اخوية ابو لونة انت دايخ واتريد ترجع والى وين ديترويت اتعس مدينة بامريكا من كل النواحي تدري بغداد هسة احلى منهة وانظف والامور بيهة دتتحسن وبين اهلك وكرايبك وانت طالع توك من مصيبة الله يعينك والغي موضوع الرجعة وهية ديترويت شنو شوارع مكسرة وبيوت وسخة من خشب وجسور مزنجرة والشتاء ثلج متنجرع والصيف انكس والجريمة حدث ولاحرج
اخي العزيز اكيد انت حييييل متوهم واكيد من ركبت الطياره نزلوك ابلد ثاني وكلولك هذا هو العراق!!! بغداد من حيث النظافه متستحق ان تقارنها بأي عاصمه عربيه مو مدينه امريكيه حتى لو كانت (حسب حجيك)اسوأ مدينه اميركيه,اما من حيث الجريمه والفساد والسلب والنهب والخطف والقتل والرشاوي والمحسوبيه وانعدام الخدمات فحدث عن بغداد ولا حرج,عصابات المافيا المصرح لها رسميا من الحكومه والمدعومه والمحميه من قبلها تصول وتجول في وضح النهار تسطو على البنوك ومحلات الذهب في وضح النهار وتقتل وتخطف وتحتجز رهائن ,وحسب تقارير عالميه مو(عربيه)العراق اخطر بلد بالعالم والبلد الاول بالفساد الاداري وطبعا هذا مو حجيي هاي تقارير الكل يعرف بيها ولو اني مااعتقد الشغله يحتاج الها تقارير لان الشغله اوضح من الشمس وما اعتقد اكو اثنين عاقلين يختلفون على هذا الشي ,فما اعرف ياخي يامور هاي ال بالعراق دتتحسن !!!!
ثم الاخ صاحب الموضوع هو بنفسه ديكلك انه عاش باميركا سنتين ويريد يرجع يكمل حياته هناك فأعتقد انه لو شاف بغداد مثل متحجي عليها انت مكان فكر يرجع صح لو لا ؟
فعلا الاخ متوهم .. هو صحيح امريكا فيها قتل ولكن من يقتل من؟؟؟ القتل بين موردي الحشيشة والمخدرات لحسابات ماديه اما الشخص الي يشتغل ويروح ويرجع بدربه محد يحجي وياه
لم اسمع ان ابيض قتل اسود لانه اسود ولم اسمع اسود قتل امريكي ابيض لانه من لون مختلف . بل بالعراق المذاهب قتلت بعضها والجوامع والكنائس تفجر وقسم منها قصف بالهاونات ...
لم يوقفني يوما ما امريكي وقال انت عربي وشهر بوجهي المسدس. بل في العراق يأتي الزرقاوي ويذبح على القبلة ويقول لك انك من غير مذهب وغير قوميه
السرقة في العراق منظمة تقودها اناس واصلين بالسلطة ومنهم ايضا قتله مثل فراس الجنابي الذي اغتال زفة عرس باكملها.
في امريكا السرقة اذا اصبحت منظمة تتدخل الحكومة والاف بي اي ولكن العراق بلد خطر وفساد اداري
اما القذارة وصلت لبيوتنا
كهرباء ماكو
ماء ماكو
اتصالات وشبكات ضعيفة باسعار اغلى من امريكا
لا اريد ان اكتب مساويء اكثر حتى لا اطعن ببلدي
ولكن العيشة في امريكا اشرف من العيش في العراق اللللللللللللللللللللف مره
واني باقي اناضل حتى ارجع لامريكا
ودعائكم ضروري لي
تحياتي
عرض المشاركات
