الرسائل

1

الهجرة و واللاجئين / رد: كروب ولاية فلوريدا.... وكل من يعرف الاجابة

« في: 11:42 04/06/2012  »

الاخت احلى مهندسة
هل عندج فكرة عن اي مدينة في فلوريدا انت راح تروحيلها؟ اني ان شاء الله اروح لمدينة جاكسونفيل وبيها منظمة الكاثوليك جيريتي بس لحد هسه مادزولي اي تاكيد بس الي اعرفه انهم متصلين بكفيلي الي ساكن في كينزفيلGainseville على بعد ساعة من جاكسونفيل. اتمنى ان تستقرين في ولاية فلوريدا وطبعا حسب كلام كفيلي هذه الولايه كلش حلوة وجوها حلو بالشتا وناسها بعد احلى

2

الهجرة و واللاجئين / رد: اذا امكن اي معلومات عن ولاية بنسلفانيا مدينة Allentown

« في: 15:38 21/05/2012  »

مبروك و بالتوفيق انشاءالله

شكرا الك والله يبارك بيك ويوفقك

3

الهجرة و واللاجئين / رد: اذا امكن اي معلومات عن ولاية بنسلفانيا مدينة Allentown

« في: 15:11 21/05/2012  »

                 
                              UP  للمساعده ... بالتوفيق اختي شايفه كل الخير

شكرا اخي ابو شمس على شعورك الطيب والاصيل وبارك الله بيك

4

الهجرة و واللاجئين / رد: اذا امكن اي معلومات عن ولاية بنسلفانيا مدينة Allentown

« في: 15:04 21/05/2012  »

حبيبتي ممكن تكتبين شوكت قابلتوا ؟؟

وبالنسبه لهاي المدينه الاخ شبح بغداد يسكنها خبير بكل التفاصيل تكدرين تراسليه ومراح يقصر

اختي العزيزة
مقابلتي كانت في بداية شهر الواحد 2011 وطلبوا مني مقابلة ثانية بعد اعادة الفحص الطبي في بداية شهر الخامس 2012 وبعد المقابلة الي كانت عبارة عن كم سؤال للتأكد من بعض المعلومات وسلموني الفيزا بنفس اليوم والحمد لله

5

الهجرة و واللاجئين / اذا امكن اي معلومات عن ولاية بنسلفانيا مدينة Allentown

« في: 14:36 21/05/2012  »

اخواني الاعزاء السلام عليكم
الحمد لله بعد انتظار دام سنة واربعة اشهر حصلت على الفيزا (SIV) ودزيت نسخة الى ال IOM وكان كل املي يلكولي مكان يم كفيلي الي بولاية فلوريدا ولكن اتفاجأت بان المنظمة غيرت من فلوريدا الى بنسلفانيا مدينة Allentown حسب الاشورنس ريبورت . كلت الحمد لله على كل حال المهم اطلع منا واخلص من الانتظار . اني ماعندي اي معلومات وما اعرف احد هناك فاذا امكن اخواني الي عنده معلومات عن هذه الولاية وعن المدينة وشلونه الوضع وخصوصا المنظمات الخاصة باللاجئين . حاولت ادور بارشيف المنتدى عن اي معلومات بصراحة لكيت مشاركات من الاخ شبح بغداد بس مالكيت شي عن مدينة Allentown بس يمكن الاخ ياسر يكدر يفيدني لان عنده صديق بهذه المدينة . الرجاء اخواني الي عنده معلومة اكون ممنونه منه وله جزيل الشكر. بس حبيت اكللكم انه اني سنكل يعني مو عائلة. مع فائق احترامي للجميع واتمنى تسافرون باسرع وقت ان شاء الله.

6

الهجرة و واللاجئين / رد: مقابلة ثانية SIV

« في: 13:12 23/04/2012  »

اختي انتي طلبو منج تملين 260 لو لا؟؟ كل الي عادو فحص وخصوصا المخضرمين طلبو منهم الدي اس 260؟
يعني الكل لازم يسوي مقابلة ثانية خوفتينة يمعودة شكلولج بالايميل بالضبط؟

[/quote]

اخي العزيز ...لا ماطلبو مني املي استمارة DS260
كالولي بالايميل بان تم تحديد موعد مقابلة follow up interview وكالولي جيبي وياج اي صور و/ او باجات صادرة من خدمة الحكومة الامريكية
please bring with you any photos and /or badges from United States government services
طبعا لحد هسه مامتاكدة شنو يقصدون بالصور بس اعتقد باج بيه صورة
وشكرا اخي لاهتمامك وردك

7

الهجرة و واللاجئين / رد: مقابلة ثانية SIV

« في: 13:01 23/04/2012  »

