الرسائل

1

الهجرة و واللاجئين / SNOOPY ابو الوكفات الطيبة ربي يحفظكم

« في: 14:00 09/05/2013  »

السلام عليكم
واقتبس من الاخ نورنوري ، شكره الى اخونه العزيز SNOOPY ابو الوكفات الطيبة ...
وفعلا اني حتى من كنت ما مشترك ، بالمنتدى .. وزائر كنت من المتابعين لكتابات وردود الاخوه  SNOOPY  وSPAKY  وابو قمر وغيرهم الكثير الذين رفدو  هذا المنتدى بالمعلومات والنصائح ، والنقاشات البنائه

"اشكر الاخ snoopy شكرا جزيلا على وقفته الحلوة للعائله العراقيه الي بكنساس ومقصر  وهايه النخوة العراقيه ومد ايد العون لكل انسان

اشكرك اخي والله يكثر من امثالك والله يوفقك انشالله ويحفظلك العائله"
وعندي رجاء للادارة  خلي يعفون الموضوع ،،.. لان ما اشوف اكو داعي او مبرر لنقله ....

شكرا  SNOOPY
شكرا  SPARKY
شكرا  ابو قمر
شكرا  ابو الزوز
شكرا  شجرة الدر
شكرا  انجي
شكرا  نور الدين مصطفى
شكرا   ابو عماد
شكرا   العرب اهل الكرم
شكرا   د. مارلا
شكرا دزمند
وشكرا لكل من كتب حرف واحد ، وشارك اخوانه همومهم قبل افراحهم
يارب ادعوك باسمك الاعظم الاجل الاكرم  ان مايظل ولا واحد الا وسافر واستقر   برحمتك يا ارحم الراحمين  اللهم اميـــــــــــن

2

الهجرة و واللاجئين / رد: ... سؤال عن دراسة الهندسة في امريكا ...

« في: 06:38 24/02/2013  »

اخ جاك الدراسة تحتاج واهس واقبال ومحبة للاختصاص الي تنوي تدرسه ...
فانت قدر الامكان لا تحكم السوك ،... وشنو الي يريده ..  او تكول ليش فلان او فلانه عنده هيج شهادة ..اني لازم اصير مثلهم واحسن .!؟؟ صحيح الطموح مشروع ولكـــن ادرس الاختصاص الي تحبه ... تعرف ليش حته تنجح ... وحتى تكون دراستك سعيدة ومكللة بالنجاح ،.. والدراسة ما تكون سعيدة ومكللة بالنجاح اذا ماكنت انت تحب الاختصاص وراغبله .....
وصدكني ..الرزق على الله .. سواء كان بالبرتا  او بالعراق ...او بالخليج .... او بالصومال ...
اخذ الشهادة الاول ..وبعدين ربك الرازق ...
هذا رايي واتمنالك الموفقية ..
طبــــــــــــــــــــــــن

3

الهجرة و واللاجئين / رد: جماعة قيد الدراسة (المعلقين)

« في: 13:18 13/01/2013  »

عمي الله يحفظك ويسهل امرك ياسنكل مان الوردة
فعلا تفسير منطقي معزز بالايميلات ،،
وهذا هو سبب كون نتيجة المحلفين بالنسبة لملفي اتاخرت اكثر من ستة اشهر ، بعدين يا الله   اتحولت الى مكتمله قبل ايام ،..والدليل انه من شفتهه بالموقع مكتملة بنفس اليوم اتصل بي موظف ال un  وبلغني انه "الحكومة الامريكية موافقة عليك "هذا هو نص كلامه  الله شاهد والمنظمه راح يتصلون بيك على فحص طبي عن قريب ،.. فاني كتله ترة شفت موقع المنظمه مكتملة  عندي مقابلة المحلفين .. حتى قبل  تبليغك ،. كلي اوكي بس اني جاي ابلغك لان همه اتصلو بيه ,,وفعلا اني الiom  متصلو بيه وبلغوني وانما ال un على اساس انه التقديم كان وياهم من البداية ....
فعلا اكو قبول نهائي من شخص او محلف ابو الفسفورة والنخلة همين ... وكاعد بامريكا ... وهذا  ايضا ما يبرر تصرفات موظفي الiom مع المتصلين واسلوبهم التعبان حقيقة لانه ماعدهم شي ينطو ... همه ناس شغلتهم اداريين ويبلغون بالنتائج .. لذلك ما يطولون خلك ويضوجون من الاسئله لان ببساطة ماعدهم جواب ،.. وغير مخولين بالجواب ارتجاليا ...
على اي حال رحمة الله والديك سنكل الذهب ...
بس رحمه لوالديك ياريت توضحلي وبالتفصيل شنو يعني امنية اولى مثل ما انت سميتهه وامنية ما قبل السفر ،.. اقصد هاي ما قبل السفر هم تاخذ وكت،.. زين هي تبدي مباشرة بعد الفحص الطبي لو بعد اكتمال مقابلة المحلفين بالموقع ؟؟؟
اني اشكرك على مجهودك الطيب والله يوفقك
طبن

4

الهجرة و واللاجئين / رد: اليوم اتصلو بكفيلي برائيكم شكد بعدلي؟

« في: 09:16 06/01/2013  »

تحياتي لك
اخي الهيتي 99  ادعو لك بالموفقية والسفر العاجل وللجميع انشاءالله .
انت مين مقدم ؟ من يا دولة
شكرا

5

الهجرة و واللاجئين / رد: اخواني اخواتي الاعزاء ممكن تشوفولي رسالة من ال siv مشكورين

« في: 07:46 30/12/2012  »

UP

6

الهجرة و واللاجئين / رد: رجاءا اتركوهم يتكلمو معاناتهم الي بامريكا

« في: 09:30 27/11/2012  »

