الرسائل

1

الهجرة و واللاجئين / رد: الاتحاد الأوروبي يناقش مقررات إتفاقية دبلن للجوء في بلدان الاتحاد

« في: 23:48 09/05/2012  »

الله يبشرك بالخير فرحتني الله يفرحك كون يفتحون اللجوء فول والشعب العراقي كلة يجي ويبقون السياسيين العراقيين وحدهم بالبرلمان همة ينتخبون نفسهم ويبوكون من نفسهم ههههههههههههههههه

2

الهجرة و واللاجئين / رد: صور ومعلومات عن الكمب في رومانيا + فديو يشرحون فيه الوضعية هناك لعيونكم

« في: 22:10 07/05/2012  »

شيء راقي وين اكو هيج شي ابلجيكا والله كنت في كمب الله لايشوفكم ايا جحيم كل 6 الى 8 نفرات بالغرفة وخبط عوائل وعزاب وعيني شلون عزاب هنود وبنكال وسيريلانكيين وافارقة وما ادراك ما الافارقة وريحتهم او وصخهم وتعاملهم وية الناس وشفت فساد وسرقة وعركات ودك عقوبات اني حاجيهة قبل دك عقوبات جماعية وتنضيف تواليتات اي نعم الاعتراف بالحق فضيلة عمي هذا السنتر الي تشوفونة الصور مالته جنة بلا مبالغة بالقياس للسنتر الي عشت بي لا وشنو مدرينة والمساعدين مالته جانو ابد مو عنصريين ؟؟؟؟ سلكو اهل اهلنة عموما ابو العائلة ينهان اهانة قوية في كمبات لجوء بلجيكا وشفت بعيني ومحد كالي والناس تخجل تحجي بهيج مواظيع ينصدمون من يجون ويبلعونهة ويسكتون يكلك منو يدري هية كم شهر وناخذ نتيجة انوب النتائج ماكو كلة لزك رفض والحك ربعك ههههههههههههههه والله كريم عود هذه رومانية التعبانة لعد شبيهم البلجيك مو على اساس عاصمة الاتحاد الاوربي الله يجرم ياريت لو جنت طافر لفلندا لو النمسا بس شيفيد الحجي ادعولنة اخواني الله يفرج عنة اخوكم محدثكم من مدينة لييج اصبرو فان الله مع الصابرين

3

الهجرة و واللاجئين / رد: وضع اللجؤ في فنلندة

« في: 21:24 21/02/2012  »

انا لست في فنلندا ولكن حسب الي اسمعه ومن خلال متابعتي لاوضاع اللجوء في اوربا فنلندا هي الافضل حاليا لانه تعطي لجوء انساني لخمس محافضات على الاقل في حال اذا افترضنا انهم لم يقتنعو بالقصة والنمسا تاتي بعدها وانت وحضك بلجيكا كانت الافضل ولكن تراجع الوضع بصورة واضحة واصبح اللجوء صعب اضف الى ذلك وحسب ما اسمع فنلندا خدماتها الانسانية افضل من بلجيكا كل الدول الاسكندنافية تدفع افضل من غيرها لان اقتصادياتها قوية وبعد انت بكيفك ياريت لو يرجع بية الوقت اروح اقدم على فنلندا

4

الهجرة و واللاجئين / رد: عدم المحكومية (مهم جدا جدا جدا) اذا تريدهة بسرعة ادخل

« في: 21:04 21/02/2012  »

للرفع

5

الهجرة و واللاجئين / رد: عدم المحكومية (مهم جدا جدا جدا) اذا تريدهة بسرعة ادخل

« في: 21:27 20/02/2012  »

شكرا على المعلومة الحلوة بس سؤال زين عدم المحكومية شنو المطلوب بيهة من مستمسكات شنو ياخذون وياهم المراجعين وبعدين تصير معنونة لجهة معينة لو الى من يهمه الامر شوفو شباب شلون ملحوظة حلوة بالرغم انه اني ممحتاجهة بس لفت انتباهي الموظوع لان مهم تحياتي وشكرا لصاحب الموظوع اتمنى يستفيدون الاخوة الاعضاء

