عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - IOM Freak

صفحات: [1]
1
الهجرة و واللاجئين / رد: اسئلة لمن هم في امريكا حصرا
« في: 23:29 09/08/2013  »
اي نعم اخ نيويورك لان الكيبل يتصل بجهاز ال GATE WAY والجهاز يبثلك وايرلس للشقة كلها، بس وارجع ااكدلك ان خدمة النت الي توصل الك للبيت هية عن طرق كيبل يعني مو مثل بالعراق لازم تروح تشتري نانو وتشوفلك ابو نت بالمنطقة ويبثلك، لا، الموضوع هنا يختلف كلشي بالكيبل النت التليفون التلفزيون والسبب حتى ينضمن حقك وحتى همة هم يضمنون حقهم ويسيطرون عالشغلة، يعني اتخيل وحدة من الشغلات مالت الكيبل، النت سريع وعبالي اني بعدني ابغداد فكلت دخل انزل فلم من التورنت والله ونزلت بربع ساعة وكعدت اتفرج، ورة خمس ايام اجاني بريد من الشركة يكلولي ان شركة فوكس العالمية مقدمة بلاغ عليهم ان واحد من المستخدمين مالتكم ديتفرج افلام من انتاجنا وبشكل غير قانوني >:( فهذا تحذير اول ورجاءا بالمرة القادمة راح نتخذ اجراات قانونية، اوف كلشي بحساب هنا.

2
الهجرة و واللاجئين / رد: اسئلة لمن هم في امريكا حصرا
« في: 20:57 09/08/2013  »
السلام عليكم
خدمة الانترنت بامريكا تقريبا كلها كيبل لحد الان مشفت وايرلس على حد علمي.
اني ساكن باوكلاهوما اول مااجيت لكيت اكو كيبل اسود يشبه بالظبط الكيبل مال الستلايت، يابة هذا شنو يابة هذا الكيبل من خلالة تحصل خدمة النت والتلفزيون والتليفون.
سئلت بالمنطقة لكيت اكو شركة هية مسيطرة تقريبا على خدمة النت بمدينة اوكلاهوما اسمها (كوكس) رحت عليهم، سلام عليكم السلام يابة اريد نت للبيت، الموظفة سئلتني شنو عنوانك كتلها هذا دكتة بالحاسبة كلتلي اوكي عندنا خدمة بعنوانك شكد تريد سرعة النت كتلها سرعة جيدة بسعر مقبول كلتلي عندي ابو ال15 ميغابت ب 50 دولار وية التاكس يصير 54 دولار، اوكي هسة شنو المطلوب كالت اول شي بطاقتك التعريفية او رخصة القيادة، كتلها ماعندي بس جواز كالت اوكي، وراها كلتلي عندك رقم ضمان اجتماعي كنلها لا كالت لعد لازم تحط وديعة يمنا قيمتها 75 دولار على ان ترد اليك حين الغاء الخدمة يابة اوكي هاي ال75 بعد شتامرين كالت اول شهر مجاني، شكرا وهسة شنو، كالت عندك حل من اثنين لو تشتري المودم من عدنا والراوتر انت تشتري لو اكو فد اختراع اسمه GATE WAY، حياتي شنو هذا؟ كالت هذا جهاز يجمع الاثنين الرواتر والمودم تريد تشتري 128 دولار تريد اتاجرة 7 دولارات بالشهر، لا عيني اشتري، وبعدين كالت باجر يجي عامل الصيانة مالتنة ويشيل الفلتر من الكيبل مالتك ويجهزك بالنت وعاشو عيشة سعيدة، فيا حبيبي كلشي لتجيب وياك لا نانو ولا كرد لان هنا الوضعية غير شكل. تحياتي

3
الهجرة و واللاجئين / رد: جماعة المقابلين محلف شهر 11 سنة 2011 شنوووووووو الاخبار
« في: 10:17 21/11/2012  »
قابلت محلف يوم 14 نوفمبر 2011 استلمت الدفرال يوم 25 ياناير 2012, دورة تثقيفية ماخذ, حالة المف هولد وكل مااتصل بيهم يكولولي انت حاليا بانتظار نتيجة التجييكات الامنية والي هية من اختصاص الحكومة الامريكية ما النا اي تتدخل بيها وبحالة خلصت هاي الاجراات ننطيك خبر.

4
الهجرة و واللاجئين / رد: اسباب رئيسية لمماطلة وبرود iom ؟
« في: 11:10 02/02/2012  »
ههههههههههههه

5
الهجرة و واللاجئين / رد: اسباب رئيسية لمماطلة وبرود iom ؟
« في: 10:21 02/02/2012  »
اخ مودي طبعا كلامك كلش صحيح هواية ناس ديطلعلهم سفر ودتجي حركات مال سفر وهناك وتتفاجئ وتشوف اكو اربعة لو خمسة من الحركة انلغو يابة ليش والله همة يرفضووووووووووون السفر , اويلي ربي اخوان ترة رفض السفر او التاجيل ديجيب نتائج عكسية علينا كلنا والعالم هناك بدات تتذمر من العراقيين وديتسالون ليش ديأجلون اذا همة صدك متهددين ذاك اليوم واحد رفض السفر والله شنو مو دفعت قسط مال دراسة مليون دينار او مو مال اتركه يابة مو العالم صرفتك عليك بالاف حتى بس توصل لهاي المرحلة.
مااعرف شكول بعد بس ترة السالفة كلش موخوش ومحزنة بنفس الوقت.

