Ankawa.com
montadayaat montadayaat montadayaat montadayaat
English| عنكاوا |المنتديات |راديو |صور | دردشة | فيديو | أغاني |العاب| اعلانات |البريد | رفع ملفات | البحث | دليل |بطاقات | تعارف | تراتيل| أرشيف|اتصلوا بنا | الرئيسية
أهلا, زائر. الرجاء الدخول أو التسجيل
23:15 19/04/2014

تسجيل الدخول باسم المستخدم، كلمة المرور و مدة الجلسة


بداية تعليمات بحث التقويم دخول تسجيل
  عرض الرسائل
صفحات: [1] 2 3 4 5 6 7
1  منتدى الهجرة واللجوء / دردشة منتدى الهجرة واللاجئين / رد: قصة حقيقية .. الدخول لاصحاب القلوب القوية في: 23:16 06/04/2014
خويي الغالي الزورائي
لن يصيبنا اﻻ ما كتب الله لنا

ﻻتندب او تحزن لمواقع س و ص  اربما موقعك يكون احسن من س و ص او العكس
الصبر ثم الصبر ثم الصبر واذا ماكو نتيجة انصحك اتسوي مثل س
اخوك علي
2  منتدى الهجرة واللجوء / اجتماعيات (ترحيب، تهاني و تعازي منتدى الهجرة) / رد: الحمد الله وصلنة الى امريكا في: 22:42 06/04/2014
الف الحمد على سلامتكم والف مبروك السفر
اهلا وسهلا بك في شهر العسل
اهلا وسهلا بك في الوﻻيات المتحدة اﻻمريكية
اي مساعدة تحتاج امرنة وتدلل

اخوك علي ليو اوستن تكساس
3  منتدى الهجرة واللجوء / الهجرة و واللاجئين / رد: ¥¥¥¥¥¥¥¥¥¥ دليل مدينة اوستن تكساس ¥¥¥¥¥¥¥¥¥¥ في: 04:37 28/03/2014


معلومات حلوة عاشت ايدك اخ علي
تحياتي .


اشكرج اختي ساوند على المرور والمشاركة
وياربي ايحفظج وايخليج

اخوكم علي
4  منتدى الهجرة واللجوء / الهجرة و واللاجئين / رد: درايفر ليسانس في امريكا مترجم في: 03:35 28/03/2014
اخوية صاحب الموضوع
ادخل على هذا الرابط الي راح يساعدك بكلشي على الد ايف  لايسنز  بس خلي ولايتك راح ايفصلك كلشي


www.testquestionsandanswers.com/dmv-practice-test

علي ليو  اوستن

5  منتدى الهجرة واللجوء / الهجرة و واللاجئين / رد: درايفر ليسانس في امريكا مترجم في: 03:24 28/03/2014
اخوي كثير من الولايات ممكن تمتحن بالعربي واني اعرف هواي ولايات اسئلتها بالعربي والانكليزي والاسباني . انت باي ولايه ؟؟ . انت موبس لغه انكليزي مو قويه ترى حتى لغه عربي هم  ممتعض ممتعض ممتعض ممتعض تحياتي

اخي  او اختي ممكن اتوضحون النة هاي الجملة اكو اهواي ولايات ا متحان بالعربي مالت السياقة
ممكن نعرف هاي الولايات اذا ما تصير زحمة حتى نتنور اشوي ايجوز احنة غلطانين بمدينة ديربون فقط بمشيغان
مع جزيل الشكر
6  منتدى الهجرة واللجوء / الهجرة و واللاجئين / رد: مساعدة اخوان خطا في الاسم بالجواز في: 03:21 28/03/2014
من رخصتكم اخواني مداخلة ازغيرونة
بعيدا عن وعن وعن
الجواز تحتاجة فقط للسفر من العراق الى عمان ومن عمان لامريكا او اي دول  ماتحتاجة بعد

النسبة لاخونا العراقي راح تجي على الكابينة مالتة حت  يختم خروجية عراق ويقرة الاسم بالعربي ماراح يقرة بالانكليزي
وثانيا يمة نسخة بالعربي من موظف ا لاي او ام العراقي بيها جماعة اﻻي او ام الي راح اتساف  اليوم من بغداد لعمان والله علية شاهد شفتهن بعيني الي ياكلهن الدود عكب باجر
شسمك مواليدك وين مساف  الى عمان قرة الجواز وقرة اسمي بالعربي بالورقة وشخط علية ختم واتوكلت وعلى طبكة الجواز لمن ما وصلت ﻻمريكا فتحت  مرة من طلعت اجاز  سوق ومرة من افتحت بالبنك حساب ومن سويت الكهرباء هاي هية امها وابوها
والاحتياط واجب دزوا ايميل للمنظمة والله كريم وشوف شن  ردهم

خوكم ليو اوستن تكساس
7  منتدى الهجرة واللجوء / الهجرة و واللاجئين / رد: اريد اغير ولايتي في: 03:09 28/03/2014
حبيبي الغالي اخوي العين كاوي اﻻصيل
اختنا الثانية العين كاوية الي هم سالت عن تغير الولاية

هلا بيكم وحياكم الله

امريكا بيها 52 ولاية من الشمال لجنوب ومن الشرق للغرب وين ما تريد اتروح الله وياك وهلا بيك بالولاية الجديدة
احبائي الغالين
شنو الي راح اتخسرة وشنو الي راح يبقى وياك
هاي بعض المعلومات من اخوكم ابو البزازين مو ام البزازين ﻻن كل 3 ايام بولاية

انتم راح اتحولون  الى الوﻻية الجديدة اول شي تفكرون وضعكم انتم شنو هل انتم عائلة او انتم سنكل
من انتقلت لولاية جديدة 100% انت انتقلت بسبب شي مو زين بوﻻيتك القديمة كان يك ن مساعدات اوعمل او اقارب او اصدقاء او جو او الحب العربي
انت من انتقلت حسبتها زين وسالت عن الشي الي رايحلة ايضرك او ينفعك او ماراح ايسويلك شي
كل هاي التساؤلات لازم تلكالها حل قبل لا تحول

بالنسبة الى الناس الي اعرفهم وانا واحد منهم هل المنظمة الي رايحلها زينة او ﻻ
هلانت مكمل اوراقك كلهن ﻻن انتم جدد بعدكم ماصايرلكم شهر
بعض النصائح حول التحويل
من اتريد  اتحول اتسد كيسك القديم بالولاية الي بيها انتم  وتنطيهم عنوانك الجديد او ااذا ماتعرف شنو عنوانك الجديد تكلهم من ا صل واجر واشوفلي منظمة ارسللكم عنواني الجديد شنو استفاديت انته من سويت هيجي اولا كارتالعمل راح يجي على اول منظمة استقبلتك ولون مالت الطيارة واذا ﻻ سامح الله فد الف دوﻻر من ريسنه اوباما راح ايحولوهن الكم
بالنسبة للسوشل سكيورتي مو يالضرورة اتطلعة من وﻻيتك القديمة تعال لجديدة وقدم علية ونصيحتي الك انت مكمل معاملة السوشل سكيورتي استلمة وحول
بالنسبة الك اذا مقدم فود استامب وكاش وتامين صحي الي راح يجي وياك الفود استامب والكاش وتكدر تستخدمة بامريكا كلها بالنسبة للفود استامب والكاش مالتك اذا ينزلك وية الفود ستامب خير على خير ينزلك جكات شهرية او اسبوعية راح  تحول على وﻻيتك الجديدة اذا جان الكاش مالتك الي ينطونة الك مال الولكم مني مو مساعدات خليها بالك يتحول بس اذا مساعدات فانت راح ينصرف حسب الولاية الجديدة اشكد مخصصه الك ولو مشمول لو ﻻ
النسبة للتامين الصحي مال وﻻيتك القديمة ماراح يشتغل بالولاية الجديدة راح يكون مجرد كارد ضامة بمحفظتك

احبائي الغالين
من اتحول لوﻻية جديدة وو بالضرورة ايكون عندك كفيل بالوﻻية الجديدة
على سبيل المثال انا اليوم طكت براسي اروح ال  اريزونا وادور شغل شنو ﻻزم عندي كفيل يالله ادخل الى المحفوظة اريزونا ماكو هيجي حجي
بقت شغلة ثانية انت من راح اتحول المنظمة راح تستقبلك وراح تنطيك حقوق مثل ما تستلم بوﻻيتك القديمة بالنسبة الي ﻻرحت على منظمة ولادكيت باب منظمة حولت من فرجينيا وان ابوع من واصل رحت لمشيغان دكيت بابهم كالوا روح بابا روح فرجينيا مصت دمك وجاي النة روح للولفير قدم فود وكاش وتامين هم ينطوك احنة معلينة خلف عليكم تعب اجدامك ولاتعب السانك طلعتهن وفادني جم شهر وراها شد الرحيل لكنتاكي بقيت شهر ماعجبتني والفود استامب والكاش وياي  شد الرحيل بالرجوع لمشيغان وراها ماعاجبتني حولت ﻻن البرد يكتل بمشيغان شد الرحيل ﻻوستن تكساس طبيت ماعندي اي احد بيها والحمد الله اجرتتواشتغلت ومن دكيت باب منظمتهم بتكساس كالولي روح انته بطران فرجيننا مصت دمك وتريدنا ننطيك يابة ماريد شي اريد بس التامين الصحي ﻻن كسران ظهر الواحد من يتمرض ماكو يابة لاخلف عليكم وباجر وين مادري
هذا الحجي الي حجيتة مو تبطر ولا عفة بس اروح واركض ورة الخبزة والشغل وين موجود اروح وراه حتة لو بالاسكا  بس اكو ناس عندها عوائل ومحد معيل الها ﻻزم تعتمد على المنظمة بالبداية حتى توكف على رجليها والي مامحتاج المنظمة فخلي اتولي
من خلال الحجي الي قريتوه حطوا ورقة وقلم وحسبوها عدل قبل لاتجون
اخواني واخواتي انا من اوستن تكساس اذا حابين اتحولون عل  تكساس كل الهلا بيكم وهاي تكساس اوستن وانتم بكيفكم

اخوكم علي ليو اوستن تكساس
8  منتدى الهجرة واللجوء / الهجرة و واللاجئين / رد: اني اب حيرة في امري في: 02:20 28/03/2014
حبيبي الغالي صاحب الموضوع
تحية طيبة

بالبداية احب اسولفلك سالفة وانت ااخذ الي يعجبك منها وفسرها اشلون اتحب اتفسرها

اكو اثنين يشتغلون بمطعم  واحد يشتغل والثاني كاظيها تسخيت بالمطعم وذابها براس صاحبة وللعلم شغلتهم اثنينهم ايغسلون امواعين بالمطعم واسمها الدش وشر  احجاية منا منا اتعاركو اجوا يم الناس الخيرة طبعا ابو المطعم  كالهم اشبيكم تتعاركون كلة هذاصديقي مايشتغل وذاب الشغل كلةةبراسي ومن احاجي ايكلي انا دكتور اسنان والي احصلة من ورة راتبي عشرة الاف دولار بالشهر بالعراق ابو المطعم كلة انت وين هسه انت بامريكا مو بالعراق وجاي تشتغل بارت تايم و9 دولارات بالساعة انت جاي تشتغل عندي بمطعم وانا شهادتك مال طب اسنان الي جايبها من بغداد ماتفيدني بمطعمي لو تشتغل لو تروح للبيت اتباوع على شهادتك واشتغلوا عدل اثنينكم ﻻ اشحوتكم

رباط سالفتنة

اي شهادة عندك بامريكا ما معترف بيها اﻻ الهم اتعادلها وية خبرة بمجال عملك بعض الوﻻيات تكدر تشتغل بيها وتحصل شغل
اكو اهواي ناس معدلاتها من جان بالعراق كلها بلتسعينات ومشمولين باحلى كليات بس عافوها واجوي اهنا ﻻمريكا كملوا شهادتهم وخير من الله فوك ماتصور
اكو مهندسين واطباء وناس تجار اجتي ﻻمريكا وعافت كلشي وراها لمجرد شي اسمه امان وبلد شما تنطي ينطيك ويدعمك وما يخليك تفشل

بالنسبة اكو ناس اتكول بامريكا اﻻ موجود سنة يالله اتحصل الفاينيشل ايد واتكمل كلية اكلهم هاي الناس حجيهم صح ومنطقي بس مو بكل ولاية امريكة
اضربلهم مثال بسيط على روحي وماكول افلان ﻻن صارت وياي
انا من مشيغان 3 اشهر من وصولي سجلت بالكلية وقدمت على الفاينيشل ايد والكلية الي سجلت بيها كوميونتي كولج وراح تدفعلي سنتين فقط واخذ مايعادل شهادة معهد وبالنسبة الى السنتين الباقية من اتريد اتكمل البكلوريوس تاخذها لون من الكلية والتسديد يكون ورة 6 اشهر من تشتغل مو من تتخرج انتقلت الى تكساس العينتين ماقبلتني اﻻ اكمل سنة بتكساس يالله اسجل بالكلية فكل ولاية الها قوانينها الخاصة

فياخي العزيز
اذا حاب تجي ﻻمريكا وعندك هدف للدراسة واتكمل اهنا اكلك كل الهلا بيك ونورتنا
اذا حاب اتكمل كليتك بالعراق الى سنة ال2017 بعد 3 سنين يالله شراح تتوقع  انت تسافر انت اصلا من قدمت قدمت اتريد اسافر لان انت مهدد وماتكدر تبقة بالعراق وبيوم الي يجيك السفر شنو اتكلهم اﻻ اتخرج يالله او عندي ضروفي الخاصة راح ايكولون هذا الشخص غير مؤهل بالسفر لان مامهدد
خلي اكلك شغلة واستقبلها مني بكل رحابة صدر ومو تزعل علية ﻻن هذا رائي لو انا المحلف وهاي قضيتك كدامي اكلهم الغوا الكيس مالته مايسافر واشر الك بالدفرل لتر على المربع الثاني وحتى اسباب ما اذكرلك ﻻن انت ما مهدد

بس كل شخص والة ضروفة الخاصة يحب يجي او ﻻ ايجوز انت قدمت قبل جان ماكو شي براسك بس هسه ايجوز اتفكر بهواي شغلات مثل شهادة وزواج وبيت واطفال واهلي لوحدهم ومستقبلي اشلون لو هذولة لو امريكا وبرائيي اكلك امريكا ﻻن هايكلهن راح اتامنهن بحياه حلوة من تجي لامريكا وخليها بالك امريكا مو مال ابو احد تجي ماتجي مراح اتاثر لا على فلان ولا على ابو اافﻻن
بس نصيحتي الك انت واصل  تلث ارباع الطريق كمل جزاك الله خير الجزاء ولاتخلي افلان يجيبك بسالفة منا ويوديك بسالفة منا

تقبل مروري وانتقادي ولاتزعل مني ترة هوه هذا واقع الحال
اخوك العين كاوي علي ليو
اوستن تكساس
9  منتدى الهجرة واللجوء / الهجرة و واللاجئين / رد: درايفر ليسانس في امريكا مترجم في: 01:44 28/03/2014
حبيبي الغالي

بالنسبة الى اﻻرشادات والاسئلة مالت ا متحان السياقة من وﻻية لولاية تختلف ومو كلها بس اكو ولايات بيها بعض الاسئلة تختلف
كل الوﻻيات امتحان السياقة يكون بلغة الانكليزية ماعدا ولاية مشيغان فقط وانوه فقط في مدينة دي بون الدي بي اس الي موجود بيهن يمتحنك عربي او انكليزي وباقي مدن مشيغان بالغة الانكليزية
وحتى كتاب ا ﻻرشاد يكون بلغة اﻻنكليزية لكن اكو محلات مسوية كراسات وتوزعها بلاش لابناء الجالية العربية نعم الله عليهم

فنصيحتي الك اتسوي بحث بالكوكل وتكتب  اسئلة امتحان السياقة بالنسبة لوﻻيتك بلغة العربية مع الحلول ﻻن اكو ناس خيرة ماخذة اﻻسئلة ومترجمتها ورافعيها بالعربي
واذا ما حصلتها اكتب بالكوكل امتحان السياقة بالعربي لوﻻية مشيغان وراح تطلع عندك خي  من الله

بالنسبة للمتطلبات
ال I-94
سوشل سكيورتي
عقد الاجار مال سكنك
اثبات عدد 2 مختلف يتبت عنوانك الي ساكن بي الحالي كان يكون بيل انترنت ورقة البنك ورقة الكهرباء او ورقة من المنظمة مالتك تثبت عنوانك الحالي الساكن بي
الرسوم مالت ا جازة وكل ولاية رسومها تختلف
هويات بيها صورتك تثبت انو انته كان تكون الجواز وتصريح العمل او الكرين كارد  فيزا ترافل دكيومنت او الورقة الي انطوك اياها اول ما اجيت ﻻمريكا مال اﻻي او ام الي بيها صورتك والي اتكول انك ﻻجيء وهاي الوثيقة تستخدم كهوية داخل المطارات

وانشاء الله راح تنجح نظري وتنجح عملي وتاخذلك سيارة وتدفع انشورنس وتفول بانزين وتكضيها طلعات ولا تضوج مرة ثانية

زميلك العين كاوي علي ليو
10  منتدى الهجرة واللجوء / اجتماعيات (ترحيب، تهاني و تعازي منتدى الهجرة) / رد: !!!! أســـف جـــداً جـــداً لأنقطاعي طول هذه الفترة !!!!! وشكر خاص للاخ دبس وراشي في: 08:08 26/03/2014
ياهلا وكل الهلا بيك خويي الغالي واوستن نورت بيك صدك جذب انت باوستن ومادري بيك ياكاع انشكي وبلعيني اخوك ليو اهنا باوستن واي شي تحتاجة اسال ولا تتردد وانا دزيتلك رساله على الخاص بيها رقمي منتظر اتصالك حبيبي

اخوك علي اوستن
11  منتدى الهجرة واللجوء / اجتماعيات (ترحيب، تهاني و تعازي منتدى الهجرة) / رد: ........... (( البقاء لله )) .......... في: 08:02 26/03/2014
انا لله وانا اليه راجعون
من التراب والى التراب
ربي اسالك بحبيبك محمد ان تتغمد روح الفقيدة برحمتك
وان تجعل قبرها روضة من رياض الجنة
وان تنزل السلوان والصبر على اهلها
انشاء الله خاتمة الاحزان ياربي
البقية بحياتك اخوية ابو ديما والبقية بحياتك عمنا العيساوي
12  منتدى الهجرة واللجوء / الهجرة و واللاجئين / رد: اصحاب الخبرة بامريكا: كم الفترة القانونية للبقاء خارج امريكا لاصحاب الكرين كارد في: 07:57 26/03/2014
لييش تببقون خارج اذا عدكم ااشغاال بالعراق ليش تخلون الامريكاان ببعد ماييحترمونا

وين الربط بالموضوع ؟


والامريكان شلهم علاقة حتة ياخذون نظرة مو زينة هذا حق من حقوق اي لاجيء
13  منتدى الهجرة واللجوء / الهجرة و واللاجئين / رد: مقابلة 2 (محلفين) في: 14:25 20/03/2014
على الخير والبركة وانشاء الله المقابله اتكون سريعة وسهله

بعض النصائح حول مقابلة المحلفين

خليك رلكس ولاتبين الهم انت مرتبك
انتبه على السؤال لان يجيك مرة ثانيه بصيغة مختلفة
حاول الاجابة على قدر السؤال لان الزيادة كلنقصان والاجابة الزايدة عن حدها راح ادخل بمتاهة اسئلة جديدةعدم النظر كثيرا الى المحلف او تحاول تلتهي اتغير من حركة جلوسك بعدة مواقع مختلفة بنفس المكان
حاول انت وزوجتك اتكون عدكم اجابة واحدة ومشابهةعدم التطرق الى ذكر الايام فقط الشهور والسنين اذا ما جنت متاكد من رقم الايام

وانشاء الله ربي ايفرجها عليك واشوفك اهنا يمي باوستن وياربي سقركم العاجل انشاء الله

اخوك علي ليو
اوستن تكساس
14  منتدى الهجرة واللجوء / الهجرة و واللاجئين / رد: ¥¥¥¥¥¥¥¥¥¥ دليل مدينة اوستن تكساس ¥¥¥¥¥¥¥¥¥¥ في: 04:07 18/03/2014
بارك الله فيك



ويبارك بيك اخوية سوناتا انشاء الله نسمع منك اخبار حلوة عن ولايتك
15  منتدى الهجرة واللجوء / الهجرة و واللاجئين / رد: ¥¥¥¥¥¥¥¥¥¥ دليل مدينة اوستن تكساس ¥¥¥¥¥¥¥¥¥¥ في: 04:06 18/03/2014
السلام عليكم
شكرا اخ علي على هذه المعلومات القيمة يحفظك الله من كل سوء ويفتح بوجهك ابواب الرحمة ويوسع عليك من الرزق الحلال.
اختكم ورد الشام.

اختنا ورد الشام الكريمة شكرا لمروركم العطر وانشاء الله ربي الاستفادة من الموضوع
16  منتدى الهجرة واللجوء / الهجرة و واللاجئين / رد: ¥¥¥¥¥¥¥¥¥¥ دليل مدينة اوستن تكساس ¥¥¥¥¥¥¥¥¥¥ في: 04:04 18/03/2014
عاشت ايدك اخوية ابو حسين الورد.بارك الله بجهودك

خويي اﻻوستني اوس الوردة انشاء الله اشوفك يمي باسرع من لمح البصر
17  منتدى الهجرة واللجوء / الهجرة و واللاجئين / رد: ¥¥¥¥¥¥¥¥¥¥ دليل مدينة اوستن تكساس ¥¥¥¥¥¥¥¥¥¥ في: 04:01 18/03/2014
دايما مبدع. وكلامك. واقع.  وكاننا. عايشين معك.  نقل صورة حقيقية.     وللك الاحترام والتقدير   علاوي  الورد

اخوية الغالي
اشكرك مرورك الكريم وانشاء الله  نخدم بوجودكم لكم جزيل الاحترام والتقدير وانشاء الله ما نسمع بيك مغترب نسمع بيك عراقي بين اهلة وناسة
18  منتدى الهجرة واللجوء / الهجرة و واللاجئين / رد: ¥¥¥¥¥¥¥¥¥¥ دليل مدينة اوستن تكساس ¥¥¥¥¥¥¥¥¥¥ في: 03:52 18/03/2014
حلو خوش موضوع عاشت ايدك بس ماكلت شنو السلبيات

اخوي ابو حسن الغالي اسعد الله اوقاتك
اشكر مرورك وردك في الموضوع

سلبيات المدينة قليلة جدا
بس اكو بعض التحذيرات الي ﻻزم نعرفها علمود ما ننصدم بيها
احذركم من الساوث ويست سايد وخاصة اذا عراقيين اذا مالنة شغل اهناك مانروح
شبابنة السنكل الانتباه من فتيات المراهقة الي جوة ال18 التين ايجر القانون وياهم ومايحمي المغفلين اتشوفها ام بس هية عمرها 14 سنة
عدم شراء الكحول والسكائر الى اقل من 18 سنة
اذا اكو عركة بشارع صارت مالنة علاقة ولا حتة انباوع واذا حبينة انباوع فمن بعيد ﻻن بهاي المشاجرة انت تنسرق
الحذر الحذر من المكسيكان في سالفة المخدرات  حتى ةان كان مزاح  ﻻن اغلبيتهم اندر كفر الشرطة السرية

19  منتدى الهجرة واللجوء / الهجرة و واللاجئين / رد: ¥¥¥¥¥¥¥¥¥¥ دليل مدينة اوستن تكساس ¥¥¥¥¥¥¥¥¥¥ في: 03:44 18/03/2014
شكرا للمعلومات والشرح الوافي . بارك الله بيك وعاشت ايدك

ايدج العايشة اختي ام اديان الكريمة انشاء الله نسمع اخبارج الطيبة دوم ومرتاحة ومتهنية وياربي يفتحها  بوجهكم
20  منتدى الهجرة واللجوء / الهجرة و واللاجئين / رد: ¥¥¥¥¥¥¥¥¥¥ دليل مدينة اوستن تكساس ¥¥¥¥¥¥¥¥¥¥ في: 03:42 18/03/2014
ربي يوفقك ابو حسين الورد
شكرا ع المعلومات المفيدة

وشكرا ع الترحيب الحار والصادق والنابع من قلب طيب

شكرا لروح التعاون وفعل الخير

الله يسهل عليك .... علي ليو المبدع

شكرا لك اخي الكريم على المرور والمشاركة وياربي يستمر العطاء بجهودكم ياحلى اخوة وياربي الحياة السعيدة وانشوف الكللمتهني ومرتاح
21  منتدى الهجرة واللجوء / الهجرة و واللاجئين / رد: ¥¥¥¥¥¥¥¥¥¥ دليل مدينة اوستن تكساس ¥¥¥¥¥¥¥¥¥¥ في: 03:40 18/03/2014
بارك الله بيك و بجهودك المبذولة وخلف الله عليك لان جاي تساعد الناس معنويا الله يرزقك اكثر ويستر عليك
ولو اني انشاء الله مو لتكساس بس شكرا على كل جملة جميلة و مفيدة نابعة من القلب

تقبل مروري اخوك david

اخوية الغالي ديفد
شكرا لك على كلماتك الجميلة واشكر مرورك الكريم وياربي موعد سفركم انشاء الله
22  منتدى الهجرة واللجوء / الهجرة و واللاجئين / رد: ¥¥¥¥¥¥¥¥¥¥ دليل مدينة اوستن تكساس ¥¥¥¥¥¥¥¥¥¥ في: 03:38 18/03/2014
شكرا جزيلا ابو حسين الورد كفيت و وفيت بارك الله بيك وجعلها في ميزان حسناتك
اضم سؤالي الى اخي المهندس العراقي .
هل توجد عنصرية ضد المسلمين ؟
وطبعا اكون ممنونك اذا تكون كفيلي بهاي الوﻻية.
للعلم احنه عائلة 3 اشخاص.
تحياتي الك وتقبل
 
أدوارد

حبيبي واخوي الغالي ادورد
اتمنى اكون وصلتلك الاجابة من خلال المهندس العراقي
وانا ماعندي اي مانع اكون كفيلك باوستن وانت تدلل وتاخذ عيوني وانشاء الله ادزلك رساله على الخاص بيها معلوماتي الكاملة وتدلل و100 الف هلا بيك باوستن  اذا ما شالتكم الكاع اشيلكم فوك راسي
اخوي انته
23  منتدى الهجرة واللجوء / الهجرة و واللاجئين / رد: ¥¥¥¥¥¥¥¥¥¥ دليل مدينة اوستن تكساس ¥¥¥¥¥¥¥¥¥¥ في: 03:34 18/03/2014
عاشت الايادي على الموضوع الجميل الاكثر من رائع والله يبارك بيك
اخوك اسير سوسو

اخوية الغالي اسير ايدك العايشة حبيبي وياربي الموفقية والنجاح بحياتكم
24  منتدى الهجرة واللجوء / الهجرة و واللاجئين / رد: ¥¥¥¥¥¥¥¥¥¥ دليل مدينة اوستن تكساس ¥¥¥¥¥¥¥¥¥¥ في: 03:30 18/03/2014
هلا بابو حسين الورد .. موضوع حلو وعفوي .. نابع من القلب فيدخل الى القلب .. حياك الله .. والى المزيد من التألق

اشكرك مهندسنا الغالي
عيونك الحلوات وانشاء الله ربي موعد سفركم وماكو شي اسمة انتظار
25  منتدى الهجرة واللجوء / الهجرة و واللاجئين / رد: ¥¥¥¥¥¥¥¥¥¥ دليل مدينة اوستن تكساس ¥¥¥¥¥¥¥¥¥¥ في: 03:28 18/03/2014
دوووومك مبدع علاوي الورد الله يحفظك ويوفقك في حياتك موضوع جميل وعاشت ايدك

انت اﻻجمل حبيبي ربي ايوفقك انشاء الله بحياتك وانشاء الله المزيد من التقدم
26  منتدى الهجرة واللجوء / الهجرة و واللاجئين / رد: ¥¥¥¥¥¥¥¥¥¥ دليل مدينة اوستن تكساس ¥¥¥¥¥¥¥¥¥¥ في: 03:26 18/03/2014
ممنون منك حبيبي علاوي .... معلومات كلش روعة بس عندي كم استفسار صغيروني

* امتحان ال FE للمهندسين شنو معلوماتك عنه حسب بورد المهندسين بتكساس ؟

* زوجتي محجبة .... هل توجد عنصرية ضد المراه المحجبة ؟

* اوستن هم المي مالتها مالح مثل البصرة ولازم نشتري RO لو بس بالشرجي تشبه البصرة ؟ ههههههههههه دا اشاقة

عاشت ايدك على الموضوع

صديقي الصدوق الغالي
بالنسبة الالامتحان كلفت مكسيكي بالموضوع وجاري البحث وانشاء الله باجر اجيبلك اخبارة بالتفصيل
بالنسبة للحجاب ياخي اتريد الصراحةونكون واقعيين هو ماكو بس اوقات صدكني يجي الوكت الي هم يتحارشون بينة وصارت وياي بمستشفى دل باوستن وانشاء الله من تجي راح البنية اتسولفلك السالفة بس علعموم م  بذيج الكثرة وانصحكمبالحجابات والشالات مو تكولون ماكلنة ههههههه

بالنسبة للمي مالتهم ايكولون حلو ون يف بس انابالنسبة الي ما اشربة من عندة ما اثق بي اشتري دبات مي  اخليها بالثلاجة او كيسات ﻻن ما اثق بالمصدر مالتة من وين بس للطبخ اي خو ما اطبخ ببطالة هههههنههه
الشرجي تكدر اتقاومة مكدور علية ﻻن كهرباء موجودة فما تحس بي واحنة البصاروة عنة الشرجي زﻻطة

اي سؤال سال حبي
27  منتدى الهجرة واللجوء / الهجرة و واللاجئين / رد: ¥¥¥¥¥¥¥¥¥¥ دليل مدينة اوستن تكساس ¥¥¥¥¥¥¥¥¥¥ في: 03:15 18/03/2014
مشكور وما قصرت...معلومات حلوه اخوية علي تنطينا صوره عن الي ينتظرنا وحافز قوي للبقاء لذلك اليوم الموعود...يوم الخلاص



اخوي الغالي  اشكر مرورك ومشاركتك وانشاء الله موعد سفركم بالقريب العاجل وننتظر منك موضوع عن ولايتك
28  منتدى الهجرة واللجوء / الهجرة و واللاجئين / رد: ¥¥¥¥¥¥¥¥¥¥ دليل مدينة اوستن تكساس ¥¥¥¥¥¥¥¥¥¥ في: 03:12 18/03/2014
عاشت ايدك وبارك الله بيك وجزاك الله الف خير على هالمعلومات والموضوع الحلو وربي يوفق الجميع يارب
مهندسنا الغالي احمد ايدك العايشة وياربي ايوفقكوايسهل امورك
29  منتدى الهجرة واللجوء / الهجرة و واللاجئين / رد: ¥¥¥¥¥¥¥¥¥¥ دليل مدينة اوستن تكساس ¥¥¥¥¥¥¥¥¥¥ في: 03:11 18/03/2014
وردة ،، خوش معلومات
بالتوفيق ان شاء الله

اخوي الغالي شكرا لمرورك ومشاركتك انشاء الله ربي توصل فكرة لجماعة اوستن
30  منتدى الهجرة واللجوء / الهجرة و واللاجئين / ¥¥¥¥¥¥¥¥¥¥ دليل مدينة اوستن تكساس ¥¥¥¥¥¥¥¥¥¥ في: 06:45 17/03/2014
اخواني واحبتي في الله
اخوتي الذين لم تلدهم لي امي
السلام عليكم ورحمة الله وبركاته

كما عودناكم في السابق هو نشر المعلومة المفيدة التي تفيد المسافر وتقلل من الصعوبات الي يواجها المسافر في اختيار الوجهة النهاية له

