الرسائل

1

الهجرة و واللاجئين / مساعدتكم شباب لشخص عن طريق (U.N) بتركيا و اجا رفض ويريج يسوي استئناف

« في: 16:37 25/08/2012  »

اخوان السلام عليكم
اذا اكو واحد اجا رفض ورا مقابلة المحلف والرفض كان السبب مالتا على الاكثر عدم مصداقية لانه
1- هوا ماعندا بصمة ابدا لا يم الامريكان ولا باي مكان
2- هوا فعلا اثناء المقابلة مخربط بالتواريخ ولايصها حاشاكم
السؤال
1- هل يكدر يسوي استئناف؟
2-شوكت يسوي استئناف؟
3-شنو هيا صيغة الاستئناف؟

2

الهجرة و واللاجئين / رد: اتصلو بكفيلي

« في: 22:02 04/08/2012  »

زين شباب الله  يرضى عنكم جاوبوني

اذا الواحد مقدم على اليو ان (UN)
والموافقة الامنية حسب ما اخبروه منظمة الاي سي ام سي انه مكتملة ومسوي الفحص الطبي ومكمل الدورة الثقافية يعني بس ينتضر الطيران واتصلو بالكفيل مالتا وتم الاتفاق على الشقة والاكل والاثاث وكل الترتيبات هل هذا معناه السفر القريب ان شاء الله
ياريت الرد اخوان الله يرضى عنكم

3

الهجرة و واللاجئين / رد: فقط اللي عدهم معلومات باليو ان من تركيا رجاءا رجاءا الاجابة

« في: 16:35 19/07/2012  »

up
هاي وينكم شباب

4

الهجرة و واللاجئين / فقط اللي عدهم معلومات باليو ان من تركيا رجاءا الدخول والاجابة

« في: 12:14 19/07/2012  »

اخوان اذا واحد كمل فحص ودورة ثقافية ووراها بفترة قصيرة صار اتصال بينا وبين موظفي الاي سي ام سي حول مسالة معينة وسالهم اثناء الحديث عن الملف مالتا فكانت الاجابة كالتالي

1- الملف مالتك مابي شي
2- التجييك الامني مكتمل عندك ما كو اي مشكلة بي
3- انت باقي فقط على تحديد الولاية والاتصال بالكفيل وختم الملف
4- ويبقى عندك انه انت على اجراءات امنية ماقبل السفر وهاي ما تاخذ فترة طويلة

هل وضع هذا الكيس يعتبر مبشر بخير ان شاء الله
اجراءات امنية ماقبل السفر ماهو المقصود بها فيما يخص تركيا؟ وكم تستغرق

الرجاء الاجابة ممن لديه خبرة في اليو ان من تركيا حصرا
وجزاكم الله كل خير

5

الهجرة و واللاجئين / رد: لمن لديه خبرة في ال بو ان من جماعة تركيا

« في: 11:16 21/06/2012  »

up

6

الهجرة و واللاجئين / رد: لمن لديه خبرة في ال بو ان من جماعة تركيا

« في: 17:52 20/06/2012  »

رحم الله والديكم اوشاك و كريس 2007
وكل من سوا up للموضوع

7

الهجرة و واللاجئين / لمن لديه خبرة في ال بو ان من جماعة تركيا

« في: 09:29 20/06/2012  »

اخواني الاحباء
يوم الكم والنا اذا كان الخبر طيب
جيراني ولد عراقي شرواكم ابن اوادم اجاني البارحة كالي اتصلت بالاي سي ام سي اسئلهم على ملفي كتهلم
1- انا مقابل من شهر الثاني بهاي السنة ومقبول من المحلفين من يوم 14-3
2- ما كو احد اتصل بيا لحد الان على موعد فحص طبي ودورة ثقافية
فكالي  جان جواب ابو الاي سي ام سي مايلي
اخي انت ملفك حاليا بس ينقصا الفحص والختم وان شاء الله يتصلون بيك عن قريب ومن سالا عن التجييك الامني جان يكولا انت التجييك عندك خلصان وعندك فحص بس الوقت منعرف بي

