مواضيع

1

الهجرة و واللاجئين / تم تحديد موعد سفر!

« في: 15:17 28/12/2011  »

السلام عليكم اخوتي الاعزاء لقدتم تحديد موعد سفر الي يوم 20 كانون الثاني القادم والحمد لله وطبع بعد سنة و6 اشهر امنية  واني فرحــــــــــــــــــــــــان جدا جدا وان شالله يوم الالكم كليتكم.

2

الهجرة و واللاجئين / ابشروا يا قوم!(جماعة اعادة محلف)

« في: 11:45 22/12/2011  »

ما اعرف اهني الناس بمناسبة اعياد الميلاد لو اعزيها يسبب التفجيرات الي حصلت اليوم على الابرياء والمساكين  

الاسبوع الفات مخابرين 5 من العوائل(الي امنيتهم استمرت فوق السنة والنص)الي سوت اعادة مقابلة الوفد وياي,خابروهم على اعادة الفحوصات عالسريع وطبعا هذا يعني انو امنيتهم خلصانة.

وخبر فرعي:واخيرا بعد اكثر من سنة و5 اشهر تحقيق خلوني على جدولة السفر وهسة منتظر موعد السفر والحمدلله والشكر انو العقدة قربت تنحل.

3

الهجرة و واللاجئين / اقدر اعرف منظمة التوطين المسؤولة عني؟واشلون؟

« في: 12:47 10/12/2011  »

سلام عليكم اخواني واخواتي الاعزاء.اعرف اني ثقلت عليكم بالاسئلة بس شاسوي ماعندي غيركم واني اخوكم ومنكم وبيكم.
اخوتي اني انقبلت من قبل الوفد الامريكي في تركيا قبل سنة و5 اشهر ودخل ملفي تحقيق امني وبعده ما خلص ,قسمة ونصيب  ,اني ماعندي كفيل لذا اسال:

-هل ممكن انو اعرف منظمة التوطين في ولايتي/مدينتي اللي راح اروحلها؟وشنو هي الطريقة اذا امكن(اكرر انو اني من دون كفيل)؟
-فرضا عرفت منظمة التوطين مالتي,هل تقدر المنظمة انو تساعدني وتنطيني معلومات عن ملفي في اي مرحلة هو او لا؟

وشكرا الكم مقدما.

4

الهجرة و واللاجئين / اخواني واخواتي محتاج مساعدتكم!

« في: 23:12 07/12/2011  »

عندي صديق قبل فترة قصيرة وصل الى تركيا وهو وحيد جان عنده والدته الي اتوفت قبل جم سنة وما عنده احد.الولد خطية اتبهذل بالعراق واتهدد وجان باقي شوية وينكتل ولهالسبب ترك البلد وعاف ملكه وبيته وكل شئ بس حتى ينقذ روحه  لان الروح اغلى من المال و فورا اتوجه الى اربيل وظل اهناك مدة وبعدين اخذ فيزا واجى اهنا الى تركيا.طبعا الولد حالته كلش صعبة ومتاذي نفسيا وجسديا واقنعته على التقديم الى اليوان(هاي الطريقة الوحيدة الي يكدر يظل بيها بتركيا) لكن اوراقه ناقصة وبس عنده هوية احوال مدنية وجواز سفر (لا جايب بطاقة سكن ولا شهادة جنسية ولا بطاقة تموينية وياه  ) هل يكدر انو يقدم عاليوان بهذني الثنين؟

5

الهجرة و واللاجئين / عن امنية ما قبل السفر

« في: 19:14 28/11/2011  »

مساء الخير يا جماعة,اني شوية بحبشت بالنت عن امنية وا قبل الطيران(بعدني جديد بيها   )ولكيت هاي المعلومة من موقع  USCIS من قسم Ensuring Security ارجو ان تفيد:
 

The latest enhancement to the refugee security check regime involves a new “pre-departure” check shortly before refugees are scheduled to travel to the U.S. It is intended to identify whether any new derogatory information exists since the initial checks were conducted. These pre-departure checks went into effect in late 2010. No case is finally approved until results from all security checks have been received and analyzed.  

ما معناه انه ومنذ نهاية عام 2010 تم اضافة نوعية جديدة من التحقيقات ومنها ما يعرف بالتحقيق الامني ما قبل السفر ,حيث يتحول الملف الى هذه المرحلة بمجرد انتهاء التحقيقات الاولية(الروتينية),قبل تجهيز اللاجئ للسفر وذلك من اجل التاكد من عدم ظهور معلومات سلبية عن اللاجئ وخصوصا في فترة التحقيق الامني الروتيني(الذي قد يستغرق مدة طويلة) ولا تتم الموافقة على اي ملف من دون ان تنتهي هذه التحقيقات ما قبل السفر.

http://www.uscis.gov/portal/site/uscis/menuitem.5af9bb95919f35e66f614176543f6d1a/?vgnextchannel=68439c7755cb9010VgnVCM10000045f3d6a1RCRD&vgnextoid=df4c47c9de5ba110VgnVCM1000004718190aRCRD

6

الهجرة و واللاجئين / اعادة الفحوصات بتركيا,متكلولي شنو السالفة؟

« في: 19:24 25/11/2011  »

مساء الخير عليكم جميعا.طبعا في الاونة الاخير ظهرت فيكة اعادة مقابلة الملحف للي ممكمل سنتين على مقابلة الوفد
 الاولى في تركيا(واعتقد في دول الجوار الاخرى) وبعض اللي قابلوا سووا اعادة فحوصات (واني منهم) واخرين بعدهم ينتظرون اعادة الفحوصات. لكن الموضوع عن اعادة الفحوصات خصوصا للي قضوا فترة كبيرة بالتحقيق الامني(فوق السبعة اشهر) ماذا تعني بالضبط؟ عن تجربتي اني سويت اعادة فحص بعد اكثر من سنة واربعة اشهر تحقيق روتيني بس ورة جم يوم من الفحص خابرتهم والموضفة قالت انو ملفي بالتحقيق بعده( ) وهم اقول الله كريم. لكن اريد احجي عن بعض الحالات للاجئين اعرفهم شخصيا:
الاول ورة سنتين واربعة اشهر تحقيق صاحوه على اعادة مقابلة محلف وبعدين اعادة فحوصات ودخل بتحقيق ما قبل الطيران وبعد 3 اشهر طار.
الثاني ورة سنة وشهرين تحقيق صاحوه راسا على اعادة فحوصات(من دون اعادة مقابلة)ودخل تحقيق ما قبل الطيران وبعد ما يقارب الشهر طار.
هالمثالين جدا خلوني اتفآل,لكن!!!

اكو اخ بعد تحقيق استمر سبعة اشهر(كان عنده طيران لكن اتاجل) صاحوه على اعادة فحوصات(من دون اعادة المقابلة)وهسه صارله تقريبا 3 اشهر ونص بعده ينتظر نتيجة التحقيق مال ما قبل الطيران!!!

اذن ماذا تعني هاي الهلمة كلها؟؟؟؟؟؟
هل من تفسير؟