السلام عليكم ورحمة الله وبركاته
تحية طيبه لصاحب الموضوع وللجميع
من الطبيعي ومن المنطقي ان يصل الانسان العراقي ومن هو لاجئ بالاخص  ، الى مرحلة ما يريــــــــــــــــــــــــــــــد  يسمع  غير بضعة كلمات وعلى راسها  مبروك السفر ،... موعد سفر ...الخ  من الكلمات والتي تعمل عمل المورفين في الدماغ البشري ..   وهذا الشي طبيعــــــــــــــــــــــــــي  جدا جدا ،.. واذا اردنا ان نعلل ذلك ومن وجهة نظري المتواضعة   كما يلي :
نبدأ بالبلد " العراق " وما مر عليه من ماسي وحروب ودمار ....و,,,,و,,و,,, الخ....... جعلت الانسان يحقد حتى على انسانيته ،.. ولايدور في باله غير تقديم الاحسن والافضل الى اطفاله وهذا لايتم الا بالسفر والهروب من التهديد وعدم الامان ...و....و...و.... وهذه الوضعيه الي وصل الها  المواطن العراقي والعراق ككل  هي بحد ذاتها سالفة طويله  ،..ولم تبدا اليوم او حتى في الامس القريب  وتحتاج الى مجلدات لسردها ....
ثانيا " دول الجوار " من العرب ،.. فمن الواضح ان اوضاع العراق كانت في فترات زمنية سابقة هي الاحسن والافضل من كل دول الجوار .،،  البث الاذاعي والتلفزيوني بدأ بالعراق .. حتى قبل مصر التي هي الان رائدة العمل التلفازي والدراما...،.الخطوط الجوية العراقية بدات من الاربعينات وهناك تسيير رحلات بين بغداد ولندن ،.. الجامعات والمعاهد .. ايضا كان العراق الرائد بالتاسيس وبمستوى تعليم ممتاز ،. واسست كليات الهندسة والطب على  احسن المستويات  والبرامج الدراسية التي تماثل  تلك الكليات  الموجودة في بريطانيا .،، في تلك الفترات العراقي كان  عزيز وغني وكريم على الرغم من بساطة الناس وسبل المعيشه ،... قياسيا بالاردني  الي كان مجدي..ووصخ ...وسربوت ... دول الخليج ناس  ما يعرفون غير البلم واكل صيد البحر ...،. واللثك والوصخ عليهم اطنان ..، وكل البلدان الاخرى المجاورة ،.. عبارة عن مكاديه وخدم للعراقيين ...،.. الراباط ..........اخواني الاعزاء .. بعد ان افترت بالعراقيين  بعيدا عن مناقشة الاسباب  وكتحصيل حاصل ،.. شافو الوان الظيم والعذاب ،.. في الاردن وسوريا وكل الدول الاخرى ..وقصص الناس الي سافرو قبل الحصار وبعد الحصار .... كثيرة .. واكيد الاعم الاغلب سامع بها وبالمعاناة ....
لذا انت انطي العذر لعزيز قوم ذل .. اكيد ماراح يفكر ويحلم غير بالسفر والخلاص ..له ولاطفاله .. فهو حلم باي حال من الاحوال مهما يكن فهو احسن من ذلة دول  العرب  الجربان ...
بالمقابل وتعليقا على رد احد الاخوان
 امريكا  مو حلم وردي .،..  امريكا عالم جديد فهي ارض المنافسة......والحياة صعبة يتطلب العمل والاجتهاد وبذل اقصي الجهود من اجل تحقيق الحلم المرجو
اخي هذا الكلام الي حضرتك اتكوله ،.. ماينطبق على العراقيين .. ارض المنافسة  بيا شهادة تنافس وهمه مايعترفون غير بشهايدهم  وشعندك من مقومات نجاح حتى تروح تتناطح ويه مجمتمع واصل بالحضارة والتكنلوجيا للستار  .. وخبرتك العملية شلون حصلت عليها  يا منافسة الي تتحدث عنها  ...هذا على فرض انك  من بلد غير العراق .،، هذا لاتنسى مهم ،..
ثم تقول الحياة صعبة والعمل مطلوب ،.. صحيح  لكن روح اسال ثلاثة ارباع الي موجودين بامريكا ،,. ماذا يعمل حال وصوله ،.. وماهو المردود المادي من هذا العمل :. وليش ديدرس ؟!! حتى يحصل شهادة امريكية اكرر امريكية  ويلكه وظيفة ،.. بمرتب جيد ،.. اذن انت كانسان عراقي لاجئ ،.. لازم تتحمل تحدي التجربة وتبدا من جديد  من جديـــــــــــــــــــــــــــــــــــد يعني صاحب العائله لازم يوازن بين دراسته وشؤن بيته واطفالة ومصرفه من المساعدات  ..الخ...،.. هذا هو الكلام الواضح ،.
ولوما الفود ستامب والكاش ايد ،..والميديكل انشورنس ،.,. اتحدى اي عراقي يكدر يعيش يوم واحد بامريكا ... وكلش مهم لاتنسى انه الحكومه اتقدم هذه المساعدات الك لانك لاجئ عراقي ، والبرنامج اذكرك باسمه "اعادة التوطين  للعراقيين  حصرا" .... بعد شنو ارض المنافسه والعمل .... شنو احنه تجار اوروبيين جايين نتاجر .. بالماس .... وشنو الحلم المرجو لاي لاجئ  .. ماكو شي اسمه حلم مرجو اكو واقع واكو حقائق .. واكو كلمن وتحمله ... هذا الموجود وبس ... منهم من يتاقلم ومنهم من يرجع ...... وسبق وان كتب الاخ احمد سلطان  عن  تجربته  فاقامو الدنيا ولم يقعدوها ...
اذن بالمختصر ،.. بعد ما تتعدى الخمس سنوات وتاخذ الجنسية والجواز ،.. وتكون قد اكملت دراسة بامريكا في اختصاص معين واشتغلت بمكان عمل بولايتك جيد وبمرتب ممتاز واندمجت بالمجتمع وكمت تتكلم الانكليزية الامريكية كالبلبل الفتان  ،.. واصبحت الك استقلالية وبينيت كردت ،. وبعد ما تخاف من رفع المساعدات  عنك ،.. ذاك الوقت نكول زيد نجح وعبيد رسب .... وهذا النجاح اذا اتحقق  فهو  بفضل دعم ومساعدات الدولة الامريكية والمنظمات الانسانية الاخرى ذات العلاقة ،،. مو بالعمل الي انت تحجي عنه .
لاتكلي العمل وارض الفرص .. ومدري شنو .... عبالك احنه مواطنين  انكليز لو كنديين عدنه شهايد علميه وفلوس وجايين توب التوب ... ودك مشاريع للستار ...
اخي فارس العراق ،هذا  ماينطيك مبلغ  تعرف ليش ،؟؟ لان انت عراقي وتاج راسه وراس ابوه،. وهو لو يصير مدري شنو يقبى  مكدي ابن المكدي ،.. الي صارو بفلوسنه ...
تحياتي لكل الاعضاء الكرام ...
عذرا على الاطالة
طبن

7

الهجرة و واللاجئين / رد: رساله من iom بعد انتظار سنه وتحمل الرمز DSH

« في: 07:40 07/11/2012  »

اختي العزيزة
اولا الف مبروك وانشاءالله السفر القريب لك ولكل الاخوة والاخوات ..اللهم امين
بس سؤال ،,. يعني انتي بعد مقابلة المحلف ما تبلغتي باي نتيجة  للمقابلة ؟!! كوبل هاي الرسالة اجتج بعد سنة من مقابلة المحلف كما ذكرتي ؟؟؟
لان اني هسة عبرت الشهر الخامس بعد مقابلة المحلف وكلشي ماكو  لا نتيجة ولا شي ! وبالموقع نتيجة المقابلة ان بروسس ؟؟؟ الى متى والله مليت .
شكرا ، ومبروك لكم مرة ثانية
طبن

8

الهجرة و واللاجئين / رد: ارجو الاطلاع والنصيحة ، مشكورين

« في: 17:19 01/11/2012  »

اب
لابداء الراي والمساعدة

9

الهجرة و واللاجئين / رد: اخوان عندي سؤال حول موافقة المحلف وعن موقع الي او ام

« في: 12:27 15/10/2012  »

اخي العزيز
تحية طيبة الك والله يوفقك
بس ياريت تجاوبني ...
انت شوكت قابلت محلف يعني بيا تاريخ بالضبط ؟ وشوكت صارت عندك الحالة مكتمل بالنسبة (لمقابلة المحلف )بالموقع ؟
 يعني من المقابلة مال المحلف  ولحد النتيجة مال هاي المقابلة  شكد اخذت عندك وقت بالضبط ؟
ثم بعدها شكد الفترة الزمنية واتصلو بيك على اول فحص طبي ؟
شاكرا لك اخي واتمنى لك الموفقية ولكل الاعضاء
شكرا
طبن

10

الهجرة و واللاجئين / رد: شوكت راح تفرج علينه ويأخذ المحلف قرار بس كولولي !!!!!!!!??????