6

الهجرة و واللاجئين / رد: التهريب الى كندا

« في: 19:35 17/02/2012  »

احد الفروقات بين اوربا وكندا انه كندا بلد به شعب لملوم من كل الاجناس واغلبيته اجانب مو اصليين فالعنصرية تكون معدومة اما اوربا فهية القارة العجوز وشعوبهة هي نفسهة من نفس الجنس فيصيرون عنصريين شلون عنصرية العشائر يمنه بالعراق نفس الشي هذا احد اسباب الي موجود في اوربا يتمنى يطلع لكندا لان العنصرية شيء مقيت مو سهل تتحمله يا اخي واعتقد اقتصاد كندا عموما احسن من اوربا هذا ينعكس على توفر فرص العمل مقابل هذا كندا بلد بعيد جدا عن العراق يعني الي يريد يرجع زيارة يبطل من يعرف شكد راح يصرف وكندا بلد
بارد بشكل مو طبيعي وما ادراك ماهو البرد القارص الي يريد يجرب وينطيني رايه تحياتي

7

الهجرة و واللاجئين / رد: التهريب الى كندا

« في: 20:19 15/02/2012  »

اخوان اني ابلجيكا وين اكو هيج حجي اني ذبحت نفسي ادور تهريب لكندا من بلجيكا سمعت بأنه اكو تهريب سابقا منا عن طريق الطيارة وسامع اكو تهريب من اسبانيا بالبواخر لان اسبانيا يجوهة سياح من امريكا ومن كندا بالسفن المستخدمة لنقل المسافرين بعد الله اعلم ياريت احد ينورنة بمعلومة مفيدة

8

الهجرة و واللاجئين / رد: ايطاليا::

« في: 20:12 15/02/2012  »

اعتقد بصمة جنائية لان اكثر من مرة سامع البصمة بالسفارة جنائية وليست بصمة لجوء والله اعلم اتاكد يلا تقدم على هيج موظوع

9

الهجرة و واللاجئين / رد: تعرف على نسب القبول والرفض في النرويج من عام 2008 - 2012

« في: 15:00 14/02/2012  »

مشكور اخوي غسان على المعلومات والسنة هذه والقادمة وتذكرو كلامي اتوقع تصير الارقام في بلجيكا نفس الشي اذا مو اتعس لان الرفض مخلينة على الصلي ومخزن ابو 75 طلقة ويجوز مخلين شريط مال بي كي سي وعام 2013 يخلون هيل مشين على الكهرباء تضرب صلي 5000 رفض بالدقيقة اعذروني ترة واصلة درجة التشاؤم للقمة من الضيم والله ترة صاير طرشي من التاخير

10

الهجرة و واللاجئين / رد: طالبو اللجوء في ألمانيا ـ واقع مرّ ومشاكل عديدة

« في: 14:54 14/02/2012  »

اخي كلي امل ماضل عندي امل وصلت مرحلة الطرشي واليخني يعني بعدلي شوية اصير جلفراي يابة هم ذكرتني بالاكل من صدك مشتهي اكل ثريد بامية ولحم طلي عراقي وشوية زلاطة وشنينة باردة يارب يجمع شمل كل مفترقين ويسهل امر كل من عندة شدة ويفرج عنة امين يارب

11

الهجرة و واللاجئين / رد: طالبو اللجوء في ألمانيا ـ واقع مرّ ومشاكل عديدة

« في: 01:51 14/02/2012  »

ها خوية كرك بروح ابوك ماتكلي شيسمون الكرك بالانكليزي لو مسمي نفسك شفل مو احسن ههههههه تحياتي الك ولاخ ايهم الوردة