حبيت اكتبلكم بعض المعلومات عن مدينتي الي هية مدينة اوستن تكساس وشنو الحلو بهاي المدينة وشنو الي مو حلو بيها من جميع النواحي حتى تتكون فكرة للقاريء الكريم وكيفية التعامل بهاي المدينة
اخواني الي احجي هو من خلال تجربتي الشخصية في هذه المدينة ومن خلال طبيعة عملي واختلاطي بالناس حبيت انقل الكم الفكرة عن اوستن

اخواني واخواتي الكرام
اوستن مدينة حلوة وجميلة وتعتبر عاصمة الولاية الامريكية تكساس الجو بيها يكون مشابه الى جو العراق اقصد من بغداد وانت نازل للبصرة ويكون حار صيفا وبارد في الشتاء واكو شرجيات ترة تجي مثل شرجيات البصرة بس شرجية على خضار مو كهرباء وصبخة بالبصرة ههههههههههه واحيانا اكو مطر وهاي ايكون بالربيع اكثر شي واوقات الشوارع تتجمد لان هاي السنه امريكا  مرت علية موجة باردة صارلها اسنين ما مارة بيها

تعتبر مدينة اوستن من انظف مدن تكساس لان هيه العاصمة بيها اماكن وسخة بس الاغلبية نظيفة ﻻن ماريد اسويها عليكم جنة راح انشاء الله يوم من الايام تجون واتشوفون اكو شوارع محفرة مثل العراق مو بس باوستن بكل امريكا اكو قسم منهن تعبانة بس ينمشي بيها 

وصلتو بالقراءة اهنا اخواني الله يساعدكم جاي احس اعيونكم تعبت من القراية كملو وياي كملو الله يخليكم هههههه جزاكم الله خير الجزاء


السكان في اوستن

يوجد في اوستن  عرب وعراقيين بس قليلين مو مثل مدينة هيوستن ودالاس اهناك اتكون الحصة الاكبر
نسبة الامريكان البيض 50%
نسبة السوود  10%
نسبة العرب والعراقيين 10%
نسبة المكسيكان 30%
الناس الي بيها حبابين ومسالمين ودوم فرحانين ومكشرين بالفرحة على شنو ما اعرف وماكو اي مشاكل ﻻن القانون صارم جدا جدا
نسبة الجريمة قليلة
نسبة المخدرات قليلة
محد  يكدر ايسوي مشاكل لان اتحس الشرطة فوك راسك
العراقي مايعارك ﻻن ماعندة ظهر قوي يعني العراقيين قليلين
مكسيكان مايعاركون لان الاغلبية الي اهنا باوستن جايين تهريب من المكسيك ومو اصولين وماعدهم اثباتات اصلا منسيين
السود مخانيث بس ايفتحون حلكهم البيض ايكتلوهم 
اكو عنصرية بين السود والبيض الى ابعد ماتصورون ولاتعتمدون على الكال والكلت  لان شرحتلكم  سابقا من خلال عملي اتبين هذا الشي انا سائق سيارة تراك جبيرة مال حمل مال اثاث والشركة مالتي تطلب عمال وقتين يطلعون وياي يساعدوني باجورهم ويشتغلون بالساعة فمن يجي للشغل الصبح سواء كان اسود او ابيض ايباوع على اﻻوراق مالت الزبائن ويشوف اي منطقة باوستن راح ايروح والاغلبية ماتروح وترفض العمل ﻻن مايخدمهم وصدكوني بالله بالله  مايشتغلون يظطرون ايخلوني اسوي ريكوست على مكسيكان او عراقيين ما عدهم شغل ﻻن هاي سياسة شركتي
المكسيكان والعرب العيشة بيناتهم حلوة لان عاداتهم وتقاليدهم مقاربة الى عادات العرب تقريبا 20% فتشوفوهم ايميلون الى العرب اكثر شي انشاء الله الشباب من يوصلون واقصد السنكل راح ايعرفون شقصد لان المعنى في قلب الشاعر هههههههههههه

وصلت وياي لهنا بالقراءة الله يساعدكم اخذولكم استراحة المدخنين اخذولكم جكارة ودخنوها والي مايدخن صب لروحك جاي هههههههههههه ها خلصتوا نتوكل على الله ونكمل يالله على بركة الله نرجع انكمل

المحلات في اوستن

محلات حلوة وراقية والبضائع الي بيها اتكون ارخص من باقي الولايات ﻻن تكساس تعتبر الولاية الوحيدة الي متاثرت بانهيار الاقتصاد وحتى لو تاثرت  يعني لاحها القليل لتغطية على باقي الولايات صدكوني تكساس دولة وعلم وقوانينها صارمة ولوحدها قوانين مال مخابيل تحجي وياه ايكلك انا مالي علاقة بغير ولاية انت على ارضي وعلى ولايتي فاسكت او قل شي من قانوني
توجد محلات الحلال ولكن قليلة بس اثنين وهيه محلات باكستانية وين ننطي وجهنا ماندري بس تفرج احسن من الماكو توجد لدينا محلات ال HEB وفيها قسم اكلات او بضائع حلال وتوجد لدينا walmart .best buy . Target . Khols . Gap old Navy . Burlington, ross
بالنسبة الى محلات  اخواتي المحجبات فابشرجن خواتي ماكو اذا جاية ﻻوستن كبل وعدل ترسي جنطتج حجابات خوية اهنا شال مال زي باكستاني مايسوة ال25 سنت ايريدة 25 دوﻻر

مطاعم اوستن
توجد لدينا مطاعم  مثل Macdonald . Burger king . Taco cabana .taco bill white burger subway.  Chilies.  Red lobster.  واكو بوفية مفتوح وعدنة  2 بوفية مفتوح يقدم اكﻻت عربية والمطعم يمني او لبناني بعدني ماطايح بالعلة وللعلم بي بس شخص واحد يتكلم العربية والباقي بوفية امريكي الصراحة حلوة بس ماكو احلى وانظف من البوفيات المفتوحة في فرجينيا ﻻنها تعتبر الدرجة اﻻولى حسب احصائية 2013 ودائما متصدرة اﻻرقام العالية ﻻنها تعتبر الولاية الامريكية النظيفة في مجال اﻻطعمة


المنظمات الي تشتغل في اوستن

توجد في اوستن منظمتان وهيه  RST والكاريتاس  طبعا انا لفو عليهم وما سجلت باي وحدة منهن لاسباب شخصية تابعة الي لان الحمد الله والشكر اشتغل ومامحتاج المنظمة باي شي من الصغيرة والجبيرة  الحمد الله مدبر اموري من جميع النواحي
ماعلينة انكمللكم السالفة ههههههه
الكاريتاس احلى من ال RST لان مساعداتها اكثر  والبرامج الي بيها حلوة اتفيد المهاجر الجديد واتمنى اخواني واخواتي من تنزل عدكم الولاية والمدينة بالموقع اتدزون رساله الى اﻻي او ام يحولوكم على الكاريتاس هو مجرد سؤال لا اكثر اذا صارت خير على خير واذا ما صارت الكم الله شبيدي عليكم ﻻن صدكوني شفت اهواي فرق بالنسبة لاصدقائي المهاجرين وما اخص بس العراقين فرق المساعدات بين المنظمتين
معلومة خلوها بالكم اذا جان الكيس وركر مالتكم اجنبي فانتم بخير ونعمة صدكوني واذا جان عربي او عراقي فلا حول ولا قوة اﻻبالله  وماريد اتهم بختي وحظي اكو موظفين عراقيين قمة الاخلاق والطيبة لان اذا خليت قلبت

عزيزي القاريء اشكر صبرك وطول خلكك وياي ﻻن انت وصلت الى مرحلة حلوة من القراءة اذا جان موضوعي يفيدك وايهمك اتمنى وصلك فد شي يجاوب على سؤال براسك واذا مايفيدك اشكرك وصولك معي لهاي المرحلة ياعزيزي

السكن في اوستن

السكن اخواني واخواتي في اوستن يعتبر اكثر شي السائد نظام الشقق ﻻن الناس اتفكر بالفلوس فيكولون نبني بهاي المساحة 10 بيوت او نبني 50 شقة ونستفاد اكثر طبعا التفكير الراسمالي هو المتحكم بهذا الموضوع

السكن في غرفة واحدة +حمام + صالة يتراوح من  550 الى 800 دوﻻر حسب المجمع والخدمات والنظافة والمنطقة الي بيها
السكن في غرفتين + حمام + صالة يتراوح  750 الى 1400 حسب المجمع والخدمات والنظافة والمنطقة
السكن في بيت غرفتين +حمام + صالة + حديقة خلفية  يتراوح بين  900 الى  2000 دولار حسب البناء والتصميم والمنطقة والخدمات القريبة عليها
السكن في بيت 3الى 5 غرف  +حمامين +حديقة واستقبال يتراوح مابين 1000 الى 3500 دوﻻر

اخواني خلوها في بالكم باي ولاية مو شرط اوستن ااﻻسعار تبدي بالتزايد كلما قربت على الداون تاون وتنزل كلما ابتعدت عن الداون تاون
انا حصلت والله مزرعة وبيت 5 غرف و3 حمامات وصالتين والبيت طابقين وبي كراجين والشارع مبلط وبي مسبح اجارة الف بالشهر بس مايفيد ﻻن بعيد وخارج اوستن يبعد عنها نص ساعة يعني اتصوروا الحالة انا البانزين الي اخسرة بالاظافة الى المدارس للاطفال او المستشفى لا سامح الله فعفتة وعيني بعدها علية مايفيد  واكو شقة بيها غرفة وحدة بالداون تاون وبشارع 5 بالطابق السابع اجارها  الشهري 24 ورقة ادري ماتكلي ششتغل بالمخدرات  يعني جاي اتلاحظون الفرق اشلون صاير اخواني


اجور الكهرباء والماء  والانترنت والتلفون

هاي الفقرة تعتمد على الاستخدام انا بالنسبة الي توصل الكهرباء 70 دوﻻر  بالشهر وقبل جانت تجيني 30 دوﻻر ﻻن حسب الاستخدام قبل كنت لوحدي و24 ساعة مطفي الاضوية وبرة البيت لو شغل ارجع الف راسي وانام هسه عندي صديقي ايعيش وياي وهو بالبيت وما يشتغل يعني يستخدم البيت من تلفزيون وبلي وشاحنات ولابتوبات فاكو صرف بالموضوع فهذا الفرق الي احجي عنة قلل تدفع اقل شغل كلشي يجيك البل مالت الكهرباء ايغرد
الماي تقريبا  البل مالتة يتراوح مابين ال30 الى 50 دوﻻر حسب الاستخدام هذا حجي معدل سباحة لشخصين يوميا فما يتجاوز الخمسين دوﻻر
بالنسبة الى الانترنت اكو اهواي شركات اتقدم عروض وعروضها حلوة وخدمتها ممتازة انا ما ساحب انترنت الصراحة لكن استخدم الانترنت من خلال تلفوني يعني ابث انترنت من تلفوني الى ال التلفزيون ولابتوبات عدد 2 والبلي مالتي وادفع بالشهر 70 دولار لان ماخذ احسن خط واغلى خدمة من تي موبل مسوي نقالي راوتر بس ينكسر خاطري على اصدقائي من ايباوعون فلم ومندمجين واخ ذ النقال واطلع اخلي وجهم فالت قمة المتعة
ﻻن ماكو داعي اسحب نت واستخدمة بس باليل وانا اغلب الاحيان اتخم برة

التنقل في اوستن
اوستن بيها باصات للنقل  تشتغل 24 ساعة بحيث وين ماتروح اكو باصات  وين اتريد اتروح توصل  وتكون بمواعيدها وفي اغلب الاحيان بالمناسبات يكون النقل مجانا مثل عيد الريس او ثورة شباط او تحرير الفاو او 7نيسان صدكونة بامريكا اهواي عدنة مناسبات  وطنية  واكو مترو كلش حلو بحيث ايدخلك للداون تاون  وينقل لشمال اوستن وينزل لجنوب اوستن  بس الصراحة هاي المعلومات الي عندي لان الا الان انا من دخولي امريكا ولهذه الحظة ماراكب الباص بس اسمع من الناس اتسولفلي  فماعندي علم عن الاسعار اشلون  الكارت الشهري والاسبوعي اشلون  طريقة الدفع من الهاتف اون ﻻين لحظة الصعود في حال مابجيبك افلوس او انت ناسي الكارد تدفع اون ﻻين وتستلم كود من تصعد اتكتبة وتدخل ولاعبالك مسوي شي عبالك الباص مالت الوالد

العمل في اوستن
مثل ما تعرفون حبايبي تكساس ام الفرص والشغل بس خلوها بالكم الفرصة دوم اتروح الى الشخص الي عندة امتيازات اكثر عن باقي المتقدمين وها الشي معروف منتهين من عندة
مميزات هية الغة والخبرة بمجال العمل اوالشهادة اقصد الشهادة من امريكا صدكوني والله علي شهيد ماشفت عراقي باوستن ما يشتغل والي ما يشتغل اما يكون استوه جاي او منتقل من غير ولاية  الغة كلش مهمة ﻻن بدون الغة الانكليزية صعب التعامل مع اﻻمريكان اﻻصل الكاو بويز الريد نيك اخوان اشكد ماتكون الغة الانكليزية مالتك قوية ماراح اتقاوم وياهم ﻻن الاكسنت كلش قوي الا ابعد ما تصورون اتصوروا واحد  عاظ السانة ويحجي انكليزي وعدكم الحساب اخوان لحد ايعض لسانة ويجرب ترة انا معلية اذا صار شي هههههههههههههههههه
اكو دورات مجانية في اوستن لتعليم الغة الانكليزية مدعومة من ولاية تكساس لتقوية الغة الانكليزية وجعلها الغة الاولى في تكساس
اخواني الرزق على الله رب العباد ورب العالمين شقاسم الك ترة هو الك مايصير لغيرك
المسافر الجديد راح يجي ايشوف امريكا ضوجة بس ترة الانسان الطموح والي عندة اهداف يحققها راح اتكون سهلة علية وخلوها ترجية باذنكم ترة امريكا مو ونسة بس ﻻزم اتجرب وتمر عليك اﻻيام الصعبة وانت ﻻت شوفها من خلال الصور او من خلال الافلام الاجنبية  ﻻزم اتشوفون واقع حياة المعيشة المرة الي موجودة بالجنة امريكا
كل شخص ينظر الى امريكا من خلال منظار مختلف ابو الحياة السعيدة الطموح راح ايشوفها جنة وابو المساعدات والي يحاسب ويقاضي على السنتات راح ايشوفها جهنم
اشكد ماتخلص بعملك راح اتلاكي بكدة اهتمام واسناد واذا ﻻ ابالي فراح اتكون انسان غير محبذوفي بعض اﻻماكن تكون انسان معدوم من الوجودوالي وياك يعتبروك عدم شفاف غير مرئي ﻻن انت ما مقدم فد شي مفيد حتى تبرز والناس الي تشتغل فول تايم اشتروا سيارات واثثوا بيوت وشقق وخير ربي زيدهم كل مرة

اخواني راح اتشوفون اهواي شغلات ممنوعة بتكساس من خلال القانون بس لا تحكم علية من البداية اوكف انتظر حللل ليش وشنو ويخدم منو راح تطلع بالمحصلة النهائية ايفيد مواطن تكساس وبتكساس ماكو فرق بين مواطن ومهاجر او لاجيء القانون على الكل بس اكو شغلات انتم اتعرفوها بين المواطن واﻻجيء

حبايبي واعزائي الكرام
اشكركم جزيل الشكر من كل قلبي على هذه الجولة وياي من خلال موضوعكم طبعا واتمنى لو اكون قد افدتكم بمقدار 1% وانا اعرف عيونكم دمعت من القراية بس شسوي مو بيدي ﻻزم ارد الجميل لهذا البيت الجميل الذي رفدني بكل معلومة احتجتها وانا في العراق عندما كنت بحلم انتظار مرض السفر

اخوتي ارجع واكلكم من جديد امانة بركبتكم الى يوم الدين الي محتاج كفيل باوستن وما يحجي انا بالخدمة باي وقت تحتاجوني
اخواني الزائرين  الي ما مسجلين بالموقع اذا شفت الموضوع ايفيد ومحتاج مساعدة اتخبرني ويجرالكم الطيب انشاء الله

في نهاية الموضوع اتمنى من الله  ان يسهل السفر العاجل على جميع اخواني واخواتي المنتظرين والكل اتسافر وترتاح وتشفى من مرض السفر
واخيرا احب اكول الكم

اهلا وسهلا بك في الولايات المتحدة الأمريكية

اهلا وسهلا بك في مدينة اوستن تكساس

اخوكم الزغيروني
علي ليو
اوستن تكساس


31  منتدى الهجرة واللجوء / الهجرة و واللاجئين / رد: الف رحمة على والديكم . بس انطوني جواب على سؤالي في: 04:30 16/03/2014
السلام عليكم جميعا
ارجوا من اصحاب التجارب والخبرة الاعزاء قدر الامكان العندة معلومة انا شاكر جدا لة
لان احد اقاربي كلش محتار يريد يقدم على لجوء عن طريق الUN . بس الشكلة انة ميعرف وين ينطي وجهه
علما انة بد ممشتغل ويا اي شركة اجنبية اخواني الله يخليكم اهل النصيحة ومن وين ايقدم من اي دولة  . تركيا . لبنان . مصر . الاردن يعني ايهما اسرع بطلب اللجوء والسفر
ولكم الشكر الجزيل اخواني ولكم الاجر والثواب

وعليك السلام

الذي يسرع القظية هي القصة وليس الدولة

المجال متروك له اين يجد نفسه افضل من كل النواحي

ابو الوليد

اتفق مع اخوية ابو الوليد بكل كلمة  وهذا الي جاي انشوفة وليس حظ او اي شيء مع احترامي وتقديري الى ردود اخواني

علي
32  منتدى الهجرة واللجوء / الهجرة و واللاجئين / رد: الولايات التي يتم اختيارها للذين لا يوجد عندهم كفيل في: 04:22 16/03/2014
اخوية الغالي سنكل
حسب الاخوةالي شفتهم واتعرفت عليهم وجاي احس بي بالدرجة اﻻول  اﻻساس حسب الترتيب التالي

دالاس تكساس
هيوستن تكساس

برمنكهام الباما
دوثان الباما

بيلا فيستا اركانساس
كون وي اركانسس
فايتي فيل اركانساس

افاندول اريزونا
جاندلر اريزونا
دير فالي اريزونا
كود يير اريزونا
ميسا اريزونا
فونيكس ا يزونا
تيمب اريزونا

انتيوش كالفورنيا
أردن اركيد كالفورنيا
سان فرانسيسكو
لوس انجلس كالفورنيا
كونترا كوستاا كالفورنيا
دالي ستي كالفورنيا
سان غبرايل كالفورنيا
فونتانا كالفورنيا
ايرفاين كالفورنيا
لونغ بيش كالفورنيا والي تعتبر اغلى مكان للسكن في كالفورنيا
اوكلاند اوكسرلاند كالفورنيا طبعا مدينتين هاي

ايست لبرتي فلوريدا
كينيث ستي فلوريدا
ريدج مانور فلوريدا
ساوث ساروسوتا فلوريدا
ويسبر ولك فلوريدا
زيلوود فلوريدا

اوكستا ريتشموند جورجيا
كولمبس جورجيا
ماريتا جورجيا
فيداليا جورجيا

بويس ايداهو
نامبا ايداهو

فرانكفورت ايلنوي
سبرنك فيلد ايلنوي

فورت واين انديانا
انديينا بوليس
تيرا هوت انديانا

فايتي كنتاكي
لوفل كنتاكي

البوريكو  نيو مكسيكو
سن ﻻند بارك  نيو مكسيكو

ايستكانديان اوكلوهوما
نورث كليفلاند اوكلوهوما
تولسا اوكلوهوما

بيفرتون اوريغن
كريشام اوريغن

برلكتن فيرمونت

ﻻيتون يوتا 
سالت ليك ستي يوتا

جايني ويومنك
كودي ويومنك

اخوية الغالي سنكل هاي المدن الاغلبية بيها المهاجرين من جميع انحاء العالم  والي ماعدهم كفيل يتم تحويلهم  على هاي الوﻻيات
والسبب لتوفر الجهات التي تدفع والي تمول برامج الهجرة بالاظافة اتكون  قريبة على الدوائر الرئيسية لبعض المنظمات المشهورة  فتلاحظ اكو ولاية بيها اهواي مدن يتم اﻻختيار العشوائي الها واكو  وﻻيات تلكاها بس مدينة وحدة واكو ولايات ما مذكورة

اسولفلك على مشيغان اشوي مشيغان ماتقبل اي ﻻجيء من اي بلد بالعالم  وخاصة العرب والعراقيين الا ان يكون الك كفيل موجود بمشيغان يالله يتم  عملية اجرائات سفرك

اكو ناس ماخلت كفيل ومن وصلت لكت ان الكفيل الة دور فعال بشرح اكثر المسافر الي ماعندة كفيل شنو ذنبة يتحول ملفة على مدينة اتكون غالية بكلشي والمنظمة ماتساعد مثل باقي المنظمات الي راح الكيس مالتة عليها فراح يتشائم من دخولة الى امريكا
واكو  ماعدها كفيل راحت لمدن شافت المنظمة متجاوبة وياه المدينة حلوة ورخيصة والاظافة الى ذالك اجور العمل مناسبة والشغل متوفر فاكيد راح  يستمتع بحياتة وامريكا اتصير الة جنة

نصيحة الى اخواني الي ماعدهم كفيل انت شوف المدينة التي تعجبك وقارنها مع باقي مدن الوﻻيات وشنو اتضر وشنو تنفعك بيها واطرح مواضيع للمدينة الي رايد تقصدها وصدكوني تلكون الي تردونة وانشاء الله كل الخير وياربي ايسهلها على كل المنتظرين وتكمل اجرائاتهم

طبعا ملاحظة ازغيرونة  الاحصائية الي شفتوها  هيه من خلا بعض الاصدقاء وبعض اعمدة المنتدى  ومن خلال تجوالي من ولاية لولاية مثل ام البزازين ههههههههههه

دمتم بخير
اخوكم علي ليو اوستن تكساس





 

33  منتدى الهجرة واللجوء / الهجرة و واللاجئين / رد: تسلل اليئس الى قلبي في: 02:51 16/03/2014
اختي الكريمة

بلبداية انشاء الله الشفاء العاجل لبنتج وانشاء الله تستقر حالتها
وخلي ايمانج بالله جبير رب العالمين شقاسم الكم وداعتج ايصيرمايصير لغيركم وانشاء الله اﻻيام الجايةاتبشر بخير وانشاء الله ترتاحون من هذا القلق

اخوج علي ليو اوستن تكساس
34  منتدى الهجرة واللجوء / الهجرة و واللاجئين / رد: كفالة في: 02:47 16/03/2014
حبيبي ادوارد لغالي

اسف واعتذر ران ماحصلتلك كفيل بهيوستن البنية الي حجيت وياها على اساس اتكفلك اجتي لاوستن اهنا يمي واذا تريد تجي على اوستن كل الهلا بيك وانا اكفلك وب سم الخدمة انت تامر واحنة انغذ وفوكاها بوسة وياربي تتوصل لقرار ايفيد مصلحتك
اخوك علي ليو اوستن تكساس
35  منتدى الهجرة واللجوء / اجتماعيات (ترحيب، تهاني و تعازي منتدى الهجرة) / رد: ((((((( يسعدني ويشرفني ان ازف لكم سفر الاخ ابو سهم))))))) في: 06:48 13/03/2014
الف الف مبروك يستاهل كل الخير انشاء الله وياربي الحياة السعيدة وياربي يجعل قبر والدتة روضة من رياض الجنة ويسكنها فسيح جناته ويرحم موتاكم انشاء الله
شكرا لك اخي ابو ديمة على نقل الخبر وفقك الله لخدمتك بيتنا العريق

اخوكم علي تكساس
36  منتدى الهجرة واللجوء / الهجرة و واللاجئين / رد: استفسار.... في: 06:38 13/03/2014
اخوية الهاشمي
تحية طيبة
اخوية راح اجاوبك بالي اعرف بي والي صار وياي

بالنسبة الى التقديم على الجيش الامريكي يجب ان يكون عند عمر الكرين كارد او الجنسية لكي يتم اكمال المعاملة غيرها ماتفيد اخذها مني ﻻن ما خليت ركروتر ماكعدت وياه وسولفت
بالنسبة الى المميزات
اذا كان كرين كارد فالستزن تكون لمدة سنة واحدة من بعد انهاء الخدمة والقسم الي ملتحق بي ايكمل المعاملة مالتة
اذا كان عندة جنسية فرسالة شكر من الحكومة الامريكية ومن وزارة الدفاع للعمل في خدمة البلد وتفيد من ايقدم على شغل
الدراسة للاقسام الهندسية تكون مجانية
التامين الصحي مجانا
واهواي مميزات كل صنف الة مميزاتة

نا ردت اقدم على الجيش وما عندي اكرين كارد ماقبلوني وللعلم انا قدمت على برنامج 09L  الي معناته بنفس الوقت الرتبة سبشلست ومترجم وجان بوكتها طالبين الغة الفارسية وانا الغة الفارسية مالتي تمام فكملت كل اوراقي لكن اجاني رد من وزارة الدفاع انا ما مقبول لعدم توفر الفايف ففتي وشنو هاي كالولي اﻻقامة الدائمية او الكرين كارد واتمنى اكون وصلتلك معلومة قليلة لربما تنفع انشاء الله

كدر تدخل على هذا الرابط  وتستفاد اكثر معلومات
Www.goarmy.com

اخوكم علي ليو اوستن تكساس
37  منتدى الهجرة واللجوء / دردشة منتدى الهجرة واللاجئين / رد: 5000 مشاركه فعاله في خدمة اهلي في عين كاوه في: 05:52 11/03/2014
اخوي الغالي الن الوردة

ياربي ايخليك اخ لكل اخوانك العين كاوووين ويديمك ويخليك بخير وصحة

ستاهل ال1000000مو 5000 لان ما جتي برفع ومساعدة ووووو من هذا القبيل

حياتنا الك يامراسلنا اﻻوربي وربي ايحقق احلامك انشاء الله

اخوك علي ليو
38  منتدى الهجرة واللجوء / الهجرة و واللاجئين / رد: الدراسة في الجامعات الامريكية في: 05:47 11/03/2014
مجرد امل أستمارة ال FAFSA للمساعدات المالية (Financial Aid)  وهم راح يدفعون رسوم الدراسية الك - حتى إذا أنت بعدك لاجئ ما عندك كرين كاد - لا يزال بإمكانك الحصول على المساعدات المالية.

ملاحظة هامة جدا - يجب ان تملء الاستمارة ضمن المهلة المحددة - Deadlines - للربع أو الفصل الدراسي الذي تبدا الدراسة فيه.

https://fafsa.ed.gov/

http://www.finaid.ucsb.edu/FAFSASimplification/index.html



واحب انوه على كلام اخوي ﻻزم اتكون عندك هاي الوثائق كاملة حتى تلتحق

سوشل سكيورتي
الوايد كارد I-94
Selective service مالت خدمة الجيش
الشهادة اﻻعدادية الي مصدقها من احد شركات الترجمة الامريكية

متحن رياضيات وانكليزي حتى ايشوفون اي مستوى انت
سعر الكردت مال المادة الي راح تاخذها يختلف من زب كود لزب كود
يعني انت ماخذ هذا السمستر انكلش 101  خلي انكول 18 كردت سعر الكردت 80 دوﻻر بغير زب كود بنفس الكلية تلكاه اما اقل او اكثر
الفاينيشل ايد ايغطي التكاليف  الدراسية لمدة سنتين والباقي ينطوك اياه نهاية كل سمستر الباقي من افلوسك
الك حق تاخذ قرضين بالسمستر
كل سمستر اتسجل على مواد
السنة الدراسية بيها اربع سمسترات خريف وربيع وصيف وشتوي
اكو ولايات اتسجلك وانت استوك واصل واكو ولايات بيها الكليات ﻻزم اتكون مقيم بهاي الولاية سنة كاملة
هذا ما حصل وياي بمشغان سجلت بعد شهرين من وصولي ومن انتقلت لتكساس ما قبلوني كالولي الا اتكمل سنة رسدنت بتكساس يالله

اتمنى اكون وصلت القليل
اخوكم علي ليو اوستن تكساس
39  منتدى الهجرة واللجوء / الهجرة و واللاجئين / رد: <<<<<<<< عاجل مسألة حياة او موت لاخواننا في اميركا >>>>>>> في: 05:30 11/03/2014
لا
ماكو اي وسيلة
ومحد يساعدك
ارجع للعراق يمها
شكاعد تسوي هنا
يعني واحد زوجتة مريضة وبهيج وضعية جاي يسال منتدا هجرة شيسوي
صدك جذب


ماعقب على كلام اخوي ابو ليونا  هذا الكلام الصحيح
40  منتدى الهجرة واللجوء / اجتماعيات (ترحيب، تهاني و تعازي منتدى الهجرة) / رد: استودعكم الله يا اعضاء عنكاوا في: 09:48 10/03/2014
اخوية الغالي راح اجيبها الك من اﻻخير كلش كلش
حتى تقتنع
كو مدينة بولاية تكساس اسمها الباسو  بيها معسكر مال جيش امريكي اسمها فورت بليس هاي اتدرب الجنود اﻻمريكان الكلجر مال البلد الي يرحون اله وهسه هو الماشي افغانستان اتشغلك بدون كارد العملﻻ
من اﻻقوى بالله الولمارت الي تريد تشتغل بي او اي مكان لو هذا المكان الحساس

واذا اتريد تشتغل باوستن تعال والله شاهد علية اذا احد كلك وين كارت العمل انا المسؤول انا انطيك راتبك بعد شتربد
انت لا تضل بس على مكان واحد راد منك الكارت مالت العمل اكو اماكن ماتطلب ماتطلب
انت رفيوجي والرفيوجي يشتغل اصولي بالوايد كارد اتت مو قجق انت اصولي بامريكا
41  منتدى الهجرة واللجوء / الهجرة و واللاجئين / رد: سؤال يخص الولايه محتاجه جواب في: 09:38 10/03/2014
اختي الكريمة
بالبداية انشاء الله الشفاء العاجل لبنتج وياربي يحميها من كل مكروه

النسبة الى كل الولايات بامريكا الطب بيها زين بس اكو ولايات بيها الخدمة احسن ومشتهرة بالمجال الطبي
والي الولاية الي احجي عنها هية ولاية مشيغان الي حسب احصائية 2013 مشتهرة بصناعة السيارات والطب بجميع الاختصاصات
بما انوا انتي جاي الى النوي انصحج تبقين بيها وكلها مشيغان عنج 4 ساعات تكدرين ترحين تاخذين بنتج وترجعين بنفس اليوم

وانشاء الله ربي ايسهلها عليج ويعافيكم والشفاء العاجل لبنتج

علي ليو اوستن تكساس
42  منتدى الهجرة واللجوء / الهجرة و واللاجئين / رد: اختكم محتاجة كفيل معنوي..الله يوفقكم في: 09:27 10/03/2014
والله ياخيتو اذا بالنسبة كفالة لتكساس اوستن انا حاضر
انا عندي صديق بسان فرانسيسكو و ماينصح بالي يجيلها ﻻن تعتبر مدينة رقم 2 بالغلاء من بعد وﻻية نيويورك وانتي عندج الحساب واذا انتي الله مكنج
تعالي لسان فرانسيسكو واهلا بيج بالوﻻيات المتحدة الامريكية
اخوج علي ليو اوستن تكساس
43  منتدى الهجرة واللجوء / الهجرة و واللاجئين / رد: الفود ستامب للفائدة العامة اهل الخبرة بامريكا في: 09:18 10/03/2014
اخواني الاعزاء باختصار شديد
المبلغ تراكمي وينزل وياه اوقات الكاش عند ناس واكو ناس تاخذ الكاش على شكل صكوك
انا بالنسبة الي ينزل الكاش وية الفود استامب
لاستعلام
تتصل بالرقم الي بالبطاقة والي يكون بالغلب في الخلف
تختار الغة انكليزي او اسباني بس بولاية مشيغان العربية بيها ضايفين الغة العربية
راح ايكلك بالنسبة لاستفسار عن الويك كارد اختار رقم الفلاني
النسبة الى مساعدات الطلاب اختار الرقم الفلاني
النسبة الى الفود استامب والكاش اختار الرقم الفلاني
من تختار شتريد وانت اختاريت الفود ستامب والكاش راح ايكلك ادخل 16 رقم بالكارد
 اتخلص اخر رقم راح ايكلك هلكد فود استامب وهلكد كاش اذا جان اكو كاش ينزل بنفس البطاقة
وايكلك لاعادة المبلغ اضغط 1
انهاء المكالمة اضغط#