« في: 08:39 12/10/2012  »

الاخت ميمي
تحية طيبة وجمعة مباركة ....
اختي ،.. اني تقريبا سائر ايضا على نهجكم ،.. لان صارلي 5 شهور من مقابل محلف والشفية لحد الان ايضا ماماخذ قرار وكلما اخابر المنظمة يكلي احنة ماعدنه شي نبلغك بي ،.. ومن نتبلغ باي شي من امريكا راح نبلغك ...واخر مرة رد علية موظف من المنظمة سالته..على ملفي وكلي ما عدنه شي نبلغك بي واني ظليت اتكلم ويا واستفسر منه لكن النذل ابن النذل ... باقي على الخط بس ساكت ما يجاوب كلب ابن كلب .. اعتذر من هاي الالفاظ  لان صدك حرك دمي وشطت  .. .. تالي كتلة اني اشكرك وهاي من ادبك...وسيديته للموبايل ...
اني ما اعرف حقيقة ليش احنة ماتبلغنة بنتيجة المحلف حالنة حال خلك الله  ؟... مع العلم انه مقابلتي مع المحلف جانت جدا سهلة والرجل ما لح بالملح ...لا والمصيبة اني سالته للمحلف كتلة شوكت واتوقع النتيجة مال هاي المقابلة ،.. كلي من 25 يوم الى اكثر شي شهر ؟؟؟! وتتبلغ بالنتيجة مال هاي المقابلة ...
اني رحت اتخبل ..حتى تفكيري انشل وبعد ما اعرف شسوي ...
زين ميخالف اذا اني مرفوض ليش ميبلغوني .....حتى اشوف دربي وامشي بامور حياتي  ..  
حتى الله ميقبلهه ..
عمي هاي ناس  كومة بالمنتدى ورة مقابلة المحلف اكثر شي 40 يوم واستلمو دفرل او نتيجة ...
ياريت الاعضاء الي عدهم فكرة او معلومة يشاركونة  بها...
 اشكركم اختي ودعواتنا لكم بالتوفيق ..ويارب نسمع بيوم سفركم وكل العضاء  ونخلص من المنظمة الله يلعنهم
سلام

11

الهجرة و واللاجئين / رد: سؤال + خبر عن الUN \عمان

« في: 15:58 05/10/2012  »

الاخ بريق الامل
تحية لكم
يعني هو صديقكم ، وين واصل مرحلة ، مخلص مقابلة محلفين ؟ لو فايله وين واصل؟
ياريت توضح
شكرا

12

الهجرة و واللاجئين / رد: IOM من غير لييييييييييييييييييييييييه

« في: 18:08 01/10/2012  »

تحية طيبه ..
اني اعتقد انه ال iom مالهه اي علاقة .،، صحيح عدهم خربطة وناس مزعبلين اداريا وقد يكونون متكاسلين بعض الاحيان .. الخ من تمسلت ال iom ... بس صدكوني همه عبارة عن وسيط " وما على الرسول الا البلاغ " السالفة والقرار كله بامريكا وبدهاليز دوائرهه .. والناس الامريكان الي اي واحد كان يعمل معاهم بالعراق .،، رايهم بالقضية جدا مهم  هي مو باقية بس على الريكومنديشنات ..، يتصلون بهم  ويسمعون لهم جيدا ورايهم ...
هذا مجرد رايي
والله اعلم
نسال الله التسهيل والسفر للكل
طبن

13

الهجرة و واللاجئين / رد: نتيجة المحلف / طمنونه الله يخليكم

« في: 10:06 29/08/2012  »

مبروك للرصافي والهجري
شايفين انشاءالله كل الخير
يوم الي النه ...ويجينه دفرل
تقبلو مروري

14

الهجرة و واللاجئين / رد: نتيجة المحلف / طمنونه الله يخليكم

« في: 10:28 27/08/2012  »

up

15

الهجرة و واللاجئين / رد: استفسار بخصوص شحن الحقائب الى امريكا

« في: 11:25 03/07/2012  »

up

16

الهجرة و واللاجئين / رد: حالة ملف ؟؟ الرجاء الدخول

« في: 11:56 02/07/2012  »

الله يحفظك مستر بين
وشاكرا لك

17

الهجرة و واللاجئين / حالة ملف ؟؟ الرجاء الدخول

« في: 11:37 02/07/2012  »

سلام عليكم احبتي
اخوان اني مكمل مقابلة محلفين .... جيكت على الموقع  حالة ملفي  كاتبلي  مقابلة محلف in process  ، ليش ما كتبو مكتمل ؟؟
يعني شنو معناهه ؟ همه ماحدثين الملف ؟؟ زين لازم ادزلهم ايميل .؟
لو هو الموقع ما مضبوط ؟
تسعدني توجيهاتكم
وتشرفني مشاركاتكم
طبن

18

مواضيع الحياة العامة في بلاد المهجر (امريكا) / رد: الولايات المتحده الامريكيه بين يديك

« في: 10:20 24/06/2012  »

اللهم ربي يحفظك ولايحرمك من فضلة ويحفظ اهلك واحبتك . وييسر امرك ويقض حوائجك  ويدفع عنك البلاء , ويرزقك الدرجات العلا في الدنيا والاخرى ..
شــــــــــــــــــــــــــــــــــــــــــــــــــكرا مســـــــــــــــــــــــــــــــــــــتر بـــــــــــــــــــــين .