زين هسا السؤال اللي يريدا صاحبي منكم لمن يعرف من جماعة اليو ان اللي بتركيا
شكد تتوقعون ويتصلون بي على الفحوصات لان هوا هسا كمل سنة هنا بتركيا بس هوا ماخذ الفسفورة من شهر الثامن اللي راح
وشنو معنى انه باقي على الختم شنو يعني الختم

علما انه اني وصاحبي ماخذين الموافقة بنفس اليوم ولحد الان اني هم ممتصلين بيا على الفحص بس اخاف اتصل بيهم لا هم يكللولي ملفك بالتجييك الامني
رحم الله والدي كلمن يعرف الاجابة وينطي جواب يوم السفر الي والكم ولصاحبي يارب

8

الهجرة و واللاجئين / رد: يا اهل تركيا وينكم

« في: 20:42 03/06/2012  »

بارك الله بيكم اخوتي ماقضرتو والله اشكركم

9

الهجرة و واللاجئين / رد: يا اهل تركيا وينكم

« في: 11:55 03/06/2012  »

رحم الله والديكم اخوتي بس والله اريد اعرف يعني هل اكو مثلي هيجي منتضرين
لان والله الواحد هم يخاف بعد موافقة المحلف اكو شي

10

الهجرة و واللاجئين / يا اهل تركيا وينكم

« في: 08:22 03/06/2012  »

 اخوان الكل تعرف شيسوي الانتضار باي شخص
وخاصة انتضار السفر والخوف من ان يحدث مايجبرك على العودة للعراق لاسمح الله
اخوان انا من الذين حصلو على موافقة محلف الحمدلله من 14-3-2012 ولحد الان لم يتصل بي احد لغرض اجراء الفحص الطبي والدورة الثقافية علما انه انا وياي عائلة ولحد علما انه اتصلو بعائلتين من اللي كانو وياي بالمقابلة من اللي اعرفهم
زين هل معقولة هذا الشيء انه يصير هيجي تاخير؟ شهرين ونص وماكو اتصال على فحص
ارجو الاجابة ممن يعرف لانني بحاجة الى الرد والله دخت بالله الكريم

11

دردشة منتدى الهجرة واللاجئين / رد: السرداب الجزء الاخير

« في: 22:59 20/05/2012  »

اخي العزيز والله اكسر الخاطر
راح احجي وياك بكل صراحة
اتاكد انه من وقت ماكنت  اقرا اللي كتبتا حسيت انه كثير اكو ناس هيا اللي تكسر الخاطر اما انت فمستحيل انه تكسر الخاطر وهذا مو معناه انت تكذب حاشاك لا والله ابد مو هذا قصدي بالعكس انت صادق ويا نفسك وويانا الى ابعد حد
انت صادق الى الدرجة اللي دتحجي بيها عن اشياء يعجز الكثير عن الادلاء بها
انت ماتكسر الخاطر لانك انسان واقعي
انت بداخلك انسان راقي جدا مشاعرك وشخصيتك وافكارك على مستوى جدا جدا عالي وهذا الانسان اللي بداخلك من المستحيل ان يجد له تربة صالحة للانبات داخل بلد النفاق (بالتاكيد اقصد العراق)
الموضوع ومابي مايلي
1- انت رجل مثقف جدا وهذا يعني انه انت انسان حساس لان اللي ميكون ذكي وحساس فمستحيل ان يكون شخص مثقف
2- والدك الف رحمة على روحا له تاثير ايجابي بحياتك
3- الحالة اللي صارت عندك من تأتأة بالكلام تحس انه اتاثر عليك
4- الانتظار اكيد عبارة عن لعب بالاعصاب ماتقبل غلط

