الرسائل

1

الهجرة و واللاجئين / رد: عند السفر الى الولايات المتحدة تجنب تحويل

« في: 21:26 31/01/2012  »

معلومة  مودي صحيحة ... و ما انصح اتخليهن باسم الزوجة ايضا لان اكيد افراد العائلة كلهم ينتفعون من المساعدات ...يعني كل بياناتهم موجودة ويصير عليهة تراك , و ليش ما تاخذ الفلوس وياك مسموح الك لحد 10 الاف دولار انت و الزوجة ايضا نفس المبلغ و محد راح ايدور وراك ولا ايفتشك و انت بالسليم .... و اذا انلاصلت عليك الامور فد مرة و احتاجيت خلي ايدزولك حوالة من العراق ورة الفترة مال مساعدات

2

الهجرة و واللاجئين / رد: اجاني ايميل من السفارة اليوم باعادة الفحص الطبي... شنو معناها

« في: 21:17 31/01/2012  »

الاخ العزيز ( انور ) مبروك ان شاء الله الفيز تجيكم باسرع وقت ... الي راح اكول الك عن تجربة  مو تخمين .... اولا الفيزا ما ايخلونهة بالجواز اذا ما يستلمون الفحص الطبي , ثانيا الفحص الطبي تنتهي صلاحيته بعد سنة واحدة فقط , فلذلك بعد مرور 9  اشهر على عمل الفحص الطبي تطلب السفارة فحص طبي جديد قبل 3 شهور من نهاية السنة المقررة لانتهاء الفحص ... نصيحتي اذا انت مستعجل على الفيز سوي الفحص الطبي باسرع وقت ودز النتائج حسب توجيهاتهم .... واتمنالك كل التوفيق

3

الهجرة و واللاجئين / وزن وعدد الحقائب المسموح عند السفر

« في: 21:06 31/01/2012  »

الحقيقة عندي معلومة قديمة و معلومة جديدة , القديمة اني اعرف ان عدد و وزن الحقائب يختلف حسب مسافة السفر يعني اذا كان السفر  الى مكان بعيد ( مثل اميركا ) يكون عدد الحقائب  (2) بوزن 22 كيلو غرام للوحدة ما عدا الهاند باك , فارجو اذا اي واحد منكم يؤكد او يصحح المعلومة لفائدة الجميع , لان الكل ايعرفون احنة لازم ناخذ قلاقيل ويانة مانكدر !!؟؟ , و المعلومة الجديدة و الاكيدة الي عرفتهة هي ... لا يجوز اخذ حقيبة سفر للطفل ( الي عمرة اقل من سنة ونصف ) و الوزن المسموح له هو 5 كيلو فقط !!؟؟ و التوفيق للجميع

4

الهجرة و واللاجئين / رد: الفحص الطبي لل اس اي في وما يتعلق به

« في: 20:55 31/01/2012  »

اولا هواية اصدقاء طلعت فيزهم بعد سنة من تاريخ المقابلة و ما سمعت واحد منهم عاد (crimanl record) التجييك الجنائي ( اذا صح التعبير ) فقط يعاد الفحص الطبي بعد مرور 9 اشهر من تاريخ الفحص , وبالنسبة للاخ ...الي  ايسويهن اثنيناتهن بدون ما ايكلولة السفارة علمود يختصر الوقت !!؟؟ و الله ما اشوف الهة داعي و مصاريف زايدة وثانيا  الفحصين اشكد ايطولن مو اكثر من 10 ايام !!؟؟ و احنة واحدنة صارلة اكثر من سنة ينتظر هية ظلت على الـــ 10 ايام !؟؟ اتمنى التوفيق للجميع - بمناسبة الفحص الطبي ... عيادة وامار لا تعتمد من قبل السفارة بعد , و اكو عيادة لاخ اسمهة اور وهذا تليفونهم ( نفس تليفون وامار ) 07703420131  .... شكرا

5

الهجرة و واللاجئين / رد: ياشباب اجاني ال COM ابروفال ... واني بحيره ... محتاج جدا جدا اهل الخبرة والتجربة

« في: 17:40 03/11/2011  »

الاخ عمار اظم صوتي الى الاخوان و ابقة على الاثنين , وفعلا هسة SIV صار جرجرة ومصرف لان  وحدة  الفحص الطبي ( حسب برنامج SIV) و الي ايكلف هواية جدا احتمال كبير ايطلبون منك اتعيد الفحص بعد 7 شهور من تاريخ الفحص يعني قبل 3 شهور من اكمال الفحص لفترة سنة واحدة ( و هذا شبه مؤكد لان الفيز جاي تتأخر اكثر من 9 شهور) , وعندك ايضا الــ(DHL) راح اتكلف 12 دولار عن كل جواز !!؟؟ و هذا كلة ما عدا الترجمة للاوراق عند مكتب نادر ( الله ايحفظة ويرعاة) وهو طبعا مو كصاب !!!!!!!!!!!؟  وانت اذا ان شاء الله شغلتك واصلة للمراحل النهائية بالـــ(IOM) بعد شكو يا خوية كمل و اطلع , بس للاحتياط ظل على البرنامجين ... و الخيرة في ما اختارها الله

6

الهجرة و واللاجئين / رد: بعض الأسئلة للذين سبقونا في السفر...

