الرسائل

1

الهجرة و واللاجئين / رد: اليون ان والامنية .... ومشاكلي تزداد

« في: 23:50 01/06/2011  »

ممنون شباب من عندكم وخل ننتظر ونشوف والله كريم

2

الهجرة و واللاجئين / اليون ان والامنية .... ومشاكلي تزداد

« في: 00:24 01/06/2011  »

السلام عليكم شباب وبنات
رح اسألكم فد سؤال ... اليون ان عدهم امنية قبل مواعيد السفر ......؟؟؟؟؟
لأن اكو شغلة صارت وياي ب2005 ... لزمتني القوات الامريكية بسبب اشتباه على شخص اخذوني يمهم تقريبا عشر ساعات وبصموني واخذوا بصمة عيوني وصوروني وكلولي احنة اسفين شخص مبلغ عليك بالغلط .........
هاي البصمات بشروني تطلع بمقابلة الامنية لو لا ؟؟؟؟؟؟ واذا طلعت اكو مشكلة عليه ؟؟؟؟؟؟؟؟؟ لو مجرد اشتباه ........ والاشتباه هم بي مشاكل بالامنية ........... جاوبوني رحمة لله

3

الهجرة و واللاجئين / شنو بدائل التبصيم

« في: 23:22 26/05/2011  »

السلام عليكم شباب وبنات
في حال واحد اخذ فيزة شنكن واتبصم
وقدم لجوء وعرفوا هو مبصم ... فشنو البدائل حتى يحصل على اللجوء ...؟؟؟
بدون زحمة ممكن اتجاوبوني

4

الهجرة و واللاجئين / شنو الوسائل البديلة في حال التبصيم

« في: 22:28 24/05/2011  »

السلام عليكم شباب وبنات
شباب وبنات اللي بأوربا اذا واحد تبصم بأي دولة اوربية فأكيد بعد ما ينطوه لجوء
زين شنو البدائل اللي يكدر الشخص يسويها بالبلد اللي سافرله حتى يستقر بالبلد ... ويكدر يحصل اقامة ...
ممكن تسولفونا شوية

5

الهجرة و واللاجئين / رد: خبصونا بالبصمة ...

« في: 22:49 20/05/2011  »

الله كريم بس انفجار البوس الشنكن اسرع واضمن واليو ان شي ما مضمون

6

الهجرة و واللاجئين / خبصونا بالبصمة ...

« في: 14:53 20/05/2011  »

السلام عليكم شباب وبنات اللي خارج العراق واللي داخلة ... اللي خارج العراق ان شاء الله تاخذ جنسية واللي داخل العراق ان شاء الله تطلع وتخلص من هالبلد التعبان

شباب وبنات بالنسبة للفيزة الشنكن اكو ناس واغلبهم اهل الشركات اللي يطلعون الفيزة يكولون لا تاخذون فيزة ايطاليا وفرنسا وبعض الدول الاوربية لأن تبصم ... من سألت على موضوع التبصيم من احد اقاربي الالمان ... يعني عراقي بس ماخذ جنسية المانية .. كللي ماكو بالمطارات الاوربية شي اسمة تبصيم يعني تنزل وتتبصم ماكو هيجي شي بس يجوز تتبصم من السفارة ببغداد للدولة الراح تسافرها ...

زين ومن سألت غير شخص هم متجنس بهولندا كللي حتى لو بصموك بالسفارة فتبصيم عادي روتيني ما يطلع لمن تقدم على اللجوء ...

شباب هسة اني قررت اطلع فيزة شنكن شتصحوني على يا دولة اقدم فيزة شنكن يعني مثل بولندا افضل من فرنسا او التشيك افضل من ايطاليا او سولفاكيا الخ
واللي يكولي هاي فيزة شنكن يعني كل الدول الاوربية اكوله ادري بس الدعوة من يا دولة تصير افضل
واللي عندة تجربة خل يسولفنا على موضوع التبصيم ...

