجينيا و بعدين يلغو ويكولون مي يريدون هسة انت يمكن تتصور اني دا ابالغ بس الكارثة انو اني روحتي كانت ببداية الازمة الاقتصادية ((((فكر.......))) شأسوي حتى لامريكا فكرتهة من رحت

6

الهجرة و واللاجئين / رد: انقذوني من الهلاك ارجوكم

« في: 14:30 02/05/2011  »

اخي ولو انت مرديت على الموضوع
بس اكو بعض الشروط بالموضوع مثل السجل الضريبي والتعامل المالي وغيرها من شروط الفيزهBS-1
راح ادزلكياها على الخاص

الله يخليج عليميني شلون ارد على كل رد و الله دخت

اولا اني غشيم على الموقع و ما اعرف شلون استخدمه او ارد على اي تعليق او رد من حضراتكم فياريت تعلموني شلون ارد عليكم و شلون اوصل للردود من عدكم بسهولة.

1- اني ابدا لا طاك و لافايخ بس هو تعبي بالعمل وياهم دفعته مصاريف سفر و معيشة لمدة سنة لان ما كان مسموح للSIV باي مساعدات ب2007 و بدءو بالمساعدات بعد ما رجعت.

2. نعم عندي كرين كارد و نافذ لغاية 2017 و تعاملاتي المادية و الضريبية كلهة كانت تمام لحين ما رجعت للعراق.

3. ما كانت عندي اي اشكالات قانونية طيلة فترة بقائي بل و بلا فخر كنت مقيم دائم مثالي بالنسبة الهم بس شأسوي ظروفي و توقيتاتي كانت جدا قساية و خاطئة.


أرجو منكم تفصيلات عن استخدام الموقع بصورة صحيحة ادري بروحي غشيم و ضوجتكم سو سوري.

7

الهجرة و واللاجئين / رد: انقذوني من الهلاك ارجوكم

« في: 14:10 02/05/2011  »

اولا اني غشيم على الموقع و ما اعرف شلون استخدمه او ارد على اي تعليق او رد من حضراتكم فياريت تعلموني شلون ارد عليكم و شلون اوصل للردود من عدكم بسهولة.

1- اني ابدا لا طاك و لافايخ بس هو تعبي بالعمل وياهم دفعته مصاريف سفر و معيشة لمدة سنة لان ما كان مسموح للSIV باي مساعدات ب2007 و بدءو بالمساعدات بعد ما رجعت.

2. نعم عندي كرين كارد و نافذ لغاية 2017 و تعاملاتي المادية و الضريبية كلهة كانت تمام لحين ما رجعت للعراق.

3. ما كانت عندي اي اشكالات قانونية طيلة فترة بقائي بل و بلا فخر كنت مقيم دائم مثالي بالنسبة الهم بس شأسوي ظروفي و توقيتاتي كانت جدا قساية و خاطئة.


أرجو منكم تفصيلات عن استخدام الموقع بصورة صحيحة ادري بروحي غشيم و ضوجتكم سو سوري.

8

الهجرة و واللاجئين / رد: انقذوني من الهلاك ارجوكم

« في: 13:39 02/05/2011  »

اخوية الغالي تره تكدر ترجع لامريكا بس لا تخلي الفشل كدامك . بس سؤالي عندك كرين كارت لو بس وايت كارت؟

اني اسف بس ترة ما كنت اعرف شلون احط اي ردود لتعليقاتكم نعم عندي كرين كارد و نافذ لغاية 2017

9

الهجرة و واللاجئين / انقذوني من الهلاك ارجوكم

« في: 12:27 29/04/2011  »

السلام عليكم عندي موضوع جدا عويص و ادري اني السبب بيه بس كنت مجبور. اني رحت لامريكا ب 2007  على SIV و مثل ما تعرفون كانت الشغلة كلهه براس اللي يسافر من دولار ال 10000 و ما كو اي مساعدة من الجماعة هناك بالبداية و ضليت هناك لحد 2008 بس متت من القهر لا شغل و لا راتب و لاسكن . و رجعت للعراق لان ما ضل غير بس اكل من الزبالة و انام على الرصيف و لحد الان اني بالعراق ووضيعيتي مدمرة و ضيعت المشيتين. أتصلت بالسفارة و كالولي انت هسة حتى اقامتك راحت لان صارلي هواية خارج البلد. السؤال هو ممكن اقدم على الهجرة او اللجوء من جديد كأنه ما رايح قبل لو بعد امريكا صارت كارت رابح و اني ضيعيتة؟ او هل اكو اي معاملة ممكن تخليني ارجع لامريكا؟ ارجوكم اذا اكو اي وسيلة كلولي و لكم مني جزيل الشكر جميعا....   

و بالمناسبة اني هو نفسة ابن العراق الحزين لكن لسبب ما ما كدرت ادخل بالعنوان هذاك لان اكو فد مشكلة صارت من حاولت اعدل المعلومات الشخصية فقفل و عموما الموضوع بين ايديكم ارجو منكم المساعدة........