19

الهجرة و واللاجئين / رد: معــلومــات عن الولايــات في أمــريــكـا / للأمــانه المــوضوع مخــموط

« في: 10:09 24/06/2012  »

 عمي الله يوفقك ....
ممكن مخموط  عـــــــن ولاية  وسكونسن  و مينيسوتا
سلامي
ودعواتنا بالتسهيل عليك وعلى كل الاخوان
شـــــــــــــــــــــــــكرا
طبن

20

الهجرة و واللاجئين / رد: هل عمل وكالة من امريكا الى بغداد ياثر على المساعدات اللي ينطوها للشخص ؟

« في: 08:50 21/06/2012  »

اخي العزيز
تحية الك ..
اتوقع نموذج فورم  الوكالة هو ثابت في كل السفارات العراقية ، اني قبل فترة سويت وكالة لاخوية ... المستمسكات المطلوبة
صور  عدد اثنين للشخص الي يريد يسوي الوكالة
صور عدد اثنين للشخص الي راح يكون موكل ببيع العقار او .....الخ
نسخة من هوية الاحوال المدنية للمشار لهم اعلاه ....
اني اخذت وياية مستمسكاتي الاصلية بالاضافة الى النسخ المطلوبة .. بس لاخوية فقط جينسيتة المستنسخة .....
وبالنسبة الي اني بصمت على فورم الوكالة في مكتب القنصل"لازم" .... يعني يتطلب حضور الشخص والبصم ، فبالنسبة للي بامريكا  وبولاية بعيدة  عن سفارة العراق هم لازم  يرتبون امرهم ......او يجوز بامريكا بالبريد بعد ماادري .....
ارجو ان اكون قد افدتك بشي
بالتوفيق
 

21

الهجرة و واللاجئين / رد: اخوكم كلكامش حيسافر بالشهر السابع

« في: 13:05 19/06/2012  »

اخت جورجيا
الاخوان الاعزاء ..
اريد افتهم شي واحد ، البصمات شلون تصير اكسباير ؟؟!!! يعني البصمات هي هي من الولادة الى الممات الله يطول باعماركم .. عمركم سمعتو واحد تتبدل بصماته ؟ ذولة والله مصعيبيهه ..
تحياتي

22

الهجرة و واللاجئين / رد: عاجل عاجل عاجل عاجل بخصوص نتائج المحلفين 18-6- 2012 عمــــــــــــان

« في: 08:10 19/06/2012  »

شلونك جيد

23

الهجرة و واللاجئين / رد: حاصل على تاشيرة SIV ومنحة للعمل في احدى الجامعات الامريكية لمدة سنة ارجو النصيحة

« في: 14:19 17/06/2012  »

تحية للعنكاويين
اني اتفق تماما مع راي الاخ  ايبوو ، ومثل ما كلك انت بكيفك ....،
وهاذي مدرسة الحياة كلشي تعلم  الانسان ... بس اتذكر انه...... فقط وفقط القرارات الشخصية البحتة والتي تكون على التماس مع مستقبل عائلة واطفال هي بالدرجة الاولى والاخيرة تعود الك..مع احترامنا الى  كل الاراء. انت ربما تكدر تحقق شي بامريكا ..على المستوى العلمي والدراسي .. لكن السؤال بشكد ؟ بسنه بثنين ؟ او اكثر يااخي صعوبة البدء من الصفر ..(اني اتكلم على الي يحمل شهادة دكتور) .
يعني الواحد اذا بكلوريوس  يمكن بيهه مجال حتى لو يعيد الدراسة بامريكا من جديد تسوة  .. ومثل ماتفضلو الاخوان ، يمكن تضطر تعمل اعمال بسيطة  ؟؟! حتى تكدر اتغطي مصاريفك ....
 يعني على ما اعتقد  بالعراق وضعك احسن ....
وانت بكيفك ...
سالمين

24

الهجرة و واللاجئين / رد: شو لاحس ولا خبر

« في: 09:05 17/06/2012  »

up

25

الهجرة و واللاجئين / رد: امور فستوقية لكن مهمة في امريكا

« في: 14:16 14/06/2012  »

الله يوفقك
وبميزان حسناتك ....
ياجورج الورد...
شكرا لك على هذه الروابط والمعلومات القيمة ...
ممنون
طبن

26

الهجرة و واللاجئين / رد: معلومة عن غلق ملف العراقيين والله اعلم

« في: 11:30 09/06/2012  »

مشكور عمار الورد
على نقل الخبر ....
وانشاءالله هذا الشهر والاشهر القادمه تحمل الخير للكل ...
اللهم نسألك قضاء حوائجنا في الدنيا والاخرة
اللهم اميييييييييييييييييييييييييييييييييييييييييييييييييييييييييين

27

الهجرة و واللاجئين / رد: الهويه وشهادة الجنسيه والبطاقه لتموينيه وبطاقة السكن

« في: 19:17 08/06/2012  »

اني همثل الاخ مودي جنت ناوي اشمرهن ...
شكرا لتوجيهات الاخوه الاعزاء

28

الهجرة و واللاجئين / رد: سفر من عمان10-6 يوم الاحد

« في: 16:01 08/06/2012  »

الف سلامه بالخير...
انشاءالله للجميع...

29

الهجرة و واللاجئين / رد: ســــــــؤال للجــــــــمــــــــيــــــــع واتــــــــمنــــــــى الكــــــــل يــــــــشــــــ

« في: 15:48 08/06/2012  »

up

30

الهجرة و واللاجئين / رد: واللة دايخ

« في: 15:37 08/06/2012  »

الف مبروك

31

الهجرة و واللاجئين / رد: مو الكل راح يسافر اسف ما اريد اجرحكم بس هاي هية الحقيقة

« في: 15:14 08/06/2012  »

انشاءالله الكل يسافرووووووووووووووووووووووون
يمعود دكول ياالله

32

الهجرة و واللاجئين / اخواني رحمة لوالديكم المولود الجديد ايأخر الملف بال اي او ام لو لا ؟؟؟!!!

« في: 12:50 14/05/2012  »

سلام لكل الاخوان والاخوات  في عين كاوه الرائع
اعزائي  كنت قد اكملت مقابلة ما قبل المحلفين ، في شهر  الواحد الماضي .. ومباشرة  بعد المقابله سالت الموظف الي قابلني  كتله اخي شوكت راح تكون مقابلة المحلفين ؟ كلي  ما اعرف بس    احنه نتصل بيك ... وبالفعل بعد مرور تقريبا  عشرة ايام  اتصل بي الموظف من ال  اي او ام ، وكالي  يابه مقابلتك ويه المحلفين  راح تكون  بنهاية الشهر الثاني او خلال الشهر الرابع ... كتله  اني منتظر  وانشاءالله خير ....
اجه شهر الثاني وماكو  لاحس ولا نفس ..؟؟!ّ!! وبعد ذلك انقضى شهر  الرابع وكلشي  ماكو؟؟؟!!   اجزعت منكد  ماخابرت ال اي او ام  لكن محد يجاوب ..... دزيت ايميلات لكن لاحياة لمن تنادي ...........................
لكن اليوم  اتصلت .. واني امأيس انه احد راح يرد .. المهم ... طلعلي موظف  كتلة اخي  وين صارت مقابلتي ....وبعد ماعرف رقم الملف  واخذله  دقيقة صمت وتفكير  .. رجع كلي انت  اجاك (مولود جديد ).. كتله اي صح  واني ديزيت الكم  كل مستمسكاته ... كلي  اوكي عود احنه انبلغك على موعد المقابله؟؟؟ الو الو .. ماكو فلت .!!!
فيا اخوان بس اريد اعرف شي واحد الي يجي مولود يدفرون  الفايل مالته  ويشدوله  مغذي  بعيد  المدى ؟! لو شنو ؟؟
اكو احد  صايره ويا نفس الشي ...
الي عنده  معلومه  يخليها  وينورنا  رحمة لوالديكم ..
اللهم ربي فرج على  كل  مهموم ومكروب اللهم امين ..
وانشاءالله  الاستقرار والسفر للجميع