اتمنى وصلت الفكرة مالتي ...
تحياتي

7

الهجرة و واللاجئين / رد: شنو سالفة القجق من تركيا لليونان

« في: 13:38 20/05/2011  »

شباب وبنات اني جدا اشكركم على النصيحة وصدكوني لغيت موضوع القجق .... ورح افكر هسة بموضوع الشنكن والله كريم

8

الهجرة و واللاجئين / رد: شنو سالفة القجق من تركيا لليونان

« في: 21:48 19/05/2011  »

اخي  عن تجربة مو تهمبل ارجو من الله ان تغير رأيك وتبعد عن بالك فكرة التهريب
ترة والله موت احمر والكلام اللي كاله الك صديقك صحيح الشرطة اليونانية وحتى الشعب اليوناني كلش متوحشين تجاه المتهربين
وبعد الجيش التركي اتعس بمية مرة والمهربين هواية مرات يخدعون العالم ويتركوهم بنص الطريق واذا حس بأي خطر اكييييد يتخلى عنكم

والله يا اخي المهرب راح يكلك الطريق ربع ساعة مشي او نص ساعة ونعبر نهر كلش صغيروني ومن تروح اهناك تلكة المشي بالساعات اذا مو ايام ويطلع النهر الصغيروني مصيبة ويريد يعبرك ببلم من هذا ابو النفخ......

وبعد انت براحتك بس الطريق جدا صعب ومؤلم....اكيد اكو هواية ناس وصولوا بخير وسلامة للمكان اللي يريدوه لكن اكو هواي مآسي صارت وعالم انفقدت وبعد القرار الاخير يرجع الك والله يوفقك

لا حبيبي هاي نصيحتك كافية ... هي الظاهر سالفة التهريب تعبانة وما منها فايدة خل نشوفلنا غير حل والله كريم

9

الهجرة و واللاجئين / شنو سالفة القجق من تركيا لليونان

« في: 21:35 19/05/2011  »

شباب السلام عليكم
اتعرفت على قجقجي ثقة بين قوسين ما تنطي فلوس الا توصل لليونان
بس هو يريد عشرة الالاف دولار
زين اني ما عندي مشكلة ... بس شباب عندي ولد صديقي بهولندا هو طالع قجق عن طريق تركيا سولفلي سوالف عجيبة غريبة
كللي مشينا 8 ايام والغالي مالتة محترك ... ويكول الشرطة اليونانية شرطة متوحشة اتجاه المتهربين ممكن حتى تقتل اذا انهزمت منها
وكللي اذا تبصمت باليونان ارجع للعراق احسللك لأن بعد ماكو فائدة من ان تاخذ لجوء بأي دولة وكللي لو تطلع من بغداد لأوربا اسهل من الطلعة من اليونان لأي دولة ثانية ....
شباب الكلام هذا دوخني وخاصة انو القجقجي كللي هسة بصمت اليونان ما محسوبللها حساب بالوقت الحاضر


شباب الطالع قجق من تركيا لليونان خل يسولفنا واللي سامع بس من مصدر ثقة هم خل يسولف بس بدون تهمبل ومبالغات رحمة لوالديكم
اخوكم مليت اريد اسافر طكت روحي من العراق تف على هيجي حكومة 
هذا اسمي الكامل

10

الهجرة و واللاجئين / رد: سؤال مهم حول {محضر الشرطة} سائل يسال والجواب نرجوه من اصحاب الخبرة

« في: 00:10 19/05/2011  »

جوابي رح يكون واضح بكل سهولة
اني اتهددت شفت اسرع وسيلة لحماية نفسي هي مركز الشرطة .. واتفاجئت من ظابط التحقيق يضحك على طلبي للحماية وجاوب جواب افزعني .... انت تطلب الحماية في بلد الجريمة والفساد ... فقلت للظابط شلون يعني ... فجاوب الظابط يا ابني احنة ما كادرين نحمي نفسنا شلون نكدر نحميك ..


جواب حلو لو ما حلو

11

الهجرة و واللاجئين / رد: 40 فقرةاللي محتاج الى استفسار عن تركيا... واناي حاضر..

« في: 21:16 18/05/2011  »

اخوي العزيز مليت اسافرالمحترم
اهم خطوة تسويها اذا تريد تنجح شغلتك بنسبة 80% وتحصل لجوء وبدون تاخير .....أن تبدل جوازك مهما كلف الامر والباقي كله سهل ....من تقرر تبدل تعال نسولف ونحجي لان انته عندك معضلة كبيرة بالجواز بدله بااي ثمن لاتكلي مايصير وصعبة ...العراق بلد تايه وضايع وتكدر تشتري المالكي وابوه بالفلوس ...واناي حاضر ومثل ماقلت لك شغلتك بجفه والجواز بجفه
اخوك
ابوعمـــــــــــــــــــــــــــــــــــــر

حبيبي ابو عمر الغالي
اني ممنون منك على النصيحة وباجر رح اسأل واحاول اشوف واحد عرف ممكن ابدل الجواز من خلالة

12

الهجرة و واللاجئين / رد: 40 فقرةاللي محتاج الى استفسار عن تركيا... واناي حاضر..

