الرسائل

1

الهجرة و واللاجئين / رد: استفسار ضروري حول شراء شقة في عمان

« في: 00:26 10/07/2011  »

أختي العزيزة ولو اني ماعايش بعمان بس اعتقد مرج الحمام تعتبر بعيدة نوعا ما عن عمان وتقع على طريق المطار واعتقد بامكانك الاطلاع على اعلانات جريدة
الممتاز التي اطلعت على اعلاناتها هذا اليوم وبهذا السعر بامكانك الشراء بخلدا وتلاع العلي والجبيهة على الاقل هذه المناطق تقع داخل عمان وفيها شقق جديدة لم تسكن حسب الاعلانات اما الشقة فيجب ان تاتي بنفسك وتشاهديها ثم قارنيها ببقية سواء بنفس المنطقة اوغيرها . وبالتوفيق لك ان شاء الله
ولاداعي أختي للاعتذار  واعتبري نفسك صاحبة الموضوع وهو مفتوح للجميع
وبالتاكيد اخوانا الاعزاء واخواتنا العزيزات اللي عايشين بعمان لن يقصروا معك
وسيعطوك النصائح المفيدة

2

الهجرة و واللاجئين / رد: استفسار ضروري حول شراء شقة في عمان

« في: 18:32 06/07/2011  »

اخويه العزيز رشيد اني جداً اسفه منك وتقبل اعتذاري لان صار هيجي شي في موضوعك بس والله حجييي كلا صدك واني كم يوم وطالعه لعمان ولحسئلك بلداخليه عن جنسيتك  وانت تامر امر واكرر اعتذاري

أختي العزيزه العراقيه ألف شكر . لا ياأختي لاداعي أبداً للأعتذار نحن العراقيين أخوه فكيف عندما نكون مغتربين . تحصل دائماً حتى بين أفراد الأسره الواحده أن يحصل سوء فهم للقصد وكم نستخدم عبارات بقصد الأستغراب أكثر ممانقصد فيها السخريه وقد يفهما أحدنا على غيرقصدها. بالتأكيد ياأختي أنت صادقه وجميع الأخوه أيضاً .
ألف شكر لك أنا حقيقه لست بحاجه للأستفسار الداخليه ولكن أثار قلقي ماطرحته الأخت أريج من وجوب قطع التيار الكهربائي والماء قبل السفر لأن هنالك من يسرقون الكهرباء والماء . بصراحه أنا أردت شراء الشقه لأستخدمها شهر واحد بالسنه لتجنبني الشقق المفروشه وبهذلتها ولكن يكون الأمر علي أكثر أزعاج إن أضطررت لجلب موظف الكهرباء للأيصال ثم القطع .وودت الأستفسار عن ألضريبه السنويه المفروضه ومقدارها .فأن كان بالأمكان وكانت لديكم معلومات فألف شكر . تقبلي مني  كل التقدير والأحترام[/size][/font][/font]

3

الهجرة و واللاجئين / رد: استفسار ضروري حول شراء شقة في عمان

« في: 13:42 06/07/2011  »

أختي الفاضلة البغدادية
كل الاراء التي طرحت حول استفساراتي هي محترمة واولهم رايك ولو تلاحظين الردود فانك اول الاعضاء الذين وجهت لهم الشكر والخلاف بالراي لايفسد في الود قضية. كل ماحدث هو سوء فهم وجل المشكلة ان معظم الاعضاء فهمواكلامك
حول موضوع النصب باتجاه اخر وبمعناه المهين في حين انت كنت تقصدين في ردك قبل الاخير بمعنى الاستهزاء والضحك على ماذكرتيه. وبالنتيجة وبالطبع لعدم فهمنا لقصدك اتت الردود شديدة . وتاكدي ان الاخوة الاعضاء لم يقصدوا
الاستهزاء بكلامك لكن نحن العراقيين بطبيعتنا نحب المزح والشقة .
أتمنى ان ناخذ الامور ببساطة اكبر والله يوفقك ويحقق امنياتك ويوفق  جميع الاخوة الاعضاء
تحياتي وتقديري

