الرسائل

1

الهجرة و واللاجئين / ما هي الدول التي لا تحتاج الى فيزة للعراقيين عند السفر من كندا

« في: 03:20 06/01/2012  »

كل اعضاء المنتدى الكرام وخصوصا ممن يقيمون في كندا هل من الممكن السفرمن كندا خلال السنة الاولى اذا كنت لاجيء الى دول اوربا او الوطن العربي  وهل احتاج الى فيزة لدخول هذه الدول ام انها تكتفي باقامتي في كندا افيدونا رجاءا منتضر ردودكم لاتبخلو علينا 

2

الهجرة و واللاجئين / رد: وينكم احبابنا بكندا فيدونا

« في: 20:13 12/09/2011  »

مبروووووك يوم وصولك انشاء الله 
انته تعتمد على وين اتروح اي مدينه يعني هسه مدينتا ليهسه حاره اليوم رحنا للالعاب اطل على النهر متنا من الشمس ورجعنا هسه اكتب ومطر وحاره عبالك فلم هندي دا انصور بس تعرف الشي اللي ضجت وسمعت كلام الدوره التثقيفيه هو القهوه ماكو مثل قهوة سوريا اهنا موجوده بس بلا ريحه وبعد شغله ضروريه مو تنسون التحويله مال الكهرباء لشحن اللابتوب والموبايل لان اول يومين تلتهون بالمقابلات ومن اذكر بعد شغلات اكتب بعدين

اشكرك اختي زيتونه اني قريب من العاصمة اوتاوا اني سمعت ممنوع اي مواد غذائية تاخذ اني لسة ما دخلت الدورة والله يعين بس اذا قبلو اجيبلك كيلو قهوة توصاية تدللين اشكرك مرة ثانية على هل المعلومات يارب يوفقك للخير دائما

3

الهجرة و واللاجئين / رد: وينكم احبابنا بكندا فيدونا

« في: 20:09 12/09/2011  »

الف مبروك اخ انين الجراح ان شاء الله توصل بالسلامة وانصحك اتجيب وياك هدوم ثكيلة كلش  لان بدا الشتا هنا وبارد كلش

الله يبارك بعمرك اشكرك جدا والله يسلمك قالو الملابس هناك احسن انت شتفضل مع العلم عندي خمس اطفال  الله يحمي اولادكم اصغر واحد11سنة

4

الهجرة و واللاجئين / رد: وينكم احبابنا بكندا فيدونا

« في: 20:06 12/09/2011  »

هاي شنو و الله خطيه انته
بس مبروووك وحده بموضوعك

مبرررووووك

الله يبارك بيك واشكرك اخوية خطيييييية

5

الهجرة و واللاجئين / رد: وينكم احبابنا بكندا فيدونا

« في: 20:05 12/09/2011  »

الف مبروك

الله يبارك بيك واشكرك جدا

6

الهجرة و واللاجئين / وينكم احبابنا بكندا فيدونا

« في: 22:44 11/09/2011  »

السلام عليكم بااااااااااااااااااااااااااركولي  بعد انتضار دام من 25/5/2011الى11/9 سلمت الجوازات الى السفارة الكندية في سوريا يارب ييسر للجميع وهسه نصيحتكم شاخذ ويايه وشيفيدني بالسفر  لان قالولي سفرك خلال 20او شهر

7

الهجرة و واللاجئين / رد: الانتظار لكندا

« في: 15:01 18/07/2011  »

اخوية ان شاء الله خير اصبر ان الله مع الصابرين
يعني هية تاخذ وقت وتفرق من شخص الى اخر

الله يسهل امورك ويفرجها علينا وعليك فرجا عاجلا غير اجلا بفضلك ورحمتك ياارحم الراحمين

شكرا الك اختي ويا ارب يسر علينا وعليكم

8

الهجرة و واللاجئين / رد: الانتظار لكندا

« في: 14:59 18/07/2011  »

السلام عليكم اخونة
احمد الله .....احنة صارلنة من يوم 16_2مكملين الفحص ولاحس ولاخبر
خاليهة على الله ودننتظر رحمته
كووول يااااااالله وان شاء الله خير

اخوك ابو محمد_عمان

جزاك الله خير اخوية والله صابر والله يفرجها على الجميع ويختارلنا الخير شكرؤا للجميع

9

الهجرة و واللاجئين / الانتظار لكندا

« في: 19:47 17/07/2011  »

اخواني الاعزاء صدك حيرة والانتظار صعب وممل اني سويت الفحص الطبي يوم 25/5/2011ولهسه ما اتصلو بية لاخذ الجوازات
المشكلة عندي صديق هسه هو بكندا بصراحة خبلني قال اني من سويت الفحص الطبي اتصلو بيه بعد ثلاث اسابيع  واخذو جوازاته حطوله الفيزة عليها ادري معقولة  اني اظن هذا ما تكلم صحيح لو اكو هيج شي وهسه اني حاير حتى شغلي تركته والاولاد وضعهم بالمدارس شلون اكو منهم لازم اخذ اوراقه واختارله المدرسة لان خلصو ابتدائية وواحد منهم لازم ادخلة معهد لان مرحلة منتهية سادس علمي وذولة لازم ادفعلهم مقدم زين شتنصحوني دخخخخخخخخخت

10

الهجرة و واللاجئين / رد: للعراقيين ممن هم في كندا افيدونا يا احباب

« في: 21:36 24/06/2011  »

شكرا الك اخوية ممكن رابط الجمعية اذا عندك

11

الهجرة و واللاجئين / للعراقيين ممن هم في كندا افيدونا يا احباب

« في: 21:23 24/06/2011  »

اولا /السلام عليكم ارجوا ان يكون الجميع بخير وعافية ويا رب تستمتعون بالحياة الجديدة في كندا اول شي باركولي لان اني طلعلي توطين على كندا والحمد لله سويت المقابلات والفحص الطبي وانا الان انتظر السفارة تتصل حتى يستلمون الجوازات

ثانيا /حبيت اشكر كل من قدم المعلومات في هذا المنتدى لان حقيقتا استفادينا هواية من المعلومات الي انكتبت واني ما راح اذكر الاسماء الي احب اشكرها اخاف انسى احد  اشكركم من كل قلبي اني مقيم في سوريا وعندي 5 اولاد اكبرهم 16سنة واصغرهم10سنوات واني فرحان لان كندا قبلت ملفنا من اجل اولادي  يا رب يكتبلهم المستقبل الجيد والحياة السعيدة ولكل اولادكم واحب بهذا الموضوع انو كل واحد منكم يكتب تجربته مع اولاده في البلد الجديد حتى نستفاد من هذه التجارب واخاف اكو واحد بينه يحس نفسه اخطاء  يكتب حتى الاخرين يستفادون ويا رب اكون توفقت لاختيار الموضوع وهذه اول مشاركة الي فلا تعوفون المشاركات فارغة شكرا الكم مرة ثانية