بقت شغلة وحدة حبيت اوضحها كارت الفود ستامب بكل ولاية اله اسمه الخاص
EBT     مشيغان
 LONE STAR   تكساس

بغي  ولايات 
F. ST
F.pap
FCB
RFS

44  منتدى الهجرة واللجوء / الهجرة و واللاجئين / رد: عائلة بحاجة الى كفيل في دالاس او اوستن تكساس في: 09:04 10/03/2014
اخوي الغالي
اخوتي الغالين
السلام عليكم

صديقي صاحب الموضوع حياك الله وكل الهلا بيك اذا انت حاب تجي لا وستن تكساس  اشيلك واخليك فوك راسي انت وكل عراقي مثل حضرتكم واذا محتاج كفالتي انا حاضر وبرسم الخدمة وانا دزيتلك رساله على الخاص

جيلك عن اوستن اشوية

وستن مدينة حلوة لان هية تعتبر العاصمة مالت تكساس والشغل بيها متوفر وبالاخص تكساس قاطبة وهيوستن ودالاس كذالك من المدن الحلوة فالي راح اقدمه الك وانت بكيفك يكون كالاتي ﻻن انت ناوي على دالاس

حتى لا تضيع المشيتين وانت بكيفك وانت حر باختيارك
اذا لكيت كفيل بدالاس خير على خير واذا ما لكيت انا اكفلك على اوستن وكلك خير وبركة وتدلل
توصل اهنا وتشوف اوستن عجبتك اهلا وسهلا ما عجبتك عندك سان انتونيو وعندك هيوستن وعندك تامبل وعندك دالاس وعندم الباسو وعندك سان ماركوس وسان انجلو

تجي تاخذ مستحقاتك وتكمل امورك وراها اتوكل بالله لاي مكان اتريد محد ايكلك على عينك حاجب ولمن تتاكد 100% من اتسد كيسك بهاي المدينة راح ينفتح بغير مدينة بس خليها بالك الفود ستامب والمدك والكاش راح تستلمة باي مدينة بتكساس من الشمال للجنوب يعني وين ماتريد اتروح الله وياك واذا حاب اكفلك انا حاضر وبالخدمة وتدلل

وانشاء الله كل الخير ياربي ﻻن ماريدك تتاخر بالعراق علمود كفيل اذا اتحس الكفيل ايساعد من اجرائات السفر تدلل وبطن عيني

اخوكم علي ليو اوستن تكساس
45  منتدى الهجرة واللجوء / الهجرة و واللاجئين / رد: Don't trust with ECE Evaluation company الرجاء عدم الوثوق بشركه ece لمعادله الشهادات في: 08:51 10/03/2014
اخوية الغالي

النسبة لتجربتي مع هذه الشركة تجربة جيدة بالعكس انا سويت ركويت لمعادلة شهادتي وطلبوا من عندي 85 $ لمدة شهر بالاظافة الى 10 $ نسخة ترسل الى الكلية مالتي وبخلال شهر كامل بالتمام وصلتني نسخي الاصلية وشهادتي المترجمة منهملكن باسم ابي وارسلتهم رسالة ليش هذا الخطاء ارسلولي وحدة ابلاش الى الكلية مالتي والي نسخة بالبريد السريع خلا يومين فقط مع رسالة اعتذار عن الغلطة المطبعية فالي اشوفة شركة حلوة واكثر اهلي واصدقائي يتعاملون وياها وهذا الي صار ويه  شركة ECE  لترجمة الشهادات

اخوك علي ليو اوستن تكساس
46  منتدى الهجرة واللجوء / الهجرة و واللاجئين / رد: الكفيل لا يقدم ولا يأخر في: 08:43 10/03/2014
اذا انت اتشوفها هيجي
ربي ايسهلها عليك انشاء الله وتسافر باسرع وقت

اخوك علي ليو اوستن تكساس
47  منتدى الهجرة واللجوء / الهجرة و واللاجئين / رد: جماعة امريكا .. بلا زحمة ولا امر عليكم .. شنو طبيعة شغلكم ؟ في: 08:41 10/03/2014
اخواني واخواتي الكرام
حياكم الله وكل الهلا بيكم

اخوان بعيدا عن الجدال وعن الكراهية الي تحصل بين الاخوة بيتنا هاي اﻻيام والله والله والله ترة الشغلة ماتسوى واحد ايشيل على الثاني كلكم اخوة وانا اخوكم الزغير

احب اوضح شي ﻻ انا ولا انت ولا غيري يكدر ايغير الله شكاتية اله رب العالمين قاسم كذا وكذا لك
الك الك مايصير لغيرك

اليوم حبيت اشرحلكم عن شغلي ولي هوه من عدة شغلات  وشغلي الي اخرشي جاي اشتغلة وارجع واكول ان الله هو الرزاق الكريم  واما بنعمة ربك فحدث الله رب العالمين ايكول مة انا الي اكول

انا اشتغل بشركة مالت اثاث باوستن وعملي على 3 اقسام
نصب اثاث في المعرض وهذا حسب القطعة الي انصبها  تتراوح القطع من 4 دوﻻر الى 10 دوﻻر اتعرفون اكو فرق بين نصب كرسي ونصب معرض جبير  وانصب مايقارب ال40 قطعة باليوم
تحميل وارسال القطع مالت الاثاث الى الزبائن وهاي تعتمد على الوكفة الي اروح بيها يعني باليوم عشر وكفات عندي كل وكفة الي بيها افلوس مجرد انزلها للكوستمر او الزبون
نصب هاي اﻻثاث في بيت الزبون واسعارها مثل ما شرحتلكم
الي نسبة 3 بالمية من المبيعات بكل قطعة الي راحت للزبون وهاي من ضمن العقد
كل مايل اسوقة بالتراك او السيارة الي بي افلوس ﻻن اسوق اوقات بالشمال مال اوستن واوقات بالجنوب

اﻻوف عندي يومين بالسبوع والجك يجيني خير من الله خير ونعمة والناس اتكص افلوس التاكس مني وناس تكص الكردت وناس اتكص افلوس السيارة وناس اتكص افلوس البيت وكلة وخير من الله الف الحمد والشكر

الي اريد اوضحة من خلال الحجي مالتي

نجاحك بالشغل يعتمد على
التزامك بالوقت
الغة الانكليزية
عدم التطرق بالحياة الشخصية بالعمل
عدم التذمر من فعل اي شيء

من الامور الي تمنع نجاحك بالعمل
التدخل فيما لا يعنيك
التكلم مع زميل عربي بلغة العربية وانت ﻻزم تحجي انكليزي
تتمنى متى يحين وقت اﻻستراحة
عدم حبك للعمل
عدم اتقان الشيء المطلوب منك

كل هاي اﻻمور انت ﻻزم تحاول تلخصها واتخليها بمكانها الصحيح حتى تنجح بحياتك

امريكا بيها طريقين بلنسبة للعمل
الاول عامل وتبقى طول عمرك عامل
ثانيا عامل وتحاول تتحول من عامل الى مدير

الدراسة والشهادة مطلوبة لكن الان بالنسبة الى الواصل الجديد اقبل اي فرصة عمل الى ان تاهذ الشهادة وراها اتحقق حلمك وربي يسهل امرك

اﻻعمال الي متوفرة بكثرة بالنسبة الى الواصلين الجدد  الي توفرها المنظمة الهم

1. عمال بشركات بناء
2. كاشير باسواق او كاز ستيشن
3، غسل مواعين
4 . سواق
5 . سكيورتي
6. منظفين
7. شركات سيارات او بيوت

هاي اﻻعمال توصلك من خلال خبرتك والشغل الي تفظلة ومن خلال الغة الانكليزية  وخلوها بالحسبان كل ولاية الها الحد الاقصى لالجور والي ما تنزل عن 7 دولار و 25 سنت وكل ماكثرت فهي دليل على ان اكو فد شي بيك رفعة للاجر من الامور الي ذكرتها

لرسول الكريم ايكول رحم الله امرء عمل عمل فاتقنه

وي اخواني نصيحة الي ما يحصل شغل اول ما يوصل لا يتذمر ولا يضوج ولا ايكول اريد ارجع ﻻن الرب قاسملك تشتغل وكلشي يمشي بامرة صدكوني اذا مو اليوو تشتغل باجر
نصيحة ثانية لاتعتمد على المساعدات اعتمد على الشغل الي يتوفرلك
لان من خلال شغلك اتكون بيت وتشتري سيارة وايصير عندك مكان محترم ورصيد قوي
ما اتصور المنظمة وفرت هذا الشي لمهاجر

والكلام بهذا الموضوع اهواي بس حبينة انلخص الي انعرفة بنقاط

تقبلوا مروري واحترامي اخوكم علي ليو اوستن تكساس
48  منتدى الهجرة واللجوء / الهجرة و واللاجئين / رد: اخوان أللي يعرف لا يقصر في: 08:11 10/03/2014
للرفع والمساعدة
اخوان الي يعرف بهاي الشركة ينور اخونا بيها
49  منتدى الهجرة واللجوء / الهجرة و واللاجئين / رد: يا ويله ويا سواد ليله للى يحجى إنكليزي في: 08:10 10/03/2014
اخوية وحبيبي الكريم
السلام عليكم

مع احترامي وتقديري لموضوعك الكريم  عندي مداخلة ازغيرونة وياك

خلي اكلك شغلة اذا عندك حق او تحس انت مغبون بشغلة اتجيب ايدك وطلع اصابيعك وتمدها بعين الي ماخذ حقك وتاخذ حقك كان من يكون
انت تحجي انكليزي هذا شي حلو وانا اشجع علية وما انصحك اتكول انا ما احجي انكليزي ﻻ بالعكس انت تحجي انكليزي وحاججهم حتى لايضيع حقك
الغة الانكليزية اترفعك من مكان لمكان اذا انت ما تحجي انكليزي راح ياخذون عنك صورة انت ما تعرف ولا شي وايخلوك وية ناس ما يحجون انكليزي وضاع كلشي

نا ما انصحك تكول الي يعرف انكليزي ﻻ ايكول انا احجي انكليزي  ﻻبالعكس اا انت بينك وبين نفسك متوقع روحك 30% كول انا 50% حتى لا تضيع فرص عليك واذا اتحس بروحك مضلوم اشتكي راح اتكلي المن اشتكي

مار راح اكلك روح للشرطة او الاف بي اي او للمنظمة الاكبر من هاي الي متعامل وياها  بل هددهم بالميديا والصحافة والجرايد والف واحد يتمنى يكتب على قصتك صدكني هذولة الي يساعدوك وبانكليزتك تتواصل وياهم وتاخذك حقك
اعذرني على مداخلتي وانتقادي بس هذا الحجي الي اشوفة من وجهة نظري وانت حر برائيك

اخوك علي ليو اوستن تكساس
50  منتدى الهجرة واللجوء / اجتماعيات (ترحيب، تهاني و تعازي منتدى الهجرة) / رد: الحمد لله والشكر وصلت بسلامة في: 03:08 06/03/2014
هلا والله الف الف مبروك على السفر وانشاء الله الحياة السعيدة ياربي

اهلا وسهلا بيك في الولايات المتحدة الامريكية

خويك علي ليو اوستن تكساس
51  منتدى الهجرة واللجوء / الهجرة و واللاجئين / رد: موضوع يحتاج الى حل في: 03:04 06/03/2014
اخوية الكريم
ايكلك ابو المثل ادفعها بكصبة بردي

اخوية الكريم انت اخلاقك اكبر من هذا المستوى وانا وياك واشعر بشعورك والله يساعدك لكن ما بليد حيلة شوفلك مكان ارخص من هذا المكان
لان انت راح تتعارك وياهم او راح تشتكي عليهم ماراح ايفيد شي راح ايزيد الطين بلة صدكني ﻻن هذولة مجموعة مراهقين ومعاندين

تغير المكان ليس خوفا منهم بل لتفادي سماع العائلة الكريمة لهذه الالفاظ البذيئة

وانشاء الله ربي راح تلكة مكان يناسبك وترتاح بي بدل هاي البهذلة الي انت تعيش يها

اخوك علي ليو اوستن تكساس
52  منتدى الهجرة واللجوء / الهجرة و واللاجئين / رد: ماذا نفعل بعد الوصول الى امريكا مهم جدا للاظلاع في: 02:56 06/03/2014

اختي   العزيزه                (ام جنات)

 مين جبتي هذا الكلام  انو المحجبه متكدر تشتغل بصالون حلاقه  ؟؟؟
انتي تعرفين الجاليه العربيه والمسلمه  كم عددهم وطبعا حسب كل ولايه واني ماعرف انتي في أي ولايه  لو بس تريدين تشتغلين  بصالون  انتي تفتحي بعد الحصول على رخصة عمل في الحلاقه
من المدينه ألي راح تسكنين بيه   شغلة الحلاقه  كلش زينه طبعا لازم تختارين مكان بي الجاليه العربيه هوايه لان نفتقد هذا الشي هنا في أمريكا واني صارلي سبع سنوات في أمريكا ماكوا حلاقة
زينه لان مو شاطرين بالحلاقة هنا يعني اذا عندك خبره  طوريه بالقصات والموديلات  لان احتمال هناك امتحان يشمل قص الشعر وصبغ الشعر  وسلامة أدوات الحلاقة والتعقيم .. هنا قص الشعر  20 دولار
والسشوار 15 والصبغ 40 دولار  يعني بيه خوش فلوس بس  شوفي منطقة بيه هوايه عرب
وبعد سنه من وصولك يله تفتحين محل علمود اتصير عندك خبرة في المنطقة وتكدرين تشتغلين
من البيت على المعارف  بالبدايه
اما المعجنات  راح تشتغلين في المخابز  والافران وهاي بس يعملون اختبار ومقابله وتشتغلين
على طول

                                مع تحياتي

                                          keeto


اخوية الكريم شكرا الك على  هاي المعلومات الحلوة والموضوع الشيق وكلامك كلة صحيح وحلو و100% هذا الحال الي جاي ايعيشة اخوانة الجدد اول ما يوصلون وينصدمون بهواي شغلات راح اتلاقيهم بس العمل والاجتهاد مطلوب والجديد خلي ايخلي بالة اﻻهداف الي جاي عليها وينسة شي اسمة مساعدات ويعتمد على نفسة لان الرب ايكول اسعى ياعبدي وانا اعينك

حبيت اعقب على كلامك اخوية الفاظل الكريم بالنسبة الى العمل وهيه محجبة بالنسبة الى خواتنا

امريكا جبيرة وماشاء الله بيها اهواي ولايات وكل ناس عن ناس تختلف والواحد لا يقيس عن الناس الي جاي يعيش وياهم
بالنسبة للمحجبة الي تشتغل بمحل هاي امريكا كلها ماتنفعها بس مدينة ديربون مشيغان
او هيوستن تكساس  ﻻن هذن المدينتين يعتبرن من اكبر تجمع للجاليات العربية
ماكو محجبة تشتغل باوستن اطلاقا بمحلات صالونات او معجنات ماعدا وحدة اوزبكستانية بمول برلكتن الي بالنورث واغلب الاحيان مخليها خلف الكواليس بس اكو يشتغلن واكد شغلات حكومية يعني موضفات فقط ا لا غير
بالنسبة الى المعجنات فاكو مدارس خاصة لتعليم فن المعجنات والتصاميم وتكون شبة معهد وتنطي شهادة اختصاص وشهادة ممارسة مهنة بنفس الوقت والمدة مالتها سنة ونصف على 6 كورسات اي تعادل بكلوريوس طبخ ومشتقاتها لمدة 4 سنين

ارجو ان اكون وصلت الفكرة ولو اشوية بالنسبة للحجاب لان اغلب المناطق الي ماييها غالبية عرب او محجبات راح ايعانون من التضايقات الي بيها والي ماكو شي الا اﻻن يحمد الله ويشكرة لان الحمد الله مدن عن مدن تختلف

تقبلوا مروري
اخوكم علي ليو اوستن تكساس
53  منتدى الهجرة واللجوء / الهجرة و واللاجئين / رد: الترافل دكيومنت والدول والسفر الى العراق في: 04:15 05/03/2014
حبيبي اني عايش بولاية اورگن.  والدتي اجت قبل 6 اشهر وعلمود التقاعد اضطرينه نسويلها ترفل داكمنت. سوينه الترفل داكمنت وسافرت بجوازها العراقي قبل اسبوع.  لا احد سالها وين رايحه وليش رايحه.  طريقها جان من بورتلاند الى شيكاغو الى الدوحه الى مطار النجف.  وهي ما عدها كرين كارد ولا استخدمت الترفل داكمنت نهائيا.  بس تحتاجه من تدخل لامريكا. وبالنسبه لحالتك من شيكاغو لعمان محد يسئلك وين رايح و وين جاي لان من تنزل بعمان عندك جواز عراقي وماتحتاج اي شي لان انت ما راح تنزل بهاي الدوله.  مجرد راح تمر بيها ترانزيت. تحياتي

حبيبي الغالي ابو حسين الطيب
الحمد على سلامة وصول الوالدة للعراق
سولفلي الوالدة رجعت ﻻمريكا لو بعدها بالعراق ؟
اخوك علي ليو
54  منتدى الهجرة واللجوء / الهجرة و واللاجئين / رد: هذا سبب رجوع عائله من امريكا مع الاسف في: 04:12 05/03/2014
هههههههههههه والله يالله
الله يساعدك اخوية الكريم مثل هذا النموذج اكو نماذج اهواي
بس ارجع واكول حقة وبكيفة هاي اولا
لان الرجال هذا تفكيرة والواحد من يقفل على شي ﻻ انا ولا انت ولا الف مثلنة ولا امريكا تكدر اتغيرة وتغير تفكيرة
هذا من قدم على اﻻي او ام حسبها احساب ونسة وطلعة و تغير جو وخضار وهواء عليل ونسوان شكر بس من اجة وشاف الواقع انصدم فقرر يرجع
يالله علية بالعافية طكالة جم فلس وطلع افلوس الكوستر وطلع تذاكر الرجعة للعراق وغلس على مالت الدفع الي علية مال الطيارة
والمحصلة النهائية اكو فرد بقى يختلف عن تفكيرهم ندعيلة ربي يوفقة ويراوي الحياة السعيدة

الله كون اتعرف بابنهم الي بقة بامريكا وخلي يمي اسبوعين والله حتى ابوه اخلي ينساه واهله واراوي امريكا الصدك اشلون صايرة مو الظاهر

واتمنى من الاب يشتري الكوستر الجديدة وانشاء الله ربي يوفر خط زين حتى لو مال طالبات ويعيش حياة سعيدة ومتهني بالعراق

تقبل مروري ومشاركتي ا
اخوكم علي ليو
55  منتدى الهجرة واللجوء / الهجرة و واللاجئين / رد: تفاصيل رحلتي من بغداد الى اميريكا في: 03:57 05/03/2014
الف مبروك خيتو والف الحمد الله على سلامة الوصول
هلا وسهلا بيج بالولايات المتحدة الامريكية
خيتو من ترحين يم شاتيلا تاكلين كيك اتذكريني ﻻن جنت اعشقها بجنون كاعد ومكابلها مخلص نص افلوس الفود ستامب اهناك
وانشاء الله الحياة السعيدة
يالله خيتي كبل وعدل على كلية هنري فورد كملي اوراقج والتحقي
اخوج علي ليو اوستن تكساس حاليا ديربورن مشيغان سابقا
56  منتدى الهجرة واللجوء / الهجرة و واللاجئين / رد: تعالوا نحسبها حساب عرب .. شلون تعيش عائلة ب1600 $ بالشهر ؟ في: 03:26 03/03/2014
حبيبي الغالي ومهندسنا الكريم
السلام عليكم

موضوع حلو وطرح وحساب جميل للفكرة بس اكو شغلات احب اشاركك بيه واناقشك بيها

بالنسبة للرقم الي اختاريتة انت ماخليت التاكس علية ﻻن اكو فقرة التاكس انت تتغل والجك مالتك يجي خير من الله من اتباوعلة ومن تلكاه النهائي اتضوج اتكول ليش انا مشتغل هلكد ويروح الباقي تاكس عودك بالاخير ينطونة الي ﻻ ماراح ايفيدني ﻻن انا عزابي وما راح يرجعلي تاكس مثل ابو العائلة هاي نقطة اولى

مصاريف ال100 دولار للمسواك اشلون حسبتها بالاسبوع اتكفي وانت عائلة جا اشكد انت مقتصد بيها انا سنكل وبس لفات وجكاير  ماتكفيني
لان اكل وجبتين باليوم الوجبة ب6 وجبتين 12 بالسبوع 84 دولار  وجكاير 35 دولار اسبوعيا هاي بس هاي عوفك من الحباشات الي منا ومنا

راح اتكول انت اجيب واطبخ بالبيت  راح يطلع نفس الشي خضي صبي لبن نفس الشي انت راح تتستخدم غاز او كهرباء وراح تنضاف على البل مالتك وانا موفر غاز وكهرباء را هرجع اثنينة نفس المصروف بس انا لوحدي وانت عائلة

نجي نسولف على السكن ترة كل ولاية تختلف من ولاية لوﻻية الاسعار تتفاوت انا جنت ساكن بشقة بمشيكان ماي وكهرباء وغاز وكلشي على ابو البيت وبغرفة وحدة ب500 دولار اهنا باوستن انا ماجر لس شقة وغرفة وحدة 700 والبلات علية والكهرباء 70 تجيني والماي 35 والنت 55 للعلم النت بمشيغان جنت ماجرة 25 بالشهر
الانشورنس مال سيارتي بمشغان جنت انطي وان وي 200 دولار وبتكساس 65 دولار اكو تفاوت بين اﻻسعار

نجي انسولف على الورقة الذهبية الي بايدك المدكيد
انا عالجت اهواي شغلات بالمدكيد بمشغان من سنون من عيون من عمليات صغيرة من ادوية غالية وكلها ابلاش رحت لتكساس ماعندي مدكيك ابسط شي بندول نا اكدر اشتري  فاكو فرق
نجي للفود استامب
من ولاية لوﻻية يختلف المبلغ وحتى لو عندك صدكني راح ايفيد اشوي انكول ها بي باب وجواب ايمشي كم يوم بس غير معتمد علية

هاي كلها واسعار تكاليف البانزين والطلعات والملابس والونسة ما محسوبة وﻻزم اتسويهن مو بكيف اي واحد ايكول انا اقتصد وانا ما اسوي شي وانا ماريد اسوي ﻻزم يجي يوم تسوي تحد هاي الشغلات لان تنجبر

حبيبي حبيت اعقب على فقرة واوضح لاحد اخواني سالفة العيد ميلاد وشنو انتم اتسون عيد ميلاد وتكاليف
الى الاخ الي بالي من حق اي واحد ايسوي عيد ميلاد ومن حق الاب ايسوي عيد ميلاد لاطفالة ﻻن انت اذا عندك اطفال ومسويتلهم عيد ميلاد راح تتحاسب من المدرسة ومو شرط العيد ميلاد ايكون ابهة بس لازم عيد ميلاد واذا عندك اطفال والمدرسة مادزت عليك ومالها  علاقة فبوس ايدك وجه وكفة لان المدرسة قبل كم يوم بعيد الطفل اتدز على الاهل اتكلهم شراح اتسون من عيد ميلاد وشراح اتقدمون وشراح الطفل يعزم من اصدقاء هل من المدرسة او اقارب او جيران حتى لايصير الطفل معقد ليش اهلة ما يسولة عيد ميلاد

فوداعتك ياخوية اشكد ماراح اتسوي افلوس وداعتك تنصرف وتروح وذاك من ذاك الي جمع باول ايامة هو الواحد ﻻزم يشقة ويتعب والله يسهلها على الجميع ويبارك بشغلكم ويفتحها عليكم انشاء الله

الحجي بهذا الموضوع اهواي وجبير ومايتلخص بجم حجاية انشاء الله وياكم بجزء اخر

اخوكم علي تكساس
57  منتدى الهجرة واللجوء / الهجرة و واللاجئين / رد: السفر الى ايران في: 02:48 03/03/2014
خيتو الغالية السفر لايران مالة علاقة همه متفهمين الحالة وسبب الزيارة شنو  هاي اولا

ثانيا الي يروح ﻻيران 4 اسباب عندة زيارة اﻻمام الرضا عليه السلام او السياحة او العلاج او زيارة الاقارب او التجارة  غيرها ماكو
يعني الي يريد ايروح ﻻيران ويشتغل مخابرات راح ايكلهم انا والله جنت اشتغل مخابرات بايران وانا جاسوس راح يذبها براس الزيارة
فاحسن شي اتكولولهم كم مرة راح ﻻيران وللعلاج مع اثبات اﻻوراق والفحوصات لان هاي احسن اثبات

خيتو اعرف حجية امريكية اﻻصل اهنا راحت لتركيا ومن تركيا لمشهد زيارة ورجعت امريكا وجوازها اﻻمريكي بي دخولية ايران وهاي هية تفتر علية وتتلمض كلشي مابيها فكلش كلش عادي
وبالنسبة للسن ترة ماكو فرق الشاب ايكول زيارة انا واحد من الناس مخلص جوازات يابو جوازات على ايران ﻻن جانت عدنة شركة مال سياحة بالبصرة والى الان واخذ واودي الى ايران رحت كتلهم يابة كذا وكذا وحتة الجوازات راويتها الهم وهلجاي اكتبلج من امريكا فالشغلة عادية ترة

اخوج علي ليو اوستن تكساس
58  منتدى الهجرة واللجوء / الهجرة و واللاجئين / رد: دودة الموقع للضحك فقط في: 02:39 03/03/2014
هههههههههههه والله ياعمو ترة هية اهواي امور وداعتك

زين اسمع هاي

انا قدمت اس اي في وانرفضت والرفض ايكول وضعك الحالي مايسمحلك اتقدم على البرنامج  وللعلم انا مكمل كل الشروط ومشمول بي ﻻن انا مترجم جي ال اس وقدمت على اﻻي او ام  وسافرت الحمد الله خلال وصولي ﻻمريكا يعني ورة اربعة اشهر وانا بام يكا اجاني ايميل ايكلي انت وضعك الحالي مايسمحلك اتقدم ﻻمريكا وانا بامريكا
انا دزيتلهم ايميل كتبت بي شكرا سيدي العزيز انا ما محتاجك ولا محتاج امريكا وانا حاليا باستراليا طلبت لجوء وحصلتة فشكرا لبرنامجكم العزيز
انا وين وهم وين يحجون

ومن ادخل على الموقع مال اي او ام عمان مكتوب وصل الى الوﻻيات المتحدة والتاريخ هيجي ؟.؟؟؟؟؟؟؟؟؟؟؟؟؟ مكتوب اصلا مو بسستمهم ماعرف الخربطة منين هههههههههه بس الحمد الله بامريكا هاي هوة
59  منتدى الهجرة واللجوء / الهجرة و واللاجئين / رد: محتاج كفيل من اهل النخوة في: 02:30 03/03/2014
مشكور علاوي على كفالة الاخ awsss

اخوية وحبيبي بالخدمة انا بخدمتكم وتدلل وحتى بالنسبة الك ترة انا حاضر ولاي طيب مثلكم
60  منتدى الهجرة واللجوء / الهجرة و واللاجئين / رد: محتاج كفيل من اهل النخوة في: 07:14 02/03/2014
اخوي وحبيبي الغالي اوس الوردة انا بخدمتك وبخدمة كل طيب
يعني كفالتي الك والله ماراح اتسويلي شي ولاترفع مني ولاتاثر علية
الي يردونة المنظمة واحد ايدليك علة طريق الحياة بالولاية وياخذك ويجيبك للمنظمة ويشرحلك عن الولاية هاي امها وابوها وانا 24 ساعة افتر ماعندي شي شنو صار اذا كفلتك واتعرف بناس مثل اخلاقك الطيبة واذا ما شالتك الكاع اشيلك على راسي واخلي رجليك مدلدلة على عيوني يابن الطيبين انت وكل عراقي طيب مثلك واحجيها واكولها من خلال موضوعك اي واحد محتاج كفيل انا بخدمتة واذا رايد غير ولاية اي واحد احاول ادبرلهم كفيل بالولاية الي يردونها

اشكر كل اخواني الي شاركوا بالموضوع واثني على شكرهم وياربي ايخليكم سالمين غانمين وتجون لامريكا وتعيشون الحياة الحلوة

اخوكم علاوي اوستن تكساس
61  منتدى الهجرة واللجوء / الهجرة و واللاجئين / رد: محتاج كفيل من اهل النخوة في: 10:27 01/03/2014
والله بصراحة اني هم محتاج كفيل لان عندي عائلة والكفالة ترة مجرد تقديم مساعدات معنوية بكل مايخص الحياة هناك يعني مثلا السوق المدارس الطرق يعني هاي الشغلات جان وياي صديقي اشتغلنة اني وياة خمس سنين وتعهدنا منو اللي يروح اول ايقدم مساعدات معنوية للثاني من صفة الوكت وراح كدامي حتى ميرد عالرسائل عبالك اكل بصينيتة مع الاسف اي والله فاذا ممكن شخص شهم وغيور للمساعدات المعنويه فقط اكون ممنون واجركم على الله .. تحياتي

حبيبي مهاجر الجنوب
اذا حاب تجي اوستن تكساس  اهلا بيك وانشاء الله ما نقصر وياك
اخوك علي ليو اوستن تكساس
حبيبي الغالي اذا ما عندك كفيل الاي او ام اتخليلك ولايةةمن بعدما اتشوف اي منظمة ما عليها لود  وتدز اوراقك عليها وانا متاكد ومتيقن 100% راح ايجيبوك الى تكساس اما دالاس اووهيوستن وانت اطرح موضوعك بعين كاوة وسوي استفساء راح اتشوف كم واحد ما عندة لا كفيل ولا شي جابو ال  تكساس  هيوستن او دالاس وللعلم بالنسبة الى مدينة اوستن ما تقبل اي لاجيء اذا ما عندم بيها كفيل هية ومشيغان  يعني منظماتهم يردون واحد ساكن باوستن يكفل هاي صارلهم خمس سنين قرارهم طبعااهذا الحجي من مدير منظمةالكريتانس او هيجي اسمها الي بتكساس اوستن

الاخ ليو اشكرك جدا بس هو من اللي حدد اني لو المنظمة على اعتبار انا ما عندي كفيل
62  منتدى الهجرة واللجوء / الهجرة و واللاجئين / رد: الترافل دكيومنت والدول والسفر الى العراق في: 03:25 28/02/2014
اخوي الغالي ابو بنين
حبيت اسوي رفع للموضوع
واشوف ﻻراء اهل الخبرة شنو ﻻن الحجي بينك وبيني طاكة روحي على اهلي واريد ارجع اشوفهم وارجع لامريكا بس لاسف ماكو كرين كارد بس الترفل دكيومنت وم استلتمته بي كل الدول ماعدا دولة الام ماتدخلها
وصديقي قبل مو هسه مسافر بي هيوستن تكساس الى اسطنبول تركيا على الخطوط التركية وجانت مريحة ورخيصة ومن تركيا للعراق دخل بجوازة العراقي ورجع بجوازة العراق لتركيا ومن تركيا لهيوستن بالترفل دكيمنت
بس هذا الحجي قبل سنة هسه قوانين جديدة و الحظ يلعب دورة بهاي المسالة لو يدخلوه لو ما يدخلوه