12

الهجرة و واللاجئين / رد: طالبو اللجوء في ألمانيا ـ واقع مرّ ومشاكل عديدة

« في: 19:21 13/02/2012  »

شكرا لصاحب الموظوع على فكرة اخواني من اجيت لبلجيكا عرفت انه اللغات الرئيسية في اوربا تنقسم قسمين اقصد جذور اللغة واتمنى ان لا اكون مخطأ اذا احد عندة معلومة اتمنى ينورنة بيهة تنقسم الى قسمين جرمانيا ورمانيا اللغة الجرمانية تضم اللغات الانكليزية والالمانية والهولندية يعني الهولنديين والالمان بيناتهم قاسم مشترك هو اللغة وغير شغلات ومنها العنصرية ولغة الرومان تشمل اللفرنسية والاسبانية وغيرها مع لتحيات

13

الهجرة و واللاجئين / رد: النمسا / فرنسا / لوكسمبورغ /بلجيكا بلان B (شنكن)

« في: 19:11 13/02/2012  »

وينهم اخوتي جماعة اوربا اشو ماكو احد شاركونا اخوان خلي نفيد ونستفيد وادعولنة وياكم الله سبحانه وتعالى يفك الكربة عني وعنكم

14

الهجرة و واللاجئين / رد: حياج الله فنلندا .... والله بس انت على الراس وكل الدول خرط الله وكيلكم

« في: 19:08 13/02/2012  »

تحية خاصة للاخ غسان العبيدي حقيقة انا اتحدث عن نفسي بدأت بالتفكير بتنفيد الخطة البديلة للحصول على موقع بديل بعد الحصول على الرفض اذا الله سهل عليه لان حقيقة كرهتهة لبلجيكا لاسباب احتفض بها لنفسي لا اريد الخوض فيها لاني متاكد سيخرج لي احد الاخوان ويقول واقول فتجنبا للجدال سوف ادخل في الموظوع
بدأت اسال وافتش في النت عن الدول التي تعطي لجوء للعراقيين ووجدت من الخبرة والمشاهدات المتواضعة ان فلندا تعطي لجوء بالاضافة الى النمسا والله اعلم لمن يريد التاكد من المعلومات فليدخل الى موقع الرابطة العراقية للاجئين
http://iraqi-refugees.org/
ويقرا فقرة فنلندا والنمسا واتمنى ان يستفيد الاعضاء الكرام منها تمنيت لو يرجع الزمان سنة واحدة لكنت الان في فنلندا وطبعا احول ان رجعت للعراق ان اذهب الى فنلندا بعد زوال بصماتي انشاء الله كما اود ان اضيف ان بريطانيا تعطي لجوء للبدون بفترات قياسية التقيت بشباب من اهل الناصرية عبرو الى انكلترا وسلمو وحصلو على اقامات فمن يريد ان يسوي نفسة بدون خلي يروح بس كون يضبط اللهجه مالتهم ويتوكل على الله الاقامة مصوكرة بالجيب خلال شهرين على اكبر تقدير لا اريد ان اقول اسبوعين لانه فعلا يوجد من اخذها باسبوعين فقط والموفقية للجميع كما سمعت ان ايسلندا ايضا تعطي لجوء وخوش تنطي فلوس شنو رايكم همين مخليهة عالخطة والله كريم اني لحد هسة كلة نضري اتمنة احول افكاري الى تطبيق عملي على ارض الواقع شكرا

15

الهجرة و واللاجئين / رد: النمسا / سويسرا / لوكسمبورغ بلان B

« في: 23:01 12/02/2012  »

السلام عليكم
والله اخي الكريم بالنسبه لبلجيكا دا تنطي لجوء لحد الان لكن مو مثل بداية السنه جانوا كلش سريعين يعني خلال 4 الى 6 شهور تاخذ هسه شويه بدوا يطولون اني مو بلجيكا لكن عندي جماعه هناك
لكن اني بفرنسا حصلت اقامه الحمد لله فاذا اكو اي سؤال على فرنسا اني حاضر وان شاء الله ما اقصر وخاف مرات ما ادخل دزولي اميل حتى اشوفه وادخل هنا اكتب الكم الي اعرفه او الي تحتاجوا من اسئلة