اخي الحبيب
انا لو كنت في مكانك راح اسوي مايلي
اذا افكر بالانتحار فراح اكون انا الخسران الوحيد بالعالم يعني انت كلي اذا راح تنتحر منو اللي راح يخسر ؟ انا مراح اكولك حلال او حرام مو هذا حجينا هسا لكن اسال نفسك لو انتحرت راح تجيك الفيزا او الاتصال للطيران ويا طلعة روحك؟
زين نجي لموضوع اخر هل انت الوحيد بالعالم اللي مقدم على اللجوء او الهجرة؟ بالتاكيد لا وهذا يخلي الامريكيين يسوون كلما يكدرون عليه من اجل ان يعرفون اللي راح يدخل الى امريكا هو ادمي ابن اوادم مثلك لان هذولة يحبون بلدهم ويحافضون عليه مو مثل اغلب العراقيين حاشاك اللي باعو البلد من اجل حفنة دولارات
اما اذا تريد تبجي انا ايضا اريد ابجي تدري ليش
اولا ابجي لان امثالك الصادقين ويا نفسهم لازالو داخل العراق والكثير من المجرمين الساقطين السفلة وصلو لامريكا
ثانيا ابجي لان انا الان في تركيا اعاني انا وعائلتي والكثيرين مثلنا من صعوبة المعيشة هنا من اجل التخلص من ضريبة كوني عراقيا
ثالثا الذي يتكلم معك رجل لاهو اقل منك ولا انت اقل منه وانا الان اعمل لدى صاحب مطعم يعطيني كل يوم 12 ليرة اي مايعادل 9000 دينار عراقي فقط هي كل ما احصل عليه ويجب ان اعيش بها انا وزوجتي واطفالي واتحمل منه ما اتحمل كل يوم من اجل عيون عائلتي ومن اجل ان اتمكن من رفع مصيبة الجنسية العراقية من على كاهلي في يوم من الايام
من ياصديقي يكسر الخاطر

اخرج من سردابك وانت رافع الراس واعلم ان لك ربا لن ينساك لانه وبكل بساطة لم ينساك في يوم من الايام وصدقني التاتاة التي تتحدث عنها ماهي الا ايام وتتخلص منها فما كنت تتاتا اكثر من خالي الذي كان يحتاج الى نصف ساعة ليخبرنا انه يريد اي شيء وهاهو الان يتكلم اسرع من اي واحد منا
بالمناسبة هذه الرسالة ليست لكي اواسيك بها فانت لست مريضا لتحتاج المواساة انت كل ماتحتاجهه انسان بقربك يفهمك وتفهمه وفيزا تاتيك باسرع وقت تنقذك من عراقيي النفاق والشقاق

اسال الله العظيم رب العرش العظيم باسمه الاعظم وجاهه المعظم وسلطانه القديم فهو العزيز الودود وهو ذو العرش المجيد وهو فعال لما يريد ان ييسر امرك وامر كل المنتضرين وان يحل ببركته علينا وبرحمته فينقذنا جميعا مما نحن فيه
وتذكر قول الامام الشافعي رحمة الله عليه
ولرب نازلة يضيق بها الفتى ذرعا    وعند الله منها المـخرج
ضاقت فلما استحكمت حلقاتها    فرجت وكنت اضنها لاتفرج

12

الهجرة و واللاجئين / رد: رايكم اهل الخبرة باللجوء في تركيا

« في: 16:26 20/05/2012  »

صديقي العزيز (اريد اهاجر) بالنسبة لصديقك موضوعه كلش عادي وما علي اي خوف مجرد ان الICMC عليها زخم كلش قوي هل الايام وصديقك اذا ما سوى الفحوصات وية وجبته فراح يسويها وية الوجبه الي تليها اما بالنسبة للتحقيق فكل اللاجئين يدخلون تحقيق لكن التحقيق درجات يعني اكثر من مرة نسمع من اصدقائنا انهم داخلين تحقيق 0 تحقيق صفر يعني التجيك على الاسم والمعلومات الخاصه باللاجيء يعني ميستغرق مدة طويلة الاجراءات العادية بكل معاملة اما التحقيق الي يتصلون بيك ويسئلوك عن عنوانك حتى يرسلولك ظرف,, هذا التحقيق الحقيقي الي شغلته طويلة ومعناة انته عندك مشكله حقيقة بالملف مالتك ومع ذلك اكو حالات تدخل هكذا تحقيق وتطلع ورة فترة قصيرة مو شرط يطول يعني,, على كل حال صديقك لا يعتبر برأيي من المتأخرين كله خلي يطمئن انشالله ماكو شي مسئلة وقت لا اكثر وتقبل مروري.