المقابله الثانيه معناها استلام الفيزا في نفس يوم المقابله واهم اسباب المقابله الثانيه ( ربما) واقول (ربما) إن أحد أفراد الكيس ( اذا كنتم عائله) لم تصل فيزته بعد لذلك يعطوكم الخيار بتأجيل الفيزا او استلامها مع انتظار للفرد الاخر --- اما اذا كان صاحب الكيس سنكل فهو اجراء عادي --- وفي كلا الحالتين الفيزا تستلمونها من السفاره مباشرة مو من ابو الدي اج ال ----- مبروك مقدما وبالموفقيه
   بقى سؤال مهم --- اجاكم الايميل ابو ثلاث اسئله لو لا

الله يبشرك بالخير وتجيك الفيزا باذن الله وتتوفق بحياتك يارب
الجواب على سؤالك لا ماجاني هذا الايميل

8

الهجرة و واللاجئين / مقابلة ثانية SIV

« في: 11:08 23/04/2012  »

اخواني اعضاء منتدى عينكاوة المحترمين
بعد انتظار دام اكثر من سنة واربعة اشهر من المقابلة الي كانت في بداية سنة 2011 دزولي ايميل اعادة الفحص الطبي والحمد لله كملته ودزيتة في يوم 1-4-2012 واستلمته السفارة يوم 9-4 وطبعا استبشرت خير لان كلت مابقى شي واستلم الفيزا ولكن اتفاجات السفارة دزتلي ايميل تحددلي موعد مقابلة ثانيه وطبعا بدا القلق والتفكير ياترى ليش مقابلة ثانية ؟ اكو واحد مر بي هيج شي ومر الموضوع بسلام بدون تعقيد ؟هل هو اجراء روتيني عادي لو اكو شي ياريت اخواني تفيدوني بخبرتكم
اني يوقتها ماكان مطلوب منا نملي استمارة DS260 وماطلبوه مني لحد هسه
اتمنى السفر والتوفيق للجميع
اختكم سارة

9

الهجرة و واللاجئين / رد: ممكن توضيح اخوكم SIV

« في: 16:18 17/04/2012  »

الاخ bob2011
اني نفس حالتك سويت الفحص الطبي قبل القمة ودزيته يوم 1-4-2012 عن طريق الDHL ووصل للسفارة يوم 9-4-2012 طبعاعرفت وصل للسفارة عن طريق ال DHL tracking system  ولحد هسه كلشي ماكو  ,علما اني مقابلتي كانت في شهر كانون الثاني 2011 SIV ,والجواز يمهم  . ان شاء الله تسمع خبر مفرح بالايام الجاية ونفرح وياك بعون الله

10

الهجرة و واللاجئين / رد: خلي نختار قدوة الصف مال SIV نسوي جدول ونشوف منو كابتن المنتظرين

« في: 15:18 09/12/2011  »

مقابلتي كانت يوم 12 -1-2011 ولحد هسه انتظر رحمة الله..الدعاء بالفرج والحصول على الفيزا لكل المنتظرين

اختكم سارة

11

الهجرة و واللاجئين / رد: امنيه قبل الانسحاب الامريكي

« في: 16:27 19/11/2011  »

الاخ Jack2010
والله كلامك جدا مضبوط عن الاوغنديين واحس بكل كلمة كلتها لان اني عانيت منهم الكثير وعندي نفس الشعور تجاهم  وبسببهم كرهت الشغل وبطلت .مع الاسف هذه الحثالات تشوف نفسها علينا وبلدنا . لاتديرلهم بال خلي يولون .

(جامبو ) 

12

الهجرة و واللاجئين / رد: كروب القابلوا و منتظري الفيزا - SIV

« في: 12:05 17/09/2011  »

السلام عليكم اني اختكم سارة عضوة جديده بالمنتدى و ياريت تقبلوني بكروبكم
اني مقدمه على ال SIV ومقابلتي كانت يوم 12 -1-2011 ولحد هسه ماكو خبر
امنياتي للجميع بالسفر والموفقية

13

الهجرة و واللاجئين / رد: معسكر بلد

« في: 16:27 16/09/2011  »

الى الاخ بلود بروذرز
الوصول الى معسكر بلد كلش سهل اولا تصعد من باب المعظم الى الخالص وبعدين تصعد من كراج الخالص سيارات سيد محمد وتكول للسايق انزل يم دور القاعدة من توصل لدور القاعدة بس تعبر الشارع يصير معسكر بلد مقابل دور القاعده راح تشوف حواجز كونكريتيه وتشوف جيش عراقي وان شاء الله مايقصرون وياك وكلش متعاونين وراح تدخل ويدلوك وين تروح مع تحياتي