الاخ العزيز حسين قبل كل شيء ارجو ان تخبرني عن طريقة مراسلتك على الخاص كما وارجو منك ان تبين لي خلال شكد حصلت على الاقامة واريد تفاصيل اكثر عن نوع المساعدات والحياة عندكم مع الشكر والتقدير

16

الهجرة و واللاجئين / رد: حياج الله فنلندا .... والله بس انت على الراس وكل الدول خرط الله وكيلكم

« في: 22:55 12/02/2012  »

اخي العزيز جوسي البغدادي شكرا جزيلا على النصيحة اني ممحصل رفض لحد هسة انتضر النتيجة واني مو شوفرليت مثل ميعتقد بعض الاخوان ومن حبيت اكتب حبيت انطي معلومة من وجهة نضري الشخصية وكان الهدف الي يعجبة ياخذ بالكلام كان بها الي ميصدك خلي يجرب شكو بيهة وذكرت انه اكو ناس اجوي وحصلو اقامات بفترة قياسية كل واحد وحضه والموفقية للجميع مع التحيات

17

مواضيع الحياة العامة في بلاد المهجر (امريكا) / رد: سؤال بخصوص اكمال الدراسه الجامعيه في اميركا

« في: 04:54 12/02/2012  »

اقرا مواضيع المهندس سوي سيرج عليهة اذكر قريت هكذا شي لاخ العضو واسمه المهندس بخصوص الشهادات والدراسة في امريكا مع التحيات

18

الهجرة و واللاجئين / رد: النمسا / فرنسا / لوكسمبورغ /بلجيكا بلان B (شنكن)

« في: 04:44 12/02/2012  »

الاخوة الاعزاء اي احد عندة استفسار يخص بلجيكا اني حاضر وانشاء الله اكون حيادي وموظوعي بالجواب واحاول الافادة من الحديث لا اريد جدال وقال وقيل اني ادخل لغرض اعطاء المعلومة فالذي يريد ان يستفاد ياخذ المعلومة الي ميريد براحته هوة حر وهذا من حقه نريد ان نرتقي الى مستوى تقبل الراي الاخر وعدم الانجراف الى الجدل الغير مجدي مع التحيات اخوكم يلطم ويرجع ليورة ههههههههههه نعيب زماننا والعيب فينا وما لزماننا عيب سوانا شجاني وطلعت هالطلعة مادري ههههههه اقصد من عفت شغلي وبيتي ومستقبلي وجيت هنا ونصدمت بالواقع الذي لم اكن اتوقعه كنت ارى بلجيكا عاصمة الاتحاد الاوربي وبلد المتعلمين وبلد لانسانية طلع الحجي هذا حجي جرايد طلع الدكتور الي بالعراق يجي هنا يشتغل حديقة ومن هالمال حمل اجمال ههههههههه

19

دردشة منتدى الهجرة واللاجئين / رد: للاذكياء فقط

« في: 14:21 11/02/2012  »

تعال لبلجيكا وشوف الي شفته وعاني المعاناة الي عشتهة وتكوم بعد ابد متسال اني شخصيا كمت اقرا الديك حمار لتزعل مني اشاقيك لان واصل مرحلة بس الله يدري بيهة طافرة روحي وكرهت اليوم الي نولدت بي لو بس ينطوني نتيجة شماجانت مو ورة سنة يكولولي رفض مع السلامة لو هسة ينطوني رفض هم رحمة اتلاحك لنفسي اشوفي صرفة مو كاعد انتضر سنة ونتيجة ماكو لحد هسة