رحمة الله والديك على الجواب اخوية العزيز

13

الهجرة و واللاجئين / رد: شباب وبنات باجر السفر في الطريق الى المانيا

« في: 16:05 20/05/2012  »

حبيت ابشركم غدا السفر حيث راح نسافر الى اربيل  ونبقى يومين لنكمل بعض الاجراءات وبعدها السفر الى تركيا ترانزيت في الطريق الى  المانيا ...........

احب اكولكم فد شي اني كلكم احبكم واحترمكم وتحياتي للكل واتمنى ان تسامحوني اذا قصرت في يوم من الايام بحق واحد وااذا واحد زعل مني ابوس راسه واطلب منه السماح  ......... 

ومن غدا راح يكون معكم اخي بالمنتدى هو خليفتي هنانا وراح يستخدم نفس الاسم (قيصر روما) واني من اثبت اموري واستقر راح ارجع اتواصل وياكم بس بالبداية فترة غيابي راح تطول دائما اشتاقلكم والايام اللي عشتها بينكم اخوتي واخواتي من احلى واروع الايام في حياتي ......

تعودت عليكم واحببتكم من كل قلبي ياريت كل لحظة اعيشها معاكم اهلي واحبائي لكن لي عودة بعد استكمل تثبيت كل اموري هناك بالمانيا
اللي اريده منكم هو الحفاظ على المنتدى وايضا اوصيكم بااخوي ........

 شكرا لكم وانحني امامكم جميعا وشكرا لكم لكل شيء ... 

بالدموع هذا اليوتيوب http://www.youtube.com/watch?v=6BgYQFqrghU
 

الف مبروك سفرك لكن هل هو عن طريق الاي او ام لو مثل ميكولون درب الفلتة؟
ان شاء الله توصلون بالسلامة ياربي
مودعين بالله

14

الهجرة و واللاجئين / رد: ياهل تركيا المخظرمين ياهل عين كاوا المخظرمين مساعده

« في: 15:58 20/05/2012  »

يعني اخوان الله يفضها عالكل بكل دول الجوار والاستقرار للجميع يارب
مع حبي وتقديري للاعضاء اللي كتبو وقالوا عن حالهم وتحقيقهم واتمنى ان تنتهي معاناتهم بسرعة واكيد حجو معاناتهم والله يساعدهم وان شاء الله يارب السفر للكل باقرب وقت
بس اني اشوف انه في اكثر الحالات ماكو اي تاخير او تحقيق الا بسبب لكن اللي يحجي ويكول انا ملفي هيجي وهيجي ميكول شنو اللي عندا فهذا يخلي الباقي من يقرون يلعب قلبهم لعب يعني انا اعرف شخص ضل يكول انا متاخر وتحقيق عندي وانا ماعندي كل شي وبالاخير طلع اكثر من مرة راجع للعراق وراد لتركيا وماكايل لليو ان الا انكشف فد يوم
واكو اللاخ هم خبص الامة كلها شلون انا تحقيق وانا كل شي ماعندي وبالاخير حجى ابو الهول وكال انه كان عندا هوية مزورها وجايبها
والاخر حجولي البعض عنا هم ضل يكول ليش احنا من دون الناس متاخرين واحنا ماعدنا كل شي طلع عدهم كيسات جان بيها ربط قوي وبعد سنة من التقديم اجو يفصلون الكيسات مالهم وهاي صار الهم سنة متاخرين بين ودي وجيب
فالاخوة اللي كتبو حالهم صادقين اكيد لكن اكو كثير يحجون ويكولون واحنا هيجي وهيجي وهما عدهم مسببات التحقيق بس ميكولون

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
صحيح كلامك اخي فعلا ماكو تاخير الا بسبب واني من  ذكرت مثال عن قريبي الي صار اله سنه وثمانية اشهر وراح يطير بالسادس فاتني ان اذكر الكم انه جان بسوريا قبل وعنده ملف هناك وانغلق واجى لتركيا وقدم على اللجوء...
تحياتي وامنياتي للكل بالتوفيق

شفت اخي العزيز mozart79 فاللي يقرا هالاخبار يوكع قلبا هذا اذا ضل عندا قلب
يارب بحق كل انبيائك وكل اوليائك وبحق اسم الله الاعظم تيسر على كل المقدمين من داخل العراق او من دول الجوار ويسافرون بسرعة يارب ويستقرون