4

الهجرة و واللاجئين / رد: استفسار ضروري حول شراء شقة في عمان

« في: 20:18 05/07/2011  »

اخي رشيد
يمكنك شراء شقه في عمان بدون شرط الاقامه
وهناك معقبين لمتابعة المعامله
ولكن يتطلب تواجدك عند استحصال موافقة المخابرات
يفتحولك ملف تسجل بي المعلومات عنك وعن افراد عائلتك ويرسلون الموافقه للداخليه لاكمال الموافقه على الشراء

شكرا اختي الفاضلة على مرورك وبارك الله فيك

5

الهجرة و واللاجئين / رد: رد: استفسار ضروري حول شراء شقة في عمان

« في: 19:57 05/07/2011  »

طبعا حيييل مستغربه منكم يا اعضاء عينكاوه الكرام يعني اني غلطة بس بللارقام اني داقصد عشرة دفاتر او تسع دفاتر فما فوق اني اخذة وحده بسبعة عشر دفتر فغلطة كلت عشرة الاف او ازيد بس بيكم خير وتنصبون على الناس بلا فائده مثل موقعكم اخ مهاجر بلا حدود اتمنى ايكون كلامك ارقى اذا ناوي اتسافر الى بلا د الوعي والثقافه اخ ابو هنوده انت مثل البارحه من نزلت وكلت اكو بشارع الربيعي مكان ايسوي قصص عيب والله عيب الاخت العزيزه ساره اني جنت ماخذه عليج غير نظره لكن للاسف وهذا اخر شي لحكتبى الكم

بلنسبه الى ابو هنوده اقدملك كل الشكر والتقدير على هاي الاخلاق العاليه

اختي العزيزة البغدادية 2
انا واثق جدا بانني لم اتجاوز حدودي او اسيء الادب انا علقت على انه ماكو شقة بـ 9 الاف دولار في عمان فكيف لي ان اعلم انك تكتبين 9 الاف وتقصدين 9 دفاتر انا عندما اكتب اراجع كتاباتي قبل ان انشرها. فارجو ان تراجعي كتاباتك قبل النشر لكي لا تسمعي تعليقا لا يعجبك على ما كتبت.
بعدين شلون عرفتي احنا نصابين منو بينا نصب على حضرتج .
شنو تحبين يكون ردي من واحد يسأل شلون يقدم للجوء وبعد ما ترد عليه وتفهمه ان تكون قصته مرتبة ويشرحولة الاخوان ومضيعين وقتهم يرد بكل برود يعني شلون اسوي القصة فيسمع الرد اللي يروح بي الشارع الربيعي.
وانا اشكرج كلش هواية وما راح ارد على السطر الاخير لانه اخلاقي جدا عالية وما انتظر تقيمك لاخلاقي لانه اخلاقي بالفعل جدا راقية واغلب اعضاء المنتدى يشهدوا بذلك
تحياتي

أخي واستاذي الغالي ابو هنودة المحترم
اولا انا وددت ان اشكرك جزيل الشكر على تداخلك في موضوعي وتزويدنا بالمعلومات الهامة والتفصيلية القيمة التي ستفيدني فيما بعد ان شاء الله واستعدادك
للمساعدة عبر الكتابة على العام  والخاص لدليل على شهامتك وكرم اخلاقك
وكن على يقين اني فخور جدا بكم وبكل اخوتي الاعضاء المحترمين الذين حاول كل منهم مساعدتي وتزويدي بالمعلومات قدر المستطاع
تقبل فائق تقديري واحترامي

6

الهجرة و واللاجئين / رد: استفسار ضروري حول شراء شقة في عمان

« في: 19:24 05/07/2011  »