20

الهجرة و واللاجئين / رد: النمسا / فرنسا / لوكسمبورغ /بلجيكا بلان B (شنكن)

« في: 18:10 08/02/2012  »

وين اخوي ارمي سترونك مو صرت جيران السفير البلجيكي وبتليت على عمري لحد هسة اقامة ماكو راح يصير سنة كاملة ارمي اخوي وين صفت بيك الدنيا انت اني واحد من اصدقائك القدماء الي ندمان اشد الندم اجيت لبلجيكا ارجو التواصل معي ارسل لي على الخاص اريد اعرفك بنفسي

21

الهجرة و واللاجئين / رد: نداء استغاثة من مهاجرين عراقيين

« في: 17:46 08/02/2012  »

وينة المالكي الي حاير يدور ورة اللاجئين يريد يرجعهم للعراق اشو نسة ربعة الايرانيين ميديرلهم بال بالمناسبة من يوم جية النجيفي وسيد حاكم الزاملي المجرم السفاح الى بلجيكا في صيف السنة الماضية الى بلجيكا تغيرت امور اللاجئين الى الاسوء وهاهم اللاجئون يقطفون مرار وعذاب جيتهم لبروكسل الله لا يوفقهم ولا يرحمهم ومثل ميعذبونه الله ينتقم منهم

22

الهجرة و واللاجئين / رد: نصيحه للي يريد يشتغل بامريكا

« في: 17:41 08/02/2012  »

والل اخوي العرب اهل الكرم كلامك منطقي ويستحق الاحترام وانا شخصيا سأحاول الالتزام به وانشاء الله سوف لن اتكلم عن احد بسوء ولا اعمم وعلى كولة المثل ماكو زور يخلة من الواوية

23

دردشة منتدى الهجرة واللاجئين / رد: اغلاق منتدى الهجرة واللاجئين

« في: 03:43 08/02/2012  »

كل خير انشاء الله الخير والموفقية للجميع اعضاء ومشرفين تحياتي للجميع يارب يجمع شمل الكل وية عوائلهم ونصير خلال فترة قصيرة احسن من الامارات ليش لا وقائدنة الضرورة الجديد ابو السبح موجود شيشلعه بعد من الكرسي اكيد شايفين التسجيل مالته من يكول ليش هوة اكو احد يكدر ياخذهة حتى ننطيهة شوفو الرابط التالي الله عليكم وقبض من دبش ياعراق
http://www.youtube.com/watch?v=0M8Webn1OWk

24

الهجرة و واللاجئين / رد: نداء استغاثة من مهاجرين عراقيين

« في: 03:36 08/02/2012  »

خلي يفيدكم حزب الدعوة وايران مو تحبوهم خلي ياكلون المالكي وربعة يضربن بهال المليارات وانتو ضلو صيحو شوفو منو راح يسمعلكم مع تمنياتي لكم بالرفج القريب ربي يهدينة ويهديكم ويخلصكم من ايران ومن كل دجال

25

الهجرة و واللاجئين / رد: نصيحه للي يريد يشتغل بامريكا

« في: 03:17 08/02/2012  »

واني سكنت بسنتر لاجئين اقسم بالله العظيم كرهت فلسطين وصار شعاري تحيا اسرائيل من ورة فلسطيني رجال عمرة 64 سنة شوفني اجدادي منو يصدك فوك التسعة اشهر مغسل بالحمام ولا مرة وكشفته يبول بالمغسلة بداخل الغرفة ويدخن او قمة الوصاخة والريحة التعبانة وتاليهة اتعاركت ويا لان بالصلاة مالته بدا يدعي عليه ويكول اللهم لاتفرج كربته فاني هم بعد ما اتحمل نزلت بي شريط بس شنو والله دمرني شحجيلكم وشكول محد عاش ماساتي حتى يفتهمني مع الاسف الكثير من العرب وليس كلهم يغارون من العراقي ويتشفون فيه عندما يروه بحال سيئة ومع الاسف اذا اكو شعب لئيم حشى الزينين فهمة الفلسطينيين لان يشعرون بالنقص صادفت 5 نماذج منهم واحد منهم الشفية الي عشت ويا منو يصدك هذا يبوك من السوبرماركتات ويبوك اكل اللاجئين وخواشيكهم ومواعينهم ويدور بنات وميستحي طلع صاحبنة سائق تكسي في غزة سابقا وخبصني ينطيني محاضرات دينية يكول اني معلم تربية اسلامية اعذروني على اللفظ بحياتي مشفت اقذر منه