 

33

الهجرة و واللاجئين / رد: بخصوص ماليزيا ارجوكم

« في: 07:43 04/04/2012  »

السلام عليكم
اخويه كلش محتار
بالاضافه الى الي ذكرو الاخوان الاعزاء،...
 اني اذكر دخلت ماليزيا بدون دفع رسوم في المطار وينطوك تصريح دخول لمدة شهر قابل للتجديد خلال هذه الفتره انت راح ادور على عمل .. وبخصوص العمل مااكدر افيدك بشي ....
بس شوف ذوله طيران الاتحاد والعربيه اكبر حراميه ، بدليل انت من تروح تحجز من اي مكتب طيران  بالعراق يكلك  والله اخي ماكو حجز ون وي بس تو وي ، .. هنا المساله اذا انت لكيت شغل او استقريت ورتبت امرك .. راح يعلسون عليك الوي الثاني الريتيرن،،..
بالاضافه هاي الايام صايره موده عند  طيران العربيه وفلاي دبي ايضا ، مايقدمون اي اكل او شراب ؟؟ والمسافر لازم يجيب ويا .... طبعا اتكلملك عن الطيران من الخليج الى العراق وبالعكس ،.. بس بالنسبه للاتحاد والمسافه الطويله 8 ساعات الى ماليزيا  ، ما اتصور مايقدمون شي للمسافر ...وهم اسال قبل ما تكص تكت..
وحاول تحجز من مكاتب شمال العراق ، ليش اولا انسب نوعا ما ثانيا ، من حقك تحجز ون وي بس .. وبعدين انت من ماليزيا لاسامح الله اذا ما استقريت عود انت احجز رجوع ... من اي شركة تريد ...
بالنسبه للاكل جدا ريخيص ، بس مو مثل اكلنه ... يعني مو مثل طبخنه العراقي الاصيل الي ماموجود مو بس بماليزيا بل بكل العالم ..
الايجارات اني اذكر اجرت استوديو ب  250 دولار .. غرفة نوم  مع حمام  مع مساحة صغيره للمطبخ ! بس ..
بالنسبه للجو  تره الرطوبه عدهم  فول .... يعني اذا انت من جماعة الي عدهم ربو  او اي امراض تنفسيه ،.. راح تعاني جدا ،.. طبعا مطر 12 شهر بالسنه  ومعدل درجة الحراره  بداية الثلاثينات ...
صراحه الجو يلعب النفس .. وماينهضم ... بس واحد هم يكول شجابرك على المر .. غير ماليزيا ..
والتركيبه السكانيه هي خليط ، من ماليزيين صينييين .. وماليزيين وهنود .. وماليزيين الاصل  ،... بس كلهه مواطنين ماليزيين .. ويكولون انه الماليزي الاصلي ابو الفسفوره   هو المفضل هناك بالنسبه للتعينات الحكوميه ...
نظام السير والمرور  باشوارع  "النظام الانكليزي " ستيرن  يمنه ،، غير قابل للتحوير
وانشاءالله فيما يخص ال un وورقتها وموضوع الاقامه على هذا الاساس ،.. الاخوان الي عنده معلومات مايكصرون
تقبل  تحياتي
والله يوفقك ويفرجهه على الجميع
اللهم امين
طبن

34

الهجرة و واللاجئين / رد: العمل في امريكا مرة ثانية بين الفشل والنجاح ... موضوع نقاش ..

« في: 07:13 26/03/2012  »

السلام عليكم ومحبتي وتقديري  للجميع ...
ارجوك اخ ارمادي .... انت ما جاي تفهمني ...
والظاهر اني وياك كلم عنده وجهة نظر وقناعه .... وانشاءالله هذا لايفسد بالود قضيه ...
واني ما افرض رايي على احد ...
واسلوبك تره هو الي كان حاد  من البدايه ....
على العموم ، اني اشكرك واسف لازعاجك مره اخرى ..
تحياتي

35

الهجرة و واللاجئين / رد: العمل في امريكا مرة ثانية بين الفشل والنجاح ... موضوع نقاش ..

« في: 13:34 25/03/2012  »

السلام عليكم اخواني الاعزاء
صراحه ، اني ما اريد اكون من الناس الي  ينظرون بتشائم الى الامور ،...
 لكن يبقى الواقع ولاشي غير الواقع .. هو الي استطيع ان اراه وان اتعامل معه ... شئت ام ابيت ...
والرجل ابو اندي مشكور عكس الواقع تماما ... وال 40 دولار  انحسبت "حساب عرب" على كولتنه   ..
اني اتذكر في يوم من الايام  كتبت موضوع عن مايحتاجه اللاجئ بالضبط من مصاريف حتى اعرف الوضع شنو بالضبط .. ماكو وره دقايق  انشلف الموضوع  الله يذكرها  بالخير مانكول غيرهه  ، بس بوقتهه الاخ عنوك يارب جاوبني مشكورا .. وضح لي بعض المصاريف.. اكرر شكري له ..
ايضا قبل ايام اتذكر  كتبت موضوع اطلب به النصيحه من الاعضاء الي همه بامريكا حول اختيار الولايات والامان وغيرها ... جان يدخل الاخ رمادي ،.. ويكلي جنت  اتمنى تسال عن فرص  العمل .....
عمي شنو هالمزايدات .. ياعمل وبيا شهاده مال هارفرد .. عمي اصحى ... عندك كهرباء عندك خدمات جوازك محترم ؟ ال 20 سنه الماضيه عيشته بسعاده وبرفاهيه ومدلل ببلدك وطلعت بره كملت دراستك .. وحصلت ارقى الشهادات ؟؟!!! مين يجي العمل والخبره ؟ بس كلي مين من الحراميه .. بلدك مغلق على مدى سنين ..وانت متعرف تحتك او حتى تعرف نظام عمل شركه بسيطه مو باوربا او امريكا  لا والله بالدول العربيه المجاوره....  زين .... شنو عمل عمل ... شنو انت عمي .. اجذب على نفسك وتصدكهه
لا من واحد  يجيب طاري المساعدات  ويسال على المساعدات  ... اهو شيفضهه...عاد..  يطلعو مكدي ابن مكدي وميريد يشتغل ... وكسول وشعندك رايح لامريكا ... ومدري شنو .... والعمل واهم شي العمل ...وكل واحد صارلك خطيب وداعيه اجتماعي ..  وعلى كولتهم العمل نور والجهل ظلام ...
عمي امنت بالله  العمل العمل ، لكن اسالك ؟  الاخ ابو اندي مثلا لو هو عنده شهادة من امريكا وفد خبره مالايقل عن 5 سنوات باحد الشركات الاجنبيه في مجال اختصاصه ، على فرض ان هذه الشركات خلي بالك  هي موجوده ببلده وجاي تعمل ...  وهو سبق وان مشتغل وياهه ،... راح تبقاله 40 بس بالشهر .. جاوب انت وكل واحد ايصيح عمل  العمل  العمل ...   يمعودين ..العمل ... ديربالكم على العمل ، وماهي فرص العمل بس كولو  حتى انشرمهههههههههه احنه العراقيين ...
عمي خلي الله بين اعيونك ، ذوله الخليجيين تكفر تساله مين متخرج .. كله من  امريكا... استراليا ....كنده ... بريطانيا .. لا وعلى حساب دولتهم بعد ...وتعال شوف الخير والرفاهيه الي همه عايشين بيها .... هذا من يطلع الى امريكا لو اوربا ، الشهاده مالتهم مو مالته وموجوده عنده والخبره بالعمل بشركاتهم ايضا موجوه ، بزود خير دولته ... هذا  هم  عاش مثل ظروف العراقيين ؟؟!! ها  ......بس دجاوب انت  ابو العمل ... لو هم يبقاله 40 .... دولار اذا اشتغل باروبا ....
اني الي اريد اكوله
كل عراقي يطلع ، فهو بالاساس همه الجنسيه والجواز .... هذا اولا.... ولحد يزايد ويغالط نفسه .. ويدخل يجاوب وانت كذا......  رجاءا الي عنده احجايت خير يحجيهه ... 
وثانيا مستحيل يعيش بالمستوى الي يحلم به ...لا من اول سنه ولا من اول 5 سنين حتى  هاي اذا كان ناوي يكمل ..هناك .....
ثم النجاح المبكر  لزيد او لعبيد ... هاي تصير .. بكل لاماكن وبكل المجتمعات؟، بس نسبتها كلش قليله  ... وهي  مسالة حظ ..لا اكثر ولا اقل ،.... ومستحيل يكدر اي واحد يقيس عليها...
واخ رمادي سلملي على فرص العمل من تنطفي الكهرباء  عود ،.. 
تحياتي