15

الهجرة و واللاجئين / رد: ياهل تركيا المخظرمين ياهل عين كاوا المخظرمين مساعده

« في: 21:06 19/05/2012  »

يعني اخوان الله يفضها عالكل بكل دول الجوار والاستقرار للجميع يارب
مع حبي وتقديري للاعضاء اللي كتبو وقالوا عن حالهم وتحقيقهم واتمنى ان تنتهي معاناتهم بسرعة واكيد حجو معاناتهم والله يساعدهم وان شاء الله يارب السفر للكل باقرب وقت
بس اني اشوف انه في اكثر الحالات ماكو اي تاخير او تحقيق الا بسبب لكن اللي يحجي ويكول انا ملفي هيجي وهيجي ميكول شنو اللي عندا فهذا يخلي الباقي من يقرون يلعب قلبهم لعب يعني انا اعرف شخص ضل يكول انا متاخر وتحقيق عندي وانا ماعندي كل شي وبالاخير طلع اكثر من مرة راجع للعراق وراد لتركيا وماكايل لليو ان الا انكشف فد يوم
واكو اللاخ هم خبص الامة كلها شلون انا تحقيق وانا كل شي ماعندي وبالاخير حجى ابو الهول وكال انه كان عندا هوية مزورها وجايبها
والاخر حجولي البعض عنا هم ضل يكول ليش احنا من دون الناس متاخرين واحنا ماعدنا كل شي طلع عدهم كيسات جان بيها ربط قوي وبعد سنة من التقديم اجو يفصلون الكيسات مالهم وهاي صار الهم سنة متاخرين بين ودي وجيب
فالاخوة اللي كتبو حالهم صادقين اكيد لكن اكو كثير يحجون ويكولون واحنا هيجي وهيجي وهما عدهم مسببات التحقيق بس ميكولون

16

الهجرة و واللاجئين / رد: رايكم اهل الخبرة باللجوء في تركيا

« في: 18:32 18/05/2012  »

رحمة الله على والديكم اخوتي
بارك الله بيكم

17

الهجرة و واللاجئين / رد: رايكم اهل الخبرة باللجوء في تركيا

« في: 06:43 18/05/2012  »

الف رحمة على والديك اخويا الغالي الله يسهل امرك وامرنا

18

الهجرة و واللاجئين / رد: رايكم اهل الخبرة باللجوء في تركيا

« في: 19:30 17/05/2012  »

وهذا هم UP
لحد مايجينا ابن اوادم يبرد قلب هالرجال

19

الهجرة و واللاجئين / رايكم اهل الخبرة باللجوء في تركيا

« في: 18:29 17/05/2012  »

اخوتي شنو جوابكم على هاي الاسئلة
1- صاحبي ماخذ موافقة محلف يوم الكم يارب من يوم14-3-2012
2- وراها بشهر خابروا عائلتين من اللي جانو ويا بالمقابلة واللي طلعلهم قبول بنفس اليوم ويا صاحبي على فحص ولحد الان هوا ما اكو اتصال بي
3- اتصل صاحبي بالاي سي ام سي مرة وحدة  وكان جوابهم انه الملف مالتا بالتجييك الامني من يجي الملف من واشنطن راح يتصلون بي
4- زين هل هذا التجييك هوا نفسا تحقيق اللي ياخذ فترة طويلة لو هذا يسوون تجييك امني علي وشيتضمن هذا التجييك

بعد ماحجيتلا على المنتدى وعلى اعضاءا اللي واحد ذهب والاخر الماس كلي يخليك الله احجيلهم وكللهم وخلي يجاوبوني على هاي الاسئلة

اولا هل حالتا طبيعية انهم مااتصلو بي لحد الان على فحص طبي ودورة ثقافية؟
ثانيا يخاف لا الملف مالتا تحقيق ويطول فترة كبيرة زين بهاي الحالة لو لاسمح الله تحقيق ماجان يدزولا ضرف بالموضوع مالتا او يتصلون بي ويكولولا انه ملفا تحقيق؟
شكد تقريبا المعدل الطبيعي للاتصال على موعد فحص؟
شني هيا الاسباب اللي اتخلي لاسمح الله الملف ينرفض بعد ان يكون صاحبا عندا موافقة محلف؟