اخي العزيز بما ا نه حددت مطلبك من خلال سعر الشرا ء فهذا جيد وبما انك اطلعت على اسعار الشقق من خلال المواقع الالكترونيه هذا شي جيد ايضا وللعلم اكو جريده الممتاز الها موقع ابحث عنها .هسه نجي على اسالتك هناك الكثير الكثير من شركات الاسكان وكلها تره مضمونه لتخاف من ناحيه النصب، (اي اخذ افلوسك) محد راح ياخذ افلوسك النصب ايصير بغير اشكال يعني بزياده السعر او بالتشطيبات يعني نصب عام وليس خا ص فلتخاف اذا اشتريت منهم راح تسجل الشقه باسمك اكيد ومن هاي الشركات الي اني اعتقد هي ارخص الشركات من خلال متابعتي للاسعارهي شركه سلام وزوانه او شركه ايمن سلام هذوله تره ولد العم بس كل شركه بحد ذاتها واني اعتبر شركه سلام وزوانه احسن بالتشطيبات واكو شركه اسمها  اشتي هم زينه  وغيرها واكو شركات متشتغل اله سوبر ديلوكس واسعار شققها غاليه بس اني جبتلك الشركات الي على كد سعرك . هاي شي الشي الاخر مو بالضروره اتروح على الشركه وانما تشوف شقه عجبتك تسال تعرف تابعه الاي شركه واتروح تتفاهم وياهم وهمه ايسوون الازم ومتحتاج لا محامي ولا معقب لان الي يشتغلون بالشركه همه ايكملولك المعامله وحتى شغله الامنيه مالتها يعني لو اسوي مقابله بالمخابرات ولو مسوي مو بالضروره تره
اما عن الدفعه الي راح تدفعها واتكمل بعدها بعد ما تنكتب الشقه باسمك ان شاء الله مبروك  فلشيل هم بيها حتى لو دفعت المبلغ كله مراح تخاف وهاي احجيلك عن تجربه لان راح يكتبلك صك بالمبلع الي يستلمه منك كامل والصك مو من شخص عادي وانما من شركه الها سمعتها بالاسكان وين متمشي اشوف عماراتها .

واكيد هاي الشركات عدها اكثر من عماره مبنيه وباحجام مختلفه وبمواصفات مختلفه وكل وحده سعرها يختلف عن الاخرى وباطلالات مختلفه  اما كيف الاستدلال عليها فمثل مكتلك بجرايد الاعلان الممتاز والوسيط كل الشركات موجوده بيها
اما عن العقد وتصديقه هاي سالفه لدوخ بيها ابدا اهنا كله نظامي مو مثل بالعراق وخاصه اذا من شركه وااكد شركه اما من المالك فلا تره تخوف لازم تسال محامي او تصدق بكاتب عدل ومن هالسوالف اما بالشركه فالعقد الاولي ينطيك وصولات ومتخوف الى حين تطلع الموافقه يروح للعقار يتنازلك ياخذ منك الورقه الي انطاكياها وينطيك  المقفتاح شغله جدا سهله يمكن الشرح اصعب من الشراء صدك
نجي على ام السماك شارع مكه متلكي 35 لو غرفه لكن قد تجد بالكاردنز قديمه مو  جديده ويعني هاي من المالك واني ما اشجعك لان انت محد يضمنلك شيطلعلك المالك والاحتيال اسهل شي لان القانون لا يحمي الغرباء مو بس المغفلين حشاك
ومع ذلك اذا انت اطلعت اكو هيج اسعار كلش زين لكن الاسعار اذا من المالك قابله للتفاوض اما من الشركه فينزلون بس مو اهوايه بس انت اتحاول اتفاوض طبعا اما عن مبلغ الصيانه السنوي الي تدفعه كل شقه عيني احنه ما عدنه مثل اوربا ميكلف ذاك المبلغ اذا اكو حارس ياخذ اكثر شي 15 دينار كل شهر وانت احسب السنه واذا مسدوده وانت مموجود انت تنطي هذا المبلغ لان العماره تعتبره مصاريف صيانه . واكو ضريبه بسيطه جدا سنويه للحكومه متطلع مبلغ يعني اعتقد 300 دينار هيج شي ممتاكده من المبلغ كلش
ان عمان امينه من ناحيه تاثيث الشقه وغلقها وخاصه اذا كنت مو ارضي وحتى لو ارضي طبعا خلي على الباب الخشب قفص حديد واتركها عسى خمس اسنسين معليها شي بس اذا حبيت تتركها تفصل المي والكهرباء لان هشي هو الي راح ينباك منك وتجي بعد شنه تلكي افاتوره الكهرباء للضالين وانت مموجود فقطع التيار الكهربائي ضروري وشيل ساعه المي هم ضروري