 

36

الهجرة و واللاجئين / رد: وينهم الورود الي بامريكا اخوكم محتاج نصيحه

« في: 09:24 25/03/2012  »

العزيز uae  ياريت عندي فلوس ... جان مارحت لغيرهه . شاكرا لك مرورك الكريم
اخي كلش حباب تسلم  ياورده .. انت الي ذوقك عالي وانشاءالله الاعضاء دائما كرماء بردودهم القيمه والمفيدة .
شكرا جزيلا سالي ماتقصرين .. شاكرا مرورك .
اخي جون جاك ..انشاءالله بعيدين عن هيج اماكن والله الي يستر هاي شنو  عيننا مثل الافلام   
الله يحفظ الجميع ويبارك بيكم

37

الهجرة و واللاجئين / رد: وينهم الورود الي بامريكا اخوكم محتاج نصيحه

« في: 13:57 24/03/2012  »

الاخت ريم عبد شكرا جزيلا اختي .. على  توضيحاتك القيمه ...
الاخ بوكا شاكرا لك مرورك الكريم ....
وياريت الاعضاء الاخرين الي بامريكا ،يشاركوننا في هذا الموضوع بمعلوماتهم المفيده حتى تعم الفائده للجميع ..
تقبلو جزيل  شكري ...
طبن

38

الهجرة و واللاجئين / رد: وينهم الورود الي بامريكا اخوكم محتاج نصيحه

« في: 12:38 24/03/2012  »

الاخ ابو شمس شكرا لكلماتك الطيبه ... شاكرا مرورك
اخي ارمادي اسف جدا لازعاجك ...

39

الهجرة و واللاجئين / وينهم الورود الي بامريكا اخوكم محتاج نصيحه

« في: 11:46 24/03/2012  »

سلام  لكل العينكاويين الورود
اود الاشاره الى موضوع اخونا العزيز (BUCCA  ) ، حول ما مر به من موقف خطير.. وتاثير اختيار الولايه ونوعية سكانها على بداية استقرار وامن ونجاح الاجئ ، حيث اتفق معه تماما ... فياريت اخواننا الي بامريكا مشكورين  يجاوبوني وبدقه قدر الامكان ،، وحتى اخواننا الي بالعراق وعدهم ايضا معلومه متاكدين منهه ... فيدونه رحمه الوالديكم .. وجزاكم الله الف خير ....
ارجو ارشادي الى ولايه  تكون كالاتي :
1- الامان بها   جيد جدا 
ا- السكان بيض 100% ..
2-مساعدات المنظمه  توب .. وفوق الممتازه .... وتدعم  اللاجئ حتى الاستقرار...
3- امكانية اكمال الدراسات العليا بسهوله وبدون تعقيدات  روتينيه.....  بالقرض او ماشابه ..
ارجوكم اخواني لاتفهموني غلط..... وتكولون هذا بطران .. وجاي يحلم ..
لكن هذا عمر ومستقبل عائله واطفال ،.. فالواحد لازم يستيشير ويسال قبل مايوكع الفاس بالراس وشفتو الي صار الى اخونا بوكا ، ونكله الحمد لله على سلامتكم .. وانشاءالله تبدل مكانك وتستقر  اللهم امين .

ومنتظر ترشيحات اخوانا مشكورين .

40

الهجرة و واللاجئين / رد: استفسار من الاخوة والاخوات

« في: 09:06 14/03/2012  »

الاخت صاحبة الموضوع ..
البعض من مطارات الدول وشركات الطيران ، يطلبون تقرير طبي من طبيب مختص . يبين حالة الحمل وعدم خطورة السفر جوا ، حتى يخلون مسؤليتهم اذا صار على  شي على الحامل  لاسامح الله  ... وتكدرين تسوين مثل هذا التقرير  من عيادة اي طبيبة نسائيه تراجعيهه ...
فقط للاحتياط والعلم ...
وبالسلامه ..

41

الهجرة و واللاجئين / رد: معلومات مهمه تهم كل العراقيين حول الوثائق المترجمة خارج الولايات المتحده الامريكية وكيفيه ترجمته

« في: 07:56 14/03/2012  »

الله يبارك بيج اختي شمس
صراحه موضوع جدا مهم ...
لكن نتمنى وياريت نعرف من باقي الاعضاء وبالاخص الي موجودين بامريكا وبمختلف ولاياتها ،،عن معلوماتهم بخصوص ترجمة الوثائق وشنو صار وياهم وشلون كدرو يتغلبون على المعوقات والصعوبات الي واجهتهم ..... وهل اكو ولايات اخرى في امريكا مشابهه الى النهج المتبع في ولاية ميريلاند او واشنطن العاصمه او فرجينيا في يخص الوثائق كما ذكرت شمس مشكوره ..
ياريت تنورونه وحتى تعم الفائده اكثر وللكل
شكرا الج مره اخرى اخت شمس
تحياتي
 

42

الهجرة و واللاجئين / رد: ألمطار والمؤتمر

« في: 07:22 14/03/2012  »