« في: 23:32 13/08/2011  »

السلام عليكم
بالنسبة للعطور ...خبرتي بحكم اني سافرت هواية ... حاول ان تشتري عطور او اي شي اخر من السوق الحرة بس خلي ايكون من السوق الحرة لاخر طيارة راح تصعدهة للفاينل دستنيشن , لان صارت وياي مرة كنت راجع من القاهرة الى بغداد  عن طر يق الاردن يعني الفاينل دستنيشن كان مالتي بغداد فلذلك ما كدرت اشتري من مطار القاهرة عطور لان المظيفة نصحتني بانه من راح اطير وراهة من عمان الى بغداد مراح ايخلوني اصعدهن بالطيارة يعني حتى لو بالعلاكة مال سوق الحرة , و اكو شي لاخ اذا انت رايح لامريكا شكو ادور عطور بالسوق الحرة !!؟؟ , ترة امريكا بيهة اشكال و الوان و اكو الغالي و اكور الرخيص ’ في بحث اخر اذا انت عندك عطور حاول اتخليهن بالجنط الكبار يعني مو بالهاند باك , واجنب اتخلي اي سوائل او حتى معجون اسنان ( عدى التيوب الصغير) بالهاند باك ترة ابمطار بغداد ايصادروهن منك , تعرف جماعتنة الروح الوطنية عالية عندهم جدا جدا  و ايحبون ايكونون دقيقين ابعملهم !!!؟؟ لان مرة كدامي اكو سيدة متوسطة العمر هية محجبة حتى صادرو منهة الدنابيس الي كانت شايلتهم احتياط !!!؟؟  ارجوا ان اكون قد افدتكم وحاضر لاي اسئلة

7

الهجرة و واللاجئين / رد: نصيحتكم خبراء ال SIV

« في: 23:15 06/08/2011  »

اخوية العزيز ... ارسالك ايميل ما ايقدم ولا ايأخر و كلما ادز ايميل راح ايجاوبوك نفس الجواب يعني ابر مال تخدير ...راح احجيلك سالفة صارت وية واحد من الاصدقاء الكوم اوف بروفل مالتة  اتأخرت تقريبا سنة , وبعدين استعان بالفريق الي يشتغل ويا وكللهم على سالفتة وجان واحد من فريقة بي حظ وبخت راح  ( ما اعرف شنو امكانيته)اتصل بالسفارة و بلهجة شديدة علمود قضية صاحبنة ,ورة 3 ايام اجة الكوم اوف بروفل وحاليا عند موعد مقابلة ...شكرا

8

الهجرة و واللاجئين / رد: درينا اكو رفض اس اي في واكو قبول وين القبول؟؟؟؟؟؟؟؟؟؟؟؟؟؟؟؟؟؟؟؟؟

« في: 08:57 04/08/2011  »

[b]السلام عليكم

اني عضو جديد , وحبيت اشارككم المعلومات الي عندي قد تخدم الموضوع , قدمت على SIV و اجاني دنايل ايوررررر ( رفض) ,و اللحقيقة كان ارباك لان بالرسالة كايلين تهانينة على الجيف اوف مشن و كمل اجراءاتك ....و الخ بس من افتح الاتاجمنت الكاها رفض وايضا امأشريلي على المربع الاول باعتبار السبب لرفضي و الي ما اصدك بي (و هو معنى ان المعلومات الي انت امقدمهة غير صحيحة او مظلله فلهذا انت غير مطابق لمواصفات الـــ SIV) وطبعا هذا العذر ما بي شي من الصحة وهو روتين ...المهم بحثت و دورت وحفرت بالصخر علمود اعرف سبب الرفض الى ان وصلت الى سيدة محترمة امريكية الجنسية دزت ايميل استفسار الى جماعة الــ( SIV) .سألتهم على الارباك الي امسوي يعني اني مرفوض لول لآ و الرجاء ذكر السبب ...ورة شهرين ردوا بايميل و كالوا احنه اسفين على هذا الارباك و ان الشخص المعني فعلا مرفوض !!!! بس (انتبهوا اخواني على الورة الــبس هذي ) و هذا الكلام من الشخص الي وقع الرفض ..اذا ايحس الشخص المرفوض ان القرار الي انأخذ بحقه غير مقنع او غير صحيح يكدر ايعيد التقديم على نفس البرنامج و على برنامج الـــ(IOM) ايضا , وفعلا قدمت مرة لاخ  على (ٍSIV)ورة تقريبا سنة من تاريخ تقديمي لاول مرة وحصلت الكوم اوف ابروفل وهسة اني انتظر المقابلة ان شاء الله ابخير و سلامة ...الاخوان و الخوات الاعزاء اذا اي واحد ايحب تفاصيل اكثر اني حاضر و بالخدمة .. قصدي ان الخطأ وارد و ان شاء الله ومن الممكن يتصلح بس لا تتراجع عن مشروع سفرك و الله ايسهلك