اخوان يستر عليكم ترى صاحبي عايف بيتا وكاعد يمي ينتضر اجوبتكم ههههههههههههه
نخوتكم يانشامى خلصوني منا وجاوبو وريحو وريحوني منا

20

الهجرة و واللاجئين / رد: جماعة تركيا وخبراء اليو ان بيها تشابه الاسماء والتجييك الامني

« في: 18:15 13/05/2012  »

up

21

الهجرة و واللاجئين / رد: جماعة تركيا وخبراء اليو ان بيها تشابه الاسماء والتجييك الامني

« في: 17:48 12/05/2012  »

رحم الله والديك اخويا العزيز

22

الهجرة و واللاجئين / رد: جماعة تركيا وخبراء اليو ان بيها تشابه الاسماء والتجييك الامني

« في: 21:47 11/05/2012  »

الف رحمة على والدي كل من كتب رد وحاوب

23

الهجرة و واللاجئين / رد: جماعة تركيا وخبراء اليو ان بيها تشابه الاسماء والتجييك الامني

« في: 20:15 11/05/2012  »

رحم الله والديج يا الارمنية على الرد الرائع اللي يبرد القلب

24

الهجرة و واللاجئين / جماعة تركيا وخبراء اليو ان بيها تشابه الاسماء والتجييك الامني

« في: 19:13 11/05/2012  »

اخوان مساعدتكم ورايكم باللي تعرفوه ومتاكدين منا
الله يرضى عن الجميع
انتو تدرون شكد الانتضار صعب وشكد مووووووووووووووت احمر خاصة اذا كان الواحد متزوج وويا عائلة وبدولة من دول الجوار اللي متنعاش الا برحمة من ربك
الموضوع انه احد وصل الى سمع صاحبي اللي موجود بتركيا واللي اسما ياسر انه اسم ياسر واسم احمد يصير عليهم تجييك امني اكثر من اللازم ويتاخرون هواي
الاسئلة هي
1- صاحبي محصل على موافقة محلف من تاريخ 15-3-2012 ولحد الان ممتصلين بي على فحوصات طبية فهل هذا هو السبب
2- هل فعلا سمعتو انتو ومتاكدين ان اسم ياسر واسم احمد من الاسماء الشائعة ويصير عليها تجييك
3-هل  تشابه الاسم على كل من اسما ياسر فقط او احمد فقط لو التشابه اذا صار بالاسم الثلاثي يعني وصل التشابه الى حد ثالث اسم
علما ان صاحبي صار الا لحد الان 11 شهر في تركيا
ارجو سرعة المساعدة

25

الهجرة و واللاجئين / رد: جماعة تركيا نخوتكم يا اهل النخوة

« في: 17:58 18/04/2012  »

اخوان الف رحمة عليكم وماقصرتم ابد وهذا شيمة العراقيين الطيبين

26

الهجرة و واللاجئين / رد: جماعة تركيا نخوتكم يا اهل النخوة

« في: 21:52 17/04/2012  »

حبيبي اخوك اذا ماعنده بصمات يم الامريكان كان عمل مع الامريكان لو بالصدفه صار تفتيش وبصمو او مسجون ياسامح الله ليخاف وشغله جدا روتينيه قبل سنتين جان الفحص وره 40 يوم او شويه اكثر بعد مقابله المحلف بس هسه شويه صاير لود عليهم بسسب الاوضاع الي بسوريا فكلهه اتجهت التركيافكامو يتاخرون اما العائله الي طبت ويا وخابروهم قبله فهاي شغلت حظ لا اكثر ولا اقل
فليخاف وانشالله عن قريب يخابرو ولو ملفه بي شي جان من خابر كالوله بالتحقيق
وتدلل

رحم الله والديك اخويا وماقصرت انت واللي جاوبوا كبلك وهذا من طيب اصلكم
دزيتلك رسالة عالخاص ياريت تقراها و تجاوبني عالخاص
وفرج الله كربتكم وعجل الله سفركم