ياجماعه
بس فلوس الجايات والنسكافيييي ، مال التحف الي راح يجتمعون ، صدكوني يمكن تكون كافيه لاعادة الكهرباء او رواتب للعاطلين لعشر سنوات ، وفوك هذا كله يسدون المطار ....... ومغثتهم محد يخلص منها .. وياريت مسوين شي ومراح يسون .. لاحول ولا قوة الا بالله العلي العظيم .
سالمين

43

الهجرة و واللاجئين / رد: محتاج نصيحة اخواني رحم الله والديكم

« في: 06:19 14/03/2012  »

تحيه طيبه
هذا اخوك الي اكل حقك تروحله وتتفاهم ويا ....ولا تتنازل عن فلس احمر الك شرعا وقانونا ...
وبعد ما تاخذ حقك (وانشاءالله مبلغ جيد ) تسافر وين ماعند الله كاع ، والله هو الكفيل والمرشد والدليل..... لاتخاف...
وناسنه العراقيين الطيبين موجودين بكل مكان ..
او
انك ، تحاول تجد شغل ولو بسيط تكضي بي وكتك ، واعتقد انه شغلة الحراسه افضل خيار الك حتى ماتحير بنومتك ...
والله كريم انشاءالله تفرج عليك وعلى الكل
اللهم امين

44

الهجرة و واللاجئين / رد: ابلان B بريطانية بعد امريكا

« في: 13:15 08/03/2012  »

سلام
بريطانيا صعبه ... وصعبه جدا ...
مو مثل قبل سنة ال 2000 ذيج الايام  العالم  درب التهريب وشكك جوازك وروح للكامب . وبعدها بشكم سنه انت بريطاني و عندك الجنسيه والجواز ..
بس هي عموما يكولون اوربا خده وخدر ومساعدات ولاشغل ولا عمل ...
اذا حضرتك مضبط على اوربا ... اني اشوفهه احسن ، من جيب الفود ستامب ورجع..التذكره مال الطياره  ..وتاخر دفع  الاجار   ...والمنظمه وراك اشتغلت لو لا ؟... هواي امور تختلف بين امريكا واروبا ...وتقبى هي قناعات وانت شتريد ، هذا على فرض انك ضامن بريطانيا !
تقبل مروري
ربي يوفق الجميع

45

الهجرة و واللاجئين / رد: اخوان رحم الله والديكم ابحث عن كفيل في ويست فيرجينيا

« في: 09:35 01/02/2012  »

اخواني  الافاضل
اشكر  مروركم وردودكم القيمه ...
دائما  وابدا ، سباقين للخير ...
رحت اعيفهه  على الله  هو وحده الكفيل والمعيل ونعم النصير ...ووين مايذبني ، اكول نعمه والحمد لله  ...
ربي يوفق الجميع
واسأل الله شكو واحد بهذا المنتدى  يسافر  ويرتاح .. اللهم امين
تحياتي

46

الهجرة و واللاجئين / اخوان رحم الله والديكم ابحث عن كفيل في ويست فيرجينيا

« في: 11:52 26/01/2012  »

اخوان
تحية طيبة
اي احد يكون  كفيل لنا في ويست فرجينيا الله يوفقكم ولكم الثواب

47

الهجرة و واللاجئين / رد: وينهم ، اخويه طماطه .. كوندا ، انجي ......ارجو الدخول والمساعده

« في: 09:28 11/12/2011  »

رحمه الله والديك اخي طماطه على سرعة الرد واشكرك
واريد اكلفك ... وانت المتفضل ... اكتبلي الايميلات التاليه ، لان انت مراسلهم قبل
فدوه

اخوية كوندا اني لحد الان راسلت الاتي
1- مكتب سيناتور كاليفورنيا باربارا بوكسر
2- الخارجية الامريكية
3- السفارة الامريكية
4-philly news
5-الواشنطن بوست
6- النيو يورك تايمز
7- وصحيفة محلية في نيويورك ايضا

اشكرج اختي برينسيسه
والله والنعم منكم

48

الهجرة و واللاجئين / وينهم ، اخويه طماطه .. كوندا ، انجي ......ارجو الدخول والمساعده

« في: 06:49 11/12/2011  »

شلونكم اعضاء عين كاوا  الغالين
تحيه لكم جميعا
رجاء رحمه لوالديكم  الي عنده ، ايميل اي مسؤل سواء كان بالخارجيه الامريكيه  او  دائرة الهجره او المنظمات الاخرى ... او سيناتور .. او...  ما ادري بعد شنو ....
خلي يفيدني بي ، ارجوكم اريد اكتب الهم  وبالتفصيل روحي بزعت ...،
وانشاءالله الفائده للجميع
جزاكم الله الف خير
لاتقصرون .. احبائي
اخوكم 
طبن

49

اجتماعيات (ترحيب، تهاني و تعازي منتدى الهجرة) / رد: دعاء مستجاب عند الله فدعوا به ان شاء الله تقضي حاجتك

« في: 06:46 08/12/2011  »

الله يوفقج ....
اللهم يسر على الكل ...
اللهم  امين

50

الهجرة و واللاجئين / رد: كمية المبلغ الي يكدر الانسان يبدي حياتة بامريكا

« في: 09:22 29/11/2011  »

