الرسائل

1

مواضيع الحياة العامة في بلاد المهجر (امريكا) / رد: طلب معلومات عن ثقافة الامريكية

« في: 00:47 24/04/2011  »

شكرا" على ردود الرائعة


اخ المدرس اني جدا" ممنون من ردك . يمعود اي ملاحظة منك اني تكمل عندي الصور احسن ما كاعد انتظر الفيزة التهي بنصائحكم


ومشكور مرة ثانية


اخت نورا22

بارك الله بيج على ملاحظاتك

بالنسبة على الاطفال مسيطر عليهم انشالله والشكر الى اللة

اني طلبي هو ماهو الوضع هناك من ناحية الثقافة من اكل وروتين وعلاقات



يعني بعد دخولك الى اميركا الى حد الان شنو اهم شي تعلمتية؟..اني مطالب شي محدد بس اي معلومة صغيرة اعتقد راح اتفيدني هواية ...


واني جدا" ممنون



اخ كرادي


الف رحمة على واالديك

شنو سالفة الاجنحة الدجاج؟ عافوا الدجاجة كلها وجلبوا بالجناح؟؟؟

اني جدا" ممنون هذة ملاحظة لان كملت على كلامك وسويت بحث بالنترنيت على وينز  وعرفت شنو bud light

والله انت ذهب

اني عبالي البيتزا بس احجام تختلف طلعت لا مكونات انواع واشكال.......عاااااااشت ايدك


اخ كرادي اني ممنون منك وحاليا مراح اتعبك واسالك بعد لان على كلامك دا اسوي بحث بالنت على سكنر على باب المجمع او مول او ولمارت؟؟


شكرا" جزيلا للجميع وياريت لو بقية الاخوة باميركا يزودونة باي معلومة؟؟؟


ترة والله موضوع يخبل!

2

مواضيع الحياة العامة في بلاد المهجر (امريكا) / طلب معلومات عن ثقافة الامريكية

« في: 00:48 22/04/2011  »

السلام عليكم

بارك الله بيكم على هل معلومات هجرة واللجوء والله يوفق الجميع .وكل واحد يفيد اخوة او اختة  ب معلومة في بلاد الغربة بما

انوا نوينة نمشي بمعاملة الهجرة الى اميركا ...وامرنا الى الله سبحانة وتعالى

سؤالي وطلبي من الاخوة والاخوات المقيمين في اميركا حاليا

شنو هية ثقافة الاميركا حسب تجربتكم

شنو اشهر اكلهم؟؟ الي اعرفة بيتزا هوت ...جيز بيف بركر..تاكو..هذا الي اعرفة حسب افلامهم بس الباقي شنو؟

شنو يشربون مثل القهوة ؟؟ بس الكهوة بيها انواع ياريت لو توضحوها حسب اسمائها

ملابس ؟؟؟ هل صحيح الاميركان كلهم يلبسون شورتات وتيشرتات _ويكرم السامع نعال)  24 ساعة ؟؟ حتى بالدوام

اي ملاحظة بسيطة تنورنة في بغداد المظلمة

العلاقات الاجتماعية ؟؟؟ اكيد تختلف عن علاقاتنا بس سؤالي شنو اكثر شي شفتوة يختلف عن تقاليدنة بصورة غريبة؟ او ملفتة للنظر

المحلات التجارية والاسواق

هذة من اكثر النقاط المتشوق اشوفها

شنو روتين او الاسلوب في الشراء وسؤال محيرني شلون واحد يفتر بكيفة بالمول ومن يطلع محد يفتشة ويكلة وين رايح؟

المطاعم؟؟ اني حاير اذا دخلت بمطعم وانطوني المنيو ؟؟؟حرام ما اعرف شطلب ؟؟ شكلة كباب معلاك لو باجة ههه

مقصد كلامي شنو ستندر اكلاتهم

والله عندي بعد كومة اسالة بس اكتفي بهل كم سؤال الحاليا"


وشكرا جزيلا"