« في: 02:45 18/05/2011  »

اول شي اشكرك ابو عمر على الموضوع المرتب كلش والمفيد
وثاني شي اكلولك انو اني ضفتك على الايميل وان شاء الله هم نسولف بتفاصيل اكثر وجزاك الله الف خير
ثالث شي اكولك حبي انو اني جوازي بي اختام لتركيا ولعمان ولسوريا عدة مرات وبي ختم احمر اي طرد من سوريا الى العراق ... هي يضرني هذا الشي بالتقديم
رابع شي هل تخدمني باج صحافة + ورقة تهديد + صور مع الامريكان في اليو ان بتركيا

يعني بأختصار رح اكولك انو اكولهم اني صحيح طالع لسوريا ولعمان لسبب السياحة بس هاي قبل الحادث بس ورة فترة بسبب تغطيتي الصحفية للأخبار القوات الامريكية والتقائي بهم اتهددت من قبل ميليشات مسلحة وبالوقت الحاضر اني اجيت هنانة حتى انقذ حياتي .... يفيد هيجي شي واني الممنون

13

الهجرة و واللاجئين / رد: شباب الكلام اللي حجيناه كله ما يفيد خل ندخل بالمفيد

« في: 01:24 18/05/2011  »

زين حبي الصور اللي وية الامريكان تخدمني

14

الهجرة و واللاجئين / رد: شباب الكلام اللي حجيناه كله ما يفيد خل ندخل بالمفيد

« في: 01:23 18/05/2011  »

على وين تقدم اوربا لو امريكا؟؟
اوربا متاكل بس بحاله وحده انو انت تعمل ويه الامريكان وعندك باج وركمنديشن وامريكي يزكيك خلال 4 الى 7 اشهر تحصل لجوء هذا الكلام اكيد

قلبي على اوربا اقدم
زين ليش ولد راح قبل اسبوعين وهسة هو بالكامب والله رح اتخبل .. هيجي اوربا قافلة على القضية

15

الهجرة و واللاجئين / شباب الكلام اللي حجيناه كله ما يفيد خل ندخل بالمفيد

« في: 01:09 18/05/2011  »

شلونكم شباب اني كتبلكم موضوع ويجوز شوية جان متخربط ومعلوماته متداخلة هسة رح احاول اوضح الصورة بسهولة واتمنى شباب وبنات بس اصحاب الخبرة والمجرب يرد لأن هاي حياة ومستقبل اتمنى ناخذها على محمل الجد مو شخص يكول اني سمعت والاخر يحذر من دول اوربا واللجوء وهو كاعد بحي طارق واني اسف على التجاوز على اي شخص ...
خل ندخل بالموضوع ......... عندي بعض الاثباتات اريد من اهل الاختصاص يكولولي تفيد هاي بموضوع اللجوء او لا
1- اني اول شي عندي تصوير فديو سنة 2003 - 2004 يظهر بيتنا متفلش وابوية دا يحجي بالتلفون من جان السيناو   ويكول انو بيتنا انظرب بعبوة ناسفة من اشخاص مجهولين .. وللعلم بالفديو ما مبين تاريخ فممكن اسرد اي تاريخ للفديو من ضمن القصة
2- عندي باج صحافة لأحد الجرائد السياسية اليومية يسقط تاريخ الباج بشهر التاسع والباج رسمي مو تزوير ..
3- عندي ورقة مصدقة من مركز الشرطة ومن قاضي ومرفقة ببعض الملفات انو اني متهدد من قبل ميليشات مسلحة واني اطلب من الحكومة توفير الحماية اللي ..
4- عندي صور عديدة مع القوات الامريكية اني لابس بيها قاط ويظهر باجي بوضوح وبجانبي بعض من الجنود الامريكان
5- اكدر اطلع تقرير من دكتور نفسي انو اني متعقد نفسيا بسبب التهديدات المستمرة الية والمطاردات من قبل العصابات المسلحة ........
6- قبل كم شهر اخوية طلع بسيارتي ولحكوه عصابة مسلحة وانكلبت السيارة بي وعندي تصوير السيارة اثناء الحادث والتقارير الطبية مال اخوية


هل ممكن هاي تخدمني بشي من اقدم لجوء ......  شباب الله يخليكم انصحوني والله تعبت ... اقسم بجلالة الله ماخذ حبوب قوية منوم ومدا اكدر انام ... واصل مرحلة من التعب بس عد الله خبرها

16

الهجرة و واللاجئين / رد: شباب والله العظيم طكت روحي ... اترجاكم نصيحة

« في: 00:48 18/05/2011  »