السلام عليكم
تحيه طيبه الى كل الاخوان الاعزاء
اخي الفاضل عونك يارب
اخي الفاضل ياسر فخري
ياريت ، الاشاره الى  قيم المبالغ  المطلوب سدادها  شهريا مثلا  او حسب المتبع للسداد  لان انتم هناك واعرف ... حقيقه حتى تتكون لدينا صوره واضحه وتعم الفائده بصوره اكثر ... يعني الاخ عونك  ذكر جملة فواتير مطلوب سدادها .... اريد اعرف بالتحديد  وبالارقام  بالدولار الامريكي....رحمه الله والديكم ... شكد شهريا لازم الواحد يخلي بباله مطلوب منه يدفع؟؟؟ صحيح يمكن الواحد  مايكدر ينطي الجواب المثالي على اعتبار الاختلاف من ولايه الى اخرى ... لكن ولو بصوره عامه  حتى  الواحد قبل مايروح  يحاول قدر ما يستطيع ارتب امره ..
فواتير ....ــــــــــ الايجار ؟ الكهرباء ؟ الماء ( عونك ماذكره  شنو الماي  بامريكا مجانا    ) ،؟ النت ؟ تامين السياره ؟ قسط الطياره ؟؟ فاتورة الموبايل ؟؟؟  المصاريف الاخرى ان وجدت ...
الاخ عونك ذكر كال  3 اشهر ، لكن الاخ ياسر كال 8 اشهر ؟؟ الفتره الي المنظمه مجبوره تلتزمك وتغطي كل نفقاتك شكد؟؟ قانونا ؟ هل هي 3 اشهر  ام  8 اشهر ؟
وياريت ايضا الاخوان الاعزاء وحتى تعم الفائده  يجاوبون مشكورين عن الحالات المحتمله الاتيه :
1- اني بامريكا صار بيه شلل او اي مرض معوق اخر .. شنو مصير عائلتي واطفالي ؟ هل المنظمه ترجع تلتزمني  بالنظر لحالتي . والعلاج والتقاعد وغيرها المنظمه راح هي تتكفلهه ؟ وهذا التقاعد  يكفي للمعيشه الجيده ،.. هذا الحجي اقصد بعدني بالبدايه ، لاجنسيه ولا جواز .
2- شكد سعر سياره تمشي الحال بامريكا ؟؟ والتامين سنوي لو يجي اجزاء شهريا لازم يندفع قسط منه شهريا ؟؟؟
3- يعني شنو الحد الادنى للمرتب ؟ بامريكا  وشنو علاقته بالفود ستامب ، وشوكت بالتحديد ينقطع عنك الفود ستامب ؟  وشوكت يستمر وياك لفتره اطول ؟
4- نفرض فرضيه ليست الا ، انه انت ماحصلت شغل من اول ما وصلت ؟؟ ولا حتى ضمن اول 8 اشهر  استطعت ان تستقر او ان تثبت بشغله لسبب او لاخر ؟؟ المنظمه راح تستمر تدعمطك ؟؟ واذا لا  شنو الامور الي يجب ان تتخذهه ومنو راح يقدملك يد المساعده في مثل هذه الحالات ؟ هل هي مثلا منظمات دعم اللاجئين ام منظمات انسانيه اخرى ... ام ماكو  هيجي شي ؟؟
5- تعليم الاطفال مجانا لحد اي مرحله دراسيه ؟؟؟لو مستمر حتى التخرج من الكليه ؟؟
6- زين هاي مبالغ  الفواتير الي اتكلم عليهه الاخ عونك ممكن تجزئتها حسب حالة الشخص ، يعني ادفع مثلا شهريا  30 دولار  وابقى على هلوتيره  اسدد  الى ما شاء الله ؟؟ وشوكت ما الله يسرهه  عليه  عود ادفع  حسب الحاله .. لو ماكو هشكل  حجي ..،...
7- سوال الاسئله :
اذا بعد ما اوصل بشهر ، على سبيل المثال ،، وما اريد اسمع  شي اسمه اني مطلوب فلوس للمنظمه او لاي بشر ....شكد مطلوب مبلغ انطينهم دفعه واحده  .. الطياره وكلشي وكلاشي  . واخلص ... من لجتهم .... ومن كابوس اسمه ...مطلوب فلوس ؟؟ لو هاي ماصايره ولا دايره؟؟ واذا تصير هم تاثر على الواحد ... يعني همه اكيد راح يكولون هذا  اذا عنده هيج فلوس شلون لاجئ ؟ توب نخله وفسفوره ..؟ لو مالهه علاقه .
8- شكد بالتحديد المده القانونيه للحصول على الجنسيه ، ثم الجواز ؟ خلال هذه الفتره لازم تكون مقيم دائمي بالولايات المتحده ، زين اذا مثلا  تحصل عقد عمل وتريد تروح تشتغل بذاك البلد يخلوك وفترتك ماشيه  لو ميصير ؟؟

تقبلولو جزيل شكري
طبن

51

الهجرة و واللاجئين / رد: وينهم اهل النخوة مساعدة

« في: 23:14 07/09/2011  »

السلام عليكم  اخواني واخواتي
من خلال موضوع الاخت ........ حبيت ابين فد شي عجيب غريب خاص بينه احنه العراقيين بالذات وخصوصا بالغربه ...
اخوان اسمعوا هاي السوالف الي هي واقعيه يشهد الله ، على تضامن الناس بالغربه
شخص صديق لي يداوم بمستشفى وله زميل سوداني يداوم بنفس المستشفى ، يوم من الايام  هذا السوداني متوتر وكلساع يخابر بالموبايل (ها شوكت تجي ، انت وين ، ....الخ) فصاحبنه العراقي سأله شبيك خير ؟؟! كله لا مو واحد صديقي دكتور سوداني راح يباشر يمنه بالمستشفى فاني ردت اخذ اجازه حتى اروح اجيبه واعرفه على كل الموجودين الزملاء ؟؟!!! بس المدير ماانطاني رخصه .. لذلك اني ضايج ؟؟!!! طبعا هذا الكلام كان برمضان وكله للعراقي انت اليوم معزوم يمي على الفطور لان صديق السوداني اليوم يفطر هو وعائلته يمي ، وبعد شرب الشاي نخرج سويه ونبحث له عن سكن بنفس منطقتنه حتى يستقر ويرتاح...........
واني صراحه عايش بالخليج صارلي  اربع سنوات ، والسودانيين فيما بينهم  شي عجيب بس واحد منهم يطلب مساعده... عينك ومشوف تجي مساعدات حتى اضبط من مساعدات دوليه؟؟ ، وواحد يعرف الاخر .....
اما بالنسبه للهنود فمتاكاتيفين بشكل مو طبيعي حتى على مستوى عمال ..... مع العلم انه نسبه كبيره منهم هوه هندوس ...لكن دشوفهم  فنك تدخل بينهم .. وواحدهم يحب ويحترم الاخر بشكل عجيب...
لك احنه شبينه؟؟؟؟؟؟؟؟؟؟؟؟؟؟؟؟؟!!!!!!!!!!
بالغربه واحد يموت من الثاني وواحد يحارب الثاني ..... وتكفر اذا تسألك واحد مسافر مثلا عن اي شي مهما كان بسيط بذاك البلد ، اهـــــــــــــــوووو شيفضهه ...... يبدي الجذب وتزييف الحقائق والنصائح المفبركه الكاذبه و....و....و...الخ
شنو هاي، متشوفون الله سبحانه وتعالى تركنه....... ، وشال من عدنه الرحمه والبركه والاخوه الصادقه ....
وهذا الكفيل ليش ما حجه من وكت اقلها جان واحد يشوفله تصريفه ...
هو ليش عايش بمريكا ؟ خلي يرجع يشتغل بباب الشرجي لو بالنهضه .. لو وين ميحب
اختي كرديه  الي ارجو منكم تخابرو لهذا الكفيل ،  الدماغ سيز ... وهجه  بعرف ...
واني متيقن  كما هم الاخوان الذين سبقوني بالردود ان الله هو نعم الولى ونعم النصير وخير كفيل..
الله يسهلهه على كل اعضاء هذا المنتدى الغالي .
تقبلو تحياتي
اخوكم طبن


 

52

دردشة منتدى الهجرة واللاجئين / رد: خوان عالسريع عالسريع باركو اخوكم والي يباركني راح ياخذ بركاني

« في: 22:37 07/09/2011  »

الف مبــــــــــــــــــــــــــــــــــــــــــــــــــــــــــــــــــــــــــــــــــــــــروكككككككككككككككككككككككككك
توصل بالسلامه
متمنيا لك الحياة السعيده الجديده ....
لاتنسانه ببركاتك