وانشاء الله نسمع الاخبار المفرحة ﻻن طاكة براسي كلش ارجع للعراق ازيارة ما اصبر يجي الكرين كارد

اخوكم علي ليو اوستن تكساس
63  منتدى الهجرة واللجوء / الهجرة و واللاجئين / رد: عضو جديد وارجو المساعده في: 03:07 28/02/2014
للرفع والمساعدة والمزيد من المعلومات المفصلة وشكرا الى اخوانييالي ساهمو بالمعلومات
64  منتدى الهجرة واللجوء / اجتماعيات (ترحيب، تهاني و تعازي منتدى الهجرة) / رد: دعائكم للعضوه المميزه صـــبيه بالشفاء العاجل في: 03:05 28/02/2014
ياربي اتكوم بالسلامة انشاء الله وياربي يحميها من كل مكروه وانشاء الله عدها العافية وترجع سالمة غانمة لبيتها وعيالها
ممكور اخوي ضياء على نقل المعلومة وتواصلك المستمر وية اخوانا الاعزاء وامانة بركبتكم اي شي تحتاجة او الاخت صبية محتاجنة اتكولي امانة بركبتك اخ ضياء والله ايقدرنة انشاء ولو بالشي القليل
اخوكم علي ليو اوستن تكساس
65  منتدى الهجرة واللجوء / اجتماعيات (ترحيب، تهاني و تعازي منتدى الهجرة) / رد: يحيكم من مشكن Black Ops في: 02:59 28/02/2014
الف الفالف مبروك وياربي السعادة انشاء الله وداعتك حبي انت وصلت والجو بارد راح اتضوج منها بس صدكني بس هالشهر راح اتحبها لمشيكان
والف تحية اخوية رفاقية الى اخوية وعزيزي الغالي دبس وراشي صاحب الوكفات مو جديدة علية المساعدة وروح التعاون
واهلا وسهلا بيك في الولايات المتحدة الامريكية
اخوك المناضل علي ليو اوستن تكساس
66  منتدى الهجرة واللجوء / الهجرة و واللاجئين / رد: محتاج كفيل من اهل النخوة في: 02:54 28/02/2014
سبحان الله صدق من قال ولله في خلقه شؤون.يعني شكد اكو فرق بين الرد الرائع والاجابة الراقية للعضو النبيل(ALI LEO) واني تعمدت اكتب كل حروف اسمه كابتل لان هو كبير بروحه الابية وشخصيته الجميلة وان دل على شيء دل على رقي وسمو اخلاق هذا الانسان وهو يسعى بكل ما أوتي من قوة لمساعدة اخيه في الوطن.وعلى العكس من ذلك هناك من يسخر ويستخف ويجعل من سؤال الاخرين نكته ولايعلم ان هذا يعكس مدى فشله وعدم انسانيته (نسأل الله ان يهديه لما فيه صالحا لنفسه).بارك الله فيك اخانا (ALI LEO) وجعل ما تفعله لاخوتك في ميزان حسناتك وجعل خير دليل لأناس يشكون هم الظلام في طريق مبهم.تحياتي لك اخوك Eric


اخوية وحبيبي الغالي والله والله اشكرك من كل قلبي على كلماتك الرائعة والاسلوب الراقي الذي تطرح به مفرداتك
ليسعني القول ا  انا اخ وصديق لكم  انا منكم واليكم  اﻻ ان يسهلها رب العالمين على جميع المنتظرين

واي شي  اخوتي محتاجتة من كفالة معنوية او مادية انا حاضر وبرسم الخدمة ﻻن دا احس بيهم واحس شيعانون لان انا مرة قبل جنت بموقفهم وانشاء الله ربي الكل تسافر وترتاح
اشكرك مرة اخرى على كلامك الجميل
67  منتدى الهجرة واللجوء / مواضيع قبل السفر / رد: موسوعة الجنط والشغلات التي تاخذها وكلمة اتندمت في: 22:44 26/02/2014
أشكرك أخوية مقصرت على هل معلومات بس سؤال اذا مصير زحمة  أحنة عدنة كرايب يتكفلونة كفالة معنوية بعد ما نوصل لكونيتكت لان أحنة مخلينة كفيل من البداية خفنة من التأخير وقصدي كفيلة ب اوستن (بس اذا الله سهلنة وسافرنة لكونيتكت  بل مطار نكولهم عدنة كرايب يتكفلونة لو نكلهم نريد نحول والمنظمة تكفلنة هاي الدايخين بيهة أحنة لان ماريد اتورط بل مجمعات يكولون كلششش تعبانة وسخة وحشرات هواي بيهة

اختي ام جنات
من ت صلون ل لايتكم النهائية والي هية كونتيكت راح اتشوفون ابو المنظمة مالتكم واتكولولة مانريد نبقى انريدانحول لان هاي الولاية باردة واحنة ما متعودين على برد واتكلولهم انريد انسد الكيس مالتنه اهنا وانفتح الكيس بولاية تكساس ا ستن
ولا اتكولون الهم عدنة كفيل باوستن يتكفلنة بكلشي كولولهم عدنة كفيل يتكفلنة كفالة معنوية وليس مادية لان اذاكلتولهم عدنة كفيل يتكفلنة بكلشي بعد المن المنظمة موجودة وتنطيكم كفيلكم راح يتحمل كلشي
توصلون ولاتخل هم اياجرولكم بكونتيكت تاخذون ال لكم مني مالتكم  تسدون الكيس مالتكم وتجيبون منهم ورقة تثبت انتم ما مستلمينشي منهم بس الولكم مني وتجون الى اوستن طبعا الطيران راح ايكون على احسابكموالجنط اليجايبيها خلوها بالكم راح اتدفعون عليها الوزن الزايد لان المسموح لكل تذكرة 30 كيلو مو مثل ما اجيتوا وانشاء الله خير
68  منتدى الهجرة واللجوء / الهجرة و واللاجئين / رد: محتاج كفيل من اهل النخوة في: 22:27 26/02/2014
والله بصراحة اني هم محتاج كفيل لان عندي عائلة والكفالة ترة مجرد تقديم مساعدات معنوية بكل مايخص الحياة هناك يعني مثلا السوق المدارس الطرق يعني هاي الشغلات جان وياي صديقي اشتغلنة اني وياة خمس سنين وتعهدنا منو اللي يروح اول ايقدم مساعدات معنوية للثاني من صفة الوكت وراح كدامي حتى ميرد عالرسائل عبالك اكل بصينيتة مع الاسف اي والله فاذا ممكن شخص شهم وغيور للمساعدات المعنويه فقط اكون ممنون واجركم على الله .. تحياتي

حبيبي مهاجر الجنوب
اذا حاب تجي اوستن تكساس  اهلا بيك وانشاء الله ما نقصر وياك
اخوك علي ليو اوستن تكساس
69  منتدى الهجرة واللجوء / الهجرة و واللاجئين / رد: اجانة رد المحلف ومحتاجة جواب في: 04:43 26/02/2014
خيتو ام جنات ااشاء الله موعد سفركم وحاولي اتقررين وين تردين واذا طلبوا منكم كفيل انا حاضر وبالخدمة هاي بالنسبة الكم اذا اختاريتو تكساس اوستن وليس كونتيكت
علي ايو
70  منتدى الهجرة واللجوء / مواضيع قبل السفر / رد: موسوعة الجنط والشغلات التي تاخذها وكلمة اتندمت في: 04:34 26/02/2014
أشكرك اخويه مقصرت على هل معلومات الحلوة عندي جم سؤال ياريت تجاوبني أحنة طلعتلنة ولاية كونيتيكت بل شمال واحنة عدنة كرايب ب اوستن اريد من  نوصل للمطار نكولهم للمنظمة  اريد نحول ل اوستن بس كرايبنة تكول لازم تكعدون بل مجمعات ومن حجتلنة على المجمعات كلش تعبانة من الحشرات ومن كل النواحي اريد اعرف طريقة انو منكعد بل مجمع اريد أحنة ناجر يصير لو لا (وشنو نكلهم للمنظمة بل مطار نكلهم عدنة كفيل لو من كلهم طبعن الكفيل معنوي)

اختي العزيزة ام جنات
كل الهلا بيج ونورتينة

قبل لا اسولفلج على التحويل من ولاية لولاية
يجب عليكي ان تتوصلي الى قرار  اخير هل ابقى في ولاية كونتيكت او احول الى اوستن تكساس ولازم اتدرسيها عدل من جميع النواحي وتشوفين وين اﻻفضل الج  ولا تخلينالعواطف تتغلب على قرارج بالنسبة للتحويل انا سبق وان شرحتلج على اوستن  وراح هم اشرحلج بعد عليها بالي اع فة عنها وانتي هم ارسليرسالة الى عمي الغالي ابو علي عراقي نبيل وابنة علاوي لان هم ساكنين بولاية كونتيكت وانشاء الله معلومات اكثر

بالنسبة الى سكن اوستن راح ايكون كالاتي
اوستن تكثر فيها نظام الشقق اكثر من نظام البيوت ﻻنها تعتبر العاصمة لولاية تكساس والناس تستثمر الارض مالتها بعمل 100 بيت احسن من ان يبني اله 10 بيوت توفير المساحة
كل ما ق ب السكننعلى الداون تاون كثر الاجار وكلما ابتعد قل
بالنسبة الكم المنظمة راح اتشوفلكم الشقة وراحاتحاول اتاجرهاالكم  وراح اتخصص الكم مبلغ معين للاجار ولمدة معينة وراها انتم تتعمدون على روحكم
بهاي الحالة انتم تحجون وية المنظمة واتكولولهم يابة انتم اشكد مخصصين النة من  جار
على سبيلالمثال مخصصين 600 للشهر ولمدة 3 اشهر انتم اتشوفون الكم بيت واشكد الفرق انتم اتدفعونة والبيوت اجارها باوستن تتراوح من 700 الى 1000 هاي احجيعن الغرفتين بدون الفواتير مالت المي والكهرباء والحشيش والكاربج
بلنسبة الى المجمعات السكنية  مو كلها مو زينة والي انصحكم بي اتشوفن بهذا المستوى اتدورون شمال اوستن والايست سايد مال اوستن فقط تعتبر زينة
بالنسبة للبيوت رخيصة وحلوة فهي على شارع برنيت او مقاطعة كايل صحيح هيه خارج اوستن بس 15 دقيقةوانتم بالداون تاون سنتر كذالك البيوت الي مةجودة في طريق اير بورت بلفاد هم زينة ورخيصة
اتمنى اكون وصلتلج فد شي واي شي تحتاجي امانة اتكولين
اخوكم علي ليو اوستن تكساس
71  منتدى الهجرة واللجوء / الهجرة و واللاجئين / رد: محتاج كفيل من اهل النخوة في: 03:53 26/02/2014
اخوي وحبيبي الغالي

انا ساكن اوستن تكساس وانا حاضر بخدمتك وتدلللعيوني باي شي تحتاجة وياربي ايسهل امرك وامور المنتظرين

اخوان امانة بركبتكم الى يوم الدين سواء بعدك ما مسافر او مسافر اي شغلة تحتاجونها تراسلوني وانااكون بالخدمة

بالنسبة الى الاخوة الي الله يصلح حالهم انشاء الله واقصد المتذمرين الي جانو بالعراق يتولولون وطلعوا لامريكا وبعدهم يتململون اريد اكلهم بس حجاية خلي رجليكم بالكاع ولتهدى ماعثر

اخوكم علي ليو اوستن تكساس

72  منتدى الهجرة واللجوء / الهجرة و واللاجئين / رد: ياللي بامريكا خاص صدق لو لا في: 03:38 26/02/2014
كلام الكيس وركر صحيح

انا صارلي خمس سنوات بامريكا ماكو فد يوم استخدمت كارد العمل

هو السوشل واجازة السوق او هوية الولاية

بس تحتاج ال Allien Number وهذا موجودة ب ال I94

بعد شحجي وفيت وكفيت
انا واحد من الناس اجاني كارت العمل ورة 3 اشهر من دخولي لامريكا وازيدك من الشعر بيت كارتي على منظمتي الي بفرجينيا ودزولياه لبيتي الي بمشيغان وﻻ استخدمتة بمكان مخلي زيادة لعدد الكارتات الي بالمحفظة واوقات مو كل وكت من ادخل النايت كلب استخدمة كا ايدي لان لونة احمر وشكلة حلو  ولحد جابلة سيرة
مادام انت عندك ال I-94    هاي هوه ماتحتاجة والي يحتاجوه الي عدهم قضايا ت طين بس مو هجرة ولا لجوء الي جان طالب وبقى ابو فيزة العمل الي جاي اكثر شي يردوها منه
اتمنى اكون وصلت الفكرة

اخوكم علي ليو اوستن تكساس
73  منتدى الهجرة واللجوء / اجتماعيات (ترحيب، تهاني و تعازي منتدى الهجرة) / رد: في امان الله عين كاوة في: 03:31 26/02/2014
على الخير والبركة اخ ابو عادل والخوك الوردة
انشاء الله الحياة السعيدة وتحقيق الاهداف
واهلا وسهلا بيك في الولايات المتحدة الامريكية

اخوك علي ليو اوستن تكساس
74  منتدى الهجرة واللجوء / اجتماعيات (ترحيب، تهاني و تعازي منتدى الهجرة) / رد: المياحي بالولايات المتحدة وهلكااان من الرحله في: 00:35 22/02/2014
الف الف ميروك عمو ابو ايمن وانشاء الله ياربالحياة السعيدة والاستقرار والنجاح والامان  والازدهار ياربي

ابنكم علي ليو
اوستن تكساس
75  منتدى الهجرة واللجوء / دردشة منتدى الهجرة واللاجئين / رد: اكتب كلمة شكر لهذا العملاق عنكاوه كوم في: 09:12 13/02/2014
الف الف تحية والف شكر وامتنان الى بيتي العزيز الغالي عين كاوة الغالي والف شكر الى ادارتنا الغالية المتمثلة باروع ناس ذو خلق عظيم وتفاهم
تحية حب ومحبة وامتنان الى جميع اخوتي واخواتي وابائي وامهاتي بهذا البيت الجميل الرائع الذي رفدني بكل معلومة حلوة والي خلاني التقي باجمل واحسن واثقف ناس عرفتهم والي من خلال معلوماتهم خلوني اتخطى الصعاب واتجه نحو الخطوة الصحيحة لتحقيق اهدافي

مايجول بخاطري كثير لكن ارفع كلتا يداي الى رب العرش العظيم لكي يحفظ هذا البيت ويحفظ اهل هذا البيت المتمثل بكم ويسهل امور المحتاجين للعون والمساعدة فمن كان قد وصل امنياتي له بالنجاح ومن لم يسافر انشاء الله ربي السفر القريب وتسهيل الامور
تقبلوا مروري ومشاركتي

ابنكم علي ليو اوستن تكساس
76  منتدى الهجرة واللجوء / اجتماعيات (ترحيب، تهاني و تعازي منتدى الهجرة) / رد: ▂ ▃ ▅ ▆ ▇ █ برنسووووو مــــــوعــــــد ســــــفــــــر █ ▇ ▆ ▅ ▃ ▂ في: 01:07 13/02/2014
اي كلللوش كلللوش على الخير والبركة ويستاهل والله هالانسان المؤدب وانشاء الله ربي اشوفة مرتاح ومتهني والحياة السعيدة  ياربي
هلا وسهلا بي في الوﻻيات المتحدة الامريكية

شكرا الج خيتو ترتيل على نقل الاخبار المفرحة وجعلها بميزان اعمالك الحسنة
اخوكم علي
77  منتدى الهجرة واللجوء / الهجرة و واللاجئين / رد: السفر الى العراق له وما عليه في: 10:08 12/02/2014
زين هذا الكلام ينطبق على صاحب الكيس الرئيسي وعائلته لو العائلة تكدر تطلع بالترفل دكيومنت وحدها ماعدا صاحب الكيس الرئيس ارجو الرد

حبي الغالي
الكلام مطبق على الكل
عني عائلة اس اي في كلها عدها كرين كارد ومنو يريد يرجع للعراق الله وياه
عائلة اي اوم ينتظرون الكرين كارد ومنو ايريد يرجع الله وياه

اكو عائلة بيها لم شمل اشوي تعقيد يعني على سبيلل المثال البابا مالتهم عندة جنسية او كرين كارد وراها فترة سحب الماما والاطفال الماما اجت لم شمل او عن طريق الاي او ام وما عدهم كرين كارد ما يكدرون ايسافرون بس الباب مالتهم  بين قوسين خضي صبي هو نفسة لبن يعني الا كرين كارد
78  منتدى الهجرة واللجوء / الهجرة و واللاجئين / رد: سؤال يخص صديقه .. هل صحيح ان الفاينانشل ايد لا في: 09:58 12/02/2014
اختي العزيزة
الفاينيشل ايد ما ينصرف الا يجيهم ايعاز من الكلية
لكلية ما تخليها اتداوم اﻻ ان توصل الشهادة
بس تكدر اتسجل الا ان توصل الشهادة مالتها
انا سجلت بالكلية وشغلتين ما مكملهن واخذت امتحان البليسمنت تيست الانكلش والكولكلاس
الشغلتين الي ما جنت مكملهن اولا شهادتي بعدهي ما جاية من العراق بوكتها المعقب الي بالتربية اتاخر
والشغلة الثانية شغلة السلكت سيرفز مال خدمة الجيش طولت عندي اسوعين يالله وصلتلي بعنواني
بس كملت الاجرائات مالت الفاينيشل وكملت اجرائات الكلية وامتحنت ومن وصلن بديت ذبيتهن بالدراب بوكس مالت الكلية وراها كلشي كمل والحمد الله

فلازم اتخلص الشهادة مالتها اتخابر لاي واحد من معارفهم ايكملها الهم حتة لو بفلوس لان بدون الشهادة خلي تنسة اتسجل بالكلية وكل ما استعجلت احسن لان همه يومية قانون جديد بامريكا وقوانين نحو اﻻسوء مو عبالج يعني قانون يسمح اتسجل بدون شهادة ههههههه
اتمنى اكون وصلتلج فكرة
اخوج علي ليو اوستن تكساس
79  منتدى الهجرة واللجوء / اجتماعيات (ترحيب، تهاني و تعازي منتدى الهجرة) / رد: تفاصيل رحلتي من بغداد الى نيويورك ... أختكم ملك في: 09:49 12/02/2014
على الخير والبركة وموفقين الف الحمد الله على سلامتكم

واهلا وسهلا بيج في الوﻻيات المتحدة الامريكية

بس انتي ليش اتعاركين هاي ايجوز ﻻن الرحلة 13 ساعة   وبعد لاتسمعين اغاني ترى ترحين للنار  هههههه

والف مبروك لعزيزنة ابو محمد وسلامة وصولة الى الولايات

وانشاء الله ربي الموفقية والنجاح والحياة السعيدة واهم دعاء الج ربي يصبرج بولايتج وما تغيريها الا ان تعبرين على اﻻقل 3 اشهر اتحملوها وبعدين تفتهميني

اخوج علي ليو اوستن تكساس
80  منتدى الهجرة واللجوء / الهجرة و واللاجئين / رد: خدمة جديدة في منتديات عنكاوا جات دردشة الهجرة واللجوء الدخول من >>>>>> هنــــــا <<<<<<< في: 09:33 12/02/2014
عزيزتنا واداريتنا الغالية
كيف الحال

ممكن اطلب طلب اريد تفسير بالنسبة الي من ادخل للجات تطلع الي الكتابة العربية متقطعة ومن اليسار الى اليمين بالعكس
نزلت التطبيق الي ذكرني وكملت الخطوات خطوة وهم نفس الحالة يطلع العربي مالتي مخربط فبس اريد اعرف شنو الحل هل هو خلل في الجات او خلل بجهازي انا ولكي ولجميع اخوتي المزيد من التالق

اخوكي علي ليو

81  منتدى الهجرة واللجوء / الهجرة و واللاجئين / رد: الحياة في امريكا والخوف قبل السفر في: 06:47 12/02/2014
احلى شي في أمريكا وخصوصا العراقيين من تسئله على أمريكا  يكعد ايسب ويشتم وشجابنه هنا  ويسويها ظلمه على الواحد بس
دكله ارجع للعراق  احسن ماتسب  العيشه راح تلكه وجهه صار الوان ويصير ايكول ها  يمعود اتعلمنه بعد شنسوي  بس اكول احمد الله وشكره لان اكو ناس حسوا بيهم اذا معاجبتك أمريكا ارجع ولا تخلي  غيرك يكره حتى روحه من االاحباط   تحياتي لكل الطيبين


عاشت ايدك
82  منتدى الهجرة واللجوء / الهجرة و واللاجئين / رد: أريد جواب شافي رجاءا في: 06:43 12/02/2014
اشكرك عمو انا بخدمتك وبخدمت طيبين بيتنا عين كاوة
83  منتدى الهجرة واللجوء / الهجرة و واللاجئين / رد: السفر الى العراق له وما عليه في: 04:47 12/02/2014
اخوي الغالي
السلام عليكم

اكو فرق بين الاقامة المؤقتة والاقامة الدائمية والجنسية

لاقامة المؤقتة هية انت بعدك ما عندك الكرين كارد عندك اي 94  وماتكدر اتسافر الى العراق الا ان تاخذ الكرين كارد وبنفس الوكت خليها بالك انت معرض الى الترحيل من قبل الحكومة الامريكية بعد ان تكون اﻻوضاع جيدة في بلد اﻻم كان من تكون ومثل ما صار ورحلوا اﻻخوان الى صربيا بعد عودة الاستقرار في بلادهم وهذا قانون يطبق على الجميع ﻻن القانون واحد  بس تكدر اتسافر الى جميع انحاء العالم من خلال اصدار الترفل دكيومنت وليس الذهاب الى بلد اﻻم

الاقامة الائمية الكرين كارد يسمحلك بالبقاء بامريكا الا حين حصولك على الجنسية من بعد خمس سنينمن اول دخول الى امريكا وهمه طالبين منك 30 شهر بامريكا سنتين ونص زين السنتين ونص الباقية شنو وين اروح بيهم تكدر اتروح بيها الى العراق يعني كرين كارد + جوازك العراقي واتوكل بالله والهوى بظهرك محد اله علاقة بيك بس ﻻ تتاخر خارج امريكا وانت عندك الكرين كارد مدة تتجاوز ال 6 اشهر ارجع ﻻمريكا وجدد اﻻقامة مالتك وارجع للعراق من جديد

الجنسية هيه الوثيقة الي تخولك لتصبح مواطن امريكي وااخذ الجواز اﻻمريكي

وبنفس الوقت اكو فد شغلة ماكو شي اسمة اس اي في ويطلع للعراق وابو اﻻي او ام ما يطلع كلها بالهوى سوى لكن الفرق ان ابو اﻻس اي في ياخذ الكرين كارد كحد اقصى شهر من وصولة الى امريكا وابو الاي اوم ينتظر السنة ويقدم وبنهاية الطريق كلها ترجع للعراق بكرين كارد

حالات نادرة

ناس ترجع للعراق وماعندها كرين كارد بس عدها ظروف لازم اول شي يثبتون الحالة الي عدهم بالعراق شنو وينطوهم ورقة البيرمت رتيرن وية الترفل دكيومنت وبنفس الوقت تعتمد على الحظ وطريقة تفهم ظابط الهجرة الي في مكتب اﻻمكريشن سيرفس

انا واحد من الناس في مشيغان اشتاقيت لزوجتي واهلي وردت ارجع ازيارة للعراق وما عندي الكرين كارد وقابلةالظابط المسؤل وانطردت ما يحقلي كلمن وحظة

لا تنسون بمناسبة اﻻربعينية اشكد ناس راحت للعراق زيارة وشنو الا جنسية عدها ﻻزم  ﻻ ماكو هيجي حجي حسب ما يكول بعض اﻻخوان

اتمنى كون وصلتلكم فكرة عن الرجوع والسفر بهاي الوثائق
84  منتدى الهجرة واللجوء / الهجرة و واللاجئين / رد: الحياة في امريكا والخوف قبل السفر في: 04:23 12/02/2014
اخوية وحبيبي الغالي
شكرا الك على النصيحة وجعلها الله في ميزان اعمالك الطيبة

هذا هو واقع الحال حاليا
واكو ناس  اغلبيتها ومو كلها تعوف الشغلات الزينة الي عددها 1000 وتركض على شغلة وحدة مو زينة
بين قوسين لغى موعد سفر وعرض حياتة للخطر واهلة والله شنو مكرم السامع ابريج ماكو يعني تلغي حلم السفر شنو ابريج ماكو
لو يلغي السفر والله ايكولون وهمه منو الي ايكولون يعني صادفت انت سالت واحد حياته معقدة بامريكا وصعبة علية يعني شراح تتوقع ايكلك تعال لازم يحجيلك عن الظروف الي يمر بيها

س محد يسال عن طريق اﻻنسان الناجح الي جان بالعراق نكرة ومن اجة الى امريكا صار صاحب رائي وشان ومرتبة مرموقة بين الناس ليش هذا ما ينذكر انا اعتبرة هذا انسان ناجح ومفكر عندة اهداف براسة حققهن واتغلب على صعوبات الحياة

واتمنى اخوانة الي يريد ايسافرون اينظرون الى النقطة الايجابية وليس السلبية في اغلب الاحيان

اخوكم علي ليو اوستن تكساس
85  منتدى الهجرة واللجوء / الهجرة و واللاجئين / رد: سؤال اذا ممكن ومشكورين مقدما في: 03:50 12/02/2014
اختي كلمن قصتة وحظة بس وية اﻻي او ام هم والسنتين ﻻن هم ماراح ايطلعون اس اي في لان ما مشمولين والبرنامج انسد وانشاء الله سفرهم العاجل
86  منتدى الهجرة واللجوء / الهجرة و واللاجئين / رد: اخوان اللة يرضى عليكم , عندي سؤال في: 03:47 12/02/2014
اخي العزيز اختي العزيزة  ارجو الاجابة 1 - هل هو مهدد؟؟   2- شنو قوميته ؟ دينة ؟

صحيح

اي غير نعرف خيوط عن الموضوع  حتة على ضوءها تكدر اتجاوب صديقك واتكلة لو استمر بالقضية لو عوف القضية وشوف حياتك بتركيا لو ارجع للعراق لو شوفلك غير دولة وانشاء الله نكدر انجاوبك على استفساراتك

اخوك علي ليو اوستن تكساس
87  منتدى الهجرة واللجوء / اجتماعيات (ترحيب، تهاني و تعازي منتدى الهجرة) / رد: تحياتي لاهل بيتي الثاني عينكاوا في: 03:11 12/02/2014
الف الف الف مليون مبروك على السفر والاستقرار ولحياة السعيدة وياربي ايسهلها عليك وعلى اهلك
والله انت اخ عزيز وانسان محترم وربي ما ضيع تعبك وانتظارك وسهل عليك وانطاك الي بالك وانشاء الله اكثر واكثر
انشاء الله ربي السفر الى كل المنتظرين والي على ابواب السفر ويسرع سفرهم ياربي

اخوك علي ليو اوستن تكساس

88  منتدى الهجرة واللجوء / الهجرة و واللاجئين / رد: اهل الخبرة والي سافروا بهاي الفترة دخلوا مهم في: 03:07 12/02/2014
عزيزنة ابو ايمن الغالي
السلام عليكم

بالنسبة الى الجنط هو صح قانون بس اوقات تعتمد على مزاجهم والحظ الي وياك انا بالنسبة الى الوزن الي عندي بيوم الي سافرت جان 14 كيلو زيادة ومشوها الي والفضل ربما ايعود ﻻخوي وحبيبي دبس وراشي ﻻن حجة وياهم وساعدني بهاي المسئلة ولخاطرة قللوا ايجوز ما اعرف وما انسة فضل ابو الوكفات اخوية دبس وراشي

بالنسبة الى الادوية اخذت وياي صيدلية كاملة اشما اكلك ما راح اتصدك من ادوية هاي انا رايح لقدر مجهول وما اعرف باجر شيصير الي احتاجة والي ما احتاجة اخذتة وياي وجبت كيس لايلون ابو السحاب الي من فوك وخليت كل طبقة مع الوصفة الي تقرة تركيبة الدوة وياها  بنفس الجيس وخليتها بالجنطة الجبيرة مالت الشحن مو بالهاند باك بس اﻻكثر شي الي ما يقبلون علية  وبصعوبة اتطلعة هو اﻻبر اقصد بي اﻻبر الباودر والابر السائل ممنوع بجميع المطارات بس اذا عندك وصفة من الطبيب او ترخيص ايكول حياتك معتمد علية تكدر اتخلي هاي الورقة بنفس كيس الابرة واتشوف  اذا صار اشكال بس انصحك بالدواء لا تخلي بالهاند باك او بجنطة الزوجة  الخاصة او الجوزدان  خليها بجنط الشحن

وانشاء الله ربي سفركم العاجل والقريب باسرع وقت ياربي وانشوفكم متهنين والحياة السعيدة ياربي

ابنكم علي ليو اوستن تكساس
89  منتدى الهجرة واللجوء / الهجرة و واللاجئين / رد: أريد جواب شافي رجاءا في: 02:54 12/02/2014
عمو وحبيبي الغالي
السلام عليكم

هذا الموضوع قبل فترة جنت اسولف وية صديقي علية ونقلي هاي الصورة الي كتلة اوكي وانطاني ابروف عليها موجود باليوتيوب

كلة ضغطت اكلك بالماوس تجيب واحد سنت كتلة هاي اشلون ما افتهمت كال اوكي انا اكلك
كال  شوف اي موقع وسجل بي من راح اتسجل راح تطلع الك كلساع اعلان منبثق اتحب اتشارك اهنا وهو افري ووووو
كتلة ما افتهمت بعدني
كال راح ابسطها الك
كلي انت شايف اﻻوفس مال كوكل او ياهو او فيس بوك او اليوتيوب كتلة ﻻ كلي اكتب وابحث وشوف هيئة اﻻوفس اشلون صايرة منين ايصرفون افلوس على هاي الموظفين والتجهيزات ووووو
كتلة اشمدريني صدك منين واحنة من ندخل على ياهو او او اليوتيوب او كوكل كلة ابلاش كال اكو ناس تخلي اعلانتها بافلوس واي ولهاي الشركات الي ذكرتها راح تاخذ من صاحب الاعلان افلوس بمجرد النقر على الماوس كتلة اوكي حلو بس هم بعدني ما مفتهم
كال اكو مثل هاي اﻻعلانات نصب واحتيال واكو ﻻ رسمي والناس تسترزق من وراها وشغلة اصولي كتلة حلو اشلون اصولي
كلي اكتب باليوتيوب شابة اسيوية تاخذ راتب لمجرد اﻻكل امام الكامرة 3 ساعات متواصلة
طلعت المقطع صدك موجود شفتة كتلة هاي اشلون تاخذ الافلوس مالتها
كاليمشاركة بالموقع عندها كامرة اكو ناس اسمان وجاي اايسون رجيم  بس ما يكدر ياكل ومن ايشوف واحد ياكل كدامة يشعر بالسعادة كتلة الفلوس اشلون تجيها فهمني كال بضغطة الماوس الشخص راح ايسجل بالوقع وينطي سعر رمزي مثلا خمسة دولار بالشهر مجرد ايباوع على الكامرة وهاي البنية عدها اي بي خاص بمجرد الظغط على الماوس راح يتحول كم سنت الى حسابها واحسب انت جم شخص مسجل وجم شخص راح يدخل باليوم وخاصة باسيا فيوصل الافلوس مالتها الا 10000 $ بالشهر وهيه مجرد نقرة ماوس ﻻ اكثر كتلة حلو وكال حالها حال حشاك ومكرم اصلك الطيبمواقع البنات الي يعرضن على الكامرة كال اشكد ايربحن هذن بروس الناس الي تسجل وتدخل الهم يومية من جميع انحاء العالم