26

الهجرة و واللاجئين / رد: شهـــــــــــر منذ وصــــــــــــــولي الى ولاية كالفـــــــورنيا الامريكية

« في: 02:20 02/02/2012  »

اخي الف مبروك وتستاهل كل الخير ربي يوفقك وينجحك في مشوارك زين ماسويت رحت امريكا ما اجيت لبلجيكا مقبرة العقول العراقية بلجيكا للفاشل جنة مع احتراماتي للطيبين مو قصدي اجرح بس مع الاسف الي شفته واشوفة الي ميفتهم ومخربط ركع 5 سنوات ياخذ والي متعلم وتعبان على نفسة تعيش اذا ينطو اقامة اذا ميشوف اجداد اجدادة واحتمال وارد جدا يحصل سنة اني اعترف نضرتي تشاؤمية لان الي شفته مو قليل نمت بغرف في مراكز لجوء وصلت مرحلة صرت ابول على نفسي وشبعت امراض وجوع ومذلة فيا اخي هنيالك واتمنى لك السعادة والحياة الرغيدة

27

الهجرة و واللاجئين / رد: وداعا بلجيكا اهلا فلندا

« في: 02:11 02/02/2012  »

اريد الطم وما بالحيل كوة اعض اشفافي والاصابع كوة وراسي انترس شيب كوة شجاكم يا لحكنة اللطم كوة عفت اهلي وجيت واريد الطم لطم كوة والله لو تدرون يامرحلة وصلت جان عذرتوني

28

الهجرة و واللاجئين / رد: وداعا بلجيكا اهلا فلندا

« في: 01:49 02/02/2012  »

ساريت لو رايح اني لفلندا ولا بلجيكا الغبرة عشرة اشهر ونصف ولم استلم نتيجة لحد الان والقوانيين تزداد تعقيدا والامل مفقود ياترى بعد هذا الانتضار الطويل ماذا ستكون النتيجة صدقوني لقد اصابني اليأس وكرهت بلجيكا واللجوء اكتشفت بأن العالم الغربي ليس عنده انسانية فالانسانية عندهم فقط في الصحف وبرامج التلفزيون مليت من العنصرية والله لم ارى مذلة كالتي رأيتها هنا في بلجيكا رأيت الوان واشكال البشر وسكنت مع اسوء نماذج اللاجئين  ويقول هذا لايريد الخير لنا ان احاول ان اكون حذر في اقتناء الالفاظ واتحدث عن تجربتي الشخصية وليس لي علاقة بتجربة غيري الذي لربما كان انسان فاشل في العراق وخرج وحصل على اقامة في بلجيكا وكاضيهية نوم للضهر وياخذ فلوس من OCMW ويدور منضمات تنطي مساعدات ومخلص وقته طربكة وديسكوات ويضرب فج وية اصدقائة اني شخصيا ندمان ندم حقيقي لان اجيت لهذا البلد ومرحت لامريكا برغم الكلام الي اسمعه عن صعوبة الحياة في امريكا تحياتي وشكرا

29

الهجرة و واللاجئين / رد: iom والحلم المنشود ...........لسنه 2012

« في: 22:47 31/01/2012  »

انشاء الله يارب يطلع الخبر صحيح وفرح كل لاجيء ويهنأ بحياة سعيدة