والف مبروك على الشقه الجديده شايف الخير مقدما

أختي الاستاذة الفاضلة اريج جزيل الشكر والامتنان لجهودك الرائعة وردك التفصيلي حول استفساراتي والله يوفقك ويجزيك الف خير.
طبعا انا اسف دوختكم باسئلتي لكني لم افهم ماأشرت إليه حول احتمالية سرقة الكهرباء  او الماء فكيف يتم ذلك ؟ وهل يجب ان افصل الكهرباء والماء من داخل  الشقة بنفسي او يجب ان تقوم الدائرة المختصة بذلك
اخونا العزيز احمد عباس اشار انه بعد الشراء هناك رسم للتسجيل او التحويل على الاقل ١٠٠٠ دينار ومثله لتاسيس الكهرباء والماء علما اني قرأت قبل فترة ان الشقق لغاية ١٢٠ متر معفاة من هذه الضريبة .
مقدم العقد او العربون الذي يدفع لشركة الاسكان عند اتمام العقد هل نسبته الربع او الثلث او اقل واقصد حسب مامتعارف عليه في مثل هذه الحالات
الف شكر مع تحياتي وتقديري

7

الهجرة و واللاجئين / رد: استفسار ضروري حول شراء شقة في عمان

« في: 15:53 05/07/2011  »

  أخي العزيز... اني راح اكوللك شغله صارت كدامي عن شقه بمنطقه حلوة وجميله جدا وطبعا كلهم عراقين المنطقه
  هي خلدا واعتقد الكل يعرفه وماكو اسعار 9 او 20 الف دولار اشترينه وحده مساحته 140 متر وكان سعر مع الرسوم
  70 الف دينار بالادولار 100 الف دولار واكو مناطق ثانيه ارخص بشي بسيط لان اعتقد انته ما تتكدر اتعيش بمنطقه شعبيه
  لذللك حضر مو اقل من 60 الف دولار الى 120 الف دولار حسب المساحه واني نصيحتي اللك خلدا او الكاردنز لان اثنينهم
  المناطق حلوة ومرتبه وماكو مشكلة اذا جان عدك اقامه بالبلد المهم اوراقك سليمه لان العراقي اللي ماعنده اقامه
   اله حق يشتري وتسجله باسمه والموافقات الامنيه فقط اتصير عندك مقابلة بالمخابرات واسئله عامه يساللك
   وراه باسبوع او اكثر اشوي تتطلع الموفقه وتتطلع الموفقه ميه بالمية ان شاء الله وصلت الصورة لحضرتك تحياتي واحترامي

أخي العزيز ممنون جدا على مرورك وعلى التوضيحات والمعلومات المهمة

8

الهجرة و واللاجئين / رد: استفسار ضروري حول شراء شقة في عمان

« في: 15:44 05/07/2011  »