وكلي نصيحة الك اخاف يوم من اﻻيام اتسجل باي موقع اي شي الي جان ﻻزم تقرة البولسي مالتهم حاول تقراها وتفتهم منها ﻻن القانون لا يحمي المغفلين وخاصة بامريكا
تلة اشلون
كال تدخل على موقع اﻻشتراك مالته 3 $ بالشهر وانت فرحان دخلت المعلومات مالت البنك مالتك ووووو ﻻن انت متاكد حسب ما كالولك 3 $ بس تجي اتجيك الحساب مالتك وتلكاه مخصوم من عندة 700 $  ورايحة لناس او مواقع انت ما تعرفها المن ومن تجي للبنك تشتكي واتكلهم هذولة منو را ايجيكون الك وراح يلكوهم هم اصحاب القضية وانت المذنب
كتلة اشلون كلي انا اكلك بالبولسي مالتهم صحيح قطعوا منك 3 $ بس اكو فد سبع شركات مشاركة تخصم منك 100 $ كل وحدة كل شهر وكل وحدة وطريقة عملها وشتسوي الك
فلذالك من تسجل اتكون الصفحة مليئة بالمعلومات الطويلة حتة ايمللون الواحد  وتلكة البولسي مالتها طويلة جدا جدا وانت تعبان من طريقة التسجيل وهنوب اتروح تقرة البولسي ﻻ شتسوي اتروح كبل اتسوي ساين اب او تسجيل وراحت عليك السالفة
كتلة اوكي وصلت الفكرة صحيح حجيك صحيح وكال القانون ﻻ يحميالمغفلين
اتمنى اكون وصلتلك الفكرة عمو واي سؤال انا حاضر استفسرلك علية وتدلل


ابنكم علي ليو . اوستن تكساس
90  منتدى الهجرة واللجوء / الهجرة و واللاجئين / رد: السكن في امريكا في: 04:22 10/02/2014
اشكرك اخوية الغالي ابو علاوي المحترم هذا من طيب اصلك ياطيب
شكرا اخوية احمد الغالي

يا اخواني وداعتكم اكو ناس بامس الحاجة  لا صغر معلومة يحتاج يسمعها هيه ربما اتكون عابرة بس بنفس الوقت تحدث عندة تغير بحياة المقبل لامريكا  او الجديد بامريكا  اكو ناس اهنا بامريكا صحيح هيه على ارضها بس ما مفتهمة منها شي هو نفسة الامريكي ما مفتهم شي فالي عندة معلومة  خلي يبديها ولا يرجع وايكول امريكا مو زينة واحنة الي نتبطر

اخوكم علي ليو
91  منتدى الهجرة واللجوء / الهجرة و واللاجئين / رد: سؤال عن جواز السفر في: 04:10 10/02/2014
لعد الف الف الف الحمد الله والشكر
بالنسبة الى اخوية امين انا اسف ﻻن اعتقدتها بالعراق واذا باﻻردن هذا بحث اخر ﻻن ماراح تحتاج الجواز ابد ابد اصﻻ وانا من حجيت ﻻن هذا ما جرى بالعراق  وجان الحجي مالتي على العراق
بالحمد الله والله خوش اخبار مفرحينها لعد انشاء الله يوم سفر ام حمادة والعائلة  باقرب وقت ياربي
92  منتدى الهجرة واللجوء / الهجرة و واللاجئين / رد: ابني امريكي عمره 6 اشهر و اريد هجره في: 05:40 09/02/2014
اخوان على كيفكم بالرد على صاحب الموضوع.لان مبلغ الكفالة الي موقع عليهة صاحب الماستر يعادل ضعف ما استلمة من رواتب خلال فترة الدراسة يعني مو اقل مو 11 دفتر.يعني 130 مليون فالموضوع مو سهل

+1
93  منتدى الهجرة واللجوء / اجتماعيات (ترحيب، تهاني و تعازي منتدى الهجرة) / رد: مشتاقلكم ومعاتبكم ......... ووو خبر مفرح يخص سفر الاخت راي في: 05:22 09/02/2014
يا كل الهلا برجعتك اخونة مايكل وانشاء الله ازمة وتعدي وانشاء الله اﻻمان وراحة البال وانشاء الله ربي يسهل امورك بجاه النبي
ترة اخوانك القدامى اغلبهم سافروا واغلبهم ماكاموا ايدخلون للمنتدى بسبب مشاغل الحياة بىس انشاء الله نلتم مثل قبل واكثر بهل الاعظاء الورود الحبابين بهذا البيت الطيب
وبنفس الوقت والله والله فرحتنا بسفر اختنا الغالية ريياربي ايسهل امورها ياربي وانشاءﻻالله ربي الحياة السعيدة
اهلا بيك من جديد اخوية مايكل

خوك علي ليو اوستن تكساس
94  منتدى الهجرة واللجوء / الهجرة و واللاجئين / رد: السكن في امريكا في: 05:18 09/02/2014
اخواني الكرام  تحية طيبة

مخلص الحجي وانجيبها من اﻻخير 

مريكا جبيرة وبيها ولايات خير من الله  وكل ولاية الها قانونها الخاص وكل مؤسسة مسؤلة عن الاجارات الها قانون خاص وكل مؤجر اله قانون الخاص
خلي يفتهمون بالبداية السكن اشلون ونوعياتة
اكو بيوت
اكو شقق
اكو كاندو
اكو ستوديو
اكو غرفة بمكتب
اكو غرفة باخل بيت  ( اقصد تاجر بس غرة وية مجموعة ناس )

نجي على  العقود
اكو سنة
اكو 6 اشهر
كو 3 اشهر
اكو شهر بشهرة
اكو اسبوعي واكو يومي

طبعا الاغلبية جاي اتاجر بالشقق وهاي متطلباتهم صح بس ابو البيت ما يريد منك شي ايريد مقدم اقل شي مال 3 اشهر باي ولاية البيت  وابو اﻻبارتمنت يطلب  هاي الطلبات المعقدة

فاكو فرق بين ان تسكن في بيت او كاندو  او شقة عن شقة في مجمع

بالنسبة الى الخوان  هاي الجم يوم اشوفهم بس  يحجون وايكولون تهدو وامريكا جانت حلم وامريكا وامريكا  بمعنى ادق حطوا رجليكم بالكاع
بالعكس كل تفكير براس اي واحد يفكر هيج اكلة انت غلطان من حق اي واحد ايغير وﻻية ومن حق اي واحد يغير مكان سكنة ومن حق اي واحد ايسوي الي ايريدة بس ايسوي بالمعقول اكو ناس  بردودها انحس بيهم  جايايسون الناس الي بامريكا همجين وما حامدين الله وشاكري  ﻻ بالعكس الناس الي برة حامدة الله وشاكرة الا فئة قليلة ونرجع وانكول همه مو انبياء ولا معصومين من الغلط هاي من باب  وبالنسبة للجاي يفكر هيجي وبعدة ما مسافر تعال اطلع وشوف امريكا شنو بعدين احجي والي بامريكا وجاي يسولف وايكول تهدوا وحط رجليكم بالكاع فياخي ياخي هذا رائيك انت الله حامدك وشاكرك وناعم عليك ومرتاح غيرك ما مرتاح ويحب يسال ويطلع
انا اسف اخوية العزيز اتجهنة غير اتجاه من خلال موضوعك بس اوقات اكو حجي مو محلة وجاي انلاحظة ابكل موضوع جاي ينطرح

اخوك علي ليو افرجينيا ومشيغان واوهايو وكنتاكي واوستن وسان انتونيو وكالفورنيا وانشاء الله  لويزيانا

95  منتدى الهجرة واللجوء / الهجرة و واللاجئين / رد: سؤال عن جواز السفر في: 04:51 09/02/2014
اختي ام حمادة المحترمة اخواني اﻻعظاء السلام عليكم

اذا حمودي مشخبط على جوازج الف الف الف الحمد الله على سلامة الجواز
انا بنت اختي راسمتلي بي بطة
علعموم اشلون اجة الجواز بيد الطفل اجة بعد حظة المصخم اجاة غير وهو طفل ما نعتب علية
من رخصة اخواني اشوي اريد اكعدلكم واسولف وياكم اشوي بالله اشلون الجوازات مالها علاقة بالله بالاي او ام واﻻاي او ام ميحتاجون الجواز لعد منين اتطير من العراق بيمن بالبطاقة التموينية وما ادري
ﻻتنسون ضباطنا العراقيين مع احترامي للزينين ناس ما تستحي لو مو اي او ام اذا الظابط كال يرجع يرجع لو مادري شنو هاي وحدة والاي او ام مالها علاقة بشغل الجوازات العراقية
يش انروح بعيد انا اسولفلج على حظي المصخم ويا الجواز
اغلب اخواني القدامى الي بالمنتدى يعرفون انا جوازي حولتة من جي الى اي وجيب اليف ودي اليف ومحاكم واصعد وانزل وافلوس وصلت 40 ورقة لمن ما جبتة وقبل السفر مالتي بيومين يالله صدر الجواز وسافرت اللع ينطي الصحة والعافية اخوي دبس وراشي ما انسة موقفة وياي ولله
لمهم دزيت لدبس وراشي رسالة كتلة هيجي وهيج السالفة كال اوكي راح اجيك وية المنظمة جماعة المنظمة والجوازات كال مايصير لازم يتغير الجواز كول جبت الجواز
وبهاي اﻻثناء انا بنفسي والله على ما اقول شهيد رحت للمطار دخلت للظابط وراويتة البطة المرسومة كتلة اعبر لان صاير بنص الورقة وهاي الورقة بنص الختومات والفيز ضايعة كال ابد ما تصير ﻻزم اتبدل جوازك ومرة ومرة واحد ثاني ومقدم علاني وعميد علاني بس اريد منفذ ماكو لازم يتبدل الجواز رشيتهم افلوس وصلت وياهم لل20 ورقة ماكو كلت اطلعة بفلوس بكرامتي احسن وبطﻻع الروح يالله صدرلي

فنصيحة يا اختي اتسوي بدل ضايع وليس تالف ها اسمعي عدل وليس تالف
لان البدل التالف من يصدر القرار من المحكمة الي هيه محكمة الكرادة مال الجوازات راح القاضي يكتب يسقط الجواز القديم ويصدر جوغز جديد مع العقوبة لمدة سنة كاملة بمنع السفر خارج العراق بسبب سوء الاستخدام  وبهاي السنة اجة السفر شتحطيلها وتطيب وبالنسبة للمنع مالت السفر منو ايشيلة وداعتج اتصير عليج الشخبوطة ضيم وضلايم ساليني الي وللعلم انا مخلي محامية للقضية مالتي فسوي بلاغ ضايع وخلي المعاملة تمشي وياها محامي راح ينطوج الجةاز مع العقوبة لمدة شهر والي هيه مدة تنفيذ القرار وانشاء الله اكون فدتج اشوي ولو جان اخوي دبس وراشي ﻻجان افتهمتي اكثر عن عمل المنظمة والضباط مالت الجوازات
وداعتج ﻻ يحلون ولايربطون ﻻن هذا ظابط وكلساعة جاي ﻻجيء او مهاجر رايح لامريكاايمر علية غير يسودن
لعلم انا ماجل موعدين سفر لعدم اصدار الجواز بس ربج الحمد الله فرجها قاسم النة نطلع

اخوج علي ليو  اوستن تكساس
96  منتدى الهجرة واللجوء / الهجرة و واللاجئين / رد: اول 3 ايام بامريكا وراح اغير الولاية .. في: 02:27 08/02/2014
حبي الغالي عموري الوردة
اهلا بيك وحياك الله
بالنسبة الى تغير الوﻻية انا وياك وين ماتريد اتحول حول وين ماتريد اتروح انا اكلك روح والهوى بظهرك انت شاب زكرتي ماعندك عائلة يتبهذلون وياك بالتنقل وداعتك شوف خبزتك +ونستك وين واتوكل بالله محد اله علاقة بيك ومحد يكدر ايغير الي براسك اذا انت ناوي
بقت شغلة وحدة بالنسبة الى كنتاكي انت اي مدينة راح اتروح ﻻن انا جنت فترة عمل وليس سكن بكنتاكي مدينة لوفل الي هية العاصمة مالتها كفيلك الله مة مال ونسة وتعبانة الداون تاون بي شارع واحد تو وي يدخل بالداون تاون ويطلع منها ولاية بناياتها قديمة جدا وتعبانة هذا انا الي اشوفة وبكنتاكي فرحانين عندهم جسر يربط بينهم وبين انديانا والي جان قبل سكة مال قطار وهسة مسوينة اثري والناس تجي تاخذ صور شتحطلها وتطيب بس انا اكلك النسوان توب اقصد البنات من تباوع ابوجهن ايردن الروح كنتاكيات وعندك الحسب
الي انصحك بي حاليا كالاتي
اتحمل هذا الشهر اشلون ما جان اعتبرة امنية ماقبل السفر
اخذ السوشل والفود والتامين والكاش وكارت العمل وشد ابو النظيف يعني الشهر الثاني ﻻ تدفعة

واذا حاب تجي لتكساس اوستن كل الهلا بيك عين غطة وعين فراش واذا ما شالتك الكاع انشيلك فوك اعيونة انت وكل طيب

اخوك علي ليو تكساس اوستن
97  منتدى الهجرة واللجوء / الهجرة و واللاجئين / رد: لسلام عليكم اخوان.....معلومات عن التأمين الصحي في: 02:03 08/02/2014
اخوية وحبيبي الغالي
عدنة اخت عضوة بالمنتدى نفس حالتك وتستلم نفس الدواء لكن بشركة مختلفة والتامين الصحي يغطي لتكاليف العلاج بالكامل وهية في ولاية مشيغان وهذا المرض شفاك الله منه يكون التغطية له في جميع الوﻻيات وانشاء الله  اختنا الغالية راح تبعثلك ايميلعلى الخاص مفصل بكل شيء بس هيه حاليا ملتهية اشويه  وانشاء الله سالم معافى وربي يحرسك ويحميك

اخوك علي ليو تكساس اوستن

الاخ الطيب علي ليو ....

طبعا ما شاء الله عليك وعلى اجاباتك بالمنتدى منتشرة بكثرة بارك الله بيك ...
ولو اني الي عتب عليك لان كل ما اشوف الاسدين اللي حاطهم بالتوقيع اخترع ههههههههه
اشكرك على جوابك اللي يرفع المعنويات والله ....
اخوية اني ناوي اقدم لجوء من الداخل وان شاء الله اذا رهمت ينطوني لجوء
سؤالي ممكن ينطوني ادويتي مجانا ؟ ممكن انه يغطيها التأمين ؟ هل ممكن انه ينطوني تقاعد بعمر 26 سنة ؟؟؟
بالنسبة للاخت اللي بالمنتدى هم جان عدها زرع كلية ؟ ياريت والله تنطيني علم باسرع وقت ممكن اكون ممنون منك ومنها يا غالي
اي معلومة او اضافة جديدة تجيك او تخطر على بالك لا تنساني اخوية الكريم وبارك الله بيك وما قصرت.....


حبيبي قلبي اسف بالنسبة لرسالتك قريتها اشوي متاخر
بالنسبة لطلبك اﻻول بالرسالة انشاء الله راح اترد عليك انا دزيتلهم رساله قبل اشوي
بالنسبة لاستفساراتك
راح تاخذ ادويتك مجانا لان المديكيت مالتك ايغطيها
النسبة الى التقاعد بعمر 26 سنة ماكو بس بالنسبة الى حالتك بعد الفحص واذا تبين انوا انت غير قادر على العمل تنحال على التقاعد حسب قانون 4 ولايات جاي اجيك بيها اﻻن الي هيه تكساس وكونتيك واريزونا وكالفورنيا
وانشاء الله ربي تمشي امورك وتاخذ الجوء او الهجرة والاهم من هذا اتمنالك الصحة والسلامة ومعافى اولا وياربي ايكومك بالسلامة وما تشوف شر
واي استفسار انا حاضر
اخوك علي ليو اوستن تكساس
98  منتدى الهجرة واللجوء / دردشة منتدى الهجرة واللاجئين / رد: تلف الدنيا تلف ولن تتوقف . في: 07:29 06/02/2014
الغايب عذرة وياه
بس 90% من
الاعضاء يموتون
نفسهم علمود
يسجلون لانهم محتاجين معلومة
ومن يحصلوها ياعنكاوا يابطيخ
يعني مصلحة والسلام

نرجع وانكول الغايب عذرة وياه
بس مو اتخلص شغلتك اتزحلك كشر موز لاخوانك الي بامس الحاجة ولو لمعلومة تهون عليهم صبرهم ومرض اﻻنتظار
99  منتدى الهجرة واللجوء / الهجرة و واللاجئين / رد: مساعده لشخص عاد من امريكا في: 07:22 06/02/2014
حبيبي الغالي
ول شي ايروح يسوي موعد مقابلة بلسفارة اﻻمريكية في بغداد
راح ايقابل وراح ايشوفون شنو السبب الي خلاه رجع للعراق
وﻻزم ايكون السبب قوي ايبرهنة للسفارة
بين قوسين ومن اﻻخير لازم ايموت احد من العائلة  وايكلهم انا اجيت اشوف احد اهلة واتوفة راح ايكولولة وين ورقة الوفاة ايراويها الهم ويكون موعدها قبل سفرة للعراق ويفضل ايكون عمدة سوشل سكيورتي
واذا ما ك9ر يبرهنلهم واحد متوفي فخلي يرجع ايقدم على اﻻي اة ام من جديد ولو ينقبل لو لا  طبعا هذا الحجي منقول عن 3 اشخاص انا على علاقة وياهم قوية

الاول سافر للعراق ورجع لامريكا بورقة وفاة تزوير
الثاني رجع للعراق ورفضوا طلبة وهسه يسمع حسكم بسوك الناصرية ايبيع سمج
الثالث جان بامريكا ورجع وبالكوة انطوة المنظمة كيس من جديد وهو من اعظاء المنتدى العظام  ويارب اتمنى ايكون مسافر لان انكطعت اخبارة جان شايل المنتدى بتقاريرة اليومية عن المسافرين

واتمنى ربي يوص ل الى حل ويسهل علية ويسافر من جديد

اخوكم علي ليو
اوستن تكساس
100  منتدى الهجرة واللجوء / الهجرة و واللاجئين / رد: مهم بالنسبة للهاتف النقال ؟؟ في: 23:08 05/02/2014
عزيزي الغالي ابو ايمن

تحياتي الك وانشاء السفر باسرع وقت وانشوفك اهنا بامريكا
بالنسبة للتلفونات كل شخص واله رائية الخاص

وراح اشرحها الك من طريقتين او نقطتين

1- سعرالجهاز وين انسب في العراق او امريكا
وداعتك نفس الشي بالعراق او امريكا او من خلال الشركة الي عارضة واقصد اون لاين شنو تلكاه سعرة بامريكا قابل 700 $ وبالعراق 300$ كله نفس الشي ونفس الاسعار وانا نصيحتي الك اتجيبة من العراق وياك احسن ﻻن بالعراق داعم الى الغة العربية وما تظطر تجي اهنا تنزل كي بورد عربي اقصد برنامج ويومية مضروب وتعال ياعمي شايلنة واكو نقالات تحتاج الى فتح ما تشتغل بالعراق اذا حاب تاخذها وياك

2- بالنسبة الى ايفون او سامسونك
نصيحتي الك تاخذ اسامسونك ﻻن المتجر مالتة بي اهواي اهواي  app  ليس مثل متجر الايفون وجهاز حلو ويخبل وبلوتوث وكامرة راقية وايشيل رام اشكد اتحب اتخلي وكذالك اهواي امور احسن من اﻻيفون

بالنسبة للخطوط الي اهنا هاي تعتمد على شنو انت رايد من انترنت ورسائل ومكامات ومكالمات دولية ورسائل دولية ووميزات اخرى اشكد تحذف اايقل اشكد اتضيف يكثر وانا افضل شركة تي موبل ﻻن اصعد جبل اكو شبكة ادخل كهف اكو شبكة وانترنتهم ايخبل
اتمى اكون وصلتلك القليل
علي ليو
101  منتدى الهجرة واللجوء / اجتماعيات (ترحيب، تهاني و تعازي منتدى الهجرة) / رد: وأخيراااا كتبت موضوع ( موعد سفر ) في: 10:06 05/02/2014
اهلا وسهلا بيك في الوﻻيات المتحدة الامريكية وهلا بيك جاري اﻻوستني انا اخوك من اوستن اي شي تحتاجة اتدزلي ولا تتردد وانشاء الله التقي بيك و اتشوف اوستن جنة الجنان

اخوك علي ليو اوستن تكساس
102  منتدى الهجرة واللجوء / الهجرة و واللاجئين / رد: عاجل اخواني اريد عنوان كفيل فورا بكاليفونيا اني يم منظمة icmc في: 09:57 05/02/2014
اختي العزيزة اذا محتاجة كفيل باوستن انا حاضر

واي عضو من اعضاء منتدانة الغالي محتاج كفالة بمدينة اوستن تكساس انا حاضر ويدللون وكل الهلا بيكم اخواني

اخوكم علي ليو تكساس اوستن
103  منتدى الهجرة واللجوء / الهجرة و واللاجئين / رد: السلام عليكم وياهة بعض النصائح المهمة في: 07:59 01/02/2014
حبيبي علاوي
أني اخوك ابو جاسم  هههههههه

تسلم أغاني بسنة أين كلش أعجبتني هاي  المدن

تحياتي

انا اسف واعتذر اخوية الغالي ابو جاسم والنعم منك  وامسحها بي وسماح
وانشاء الله من تجي لتكساس افصلك
وانشاء الله ربي ايفرجها عليك
اخوك علي ليو
104  منتدى الهجرة واللجوء / دردشة منتدى الهجرة واللاجئين / رد: جوز للما عنده سنون هههههههههههها في: 07:26 01/02/2014
بالعباس حقها بس شنو خلي تنتظر جم يوم ياخذون الكرين كارد وترجع اذا اس اي في واذا اي او ام فلا حولة ولاقوة اﻻبالله ربي يحلها الهم انشاء الله
105  منتدى الهجرة واللجوء / الهجرة و واللاجئين / رد: السلام عليكم وياهة بعض النصائح المهمة في: 07:21 01/02/2014
تحياتي للجميع

ممكن اختنا العمدة تشوف يدلنا أكسو احد قريب واشنطن يكدر يشوفلنا أكون شغل واحد يكدر يحول مثل فيرفاكس ماناسسز فولس جارج
لان تعبت من مدينتي

تحياتي للجميع


اختي وداعتج تعالي لتكساس وشوفي ماراح تتندمين وسالي على تكساس
106  منتدى الهجرة واللجوء / الهجرة و واللاجئين / رد: رجاءحرصا على مشاعر المتضررين في: 08:39 31/01/2014
خالتي العزيزة
حساكم الله وحي الله كل اهلنا الطيبين بعين كاوة

تحية الى اخي سنكل مان والى اخي المهندس

خالتنا العزيزة من طرحت الموضوع انطرح وتقصد بي الناس الي ما تريد اتسافر وانا جنت من المعارضين لكلامها وانا معارض الى اﻻخ سنكل وبنفس الوكت معارض الك  لعد شنو الي اريدة وشنو نقطتي

الموضوع انطرح  سواء من خلال امنا الطيبة او من اﻻخ سنكل مان او من جنابك الكريم وﻻزم الكل يستقبل اي نقد ﻻن كل شخص والة اسلوبة بالكﻻم  بس ايكون بعيد عن التهجم والعصبية  موضوعك كان حول تركك الوظيفة والاهل وانت ردت اتسافر وما تكدر اتفارك هاي النقاط التي تواجها ﻻن انت تارك وعابر الى المجهول الي ماعايشة قبل وهل فكرة عدم سفرك وبقائك او سفرك وفراق اهلك وعملك بصالحك او ﻻ  وانا بهذا الكﻻم جنت مائيدك واكلك اي وياك
اجوي اخوانة اﻻعظاء وكلمن عبر عن الي بداخلة واغلبية اﻻخوة همة من المعلقين والمنتظرين والمرفوضين والمؤجلين ﻻن حقهم من مرارة تعب المنظمة اي واحد يتبادر لذهنة هذا اشكد بطران مع احترامي لشخصك الكريم وذالك لعدم طرحك الموضوع بالشكل المناسب وانا اسف مو اقصد اعلمك شجاي تكتب

بالنسبة الى كلام امنا الطيبة فهو ليس تهجم عليك او التنقيص من حضرتك بالموضوع بل على المواضيع التي كثرت هذه اﻻيام بالمنتدى  حول ترك السفر والعدول عنة و خالتنا العزيزة حبت اتوصل من خلال موضوعها عدم التلاعب بعقول الناس بطرح هكذا مواضيع وانها من احد الناس الي تاذو نفسيا من احباط
وارجع واكةل لخالتي الطيبة ياخالتي العزيزة ترة اكو قسم من الناس وليس الكل قسم من الناس اتصير عندة ضروف خاصة يترك السفر ﻻن بالبداية ما جانت هاي الظروف وياه بس بقرب موعد سفرهم تحدث امور اتخليهم ايعدلون عن قرارهم

مثال على ابسط الظروف
المسافر يحصل على عمل جان قبل ماعندة يفكر بي احسن من العمل الي راح يلكاه بامريكا
المسافر لا سامح الله يمةت احد والدية وماعندة معيل يتكل علية بالعراق ايعيل اهلة
المسافر يتعب نفسيا من اﻻنتظار والترقب الى الحلم بالسفر الي اصبح شبه معدوم
المسافر كان يكون سنكل وتزوج وشاف حياة سعيدة ماراح يلكاها بامريكا
مسافر حصل على لجوء بغير دولة بحكم ضرفة اتكون هاي الدولة الى احسن من امريكا
المسافر يعيش بحلم السفر والفرحة ماليتة بس من يجي موعد السفر ماراح يكدر ايعوف اهلة ﻻن متعود عليهم

كل انسان والة ظرفة الخاص وكل انسان اله القصة الي طرحها بالمقابلة سواء كانت صح او غلط واحنة مانكدر نحكم على اي احد وعلى ضرفة الي يعيش بي واحنة منو حتة انقاضي انا لست الرب لكي اقاضيه


اﻻخ سنكل مان انسان خلوق ومؤدب واله مواضيع رنانة بهذا البيت العراقي استفادوا منه اغلبية اﻻعظاء وطريقة التهجم هيه ليست اﻻ احترام الى من هو اكبر سنا منا والدفاع عنه لان هاي شيمة العراقي الغيور  وانا جنت ما متفق مع الاخ سنكل مان فقط على التهجم  لانه كان على العام  وبين الناس والكل ترى وتتكلم لماذا وصلت الى هذه المواصيل

امنا ا الطيبة طرحت موضوع عن الكف لطرح هكذا مواضيع لانها تحبط من عزيمة المسافر
وهو موضوع طرح للنقاش والكل اتشارك حسب ما تشوفها من منظارها الخاص ﻻن كل انسان وعقليتة وكل انسان واله اسلوبة الخاص
وامنى الكل ماتاخذ بكلامي على اني اساند او مع الناس الي ما تريد اتسافر هذا مجرد رائي خاص ﻻ اكثر
وارجوا امن امنا الطيبة واخونا المهندس واخوي سنكل مان تقبل انتقادي بروح رياضية والابتعاد عن التشعب بالموضوع الى ى  بعد بعيد يؤدي الى الزعل بين اﻻعظاء

اخوكم وابنكم علي ليو اوستن تكساس
107  منتدى الهجرة واللجوء / الهجرة و واللاجئين / رد: ممكن طلب في: 08:01 31/01/2014
اختي المنظمات


1- http://www.cctenn.org/contact-us/visit-us
2- http://worldreliefnashville.org/contact/

اتمنى ان تستفادين

وفيت وكفيت مهندسنا
108  منتدى الهجرة واللجوء / الهجرة و واللاجئين / رد: السلام عليكم وياهة بعض النصائح المهمة في: 07:59 31/01/2014
عمدتنا الغالية
اهلا بيج وبرجعتج لبيتج واخوانج و اخواتج وانشاء الله الموفقية والنجاح المستمر
ومبروك نجاح الامتحان  وانشاء الله ربي يبعدج شر التكتات وياربي دوم ايخليج اتحصلين انشورنس رخيص ويكفيج شر العطلات مال السيارة
وانشاء الله يوم الي تحصلين شغل انتي وابو بيتج وتدفعين التاكس ويرجعلج اخر السنة ﻻن بي لذة من تستلميهن بايدج هههههههههه ايطكطكن بيهن الف مشروع
انشاء الله يوم نجاح ابنج ومن نجاح لنجاح وموفقية مستمرة

بقت شغلة وحدة وين اكو عمدة يدور شغل ﻻزم انتي ماتدورين اﻻ ان تنتهي فترتج كعمدة  ممتعض ممتعض
109  منتدى الهجرة واللجوء / اجتماعيات (ترحيب، تهاني و تعازي منتدى الهجرة) / رد: انطوني موعد سفررررررر في: 07:50 31/01/2014
اهلا و سهلا بيك في الوﻻيات المتحدة الامريكية
110  منتدى الهجرة واللجوء / الهجرة و واللاجئين / رد: استفسار للي عنده خبره في: 07:47 31/01/2014
ال 500 ما راح تنكطع كلها وانما تقل احتمال للنص لان عندك اطفال وال 600 ما تكفي العائله وهم هم ياخذون هذا بنظر الاعتبار .
وما تفضل به الاخوه اعلاه عين الصواب , الشغل بيه فوائد والمساعدات ما بيها اي فوائد غير الكعده  ههههههههههههههههها توكل على الله وسويلك هستوري .


