5
السلام عليكم ورحمة الله وبركاته
اريد احجليكم قصتي وياريت الكة يمكم الحل اني كنت ب2008 اعمل مترجم جاين شركة تايتن وبعدين اجتي جي ال اس بشهر الخامس واحد خمسة المهم اني الاكسو باخير فترة كام يكرهني اني كنت اتصرف على نيتي حدث موضوع دخلت موبايل وياية راويتة لل الوتنت مالتي كال ضمة يمك ولا اتراويه لاحد اجيت للسارجنت الي كان مسئول علينة كال ضمة يمك كتلة اوكي فدرة الاكسو بلموضوع اجاني يركض كال عندك سيل فون كتلة اي جان صاح الالتي والسارجنت وكام يحجي علية اني مكدرت انطي لا بلاتي ولا بلسارجنت لان هو اعلى منهم فكلت اخاف ايعاقبهم فضلت ساكت والدمعة بعيني ورة فترة اختفت الجنسية مالتي ورة اسبوع جابولي اياهه كالو لكيناه فمن ردت انزل طلبو مني انه اجدد الباج مالتي فرحت للسكرينك جان كالو هذا الرقم الي بجنسيتك مستخدم من قبل شخص فلازم اجددهه وزرفوهه بكابسة رحت نزلت اجدده جان بلجنسة كالو الصحيفة مالتكم مشكوكة بهاي الحالة الشلون كالو لازم تنتظر واتعرفون الاجرائات بلعراق اشكد اتطول رجعت للدوام جان ابو السكرينك كال سوينالك باند فروم انسولاشن واخذوة باجاتي وسلموني مستحقاتي وطلعت وره شهرين رجعت قابلت نجحت بلاختبار بس بلسكرينك ضل صافن ابو السكرينك وكال انتظر برة انتضرت جان اجني الموضف العراقي وكال بعد مالك حق تعمل وية الجيش الامريكي ,,,,سوالي اكدر اتعين بغير دائرة اميركية مادام مفتوحة تعينات لو لا بس قبل فترة من راجعت الجي ال اس جانت اكو موظفة وردة مال الله كالت ليش ما اتقدم على الاي او ام وخلتني اقدم ودزتلهم تاكيد انه اني موضف كنت عند الجي ال اس وماعلية غبار صح دوختكم بس ماكو غيركم الجئ الة تحياتي للجميع
عرض المشاركات
