مواضيع

1

الهجرة و واللاجئين / اخوتي في امريكا سؤال عن مدينة هارتفورد ولاية كونيتيكت

« في: 18:34 04/02/2014  »

السلام عليكم  اولا تحياتي لهذا الموقع الرائع ولادارته المميزة
اخواني اني حددولي مدينة هارتفورد ولاية كونيتيكت فحبيت ان اعرف من حضراتكم شلونهة المدينة من ناحية الشغل والتأمين الصحي والمدارس واسعار الايجارات وشكد تطول المساعدات وشلونة الجو بيهة يعني بدون زحمة عليكم معلومات عامة عن هذه المدينة واكون شاكرا لكم واتمنى ان مااكون اثقلت عليكم .

2

الهجرة و واللاجئين / الى الاخوة في امريكا ممكن سؤال ؟

« في: 18:27 30/01/2014  »

السلام عليكم اخوان
اني سفري قريب جدا انشاءالله الى امريكا وعندي ولد اثنين واحد دخل ب 18 سنة صف سادس اعدادي  والثاني عمرة 14 سنة صف ثاني متوسط سؤالي هو شلون يكدرون يكملون دراستهم بأمريكا وهل يحتاجون وثائق دراسية . وشنو المستمسكات اللي اكدر اخذها وياي حتى اكدر اخليهم يكملون دراسة لان آني كل طلعتي علمودهم . واشكركم .

3

الهجرة و واللاجئين / فائدة الى جميع العراقيين العائدين من سوريا

« في: 20:10 06/12/2012  »

السلام عليكم اخوان
آني من العراقيين اللي رجعوا من سوريا بسبب سوء الاوضاع . راسلت IOM عمان مرة واحدة فقط اكرر مرة واحدة فقط بعد كم اجاني اتصال من عمان سألوني كم سؤال عن تاريخ الرجوع وسبب الرجوع فقط . بعدها جاءت الردود على الايميل وتم تحديد موعد مقابلة اولى في بغداد لتحديث المعلومات والتهيئة لمقابلة المحلف . وفعلا قابلت المقابلة الاولى ومباشرة تم تحديد موعد مقابلة المحلف والحمدلله تمت مقابلة المحلف وتم تحديد موعد اقصاه 60يوم لاستلام نتيجة المقابلة .
ملاحظة : الرسالة الى IOM عمان تكتب بالعربي تذكر بيهة رقم الكيس وتاريخ العودة ورقم الموبايل اضافة الى الاسم.
            واخوان لاتقوموا بتكرار ارسال الرسالة مرة واحدة فقط يعني ( لاتلحون عليهم ) لان الضغط عليهم كبير جدا .
وآسف على الاطالة وانشاءالله تتسهل امور الجميع . وآني جاهز لأي سؤال او استفسار ولكم الشكر