اوافق عمي الفرج وااخوتي اعلاه هذا الكلام السليم واحب اضيف انت حتة لو تشتغل وبراتب بس انت تشتغل اقل الاربعين ساعة بالاسبوع ما راح ايكطعون عنك شي لان انت عندك عائلة
فالشغلة عادية انت تاخذ ساعات اكثر من الساعات المطلوبة راح ينكطع عنك الكاش
وصدكني ياخوية انت ينراد تبني هستري بامريكا ﻻن اتفيدك بالمستقبل بهواي امور والحمد الله قبل اسبوع احتاجيت الهستري مالتي ولو هو مو هستري جبير على كدي ﻻن ما صارلي فترة بس على نقاط بانيها رفعتني من الكاع للسما
111  منتدى الهجرة واللجوء / الهجرة و واللاجئين / رد: لسلام عليكم اخوان.....معلومات عن التأمين الصحي في: 09:08 30/01/2014
اخوية وحبيبي الغالي
عدنة اخت عضوة بالمنتدى نفس حالتك وتستلم نفس الدواء لكن بشركة مختلفة والتامين الصحي يغطي لتكاليف العلاج بالكامل وهية في ولاية مشيغان وهذا المرض شفاك الله منه يكون التغطية له في جميع الوﻻيات وانشاء الله  اختنا الغالية راح تبعثلك ايميلعلى الخاص مفصل بكل شيء بس هيه حاليا ملتهية اشويه  وانشاء الله سالم معافى وربي يحرسك ويحميك

اخوك علي ليو تكساس اوستن
112  منتدى الهجرة واللجوء / الهجرة و واللاجئين / رد: هل من الممكن تغير الولايه عند الوصول مباشرة ؟؟ رجاء اصحاب الخبره افيدونا في: 08:58 30/01/2014
حبيبي الغالي

يكدر ايغير ولايتة من يوصل وعادي كلش لا مجبور ولا شي ولا احد كاظ سيف علية
عندة كفيل ما عندة كفيل يكدر ايغير
انا قبل سفري ب7 ايام ردت اغير الولاية ودزيت للمنظمة كالوا ما نكدر انغيرك لان تستغرق وقت طويل عفت السالفة وكلت اروح للوﻻية الي رايحلها وبعدين اغير
وصلت فرجينيا  استلمني الكفيل والكيس وركر هاي هاي السلام السلام حبي كتلة وين ماخذني كال للشقة كتلة حبي اريدك تاخذني للفندق وتحجزلي ﻻن انا اريد اسافر الى مشيغان ماريد فرجينيا كال ﻻ وين حلوة ابقة كتلة ما اريد احجزلي فندق بعد عمك
حجزولي فتدق وانطوني الولكم مني مالتي كامل وكصوا من عندة اجار الفندق 3 ايام والباركنك مال سيارة الكيس وركر الي اجاني بالمطار وكص افلوس صابونة ومعطر وشامبو وكص افلوس العشاء اول يوم
رحت للمنظمة مالتي الي بفرجينيا كتلها سدي الكيس مالتي اريد الى مشيغان كالت محد راح يستقبلك اهناك كتلها ميخالف سدي وقعت وانطوني ورقة اسمها الفيس شيت بيها معلوماتي يمتة دخلت وشنو مستحقات مستلمها من او ل منظمة استقبلتني  وانطيتهم عنواني الجديد الي بمشيكان وكتلهم من يجيكم كارت العمل مالتي والبل مالت الطيارة او اي شي دزو على هذا العنوان
وصلت لمشيغان طرقت ابواب المنظمة الوثرية ما استقبلتني رحت للولفير الي بمشيغان المكان الي يصدرون بي الفود ستامب والكاش والمدك كعدت مليت اﻻوراق كتلهم بوية كلشي ما مستلم من فرجينيا بس الولكم وراحت افلوسة حجز طيارة وجنط  وهاي الورقة مال الفيس شيت مالت انا ودزو فاكس للجماعة واتكدو ما مستلم شي
الحمد الله وافقولي غصبن ما عليهم ﻻن انا ما مستلم من اي مكان قبل هاي اول مرة فعادي سلموني اياهن باسبوع
وطلعت السوشل سكيورتي بايدي رحت علية وطلعتة ترة عادي مو معظلة
حولت لتكساس الفود ستامب ليومك استخدمة والكاش مال مشيغان استلمهن بتكساس نفسها مالهم علاقة من اي ولاية صادر خسرت بس التامين الصحي ﻻن مالت مشيغان عندي ما يشتغل بتكساس
منظمة تكساس رحت اقدم عليها ناس اتكلي سد مال مشيكان وافتح بتكساس وناس اتكول عوفة طبعا من موظفي المنظمة اخر شي عفتة  استخدمة مالت مشيكان بتكساس


ايجوز انا من حولت لان سنكل ما استقبلوني المنظمات العاوية
بس العوائل من ينتقل من وﻻية لوﻻية يستقبلوهم


اخوكم علي ليو تكساس اوستن
113  منتدى الهجرة واللجوء / الهجرة و واللاجئين / رد: السفر بعد 5 ايام وحيرة ترك الاهل والوظيفة والحياة الجديدة؟؟؟ في: 04:59 30/01/2014
اخوية الغالي  وحبيبي المحترم
انت انسان مثقف واصل درجة علمية اتخليك اتميز الصح من الخطاء

ارجوا تقبل نقدي وانتقادي بروح رياضية

بلنسبة الك انت من قدمت على اساس انت مهدد واهلك مهددين
وماكو منفذ لحياتك العزيزة بس امريكا  وصححلي اذا انا غلطان

اذا انحصرت وانحصرت حياتك بالقتل لا سامح الله وين تنطي وجهك وين ااتروح وشنو وسيلة هربك
انا اكلك شنو هيه السفر الى كردستان او الى الدول العربية او المجاورة
انت مجرب العيشة بكردستان انت مجربها بالدول انت شايف الذلة بيها  ومن هذا الباب انت قيس

بس لو عندك انت كرين كارد صدكني تجي بي معزز مكرم تدخل بي امريكا ومحد ايكلك على عينك حاجب
هذا هو وسيلة نجاتك الحالية والمفتاح الي بايدك اﻻ ان رب العالمين يسهلها عليك
ﻻن انت ماتعرف شراح بجينة بالمستقبل اهنا بللعراق شنو من حزب دموي جديد

قبل حزب البعث وصدام  ياهو يتوقع ايطيح فلشنة وخرب بيوتنة بحروبة وراح حالة حال الي راحو من قبل
اجانة القاعدة وجيش المهدي وقتل وسلب باسم الدين وهم ربك وكف عد حدهم
هسه طلعنة داعوشي وهم ربك يجي يومة ويخلص العراق منة
اجر ماتدري منو راح يجي ويقتل اﻻبرياء باسم الانسانسة والديمقراطية

فياخي العزيز
تعال واتوكل على اللة وداعتك كلنة عفنة وظايف واهل واحبة ومناصب ﻻجل توفير حياة كريمة لمستقبل اطفالنا واهلنا
والي ايكلك ماكو شغل كلة انت جذاب ااكو ناس اتدك الكاع برجليها وتطفر الفلوس ﻻن ناس عقلها براسها وتحب تشتغل والي يدور يحصل
الي مايشتغل ويعتمد على المساعدات والخدة فهذا انسان فاشل بحياتة  ومايعرف ايدبر امورة

ارض الفرص ارض الفرص ارض الفرص
واتوكل بالله  وتعال واهلا وسهلا بيك في الولايات المتحدة

ترة اهلك ينتظروك وعراقك وشغلك العزيز ينتظرك ﻻتتاخر علية كلة من وقتك ارجعلة من تاخذ الكرين كارد من تجي وتشوف الحياة اهنا للناجحين بحياتهم راح افكر بعدة حلول

ا احب اصير مثل بعض اﻻعظاء الي ايكلك ليش وليش اخذت مكان فلان وفلان هاي ارادة رب العالمين واحجيها الى كل عضو من اﻻعظاء واقصدها الله شقاسملك ايصير اتسافر يسفرك بارادتة ما تسافر لو مو يجي ما تسافر الله ايكول ما تسافر اتريد تكفر بي واتكلة ليش ماسفرتني وخليتني على الجدولة
فعيب من بعض اﻻعظاء يتهجم على اعظاء انت اخذت وانت ما سويت مجال لثاني ارادة الرب هاي خلاك هيجي
كل انسان حر بتصرفة ماعجبني اسافر يا اخوان ليش نتهجم عليهم  ايجوز عدنة ضروفنة الخاصة الي تحكم هيجي وقبل ماجانت من قدمنة بس هسة حبكت يعني اشلون كلمن يجي ايصير ابو زيد الهلالي زمانة
وللعلم اتمنى الكل اتسافر وترتاح وتتهنى بالحياة السعيدة الي رب العالمين وفرها النة بامريكا والي ما موجودة والي ما راح اتصير ابد بالعراق .

اخوكم علي ليو -تكساس اوستن
114  منتدى الهجرة واللجوء / مواضيع قبل السفر / رد: موسوعة الجنط والشغلات التي تاخذها وكلمة اتندمت في: 08:34 27/01/2014
مرحبا اخي علي اني متابعة موضوعك هاذة من يوم الكتبتة ولحد الان فياريت تكتبلنة شنو الأشياء الي فادتك وشنو الأشياء الي تندمت لان ماخذتهة وأريد معلومات عن اوستن لان ان شاء الله من نوصل نحول عليهة
اشكرج اختي ام جنات على الدخول والمشاركة والمتابعة

بالنسبة لﻻشياء الي فادتني يعني ﻻنو انا اعزب فاكيد راح تختلف عن ابو العائلة

صوري
نقالي
ﻻبتوبي
برامجي الي اقصد بيها اﻻقراص
ادويتي
النظارات الطبية والعدسات الطبية
مفاتيح الجنان وسجادة الصﻻة والتربة
وجوه المخاد
اﻻركيلة
شهاداتي

بلنسبة للاشغلات الي اتندمت ما اخذتها

اهلي وزوجتي  هههههههه
اﻻورك  مالتي ﻻن شرقي واهنا غالي
اﻻحذية الرسمية ﻻن اهنا غالية واستوك وفالحين بس بالاحذية الرياضية شلبس وية القاط بالله
واكو شغلات خاصة بية اتندمت ماجبتها

بالنسبة لاوستن
حلوة
 وغالية
وبيها الطابع المكسيكي الي يطغي على تكساس  عموم
فرص عمل اهواي
العراقيين قليلين مو مثل هيوستن
مدينة تعتبر العاصمة مال تكساس
الداون تاون احلى داون تاون شفتة  من خلال سفري لهواي وﻻيات بامريكا
الناس عنصرين حسب المكان الي تقصدي اكو زينين واكو عنصرين
مستوى الجريمة معتدل
المخدرات والسرقة نسبتها 45%
جامعة تكساس الي بالداون تاون حسب احصائية 2013 تصنف بالمرتبة الرابعة من عشرة  اﻻوائل
حسينية وحدة باكستانية او هندية
محلات الحلال على عد اﻻصابع 2 او 3
السكن واﻻجار غالي بالقرب من الداون تاون 700 الى 2000
خارج الداون تاون 500 الى 650
طابع السكن هو المجمعات السكنية اﻻكثر
واهواي حجي  واهواي امور شنو الي بالج سالي واجيكة الج والله ايسهل عليكم

واهلا و سهلا بيكم في الوﻻيات المتحدة الامريكية

اخوج علي ليو تكساس اوستن
115  منتدى الهجرة واللجوء / مواضيع قبل السفر / رد: موسوعة الجنط والشغلات التي تاخذها وكلمة اتندمت في: 08:15 27/01/2014
رفع للمساعدة

اشكرك اخوي عادل للرفع والمساعدة
116  منتدى الهجرة واللجوء / مواضيع قبل السفر / رد: المقابلات في منظمه الهجره IOM من الالف الى الياء في: 08:10 27/01/2014
 اخواني واخواتي حبيت ارفعلكم الموضوع من جديد للاخوة الي مقبلين على المقابلة اﻻولية ةالي ماعدهم اي معلومة حول المقابلة الاولية

تحياتنة ﻻخوي عكعك
117  منتدى الهجرة واللجوء / الهجرة و واللاجئين / رد: سؤال حول كم سعر تذكره من العراق الى الولايات المتحدة الامريكية في: 02:40 27/01/2014
ادخل على موقع اسمه sheapoairوتفرج براحتك على الاسعار اكتب الدوله الي تطير منه والي توصل الها مع التاريخ واذا تريد هم احجز مناك اني على طول اسوي هيجي احجز عن طريقه ..


من بعد اذنك اخوية الغالي
الموقع هو     www.cheapoair.com
وهذا الموقع حار وطيب ومكسب
كلة احجز اون لاين من عندة
ﻻن هاي ارخص شي وانا شغلتي سياحة وسفر

خوك علي ليو تكساس
118  منتدى الهجرة واللجوء / الهجرة و واللاجئين / رد: تفاصيل رحلتي الى بسمارك نورث داكوتا في: 02:35 27/01/2014
االف الحمد الله على سلامة الوصول
واهلا وسهلا بيك بالوﻻيات المتحدة الامريكية

البرد شدة وتزول ونورث داكوتا ولاية حلوة وناسها مسالمين وغير عنصرين بس البرد قاتل بيها وياذي

اخوك علي ليو تكساس اوستن
119  منتدى الهجرة واللجوء / الهجرة و واللاجئين / رد: جماعة IZ-117 في: 07:57 26/01/2014
اخوي الغالي
انشاء الله ربي يفرجها عليك وعلى جميع المقدمين
انا 117 وسافرت بشهر السادس 2012 وتقديم بغداد 2008
ربي انشاء الله تسمع اخبار حلوة وسفر سريع

اخوك ليو تكساس اوستن
120  منتدى الهجرة واللجوء / الهجرة و واللاجئين / رد: سوال مهم لاهل امريكا في: 09:51 25/01/2014
اخوية الغالي
تحية طيبة
تخربطت عندي الكلمات من سمعت موضوعك وحتة ما اعرف شكتبلك  بس انطيك نصيحة بما انو انت مقبل على سفر وكيفية التغلب على اﻻم الفراق
اتحدى اي احد ايكول انا ما احن ويضل الدمع ينزل على خدودة والعبرة خانكتة
اشكد اتريد كاتم على روحك شهر شهرين سنة سنتين ﻻزم يجي اليوم الي تطلع الي بكلبك وتكول اشتاقيت
سالوني  تشتاق للعراق كلتهم اي والعراق ما شفت منه بس الضيم
تشتاق لاهلك اي ابجي عليهم دم
شتاق لحبيبك اي اتمناه كاعد يمي
تشتاق لاصدقائك اي شاركت وياهم الحزن والفرحة
تشتاق لناسك اي همه الي كبروني وبعدهم ذلة

يجي يوم السفر وانت فرحان صدكني اتكول اي راح اطلع واكو بيهم حتة قبل السفر ما نايم يمتة اسافر وحزنان بنفس الوكت بالفراك بس مو مثل حزن ناسة
اهلك يبجون دم على الفراك  وانت بالك شدة وتهةن كلها سنة اخذ الكرين كارد وارجع
واتعدى من السنة الشهر والشهرين والخمسة اشهر وانت تبدي اتحس الدنيا اتصير ضلمة بعينك وعلى ادنى شي اتفكر ترجع  راح تبدة اتحس هاي الناس الي جانوا داير مادايرك وين بيوم الي تحتاجهم وينهم منين اتجيبهم
امريكا وناسها اتعوضني عن اهلي ﻻ انا غلطان ماكو احد ايعوضني عن اهلي
يصير عندك حنية للجوء الى اﻻشخاص العرب وتحاول قدر اﻻمكان التقرب من العراقيين لكن مع اﻻسف بعض الناس وليس الكل تراويك حنطة وتبيعك شعير حشة الناس الطيبة الي باقية على اصالتها
راح تصعد نسبة الكئابة عندك واتكول ربي ليش انا شمسوي بحياتي وهيج ايصير بية
والجنة الي مابيها ناس ما اريدها
الناس الي اقصدهم اهلي وناسي واحبابي
اكو بعض الناس من تقرة ردي راح اتكول يمعود اكو ناس نجحت بحياتهاوما حسوا بالي حسيتوا بي  انا اكلة الحمد الله الله وفقنة بكلشي ومن اجينة ﻻمريكا اكو اهداف نحققها والحمد الله اتحققت كل اﻻهداف بس بقة هدف واحد هوه ان اجتمع باهلي وناسي من جديد والي اقصد باهلي وناسي الي نزلت الدمعات من عينة علية بيوم ابتعدت عنة

انشاء الله تتغلب على هاي المحنة وربي يخليك الوالدة ويجمعكم سوة
بس امانة من تريد تبجي بيوم  ﻻتبجي يم احد ابجي لوحدك وراح تذكرني بهذا اليوم
اخوك علي ليو
121  منتدى الهجرة واللجوء / الهجرة و واللاجئين / رد: فرص عمل باميركا بمشاركة الاعضاء في: 09:19 25/01/2014
وفقك الله لفعل الخير اخوية العزيز  ومبادرة حلوة وانشاء الله الكل تفيد وتستفاد من خلال هاي الفكرة الحلوة وانشاء الله اﻻدارة اتثبت الموضوع اهنا بالمنتدى  واتمنى من اﻻخوة المشاركين عدم الخوض في نقاشات تخرجنا عن سياق الموضوع اﻻصلي والمشاركة  وكوم الي تعاونت ما ذلت

اخوكم البصراوي - التكساسي ليو
122  منتدى الهجرة واللجوء / الهجرة و واللاجئين / رد: ارجوكم محتاج كفيل !!! في: 09:09 25/01/2014
والله ياخوية كل الهلا بيك وتدلل اذا ايصير ايكفلك واحد ماعندة جنسية ولا كرين كارد انا حاضر وبالخدمة اكدر اكفلك  ﻻن بعدني ما مستلم الكرين كارد وانا من اوستن تكساس  وانشاء الله االوالدة اتحصلك كفيل واذا ماكو اسال بكفالتي ايقبلون اذا اوكي شنو نوع الكفالة وانا بالخدمة تدلل

خويك علي ليو - تكساس
123  منتدى الهجرة واللجوء / الهجرة و واللاجئين / رد: هل يمكنك دخول امريكا ب 94 -1 في: 09:04 25/01/2014
عزيزي صاحب او صاحبة الموضوع تحية طيبة

بالنسبة الى الشخص الي مسافر بالوايت كارد وعندة الترفل دكيومنت اكسباير اريد اعرف بالظبط هوه وين مسافر ﻻي دةلة حاليا هوه موجود حتة نكدر انساعدة ﻻن اشوي السؤال بي غموض

اذا جان بالعراق  سالفة وحد
غير العراق سالفة تختلف
بالدول المجاورة هماتين تختلف
نوعية الترفل دكيومنت مالتة شنو

وضحولنه هاي النقاط حتى نكدر انساعدكم اكثر وباجابة ادق
124  منتدى الهجرة واللجوء / الهجرة و واللاجئين / رد: معلومات عن الــ IOM من الصغر الى الكبر على عدة مراحل في: 08:53 25/01/2014
اخوية الجبير الجادري
طفرت من يمكم  صحيح لشدة البرودة القاسية وما يوفره المناخ من جو قاسي في هذه الوﻻية ولاني لا اتحمل البرد ﻻني من ابناء الجنوب لكن بالحقيقة احن الى مسقط راسي مدينة ديربورن التي عشت بها ايامي السعيدة على اساس صارلي بيها 35 سنة وكما تعرف لقد زهقت نفسي من اﻻشخاص السود المسيئين الذين اجدهم بكل مكان في ديترويت على اساس انا سيارتي و24 ساعة افتر بنصهم وكما تعرف عدة امور واسباب كما قال اخي الجادري الصغير ( اهواي امور )  هههههههههه اشلوني بالفصحى بليغ مو ههههههه
125  منتدى الهجرة واللجوء / الهجرة و واللاجئين / رد: الزواج التجاري في: 08:44 25/01/2014
خوية لكيتلك حل وانت شوف ايفيد ما يفيد

حار ومطيب ومكسب وابلاش

تشوفلك عائلة مقدمة على اﻻي او ام عندهم بنية على وجه زواج اذا بنت اوادم دز اﻻهل ومعاملتك وياهم ويصير الحب والوئام انشاء الل واهلا بالوﻻيات المتحدة

طلعت البنية مو زينة انت ما خسران شي كلة الغايب مالتها 350 الف وهاي هية والاه وياها بس تعال لامريكا

لعلم اعرف اربع ولد بتكساس طلعوا بهاي الطريقة وهيه طريقة تسهيل اﻻمر ماكو اي ارتباط بين البنية والولد  يعني اسلاميا غير شرعيين محكميا زوجها
بين الاهل لا اعرفة ولا يعرفني لمن ما ياخذون الكرين الكارد ايطلكون بالمحاكم العراقية ولا من شاف ولا من درة

مو احسن من الشدات والدفاتر الي تطافر
اتمنى اكون فدتك ولو بالقليل



جابهة الذيب
و الله خوش فكرة و عبقرية
عاش عقلك المفكر يا ليو البطل


شسوي ياخوية الجادري انريد انفيد اخوانة الي يسافرون وانكلهم شكو ماكو احسن ما يتورطون بالقفاصة  الذي لا دين لهم
126  منتدى الهجرة واللجوء / الهجرة و واللاجئين / رد: ماذا تحتاج عند السفر (خلال السفر) و عند الوصول الى امريكا. في: 04:18 22/01/2014


شكرا الج ادارتنا الغالية
127  منتدى الهجرة واللجوء / الهجرة و واللاجئين / رد: لاصحاب الخبرة والتجربة احتاج تغير ولايتي باي ولاية تنصحوني في: 04:17 22/01/2014
اخوية الجادري البرد بمشيغان ما اتحملة ما اكدر والله ما اكدر مو بيدي هههههههه هنوب المصيبة بتكساس حارة راح ارجع اشوفلي وﻻية باردة معتدلة صيفا وارجع اشوفها واكضي بيها لللشتا
128  منتدى الهجرة واللجوء / الهجرة و واللاجئين / رد: معلومات عن الــ IOM من الصغر الى الكبر على عدة مراحل في: 01:25 21/01/2014
تسلم وربي يوفقك ويارب يتحقق هالحلم ونسافر والله تعبنه
خالتي انشاء الله السفر العاجل باسرع من لمح البصر انه السميع القدير ياربي
129  منتدى الهجرة واللجوء / الهجرة و واللاجئين / رد: معلومات عن الــ IOM من الصغر الى الكبر على عدة مراحل في: 01:22 21/01/2014
بارك الله بيك اخ علي على الموضوع و هسه عرفنا الاساسيات غير  يسفرونه هههههه
[/quote
خيتي العافية بالتداريج  ههههههه وانشاء الله تسافرين وداعتج اتصير اسوالف هنوب اتضل اتحسبين لزيارة للعراق يوم ورة يوم حتة اترجعين اتزوري شبعي منه هاي فرصة هسة هههههههه
130  منتدى الهجرة واللجوء / الهجرة و واللاجئين / رد: تغير الولاية وتاخير الكرين كارد في: 16:58 20/01/2014
والله يا اخت كويسشن  مثل ما كتلج وشرحتلج وانتي اعرف استفسري اكثر واتصلي وشوفي
131  منتدى الهجرة واللجوء / الهجرة و واللاجئين / رد: اني من المؤجلين IOM.ممكن اسافر على حسابي في: 16:53 20/01/2014
عزيزي ابو جاسم

لنسبة الى الكارت اﻻبيض الي تخجي علية يختلف اختلاف جذري عن ال94 مو نفسه والرقم الي بي مو نفسة رقم alien number
الكارت الي تقصدة هو الكارت الي ينطوة الك بالطيارة حتة تكتب اﻻمتعةةالي جايبها مع اسمك مع رقم الفيزا مع العملة وعددهها
اما ال94 بيها  departure record
اسمك
القب
تاريخ دخولك ﻻول مطار
ختم الامكريشن ﻻن مايختم بالجواز يختملك عليها
بيها رقم alien number
بيها اسم ورقم الموظف الي ختملك

اذا كنت من خلال ال IOM فانت ماعندك فيزة تدخل بيها بالجواز وانما فيزتك هية ال I-94 وينختم عليها
وحتى اذا جنت اس اي في وعندك فيزا فبرنامجك ايحولك على اﻻي او ام حتى ايكمل اجرائات سفرك

بالنسبة لمقترحك انا مثل ما وعدتك اا حاب اتوصلة الى دائر تابعة للهجرة بامريكا اكتبة وارسلة الي وكلي المن اودي وانا بالخدمة
هاي العين قبل هاي العين

تقبل مروري ومشاركتي

132  منتدى الهجرة واللجوء / الهجرة و واللاجئين / رد: معلومات عن الــ IOM من الصغر الى الكبر على عدة مراحل في: 16:23 20/01/2014
اخواني واخواتي الكرام
السلام عليكم
طبعا الموضوع قديم بس حبيت اسويلة رفع حتة يستفادون من عندة اكبر عدد ممكن من اﻻعظاء عن الية العمل وكيفية السفر الى الوﻻيات المتحدة
اخوكم علي ليو
133  منتدى الهجرة واللجوء / الهجرة و واللاجئين / رد: اوستن وهيوستن في: 13:59 20/01/2014
اختي الغالية العزيزة كوسشن

راح احجيلج كم نقطة عن اوستن الي ساكن بيها انا حاليا

انتي اتعرفين انا طالب كلية وحولت الكردت من كلية مشيغان الى جماعة اوستن تكساس وبنفس اختصاصي
كلياتها من ارقى الكليات الحلوة
اسها مرتبين وحلوين وحتة الاسبان الي بيها يختلفون عن الاسبان الي شفتهم وانتي شفتيهم بهارسنبرغ
العاصمة مالت تكساس
كثرت المحلات والموﻻت
الداون تاون الي بيها يعتبر من اجمل داون تاون يجونة من مختلف الوﻻيات بحيث الجمعة والسبت تباوعين الها عبالك فد كرنفال وليس يوم عادي
السكن بيها رخيص باماكن من 500 الى 650 ومن 650 الى 100 حسب المكان
اغلبيتها مجمعات سكنية وبطراز جميل وحلو
العمل متوفر بجميع اﻻختصاصات
توجد فيها الكثير من المحلات الحلال
المنظمة الي بيها مو خوش منظمة  رائي شخصي طبيت السلام السلام ماعجبني كلامهم الله وياكم ماعندي شي وياهم ملفي على حطتة باقي مشيكان

واي سؤال انا حاضر بالخدمة

134  منتدى الهجرة واللجوء / الهجرة و واللاجئين / رد: اني من المؤجلين IOM.ممكن اسافر على حسابي في: 13:38 20/01/2014
اخوية ابو جاسم العزيز

اشوي اريدك تنتبه وياي وتجاوبني على اسئلتي
المقترح لمن ؟
انت كلت انا سافرت ﻻمريكا اهواي
اعتقد جانت عندك فيزا بوكتها بجوازك مو ؟
شنو علاقة الوايد كارت بالفيزة ؟
ممكن اتفهمني الوايد كارت شتقصد بي ؟
وانت ذكرت الوايد كارت بسيطة شغلتة ومسوي اهواي اشلون سويتة ؟
كم مرة انت مسوي الوايد كارد ؟

جاوبني على اسئلتي وحدة وحدة شرط
وانا طلبك اخذا بيدي للمنظمة اﻻبية بامريكا اقصد المقترح مالتك
وياها تقرير بالفيديو حتة تتاكد وصلت بس بشرط اتجاوبني على اسئلتي

للعلم اسئلتي ليست استفزازك او التنقيص من حضرت شخصك الكريم
ايجوز اانت اعلم بشغلات انا ما اعرف بيها اهنا بامريكا وحابب انقل صوتك والمساعدة ﻻ اكثر ولا اقل

مع تحياتي لمبادرتك الكريمة
135  منتدى الهجرة واللجوء / الهجرة و واللاجئين / رد: اني من المؤجلين IOM.ممكن اسافر على حسابي في: 12:47 20/01/2014
على كولة لورنس ماكو هيجي فقرة

ولو اكو وتكدر مالكيت احد من المعلقين والمؤجلين موجودين جا هسه كلها بامريكا واخذت الستزن وداعتك اكو جماعة بالعراق مكملين من 2008 واليومك ماكو شي جماعة الطابوكة الذهبية الي مستعدين ايدفعون شدات حتى ايسافرون

تقبل مروري ومشاركتي خيو
136  منتدى الهجرة واللجوء / الهجرة و واللاجئين / رد: موضوع يهم الواصلين الجدد لولاية تكساس بخصوص الطرق مدفوعة الثمن Tollways في: 12:42 20/01/2014
شكرا ستيف على الموضوع المفيد

حبيت بس انوه لاخوة اشلون ايعرفون هذا الشارع الي يدخلون اله بفلوس او لا
من اتريد تدخل للشارع انتبة اكو كلمة بالبداية مكتوب تول رود واول ما تصعد او قريب ما توصل للشارع راح تلكة كامرات مراقبة على مجسر في بداية الشارع تشبة الترفك ﻻيت اذا  اكدرت تتخطاها اطلع من اقرب اكزت يجيك ما كدرت اقبل بقدرك واذا انت حاب تطلع بي اتوكل بالله

واحب انوه على ناس مسوية روحها ابو جاسم على القانون اﻻمريكي يابة يمعود ياههو يقرة ياهو يكتب وشمدريهم وين ايعرفوني انا وين ايرسلونها الي

جا بس اريد اعرف كامرات لمراقبة الي بالشارع المن ﻻمي تاخذلها صورة 
راح تاخذ صورة للزكة الي عندك بالجامة اﻻمامية وتستقطع المبلغ واذا ماعندك ما مشترك ترسل اليك على البريد على عنوانك
والاخ ﻻ يدري ولايدفع ولا يقرة انكليزي يجي البريد مالتها ويشمرة عبالة شركة مال انترنت وتعال اشترك وياهم لمن ما يخابروه وايكلولة تعال عليك 767 دوﻻر بكلبي كتلة حل تستاهل يالله روح طلع السانك اشو قبل صاير ابو جاسم هسه خنست وسكتت جان ايكول والله حرام حرام ايقشمرون الناس جان انا اعصب واعيط بي وكتله هيه العايزة بعد ايكتبون قطع بالعربي وايكلولك ﻻتدخل الطريق بفلوس هذا جزات الي صارلة 5 سنين بامريكا وما متعلم انكليزي حل والله حل
137  منتدى الهجرة واللجوء / اخبار الهجرة و اللجوء / رد: الإمارات تمنع دخول العراقيات غير المتزوجات ممن لم يكملن الثلاثين عاما في: 12:28 20/01/2014
اخواني الاعظاء المحترمين

الموضوع ليس موضوع  شريف وغير شريف وبلد متحضر وبلد غير متحضر

كل البلدان الي بالعالم بيها الزين والي مو زين واصابعنا مو كلها سوة وان خليت قلبت

الموضوع اخواني  موضوع منع المراءة من السفر والغير متزوجة ووووووووو
موضوع خطير بالنسبة الى ان بعد لا انا ولا انته ولاهو ولا هيه را تكدر اتسافر وية بنية اقل الثلاثين الى اﻻمارات
والي اقصد بيهن بناتنة واهلنة الشريفات العفيفات لغرض اداء زيارة الاهل او السياحة او العلاج
وبهذا القرار  من حكومة دبي عمم على الكل بدون استثناء منها الشريفة والغير شريفة
بس اريد اعرف يعني اذا تسافر البنية لدبي راح ايعرفوها شريفة لو مو شريفة بالمطار  سووا هذا القرار لتقليل من الظاهرة ال حسب مايدعون بيها منتشرة عدهم
فالموضوع ليس موضوع شرف وحضارة مع احترامي لشخصكم الكريم بل الموضوع منع المراءة العراقية من الدخول الى اﻻراضي الاماراتية
نتمنى من الله العلي القدير ان الحكومة تلغي مثل هذا القرار وايجاد خطة او حل مناسب يتلائم لمعيشة المراءة العراقية داخل اراضي اﻻمارات العربية المتحدة

وشكرا لنقل الموضوع

هلو علاوي
بس اتصور الي داخلة مع عائلتها او ابوها فقط او اخوها متنشمل بالقرار
ممعقولة يعني تسافر عائلة كاملة ام واب وشباب وبنات 2 او3 دون ال30
وبعدهن انسات يدخلون العائلة كلها ويبقون البنات ؟؟

ترهم هيج يعني ؟؟


كلامك معقول ومنطقي اخوية الوردة لورنس
انا اسف بالتعبير ايجوز عبرت بالغلط اقصد  وهم من يسافرن لوحدهن
شكرا لتعقيبك اخوية لورنس
138  منتدى الهجرة واللجوء / الهجرة و واللاجئين / رد: تغير الولاية وتاخير الكرين كارد في: 12:07 20/01/2014
اختي العزيزة كويسجن الغالية

بالنسبة للكرين كارد وتغير الولاية كلش حلو قبل ﻻترفعين المعاملة او بعد ما تستلمين الكرين كارد

انتي مارفعة المعاملة مالتج اتكدرين تجين من فرجينيا ﻻي وﻻية حابتها وبالوﻻية الجديدة اترفعين المعاملة
انتي رافعة المعاملة ومكملة التلقيح ومنتظرة اتبصمين انصحج تبقين لمن ما تبصمين وتستلمين
انتي مكملة كلشي ومنتظرة تستلمين الكارد انتظري استلمي وحولي
انتي مستلمتة ومكملة كلشي حولي والله يسهل عليكم

وتكدرين تستفرين من اﻻمكريشن سيرفز واتكوليلهم انا مثلا رافعة المعاملة ومكملة كلشي وجاي انتظر الكرين كارد مالتي ومال والدتي اكدر انطيكم العنوان الجديد مالتي الي بتكساس حتة اترسلونة الي على هذا العنوان والله كريم

تحياتي الى خالتي العزيزة

اخوج اﻻوستني ليو
139  منتدى الهجرة واللجوء / الهجرة و واللاجئين / رد: بصمة السفارة في: 11:49 20/01/2014
اخوية وحبيبي الغالي
الي اكدر اساعدك بي تبعث بسؤالك الى اخونا الن في بلد العجائب وينطيك معلومات مفصلة ﻻن الشخص الي عندة خبرة بالبصمات وما يدور بالدول اﻻوربية ومن قصص صارت وياه ومرت بي
وانشاء الله هم اﻻخوة والاخوات الي باوربا راح ايسعفوك باﻻجابة
اما بالنسبة لجوابي فهو مايكدر يستقبلونة بفلندا ﻻن بصم لدولة الجيك واذا ايريد يطلب لجوء فبس الجيك تستقبلة ﻻن من راح ايبصم بفلندا راح يلكوه مبصم على الجيك والجيك من ضمن دول اﻻتحاد اﻻوربي