27

الهجرة و واللاجئين / رد: جماعة تركيا نخوتكم يا اهل النخوة

« في: 20:08 17/04/2012  »

حبي اريد اهاجر طبعا تجييك روتيني هذا من البديهيات

والله يسهل امرك ويفرحك عن قريب..تقبل المرور
 

حبيبي الله يرضى عنك والله بلغتا بجوابك وضل يترحم على والديك

28

الهجرة و واللاجئين / جماعة تركيا نخوتكم يا اهل النخوة

« في: 18:38 17/04/2012  »

شباب وشابات المنتدى السلام عليكم
يرضى عنكم رب العالمين ويفرج همكم ويعجل سفرنا وسفركم اكو سؤال لاخويا
وصديقي وياي هنا بتركيا يسال ويريد ابن اوادم مثلكم بجاوب لان هوا ماعندا انترنيت

اخوان اخوكم هذا مقابل محلفين بشهر الثاني هاي السنة
والحمدلله يوم الكم طلع الى موافقة محلف ورا 20 يوم من المقابلة يعني بشهر الثالث اللي راح
لكن اللي صار ويا انه قابل ويا اثنين عوائل ويا هوا هم عائلة ووياهم واحد عزابي
عائلتين من اللي قابلو ويا خابروهم على فحوصات ودورة تثقيفية كل عائلة على حدا وبين كل عائلة وعائلة اسبوع جان الاتصال بيهم وهوا ماخابروا لحد الان
فهوا شسوا اتصل بالاي سي ام سي يطمئن فكلولا انه ملفا لازال تجييك بواشنطن ومن يجي راح يتصلون بي على الفحص
فهو سال ابو المنظمة كلا ليش بي شي الملف مالتي كالا ابو المنظمة لا مابي شي ملفك ولكن اجراء روتيني كل من يقابل ويحصل على موافقة محلف لازم يروح ملفا تجييك لواشنطن ومن يخلص اندز علي على مود يسوي فحص طبي
انتو شرايكم بموقفا لحد الان ورايكم بكلام ابو المنظمة هل فعلا اجراء روتيني هذا التجييك؟

29

الهجرة و واللاجئين / رد: وينكم اهل الغيرة جماعة تركيا

« في: 13:51 23/01/2012  »

بارك الله بيك اخويا ورحم الله والديك
ماقصرت
دنشوف شراح انسوي
ةالله اذا 11 شهر والله حيل زحمة بس انت شكو بيدك
الف رحم الله على والديك
زين اني هسا من بغداد ممكن انقبل ولو طولتها عليك

30

الهجرة و واللاجئين / رد: وينكم اهل الغيرة جماعة تركيا

« في: 11:00 22/01/2012  »

السلام عليكم اخي التقديم مفتوح عاليوان ولكن حاليا دينطون موعد اول بشهر التاسع يعني اول مقابلة مساعدات ماكو اي شي لازم تحسب حسابك العمل ممنوع وشبه معدوم الحياة اغلى من العراق ليس بالكثير تركيا بلد جميل اعتقد ان الفترة تتاخر كثيرا اتمنى ان اكون لخصت الموضوع ويشهد الله اني اقول الحقيقة حتى ترتب وضعك جيدا لان شفت عوائل ما مفتهمين الوضع صحيح وجايبين مبلغ بسيط وانتهى باربع اشهر ورجعوا للعراق

الف رحمة على والديك اخويا العزيز على جوابك لان حالتي بس ربك يعلم بيها
زين اخويا اني سمعت الوالي ينطي فلوس واكو اكل كل يوم اكو هيجي شي الله يرضى عنكم جاوبوني
لان والله حملي ثقيل وعائلتي جبيرة وربكم الستار

31

الهجرة و واللاجئين / وينكم اهل الغيرة جماعة تركيا

« في: 21:45 21/01/2012  »

اخوتي الله يسلمكم
انا في حالة ماسة للهجرة خارج العراق لان متهدد واريد اخلص من الموت واريد اطلع لتركيا
واقدم لليو ان
اكو مجال هسا للتقديم واكو مساعدات ؟ وشكد اتطول الشغلة الى ان انقبل واسافر
اخوتي هالله هالله ترى اني بحاجتكم