6
الهجرة و واللاجئين / رد: هل رقم الكيس ماشي بالتسلسل ام ماذا ؟
« في: 12:23 20/01/2012  »
السلام عليكم اخوية الموضوع بالتسلسل وهذولة الناس الي كيساتهم ارقامها عالية وديمشون هذولة اغلبهم كيسات ملحقة وية اهلهم الي قدموا يعني على سبيل المثال انت مقدم على اللجوء وحصلت كيس نمبر مثل :IZ-109xxx اذا مقدمت لاهلك بنفس الوقت لاي سبب معين واذا اهلك بعدين رادو يقدمون راح يدزون رسالة للااي او ام انو ابنة مقدم وهاذا الكيس نمبر مالتة واحنة هم نريد ننلحق بي بهاي الحالة راح ينطوهم كيس نمبر بس رقمة راح يكون كلش عالي مثلا: IZ-130xxx وبهاي الحالة تشوف اكو ناس هيج كيساتهم ومسوين كل الاجرئات قبل البقية حتى ينلحقون بابو الكيس الحقيقي ويسافرون سوية اذا امكن.

7
الهجرة و واللاجئين / رد: الي مقابلين محلفين شهر 11 اكو احد أستلم نتيجة iom بغداد
« في: 14:06 16/01/2012  »
السلام عليكم
بس العفو لازم تنتبهون ان المدة هي ستين يوم عمل وليس ستين يوم فقط يجب ان تكون ستين يوم عمل يعني تشيل منها العطل الرسمية واعياد الكرسماس وباقي الاوفات وابدي احسب ستين يوم وراها راسلهم وان شالله تحصل نتيجة  ;D

8
الهجرة و واللاجئين / رد: <<<< مهم جداً >>>>> SIV وIOM دقيقتين من وقتكم على موقع البيت الابيض
« في: 20:13 14/01/2012  »
شكرا جزيلا على الموضوع اني هسة دخلت وسويت اكاونت وصوتت ودزيت اللنك الى كل الي اعرفهم وراح اسوي حملة على الفيس بوك ياجماعة لازم نتحرك ترة مو صعبة خمسة وعشرين الف توقيع لاشي بالنسبة لحريتنا اني اعتقد هذا نوع من الاختبار النا يريدون يشوفون مدى الحاحنا عالموضوع ومدى شدة رغبتنا بترك العراق بسبب التهديدات الي دنتعرضلها.

9
الهجرة و واللاجئين / رد: تعالو شوفو وفهموني/ اتصلو بي الIOM بوقت غريب وقالو لي شيئ أغرب / راح اتخبل من المنظمة
« في: 16:11 15/11/2011  »
السلام عليكم سيد ساحر:
يجب ان تصدق حقيقة واحدة فقط, انه في حال اسبيان خلفيتك الامنية بصورة ايجابية من قبل وكالة الامن الامريكية ومن بعدها الحصول على موافقة ايجابية من مكتب المستشار الامني, في ذلك الوقت سوف تكون عبئ على المنظمة ويجب التعامل معك في اقصر وقت ممكن لتتجنب المنظمة المسائلات والتبعات القانونية من قبل المانحين.
يجب ان تتاكد ان الفحص الطبي ومقابلة المحلفين من الممكن ان تعاد في مدة زمنية قدرها 12 شهرا في حال عدم استحصال نتيجة الموافقة الامنية.
يجب ان تتاكد ان الاجرائات الامنية تتم في مسار مختلف عن مسار المنظمة ولايستطيع احد التدخل في مسار وكالة الامن القومي.
يجب ان تتاكد ان المنظمة وجدت لمساعدتك ولتسهيل مهمة دخولك الى الاراضي الامريكية في حال تمت الموافقة الامنية من قبل وكالة الامن القومي الامريكية ومكتب المستشار الامني.

10
الهجرة و واللاجئين / رد: تعالو شوفو وفهموني/ اتصلو بي الIOM بوقت غريب وقالو لي شيئ أغرب / راح اتخبل من المنظمة
« في: 20:44 12/11/2011  »
السلام عليكم سيد ساحر:
1. اتصال المنظمة بكم جاء نتيجة تحديث لمعلومات تمس بجوهر القضية المطروحة وصار من الضروري الان تحديث مفردات ملفكم.
2. يجب ان تعلم ان مقابلة المحلف تعتبر سارية المفعول لمدة سنة واحدة من تاريخ حصولكم على موافقة المحلف.
3. يجب ان تعلم ان اعادة مقابلة المحلف لايعني انك ستدخل الى دائرة الفحوصات الامنية مجددا وانما هو تحديث لما تعرضت وتتعرض له من خطر.
4. يجب ان تلعم ان مسار الدائرة الامنية المطبق من قبل وكالة الامن المحلي الامريكية و مكتب المستشار الامني لايتداخل ومسار القضية فكل يسري على حدة وانه في حال جائت نتيجة المستشار الامني بالايجاب فسوف يتعامل معها بسرعة بغض النظر عن الخطوة التي هي فيها.
5. ان المحلف هو مواطن امريكي عادي من عامة الشعب جاء ليستمع اليك ويتعاطف مع قضيتك من الناحية الانسانية.

صفحات: [1]