ودمتم للنظال سالمين
الرفيق علي ليو
اوستن تكساس
140  منتدى الهجرة واللجوء / اخبار الهجرة و اللجوء / رد: الإمارات تمنع دخول العراقيات غير المتزوجات ممن لم يكملن الثلاثين عاما في: 11:43 20/01/2014
اخواني الاعظاء المحترمين

الموضوع ليس موضوع  شريف وغير شريف وبلد متحضر وبلد غير متحضر

كل البلدان الي بالعالم بيها الزين والي مو زين واصابعنا مو كلها سوة وان خليت قلبت

الموضوع اخواني  موضوع منع المراءة من السفر والغير متزوجة ووووووووو
موضوع خطير بالنسبة الى ان بعد لا انا ولا انته ولاهو ولا هيه را تكدر اتسافر وية بنية اقل الثلاثين الى اﻻمارات
والي اقصد بيهن بناتنة واهلنة الشريفات العفيفات لغرض اداء زيارة الاهل او السياحة او العلاج
وبهذا القرار  من حكومة دبي عمم على الكل بدون استثناء منها الشريفة والغير شريفة
بس اريد اعرف يعني اذا تسافر البنية لدبي راح ايعرفوها شريفة لو مو شريفة بالمطار  سووا هذا القرار لتقليل من الظاهرة ال حسب مايدعون بيها منتشرة عدهم
فالموضوع ليس موضوع شرف وحضارة مع احترامي لشخصكم الكريم بل الموضوع منع المراءة العراقية من الدخول الى اﻻراضي الاماراتية
نتمنى من الله العلي القدير ان الحكومة تلغي مثل هذا القرار وايجاد خطة او حل مناسب يتلائم لمعيشة المراءة العراقية داخل اراضي اﻻمارات العربية المتحدة

وشكرا لنقل الموضوع
141  منتدى الهجرة واللجوء / الهجرة و واللاجئين / رد: لاصحاب الخبرة والتجربة احتاج تغير ولايتي باي ولاية تنصحوني في: 11:27 20/01/2014
اخوية وحبيبي الغالي بريزون المحترم
موضوعك حلو وهذا الشي يتبادر الى اي شخص اول ما يوصل الى امريكا ويفكر يبدي ايغير الوﻻية مالتة

نا راح احجيلك على تجربتي وية التغير من ولاية لوﻻية

 ما بين فرجينيا ومشيغان وكنتاكي واوهايو وتكساس

انا ﻻ اعطي اي نصيحة بالنسبة للشخص الي يريد ايحةل وﻻيتة والي اقصد بي الشخص الي عايش فترة بيها مو الشخص الي يجي اول اسبوع بامريكا ويريد ايحول
بس اكو نقاط على ضوءها انت تختار اتعوف وﻻيتك وتغير  هذا الكﻻم  اقصد بي الي ساكن فعلا بامريكا وحاب ايغير

1-  انت سنكل او عائلة
اذا جنت سنكل فنقلتك من وﻻية لوﻻية اتصير اسهل من نقلتك اذا جانت وياك عائلة ﻻن السنكل ايجيبها منا ايخليها منا يكدر ايدبر روحة وسوالي ابو العائلة شراح ايسوي اذا  الناس راوتة حنطة واجة لكاه شعير
ابو العائلة عندة ارتباطات اطفالة بمدارس او كليات او ناس كبار محتاجة رعاية وهاي نقلتهم نن مكان الى مكان تاخذ وقت طويل لمن مايرجع مثل ما جانوا متعودين علية بالولاية اﻻولى

2- شنو الي اخسرتة والي ماخسرتة
الي اقصد بي انت بشغل وجاي تشتغل  من اتحول تلكة نفس الشغل او اصعب من هذا الشغل او ماراح اتحصل شغل والدفع اشلون راح ايكون اقل او نفسة او اكثر
اجار السكن الي تدفعة ﻻزم تحسب احسابك اشكد جنت تدفع واشكد راح تدفع وهل سكنك قرب شغلك الجديد او ﻻ والسكن مالتك مريح او غير مريح يعني مقارنة بين االحالي والي راح تقدم علية
الناس الي ساكن يمها حاليا مساعدين عنصريين عصابات مخدارات ومن راح اتروح من هذولة الناس الي راح تكعد بالقرب منهم
الغة الي تستخدمها حاليا هل هيه مساعدة لك وطريقة تعامل الاشخاص الي بوﻻيتك من اتروح الغة مالتك راح تبقة اتساعدك وتصور الناس راح تفتهم شنو الي تريدة
وسيلة نقلك الحالية كان اتكون سيارة اتفكر اتبيعها او تشتري سيارة جديدة بالوﻻية الجديدة او نفسها تاخذها وياك وتفيدك اهناك
ﻻنشورنس الي تدفعة للسيارة والزب كود الي راح اتروح يمة غالي او رخيص واشكد تدفع بالشهر
هل توجد اسواق عربية او محلات حلال بالمكان الجديد او بالقرب منها
هل انت لديك اصدقاء او اقارب في الوﻻية الجديدة يمكن اﻻعتماد عليهم في حال ساء الحال

3- ارتباطك مع منظمتك
هل ستتوقع عند غلقك الكيس الي بوﻻيتك الحالية  سوف يفتح من جديد بالوﻻية الجديدة
 هل تتوقع المساعدات الي جاي تحصل عليها بوﻻيتك الحالية راح اتحصل نفسها او اقل او اكثر بالوﻻية الجديدة
هل التامين الصحي الذي لديك معمول به في الوﻻية الاخرى


4-اذا كت طالب كلية او معهد او برنامج عمل
هل تتوقع الكردت مالتك مال المواد راح ينقل او تقبلة الكلية الي رايح الها
هل تتوقع البرنامج الي جاي تدرس علية متوفر بهاي الكلية الي بوﻻيتك
هل الفاينيشل ايد  مسموحلك بهاي الوﻻية
سعر الكردت بين مادة ومادة بين الوﻻية القديمة والحديثة
هل المساعدات الي جاي تاخذها  من تدخل بكلية جديدة راح تيقى او راح تنكطع

5 - اذا كنت متزوج وزوجتك محجبة
هل تتوقع ان زوجتك سوف ترتاح نفسيا بهاي الوﻻية
هل تتوقع زوجتك راح  يعارض عليها ﻻرتدائها الحجاب
هل تتوقع زوجتك راح تلكة جميع ممتلزمات المراءة المحجبة بالاسواق الي بوﻻيتك
هل تتوقع زوجتك راح اتحصل شغل بهذا المكان  بسبب الحجاب

اتمنى من اﻻخوان  فهمي لذكر الحجاب و3 حالات انا جنت حاضرها بسبب امراءة محجبة ومضايقة الناس لهم لارتدئها الحجاب وبالخصوص في وﻻية تكساس مدينة اوستن مستشفى دل بوصفها زوجة اسامة ابن ﻻدن وعدم مساعدتها وهاي السالفة سالفة طويلة مو وكتها ﻻن صارت طكني واطكك بذاك اليوم ليس الشجار على اﻻسلام والحجاب بل على تعامل امريكا والانسانية المعدومة لدى بعض اﻻشخاص الي هم فئة قليلة فاهمة موضوع الحجاب بالغلط

6- المناخ
تكدر تتحمل البرد
تكدر تتحمل الثلج
تكدر تتحمل الشرجي
كدر تتحمل المطر
هل هية وﻻية حارة او باردة

النقاط الي ذكرت اعلاه هيه اسباب الواحد ﻻزم ايخليها كدامة ويباوع عليها ويحسب بورقة وقلم وحدة وحدة قبل ﻻ تسافر او تنوي تجي وتحسبها عدل شنو جان وضعك قبل وشنو وضعك راح ايصير من اتحول
لا تخلي العواطف تسيطر عليك والحنية وميخالف الله كريم ونعمة يالله بس ﻻزم تنحسب عدل يالله تخطي هاي الخطوة
انا الي الي ايريد يجي وينتقل على سبيل المثال الى تكساس ما راح اشرحلة واكلة اتخبل وام الفرص  بس تعال وبعدين يجي وما عجبتة وانا اطلع بالوجه اﻻسود ومذموم ﻻن قشمرتني ا
ما اذم الوﻻية الي عايش بيها واسويها باب الشرجي ايجوز الي يجي راح ايشوفها هوه هذا المكان الي يحب يستقر بي

النسبة الى الاخوان الي موجودين بالعراق والي على ابواب سفر والي ما مفكرين بولايتهم  اي شي راح يختارون اتمنى يطلعون على هاي النقاط والي هيه ايجوز قليلة من مجموعة اسئلة بذهنهم بس انا اسف هاي اهم النقاط الي واحد يحسبها بالحسبان ويختار الوﻻية الي يريد ايروحلها
وبالنسبة الى اﻻخوان الي راح ايسافرون والوﻻية الي راح يرحولها مايردونها ويريد ايغيرون بالمطار من يوصلون فهذا موضوع اخر يطيل شرحة بس راح تنزل عنه مواضيع

اشكرك اخي بريزون على اتاحة الفرصة وعلى هذا الموضوع الحلو واتمنى اكون وصلتلك فكرة عن التحويل حتة تكون مستعد الها منين ماتدور وما تطيح بخطء التحويل والخسارة

تقبل مروري ومشاركتي
اخوك
علي ليو -تكساس اوستن
142  منتدى الهجرة واللجوء / الهجرة و واللاجئين / رد: الفو د ستامب في: 10:37 20/01/2014
اذا كان الانكم مالتكم عالي ايضا ينقطع الفود ستام

من بعد ادارينا الغالي

مبلغ الفود ليس مستقر يختلف من وﻻية الى ولاية
ويختلف صرفة من شخص لشخص اكو ناس ما انشملت بالفود استامب
تكدر تستخدم الكارت مالتك باي ستور داخل الوﻻيات المتحدة شلع قلع
مالتي مشغان واستخدمة باغلب الوﻻيات اهواي استخدمتة
يمنع منعا باتا بيعة او تحويل المبلغ الى كاش والمخالف يحاسب ( اكو ناس تفول بي بانزين من الكاز ستيشن ) هيه صحيح مساعدة من قبل بعض الا شخاص بس انت معرض للقضاء والمسائلة
ليس جميع المحلات تقبل الفود ستامب
المطاعم غير مشمولة بالفود ستامب
143  منتدى الهجرة واللجوء / الهجرة و واللاجئين / رد: نصيحة لشراء سيارة في امريكا في: 10:29 20/01/2014
نصيحة الى الأعضاء والزوار المنتدى المحترم
الي صارت بيه اول ما اجيت الى أمريكا اشتريت سيارة فان 2005 بسعر 3900$ طبعا سعر كلش رخيص وسيارة سياقتها حلوة وكبيرة تكفي للعائلة ، بس المشكلة هي 6 سلندر يعني أني ما اطلع هواية اصرف بالأسبوع الواحد 70$ يعني بالشهر 280$ ، وبعد فترة تطلع لخياسات مال سيارة تصليح وما ادراك ما التصليح ، نصيحتي كل واحد عنده سيارة بالعراق لمن يبيع سيارته يشتري بفلوسها بامريكا سيارة نظيفة ولا يشتري سيارة قديمة واهم شي 4 سلندر لان متصرف بانزين هواية وكل ما اشتريت سيارة اجدد أحسن ألك لان بعدين راح تتندم ، أني جانت عندي فلوس بالبداية وحرامات مشتريت سيارة جديدة   
تحياتي
كلام الاخ صحيح بشكل كبير
كلما كانت سنة صنع السيارة احدث كلما قلت العطلات و العكس بالعكس
كلما صغر حجم المحرك كلما قبل استهلاك الوقود و العكس بالعكس
لكن لي ملاحظة
السيارات الاجنبية (الياباني و الكوري و الاوربي) تعتبر اقتصادية نوعا ما لكن اسعار قطع الغيار تكون اعلى لانها مستوردة.
انا انصح بالشيفي خصوصا الماليبو
رخيصة السعر نوعا ما
قطع الغيار رخيصة جدا مقارنة مع بقية السيارات
اقتصادية جدا في اتسهلاك الوقود خصوصا الموديلات الحديثة

تحياتي

واحب اضيف  نقطة وية اخواني كل  ما جانت السيارة جديدة تبقى افلوسك بيها شما بعت
سيارتك قديمة راح اتعبك تصليح والسعر مالتها نازل بيوم الي تبيع الى ربع سعرها
نصيحة للي عندة سيارة بالعراق بيعها واخذ بفلوسها سيارة بامريكا على سبيل المثال
سيارة سايبة بالعراق سعرها 75 ورقة ======== تجيبلك اهنا بامريكا ماليبو 2011 بعدة بتراب الشركة
144  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 10:21 20/01/2014
مرحبااااااا ابن ولايتي شلونك شخبارك
انا حمد لله وصلت واشنطن ستيت مدينه كينويك وصارلي 5 اشهر مامحصل شغل ولا شي والله كريم بلكي ع الاشهر القادمه
الجو طبعا بارد مو مثل البصره هههههه مره وصلت -16 يعني تمشي بمجمده وتلبس ملابس او ماتلبس ماتفرق تمشي وترجف هههههههه
والحمد لله ع كل حال
[/quote



حبيبي الغالي الوردة عبد الله الغالي
الحمد الله من سمعنة اخبارك وبخير وصحة وسلامة
وانشاء الله اﻻستقرار وتحصل شغل وانشاء الله يرادلك اشوي صبر لا العافية بالتداريج
ولمانة بركبتك الي يصعب عليك يطيح علينة وحاضرين ابن الملحة
انشاء الله نبقة على تواصل ]
145  منتدى الهجرة واللجوء / الهجرة و واللاجئين / رد: ماذا تحتاج عند السفر (خلال السفر) و عند الوصول الى امريكا. في: 10:14 20/01/2014
الجادري احب اشاكسك مو بيدي

وشكرا لك على التوضيح بس ماكتلي ياعبد منهم هيه كلها عبيد الله
هههههههههههه بس ﻻ تكلي العبد الي بالي وبالك مال هنري فورد كوميونتي كالوج
هههههههه
146  منتدى الهجرة واللجوء / دردشة منتدى الهجرة واللاجئين / رد: عينكاوه الماضي والحاضر في: 12:56 19/01/2014
شكرا الك حبيبي الغالي
147  منتدى الهجرة واللجوء / الهجرة و واللاجئين / رد: (((سير العمليات الامنيه للتوطين للولايات المتحده الامريكيه((( ملف كامل))) ((الموضوع الشامل لكل في: 12:07 19/01/2014
وفقك الله لعملك ومجهودك الرائع بتنسيق محدث واكثر من مصدر
يرفع الى البداية لكي يستفاد من المعلومات وعن الية العمل

قبل مروري ومشاركتي اخوك علي ليو
148  منتدى الهجرة واللجوء / الهجرة و واللاجئين / رد: طلب مساعدة حول تحديد موعد السفر مع IOM في: 11:52 19/01/2014
اني اشكرك جزيلا اخ علي علي هذه المعلومات القيمة والصراحة اني داقرأ ردودك ومشاركاتك كلها وبالفعل كلها قيمة ومفيدة الله يوفقك ان شاء الله ويسرلك امرك وباقي عندي استفسار صغير حول الايميل اللي ادزلة الفيزا مالتي انتهه تعرفة واذا تعرفه ممكن تبعثلي ياه حتى  اتاكد منه وشكرا الك
تدلل خويي
Ic@iom.int
149  منتدى الهجرة واللجوء / الهجرة و واللاجئين / رد: الزواج التجاري في: 11:50 19/01/2014
خوية لكيتلك حل وانت شوف ايفيد ما يفيد

حار ومطيب ومكسب وابلاش

تشوفلك عائلة مقدمة على اﻻي او ام عندهم بنية على وجه زواج اذا بنت اوادم دز اﻻهل ومعاملتك وياهم ويصير الحب والوئام انشاء الل واهلا بالوﻻيات المتحدة

طلعت البنية مو زينة انت ما خسران شي كلة الغايب مالتها 350 الف وهاي هية والاه وياها بس تعال لامريكا

لعلم اعرف اربع ولد بتكساس طلعوا بهاي الطريقة وهيه طريقة تسهيل اﻻمر ماكو اي ارتباط بين البنية والولد  يعني اسلاميا غير شرعيين محكميا زوجها
بين الاهل لا اعرفة ولا يعرفني لمن ما ياخذون الكرين الكارد ايطلكون بالمحاكم العراقية ولا من شاف ولا من درة

مو احسن من الشدات والدفاتر الي تطافر
اتمنى اكون فدتك ولو بالقليل

150  منتدى الهجرة واللجوء / الهجرة و واللاجئين / رد: ماذا تحتاج عند السفر (خلال السفر) و عند الوصول الى امريكا. في: 11:41 19/01/2014
جا انا من اكلهم راح ايصير العمدة مالت ديربون محد ايصدكني

زين اخي فد سوال بالنسبة للناركيلة نكدر انجيبها ويانة لو متوفرة بامريكا ورخيصة

مع جزيل الشكر اخوية الجادري
151  منتدى الهجرة واللجوء / الهجرة و واللاجئين / رد: تحذير لساكني هيوستن"انتشار القمل " في: 11:28 19/01/2014
الله يعينكم
الجو الدافئ او الحار يساعد على انتشار هيج حشرات

بس بالمناسبة
قبل شهرين انة هم استلمت رسالة من المدرسة (ميشغان - ديربورن) بيهة تنبيه على انتشار القمل
بس هنا السبب معروف ما اريد اذكره
هههههههههههههههههههههههههههههه
ربي يحفظكم من شر البشر و الحشر






يعني مثلا ليش ماتذكر الموضوع ترة عادي اتشجع وكول ههههههههههه
152  منتدى الهجرة واللجوء / الهجرة و واللاجئين / رد: أُناس افتقدناهم في: 11:27 19/01/2014
عمي الجادري محد ينسا كم انتم اعلام منتدانة الغالي

خوي الغالي سوناتا  مشتاق لا ستاذي الغالي دبس وراشيالمحترم الي مع الاسف انقطع عن المنتدى الي كان يرفدنة باخر معلومات اخوانا الي يسافرون


اعظاء الي اعرفهم وعلى تواصل بيهم اﻻ اﻻن  بخير وصحة وسلامة لكن مشاغل الحياة اشوي ماخذتهم
اخونة الغالي ابو محمد ديفا العراقي  ولاية مشيكان بخير وكلشي مابي وجنة العافية
ختنة الغالية كويسجن ولاية فرجينيا  مردة من ورود الجنة
اخونة الجادري ولاية  مشيكان ومن اعلام ديربون ومرشح ان يكون عمدة ديربون
نضال سيكار وﻻية مشيكان العصابجي مال كلية هنري فورد
اخونة ابو فرقانمحدثكم من هيوستن الي هو كان ليفنك سون
عمي الغالي والاب العزيز ابو علي ولاية كونتيك بخير وصحة وسلامة  عراقي نبيل مع ولده علي
اخوكم اسطنبولي  تكساس  الباسو مشبع المكسيكان دفرات بدفراتة ومرشح ايخلوه على الحدود اﻻمريكية المكسيكية


وافتقد اﻻخوان الغالين
اوس اوس
وينها الغربة علوااااااااااااااا
رسيل زهرة الصبار
تيولب
روان
سوسو اسو
عصام
مايكل اندرية
مظلومة سوادي
Kunda
153  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 10:32 19/01/2014
ليو الوردة
و الله يا عمي مكانك فارغ هنا
و الله يا عمي قصرنة وياك و خليناك نطفر لتكساس
ههههههههههههههههههههههه
بس و لا يهمك مثل ما كتلك رتب الامور حتى نطفر يمك

اخوية الغالي الجادري الوردة مشتاقلكم حيل حيل اشكد ماتصور بس شسوي وﻻيتكم باردة ومانتحملها احنة ناس متعودين على الشرجي هههههههههه اشحلاتها انا اليوم احرك بكلبك انت ﻻبس مقبط وانا افتر بنص ردان هههههههه

وكل الهلا بيكم ﻻفرشن الهااي وي ال35 ورودا منا لمن ما توصلون يمي
154  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 10:29 19/01/2014
نورت المنتدى


نورج السابق مبدعتنا سندرلا
155  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 10:28 19/01/2014
حمدلله علسلامة وعودة ميمونة تمنياتي لك بلموفقية ولنجاح

تحياتي


تسلملي اخوية دارك الغالي واشكرك على المشاركة
156  منتدى الهجرة واللجوء / الهجرة و واللاجئين / رد: استفسار عن مبلغ الطائرة في: 10:25 19/01/2014
والله ياخوي الجادري انت اعرف بعد بالتفاصيل وانت اعلم من عندي بهذا الشي هههههههه قابل احنة نتعدى عليكم ﻻ والله حشا بس انت تعرف هو هذا البروسس الي جاي ايصير وحسب ما اتصلنة بيهم وحسب ما فادونة بي واتمنى من القدير اكون قد ساهمت ولو بشيء قليل

اخوك المتواضع دائما ليو  ممتعض  ممتعض فرح
157  منتدى الهجرة واللجوء / الهجرة و واللاجئين / رد: طياره من تركيا لامريكا في: 10:20 19/01/2014
عزيزي مهندس خالد المحترم صديقي ليس اي او ام ولا هجرة بل هو امريكي الجنسية والسفر كان على حسابة ﻻن رايح ازيارة للعراق ورجع لمناسبة اﻻربعين

بالنسبة الك اذا المنظمة اتسفرك وانت سفرك من العراق فاغلب اﻻحيان واﻻكثر سفرك على الخطوط الملكة عالية اﻻردنية  وغالبا ماتكون على الخطوط التركية او بيها ترانزيت بمطار فرانكفورت الالماني
ﻻن المنظمة الله يحفظها متعاقدة وية الملكة عالية واذا انت سفرك من تركيا طبعا على الخطوط التركية
وانت ما خسران شي ارسل ايميل او استفسر من المنظمة وكلهم ايصير على الخطوط التركية بس ما اعتقدت راح ايسوها
بالنسبة الى الخطوط التركية خطوط مريحة ومن خطوطي المفظلة من جنت اسافر بيها الى السويد والدنمارك او من كنت اسافر بصرة اسطنبول خطوط حلوة ومريحة
وكلمن ورائية بالخطوط انا عندي بالنسبة للمسافات الطويلة جربت الخطوط اﻻردنية حلوة ومريحة وﻻ باس بها

اتمنى اكون فدتك بشي من المعلومات مع خالص التحيات
158  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 23:20 18/01/2014
http://
علي ليو شوية اختصر ترة من اشوفك كاتب جريدة اتعاجز اقرا سطر يمعود هههههههه
تحياتي اخوية العزيز


والله ياخيتو question  هاي بقت يمج وانتي ﻻزم تقرين ياخوية شصار ما صار ونسيت اذكر انا اتشرفت بمقابلة ارقى واعز ناس على قلبي اﻻخت كويسجن والوالدة العزيزة الطيبة الله يحفظها  من جنت بفرجينيا وانشاء الله نرجع لزيارتكم مرة اخرة لان انتي اخت عزيزة علينة
159  منتدى الهجرة واللجوء / الهجرة و واللاجئين / رد: نصيحه بخصوص السفر؟؟؟ في: 11:53 18/01/2014


انتم اذا كلكم كيس واحد فلازم ينكتب عدد الافراد 3 واذا هو بكيس وانتي وابنج بكيس فهذا بحث اخر وتجيك امني علية ﻻن الكيس مالتة منفصل
واذا وياكم بالكيس ونفس الرقم فهاي خربطة من اﻻي او ام  ﻻنا اﻻمنية تجي على رقم الكيس وعلى عدد اﻻفراد البي مع ذكر اسمائهم  تحت رقم واحد

واذا هوة الكيس مالته لوحدة فمايكدرون ايضيفونة على الكيس مالتج  واذا كلكم كيس واحدة خربطة بخربطة منهم اذا انتي بعمان روحيلهم للمنظمة واذا انتي بالعراق اتصلي بيهم كل لحظة الا ان تحصليهم حتى لو يطلع المجيب اﻻلي ﻻكثر من مرة ظلي لحي عليهم اكثر واكثر مع الايميلات فد عشر ايميلاتبان واحد

اتصلي ودزي ايميلات وانشاء الله اتنحل وتسافرون سوة ياربي والله يعينكم

160  منتدى الهجرة واللجوء / الهجرة و واللاجئين / رد: تاجيل السفر قيل يوم واحد من موعد السفر ؟ في: 11:32 18/01/2014
اخوية الغالي التاجيل شي عادي واهواي ناس اتاجلت

لو كان اخونا دبس وراشي حاليا موجود ويانا وحاضر لوضحلك اشكد ناس نزلوها من الطيارة من بغداد واجلو سفرهم

اكو موضوع لاحد الاخوة اسمة المؤجلين لشهر اكتوبر الاسود ادخل على الموضوع وراح اتشوف ابعينك اشكد اعضاء ويانة مؤجلين من غير الناس الي الله يعلم اشكد الي ما مسجلة بالمنتدىو
161  منتدى الهجرة واللجوء / الهجرة و واللاجئين / رد: نصيحه بخصوص السفر؟؟؟ في: 11:19 18/01/2014
الي نكدر ااكولة الج هاي تجيك امني ما قبل السفر بعدة ماكامل بالنسبة لزوجج
لو كان هو مقدم الطلب يعني هوه الي راح ايكون التجيك الامني مالته مكثف لان هو الي مقدم الطلب وهو الي مشتغل وانتي وابنج بالسليم ماعليكم هذاك الود القوي

بما انوا انتي المقدم وخلص التجيك الامني مالتج كامل وانطوج موعد سفر وابنج ازغير ماعلية اي تجيك امني مكثف فبهاي الحالة شغلتين ياما خربطة من الاي او ام او زوجج كان مسافر الى دول عديدة وعلية تجيك امني فعادي اتصير

نصيحتي الج تبقين اتخابرين اﻻي اوم وتستفسرين عن السبب مع الايميلات واذا احان موعد سفركم سافري انتي وابنج ولا تاجلين ايجوز من ترفضين السفر راح تتاخرين الا ان ينطوكم موعد ثاني وانشاء الله وراكم مسافر باسرع وقت

اذا ما تكدرين اتسافرين لوحدج ولازم هوه  وياج فما عليج اﻻ اﻻنتظار الا ان  تكتمل الامنية مالتة وتنتظرين موعد سفر جديد بعد هم ودلة عقلهم يمته ايسفرون

وانشاء الله كل الخير وتسافرون سوية على هذا المةعد الي حددوا الج

اخوج علي ليو
162  منتدى الهجرة واللجوء / الهجرة و واللاجئين / رد: طياره من تركيا لامريكا في: 11:09 18/01/2014
اشكرك اخي العزيز عل الايضاح وان شالله من يصير وقت السفر ابلغكم بالتفاصيل

تدلل اخوية اي وقت حاب تحجز انطيني من المطار الفلاني الى الفلاني اشوفلك ارخص حجز وادزلك النك مالتة وتدلل بالخدمة
163  منتدى الهجرة واللجوء / الهجرة و واللاجئين / رد: نصيحه بخصوص السفر؟؟؟ في: 11:05 18/01/2014
العفو اختي بس استفسار ازغير

انتم ملفاتكم اس اي في وحولوكم سفر على الاي او ام لو انتم اصلا اي او ام
واذا انتم اي او ام  منو مقدم الطلب الرئيس بيكم ؟ انتي او زوجج او ابنج
وابنج اشكد عمرة ؟
حتة نكدر انساعدج
164  منتدى الهجرة واللجوء / الهجرة و واللاجئين / رد: السفر انتظار والكفيل في بغداد في: 11:01 18/01/2014
حبي ابو فلاح الغالي
اذا كفيلك اهنا وموعد سفر اجاك وخلال الموعد كفيلك ما موجود بالولايات المتحدة راح اياثر عليك 50% ولاتخاف منها اتسافر اتسافر
اذا انطوك موعد سفر وبهذا الموعد الكفيل مالتك سافر قبلة انت بالسليم

المنظمة تتصل بالكفيل مالتك واتكلة الشخص المكفول راح ايكون يمك بعد 4 ايام قبل يوم سفرك من العراق بيوم
وبهاي الحالة همة حاجزليك التذكرة وراح يتصلون بيك ويتصلون بالكفيل يعني شتتوقع راح يلغون التذكرة والحجوزات والله شنو الكفيل ما موجود هاي الساففة انساها

بالنسبة للكفيل مالتك الي جان موجود بامريكا والي جان بالعراق كلشي ماراح اياثر عليك الكفيل بين قوسين هو شخص المنظمة تعتبرة مساعد الها يشتغل ابلاش ايكلك روح منا وتعال منا هاي امها وابوها  مع تحياتي للكفلاء
انا كلت اياثر عليك 50% لربما انت ما تحجي انكليزي والمنظمة ماتحجي عربي ما بيها مترجم فشوي اتلاقي صعوبة واذا انت تحجي انكليزي فانت عال العال
اتمنى اكون وصلتلك الفكرة


واهلا وسهلا بيك بالولايات المتحدة الامريكية

اخوك علي ليو
165  منتدى الهجرة واللجوء / الهجرة و واللاجئين / رد: بخصوص الرفض وشمولية الكيسات ارجو المساعدة في: 10:51 18/01/2014
صديقنة الغالي

انشاء الله تسافرون
وتنشاء الولد مالتكم مسافر

ابالنسبة الى قضية الوالد ماراح اتاثر على باقي الكيسات بمعنى اذا اجة رفض للوالد باقي الكيسات مالها علاقة حتى وان كان الربط بين الكيسات قوي
بالنسبة الى مسالة قضية اهلنا الي خدموا بالشمال وبحلبجة ووووووو المحلفين يدرون 100 % الجنود والظباط  عبد مامور نفذ نفذ ما تنفذ تطير الركبة
طبعا انت 100 % اتريد دليل على هذا الحجي
دليلي هذا كاعد يمي بصفي حايط على حايط انا ويا ورتبته عقيد بالجيش العراقي سابقا بوكتها ومن اﻻخوان الي ضربوا حلبجة وحتة بالمقابلة ذاكرها واسمه معروف الرجال عبد مامور وللتاكيد اذا ا تحب اتصل علية وخلي يحجي وياك صورة وصوت وخلي يحجي ويه والدك حتة يعرف  شنو ما شنو

وابوك ﻻ يتاجل ولا يرفض ولا هم يحزنون 

خلي يجون اهنا الي بالمنتدى الي سافروا والي بعدهم منو يعرف احد انرفض جان مشارك بمالت الشمال
وهيه شنو التفاصيل الدقيقة الي ما نطاها قابل الوالد مالتك الله يحفظة جان عندة الخطط مالت الهجوم فانتم ليش متخوفين من الموضوع وتكبروه بالعكس هذا هوا الاجابة على كد السؤال
تحجي زايد وينطي معلومات زيادة مو بصالحة اتدخلة بسين وجيم هوه في غنى عنها

اخوك عليو -تكساس
166  منتدى الهجرة واللجوء / اجتماعيات (ترحيب، تهاني و تعازي منتدى الهجرة) / رد: تحيه في: 10:39 18/01/2014
ياهلا بحسن وحياك الله ويانة بيتنا الراقي عين كاوة بين اخوانك واخوتك وانشاء الله نستفاد منك ومن ابداعاتك ومشاركاتك ويانة وانشاء الله بنفس الوكت تستفاد معلومات تفيدك وتخليك تتخطي المصاعب واهلا وسهلا بيك مرة ثانية ويانة

اخوك عليو ليو -تكساس
167  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 05:37 18/01/2014
السلام عليكم اخي علاوي اتمنى لك التوفيق