والله دخت يا ناس يا عالم كل واحد يحجي شكل اني اللي اعرفة انو بلجيكا وفنلدا دا تنطي لجوء واكو ناس اعرفهم ماخذين بيها لجوء ........ ارجوكم احجو حظكم وبختكم لأن دخت

17

الهجرة و واللاجئين / رد: شباب والله العظيم طكت روحي ... اترجاكم نصيحة

« في: 23:07 17/05/2011  »

عمي كضيتها كلها تختل وره ما رفضوني
بعدين انكلفت و انسجنت الى ان رحلوني دفرات
بل كوه و استلمتنا الشرطه العراقيه بل مطار شلون استقبال الله لا يشوفلكياه

خويه اوروبا ما تفيدك لا تتورط و تروح قجق لو شنغن
تروح فلوسك بل هوه

نسيت اكلك اني رجعوني بل جلاليق (قصري) من هولندا

زين حبي رجعوك من هولندا زين ليش اكو ناس انقبلت بأوربا وصديقي قبل اسبوعين وصل لبلجيكا وهسة وضعيتة زينة لأن قصتة مترتبة ... اني مستعد اقدم على تركيا بس اكو مسألة انو اني مقدم على سوريا 2006 و2007 بالمفوضية هناك وكلت اخاف وعندي بالجواز دخول وخروج لسوريا وكلت اخاف يرفضوني

18

الهجرة و واللاجئين / رد: شباب والله العظيم طكت روحي ... اترجاكم نصيحة

« في: 22:47 17/05/2011  »

نصيحه لا تتورط و تجي لااوربا مثل ما سويت اني و رجعوني بل جلاليق
كتيت كوه فلوس و تالي رجعت ايد وره و ايد كدام

ابقه على اليو ان اشرفلك

حبي شلون رجعوك بالجلاليق ممكن تحجي قصتك رحمة لوالديك

19

الهجرة و واللاجئين / رد: شباب والله العظيم طكت روحي ... اترجاكم نصيحة

« في: 22:11 17/05/2011  »

زين حبي مغترب بالنسبة للقصة والاوراق نحاول نرتبها وهذا موضوع سابق لأوانه .......... الولد اللي راح يطلعني لليونان مطلع صديقي وحاليا ماخذ لجوء ببلجيكا يعني بين قوسين طلع بس الاريد اعرفه يعني شنو صعب الطريق هو كللي عن طريق البحر بس شلون صعب وهل بيه خطورة على الحياة .... يعني تنصحني اطلع فيزة شنكن من بغداد لو تنصحني اقدم لجوء على تركيا ارجو الرد اخوية واني الممنون منك

20

الهجرة و واللاجئين / رد: شباب والله العظيم طكت روحي ... اترجاكم نصيحة

« في: 21:43 17/05/2011  »

شكرا الذكي وان شاء الله رح اراسله

21

الهجرة و واللاجئين / رد: شباب والله العظيم طكت روحي ... اترجاكم نصيحة

« في: 20:16 17/05/2011  »

اخوية اوكي اني ما اداوم كصحفي بس عندي هوية رسمية صحفية ومسجلة بنقابة الصحفيين وطلعتها بفلوس وعندي تقرير من مركز الشرطة تفيد انو اني متهدد من قبل ميليشيات يعني تفيدني اذا اقدم بيها على اليو ان مال تركيا وخاصة انو اني جوازي مختوم على سوريا ومسجون بسورياا وعندي طرد من سوريا 24 ساعة ومختوم بالجواز همين ومقدم على اليو ان بسوريا هاي ما تسويلي اشكالات باليو ان مال تركيا ... الحكني بالاجوبة اخوي اخوي

22

الهجرة و واللاجئين / رد: شباب والله العظيم طكت روحي ... اترجاكم نصيحة

« في: 02:10 17/05/2011  »

والله ما ادري اني هم سائل على الوضع ببلجيكا وما اعتقد انو دولة من ضمن الاتحاد الاوربي وعدها حقوق انسان تخلي البشر ينام على الرصيف ... الله اعلم بعد

23

الهجرة و واللاجئين / رد: شباب والله العظيم طكت روحي ... اترجاكم نصيحة

« في: 01:29 17/05/2011  »