أقدم شكري الجزيل بداية لكل من الاخوة الاعزاء أيهم ومهاجرين بلا حدود والفراتي وجوكر ورافد واستاذنا العزيز ابو هنودة على ردودهم الرائعة والمهمة
والشكر موصول لاخواتي الفاضلات البغدادية واريج الراوي وسارة على ردودهم
القيمة والمفيدة بارك الله فيكم جميعا .
لكني اطمع بكرمكم بالرد على استفساراتي الاتية ان امكن
بالنسبه للجنسيه الهولنديه سوف توفر علي مشقة الفيزا على الجواز العراقي أنا الحمد لله أحتفظ بجوازي العراقي . وددت الأستفسار عما طرحته الأخت الراوي عن شركات الأسكان كيف بالأمكان الأستدلال عليها وهل يتوفر لديها شقق بجميع المواصفات والأسعار مشكلتي أن أجازتي في الشهر العاشر لاتتجاوز شهر فأين تنصحوني أن أتوجه ولأي شركات لشراء شقه؟
بالنسبه لأجراء ات التعاقد ودفع العربون وأين يتم تصديق العقد لدى كاتب العدل أو محكمه وهل يُدفع العربون قبل تصديق العقد أم بعده ؟
أنا أبحث عن شقه بمساحه صغيره لاتتجاز ١٠٠ متر ولكن جديده لم تسكن سابقاً غرفتين نوم وصاله وتشطيب سوبر لوكس بحدود ٣٥ ألف دينار وأرجو أن تكون في أم السماق أو شارع مكه أو المدينه المنوره أو الجاردنز أو تلاع العلي قريباً من الجاردنز . لقد أطلعت على أعلانات تناسب الطلب عبر مواقع النت وبعض المعروض بحدود٣٥  ألف أو ٤٠ ألف فهل الأسعار قابله للتفاوض؟
كما أود الأستفاده من معلوماتكم حول مبلغ الصيانه السنوي الذي تدفعه كل شقه.
هل أن الوضع في عمان أمان بحيث يمكنك تأثيث شقه وغلقها ولعلك لاتستخدمها سوى مره واحده خلال العام .
أشكركم جميعاً أخواتي وأخواني العراقيين على ردودكم وآرائكم ويسعدني طبعاً الحديث لبعض الأخوان على الخاص إن سمحت لي أدارة الموقع لكوني عضو جديد . أمنياتي بالموفقيه لكم جميعاً وفائق تقديري.

9

الهجرة و واللاجئين / رد: استفسار ضروري حول شراء شقة في عمان

« في: 11:23 05/07/2011  »

عندج جنسية غير الجنسية العراقية  ؟

نعم أخي العزيز لدي جنسية هولندية

10

الهجرة و واللاجئين / استفسار ضروري حول شراء شقة في عمان

« في: 11:04 05/07/2011  »

إخواني الافاضل واخواتي الفاضلات
مرحبا بكم جميعا
هذه اول مشاركة لي في منتداكم الرائع ولدي استفسار ضروري حول شراء شقة في عمان
حيث اقيم وعائلتي في اوروبا ومهما تبقى الغربة  صعبة بل احيانا قاتلة كل الجنسيات التي تعيش في اوربا واخص المهاجرين منهم لديهم بلدانهم مستقرة وامنة يسافرون لها في اي وقت يريدوا خصوصا في
العطل والاجازات الا نحن العراقيين محرومين لانعرف اين نذهب وتعلمون حال بلدنا العراق حيث غياب
الامن والاستقرار . اسف للاطالة دوختكم لكني اريد شراء شقة بعمان واذا عجبنا الوضع ربما نستقر هناك بشكل دائم لكني لآأعلم ماهي شروط وإجراأت عملية الشراء والموافقات الامنية وهل هناك معقب
يتابع المعاملة مثل العراق وهل تتطلب العملية اقامة سنوية علما اني احمل جواز اوربي
 اخواني بارك الله فيكم ارجو النصيحة وانا ناوي اشتري بالشهر العاشر القادم بمشيئة الله
وانا اخترت عمان بسبب الامان والهدوء والجو وناسها الطيبين
أتمنى الموفقية لجميع الاخوة الاعضاء خصوصا من طالبي الهجرة واللجوء ونسال الله سبحانه وتعالى
ان يحقق جميع امنياتهم ويسمعهم الاخبار المفرحة .تحياتي وتقديري