خوية الغالي ديفا وجيراني المشيغاني ههههههههههه اخبارك امورك والله مشتاقلكم اهواي اهواي وانشاء الله بس يروح البرد تلكاني يمكم  سلامي لاهل
168  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 01:41 18/01/2014
والله اخ علي احلى قصه قريتها وان شاء الله الموفقيه بتكساس بس عفيه احجيلنه عنها وعن مناخها وكلشي

انشاء الله اخت همسة اوافيكم بمةاضيع جديدة عن اخر التطورات بتكساس وانشاء الله انزللكم عنها تقرير مفصل شكرا لمرورج والمشاركة
169  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 22:26 17/01/2014
الف هلا بالأخ المحترم علي ليو
نورت والله

والف الف هلا بيك اخوية المحارب النور نورك حبيبي
170  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 22:24 17/01/2014
حياك الله علاوي الغالي

حي الله المحيي خويي شكرا لك على المرور والمشاركة ياحلى اخ مميز
171  منتدى الهجرة واللجوء / الهجرة و واللاجئين / رد: رد: اخوكم علي ليو يرجعلكم من جديد الى بيته ال في: 22:21 17/01/2014
الحمد لله عالسلامة

خويي الغالي اشكرك وحاب اسمع اخبارك واخر التطورات وياك ﻻن صارلي فترة ما عرف شنو صار وياكم
واخر تطوراتكم

اشكرك اخوية العزيز ابو حسين الوردة على سؤالك
والله يا اخوية هاي رح يصير لي 4 سنوات انتظر واربع مرات عدت الفحص بابن البيطار و3 مرات كملت الامنية ورجعت انتظار ..هذا الي صار وياية والله كريم الي خلقنا ما ينسانة (حاشا لله)

اريد ربي يوفقك ويسهل امرك ويرزقك من حيث تحتسب ومن حيث لا تحتسب واتمنى التقي بيك اذا يوم من الايام ربي كتب لي سفر ...لأن اني كذلك  ولايتي (تكساس  _ دالاس) لأن انت انسان طيب وشريف واتشرف بمعرفتك

محبتي

خويي الغالي بيها صالح انشاء الله واتمنى من الرب سفرك باسرع وقت ممكن وانشاء الله اكحل عيني بشوفتك بدالاس  وهذا دليل على اخلاقك الطيبة
172  منتدى الهجرة واللجوء / الهجرة و واللاجئين / رد: من شيكاغو احييكم في: 04:37 17/01/2014
الحمد الله على سلامة الوصول اخوية

واهلا وسهلا ببك بالويات المتحدة الامريكية

نصيحة بالنسبة لتحويلك لفلوريدا  ما انصحك بي حول اي ولاية وﻻ تحول لفلوريدا
لو تجي تقارن بين فلوريدا او شيكاغو  شيكاغو احسن

نشاء الله الكل تجي اتوضحلك جماعة افلوريدا وشيكاغو
حمد الله سلامتكم خويي وانشاء الله البرد مابقى شي بس هالشهر والجو يصير حلو
173  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 01:37 17/01/2014
اهلا برجعتك اخويه وربي يسهلك طريقك ويوفقك


خالتي ام زوزو اشلونج اخبارج انشاء الله بخير وياربي انشاء الله نسمع اخباركم الطيبة اهنا تحياتي الج خالتو
174  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 01:35 17/01/2014
مساء الخير اهلا وسهلا و انشاء الله التوفيق
تحياتي

اشكرك حبيبي فروزن انشاء الله الحياة السعيدة
175  منتدى الهجرة واللجوء / الهجرة و واللاجئين / رد: طلب مساعدة حول تحديد موعد السفر مع IOM في: 01:33 17/01/2014
اخوية الغالي انت مادام دزيت الفيزا ونسخة من الجواز راح ايكون اﻻتصال بيك خلال اقل من شهر ﻻن انت الفيزة مالت بيها اكسباير وعندك موعد محدد بيها الاجراء الي جاي اشوفة حاليا شهر من استلام الفيزة
راح ايسالوك اي يوم اتريد اتسافر واقرب مطار الك وتحديد الوجهة النهائية واذا زوجتك وياك حامل او لا وباي شهر
ومن اتحد موعد سفرك والي هوة تقريبا بعد 15 يوم منورة اتصالهم والايميل الي يدزون الك راح ايرتبولك الحجز
وانشاء الله الحياة السعيدة واهلا وسهلا بيك في الولايات المتحدة الامريكية

اخوك علي ليو
176  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 01:29 17/01/2014
و هاي احلى صفگه بصراويه للبصراوي المشگاني الحلو على هالموضوع الحلو
طاگ طاگ طاگ طاگ طاگ


روح روح للكاع للكاع شعر شعر عليهم  وبعد عليهم   ممتعض ممتعض ممتعض ممتعض

اشكرك حبي الغالي ليث الوردة بس هسه مالت الله انا تكساسي
ﻻن تايد السكن مالتي يقرة تكساس هههههههه




يابه ... و لا تشيل هم
اخيك حيروح لهيوستن و انشالله اعلب هوه تكساسي و ادزلك
اكتم نفسك من هسه حتى تشتم هوه تكساسي مرتب


حبيبي الغالي ليوثي شسوي بالهوة التكساسي انا اصلا بتكساس جيبلي وياك هوة عراقي مشتاقلة موووووت هو والكيمر عرب ههههههههه
177  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 21:58 16/01/2014
و هاي احلى صفگه بصراويه للبصراوي المشگاني الحلو على هالموضوع الحلو
طاگ طاگ طاگ طاگ طاگ


روح روح للكاع للكاع شعر شعر عليهم  وبعد عليهم   ممتعض ممتعض ممتعض ممتعض

اشكرك حبي الغالي ليث الوردة بس هسه مالت الله انا تكساسي
ﻻن تايد السكن مالتي يقرة تكساس هههههههه

178  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 21:55 16/01/2014
كل الحب والاحترام لشخصكم الكريم
نورت المنتدى اخينا العزيز اهلا وسهلا

شكرا لمروركم العطر اخوية الغالي ابو ديما واهلا بعودتك الميمونة مرة اخرى
179  منتدى الهجرة واللجوء / الهجرة و واللاجئين / رد: تحويل مبالغ كبيره الى امريكا في: 21:51 16/01/2014
شكراا الكم ولاجاباتكم تسلمووون ,,, يس عندي سؤال اخر
هسه اني فتحت حساب بالبنك وانطوني كل المعلومات الخاصه بحسابي ,,, والحواله هي مبلغ مال بيع عقار بالعراق ,,,, شنو الاجراءات الي لازم اسويها ؟؟؟؟؟؟ وشنو المستمسكات الي لازم احضرها ؟؟؟؟مع العلم اني مو لاجئه ..... شكرااا للجميع

اختي مادام انتي مو لاجئة  فما اكو اي شي عادي الشغلة عادية كلش كلش شلهم علاقة اشكد عندج وبالعكس اﻻمريكان ايفرحون من راح يجي هيج مبلغ بحسابج وعلى بنوكهم اولا انتي حركتي الحساب مالتج وصار عندج هستوري وبالنسبة لو المبلغ 10 مﻻيين دوﻻر محولي الج محد يكدر يفتح حلكة وياج وايكلج هاي الفلوس شنو افلوس بيتي بعتهن بالعراق وجاي اتونس بيهن

الناس الي تحجي واتكول ﻻزم اقل من 10000 ومايصير ةاجرائات هذولة ﻻجئين واﻻجيء مايصير عندة بحسابة مبلغ جبير ﻻن حضرتة ياخذ مساعدات من الدولة ﻻن مايشتغل ويعين نفسة فمن ينزل مبلغ بحسابة جبير راح ايكلولة انت لوتي هالكد عندك افلوس وجاي ﻻحكنة على الفلوس الي ننطيها الك
فما كو اي تخوف ﻻن انتي مو ﻻجيء ولا بيها اي صعوبة اشكد ما جان المبلغ
رقم الحساب مالتج والادرس مالت البنك والفيرست نيم واﻻست نيم مالتج اتدزيهن للشخص الي ؤريد ايحول الفلوس وراح ايحولهن من بنك العراقي للبنك اﻻمريكي والعملية اتطول 5 ايام راح ترحين راح تلكين نازل بحسابج المبلغ الفلاني الي محولي الج ترحين للبنك مالتج تكوليلهم اريد اسحب المبلغ الي بحسابي كلة او قسم او تحولين بي بداخل حسابج وضريبة ماكو علية ولا نسبة بس اكو افلوس اتروح ماتجاوز ال50 دوﻻر جارج بالنسبة للتحويل والمعاملات والدكيومنت الي يسوها هم بالبنك
انشاء الله اكون وصلت الفكرة الج خيتي

واهلا وسهلا بيج بالولايات المتحدة الامريكية
180  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 21:38 16/01/2014
كل الهلة بيك اخوية علي
وممنون على التواصل وية هذا المنتدى للاستفادة العامة


وفقك الله
اخوك
مهندس سيف

اخوية مهندس سيف العزيز اشكرك حبيبي وانشاء الله نسمع بس الاخبار الطيبة عنك
181  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 21:37 16/01/2014


اهلا وسهلا اخ علي
نورت بيتك العنكاوي اخونا الكريم
تحياتي
ساوند .


اداريتنا الغالية ساوند اشكرج خيتو

من جنت بمشيغان جنت بس اريد اعرف وين انتي واشلونج لكن صعبة كلة خلف الكواليس حتة السي اي اي مايطيحون بيج وين ههههههههههه   انشاء الله ربي المزيد من التالق والابداع
182  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 21:34 16/01/2014
الحمد لله عالسلامة

خويي الغالي اشكرك وحاب اسمع اخبارك واخر التطورات وياك ﻻن صارلي فترة ما عرف شنو صار وياكم
واخر تطوراتكم
183  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 21:32 16/01/2014
بالتوفيق ورده

خوية ورفيقي الغالي نوفل الحمد الله من سمعت اخبارك وانتة بخير وصحة وسلامة

الموفقية والنجاح خويي
184  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 21:30 16/01/2014
حمد لله على سلامتك وانشاء الله الموفقية والاستقرار في بلدك الجديد.
اتمنى اسمع  اخبار حلوة عن نجاحاتك
تحياتي
Gamma فرح

اخي كاما اشكرك على المرور والمشاركة ياربي الموفقية بحياتك
185  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 21:28 16/01/2014
اهلا بيك اخ علي وكل الهلا برجعتك لبييتك الثاني عينكاوه  وان شاء الله تستقر بتكساس وتتوفق
تحياتي الك
صبيه




صبية شكرا لكي على المرور والمشاركة وانشاء الله ربي نسمع بس الاخبار الزينة عنج
186  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 21:27 16/01/2014
اهلا وسهلا بيك بيتك الثاني
اتمنالك  الموفقية والاستقرار الدائم بحياتك
الله يسهل امرك ويفتحها بوجهك ان شاء الله

تحياتي
كلوري المحبة

كلوري شكرا على المرور والمشاركة وياربي الحياة والموفقية في الوﻻيات المتحدة
187  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 21:25 16/01/2014
ابو حسين الورد

عاشت ايدك ورجلك (بس اركد شويه ) بلكي الله يفتحها عليك

وعودة ميمونة



اشكرك حبيبي سوناتا بس شسوي مو بيدي ماكدر اركد هههههههههههههه ﻻزم اشوي اكشن
188  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 21:22 16/01/2014
اهلا وسهلا بيك اخويا نورت المنتدى
وشكرا على المعلومات على واسلوبك بالكتابه
تمنياتي لك بالموفقيه
اختك ام راما
سوريه 


اختي العزيزة ام راما
اشكرج على المرور والمشاركة وانشاء الله سفركم العاجل وانشاء الله الامان بسوريا
189  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 11:19 16/01/2014
ههههههههه حبيبي اوس ترة اكو اهواي اكشن واهواي ولايات واهواي امور بس مو كلهن اجكهن جكة وحدة اشوي اشوي يوميه فلم هندي هيه الحياة ماتكلي شباقي بيها ههههه
اشكرك على المرور والمشاركة
اخوك علي ليو
190  منتدى الهجرة واللجوء / الهجرة و واللاجئين / رد: تحويل مبالغ كبيره الى امريكا في: 11:15 16/01/2014
خيتي لا المنظمة الها علاقة ولا الها اي غرض بفلوسي

انا مستلم حوالة 4 دفاتر و35 ورقة من بنك الرفدين بالعراق على حسابي في بنك اوف امريكا
طبعا انا فاتح الحساب بالسوشل سكيورتي والمنظمة تعرف الرقم مالت السوشل وتعرف شجاني اتحولت الفوس الي بحسابي سحبتهن من حسابي رحت للمنظمة وهنة كاش بايدي كلتلهم هاي افلوس دزوهن من العراق والفلوس لولد صديق ماعندة حساب كالو اوكي وليومك هذا الحمد الله لا سدوا الكاش عني ولا انكطعن المساعدات وبهذا المبلغ انرفع حسابي مالت الكردت 75 نقطة والحمد الله
191  منتدى الهجرة واللجوء / الهجرة و واللاجئين / رد: تحويل من منطقة لمنطقة بنفس الوﻻية في: 11:07 16/01/2014
ختي الغالية
ادخلي على هذا الرابط اراح تلكين تفاصيل التحويل من والى واشلون والتبعيات المترتبة

http://www.ankawa.com/forum/index.php/topic,721308.0.html

اخوج علي ليو
192  منتدى الهجرة واللجوء / الهجرة و واللاجئين / رد: مرحبا شباب ممكن استفسار في: 11:02 16/01/2014
نصيحة مجرب يومية رسالتين ولا تكل ولا تمل حتة لو توصل رسايلك الف رسالة مخسران شي انته راح اشتتوقع مثلا ايكلولك دوختنة برسايلك لا بالعكس راح ايردون الك بس ما اوصيك ابعث والله كريم وشوف النتيجة
193  منتدى الهجرة واللجوء / الهجرة و واللاجئين / رد: طلب توضيح من اصحاب الخبرة في: 10:57 16/01/2014
الأخ الكريم

أمنية ماقبل السفر صالحة لمدة شهرين ( حسب رأي أهل التجربة في المنتدى الكريم )

ونرجوا الله أن تكون هي السبب ولا شيء غيره .... وهنا سوف يتصلون بكم خلال شهر لتحديد موعد سفر جديد

أغلب الحالات المماثلة هي بسبب ضغط السفر الكبير .... وعدم وجود حجوزات طيران كافية

وأخبرك أخي بيوم سفرنا كانت ثلاث رحلات ( 100 ) لآجىء ..... مع قلة الكادر في عمان

حيث المنظمة تسعى ( للترانزيت ) لرخص التذكرة التي سيتحمل تسديدها اللآجىء

أعد أولادك للمدارس ... وأن وفقتم لسفر سريع سوف تستقبلهم مدارس أمريكا حسب أعمارهم

نوصيكم بالصبر .... مع صعوبته في أخر اللحظات


وفقتم للخير




أختكم -- أسراء

  نيوجيرزي




هذا هو الحجي المضبوط وهاي حال قسم من اخوانا الي سافرواوتاجلو وللعلم اكو ناس بعد 10 دقايق تصعد للطيارة في بغداد خابروهم ونزلوا جنطهم وعادي انطوهم موعد ثاني انشاء الله السفر 
واهلا وسهلا بيك في الولايات المتحدة الامريكية
194  منتدى الهجرة واللجوء / الهجرة و واللاجئين / رد: طياره من تركيا لامريكا في: 10:33 16/01/2014
صديقي صاحب الموضوع السلام عليكم
بالنسبة للفيزا مالتك لو تسافر بيها من اسرائيل او ايران محد ايكلك شنو انته
بالنسبة للخطوط التركية طيران مريح وهذا صديقي كاعد بصفي قبل 5 ساعات من وصل حتة بعدة بحرورتة وهاي جاي افتح جنطتة واخذ الجكاير الجايبها الي من العراق ههههههههههه
بالنسبة ﻻرخص موقع حجز هيه اهواي مواقع بس موقعي المفظل هو WWW.cheapoair.com
انت احجز وشوف وبعدين بهذا التاريخ  دور بهذا المةقع وشوف اشكد الفرق
انصحك بالسفر على خطوطين هاي احجايت صديقي ايكول لو التركية لو القطرية بس القطرية راح اتكون اشوي اغلى فرق قليل عن التركية وانت شتحب اتشوف قطر لو تركيا احجز واتوكل .

اهلا وسهلا بيك في الولايات المتحدة الامريكية
اخوكم علي ليو
195  منتدى الهجرة واللجوء / الهجرة و واللاجئين / رد: استفسار في: 10:27 16/01/2014
اخوتي الكرام حياكم الله

طبعا عندي مقولة اتكول تعب اجدامك ولا اتعب السانك وحيل اعتزبيها لان فادتني بهواي شغلات

من اكول لا تعتمد على الكال والكلت اﻻخوة ايزعلون
اكو مكان تروحلة وتستفسر من الابي من البة من المصدر الرئيسي
والسلام السلام اكو هيج خبر اذا كالو اي صح لا انا ولا انت ولا غيري ايغيرة
اذا كالو ﻻ  خلي الحجي ايطب منا ويطلع منا
راح اضربلك مثال من انفتح برنامج اﻻس اي في ورة شهر كالوا انسد خلصن الفيز هاي هية وانتم بعينكم شفتوا يمتة انفتح ويمتة انسد واشكد عالم وناس طلعت بي
اتمنى اكون وصلت الفكرة
تحياتي الكم يا اخواني
196  منتدى الهجرة واللجوء / الهجرة و واللاجئين / رد: ايهم افضل في مدن تكساس ؟ في: 10:18 16/01/2014
اخوية وحبيبي صاحب الموضوع
انا حاليا بتكساس مدينة اوستن وجاي اشوفها من احلى مدن تكساس ﻻن هيه العاصمة مالت تكساس وانا ساكن قريب جدا جدا على الداون تاون وجاي اشوفها غالية جدا ايجوز انا ماطالع برة الداون تاون وشايف اﻻجارات ﻻن شي اكيد كل ما تبعد عن الداون تاون اتصير اارخصر وهذا الشي ما راح افتيلك بي ﻻن ماكو معلومات كافية

بس راح اعقبلك على كلام شخصين عزيزين علينة بالمنتدى اخواني ليونا ستيف وابو فرقان

ترة حجيهم صحيح ستيف من سكنة تكساس واعلم بيها ونكدر انكول باغلب امورها والحجي مالتة اكدة اكثر من شخص بالنسبة لهيوستن انا التقيت بناس بهيوستن مو ويانة بالمنتدى شرحوا عن الحالة المتدنية الي بهيوستن  ماراح اكلك اتعس من مناطقنة الشعبية بالعراق لا بالعكس حلوة وجميلة بس اكو شغلات بيها صحيح احنة ما متعودين عليها بالعراق لكيناها موجودة اهنا

خونة ابو فرقان نقل حالة من الحالات والي هية شافها بعينة والا هوه لو ما عايشها ما حاجة بيها ﻻن العراقي ايحب ايعيش ويكون نفسة بس الحالة الغلط الي شافها ماراد احد ينصدم بيها من يجي ومن يوصل يلكة الها حل ويكدر يتغلب عليها

وارجع واكول حياك الله اخونة بتكساس بكل مدنها واهلا وسهلا بيك في الوﻻيات المتحدة الامريكية
اخوك علي ليو
197  منتدى الهجرة واللجوء / الهجرة و واللاجئين / رد: اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 10:06 16/01/2014
كل الهلا نور بيتنه الثني بيك
يارب تكون بخير وبالتوفيق ان شاء الله بكل حياتك
تحياتي
اختك ام شاهين


 الهلا بيج اختنة ام شاهين انشاء الله ربي اﻻمان واﻻستقرار والموفقية بحياتج الجديدة ويستر على ابو بيتج ولدج وبناتج اخت عزيزة علينة انتي .
198  منتدى الهجرة واللجوء / الهجرة و واللاجئين / رد: السلام عليكم .... معلومات عن فتح حساب بالبنك + تحديث للمقارنه في: 10:04 16/01/2014
عمدتنا الغالية
اشلونج شخبارج
مبروك السفر ولو متاخر بس شسوي عذريني امور الحياة لهتنة اشوي
بالنسبة للبنك يازين ما اختاريتي بنك اوف امريكا والي يعتبر من احسن البنوك بامريكا لما لدية من سمعة وحجيج كلة صحيح و100% بس اريد اعرف ليش جاي تفتحين باكثر من بنك والثانين ابو فارغو من اتعس البنوك وما انصحج بي
انا من عمﻻء بنك اوف امريكا عندي دبت وكردت منهم بس اجة يوم من اﻻيام والي تقريبا قبل 3 اشهر شلت التلفون وكلتلهم بوية لا اريدكم ولا اريد بنكم ولا اريد اتعامل وياكم ﻻن انتم ناس حرامية وانتم ناس ما موثوقين وناس ماتحافظون على خصوصية الكوستمر مالتكم وراح اتساليني ليش سويت هيجي  ﻻن موضوع خاص بية انا والبنك ماكدر اسولف بي وللعلم الوادم خوش ناس والكردت مالتي 10000 $ و975 نقطة وياهم  حصلتها بخلال 4 اشهر من دخولي ﻻمريكا والي ابو خمس اسنين اهنا الكردت مالتة 300 دوﻻر بعدة بس عرفت ادك ياحديدة حارة واشلون

حولت وراها على بنك اسمة  university  بنك حلو واله سمعة عريقة بكل الوﻻيات قريت الرفيوز مالتة ورحت كعدت وياهم لكيتهم يحجون حجي منطقي ومعقول وها للعلم بدون اي فوائد ولا فيي ولا 12 دوﻻر بالشهر ولا ولا ولا
من مميزاتة
تكدر تفتح الحساب الجاري  checking account  5 $      وال saving account 5 $
الكردت مالتهم  سكيور ديبوست واتكدرين اتفتحي ب 300 $
ينطون الج لون الى حد 1000 $ باول شهر حتى لو ماكو نقاط
ينطيج كارد تكدرين تشترين بي اي شغلة اون ﻻين  حتة ما ياثر
عدهم خاصية التحويل اﻻوتماتيكي بين الحسابات يعني ايحول مبلغ من الجيكنك للكردت ومن اليبوست الراتب للون الي ماخذة وانا كاعد واباوع بس واشوف شكو ماكو وال ATM  مايجرجونج لان انتي بهذا البنك
عدهم فقرة ايسموها المساعدة على سبيل المثال انتي محتاجة 500 والي هيه كحد اقصى وعندج دفتر الصكوك والكارت بي بس 1 $  اتكدرين اتحررين الجك وتدفعين الجك والبنك ينطي بس ايجرج 10 $ فقط  اتحدى اي بنك ايسويها
ليوم انا علية  دفع اجار وبل والراتب بعدة مانازلي واحتاجيت سويت جك واندفع وانا اتجرجت 10 $ انا ما احب ان اتجرج بس الحاجة للمحتاج ﻻزم ادفع ومخلي باد كردت علية


انتي دخلي علية وسويلة بحث وشوفي انتي ماحاجة ادفعين ال12 $ لبنك اوف امريكا  وانتي وقناعتج شوفي البنك وسالي علية والتقي بيهم
حتة الخطوة الي وراها راح اتكون كيفية الوصول الى 10000 $ كردت باسرع وقت مع نقاط 

وانشاء الله تتهنين بفرجينيا وربي يسهلها عليج وعلى العائلة واي استفسار بالبنك انا حاضر
خوج علي ليو
199  منتدى الهجرة واللجوء / الهجرة و واللاجئين / رد: حسين الجبوري يعود اليكم بين اهله من جديد في: 09:38 16/01/2014
حي الله اخونة ابو ديمة
والله انا فرحان كلش بسفرك واعذرني ما ادريت بسفرك ﻻن جنت مشغول وما ادخل بالمنتدى صارلي اهواي فالف الف مبروك السفر والحياة الجديدة والف اهلا وسهلا بيك بيناتنة من جديد ومشتاقين لتحليلاتك ابو علاوي الوردة
اخوك علي ليو
200  منتدى الهجرة واللجوء / الهجرة و واللاجئين / اخوكم علي ليو يرجعلكم من جديد الى بيته العريق عين كاوة بين اهلة واصدقائه في: 09:24 16/01/2014
اخواني وخواتي الكرام
حياكم الله وياهلا بيكم

انا اسف واكرر اسفي الى جميع اخواني واخواتي بهذا المنتدى الرائع والعريق الي جان يصبرني على الماسي لحظة بلحظة جنت من تضيك الدنيا بعيني افتر بالمنتدى وسالفة وسالفة منا وخبر منا يفرح كدرنة نتخطى اﻻزمة
جنت قبل اعتب على اﻻخوة واﻻخوات الي جانوا يسافرون ويديرون ظهرهم ولا يرجعون يشاركون او يشوفون شكو ماكو واكول انا بوكتها هاي هيه انتهت اتكاطعت الوادم ليش بس والله افترت الدنيا وصرت انا بمكانهم وانا الي كمت ما ادخل للمنتدى ولا اشارك بس والله والله الحياة اهنا بامريكا ما جنت متوقعها راح اتصير هيجي واتغلبت علية اهواي امور منها الحنين للوطن وعدم الشغل بس الحمد الله والشكر رب العالمين ماينسة عبدة

بداية سفري جانت وجهتي الى مدينة شارلوت سفيل فرجينيا بعد عناء سفر من بغداد الى عمان الى نيويورك وصلت لامريكا والدنيا حلوة وزاهية اضحكلها تضحكلي اول ايام مو ايروح بالكم بعيد الدنيا مو بنية ههههههههه
استقبلوني المنظمة والولد اصدقائي بفرجينيا وجانو كلش متعاونين وياية وفرجينيا ولاية حلوة
بس شسوي شاء القدر ان ما ابقى بفرجينيا واحول الى مشيغان مدينة ديربورن والمنظمة مالتي الي هيه ال IRC شافتلي سكن والاجار مالتي كلفهم 1200 بالشهر بس شنو ايدفعولي لمدة اربعة اشهر فقط ومن اجيت اجر العقد مالتي مال البيت ﻻزم سنة كاملة جا انا وين انطي وجهي بال8 اشهر الباقية منين ادفعهن حتة لو اشتغل ما اشتغل وادفعهن للبيت مية الف فكرة بالي اسويها وايجوز الشغل ما اتوفق بي منين ادفع الباقي
جيب اليف ودي اليف كلتلهم ما ابقة اريد احول الى مشيغان وتسدون الكيس مالتي واروح افتحة بمشيكان  قبل لا اسافر لمشيكان وانا بعدني بالعراق اقاربي حاول يحول الملف مالتي لمشيغان ما صار يراد فترة جبيرة وانا بالف علي يلله طلع الموعد مالت السفر كلت اروح والله كررم رب العالمين شكاتبة ايصير
كتلهم مابقة اريد احول الكيس وركر مالتي كالت اوكي بس السفر راح ايكون على حسابك مو علينة والكيس ينسد ومو اكيد ينفتح الك كتلها ميخالف لو ميشغان لو ما اريد كالت اوكي راح احجزلك بالفندق اﻻ ان انكمل اوراقك وتسافر كالها اوكي وصادف بوكتها ويكند لمن ما صار الاثنين رحتلهم انطوني الفلوس البقية مالت الويلكم مني مالتي وكصو منها الفندق الي اجروا وكصوا العشة الي جابو الي وكصو اﻻستقبال الي بالمطار وانطوني الباقي 850 $  كتلهم قبل ﻻ اروح انطوني ورقة تثبت انا دخلت لنيويورك بهذا اليوم واجيتكم بهذا التاريخ وانا مستلم منكم بس هلكد افلوس  وما مستلم اي حقوق غيرها كالو اوكي هاي الورقة الي تريدها واسمها الفيس شيت

نفس اليوم استلمت افليساتي وحجزت طيارة بنفس اليوم لمشيغان واتوكلت وصلت طبعا افلوس الولكم راحت حجز وغرامة جنط لان انا حجزت بنفس اليوم وغالية

صلت ثاني يوم رحت للسوشل سكيورتي هاي هاي انا اريد اطلع السوشل اي اخذ رقم وانتظر كملت اﻻجرائات واستلمت ورة 10 ايام خلصت رحت بوجهي للمنظمة الي بمشيغان واسمها امنظمة الوثرية
هم هاي هاي اشلونكم انا اجيتكم من فرجينيا واريد اسجل كالوا روح عمي روح انت مو علينة انت لوتي فرجينيا مصت افلوسك ومستحقاتك وجاينة اتريد ننطيك كلتلهم عمي ماﻻزم جا هيه ولية  اريد اسالكم سؤال انتم شتسون للمهاجر الجديد
الولي ننطي فود ستام ومديكيد وكاش ونلقحة وانسوي معاملتة مالت الكرين كارد ونترجم الوثائق كلتلهم هيه هاي بس الله وياكم انا اروح اقدم عليهن واطلعهن من الولفير وهاي ما اعرف شوصفها بس بكل وﻻية الها اسم خاص بمشيغان اسمها الولفير بتكساس الكريتاس المهم مكان يطلعون بي الغود والكاش والمدك

حت للولفير هاي هاي عمي الله بالخير انا اجيت من فرجينيا وانا ما مستلم منهم شي وهاي الورقة الي تثبت اوكي يابه شرايد كتلهم كلشي ماعندي اريدهن كلهن وفوكاها شغل كالةلي ﻻ وهماتين مسيطر تريد شغل احنة راح ننطيك الفود والكاشر والمديك والشغل مو علينة حاول تدور لو تروح للوثرية ايدبرولك شغل كتلهم انطوني الي عليكم والباقي على الله
الحمد الله هم 10 ايام كلشي اجة بالبريد كلهن سوة السوشل والكاش والفود والمديك

الي وصل اهنا اوجاي يقرة اكلة الله يساعدك كمل خوية ايجوز اكو فقرة اتحب تستفسر بيها وتستفاد منها

الفتنة من طلع السوشل كلشي اتسهل فتحت احساب بالبنك وبنيت كردت وسجلت بالكلية واجرت شقة احليوة وحصلت شغل والحمد الله
اشتريت سيارة وقدمت على الاجازة طبعا مو تضحكون علية 4 مرات امتحن سياقة وبالعربي ها مو انكليزي وارسب ههههههههه بس ربك سهلها والحمد الله  ومشيغان حلوة واتخبل وبيها اهواي محلات عربية واتذكرني بالعراق وادول العربية
بس بيها البرد مو حلو والثلج واحنة اهل البصرة ناس متعودين على الحر والشرجي مايطيح النة البرد فاجاني البرد واشردت بروحي العزيزة الى تكساس يم اصدقائي الى مدينة اوستن حاليا والكل اتسولف تكساس ام الشغل والفرص وصحيح بيها اهواي شغلات حلوة والداون تاون مالتها من ارقى الداون تاونات الي شفتهن حلو كلش حلو بس الكرسمس اشوي اذانة والناس التهت بي وشهر ال12 وشهر الواحد من الشهور الي بيها ايكون الشغل واكف والله كريم ننتظر والله كريم قدمنة ابلكيشنات وجاي ننتظر يومية مقابلة بس قبض ماكو

وصلت لهنا وياي اكلك شكرا للمتابعة وقراءة القصة المختصرة لان سالفتي اتطول نن اشرح ههههههههه احب اوصل المعلومة لذهن القاريء  وهذا هوه علي ليو يعود اليكم من جديد حتى اكدر اساعد الناس الطيبة وارد الجميل لهذا المنتدى الرائع الي فادني بكلشي من معلومات

تحياتي الكم اخواني وخواتي
علي ليو
فرجينيا و مشيكان سابقا تكساس حاليا
صفحات: [1] 2 3 4 5 6 7





 

 

 

Online now

مدعوم بواسطة MySQL مدعوم بواسطة PHP Powered by SMF 1.1.19 | SMF © 2011, Simple Machines XHTML 1.0 صالح! CSS صالح!
تم إنشاء الصفحة في 0.168 ثانية مستخدما 19 استفسار.