مواضيع

1

الهجرة و واللاجئين / شنو القصة يا جماعة siv

« في: 13:33 08/07/2011  »

يا جماعة الخير شنو القصة ندزلهم ايميلات مكامو يجاوبون وماكو اي وسيلة اتصال ثانية وياهم زين اقرأ بالمنتدى أشوف ناس الي يكلك كالولي اقل شي 8 اشهر واحتمال اكثر اللاخ لا والله كالولي سنة اقل شي شنو القصة يمعودين ورى المقابلة جانت الشغلة تاكللها شهرين بالميت غيروا الإجراءات وصارت 6 اشهر وكلنا ميخالف   انشالله هسة يريدون يغيرون الإجراءات برأسنا من جديد. الله يخليكم يا جماعة ال SIV واللي مخلصين مقابلة بالتحديد اتدخلون هنا حتى نسوي استطلاع انو اللي مخلص مقابلة ودينتظر الفيزا صارلة اكثر من 6 اشهر ودزلهم استفسار بالجديد ردولة جواب لو لا خلي نفتهم اذا الحالة هاي عامة لو خاصة وترى بالحالتين كارثة خوفي الاكبر هو تغيير الإجراءات برأسنا من جديد والله العظيم مليت من هالسالفة.

2

الهجرة و واللاجئين / سؤال هام جدا لجماعة SIV هل تصلكم ردود على ايميلاتكم الجديدة

« في: 17:53 06/07/2011  »

مساء الخير,
دزيت لجماعة ال siv ايميل روتيني من شاكلة اكو اي شي جديد بما يتعلق بالفيزا مالتي مع العلم اني مقابل صارلي اكثر من 6 اشهر. دزيت 2 ايميلات على هذا الموضوع خلال 10 تيام وما اجاني اي رد عن طريق لنك السفارة طبعا. مدأفهم الموضوع والخلل وين واريد اسأل اذا اي واحد من عندكم عنده نفس المشكلة.
الرجاء الرد السريع لأن القلق كلش صعد عندي.

3

الهجرة و واللاجئين / سؤال حول الفحص الطبي للمرأة الحامل

« في: 17:46 20/06/2011  »

السلام عليكم
صارلي اكثر من 6 اشهر من مقابلة الفيزا وزوجتي حامل بالشهر ال 2
والسؤال هو هل حيجبرونا على الفحص الطبي وهل هذا الاشعة تأثر على الجنين خصوصا اني ما اكدر اتحارش بالسفارة على هذا الموضوع اخاف يأجلون الفيزا اكثر. اتمنى الرد
شكرا مقدما لردودكم