اول شي مرحبا وماكو داعي تحرك بدمك صدكني ترى حياتنا خارج العراق مو جنة بس اهون طبعا من وضع العراق بلدنا الحبيب . انت تكول صاحبك يكولك ثقه وهو مطلعه غير ؟ زين اوك بس اهم شي ماكو فلس يطلع من جيبك الا تخلي رجلك باليونان لان مو ينشلع قلبك وتالي الفلوس تروح وانت ترجع هيج ... واذا انت تريد تقدم لجوء وعندك ثبوتات ليش متتوكل وتقدم انت دوختني تدري اخي لان عندك حلول بس محتار وعموما خلي نشوف اخواني هنا شيكولون لان اني بنية ويجوز قراري مو مضبوط لصالحك مئه بالمئه اوك؟ واحنا وياك لحد ما ترتاح .
تقبل مروري
ريم
كندا

اشكرج اختي ريم على الرد ... بس اختي ريم والله تعبت واني ادري الوضع بالخارج مو مدينة احلام ورح كلشي يتحقق وعندي ولد عمتي متجنسين الماني وابن عمي متجنس هولندي ويسولفولي .. بس هنانة ماكو اي حقوق لأي شخص ... يعني الخريج تشوفي كاعد عندة جنبر والما عندة شهادة ابتدائية متعين واحواله توب ..
المهم مو هذا موضوعنا بس اني حاير بين ان اقدم على تركيا للمفوضية بس خايف لأن اني جوازي طاب لسوريا واخاف يعرفون انو اني مقدم على المفوضية مال سوريا ب2006 - 2007 وخايف همين السالفة اطول هواي واني ما عندي مصاريف بتركيا يعني بين قوسين شلون اعيش هناك واني ما عندي الامكانية ..
هذا الولد كللي انو ما تدفع فلس احمر الا توصل لليونان وهو رح يدخلك لشقة علما اهلك يدزون الفلوس وراها يخيرك اختيارين يأما يجي واحد عليك من اقاربك او اصدقائك لليونان وياخذك يأما يطلعك بطيارة لبلجيكا ...........

اني محتار شسوي والله لا يحير عبدة

24

الهجرة و واللاجئين / شباب والله العظيم طكت روحي ... اترجاكم نصيحة

« في: 01:12 17/05/2011  »

شلونكم شباب
والله العظيم شباب وبنات طكت روحي من العراق ... اني حاصل على شهادة بكلوريوس علوم بايولوجي وحاصل همين على شهادة دبلوم بأختصاص حلو بين قوسين كظيت عمري كله ادرس وتالي ما تالي اتعين بمصرف الدم بمدينة الطب بعقد وراتبي 120 الف دينار وعود انتظر الحكومة تحولني على الملاك ... سالفة تعبانة كلش ....
اني ما اريد اشتكي لأحد ... قررت اسافر اداينت فلوس وبحثت لمدة طويلة وية هواي ناس على موضوع السفر ...
شفت موضوع الشنكن وكل شركة تحجي شكل وخايف من موضوع البصمة اللي دا تسويها السفارات الاوربية ببغداد
فكرت انو اطلع لتركيا واقدم لجوء وخابرت على صديقي بتركيا اللي مقدم لجوء وسولفنا هواي وكللي تتعقد امورك اذا مقدم بسوريا على المفوضية واذا مختوم جوازك لسوريا هم سالفة تعبانة .. بس هو مراد يحبط معنوياتي كلش / كللي انت وحظك يجوز تطلع بست اشهر ويجوز ب3 سنوات وينرادلك مصاريف وايجار واكل الخ ..
بالاخير اتصلت على صديقي ببلجيكا وحجينا اني وياه هواي وكللي اعرف واحد مضبوط عراقي باليونان يهربك من تركيا لليونان عن طريق البحر ومن اليونان يوديك لأي دولة انت تريدها ... وكللي الفلوس تبقى يم اهلك ببغداد ومن توصل لليونان يحولون اهلك الفلوس لليونان ويخلي عن سبيلك وكللي ايضا الولد ثقة كلش وهو مطلعة ...
شباب اني دايخ كلش كلش وما اعرف شسوي .. الله يخليكم اذا واحد طالع قبلي خل ينصحني ترى تعبت من التفكير والله الليل مدا انامة ... شسوي ويا خطوة اخطي ... مع العلم اني عندي هواي امور ممكن تسهللي طلب اللجوء ببلجيكا مثل عندي ورقة رسمية صادرة عن مركز شرطة انو اني متهدد .. وعندي باجات مال صحافة .. وعندي فديو  مصورة عن بيتنا من زرعوا عبوة بصف باب البيت .. وعندي فديوات عن سيارتي المكلوبة وعندي صور وية الامريكان واني لابس باج ... الخ
ارجو النصيحة